Skák.is

Færsluflokkur: Spil og leikir

12.8.2011 | 07:33

Borgarskákmótið fer fram 18. ágúst

Borgarskákmótið fer fram fimmtudaginn 18. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst til leiks en skráning er fram hér á Skák.is. Mótið er öllum opið og er þátttaka ókeypis.

Einnig er hægt að skrá sig í í síma 866 0116 (Vigfús) og 862 6290 (Sigurlaug). Tefldar verða 7 umferðir með 7 mínútna umhugsunartíma. Þetta er í 26. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Guðmundur Gíslason, sem þá tefldi fyrir Tapas barinn.

Verðlaun:

15.000 kr.
10.000 kr.
5.000 kr.

Spil og leikir | Slóð | Facebook | Athugasemdir (0)

11.8.2011 | 23:11

Goðinn lagði TV

Lið Goðans vann TV í frumraun sinni í hraðskákkeppni taflfélaga nú í kvöld. Viðureignin fór fram í húsnæði SÍ í Faxafeni. Goðmann fengu 41,5 vinninga gegn 30,5 vinningum TV. Með sigrinum í kvöld tryggði Goðinn sér sæti í 8-liða úrslitum. Sigurður Daði Sigfússon var bestur Þingeyinga en Ingvar Þór Jóhannesson var bestur Eyjamanna.

Goðinn
Sigurður Daði Sigfússon   9
Ásgeir P Ásbjörnsson       8
Tómas Björnsson             7
Hlíðar Þór Hreinsson        6
Björn Þorsteinsson          5,5
Einar Hjalti Jensson         5

Lið TV
Ingvar Þór Jóhannesson 7,5
Björn Ívar                        7
þorsteinn Þorsteinsson   6,5
Kristján Guðmundsson    6
Nökkvi Sverrisson           2,5
Bjartni Hjartarson 2

Spil og leikir | Slóð | Facebook | Athugasemdir (0)

11.8.2011 | 16:18

Svidler og Morozevich efstir á Rússneska meistaramótinu

64. meistaramót Rússlands er nú í gangi. Átta skákmenn taka þátt og eru meðalstigin 2715 skákstig. Rússarnir gera þetta skemmtilega og má meðal annars finna beina sjónvarpsútsendingu í miklum myndgæðum frá skákstað.

Eftir fjórar umferðir eru Svidler (2739I og Morozevich (2694) efstir með 3 vinninga og hafa vinningsforskot á næstu menn sem eru Karjakin (2788), Grischuk (2746) og Kramnik (2781). Fjörlega var teflt í umferð dagsins og engri skák lauk með jafntefli.

Frídagur er á morgun en lokaumferðirnar fara fram laugardag-mánudag.

Heimasíða mótsins (á rússnesku en vel læsileg með Google translate)
Beinar útsendingar (hefjast kl. 11 nema síðasta umferðin kl. 9)
Sjónvarpsútsendingar með skákskýringum

Spil og leikir | Slóð | Facebook | Athugasemdir (0)

11.8.2011 | 15:22

Skákungmenni heiðruð fyrir Sómalíusöfnun

Fríður hópur skákungmenna hlaut viðurkenningu fyrir framlag sitt til Sómalíusöfnunar Rauða krossins

Rauði kross Íslands heiðraði í morgun ungmennin sem stóðu fyrir skákhátíðinni „Við erum ein fjölskylda" um síðustu helgi. Alls söfnuðu þau einni milljón króna í tveggja daga skákmaraþoni til styrktar Sómalíu, auk þess sem símasöfnun Rauða krossins tók mikinn kipp á sama tíma og þar bættist um ein milljón króna til viðbótar.

Um 20 börn tóku þátt í maraþoninu og stóðu sig með miklum sóma. Rauði krossinn er þeim ákaflega þakklátur fyrir framtakið og af því tilefni litu fulltrúar hans inn á æfingu hjá Skákakademíunni þar sem hinir öflugu skákkrakkar tóku á mótu viðurkenningarskjölum. Rauði krossinn vill einnig þakka þeim sem tefldu við ungmennin og styrktu þannig málefnið með framlagi sínu. Peningarnir verða notaðir til hjálparstarfs Rauða krossins í Sómalíu þar sem börn svelta heilu hungri.

