Carlsen vann Nakamura - McShane og Anand efstir - Þröstur með jafntefli

Carlsen (2802) vann Nakamura (2741) í fjórðu umferð London Chess Classic sem fram fór í dag og virðist ekki vera í miklum jafnteflisgír, ávallt hrein úrslit hjá Norðmanninum.  Anand (2804) vann Short (2680) og Kramnik (2791) vann Howell (2611).   Mchane (2645), sem gerði jafntefli við Adams (2723) er efstur ásamt Anand með 8 stig.  Kramnik er þriðji með 7 stig.   

Staðan:

• 1.-2. McShane og Anand 8 st. (3 v.)
• 3. Kramnik 8 st. (2,5 v.)
• 4. Carlsen 6 st (2 v.)
• 5.-.6. Nakamura og Adams 5 st. (2 v.)
• 7. Howell 2 st. (1 v.)
• 8. Short 1 st. (0,5 v.)

Gefin eru 3 stig fyrir sigur og 1 fyrir jafntefli í aðalmótinu.

FIDE Open:

Þröstur Þórhallsson (2367) gerði jafntefli við  indverska alþjóðlega meistarann Saptarshi Roy Chowdhury (2448) í dag.   Þröstur hefur 3 vinninga og er í 9.-39. sæti.  Í fimmtu umferð, sem fram fer á morgun, teflir Þröstur við ísraelska stórmeistarann Alon Greenfeld (2564).   Skákin verður sýnd beint og hefst kl. 14:30.  Hana má nálgast hér.

Almennt um mótin:

Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).  Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)