Skákhátíð fjölskyldunnar - opið hús hjá Akademíunni á menningarmót

Skákakademía Reykjavíkur, Tjarnagötu 10a, býður gestum Menningarnætur upp á fjölbreytta dagskrá frá kl. 13-20. Hver atburðurinn rekur annan og milli þeirra geta gestir leyst skákþrautir, gripið í tafl og margt fleira. Einvígisborð frá einvígi Fischers og Spassky 1972 verður til sýnis ásamt öðrum munum frá einvíginu. Hljóðupptökur frá útvarpsþáttum Guðmundar Arnlaugssonar og sjónvarpsupptökur frá einvígi Jóhanns og Kortsnojs 1988. Skákbækur og skákborð til sölu.
 
13:30 Reykjavíkurmótið í Leifturskák
 
15:00 Þrjú hraðskákeinvígi
 Donika Kolica - Guðlaug Þorsteinsdóttir
 Hrafn Jökulsson - Inga Birgisdóttir
 Stefán Kristjánsson - Nansý Davíðsdóttir
 
15:30 Dregið í töfluröð í 1. og 2. deild á Íslandsmótinu í skák
 
16:00 Klukkufjöltefli Jóhanns Hjartarsonar stórmeistara gegn grunnskólasveit Rimaskóla
 
17:00 Stelpumót í hraðskák
 
19:00 Kynning á Víkingaskák
 
20:00 Mátar tefla

 

Dregið um töfluröð Íslansmóts skákfélaga í dag

Dregið verður um töfluröð í 1. og 2. deild Íslandsmóts skákfélaga á laugardag.  Drátturinn verður hluti af opnu húsi í Skákakademíunni á menningarmót.  Drátturinn hefst kl. 15:30 og eru forsvarsmenn liða í 1. og 2. deild hvattir til að fjölmenna eða senda fulltrúa fyrir sig. 

 

„Okkar efnilegasta skákkona“

Nansý Davíðsdóttir, sem er aðeins níu ára og stundar nám við Rimaskóla í Reykjavík, þykir ein efnilegasta skákkona landsins. Reyndir menn segja að enginn geti gengið út frá því sem vísu að vinna Nansý, á hvaða aldri sem hann er.

„Ég byrjaði að tefla í skólanum þegar ég var sjö og hálfs árs. Mamma mín vildi að ég lærði skák því það væri gott fyrir heilann. Mér finnst gaman að tefla af því ég fæ alltaf verðlaun," segir Nansý. Stærðfræði er uppáhaldsfagið hennar í skólanum en hún stundar líka dans. Nansý er Íslandsmeistari með Rimaskóla, Íslandsmeistari stúlkna 2011 og hefur verið virk í þjálfun hjá Skákakademíu Reykjavíkur og Skákskóla Íslands.

Ætlar að kenna bróður sínum

„Ég ætla að kenna bróður mínum skák þegar hann verður átta ára," segir Nansý en bróðir hennar er fimm ára. „Ég ætla að vera skákkennari þegar ég er orðin stór... nei, skákmeistari!" segir Nansý stolt, en hún stendur sig afburðavel í skólanum og er mjög fljót að klára námsefnið að sögn skólastjóra Rimaskóla, Helga Árnasonar. Foreldrar Nansýar eru kínversk og hún talar líka kínversku en finnst svolítið erfitt að skrifa málið. Skemmtilegast finnst henni að tefla. „Ég er búin að tefla og fara á æfingar í allt sumar," segir Nansý.

Á heimsmælikvarða

„Hún er efnilegasta skákkonan í dag, það er ekki spurning, þetta er alveg stórmerkileg stelpa, rosalega öguð og einbeitt, alveg einstök," segir Gunnar Björnsson, formaður Skáksambands Íslands.

„Hún hefur gott auga fyrir taktík og getur náð mikilli einbeitingu við borðið," segir Stefán Bergsson, æskulýðsfulltrúi hjá Skáksambandi Íslands. Hún er komin í skáksveit Rimaskóla og mun taka þátt í Norðurlandamóti barnaskólasveita. Helgi segir að henni hafi einnig verið boðið að taka þátt í Evrópumeistaramóti unglinga í haust. „Hún virðist vera með miklu meiri færni en gengur og gerist og er greinilega svakalega gáfuð, hefur gott skap og metnað. Við getum mátað hana við bestu skákmenn heims á hennar aldri," segir Helgi.

Markmið Skáksambands Íslands er að fylgja henni vel eftir," segir Helgi. Norðurlandamót barnaskólasveita verður haldið í Danmörku 8. til 11. september næstkomandi.