Upphæðin sem safnaðist dugar til að kaupa bætiefnaríkt hnetusmjör til að hjúkra um 1.300 alvarlega vannærðum börnum til heilbrigðis. Það voru Skákakademía Reykjavíkur og Skáksamband Íslands sem stóðu fyrir maraþonskákhátíðinni í Ráðhúsi Reykjavíkur. Þar tefldu mörg efnilegustu börn og unglingar landsins við gesti og gangandi. Mótherjar krakkanna borguðu upphæð að eigin vali.

Áfram verður tekið á móti framlögum í síma Rauða krossins, 904-1500, og þá bætast við 1.500 kr. við næsta símreikning. Einnig er hægt að styrkja neyðaraðstoð Rauða krossins í Sómalíu með því að greiða inn á reikning hjálparsjóðs í banka 0342, hb. 26, reikn. 12, kt. 530269-2649. Þá munu öll áheit fyrir Rauða krossinn í Reykjavíkurmaraþoninu þann 20. ágúst renna í Sómalíusöfnunina.

Rauði krossinn dreifir matvælum daglega til þúsunda fjölskyldna í Mið- og Suður Sómalíu, þvert á átakalínur meðan stríð geisar þar. Á næstu vikum og mánuðum munu Rauði krossinn og Rauði hálfmáninn veita um 50.000 börnum aðstoð á næringarmiðstöðvum hreyfingarinnar, og dreifa matvælum til um einnar milljónar manna.

Spil og leikir | Slóð | Facebook | Athugasemdir (0)

10.8.2011 | 23:51

Reyknesingar lögðu Selfyssinga

Fyrsta viðureign 1. umferðar (8 liða úrslita) Hraðskákkeppni taflfélaga fór fram í Selinu í Selfossi í kvöld. Það fór eins og við var að búast að viðureign Skákfélag Selfoss og nágrennis og Skákfélags Reykjanesbæjar yrði spennandi spennandi. SR vann 37,5 gegn 34,5 vinningum SSON. Agnar Olsen var bestur gestanna en heimamenn voru nokkuð jafnir. Páll Leó Jónsson kom sterkur inn og vann allar sínar fjórar skákir. Á morgun, fimmtudag, heldur keppnin áfram en þá fer fram viðureign Goðans og TV, í húsnæði SÍ. Viðureignin hefst kl. 20.

SSON

Ingvar Örn
Úlfhéðinn
Magnús M
Inga B       öll með 6 vinninga í 12 skákum
Ingimundur 5,5 í 12 skákum
Grantas     1 v í 8 skákum
Páll Leó 4 v í 4 skákum

SR

Agnar 9
Siguringi 7,5
Haukur B 6,5
Helgi J 6
Ólafur Í 4,5
Hannes 4

Spil og leikir | Slóð | Facebook | Athugasemdir (0)

10.8.2011 | 23:33

Skákirnar úr landskeppninni

Sigurður Arnarson hefur slegið inn skákirnar úr Landskeppni Íslands og Færeyjar um sl. helgi.

Veljið skák (22 alls):

Spil og leikir | Breytt s.d. kl. 23:35 | Slóð | Facebook | Athugasemdir (0)

10.8.2011 | 15:50

Skáksund í Vesturbæjarlaug - Björn vann Stefán í drekanum

Eins og alþjóð er kunnugt um er nú hægt að tefla í potti eitt í Laugardalslaug. Samkvæmt öruggum heimildum ritstjóra er sundtaflið í mikilli notkun af ungum jafnt sem öldnum. Bráðabirgðartafli var nýlega skipt út fyrir sérstaklega smíðað sundtaflborð, hannað af hinum hagleikna Róberti Lagerman.

