Brúðarkjólaleiga Katrínar - Daði Ómarsson sigraði á Mjóddarmóti Hellis

Daði Ómarsson sem tefldi fyrir Brúðarkjólaleigu Katrínar, sigraði með 6 vinningaí sjö skákum á fjölmennu og vel skipuðu Mjóddarmóti Hellis sem fram fór í gær.   Í 2.-3. sæti, með 5,5 vinning, urðu Sverrir Þorgeirsson (Nettó) og Hjörvar Steinn Grétarsson (Sorpa). 

Um var ræða metþátttöku en 43 skákmenn tóku þátt en 22 fyrirtæki voru með og styrktu mótið og sendu Taflfélaginu Helli afmælikveðjur í tilefni af  20 ára afmæli félagsins sem verður á morgun þann 27. júní.

Margir af yngstu og efnilegustu skákmönnum þjóðarinnar settu svip sinn á mót og voru mjög sigursælir á mótinu.  Ágætar aðstæður voru á skákstað en það gekk á með skúrum og sól þess á milli sem gerði skákmönnum að vísu stundum erfitt að finna andstæðing næstu umferðar.

Skákstjóri var Vigfús Ó. Vigfússon

Lokastaðan:

Röð	Nafn	Vinn.
1	Brúðarkjólaleiga Katrínar Daði Ómarsson	6
2-3	Nettó Sverrir Þorgeirsson	5,5
	Sorpa Hjörvar Steinn Grétarsson	5,5
4-7	Verslunin Prinsessan Tómas Björnsson	5
	Aríon Banki Guðmundur Kristinn Lee	5
	Landsbanki Íslands Hallgerður Helga Þorsteinsdóttir	5
	Gámaþjónustan Dagur Ragnarsson	5
8-11	Olís Sigurbjörn Björnsson	4,5
	Valitor Þorvarður F Olafsson	4,5
	Íslandsbanki Mjódd Halldór Pálsson	4,5
	G,M,Einarsson múrarameist Elsa María Kistínard,	4,5
12-19	HS Orka Sigurður Kristjánsson	4
	Staðarskáli Birkir Karl Sigurðsson	4
	Suzuki bílar Jóhann Björg Jóhannsdótti	4
	Slökkvilið höfuðborgarsvæðisins Oliver Aron Jóh.	4
	Verkís Karl Steingrímsson	4
	Kaupfélag Skagfirðinga Jón Trausti Harðarsson	4
	Óskar Long Einarsson	4
	Gunnar Nikulásson	4
20-27	Fröken Júlía verslun Andri Grétarsson	3,5
	ÍTR Dagur Kjartansson	3,5
	Íslensk erfðagreining Ingi Tandri Traustason	3,5
	Leifur Þorsteinsson	3,5
	Subway Mjódd Kjartan Már Másson	3,5
	Kristófer Jóel Jóhannesson	3,5
	Gunnar Ingibergsson	3,5
	Árni Thoroddsen	3,5
	Gunnar Ingibergsson	3,5
28-35	Nansy Davíðsdóttir	3
	Dawid Kolka	3
	MP Banki Magnús Matthíasson	3
	Finnur Kr, Finnsson	3
	Karl Axel Kristjánsson	3
	Ingvar Egll Vignisson	3
	Csaba Daday	3
	Hjálmar Sigurvaldason	3
35-36	Jakob Alexander Petersen	2,5
37-41	Donika Kolica	2
	Björgvin Kristbergsson	2
	Mikael Kravchuk	2
	Pétur Jóhannesson	2
	Hans Hólm Aðalsteinsson	2
42	Gauti Páll Jónsson	1,5
43	Alisa Helga Svansdóttir	1

 

Myndaalbúm mótsins (VÓV)

