Einar efstur eftir 4 umferðir

Í gær fór fram fjórða umferð Skákþings Vestmannaeyja og voru tefldar 4 skákir.  Eftir fjórar umferðir er Einar efstur og hefur sigrað í öllum sínum skákum.

Um daginn voru tefldar 2 skákir en Daði Steinn hirti vinning af Sigurði sem mætti ekki til skákarinnar, Sverrir vann Stariosta og Nökkvi vann Jörgen Frey.  Um kvöldið sigraði síðan Einar Karl Gauta og Kristófer og Stefán gerðu jafntefli.

Úrslit 4. umferðar

Nafn	Stig	Úrsl	Nafn
Einar Guðlaugsson	1928	1  -  0	Karl Gauti Hjaltason
Daði Steinn Jónsson	1695	+  -  -	Sigurður A Magnússon
Sverrir Unnarsson	1946	1  -  0	Michal Stariosta
Stefán Gíslason	1869	½  -  ½	Kristófer Gautason
Jörgen Freyr Ólafsson	1167	0  -  1	Nökkvi Sverrisson

Staðan eftir 4. umferð

Sæti	Nafn	Stig	FED	V	SB
1	Einar Guðlaugsson	1928	ISL	4	7,00
2	Sverrir Unnarsson	1946	ISL	3½	5,25
3	Karl Gauti Hjaltason	1564	ISL	2½	4,75
4	Nökkvi Sverrisson	1930	ISL	2½	3,25	1 frestuð
5	Michal Stariosta	0	POL	2	2,00
6	Daði Steinn Jónsson	1695	ISL	1½	1,75
7	Kristófer Gautason	1664	ISL	1½	1,75
8	Stefán Gíslason	1869	ISL	½	0,75	2 frestaðar
9	Jörgen Freyr Ólafsson	1167	ISL	0	0,00	1 frestuð
10	Sigurður A Magnússon	1367	ISL	0	0,00

5. umferð - miðvikudaginn 25. janúar kl. 19:30

Nafn	Stig	Úrsl	Nafn	Stig
Nökkvi Sverrisson	1930		Einar Guðlaugsson	1928
Kristófer Gautason	1664		Jörgen Freyr Ólafsson	1167
Michal Stariosta	0		Stefán Gíslason	1869
Sigurður A Magnússon	1367		Sverrir Unnarsson	1946
Karl Gauti Hjaltason	1564		Daði Steinn Jónsson	1695

• Heimasíða TV
• Chess-Results

Henrik með jafntefli í lokaumferðinni

Stórmeistarinn Henrik Danielsen (2536) gerði jafntefli við Indverjann Pc Iyer Akash (2151) í 11. og síðstu umferð alþjóðlegs móts í Nýju-Dehli í Indlandi sem lauk í dag.  Henrik hlaut 6½ vinning og endaði í 66.-94. sæti.

Filipíski stórmeistarainn Oliver Barbosa (2573) sigraði á mótinu en hann hlaut 9½ vinning.   

Henrik náði sér engan veginn á strik en mót í Indlandi virðast vera erfið þar sem svo margir heimamanna virðist vera allt of stigalágir.   Frammistaða hans samsvaraði 2274 skákstigum og lækkar hann um 28 skákstig fyrir frammistöðuna. 

304 skákmenn tóku þátt í mótinu og þar af voru19 stórmeistarar.  Henrik var nr. 10 í stigaröð keppenda. 

• Heimasíða mótsins
• Beinar útsendingar ( 4 skákir í hverri umferð)
• Chess-Results

Skákþáttur Morgunblaðsins: Prýðileg þátttaka á Skákþingi Reykjavíkur

Þátttaka á Skákþingi Reykjavíkur, Kornax-mótinu, er með besta móti í ár. Þátttakendur í stóra opna flokknum eru 73 talsins, þar af nokkrir aðalleikarar mótsins 2011. Björn Þorfinnsson og Hjörvar Steinn Grétarsson börðust þá um efsta sætið og hafði Björn betur og er núverandi Reykjavíkurmeistari. Úrslit í fyrstu umferðunum hafa verið eftir bókinni enda allmikill styrkleikamunur til staðar í mörgum viðureignum en athygli vakti þó jafntefli Björns Þorfinnssonar við Mikael Jóhann Karlsson.

