Jón Hákon og Sóley Lind skólaskákmeistarar Hafnarfjarðar

Jón Hákon Richter, Öldutúnsskóla, varð skólaskákmeistari Hafnarfjarðar í eldri flokki sem fram fer í gær.  Sóley Lind Pálsdóttir, Hvaleyrarskóla, varð skólaskákmeistari í yngri flokki.   Sóley Lind er í stúlknalandsliði Íslands sem keppir á  í Stavanger í Noregi nú um næstu helgi á Norðurlandamóti stúlkna.

Röð efstu manna:

Eldri flokkur:

 

 

1. Jón Hákon Richter 10. L Öldutúnsskóla 5 v.
2. Gabríel Orri Duret 8. MS í Hvaleyrarskóla 4 v.
3. Markús Svavar Lubker 10. SV í Víðistaðaskóla 3 v.

Lokastaða eldri flokks

Yngri flokkur:

 

 

1. Sóley Lind Pálsdóttir 7. SHS Hvaleyrarskóla 6,5 v.
2. Bjarni Þór Guðmundsson 5. bekk. Víðistaðaskóla 6 v.
3. Erik Jóhannesson 5. bekk. Víðistaðaskóla 5. v.

Lokastaða yngri flokks

Það eru 2 efstu keppendur í hvorum flokki sem tryggja sér sæti á Kjördæmismóti Reykjaness sem haldið verður líklega seint í næstu viku. Það eru því Jón Hákon og Gabríel Orri auk Sóleyjar og Bjarna Þórs sem fara áfram á kjördæmismót, þar sem keppt verður við börn frá Kópavogi, Kjósarsýslu (Garðabær, Mosfellsbær, Seltjarnarnes og Álftanes) og Suðurnesjum auk Hafnfirðinga um laus sæti á Landsmóti sem verður haldið 3.-6. maí í Stórutjarnaskóla í Þingeyjarsveit.

• Myndaalbúm (PS)
• Chess-Results

Tímaritið Skák til sölu á aðeins 2.000 kr.

 

Tímaritið Skák kom út í mars í fyrsta skipti um langt árabil. Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, EM landsliða, Skákþing Íslands, Íslandsmót skákfélaga, unglingastarf o.s.frv.   Rétt er líka að benda á frábæra grein Braga Kristjónssonar um kynni hans við Bobby Fischer.   Blaðið er um 100 blaðsíður í glæsilegu broti.

Hægt er að skrá sig fyrir blaðinu hér.  Blaðið verður sent í pósti um hæl og greiðsluseðill birtist í heimabanka áskrifenda.

Elsa María sigraði á hraðkvöldi

Elsa María Kristínardóttir sigraði örugglega á hraðkvöldi Hellis sem fram fór 16. apríl sl. Elsa María vann alla sjö andstæðinga sína og endaði tveimur vinningum fyrir ofna næstu menn. Næst komu svo Jóhanna Björg Jóhannsdóttir og Vigfús Ó. Vigfússon með 5v. Elsa María fékk svo að draga í happdrættinu í lokin og upp kom Jóhanna.

Lokastaðan:

Place Name                             Score  M-Buch. Buch. Progr.

  1   Elsa María Kristínardóttir,        7      16.0  21.0   28.0
 2-3  Jóhanna Björg Jóhannsdóttir,       5      17.0  24.0   17.0
      Vigfús Ó. Vigfússon,               5      16.0  21.0   19.0
 4-5  Gunnar Nikulásson,                4.5     19.5  28.0   18.5
      Ólafur Gauti Ólafsson,            4.5     17.0  25.5   21.5
  6   Guðmundur Agnar Bragason,          3      21.0  28.0   14.0
  7   Gauti Páll Jónsson,               2.5     18.0  25.0    9.5
  8   Pétur Jóhannesson,                 2      16.0  21.0    6.0
  9   Bragi Thoroddsen,                 1.5     18.5  25.5    6.5
 10   Björgvin Kristbergsson,            0      17.5  26.0    0.0

Íslandsmót framhaldsskólasveita fer fram í dag

Íslandsmót framhaldsskólasveita 2012 fer fram miðvikudagskvöldið 18. apríl klukkan 20:00.  Teflt verður í Stúkunni í Kópavogi (Við Kópavogsvöll). Sama stað og Landsliðsflokkur Skákþings Íslands fer fram.