Skákþáttur Morgunblaðsins: Hjörvar Steinn tók áfanga í Búdapest

Undanfarin ár hefur sigursælasti skákmaður Íslendinga undir tvítugu verið Hjörvar Steinn Grétarsson. Furðu treglega hefur gengið hjá piltinum að krækja sér í áfanga að alþjóðlegum meistaratitli þar sem legið hefur í augum uppi að styrkleikinn hefur verið til staðar um alllangt skeið. Hjörvar réð bót á þessu á dögunum þegar hann tók þátt í stórmeistaraflokki innan mótasyrpu sem gengur undir nafninu „Fyrsti laugardagur" og er haldin í Búdapest allt árið um kring. Með honum í för voru þeir Daði Ómarsson, sem tefldi í flokki alþjóðlegra meistara, og Eyjamaðurinn Nökkvi Sverrisson sem tefldi í flokki FIDE-meistara.

Hjörvar var búinn að ná áfanganum eftir sjö umferðir og með því að vinna tvær síðustu skákirnar gegn sterkum stórmeisturum gat hann náð áfanga að stórmeistaratitli. Hann var nálægt því að leggja Levente Vajda að velli með svörtu í næstsíðustu umferð og gerði svo jafntefli í lokaumferðinni. Lokaniðurstaðan varð 2. sæti í keppni tíu skákmanna þar sem meðalstigin voru 2.412 stig en Hjörvar hækkaði um elo-20 stig fyrirframmistöðuna. Sigurvegari í þessum flokki var heimamaðurinn Oliver Mikhof með 6½ vinning. Hjörvar byrjaði illa, tapaði í fyrstu umferð en fékk 4½ vinning úr næstu fimm skákum. Hann var ekki alltaf að þræða troðnar slóðir eins og eftirfarandi skák ber með sér en greip tækifærið þegar það gafst. Í fjórðu umferð lagði hann þýskan skákmann að velli eftir að hafa sloppið úr smá klandri í byrjuninni.

Daniel Sidentorpf - Hjörvar Steinn Grétarsson

Sikileyjarvörn

1. e4 c5 2. Rf3 g6 3. c3 Bg7 4. d4 cxd4 5. cxd4 d5 6. exd5 Rf6 7. Bb5+ Bd7

Algengara er 7.... Rbd7 8. d6!? exd6 9. De2+ De7 10. Bf4 og hvítur fær aðeins betra endatafl.

8. Bc4 b5 9. Bb3 0-0 10. 0-0 Bf5 11. De2 a6 12. Re5

Gott er einnig 12. Rc3 því eftir 12.... b4 13. Ra4 gengur 13. .... Rxd5 ekki vegna 14. Bxd5 Dxd5 15. Rb6 og vinnur skiptamun.

12.... Rxd5 13. Rc3 Be6 14. Df3 Rc7 15. d5

Gott var einnig 15. Bxe6 fxe6 16. Dg4 og svarta staðan er erfið.

15.... Bxe5 16. dxe6 fxe6 17. De4?

Hér var sjálfsagt að eika 17. Bxe6+! Kh8 18. Hd1! o.s.frv.

17.... Dd4 18. De2?

Enn var best að leika 18. Bxe6+. Nú er svartur sloppinn.

18.... Rc6 19. Re4 Bg7 20. Hd1 De5 21. f4

Hvítur vill greinilega að „spila" kringum e6-peðið en fær á sig sendingu úr óvæntri átt.

21.... Rd4! 22. De3 Hxf4!

Hvítur á ekki yfir þessu, 23. Dxf4 strandar vitaskuld á 23.... Re2+.

23. Rc3 Hff8 24. Dxe5 Bxe5 25. Bg5 Rxb3 26. axb3 Bd6 27. Hd3 Had8 28. Re4? Bxh2+!

Gerir út um taflið.

29. Kxh2 Hxd3 30. Bxe7 Hf7 31. Bg5 Hd4 32. Rc3 Hf5 33. Be3 Hb4 34. Rd1 Rd5

- og hvítur gafst upp.

Daði Ómarsson lenti í 10. sæti af 12 keppendum í sínum fokki með 4 v. af 11 mögulegum en Nökkvi Sverrisson bætti sig verulega, hafnaði í 5. sæti með 6 vinninga og hækkaði um 30 elo-stig.