Skákþing Reykjavíkur hefur oft reynst ágætis vettvangur upphitunar fyrir stærri mót og ýmislegt þar á döfinni, t.d. hjá Birni Þorfinnssyni sem til viðbótar við skákþingið hóf þátttöku á meistaramóti Goðans sl. fimmtudag, flýgur síðan út til Engands ásamt Braga bróður sínum en þeir hafa frá því í haust teflt fyrir Jutes og Kent í ensku deildakeppninni.

Annar skákmaður sem nýlega hefur gert strandhögg við England, Guðmundur Kjartansson, er nýkominn frá þeim sögufræga stað Hastings þar sem hann var afar nálægt því að krækja sér í annan áfanga að stórmeistaratitli. Eftir sex umferðir var frammistaða hans hvorki betri né verri en búist hafði verið við en þá hrökk hann í gang, lagði fyrst einn stigahæsta keppandann, Dawid Howell, og síðan annan stórmeistara, Mark Hebden. Í lokaumferðinni þurfti Guðmundur sigur gegn Rúmenanum Istraeschu, byggði upp vinningsstöðu en úrvinnslan vafðist fyrir honum og að lokum teygði hann sig of langt og tapaði. Engu að síður pýðileg frammistaða sem hækkar hann um 20 elo-stig.

Hér kemur sigurinn yfir Howell. Einn vefmiðill taldi að Howell hefði yfirspilað Guðmund og tapað síðan óverðskuldað. Erfitt að skrifa undir það, Howell missti vissulega af eina tækifærinu sem hann fékk í skákinni en þannig gerast nú stundum kaupin a eyrinni:

David Howell - Guðmundur Kjartansson

Caro-Kann

1. e4 c6 2. d4 d5 3. e5 Bf5 4. h4 h5 5. c4 e6 6. Rc3 Re7 7. Bg5 Rd7

7. ... dxc4 strax ásamt - Rd7-b6 kann að vera nákvæmara.

8. cxd5 exd5

Alls ekki 8... cxd5 9. Rb5! og vinnur þar sem 9. ... Da5+ ersvarað með 10. Bd2!

9. Bd3 f6 10. exf6 gxf6 11. Bf4 Rb6 12. Bxf5 Rxf5 13. Rge2 Dd7 14. Dd3 0-0-0 15. b3 Hg8 16. g3 Ba3 17. Kd2 Dh7 18. Hae1 Hge8 19. Kc2 Hd7 20. Kb1 Hde7 21. Bd2 Bd6 22. Kb2 a5

Þessi framrás a-peðsins bætir ekkert stöðu svarts, 22. ... Rd7 eða jafnvel 22. .... Ra8 ásamt - Rc7 var nærtækara og svarta staðan er aðeins betri.

23. Hc1 a4 24. Hhd1 axb3 25. axb3 Kd7 26. Bf4 Bb4 27. Ha1 Dg6

Þessi staðsetning drottningarinnar er dálítið varasöm.

28. Ha7 Kc8 29. Rc1 Dg4? 30. Ra4 Rxa4+ 31. Hxa4 Bd6

Keppendur voru komnir í tímahrak og Guðmundur lék þennan leik eins og ekkert væri eðlilegra. En staðreyndin er sú að svartur hefur óvænt ratað í mikil vandræði og því var „betra" að leika 31. ... Be1. Þá þarf hvítur að finna 32. f3 Dg6 33. Dc2! með vinningsstöðu.

Nú vinnur 32. f3 Dh3 33. g4!

32.Bxd6?? Rxd6 33.Hd2 Kb8 34.Hc2 Rb5 35.Hb4 He1 36.Hxb5

Hrókurinn var í herkví á b4 og erfitt að eiga við hótunina 36. ...Hd1. Það sem verður Howell að falli er slæm kóngsstaða.

36. ... cxb5 37.Dc3 Dd7 38.Df3 Hc8 39.Hxc8+ Dxc8 40.Rd3 He4 41.Dxh5 b4! 42.Rxb4 Hxd4 43.Rc2 Hd2 44.Dg6 d4 45.Kc1 d3! 46.Kxd2 Dxc2+ 47.Ke3 De2+ 48.Kf4 d2 49.Dg8+ Ka7

- og hvítur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 15. janúar 2012.

