Skákhátíð fjölskyldunnar - opið hús hjá Akademíunni á menningarmót

Það verður opið hús hjá Skákakademíu Reykjavíkur Tjarnargötu 10a á menningarnótt. Ýmsir skemmtilegir og léttir atburðir fyrir alla skákmenn, skákáhugamenn og fjölskyldur þeirra.  Dagskráin hefst 13:00 og stendur til 21:00.

Meðal viðburða má nefna klukkufjöltefli stórmeistara við grunnskólasveit Rimaskóla, Reykjavíkurmótið í leifturskák (1 mín. Á hvern keppenda), hraðskákeinvígi Stefáns Kristjánssonar og Nancy Davíðsdóttur, Hrafns Jökulssonar og Ingu Birgis og Guðlaugar Þorsteinsdóttur og Donika Kolica, sýningu á skákborði frá einvígi Fischers og Spassky, skákbókasölu, skáksettasölu, kynning á víkingaskák, skákmót Máta, velunnarar Skákakademíunnar heiðraðaðir o.fl.

Á meðan á hátíðinni stendur verða spilaðar klassískar upptökur með íslensku skákefni svosem útvarpsþættir Guðmundar Arnlaugssonar.

Skákþrautakeppni verður svo í gangi allan daginn og dregið úr réttum lausnum í lok dags. Skákbækur í verðlaun.

Rjúkandi kaffi á boðstólunum og skákmenn hvattir til að líta við, grípa í tafl og fylgjast með allri gleðinni.

Málþing á Skálholti um Lewis taflmennina á föstudaginn kemur

Þann 19. ágúst nk. verður haldið í Skálholti alþjóðlegt málþing um mögulegan uppruna hinna fornu sögualdartaflmanna frá Ljóðhúsum (Lewis), sem taldir eru meðal mestu gersema The British Museum og Skoska Þjóðminjasafnsins.

Meðal ræðumanna verða færustu fræðimenn á þessu sviði, þeir David H. Caldwell og James Robinsson frá bresku söfnunum, sem og Guðmundur G. Þórarinsson, sem sett hefur fram íslensku kenninguna um uppruna taflmannanna, Kristinn Ólason, rektor í Skálholti, sem ræðir um Skálholt á 12 öld,  Þór Magnússon, fyrrv. Þjóðminjavörður, sem flytur erindi um íslenskan útskurð og skreytilist til forna og Skúli Sæland, sagnfræðingur, sem rekur sögu Páls Jónssonar, biskups í Skálholti, en þingið er helgað 800 ára árstíð hans.

Mikið er nú um málið og þingið fjallað bæði hér heima og eins erlendis, ekki kvað síst eftir fund Taflmannsins á Siglunesi.  Viðtal við GGÞ var í BBC í síðustu viku og nú síðast frétt í vefútgáfu NEW YORK TIMES, í gær:  http://artsbeat.blogs.nytimes.com/2011/08/16/theyre-chess-pieces-theyre-old-ok-theyre-from-norway-oh-yeah/#more-221955

Æ fleiri fræðimenn og aðrir hallast nú að þeir geti verið íslenskir að uppruna, hugsanlega gerðir í Skálholti í lok 12 aldar af Margrétu hinni högu, fyrstu nafnkunnu myndlistarkonu Íslands, og fleira hagleiksfólki undir haldleiðslu Páls Jónssonar, biskup.

Í hádegishléi mun Friðrik Ólafsson, stórmeistari telfa hraðskák með afsteypum af Lewis taflmönnunum við verðugan andstæðing.

Málþingið hefst kl. 10 árdegis nk. föstudag, en skráning þátttökugesta hálf tíma fyrr.  Ráðstefnugjald er kr. 4500, sem innifelur morgunkaffi, hádegisverð og síðdegiskaffi.  Boðið er upp á Miðaldarkvöldverð fyrir þá sem vilja sem og gistingu fyrir þá sem  dvelja lengur gegn vægu gjaldi.

 Þingið er opið öllum. Skráning síma 486 8870 eða á slóðinni:  http://www.skalholt.is/2011/05/20/malthing-um-taflmennina-fra-ljodhusum-19-agust-nk/

Þá sem vantar far austur sendi póst á : [e-mail]

Myndaalbúm

 

Taflfélag Reykjavíkur sigraði Máta

Sterk og þéttskipuð sveit Taflfélags Reykjavíkur sýndi klærnar og sigraði Máta næsta örugglega í Hraðskákkeppni Taflfélaga 50,5-21,5. Hálfleikstölur voru 25,5-10,5 og buðu skákfélögin í sameiningu upp á pizzu, kaffi og meððí.