Magnús Carlsen efstur í Rúmeníu

Norðmaðurinn Magnús Carlsen hefur ekki teflt síðan á Wijk aan Zee-mótinu í janúar en er nú sestur að tafli á sterku 6-manna móti í Medias Rúmeníu. Eftir fyrri helming þess er hann efstur með 3½ vinning á undan Karjakin sem er með 3 vinninga og Nakamura sem er í 3. sæti með 2½ vinning. Ivantsjúk er í 4.-6. sæti með 2 vinninga.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 19. júní 2011.

Skákþættir Morgunblaðsins

[Event "First Saturday 2011 june GM"] [Site "Budapest"] [Date "2011.06.07"] [Round "4"] [White "Siedentorpf, Daniel"] [Black "Gretarsson, Hjorvar S"] [Result "0-1"] [ECO "B27"] [WhiteElo "2291"] [BlackElo "2422"] [PlyCount "68"] [EventDate "2011.06.04"] 1. e4 c5 2. Nf3 g6 3. c3 Bg7 4. d4 cxd4 5. cxd4 d5 6. exd5 Nf6 7. Bb5+ Bd7 8. Bc4 b5 9. Bb3 O-O 10. O-O Bf5 11. Qe2 a6 12. Ne5 Nxd5 13. Nc3 Be6 14. Qf3 Nc7 15. d5 Bxe5 16. dxe6 fxe6 17. Qe4 Qd4 18. Qe2 Nc6 19. Ne4 Bg7 20. Rd1 Qe5 21. f4 Nd4 22. Qe3 Rxf4 23. Nc3 Rff8 24. Qxe5 Bxe5 25. Bg5 Nxb3 26. axb3 Bd6 27. Rd3 Rad8 28. Ne4 Bxh2+ 29. Kxh2 Rxd3 30. Bxe7 Rf7 31. Bg5 Rd4 32. Nc3 Rf5 33. Be3 Rb4 34. Nd1 Nd5 0-1

Áskell sigraði á Landsmóti 50 ára og eldri

Áskell Örn Kárason sigraði í skákmóti Landsmóti 50 ára og eldri sem fram fór í Hvammstanga í dag.  Akureyringar röðuðu sér í efstu sætin því Gylfi Þórhallsson varð annar og Ólafur Kristjánsson þriðji.

Fimm keppendur tóku þátt og tefldar voru 20 mínútna skákir, allir við alla.

 

Rúnar Sigurpálsson efstur á útiskákmóti Goðans í Vaglaskógi

Rúnar  Sigurpálsson (Mátar) varð efstur á útiskákmóti Goðans sem fram fór í Vaglaskógi í gærkvöld. Rúnar fékk 7 vinninga af 8 mögulegum og tapaði aðeins einni skák, fyrir Jóni Kr þorgeirssyni, sem varð í öðru sæti með 6,5 vinninga. Jakob Sævar Sigurðsson, Smári Sigurðsson og Hlynur Snær Viðarsson urðu jafnir í 3.-5. sæti með 5 vinninga hver.

 
Alvarlegt tölvuvandamál kom upp eftir þrjá umferðir sem tafði mótið mikið og var því mótið stytt niður í 8 umferðir, en til stóð að tefla 11 umferðir.

Veðrið var þurrt og gott í Vaglaskógi, en ansi kalt var orðið í síðustu þremur umferðunum.
Þó fraus ekki.