Fjórir skákmenn skulu vera í hverri sveit og 0-4 til vara.  Tefldar verða 6-9 umferðir með 10 mínútna umhugsunartíma. Skráning á netfangið; [e-mail]

Henrik efstur á Íslandsmótinu í skák

Henrik Danielsen er efstur með 4 vinninga að lokinni 5. umferð Íslandsmótsins í skák sem fram fór í Stúkunni á Kópavogsvelli í kvöld.  Henrik gerði jafntefli við Davíð Kjartansson.  Þröstur Þórhallsson er annar með 3,5 vinning eftir jafntefli við Guðmund Gíslason í æsispennandi skák.  Bragi Þorfinnsson er þriðji með 3 vinninga eftir jafntefli við Guðmund Kjartansson í lengstu skák umferðarinnar.   Dagur Arngrímsson vann ellefufaldan Íslandsmeistara, Hannes Hlífar Stefánsson, en þeir eru báðir meðal 5 keppenda sem eru í 4.-8. sæti með 2,5 vinning.   Á morgun mætast forystumennirnir Henrik og Þröstur.  

Sem fyrr er ákaflega hart barist og ekkert um stutt jafntefli.   

Úrslit dagsins:

• Davíð Kjartansson (1,5) - Henrik Danielsen (3,5) 0,5-0,5
• Þröstur Þórhallsson (3,0) - Guðmundur Gíslason (2,0) 0,5-0,5
• Dagur Arngrímsson (1,5) - Hannes Hlífar Stefánsson (2,5) 1-0
• Guðmundur Kjartansson (1,5) - Bragi Þorfinnsson (2,5) 0,5-0,5
• Sigurbjörn Björnsson (2,5) - Stefán Kristjánsson (1,5) 0-1
• Einar Hjalti Jensson (0,5) - Björn Þorfinnsson (1,5) 1-0

Staða mótsins:

• 1. SM Henrik Danielsen (2504) 4 v.
• 2. SM Þröstur Þórhallsson (2398) 3,5 v.
• 3. AM Bragi Þorfinnsson (2421) 3 v.
• 4.-8. SM Stefán Kristjánsson (2500), FM Sigurbjörn Björnsson (2393), AM Dagur Arngrímsson (2361), SM Hannes Hlífar Stefánsson (2531) og Guðmundur Gíslason (2346) 2,5 v.
• 9.-10. FM Davíð Kjartansson (2305) og AM Guðmundur Kjartansson (2416) 2 v.
• 11.-12. AM Björn Þorfinnsson (2416) og Einar Hjalti Jensson (2245) 1,5 v.

Sjötta umferð fer fram á morgun og hefst kl. 16.  Henrik - Þröstur og Bragi - Dagur

Skákskýringar í boði margra af sterkustu skákmönnum landsins, sem ekki taka þátt hefjast um kl. 18.

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

Sæbjörn sigursæll í Stangarhyl

Tuttugu og fjórir eldri skákmenn mættu til leiks  í Ásgarði í dag.  Sæbjörn Guðfinnsson varð efstur eins og hann hefur oft verið áður,með 8 vinninga í skákum. Í öðru sæti varð Jóhann Örn Sigurjónsson með 7½ vinning. Valdimar Ásmundsson náði þriðja sæti með7 vinninga.

Lokastaðan:

• 1          Sæbjörn Larsen                                   8
• 2          Jóhann Örn Sigurjónsson                    7.5
• 3          Valdimar Ásmundsson                       7
• 4          Haraldur Axel                                     6.5
• 5-6       Björn V Þórðarson                              5.5
•             Trausti Pétursson
• 7-9       Óli Árni Vilhjálmsson                         5
•             Jónas Ástráðsson
•             Magnús V Pétursson
• 10-16   Bragi G Bjarnarson                             4.5
•             Einar S Einarsson
•             Ari Stefánsson
•             Gísli Sigurhansson
•             Eiður Á Gunnarsson
•             Finnur Kr Finnsson
•             Birgir ólafsson

Næstu átta fengu færri vinninga.