Skákvæðing reykvískra sundlauga hélt áfram nú í dag: í fyrstu skákinni á sundtaflinu í Vesturbæjarlaug lagði Björn Ívar Karlsson félaga sinn Stefán Bergsson að velli í sókndjarfri drekaskák.

Nú er því hægt að tefla í grunna pottinum í Vesturbæjarlaug.

Þessar ungu stúkur sátu að tafli í anddyrinu þegar Stefán og Björn bar að garði.

Spil og leikir | Slóð | Facebook | Athugasemdir (0)

10.8.2011 | 08:33

Áskrift að Tímaritinu Skák

Stjórn Skáksambands Íslands hefur til athugunar þann möguleika að endurvekja Tímaritið Skák. Hugmyndin er að gefa út árstímarit í mars þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað yrði til verka í alla staði þar sem andi gamla blaðsins svifi yfir vötnum. Gengið er út frá því að blaðið verði 90-100 bls. í fallegu broti.

Slík útgáfa er mjög dýr og því ljóst að grundvöllur hennar næst eingöngu ef áhugi meðal skákmanna fyrir því að kaupa blaðið er umtalsverður. Áætlað er að blaðið muni kosta um kr. 2.000. Til að kanna útgáfugrundvöll fyrir slíku ársriti stendur Skáksambandið fyrir könnun meðal skákmanna á því hvort þeir muni kaupa slíkt rit.

Þeir sem eru tilbúnir að styðja málefnið og kaupa Tímaritið Skák árlega á 2.000 kr. eru vinsamlegast beðnir að skrá sig hér.

Spil og leikir | Slóð | Facebook | Athugasemdir (0)

9.8.2011 | 23:00

NM öldunga: 50 keppendur skráðir - Íslandsmeistarar skrá sig til leiks

Í dag náðist sá merkilegi áfangi þegar 50. keppandinn skráði sig til leiks á NM öldunga sem fram fer í Reykjavík 10.-18. september. Langhæst ber að sjálfsögðu Friðrik Ólafsson en Íslandsmeistararnir Gunnar Gunnarsson (1966) og Björn Þorsteinsson (1967 og 1975) eru nú skráðir til leiks. Það stefnir í langsterkasta NM öldunga hingað til og metþátttöku en mest hafa 44 skákmenn teflt á mótinu hingað til.

Meðal innlendra keppenda sem hafa skráð sig eru: Magnús Sólmundarson (2218), Bragi Halldórsson (2214), Júlíus Friðjónsson (2190), Jón Þ. Þór (2188), Jóhann Örn Sigurjónsson (2133) og Gunnar Finnlaugsson (2082).

Meðal erlendu keppendurnar ber finnsku stórmeistarana Yrjo Rantansen (2382) og Heikki Westerinen (2355) óneitanlega hæst en sá síðarnefndi er núverandi Norðurlandameistari öldunga.

Íslenskir skákmenn eru hvattir til að skrá sig til leiks en mótið er að sjálfsögðu opið fyrir alla! Framlengur hefur verið 50% afsláttur fyrir íslenska skákmenn, þ.e. á aðeins 5.000 kr, til 20. ágúst nk.

Skráning fer fram á Chess-Results.

Spil og leikir | Breytt s.d. kl. 20:07 | Slóð | Facebook | Athugasemdir (0)

9.8.2011 | 19:21

Málþing í Skálholti: Eru taflmennirnir frá Ljóðhúsum (Lewis) ekki íslensk listasmíð?

Þann 19. ágúst nk. verður haldið alþjóðlegt MÁLÞING Í SKÁLHOLTI um mögulegan uppruna hinna fornu sögualdar-taflmanna sem kenndir hafa verið við Lewis - í Suðureyjum.

Þessir merkilegu skák- og listmunir, gerðir lok 12 aldar, fundust 1831 grafnir í sand í Úig (Vík) á eyjunni Lewis eða Ljóðhúsum, eins og eyjan er jafnan nefnd í fornum íslenskum heimildum. Þeir eru sagðir norskir uppruna og eru taldir meðal 5 merkustu muna og gersema í eigu The British Museum og Skoska þjóðminjasafnsins þar sem nokkrir þeirra 11 af 93 taflmönnum eru varðveittir.