Úrslit:

1.       Rúnar Sigurpálsson          Mátar     7 vinn af 8 mögulegum.
2.       Jón Kristinn Þorgeirsson     SA        6,5
3-5     Jakob Sævar Sigurðsson  Goðinn   5
3-5     Smári Sigurðsson             Goðinn   5
3-5     Hlynur Snær Viðarsson     Goðinn   5
6-7     Rúnar ísleifsson               Goðinn    4,5
6-7     Bragi Pálmaon                     SA       4,5
8-11   Ármann Olgeirsson          Goðinn    4
8-11   Sveinbjörn Sigurðsson        SA       4
8-11   Wylie                                USA       4
8-11   Jón Magnússon                  SA        4
12-13 Hermann Aðalsteinsson   Goðinn   3
12-13 þorgeir Jónsson               SA          3
14-15 Sigurbjörn Ásmundsson   Goðinn   2
14-15 Ketill Tryggvason             Goðinn    2
16      Hjörtur Snær Jónsson       SA          0,5

Myndir verða birtar á morgun á vef Goðans.

Verslunin í Vaglaskógi gaf ís í brauði fyrir sigurvegarann, en Rúnar ánafnaði Jóni Kr ísinn. Jón Kr og fjölskylda fá ís í brauði næst þegar þau eiga leið um Vaglaskóg.

Heimasíða Goðans

Mjóddarmót Hellis fer fram í dag

Mjóddarmót Hellis fer fram laugardaginn 25. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Síðasta ár sigraði Arion banki en fyrir þá tefldi Bragi Þorfinnsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hellis: http://hellir.blog.is.  Þátttaka er ókeypis!

Upplýsingar um skráða keppendur má nálgast hér.

Sigurbjörn bóksali verður með bóksölu á staðnum.

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Heimasíða Hellis: http://hellir.blog.is
• Sími: 866 0116

Myndir frá skákmóti í Norðurfirði og fótbolta í Trékyllisvík

Hér eru myndir frá hraðskákmótinu í Kaffi Norðurfirði, sunnudaginn 19. júní. Þar sigraði Gunnar Björnsson forseti Skáksambandsins með miklum glæsibrag, varð efstur 40 keppenda og skákaði Jóhanni Hjartarsyni, stigahæsta skákmanni Íslandssögunnar, Rúnari Sigurpálssyni nýbökuðum Trékyllisvíkurmeistara og fleiri sterkum skákmönnum á öllum aldri. Gleðin ríkti og sólin lét meira að segja sjá sig á Ströndum.  

Á Laugardagskvöldi var spilaður fótboltaleikur  á fótboltavellinum í Trékyllisvík á milli heimamanna í ungmennafélaginu Leifi Heppna og gestanna sem kölluðu sig Glópanna.  Glóparnir höfðu betur 9-7 í hörkuleik þar sem heimamenn höfðu yfir í hálfleik en gestirnir náðu að svara fyrir sig í síðari hálfleik og höfðu sigur.  Þrjár myndir frá fótboltanum fylgja.  

Langflestar myndirnar eru frá Hrafn Jökulssyni. 

Myndaalbúm mótsins + fótboltamyndir

Áskell Örn Kárason sigraði á hraðskákmóti hjá SA

Í gærkvöldi fór fram hraðskákmót hjá Skákfélagi Akureyrar. 11 keppendur létu sjá sig og tefldu einfalda umferð, allir við alla.  Áskell Örn Kárason klippti niður hvern andstæðinginn á fætur öðrum og vann nokkuð örugglega með 9 vinningum af 10 mögulegum. Að launum hlaut Áskell herraklippingu frá Rakarastofunni Arte. Mikael Jóhann og Jón Kristinn deila 2.-3. sætinu, hvor með 7 vinninga.

Lokastaða efstu manna

1. Áskell Örn Kárason                                       9 af 10
2. Mikael Jóhann Karlsson                                 7
3. Jón Kristinn Þorgeirsson                                7
4. igurður Arnarson                                         6,5
5. Sigurður Eiríksson                                         6,5
6. Tómas Veigar Sigurðarson                            6

Heimasíða SA (mótstafla og myndir)

Landsmót UMFÍ 50+ á Hvammstanga hefst í dag - skákin á sunnudag

Landsmót UMFÍ 50 + verður haldið á Hvammstanga helgina 24. - 26. júní. UMFÍ hefur haldið fjölmörg Landsmót í gegnum tíðina. Nú er kominn tími til að þeir sem eru 50 ára og eldri fáið að njóta sín á Landsmóti. Aldrei áður hefur verið haldið Landsmót fyrir 50 ára og eldri því er um stórviðburð að ræða.