 

Sumarnámskeið Skákakademíunnar

Eins og síðustu sumur stendur Skákakademía Reykjavíkur fyrir skáknámskeiðum í sumar. Námskeið síðustu sumra hafa verið vel sótt og flestir af yngri sterkustu skákmönnum landsins tekið þátt. Námskeiðin eru ætluð börnum og unglingum frá 4-18 ára og hefjast í júní.
 
Mikið verður lagt upp úr leikgleði og taflmennsku, hin ýmsu mót haldin og teflt verður reglulega á útitaflinu við Lækjartorg.
 
Kennarar verða nokkrir af reyndustu skákkennurum landsins í bland við sterkustu skákmenn þjóðarinnar; Stefán Bergsson, Björn Ívar Karlsson, Róbert Lagerman, Björn Þorfinnsson og Hjörvar Steinn Grétarsson.
 
Tímasetningar og staðsetningar munu liggja fyrir á næstunni en fjölbreytt námskeið, frá einni viku og upp í allt sumarið, verða í boði svo allir þátttakendur geta fundið eitthvað sem passar þeim.
 
Skráning á [e-mail]
 
Nafn og fæðingarár þarf að koma fram.
 
Í sumar mun Skákakademían einnig bjóða upp á stutt námskeið (4-6 skipti) fyrir eldri skákmenn á öllum getustigum. Kennarar verða Björn Þorfinnsson og Ingvar Þór Jóhannesson. Áhugasamir hafi samband á [e-mail]

Firma- og félagakeppni Fjölnis

Ágæti skákmaður!

Með þessu bréfi vill Skákdeild Fjölnis bjóða til glæsilegrar sveitakeppni í skák sem fram fer í Ráðhúsi Reykjavíkur 9. maí kl. 16:00 - 19:00.

Auk verðlaunagripa og medalía verða eftirtalin verðlaun veitt fyrir efstu þrjú sætin:
 

• 1. verðlaun: Flug til Evrópu með Iceland Express fyrir 3 liðsmenn - öll gjöld innifalin!
• 2. verðlaun: Flug til Evrópu með Iceland Express fyrir 3 liðsmenn - öll gjöld innifalin!
• 3. verðlaun: Ljósmyndabókin frá Sögum útgáfu og geisladiskur frá 12 tónum fyrir 3 liðsmenn!

Einnig verða veitt verðlaun

• fyrir bestan árangur einstaklings: GSM snjallsími, að verðmæti kr. 100.000, frá Símanum.
• fyrir óvæntustu úrslitin: Út að borða fyrir tvo á veitingastaðnum Vox.
• fyrir stigalægsta þátttökuliðið: Út að borða fyrir tvo á veitingastaðnum Skrúði - 3 gjafabréf.

Að auki verða fjölmargir góðir vinningar dregnir af handahófi úr hópi allra þátttakenda.
 
Fyrirkomulag

• Teflt verður í Ráðhúsi Reykjavíkur 9. maí næstkomandi kl. 16:00-19:00.
• Hvert fyrirtæki eða félag sendir þriggja manna skáksveit til leiks. Ekki er nauðsynlegt að keppendur séu starfsmenn viðkomandi fyrirtækis, eða meðlimir í viðkomandi félagi.
• Tefldar verða 7-10 umferðir með 7-10 mínútna umhugsunartíma.
• Samanlögð íslensk skákstig sveitar skulu takmarkast við 6.000 stig í hverri umferð. Stigalausir verða reiknaðir með 1.200 íslensk skákstig.
• Lið þurfa að fá samþykki mótshaldara við skráningu.
• Veitingar í hléi verða í boði Saffran og Icelandic Glacial.

Skákdeild Fjölnis stendur að mótinu en verkfræðistofan Verkís, sem fagnar 80 ára starfsafmæli í ár, er aðalstyrktaraðili mótsins. Mótið er haldið til fjáröflunar fyrir barna- og unglingastarf skákdeildar Fjölnis en einnig til að styrkja kaup á vélbúnaði fyrir Héðin Steingrímsson, stigahæsta virka stórmeistara Íslands, sem jafnframt er félagi í Fjölni.
 