Skákþættir Morgunblaðsins

[Event "Hastings Masters"] [Site "?"] [Date "2012.01.03"] [Round "7.6"] [White "Howell, David W L"] [Black "Kjartansson, Gudmundur"] [Result "0-1"] [WhiteElo "2633"] [BlackElo "2326"] [Annotator "World,PC"] [PlyCount "98"] [EventDate "2012.??.??"] 1. e4 c6 2. d4 d5 3. e5 Bf5 4. h4 h5 5. c4 e6 6. Nc3 Ne7 7. Bg5 Nd7 8. cxd5 exd5 9. Bd3 f6 10. exf6 gxf6 11. Bf4 Nb6 12. Bxf5 Nxf5 13. Nge2 Qd7 14. Qd3 O-O-O 15. b3 Rg8 16. g3 Ba3 17. Kd2 Qh7 18. Rae1 Rge8 19. Kc2 Rd7 20. Kb1 Rde7 21. Bd2 Bd6 22. Kb2 a5 23. Rc1 a4 24. Rhd1 axb3 25. axb3 Kd7 26. Bf4 Bb4 27. Ra1 Qg6 28. Ra7 Kc8 29. Nc1 Qg4 30. Na4 Nxa4+ 31. Rxa4 Bd6 32. Bxd6 Nxd6 33. Rd2 Kb8 34. Rc2 Nb5 35. Rb4 Re1 36. Rxb5 cxb5 37. Qc3 Qd7 38. Qf3 Rc8 39. Rxc8+ Qxc8 40. Nd3 Re4 41. Qxh5 b4 42. Nxb4 Rxd4 43. Nc2 Rd2 44. Qg6 d4 45. Kc1 d3 46. Kxd2 Qxc2+ 47. Ke3 Qe2+ 48. Kf4 d2 49. Qg8+ Ka7 0-1

Guðmundur efstur - Ingvar Þór annar - stefnir í baráttu þeirra á millum

Alþjóðlegi meistarinn Guðmundur Kjartansson (2326) vann Braga Þorfinnsson (2426) í sjöundu umferð KORNAX mótsins - Skákþings Reykjavíkur sem fram fór í dag.  Guðmundur er efstur með 6,5 vinning.  Annar er Ingvar Þór Jóhannesson (2337) með 6 vinninga en hann vann Björn Þorfinnsson (2406).   Næstu menn hafa 5 vinninga svo það stefnir í baráttu á milli Guðmundar og Ingvars um sigurinn á mótinu.   Stöðu mótsins má finna hér.

Sem fyrr var nokkuð um óvænt úrslit.  Unga ljónið Vignir Vatnar Stefánsson (1461) heldur áfram að eiga góð úrslit.   Vignir vann nú nafna sinn Bjarnason (1828).  Emil Sigurðarson (1736) heldur einnig áfram að eiga góð úrslit og vann nú Jóhann H. Ragnarsson (2103).   Öll úrslit 7. umferðar má finna hér.

Áttunda og næstsíðasta umferð fer fram á miðvikudag og hefst kl. 19:30.  Pörun er væntanleg og verður aðgengileg hér.

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)

Aronian og Carlsen efstir í Sjávarvík

Aronian (2805) og Carlsen (2835) eru efstir og jafnir með 5,5 vinning að lokinni 8. umferð Tata Steel-mótsins sem fram fer í dag í Sjávarvík (Wijk aan Zee) í dag.   Radjabov (2773) er þriðji með 5 vinninga. Öllum skákum dagsins lauk með jafntefli nema að Gashimov vann Giri.

Frídagur er á morgun.  Í níundu umferð, sem fram fer á þriðjudag, mætast m.a.: Aronian-Caruana, Carlsen-Karjakin og Nakamura-Topalov. 

Í sjöundu umferð sem fram fer á morgun mætast m.a.: Carlsen-Gelfand, Aronian-Caruana og Ivanchuk-Giri.

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Sigur hjá Henrik í gær - tap í dag

Stórmeistarinn Henrik Danielsen (2536) vann í gær Indverjann Divyasree Chandika (2160) en tapaði fyrir öðrum Indverja, S L Narayanan (2320) í dag.  Henrik hefur 6 vinninga og er í 59.-98. sæti.  Í lokaumferðinni sem fram fer á morgun teflir hann við Indverjann Pc Iyer Akash (2151). 

