Carlsen, Anand og McShane efstir í London - Þröstur með jafntefli

Sem fyrr er fjörlega teflt í London og enn urðu hrein úrslit hjá Carlsen (2802) þegar hann vann Howell (2611).   Nakamura (2741) vann Short (2680) sem virðist heillum horfinn.   Carlsen er efstur með 9 stig ásamt Anand (2804) og McShane (2645) sem gerðu jafntefli í innbyrðis viðureign.   Nakamura og Kramnik (2791) koma næstir með 8 stig.   Þröstur Þórhallsson (2367) gerði jafntefli við ísraelska stórmeistarann Alon Greenfeld (2564) í opnum flokki.   Frí er í aðalmótinu á morgun en tvær umferðir fara fram í opna flokknum.

Staðan:

• 1.-3. Carlsen, Anand og McShane 9 stig
• 4.-5. Nakamura og Kramnik 8 stig
• 6. Adams 6 stig
• 7. Howell 2 stig
• 8. Short 1 stig

Gefin eru 3 stig fyrir sigur og 1 fyrir jafntefli í aðalmótinu.

FIDE Open:

Þröstur hefur 3½ vinning í opna flokknum og er í 22.-37. sæti.   Í fyrri umferðinni á morgun teflir hann við stigalágan andstæðing.  Efstir með fullt hús eru stórmeistarinn Simon Williams (2493), Englandi, og alþjóðlegi meistarinn Gavin Wall (2325), Írlandi.   

Almennt um mótin:

Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).  Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)