MP Reykjavíkurskákmótið hefst kl. 15 í dag

 

 

 

MP Reykjavíkurskákmótið 2010 er 25. mótið í sögu Reykjavíkurskákmótanna.  Mótið hefst í dag miðvikudaginn 24. febrúar og lýkur þann 3. mars.  Mótið er fram í Ráðhúsi Reykjavíkur.  106 skákmenn taka þátt og þar af eru 22 stórmeistarar.   Um helmingur þeirra kemur erlendis frá, alls frá 22 löndum löndum og m.a. frá öllum Norðurlöndunum, Eystrasaltslöndunum, ýmsum öðrum Evrópulöndum, Úkraínu, Indlandi og Bandaríkjunum.  

Ath. Pörun fyrstu umferðar verður birt á milli 12 og 13 í dag.

Margir af sterkustu skákmönnum heims taka þátt og má þar nefna bosníska stórmeistarann Ivan Sokolov sem hefur þrívegis sigrað á sterkum alþjóðlegum mótum hérlendis, og þar á meðal á Mjólkurskákmótum Hróksins árin 2003 og 2004, og stórmeistarann Alexei Dreev sem var fastamaður í sterkasta skáklandsliði heims, því rússneska um langt árabil og var meðal sigurvegara á Reykjavíkurskákmótinu árið 2004.    Stigahæstur keppenda er hins vegar úkraínski stórmeistarinn Vladimir Baklan sem hefur verið þjálfari af ýmsum mestu efnum Úkraínubúa.

Einnig taka þátt margar af sterkustu skákkonum heims og má þar t.d. nefna hina bandarísku Irina Krush sem er fastamaður í bandaríska skáklandsliðinu, einu því sterkasta í heimi, og þrjár indverskar skákdrottningar en Indverjar hafa á að skipa sjötta sterkasta kvennalandsliði heims.  

Ungir og efnilegir skákmenn setja svip sinn á mótið og má þar nefna Illya Nyzhnyk frá Úkraínu sem er 14 ára og sterkasti skákmaður heims í þeim aldursflokki.  Nyzhnyk vantar aðeins einn stórmeistaraáfanga og stefnir að því að verða stórmeistari í skák á Íslandi!  

Landi hans stórmeistarinn Yuriy Kuzubov er aðeins tvítugur en engu að síður meðal stigahæstu keppenda mótsins og líklegur til afreka.  

Eftirtektarverðustu keppendur mótsins eru frá Perú.  Það eru Cori-systkinin,Jorge (14 ára) og Deyzi (16 ára).  Þau urðu bæði heimsmeistarar á HM unglinga sem fram fór í haust hvort í sínum aldursflokki.   Jorge er yngsti stórmeistari í heimi í dag.

Svo má ekki gleyma goðsögninni Oleg Romanishin sem náði þeim einstaka árangri að tefla með sovéska landsliðinu þegar það var upp á sitt besta og hefur unnið nokkur gull með úkraínska landsliðinu.  

Þátt taka nánast allir sterkustu skákmenn landsins eins og t.d. Hannes Hlífar Stefánsson, tífaldur Íslandsmeistari og sigurvegari á Reykjavíkurskákmótinu síðustu tvö ár og Henrik Danielsen núverandi Íslandsmeistari.   Svo má ekki gleyma hinum hefðbundna áhugamanni en meðal keppenda keppenda eru barnalæknir og lyfjafræðingur sem ætla að reyna sig í keppni við hina bestu!  

Skákskýringar verða á skákstað á hverjum degi og verða í umsjón eldri skákmeistara sem hafa lagt keppnisskónna að mestu á hilluna en hafa engu gleymt.  Má nefna að stórmeistararnir Jóhann Hjartarson og Helgi Ólafsson hafa þegar boðað að þeir muni skýra skákir í einstaka umferðum.   Boðið verður á beinar útsendingar á vefsíðu mótsins, www.chess.is.   

Samhliða mótinu verða alls konar hliðarviðburðir.  Hæst ber Reykjavík Barnablitz í umsjón Skákakademíu Reykjavíkur sem fram fer á sunnudag en þá kljást sterkustu börnin (12 ára og yngri) um Reykjavíkurmeistaratitil barna í hraðskák.  

Setning sjálfs MP Reykjavíkurmótsins hefst um 15.  Þá verður skrifað undir þriggja ára samstarfssamning Skáksambandsins og MP banka en mótið mun bera nafn bankans 3 næstu árin.  Tónlistaratriði verður svo þar sem tveir keppendur á mótinu þær Hallgerður Helga Þorsteinsdóttir og Sigríður Björg Helgadóttir spila á fiðlu og Arnbjörg Arnardóttir spilar á píanó.   Allar eru þær í 4. bekk (öðru ári) í Menntaskólanum í Reykjavík.  Borgarstjórinn í Reykjavík, Hanna Birna Kristjánsdóttir, mun svo setja mótið og leika fyrsta leik þess.     

Reykjavíkurskákmótið var fyrst haldið 1964 og hefur verið haldið á tveggja ára fresti en var fyrst haldið á oddatöluári í fyrra.   Margir af sterkustu skákmönnum heims hafa tekið þátt í Reykjavíkurmótinu og má þar nefna heimsmeistarana Tal og Smyslov.  Einnig hafa þekktir skákmenn eins og Korchnoi, Bronstein, Larsen, Short, Shirov og norski undradrenginn Magnus Carlsen sem nú er stigahæsti skákmaður heims tekið þátt í Reykjavíkurskákmótinu. 

Heimasíða mótsins.

