Íslandsmótið í atskák hefst á laugardag

Íslandsmót í atskák 2009 fer fram laugardag og sunnudag, 27.-28. nóvember í húsnæði Taflfélags Reykjavíkur að Faxafeni 12.  Tefldar verða tvær 25 mínútna skákir og verði jafnt skal tefla 7 mínútna bráðabana þar til hreins úrslit fást.   Upphafi mótsins hefur verið frestað til kl. 13:30 til að koma til móts við keppendur sem einnig vilja taka þátt í Torg-móti Fjölnis.

Öllum er heimil þátttaka!

Dagskrá mótsins:

• Laugardagur 27. nóvember, kl. 13:30, 1. umferð
• Laugardagur 27. nóvember, kl. 15:30, 2. umferð
• Laugardagur 27. nóvember, kl. 17.30, 3. umferð
• Sunnudagur 28. nóvember, kl. 13:00, 4. umferð
• Sunnudagur 28. nóvember, kl. 15.00, 5. umferð

Dagskráin gæti hnikast til dragist einstök einvígi á langinn.  Úrslitaeinvígið verður teflt í desember 2010 - febrúar 2011.

Verðlaun:       

• 1. verðlaun      kr.   50.000.-
• 2. verðlaun      kr.   25.000.-
• 3.-4. verðlaun  kr.   12.500.-
• 5.-8. verðlaun  kr.     2.500.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

Skráning fer eingöngu fram á Skák.is.   Nauðsynlegt er að skrá sig fyrir kl. 11 á laugardag til að geta tekið þátt.

Núverandi Íslandsmeistari í atskák er Arnar E. Gunnarsson. 

Upplýsingar um skráða keppendur má nálgast hér.

Athugasemdir

[Arnar E. Gunnarsson (IP-tala skráð) 26.11.2010 kl. 00:12]

Eru þessi verðlaun eitthvað grín?

Verða úrslitin sýnd í sjónvarpi í ár eða klúðraði stjórn S.Í. þessu með fyrirhyggjuleysi?

[Kristján Örn Elíasson (IP-tala skráð) 26.11.2010 kl. 11:26]

Arnar, steigurlæti hæfir ekki núverandi Íslandsmeistara. Það eru svona viðhorf sem draga úr atorku manna sem vinna þetta starf í sjálfboðavinnu. Vonandi verða úrslitin sýnd í sjónvarpi en hin forsjálna stjórn SÍ vinnur í málinu. 

[Arnar E. Gunnarsson (IP-tala skráð) 26.11.2010 kl. 15:39]

Menn geta nú ekki alltaf lagt fram sjálfboðavinnu spilið út sem tromp. Þó það sé smá kreppa þá er óþarfi að downgreida þetta mót svona svakalega. Það er yfirlýst stefna íþróttadeildar RÚV næstu ár að gera jaðaríþróttum meira undir höfði í sjónvarpi. Hví er skákin þá að missa þetta sæti sitt?

Hversvegna eru líka undarásirnar ekki haldnar fyrr á árinu svo menn þurfi ekki að vera í algeru tímahraki og hræðilegri samningsaðstöðu í nóv-des með úrslitaeinvígið?  

Ég er langtífrá sá eini sem er stórundrandi á þessum verðlaunum. Það hefur t.d. mikið verið hlegið að þessum 2500kr sem eru í boði fyrir 5-8.sæti.

Ég veit ekki hvort ég hafi áhuga á að verja titilinn fyrst verðlaunin eru svona lág og algerlega óvisst hvort úrslitaeinvígið verði sýnt í sjónvarpi.