Skák Ofsi (Chess Fury)

Skemmtileg stuttmynd (video) frá kappskák í KR-klúbbnum sl. vetur, þar sem skákgleðin ein ræður ríkjum, auk einbeitts sigurvilja, er komin á YouTube, þar sem hægt er að skoða hana í hárri upplausn og fullri skjástærð.  

Fjallað var um Skákherdeild KR í síðasta hefti (3/2011) af „New in Chess",  einu vinsælasta og útbreiddasta skáktímariti heims, í ítarlegri grein sem liðsmaður hennar Robert Hess, stórmeistari, skrifaði um þátttöku sína í MP-Reykjavíkurskákmótinu og Íslandsmóti skákfélaga nú í vetur og reynslu sína af KR-ingum.

Í greinninni, sem ber fyrirsögnina „Not even the warm-up games are easy in Iceland" og þekur einar 8 síður í ritinu, fer Robert Hess fögrum orðum um land og þjóð, mótshaldið og hinn mikla skákáhuga hér. Hann lýsir m.a. heimsókn sinni á lögmannsstofu Kristjáns Stefánssonar í fylgd Einars Ess, sem lét þessi orð falla við hann, eftir að greinarhöfundur hafði komist í hann krappan í tveimur hraðskákum við formanninn.   Hess lýsir þátttöku sinni í hraðskákmóti KR, sem mjög áhrifaríkri reynslu og einu því eftirminnilegasta sem fyrir hann hafi borið í ferðinni,  þar sem hátt í 30 keppendur, margir á sjötugsaldri eða eldri, létu sér ekki muna um að telfa 13 kappskákir  innbyrðis og við sér langtum yngri menn í yfir 3 tíma án þess að blása úr nös.  

Dirk Jan ten Geusendam, aðalritstjóri NIC, hefur lýst yfir mikilli ánægju sinni við undirritaðarn yfir þessari ágætu grein í léttum dúr um skák á Íslandi, en henni fylgja margar myndir og skákskýringar.

Myndbandið  „Skák Ofsi",  sem  hér fylgir með, er sett saman úr ljósmyndum frá 2 skákkvöldum í KR í mars. Það lýsir mjög vel þeirri miklu ákefð sem fylgir taflmennsku sannra ástríðuskákmanna þegar hinn einbeitti sigurvilji ber þá allt að því ofurliði og ánægjunni yfir því að telfa skák halda engin bönd.

 Meira á :  www.kr.is (skák)

Smári Ólafsson bar sigur úr býtum á 10 mínútna móti

Í gær fór fram 10 mínútna mót hjá félaginu. 13 skákmenn mættu til leiks og tefldu einfalda umferð, allir við alla.

Smári Ólafsson var hlutskarpastur keppenda og vann með 10 vinninga af 12 mögulegum. Ólafur Kristjánsson kom næstur með 9 vinninga og þrír keppendur deila 3.-5. sætinu með 8,5 vinninga hver.

Liðsauki barst úr ólíklegri átt, en Wylie Wilson sem er hér á landi í sumarfríi, heyrði af mótinu í flugvél á leið sinni til Akureyrar í gærmorgun og tók að sjálfsögðu stefnuna beint á félagsheimili SA.

 

Lokastaða efstu manna:

Smári Ólafsson                                  10 vinningar af 12
Ólafur Kristjánsson                            9
Jón Kristinn Þorgeirsson                    8,5
Sigurður Eiríksson                             8,5
Haki Jóhannesson                              8,5
Karl Steingrímsson                            8
Atli Benediktsson                              7

Heimasíða SA

Bolvíkingar sigursælir á keppnistímabilinu 2010-11

Halldór Grétar Einarsson hefur tekið saman árangur Bolvíkinga á keppnistímabilinu 2010-11 sem var stórgóður.  Bæði þá árangur félagsins í keppnum og ekki síður árangur félagsmanna á hinum ýmsum mótum. 

Pistilinn má finna á heimasíðu TB.

Einar Hjalti fer á kostum á Skemmtikvöldum Goðans

Einar Hjalti Jensson fór á kostum á skemmtikvöld Goðans að fram kemur í frásögn Jóns Þorvaldssonar á heimasíðu Goðans.

Það segir m.a.:

Einar Hjalti hefur lag á að hrífa félaga sína með sér í krafti jákvæðni og félagsþroska. Sú lyndiseinkunn fellur vel að þingeyskri hugmyndafræði Hermanns formanns og félaga sem leggja áherslu á glaðværð og skemmtilegt samneyti. Það á alltaf að vera gaman í Goðanum -   þar gildir einu hvort menn eru að spjalla saman í mesta bróðerni eða berast á banaspjót á vígvelli skákborðsins. 

Frásögnina má finna í heild sinni á heimasíðu Goðans.

Vigfús sigraði á hraðkvöldi Hellis

Vigfús Ó. Vigfússon sigraði á hraðkvöldi Helli sem fram fór 6. júní sl. Vigfús fékk 6,5v í sjö skákum og leyfði aðeins jafntefli í skákinni við Jón Úlfljótsson. Jón hlaut annað sætið með 5,5v og þriðji varð Sigurður Ingason með 5v. Í lokin var svo Dagur Ragnarsson dreginn út og hlaut að launum pizzumiða frá Dominos eins og sigurvegarinn.