Efstir með 8,5 vinning eru filipísku stórmeistararnir Oliver Barbosa (2573) og John Paul Gomez (2506).

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.  Tefldar eru 11 umferðir. 

• Heimasíða mótsins
• Beinar útsendingar ( 4 skákir í hverri umferð)
• Chess-Results

Góð þátttaka á námskeiðum Skákskólans

Það má með sanni segja að janúar sé skákmánuður hinn mesti. Mikil og góð þátttaka er í Skákþingi Reykjavíkur og senn verður Skákdagurinn haldinn hátíðlegur um allt land. Byrjenda- og framhaldsflokkar Skákskólans hófust svo nú um helgina. Skemmst er frá því að segja að þátttaka er afar góð; í fjóra flokka laugardaginn 21. janúar mættu alls 54 nemendur fæddir 1997-2006.

Er þetta töluvert meiri þátttaka en á síðustu námskeiðum skólans. Kennarar í byrjenda- og framhaldsflokkum eru Stefán Bergsson, Björn Ívar Karlsson og Torfi Leósson. Kennt verður í byrjenda- og framhaldsflokkum alla laugardaga fram í miðjan maí fyrir utan laugardag um páska og helgina sem Íslandsmót Skákfélaga stendur yfir. Einnig mæta nemendur framhaldsflokka einu sinni í viku í Skákskólann á virkum dögum.

Enn er hægt að skrá sig á námskeið skólans og skal skráning sendast á [e-mail]

Myndaalbúm (SSB)

Bein útsending fá sjöundu umferð KORNAX mótsins

Sjöunda umferð KORNAX mótsins - Skákþings Reykjavíkur hófst nú kl. 14.    Fimm skákir eru sýndar beint frá umferðinni.  Það eru:

• Guðmundur Kja - Bragi Þ.
• Björn Þ. - Ingvar Þór
• Hjörvar Steinn - Einar Hjalti
• Bjarni Jens - Sverrir Örn
• Stefán B. - Ólafur Gísli

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)

Tómas í miklum ham - Jón Kristinn efstur eftir tvö mót

Annað mótið í TM-mótaröðinni var háð sl. fimmtudagskvöld og lauk því með sigri Tómasar Veigars Sigurðarsonar sem gerði sér lítið fyrir og vann allar sínar skákir. Jón Kristinn vann svo alla aðra en Tómas. Úrslitin í heild: 

Tómas  8; Jón Kristinn 7; Sigurður Arnarson 6; Haki Jóhannesson 5; Sigurður Eiríksson 4; Andri Freyr Björgvinsson og Smári Ólafsson 2; Bragi Pálmason 1,5 og Símon Þórhallsson 0,5

Skákþing Akureyrar hefst í dag.

Guðmundur efstur á KORNAX mótinu - Skákþingi Reykjavíkur

Alþjóðlegi meistarinn Guðmundur Kjartansson (2326) er einn efstur með 5,5 vinning að lokinni sjöttu umferð KORNAX mótsins - Skákþings Reykjavíkur sem fram fór í gær.   Bræðurnir Bragi (2426) og Björn Þorfinnssynir (2406) og Ingvar Þór Jóhannesson (2337) koma næstir með 5 vinninga.  Stöðuna í heild sinni má finna hér. Mikið var óvænt úrslit og voru þar ungu ljónin Hilmir Freyr og Vignir Vatnar í aðalhlutverkum.  

Hilmir Freyr Heimisson (1409) vann Jón Úlfljótsson (1853) og Vignir Vatnar Stefánsson (1461) vann Unnar Þór Bachmann (1899).  Öll úrslit 6. umferðar má finna hér.

Sjöunda umferð fer fram á morgun og hefst kl. 14.  Beinar útsendingar eru í fullum gangi frá mótinu og má nálgast skákir morgundagsins hér (tengill virkur rétt fyrir umferð).

Í sjöundu umferð verða eftirtaldar skákir sýndar beint:

• Guðmundur Kja - Bragi Þ.
• Björn Þ. - Ingvar Þór
• Hjörvar Steinn - Einar Hjalti
• Bjarni Jens - Sverrir Örn
• Stefán B. - Ólafur Gísli

Pörun sjöndu umferðar má finna í heild sinni hér.  

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)