Eins og kunnugt er hefur Guðmundur G. Þórarinsson, verkfræðingur, sett fram afar áhugaverða kenningu, sem mikla athygli hefur vakið, um að þessir sögulegu taflmenn séu að öllum líkindum íslenskir að uppruna. Skornir út úr rostungstönnum í Skálholti í lok 11 aldar, mögulega af Margréti hinni högu, Þorsteini Skrínsmið og fleirum undir handleiðslu Páls Jónssonar biskups.

Í ár er 800 ára árstíð Páls Jónssonar, biskups (1155-1211) en steinkista hans fannst við uppgröft í Skálholti 21. ágúst 1954 og er málþingið haldið af því tilefni. Páll Jónsson var biskup í Skálholti 1195-1211. Hann var sonur Jóns Loftssonar í Odda og Ragnheiðar systur Þorláks helga Þórhallssonar og eftirmaður hans á bisupsstóli. Þeir frændur voru af norski konungsætt, amma þeirra var dóttir Magnúsar konungs berfætta.

Svipmót Lewis taflmannanna bendir til þess að þeir séu af íslenskum uppruna, hrókarnir í berserkslíki og riddarinn á smáhesti og ekki hvað síst biskupinn, sem þar kemur til tafls í fyrsta sinn á skákborðinu svo vitað sé, sem bendir til þess að þeir séu gerðir á biskupsstóli. Auk þess sem bæði söguleg og málfræðileg rök og ýmsar vísbendingar benda til þess að þeir séu gerðir á Íslandi. Þá hefur nýlegur fornleifafundur taflmanns frá 12 öld á Siglunesi hleypt nýjum stoðum undir íslensku kenninguna.

Á málþinginu munu þeir dr. James Robinson, safnvörður frá Breska þjóðminjasafninu og dr. David H. Caldwell frá því Skoska, flytja erindi um líklegan uppruna taflmannanna. Þeir en báðir höfundar nýlegra fræðirita um þá „The Lewis Chessmen" (2004) og „The Lewis Chessmen Unmasked" (2010) Auk Guðmundar G. Þórarinssonar munu þeir Þór Magnússon, fyrrv. þjóðminjavörður, Skúli Sæland sagnfræðingur og dr. Kristinn Ólason, rektor flytja erindi. Þá verða pallborðsumræður í lokin.

Málþingið fer fram á ensku og er öllum opið meðan húsrúm leyfir. Það hefst með setningarathöfn og tónlist í Skálholtskirkju kl. 10 árdegis föstudaginn 19. ágúst nk. og stendur daglangt með hádegishléi.

Ráðstefnugjald er kr. 4.500 og innifelur hádegisverð og síðdegiskaffi. Að málþinginu loknu verður efnt til "Miðaldarkvöldverðar", sem hefst kl. 17.30 með fordrykk. Boðið verður upp á 3ja rétta máltíð af hlaðborði með hinum ágætasta miði á aðeins kr. 6.200 Gisting: Þeir málþingsgestir sem vilja yfirnátta fram á laugardag býðst gisting í 2ja mannaherbergi með baði á kr. 8.500x2, en á kr. 11.000 í einsmannsherbergi. Morgunverður er innifalinn.

Skráning er á slóðinni http://www.skalholt.is/2011/05/20/malthing-um-taflmennina-fra-ljodhusum-19-agust-nk/ eða í síma: 486 8870

Undirbúnings- og skipulagsnefnd: Dr. Kristinn Ólason; Einar S. Einarsson; Guðmundur G. Þórarinsson; Guðni Ágústsson og Sr. Gunnþór Ingason. Nánari upplýsingar á: www.leit.is/lewis og www.skalholt.is. Netfang: ljodhus@gmail.com.

Myndaalbúm

Spil og leikir | Slóð | Facebook | Athugasemdir (0)

« Fyrri síða | Næsta síða »