Stefnt er að því að gera mótið að árlegum viðburði og endurvekja þá skemmtilegu stofnanakeppni sem var við lýði fram að síðustu aldamótum.

Þátttökugjald hvers fyrirtækis/félags er 50.000 kr. Tilkynnið þátttöku sem fyrst á [e-mail]. Við hvetjum þig til að hafa frumkvæði í málinu og vekja athygli á keppninni innan þíns fyrirtækis eða félags.

Með von um jákvæð viðbrögð, stuðning og skemmtilegt samstarf,

Helgi Árnason, formaður skákdeildar Fjölnis, gsm 664-8320
Héðinn Steingrímsson, stórmeistari og núverandi Íslandsmeistari í skák, gsm 894-0807

Sýslumót Kjósarsýslu fer fram 23. apríl í Garðabæ

Sýslumót Kjósarsýslu í skólaskák verður haldið mánudaginn 23. apríl, kl 18:00 til 20:00 í Hofsstaðaskóla í Garðabæ.

Þátttökurétt hafa krakkar í skólum í Garðabæ, Álftanesi, Seltjarnarnesi og Mosfellsbæ.

Haldin verða 2 mót samtímis.

• 1.-7. bekkur
• 8.-10. bekkur

Umhugsunartími er 7-10 mín á skák og hefst taflið stundvíslega kl 18:00.
Tefldar verða 7 umferðir skv. Svissnesku kerfi.

Mikilvægt að fá send nöfn keppenda fyrir hádegi Mánudaginn 23 april.
Fullt nafn - bekkur - skóli - sendist á [e-mail]

Hver skóli má senda hámark 6 keppendur í hvern flokk. (ath undanskildir eru sérstaklega krakkar sem stunda reglulegar æfingar í Hofsstaðaskóla. Ef ósk er um fleiri keppendur vinsamlega hafið samband. (Helst gegnum tölvupóst þar sem ég verð erlendis frá fimmtudegi til mánudags))

Efstu 2 úr flokknum 8.-10. bekkur komast á kjördæmismót Reykjaneskjördæmis hins forna.
Efstu 2 úr flokknum 1.-7. bekkur komast á kjördæmismót Reykjaneskjördæmis hins forna.  

Kjördæmismótið er ekki komið með dagsetningu eða staðsetningu en verður haldið fyrir 29. apríl. (Landsmót verður svo fyrstu helgi í maí í Stórutjarnarskóla á Norðurlandi Eystra)

Veitt verða bikar, silfur og brons í hvorum flokki.

sjá má reglur mótsins með því að smella á þennan hlekk.
http://www.skaksamband.is/?c=webpage&id=244

Íslandsmótið í skák: Fimmta umferð hefst kl. 16 - spennan eykst

Fimmta umferð Íslandsmótins í skák hefst kl. 16 í Stúkunni á Kópavogsvelli.  Óvenju hart er barist á mótinu og ekkert um stutt jafntefli.  Henrik Danielsen er efstur með 3,5 vinning, Þröstur Þórhallsson er annar með 3 vinninga og Hannes Hlífar Stefánsson, Bragi Þorfinnsson og Sigurbjörn Björnsson fylgja fasta á eftir með 2,5 vinning.  Allt er því galopið og búast má við harðri baráttu í dag!

Eðalaðstæður eru skákstað og hægt að fylgjast með skákunum á tjaldi þar sem helstu skákspekingar landsins mæta á staðinn og láta ljós sitt skína.

Viðureignir dagsins:

• Davíð Kjartansson (1,5) - Henrik Danielsen (3,5)
• Þröstur Þórhallsson (3,0) - Guðmundur Gíslason (2,0)
• Dagur Arngrímsson (1,5) - Hannes Hlífar Stefánsson (2,5)
• Guðmundur Kjartansson (1,5) - Bragi Þorfinnsson (2,5)
• Sigurbjörn Björnsson (2,5) - Stefán Kristjánsson (1,5)
• Einar Hjalti Jensson (0,5) - Björn Þorfinnsson (1,5)

Beinar útsendingar úr 5. umferð má nálgast hér.  

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)