-------------------------------------

Grein þessi birtist á baksíðu Morgunblaðsins, föstudaginn, 12. ágúst.   Maríu Elísabetu Pallé, sem skrifaði greinina, Árna Sæberg, og sjálfu Morgunblaðinu er þakkað kærlega fyrir að leyfa birtingu hér á Skák.is.

Meistaramót Hellis hefst á mánudagskvöld

Meistaramót Hellis 2010 hefst mánudaginn 22. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði. Þar sem Hellir á 20 ára afmæli á árinu eru aðalverðlaun höfð hærri en venja hefur verið. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning er hafin á heimasíðu Hellis.  Upplýsingar um þegar skráða keppendur má nálgast hér.

Teflt er á mánudögum og miðvikudögum og svo er tekin ein þriðjudagsumferð í byrjun móts.  Umferðir hefjast kl. 19:30.  Hlé verður á mótinu þegar Norðurlandamótið grunnskólasveita fer fram í Reykjavík.

Aðalverðlaun:

1. 50.000
2. 25.000
3. 15.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 22. ágúst, kl. 19:30
• 2. umferð, þriðjudaginn, 23. ágúst, kl. 19:30
• 3. umferð, miðvikudaginn, 24. ágúst, kl. 19:30
• 4. umferð, mánudaginn, 29. ágúst, kl. 19:30
• 5. umferð, miðvikudaginn, 31. ágúst, kl. 19:30
• 6. umferð, mánudaginn, 5. september, kl. 19:30
• 7. umferð, miðvikudaginn, 7. september, kl. 19:30

Heimasíða Hellis

Skákhátíð fjölskyldunnar - opið hús hjá Akademíunni á menningarmót

Skákakademía Reykjavíkur, Tjarnagötu 10a, býður gestum Menningarnætur upp á fjölbreytta dagskrá frá kl. 13-20. Hver atburðurinn rekur annan og milli þeirra geta gestir leyst skákþrautir, gripið í tafl og margt fleira. Einvígisborð frá einvígi Fischers og Spassky 1972 verður til sýnis ásamt öðrum munum frá einvíginu. Hljóðupptökur frá útvarpsþáttum Guðmundar Arnlaugssonar og sjónvarpsupptökur frá einvígi Jóhanns og Kortsnojs 1988. Skákbækur og skákborð til sölu.
 
13:30 Reykjavíkurmótið í Leifturskák
 
15:00 Þrjú hraðskákeinvígi
 Donika Kolica - Guðlaug Þorsteinsdóttir
 Hrafn Jökulsson - Inga Birgisdóttir
 Stefán Kristjánsson - Nansý Davíðsdóttir
 
15:30 Dregið í töfluröð í 1. og 2. deild á Íslandsmótinu í skák
 
16:00 Klukkufjöltefli Jóhanns Hjartarsonar stórmeistara gegn grunnskólasveit Rimaskóla
 
17:00 Stelpumót í hraðskák
 
19:00 Kynning á Víkingaskák
 
20:00 Mátar tefla

Perlan - Arnar Gunnarsson sigraði á afar vel sóttu Borgarskákmóti

Alþjóðlegi meistarinn Arnar Gunnarsson, sem tefldi fyrir Perluna sigraði á mjög vel sóttu Borgarskákmóti, sem fram fór á 224 ára afmælisdegi borgarinnar í Ráðhúsinu í dag.  Arnar hlaut 6,5 vinningí 7 skákum, leyfði aðeins jafntefli gegn Birni Ívari Karlssyni.  Matsölustaðir voru einnig í 2.-3. sæti en Tómas Björnsson, sem tefldi fyrir Tapas barinn, og Davíð Kjartansson, sem tefldi fyrir Hamborgabúllu Tómasar, urðu í 2.-3. sæti.   Óttarr Ólafur Proppé, borgarfulltrúi, og formaður stjórnar Skákakademíu Reykjavíkur, setti mótið og lék fyrsta leikinn fyrir landsliðsmanninn, Hjörvar Stein Grétarsson.

91 skákmaður tók í mótinu sem tekst afar góð þátttaka.  

Skákstjórn var í öruggum höndum Vigfúsar Ó. Vigfússonar, formanns Hellis, og Sigurlaugar R. Friðþjófsdóttur, formanns TR, en félögin stóðu fyrir mótinu í sameiningu. 

