Anand vann Carlsen - Þröstur vann

Anand (2804) vann Carlsen (2802) í uppgjöri tveggja stigahæstu skákmanna heims í fjórðu umferð London Chess Classic sem fram fór í dag.   Öðrum skákum lauk með jafntefli.  McShane er efstur með 7 stig (2,5 v.).   Nakamura (2741) og Anand koma næstir með 5 stig (2 v.).   Þröstur Þórhallsson, sem teflir í opnum flokki, sigraði í sinni skák og hefur 2,5 vinning.

Staðan:

• 1. McShane 7 st. (2,5 v.)
• 2.-3.Nakamura og Anand 5 st. (2 v.)
• 4.-5. Kramnikog Adams 4 st. (1,5 v.
• 6. Carlsen 3 st. (1 v.)
• 7. Howell 2 st. (1 v.)
• 8. Short 1 st. (0,4 v.)

Gefin eru 3 stig fyrir sigur og 1 fyrir jafntefli í aðalmótinu.

FIDE Open:

Stórmeistarinn Þröstur Þórhallsson (2367) sigraði Nígeríumanninn Chideu Maduekwe (2185) í þriðju umferð og hefur 2,5 vinning og er í 11.-22. sæti.   Í fjórðu umferð, sem fram fer á morgun, teflir Þröstur við indverska alþjóðlega meistarann Saptarshi Roy Chowdhury (2448).   

Almennt um mótin:

Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).  Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)