Viðureignin fór fram í Húsnæði T.R. við Faxafen og varð frammistaða sveitarmeðlima með þessum hætti:

Mátar (allir tefldu 12 skákir):

• Arnar Þorsteinsson 8,5
• Pálmi R. Pétursson 5
• Arngrímur Gunnhallsson 2,5
• Þórleifur Karlsson 2,5
• Tómas Hermannsson 1,5
• Jakob Þór Kristjánsson 1,5

Taflfélag Reykjavíkur: 

• Arnar E. Gunnarsson 11,5/12
• Daði Ómarsson 9/12
• Guðmundur Kjartansson 8/12
• Hrafn Loftsson 7/11
• Snorri G. Bergsson 4/5
• Torfi Leósson 4/6
• Júlíus L. Friðjónsson 4/7
• Bergsteinn Einarsson 3/7
  

T.R. mætir næst Skákfélagi Akureyrar í 8 liða úrslitum þar sem efalítið hart verður barist jafnt sem drengilega.

Heimasíða Hellis

Akureyringar unnu Garðbæinga

Skákfélag Akureyrar dróst á móti Taflfélagi Garðabæjar í 16 liða úrslitum og var teflt í gær í húsakynnum Skákakademíunnar. Hart var barist í gær og viðureignin jöfn framanaf. Eftir 5 umferðir höfðu Garðbæingar eins vinnings forystu, 15,5-14,5, en þá spýttu Akureyringar í lófa svo um munaði og unnu næstu þrjár með yfirburðum 14-4. Síðan var siglt hægum byr til hafnar og lauk viðureigninni með 10 vinninga sigri svellkaldra norðanmanna 41-31.

Árangur Akureyringar (allir tefldu 12 skákir):

• Halldór Brynjar 10
• Stefán Bergsson 8,5
• Gylfi og Jón Þ. Þór 8
• Sigurjón 4
• Þór 2,5

Árangur Garðbæinga:

• Jóhann Helgi Sigurðsson 7/11
• Jóhann H. Ragnarsson 6/12
• Guðlaug Þorsteinsdóttir 5/11
• Leifur Ingu Vilmundarson 4,5/12
• Björn Jónsson 3/12
• Jón Þór Bergþórsson 3/6
• Páll Sigurðsson 2,5/8

Í 8 liða úrslitum mun Skákfélagið etja kappi við sigurvegara í viðureign Máta og TR sem fer fram í kvöld. 

Áskrift að Tímaritinu Skák

Stjórn Skáksambands Íslands hefur til athugunar þann möguleika að endurvekja Tímaritið Skák. Hugmyndin er að gefa út árstímarit í mars þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað yrði til verka í alla staði þar sem andi gamla blaðsins svifi yfir vötnum. Gengið er út frá því að blaðið verði 90-100 bls. í fallegu broti.

Slík útgáfa er mjög dýr og því ljóst að grundvöllur hennar næst eingöngu ef áhugi meðal skákmanna fyrir því að kaupa blaðið er umtalsverður. Áætlað er að blaðið muni kosta um kr. 2.000. Til að kanna útgáfugrundvöll fyrir slíku ársriti stendur Skáksambandið fyrir könnun meðal skákmanna á því hvort þeir muni kaupa slíkt rit.

Þeir sem eru tilbúnir að styðja málefnið og kaupa Tímaritið Skák árlega á 2.000 kr. eru vinsamlegast beðnir að skrá sig hér.

Borgarskákmótið fer fram á fimmtudag

Borgarskákmótið fer fram fimmtudaginn 18. ágúst, og hefst það kl. 16:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst til leiks en skráning er fram hér á Skák.is.  Mótið er öllum opið og er þátttaka ókeypis.  Upplýsingar um skráða keppendur má nálgast hér.

Einnig er hægt að skrá sig í  í síma 866 0116 (Vigfús) og 862 6290 (Sigurlaug).  Tefldar verða 7 umferðir með 7 mínútna umhugsunartíma.     Þetta er í 26. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði  Guðmundur Gíslason, sem þá tefldi fyrir Tapas barinn. 