Mótið er fjölskylduhátíð með fjölbreyttri dagskrá aðal áhersla er lögð á gleði og hafa gaman. Ásamt keppni í hinum ýmsu íþróttagreinum verða fyrirlestrar og sýningahópar. Allir, jafnt ungir sem eldri, eiga að finna eitthvað við sitt hæfi þessa helgi sem mótið fer fram. 

Framkvæmd mótsins verður í höndum Ungmennafélags Íslands og USVH í samstarfi við sveitarfélagið Húnaþing vestra. Aðrir samstarfsaðilar að mótinu eru Félag áhuga fólks um íþróttir aldraðra og Landssamband eldri borgara. 

Keppnisgreinar á mótinu verða : Línudans,Blak, Bridds, Boccia, Badminton, Frjálsar íþróttir, Fjallaskokk, Hestaíþróttir, Golf, Pútt, Skák, Sund, þríþraut. 

Aðstaða á Hvammstanga til íþróttaiðkana er góð.  Húnaþing vestra rekur íþróttamiðstöð á Hvammstanga. Íþróttahús var byggt við búningsaðstöðu og sundlaug á árunum 2001 og 2002. Íþróttamiðstöð Húnaþings vestra var svo formlega opnuð þann 4. september 2002. Þá er þar risin glæsileg reiðhöll.

Frekari upplýsingar um mótið er að finna á  www.landsmotumfi50.is

Myndir frá Tvískákmótinu í Djúpavík

Föstudagskvöldið, 17. júní, var haldið tvískákarmót í Djúpavík, en þar var hvert herbergi bókað þessa helgi. Keppendur voru tæplega 30 og var líf í tuskunum, enda tvískák einstaklega óábyrgt keppnisform. Leikar fóru svo að lið Gunnars Björnssonar og Hrafns Jökulssonar hafði sigur, annað árið í röð. Meistari Róbert kom að vanda inn á sem varamaður í sigurliðinu í einni skák.

Langflestar myndir mótsins eru teknar af Hrafni Jökulssyni.  

Einnig hafa bæst við myndir í myndaalbúmið frá Trékyllisvík teknar af  Maríu Stefánsdóttur, móður Jón Kristins Þorgeirssonar.  Á morgun eru væntanlegar myndir frá Norðurfirði, lokamóti skákhátíðinnar á Ströndum.  

Myndaalbúmið frá Djúpavík

 

Útiskákmót Goðans í Vaglaskógi fer fram annað kvöld

Útiskákmót Goðans verður haldið við verslunina í Vaglaskógi föstudaginn 24 júní og hefst það kl 21.00. Mótið er útiskákmót og verður teflt á pallinum framan við verslunina. 
Verslunin verður opin þetta kvöld og geta keppendur fengið sér mæru og drykk á meðan mótið stendur yfir.  Líkleg tímamörk verða 5-7 mín á mann og líklegt er að umferðirnar verði ekki fleiri en 11.

Goðinn býður nágrönnum sínum í SA velkomna yfir í Vaglaskóg til þátttöku í mótinu, en ekkert mótsgjald er og engin verðlaun verða veitt. Mótið er einungis til gamans og væntir stjórn Goðans þess að félagsmenn fjölmenni til keppni og vonandi geta Akureyringar litið við í einni af perlum Þingeyinga sem Vaglagskógur er svo sannarlega.

Að afloknu móti er ætlunin að taka hópmynd af keppendum á gömlu bogabrúnni yfir Fnjóská í tilefni dagsins en bogabrú þessi var, samkvæmt öruggum heimildum, ein elsta og ef ekki stærsta brú slíkrar gerðar á norðurlöndunum þegar hún var byggð. Er því um frekar merkilegt mannvirki að ræða.