Myndaalbúm mótsins (VÓV)

 

Place	Name                                           Feder	Rtg	Score
1	Perlan hf, Arnar Gunnarsson	2420	6,5
2-3	Tapas barinn, Tómas Björnsson	2150	6
	Hamborgarabúlla Tómasar, Davíð Kjartansson	2150	6
4-6	Slökkvilið höfuðborgarsvæ, Björn Ívar Karlsson	2231	5,5
	Guðmundur Arason ehf, Ólafur B Þórsson	2200	5,5
	Faxaflóahafnir, Stefán Kristjánsson	2400	5,5
7-9	MP Banki, Björn Þorfinnsson	2420	5
	Olís, Hjörvar Steinn Grétarsson	2440	5
	Suzuki bílar, Magnús Örn Úlfarsson	2384	5
	Nasa, Sigurður  Daði Sigfússon	2330	5
	Vínbarinn, Arnar Þorsteinsson	2250	5
	Verkís, Erlingur Þorsteinsson	2130	5
	Pósturinn, Guðmundur Kjartansson	2310	5
	Jómfrúin, Sverrir Þorgeirsson	2260	5
	Samiðn, Bragi Halldórsson	2250	5
	Gámaþjónustan hf, Hallgerður Helga Þorstein	2030	5
	Jón Gunnar Jónsson,	1600	5
	Arion Banki, Rúnar Berg	2134	5
	N1, Sverrir Örn Björnsson	2100	5
20-23	Mannvit, Gunnar Björnsson	2120	4,5
	Grand Hótel Reykjavík, Ögmundur Kristjinsson	2050	4,5
	Hlöllabátar, Sigurður Ingason	1950	4,5
	Einar Ben, Atli Freyr Kristjánsson	2050	4,5
24-41	Ingi Tandri Traustason,	1790	4
	Mjólkusamsalan, Gunnar Freyr Rúnarsson	1970	4
	Ölstofan, Stefán Bergsson	2050	4
	Eimskipafélag Íslands, Stefán Þór Sigurjónsson	2020	4
	Félag Bókagerðarmanna, Kristján Örn Elíasson	1906	4
	Góa Linda, Helgi Brynjarsson	1980	4
	Forsætisráðuneytið, Hilmar Þorsteinsson	1780	4
	Jóhann Björg Jóhannsdótti,	1820	4
	Hótel Borg, Sæbjörn Guðfinnson	1950	4
	Reykjavíkurborg, Bjarni Sæmundsson	1900	4
	Magnús Jónsson,		4
	Karl Thoroddsen,		4
	Örn Stefánsson,	1670	4
	Íslensk erfðagreining, Bjarni Hjartarson	2150	4
	Palsson, Halldór		4
	Íslandsbanki, Örn Leó Jóhannsson	1889	4
	Dagur Ragnarsson,	1966	4
	Dawid Kolka,	1200	4
42-51	Oliver Aron Jóhannesson,	1540	3,5
	Tinna Kristín Finnbogadót,	1800	3,5
	Árni Thoroddsen,		3,5
	Sigurðsson, Birgir		3,5
	Guðmundur Gunnlaugsson,		3,5
	Hilmir Freyr Heimisson,		3,5
	Stefán Pétursson,	1400	3,5
	Efling stétarfélag, Pálmi Pétursson	2100	3,5
	Símon Þórhallsson,		3,5
	Jón Víglundsson,	2150	3,5
52-70	Arnljótur Sigurðsson,	1500	3
	Hrund Hauksdóttir,	1560	3
	Birkir Karl Sigurðsson,	1550	3
	Hrafn Jökulsson,		3
	Ingibjörg Edda Birgisdótt,	1500	3
	Unnar Þór Bachman,	1960	3
	Sigurlaug Friðþjófsdóttir,	1796	3
	Hjörtur Jóhannsson,	1400	3
	Finnur Kr, Finnsson,	1200	3
	Carlsson, Carl Johan		3
	Gunnar Nikulásson,	1540	3
	Elsa María Kristínardótti,	1690	3
	Csaba Daday,	1500	3
	Nancy Davíðsdóttir,		3
	Vignir Vatnar Stefánsson,	1250	3
	Bjarki Arnaldarson,		3
	Gunnar Örn Haraldsson,		3
	Ásgeir Sigurðsson,		3
	Páll Þórhallsson,		3
71-74	Svandís Rós Ríkharðsdótti,		2,5
	Heimir Páll Ragnarsson,	1120	2,5
	Óskar Long Einarsson,	1450	2,5
	Nhung, Elín		2,5
75-85	Sorpa, Aron Ingi Óskarsson	1800	2
	Kristófer Jóel Jóhannesso,		2
	Guðmundur G, Guðmundsson,	1500	2
	Jón Trausti Harðarson,		2
	Hildur Berglind Jóhannsdó,	1120	2
	Þorvaldur Kári Inveldarso,		2
	Landsbanki Íslands, Halldór Garðarson	1850	2
	Þorsteinn Guðlaugsson,		2
	Guðmundur Agnar Bragason,		2
	Björgvin Kristbergsson,	1200	2
	Pétur Jóhannesson,	1100	2
86-88	Estanislao Plantada Siura,	1420	1,5
	Sigurður Kjartansson,		1,5
	Fannar Ingi Grétarsson,		1,5
89-90	Veronika Steinunn magnúsd,	1400	1
	Donika Kolica,		1
91	Alísa Helga Svansdóttir,		0,5