Verðlaun:

1. 15.000 kr.
2. 10.000 kr.
3.   5.000 kr.

Skákfélag Íslands sigraði Skagamenn

Skákfélag Íslands hafði betur í viðureign sinni við Taflfélag Akraness í Hraðskákkeppni taflfélaga en teflt var hugrænu andrúmslofti í Hellisheimilinu í gærkvöldi.Strákarnir í Skákfélaginu hlutu 43,5 vinning gegn 28,5 vinningi Skagamanna. Eftir fyrri umferð, þegar tefldar höfðu verið 36 skákir, var staðan 19,5 - 16,5, SFÍ- mönnum í vil og úrslitin því alls óráðin.

Bestum árangri sinna liða náðu formenn félaganna, Kristján Örn Elíasson með 9,5 vinning úr 12 skákum og Gunnar Magnússon með 7,5 vinning einnig úr 12 skákum.

Skákfélagsmönnum barst góður liðsauki í gær, þegar Dagur Kjartansson gekk til liðs við félagið úr Helli, og langar nýjum félögum hans að nota þetta tækifæri og bjóða hann velkominn í félagið.

Árangur Skákfélags Íslands: 

• Kristján Örn Elíasson 9,5 v. af 12
• Páll Snædal Andrason 9,0 v. af 12
• Guðmundur K. Lee 9,0 v. af 12
• Birkir Karl Sigurðsson 6,5 v. af 11
• Örn Leó Jóhannsson 6,0 v. af 12
• Dagur Kjartansson 3,5 v. af 9
• Eyþór T. Jóhannsson 0,0 v. af 4

Árangur Taflfélags Akraness:

• Gunnar Magnússon 7,5 v. af 12
• Magnús Gíslason 5,5 v. af 12
• Unnar Þ. Guðmunds 5,5 v. af 12
• Magnús Magnússon 4,5 v. af 12
• Pétur Atli Lárusson 3,0 v. af 12
• Hörður Garðarsson 2,5 v. af 12

 

Heimasíða Hellis

Bolvíkingar unnu bikarmeistaranna

Guðmundur Daðason skrifar:

Bolvíkingar og KR-ingar áttust við í 1. umferð hraðskákkeppni taflfélaga í gær. Enn eitt árið, þessi lið dragast merkilega oft saman. KR-ingar eru enn að fagna sigrinum á Þór og þegar við mættum í Frostaskjólið tók Bikarinn í öllu sínu veldi á móti okkur. Flottur gripur. Við landsbyggðarmenn urðum auðvitað að hefna og mættum óhræddir til leiks, engin slá til að bjarga KR í þetta skiptið. Augljóst var í upphafi að einu eða tveim ELO stigum munaði á liðunum. Við tókum strax forystuna með 4,5-1,5 sigrum í fyrstu tveim umferðunum. Þá þriðju vann KR með minnsta mun en það reyndist eina sigurumferðin þeirra. Við bættum svo í og eftir 5-1 sigur í 6. umferð var ljóst að staðan í hálfleik var 24-12. Helmingsmunur og í seinni hálfleik bættum við í. Lokatölur urðu 52-20 Íslandsmeisturunum í vil.

Stefán, Jón Viktor, Þröstur og Dagur drógu vagninn og fengu 42 vinninga samtals. Þröstur var að venju með fullt hús en það tekur varla að nefna það. Maðurinn er með rugl skor fyrir Bolvíkinga í þessari keppni og heyrir til undantekninga ef hann missir punkt. Athyglisverðasta viðureignin var á milli Stefáns og Sigurðar Herlufsen. Í fyrri skákinni fórnaði Stefán manni fyrir mjög vænlega sókn. Sigurður varðist vel og Stefán þurfti að nota mikinn tíma til að finna sigurleiðina. Það tókst að lokum en tíminn þraut og Sigurður fagnaði sigri. Í seinni skákinni vann Sigurður mann og vélaði Stefán svo hægt og örugglega niður. Dæmið snérist hins vegar við og nú var það Sigurður sem féll í kolunninni stöðu. Stefán getur þakkað æðri máttarvöldum fyrir að hafa náð 1-1 jafntefli á móti Sigurði. Eða setti hann kannski upp ósýnilega slá?

Við þökkum KR fyrir góðar móttökur og skemmtilegar skákir. Sjálfsagt mætumst við aftur að ári!

Guðmundur Daðason, liðsstjóri.