 Lokastaðan:

Röð	Nafn	Stig	V.	TB1	TB2	TB3
1	Vigfusson Vigfus	2001	6,5	28	20	25,3
2	Ulfljotsson Jon	1875	5,5	28	20	19,8
3	Ingason Sigurdur	1924	5	26	19	15,5
4	Kristinardottir Elsa Maria	1708	4	31	22	13,5
5	Ragnarsson Dagur	1718	4	28	20	11,5
6	Ragnarsson Hermann	0	4	24	16	7,5
7	Sigurvaldason Hjalmar	0	3	24	17	6,5
8	Hermannsson Ragnar	0	3	22	15	5
9	Steinthorsson Felix	0	2,5	22	15	3,75
10	Kristbergsson Bjorgvin	0	2	20	14	4
11	Bragason Gudmundur Agnar	0	1,5	21	15	3,25
12	Thoroddsen Bragi	0	1	22	16	1,5

 

Þrefaldur sigur í Búdapest í dag - Hjörvar sigraði stórmeistara og er í 1.-3. sæti

Þrefaldur sigur vannst í Búdapest í dag en Hjörvar Steinn Grétarsson (2422), sem teflir í SM-flokki, Daði Ómarsson (2225), sem teflir í AM-flokki, og Nökkvi Sverrisson (1881), sem teflir í FM-flokki, unnu allir sínar skákir.  Hjörvar vann ungverska stórmeistarann David Berczes (2531), Daði sigraði Benjamin Foo (2195), frá Singapore, og Nökkvi lagði Víetnamann Tran Minh Thang (2101).   Hjörvar og Nökkvi hafa 3½ vinning og Daði hefur 2½ vinning.  Hjörvar hefur teflt 5 skákir en hinir 6 skákir.  

Hjörvar er í 1.-3. sæti, Daði í 8.-10. sæti og Nökkvi er í 2.-6. sæti.

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Björn Víkingur sleginn til riddara

Á kappskákardegi Riddarans, skákklúbbs eldri borgara á Höfuðborgarsvæðinu, var hinn aldni höfðingi og skákmeistari Björn Víkingur Þórðarson sæmdur stór- og heiðursriddara nafnbót og sleginn formlega til riddara við hátíðlega athöfn.

Björn Víkingur sem er áttræður um þessar mundir (10. Júní) hefur teflt í hópi Riddaranna í Hafnarfirði frá öndverðu (1998) til þessa dags við góðan orðstír og jafnan verið hrókur alls fagnaðar. 

Björn er einn af kunnari skákmönnum landsins enda sterkur meistaraflokksmaður úr TR þar sem hann var virkur þátttakandi í mótum um áratugaskeið.  Hann tók þátt í NM öldunga í Frederikstad 2001 með góðum árangri og verður  með í mótinu hér í September.

Það var Einar S. Einarsson, erkiriddari skákklúbbsins,  sem sló Björn Víking til riddara með pomp og prakt,  með þakklæti og virðingu fyrir :

> í fyrsta lagi: framlag hans til klúbbstarfsins;

> í öðru lagi: drengskap hans og "fórnfýsi"

> í þriðja lagi : hugkvæmni hans og háttvísi

> í fjórða lagi : fyrir snilli hans á skákborðinu

Vitundarvottar voru þeir Sr. Gunnþór Ingason, verndari klúbbsins og Sigurberg H. Elentínusson, sem báðir hafa áður verið slegnir til heiðursriddara.

Um 20 keppendur tók þátt í hinum vikulega tafldegi Riddarans í gær, ævinlega á miðvikudögum kl. 13-17 allan ársins hring.

Nánar á www.riddarinn.net.

Myndaalbúm (ESE)

Daði og Nökkvi með jafntefli í fimmtu umferð

Daði Ómarsson (2225), sem teflir í AM-flokki, og Nökkvi Sverrisson (1881), sem teflir í FM-flokki, gerðu báðir jafntefli í fimmtu umferð First Saturday-mótsins sem fram fór í dag.  Frídagur var í SM-flokki þar sem Hjörvar Steinn Grétarsson (2422) teflir.  Hjörvar og Nökkvi hafa 2½ vinning en Daði hefur 1½ vinning.  Hjörvar hefur hins vegar aðeins teflt fjórar skákir en hinir 5 skákir.  

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Hjörvar og Nökkvi unnu í fjórðu umferð

Hjörvar Steinn Grétarsson (2422), sem teflir í SM-flokki, og Nökkvi Sverrisson (1881), sem teflir í FM-flokki, unnu báðir í 4. umferð First Saturday-mótsins sem fram fór í dag.  Hjörvar vann Þjóðverjann Daniel Sidentoph (2291) en Nökkvi vann Ítalann Raolu Bianchetti (1986).  Daði Ómarsson (2225), sem teflir í AM-flokki tapaði fyrir Kínverjanum Hou Qiang (2284).   Hjörvar hefur 2½ vinning, Nökkvi 2 vinninga en Daði hefur 1 vinning.  

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Fjöltefli í Háskóla unga fólksins

Það voru tíu efnilegir krakkar sem tóku þátt í fjöltefli við Róbert Lagerman þriðjudaginn 7. júní. Fjölteflið var hluti af dagskrá Háskóla unga fólksins sem fer fram þessa vikuna við Háskóla Íslands.

Fjölteflið fór fram fyrir utan Háskólatorg í ágætis veðri, nóg af sól allavega þótt það hafi verið smá gola. Róbert, sem hafði 30 mínútur á klukkunni, gaf engin grið og lagði alla andstæðinga sína að velli og fóru leikar því 10-0. Gaman var að sjá að meðal þátttakenda voru krakkar sem hafa fengið skákkennslu frá Skákakademíunni í sínum skólum. Sterkasti keppandinn var án efa Tara Sóley Mobee sem veitti Róbert hvað mesta keppni. 

Myndir  (SSB)

Video 1: http://www.youtube.com/watch?v=s-Q0zj1Xsig 

Video 2: http://www.youtube.com/watch?v=YKWv5Nd4Vbg