Íslandsmót skákfélaga: Dregið um töfluröð á laugardag

Dregið verður um töfluröð í 1. og 2. deild Íslandsmóts skákfélaga á laugardag.  Drátturinn verður hluti af opnu húsi í Skákakademíunni á menningarmót.  Drátturinn hefst kl. 15:30 og eru forsvarsmenn liða í 1. og 2. deild hvattir til að fjölmenna.

 

Borgarskákmótið fer fram í dag

Borgarskákmótið fer fram fimmtudaginn 18. ágúst, og hefst það kl. 16:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst til leiks en skráning er fram hér á Skák.is.  Mótið er öllum opið og er þátttaka ókeypis.  Upplýsingar um skráða keppendur má nálgast hér.

Einnig er hægt að skrá sig í  í síma 866 0116 (Vigfús) og 862 6290 (Sigurlaug).  Tefldar verða 7 umferðir með 7 mínútna umhugsunartíma.     Þetta er í 26. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði  Guðmundur Gíslason, sem þá tefldi fyrir Tapas barinn. 

Verðlaun:

1. 15.000 kr.
2. 10.000 kr.
3.   5.000 kr.

Smáþjóðaleikar og skákdómaranámskeið í Færeyjum - pistill frá Róberti

Nú standa yfir smáþjóðaleikar og málþing á vegum FIDE, fyrir framtíðarskákdómara í Klaksvík í Færeyjum.  Smáþjóðaleikar eru nú haldnir í annað skiptið, fyrsta skiptið sem haldið var í Andorra í fyrra, urðu Færeyingar urðu meistarar, og eru þeir nú gestgjafar. Skilyrði fyrir þátttöku eru að hver þjóð telji ekki fleiri en tvær milljónir íbúa.

Tíu þjóðir eru mættar til leiks, og svona fyrirfram er búist við að Lúxemborg og Færeyjar berjist um titilinn ár, enda báðar þjóðir með þrjá alþjóðlega meistara innanborðs.

Meðfram leikunum, er haldið málþing á vegum FIDE, alþjóða skáksambandsins, fyrir skákdómaraefni framtíðarinnar, en að málþingi   loknu, gangast þátttakendur undir dómarapróf, og standist þeir prófið verða þeir útnefndir FIDE-dómarar. Yfirumsjón með þinginu hefur hinn geðþekki Finni, Mikko Markkula, hann er einnig yfirdómari mótsins. Sjá nánar dómaraþing almennt hér http://arbiters.fide.com/

Skipulag Færeyinga er alveg til fyrirmyndar og ber Finnbjörn Vang, forseti Færeyska Skáksambandsins, hitann og þungann af skipulagningu mótsins., með miklum sóma. Gestrisni Færeyinga er ávallt einstök, þannig að í hvert skipti sem ég kem til Færeyja, finnst mér eins og ég sé kominn heim til mín.

Svo luma færeyingar alltaf á óvæntum heimsóknum, í fyrra þegar ég tefldi á minningarmóti vinar míns Heini Olsens, kom Karpov í heimsókn, og nú á föstudaginn er forseti FIDE, Kirsan Ilyumzhinov, væntanlegur í heimsókn.

Ég bendi áhugasömum á heimasíðu mótsins http://www.faroechess.com/

Þar sem meðal annrs eru beinar útsendingar og úrslit dagsins.

Róbert Lagerman, sem situr málþing skákdómara í Færeyjum.

Myndaalbúm frá Færeyjum

NM öldunga: Enn fjölgar - 55 skráðir til leiks

Skráðum keppendum á NM öldunga sem fram fer í skákmiðstöðinni, Faxafeni 12, fjölgar jafnt og þétt.  Nú eru 55 keppendur skráð sig leiks og meðal nýrra keppenda má nefna Ólaf Kristjánsson (2173).  Það stefnir í langsterkasta NM öldunga hingað til og metþátttöku en mest hafa 44 skákmenn teflt á mótinu hingað til.

Íslenskir skákmenn eru hvattir til að skrá sig til leiks en mótið er að sjálfsögðu opið fyrir alla! Framlengur hefur verið 50% afsláttur fyrir íslenska skákmenn, þ.e. á aðeins 5.000 kr, til 20. ágúst nk. 

Skráning fer fram á Chess-Results. 

• Heimasíða mótsins
• Keppendalistinn