Árangur Bolvíkinga:

• Þröstur Þórhallsson 11 af 11
• Dagur Arngrímsson  11 af 12
• Jón Viktor Gunnarsson 10 af 11
• Stefán Kristjánsson  10 af 12
• Árni Ármann Árnason  5,5 af 12
• Sæbjörn Guðfinnsson  3 af 8
• Guðmundur Daðason  1,5 af 6

 

Árangur KR-inga:

• Jón G. Friðjónsson  5,5 af 12
• Sigurður Herlufsen  4,5 af 12
• Jóhann Örn Sigurjónsson  3,5 af 12
• Vilhjálmur Guðjónsson  3 af 12
• Ingimar Jónsson  2,5 af 12
• Gunnar Skarphéðinsson  1 af 12

Víkingar unnu Hauka

Vìkingaklúburinn náði að sigra Hauka 46.5 - 25.5  (26-10 eftir fyrri umferð) í 1. umferð Hraðskákkeppni taflfélaga en viðureignin taldist vera heimaleikur Haukamanna
 
Fyrri umferð:  1-5, 2-4, 1,5, 2-4, 1.5-4.5, 2.5-3.5
Seinni umferð:  3-3, 1.5-4.5, 2.5-3.5, 1.5-4.5, 3-3, 4.5-1.5
 
besti árangur Víkinga:
 
Ólafur B. Þórsson 10/12 (3.borð)
Davíð Kjartansson 9/10 (2. borð)
Magnús Örn Úlfarsson 8.5/12 (1.borð)
Gunnar Fr. Rúnarsson 6.5/10
Stefán Þór Sigurjónsson 6/12
Lárus Knútsson 5.5/10
Sigurður Ingason 1/6
 
Besti árangur Haukamanna:
 
Sverrir Þorgeirsson 8/12 (2. borð)
Ágúst Sindri karlsson 6/12 (1. borð)
Þorvarður F. Ólafsson  5.5/11 (4. borð)
Heimir Ásgeirsson 4.5/12 (3. borð)
Einar Valdimarsson  1/10
Ingi Tandri Traustason ..5/10
Auðbergur Magnússon 0/5

 

Heimasíða Hellis

Hellismenn yfirtrompuðu Bridsfjelagið - dregið í 2. umferð

Mikil stemming var í Hellisheimilinu í kvöld þegar 3 viðureignir fóru fram í  16 liða úrslitum Hraðskákkeppni taflfélaga. Hellismenn unnu öruggan sigur á Bridsfjelaginu. Hellir fékk 59,5 gegn 12,5 vinninga Bridsara.  Hjörvar Steinn Grétarsson og Björn Þorfinnsson fengu báðir fullt hús vinninga í 12 skákum.  Sigurður Páll Steindórsson og Stefán Freyr Guðmundsson voru bestir Bridsara með 4,5 vinning.

Árangur Hellisbúa:

• Hjörvar Steinn Grétarsson 12 v. af 12
• Björn Þorfinnsson 12 v. af 12
• Andri Áss Grétarsson 9 v. af 12
• Jóhanna Björg Jóhannsdóttir 9 v. af 12
• Helgi Brynjarsson 8,5 v. af 12
• Rúnar Berg 6 v. af 6
• Gunnar Björnsson 3 v. af 6

Árangur Bridsfjelaga:

• Sigurður Páll Steindórsson 4,5 v. af 12
• Stefán Freyr Guðmundsson 4,5 v. af 12
• Gunnar Björn Helgason 2 v. af 12
• Sigurður Sverrisson 1,5 v. af 12
• Gísli Hrafnkelsson og Gústaf Steingrímsson fengu færri vinninga.

Úrslit í öðrum viðureignum kvöldsins koma síðar.  Þegar liggur þó fyrir aðrir sigurvegar kvöldsins voru: Víkingaklúbburinn, Skákfélag Íslands, Taflfélag Bolungarvíkur og Skákfélag Akureyrar.  Á morgun mætast TR og Mátar í húsnæði TR.

Dregið var í 2. umferð.  Þá mætast:

• Taflfélag Bolungarvíkur - Skákfélag Reykjanesbæjar
• Skákfélag Íslands - Víkingaklúbburinn
• Skákfélag Akureyrar - Taflfélag Reykjavíkur/Taflfélagið Mátar
• Skákfélagið Goðinn - Taflfélagið Hellir

Heimaíða Hellis