Keppendalistinn:

 

SNo.		Name	IRtg	FED
1	GM	Vladimir Baklan	2654	UKR
2	GM	Alexey Dreev	2650	RUS
3	GM	Ivan Sokolov	2649	BIH
4	GM	Yuriy Kuzubov	2634	UKR
5	GM	Yuri Shulman	2624	USA
6	GM	Jaan Ehlvest	2600	USA
7	GM	Tiger Hillarp Persson	2581	SWE
8	GM	Abhijeet Gupta	2577	IND
9	GM	Hannes Stefansson	2574	ISL
10	IM	Alex Lenderman	2560	USA
11	GM	Sebastien Maze	2554	FRA
12	GM	Aloyzas Kveinys	2536	LTU
13	GM	Igor-Alexandre Nataf	2534	FRA
14	GM	Normunds Miezis	2533	LAT
15	GM	Artur Kogan	2524	ISR
16	IM	Nils Grandelius	2515	SWE
17	GM	Oleg M Romanishin	2512	UKR
18	GM	Henrik Danielsen	2495	ISL
19	IM	Illya Nyzhnyk	2495	UKR
20	GM	Luis Galego	2487	POR
21	IM	Jorge Cori	2483	PER
22	IM	Dronavalli Harika	2471	IND
23	GM	Mikhail M Ivanov	2465	RUS
24	IM	Irina Krush	2455	USA
25	IM	Drasko Boskovic	2454	SRB
26	FM	Sahaj Grover	2448	IND
27	IM	Thorbjorn Bromann	2434	DEN
28	IM	Jon Viktor Gunnarsson	2429	ISL
29	GM	Throstur Thorhallsson	2426	ISL
30	WIM	Deysi Cori T	2412	PER
31	WGM	Eesha Karavade	2405	IND
32	IM	Bragi Thorfinnsson	2398	ISL
33	IM	Sachdev Tania	2398	IND
34	IM	Gudmundur Kjartansson	2391	ISL
35	IM	Bjorn Thorfinnsson	2383	ISL
36	IM	Dagur Arngrimsson	2383	ISL
37		Gudmundur Gislason	2382	ISL
38	IM	Simon T Ansell	2381	ENG
39	IM	Vishal Sareen	2364	IND
40	FM	Andrie Zaremba	2360	USA
41		Hjorvar Steinn Gretarsson	2358	ISL
42	FM	Heini Olsen	2355	FAI
43	FM	Robert Lagerman	2347	ISL
44	GM	Heikki M J Westerinen	2333	FIN
45	FM	Ingvar Thor Johannesson	2330	ISL
46	FM	Jacob Carstensen	2317	DEN
47	FM	Sigurbjorn Bjornsson	2317	ISL
48	WGM	Lenka Ptacnikova	2315	ISL
49	FM	Thorsteinn Thorsteinsson	2278	ISL
50	FM	Ian D Thompson	2266	ENG
51	FM	Halldor Einarsson	2260	ISL
52	FM	John D Bick	2248	USA
53		Thorvardur Olafsson	2217	ISL
54	WFM	Fiona Steil-Antoni	2198	LUX
55		Gudmundur Halldorsson	2197	ISL
56		Jon Arni Halldorsson	2189	ISL
57		Ronny Lukman	2188	INA
58		Sverrir Thorgeirsson	2176	ISL
59	IM	Saevar Bjarnason	2164	ISL
60	WFM	Viktorija Ni	2162	LAT
61		Bjarni Hjartarson	2162	ISL
62		Manuel Ocantos	2158	LUX
63		Edmund C Player	2156	ENG
64	FM	Tomas Bjornsson	2155	ISL
65		Johann Ragnarsson	2140	ISL
66	WIM	Christin Andersson	2135	SWE
67		Johann Ingvason	2132	ISL
68		Dadi Omarsson	2131	ISL
69		Fernando De Andres Gonalons	2124	ESP
70		Erlingur Thorsteinsson	2123	ISL
71		Philip Tozer	2119	ENG
72		Stefan Bergsson	2079	ISL
73		Alexander R Flaata	2069	NOR
74		Odd Martin Guttulsrud	2061	NOR
75		Wolfgang Scholzen	2040	GER
76	WFM	Sylvia Johnsen	2032	NOR
77		Eric Vaarala	2032	SWE
78		Sverrir Sigurdsson	2016	ISL
79		Esben Christensen	2008	DEN
80		Juergen Kleinert	2004	GER
81	WFM	Maria S Yurenok	1974	ENG
82		Helgi Brynjarsson	1964	ISL
83		Sverrir Unnarsson	1958	ISL
84		Hallgerdur Thorsteinsdottir	1946	ISL
85		Tor Botheim	1944	NOR
86		Frimann Benediktsson	1930	ISL
87		Hordur Gardarsson	1888	ISL
88		Olafur Gisli Jonsson	1872	ISL
89		Thorsteinn Leifsson	1821	ISL
90		Sigurl  Regin Fridthjofsdottir	1809	ISL
91		Jon Olav Fivelstad	1800	NOR
92		Nokkvi Sverrisson	1784	ISL
93		Svanberg Mar Palsson	1769	ISL
94		Tinna Kristin Finnbogadottir	1750	ISL
95		Sigridur Bjorg Helgadottir	1725	ISL
96		Elsa Maria Kristinardottir	1720	ISL
97		Atli Antonsson	1716	ISL
98		Mikael Johann Karlsson	1714	ISL
99		Orn Leo Johannsson	1710	ISL
100		Johanna Bjorg Johannsdottir	1705	ISL
101		Eirikur Orn Brynjarsson	1653	ISL
102		Emil Sigurdarson	1609	ISL
103		Pall Andrason	1587	ISL
104		Gudmundur Kristinn Lee	1534	ISL
105		Dagur Kjartansson	1485	ISL
106		Birkir Karl Sigurdsson	1446	ISL