Tómas Veigar og Jóhann Óli efstir á Haustmóti SA

Þriðja umferð haustmótsins var tefld í gær. Margar áhugaverðar skákir litu dagsins ljós; mönnum var fórnað, upp komu þvinguð endatöfl og skemmtileg mátstef. Siglfirðingurinn brosti blítt eftir að hafa ekið um Héðinsfjarðargöngin og unnið tempó í Ólafsfjarðargöngunum á leið sinni til Akureyrar.

Andri Freyr Björgvinsson (1260) átti að öðrum ólöstuðum skák dagsins þegar hann lagði Mikael Jóhann (1825) að velli. Andri hóf skákina af ákveðni og fór í mikla sókn gegn kóngi Mikaels. Upp kom flókin staða þar sem svartur átti góð færi á að snúa taflinu sér í vil, en eftir örlitla ónákvæmni svarts náði Andri að koma sér upp vinningsstöðu.

Úrslit:

Andri Freyr Björgvinsson - Mikael Jóhann Karlsson             1- 0
Jakob Sævar Sigurðsson - Haukur H. Jónsson                     1- 0
Jóhann Óli Eiðsson - Jón Magnússon                                   1- 0
Tómas Veigar Sigurðarson - Hersteinn Heiðarsson               1- 0
Jón Kristinn Þorgeirsson - Sigurður Arnarson                       0- 1

Staðan:

Tómas Veigar Sigurðarson                                         3
Jóhann Óli Eiðsson                                                   3
Andri Freyr Björgvinsson                                          2
Sigurður Arnarson                                                    2
Jón Kristinn Þorgeirsson                                           1½
Jakob Sævar Sigurðsson                                           1½
Mikael Jóhann Karlsson                                            1
Hersteinn Bjarki Heiðarsson                                      1

Í næstu umferð mætast:

Jón Magnússon - Sigurður Arnarson
Haukur H. Jónsson - Jón Kristinn Þorgeirsson
Hersteinn Heiðarsson - Jakob Sævar Sigurðsson
Mikael Jóhann Karlsson - Tómas Veigar Sigurðarson
Jóhann Óli Eiðsson - Andri Freyr Björgvinsson

• Heimasíða SA
• Chess-Results