Dagur Kjartansson efstur í eldri flokkur - teflir úrslitaskák við Oliver

Dagur Kjartansson er efstur í eldri flokki Landsmótsins í skák.   Dagur hefur 8 vinninga.  Í 2.-3. sæti með 7,5 vinning eru Dagur Ragnarsson og Oliver Aron Jóhannesson með 7,5 vinning.  Dagur Kjartansson og Oliver mætast í úrslitaskák og ljóst að annar hvor þeirra verður Íslandsmeistari eða lendir mögulega í úrslitakeppni við Dag Ragnarsson.   Lokaumferðin hefst nú kl. 11

Jón Kristinn Þorgeirsson er með algjöra yfirburði í yngri flokki en hann hefur fullt hús eftir 10 umferðir.  Spennan en hin verðlaunasætin er þó mikil en í 2.-4. sæti með 7 vinninga eru Vignir Vatnar Stefánsson, Símon Þórhallsson og Hilmir Freyr Heimisson.   

Í gær fór fram Landsmótið í tvískák.   Þar unnu Dagur Kjartansson og Kristófer Jóel Jóhannesson öruggan sigur.  Hrund Hauksdóttir og Donika Kolica urðu í 2. sæti.  

Frásagnir og myndir frá þessu stórskemmtilega og vel skipulagð Landsmóti í skólaskák má lesa um á heimasíðu Goðans. 

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Verkísmótið góð þátttaka, spennandi keppni og einstök verðlaun

Það stefnir í góða þátttöku og spennandi viðureignir í Verkísmótinu í skák á miðvikudaginn kemur kl: 16.

Meðal nýrra liða eru sveitir Íslandsbanka og Hafgæði sf., en þar fer landsliðsmaðurinn Hjörvar Steinn Grétarsson fyrir sínum mönnum.

Meðal annarra þátttakenda eru lið Símans, Morgunblaðsins, Eimskips, Icelandic Excursions og Verkís, en alls eru 11 lið skráð.

Mótið hefur vakið eftirtekt og umtal, enda leit að skákmóti með betri verðlaun ef frá er talið sjálft Reykjavíkurskákmótið. Þá eru aðstæður til fyrirmyndar í Tjarnarsal Ráðhússins og fríar veitingar fyrir keppendur.

Til að koma til móts við fjölda fyrirspurna sem að mótshöldurum hefur borist frá skákmönnum, sem að vilja eiga ógleymanlega stund í Ráðhúsinu gefst skákmönnum nú kost á að senda tölvupóst til [e-mail] með hugmynd að þátttökugjaldi og meðlimum sveitar. Fyrirtæki, sem að gjarnan vilja vera með í mótinu, en hafa ekki skákmenn sjálf hafa haft samband og er ætlunin að para þau saman við skákhópa þannig að þau skipti með sér þátttökugjaldinu. Fyrstir koma fyrstir fá!

Fréttablaðið er með umfjöllun um mótið á forsíðu og miðopnu:

http://visir.is/viljum-koma-til-mots-vid-venjulega-skakahugamenn/article/2012705049913

Mogginn:

http://www.mbl.is/frettir/innlent/2012/05/03/skakmot_i_tilefni_afmaelis_einvigis_aldarinnar/

Útvarpsviðtal sem að tekið var í beinni á fimmtudagsmorgun þar sem að hugmyndafræði mótsins er útskýrð:

http://vefutvarp.visir.is/upptokur?itemid=11099

Vefsíða mótsins: http://www.firmakeppnin.blog.is

Verðlaunin: http://www.firmakeppnin.blog.is/blog/firmakeppnin/entry/1237817/

Fésbók:

http://www.facebook.com/profile.php?id=100003387882089

Það ætti enginn að missa af stórkostlegri upplifun á miðvikudaginn kemur og hver veit nema þú farir drekkhlaðinn vinningum útí sólina!

Búdapest: Dagur með jafntefli í fyrstu umferð

Í gær hófst First Saturday-mótið í Búdapest.  Alþjóðlegi meistarinn, Dagur Arngrímsson (2381) teflir þar í SM-flokki.  Í fyrstu umferð gerði hann jafntefli við ungverska alþjóðlega meistarann David Horvath (2420).  Frídagur er í dag.  Á morgun teflir hann svo við ítalska alþjóðlega meistarann Federico Manca (2424).

12 skákmenn tefla í SM-flokki og eru meðalstigin 2393 skákstig.  Til að fá stórmeistaraáfanga þarf 8,5 vinning.

• First Saturday-mótið
• Chess-Results (ekki komið)

Jón Kristinn hefur tryggt sér sigur í yngri flokki - Dagur R. efstur í þeim eldri

Jón Kristinn Þorgeirsson hefur tryggt sér sigur í yngri flokksins Landsmótsins í skólaskák en níundu umferð er nýlokið.  Jón Kristin vann Vigni Vatnar og hefur 2,5 vinnings forskot á Símon Þórhallsson og Hilmi Frey Heimisson sem eru í 2.-3. sæti.

Spennan er öllu meiri í eldri flokki.   Þar er Dagur Ragnarsson efstur með 7,5 vinning, nafni hans Kjartansson er annar með 7 vinninga og Oliver Aron Jóhannesson þriðji með 6,5 vinning.  

Tvær umferðir verða tefldar fyrir hádegi á morgun.

Í gær var farið í heimsókn í fjós og fjárhús á Stórutjarnarbúinu.  Í gær var einnig stundum bogfimi og í dag var hópferð farin í Dalakofann á Laugum og horft á bikarúrslitaleikinn í enska boltanum.  Frásagnir og myndir frá þessu má finna á heimasíðu Goðans, http://godinn.blog.is/blog/godinn/.  Í þessum töluðum orðum fer fram Landsmótið í tvískák. 

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Ingvar með jafntefli við Baburin - Bragi tapaði fyrir Howell

Ingvar Þór Jóhannesson (2331) gerði jafntefli við írska stórmeistarann Alexander Baburin (2535) í bresku deildakeppninni í dag.   Bragi Þorfinnsson (2421) tapaði hins vegar fyrir enska stórmeistaranum David Howell (2614).   Klúbbur þeirra félaga, Jukes of Kent, beið afhroð, tapaði 0,5-7,5 en Ingvar var sá eini sem náði punkti.

• Breska deildakeppnin
• Beinar útsendingar

Henrik í 3.-11. sæti í Köben

Stórmeistarinn Henrik Danielsen (2498) vann Danann Bo Jacobsen (2337) í sjöundu umferð Copenhages Chess Challange sem fram fór í dag.  Henrik hefur 5 vinninga og er í 3.-11. sæti.  Hannes Hlífar Stefánsson tapaði fyrir þýska alþjóðlega meistaranum Thorstein Michael Haub (2476), hefur 4,5 vinning og er í 12.-19. sæti.

Kjartan Maack (2133) og Atli Jóhann Leósson (1715) en sá síðarnefndi vann Óskar Long Einarsson (1591).  Kjartan hefur 4 vinninga, Atli 2 vinninga en Óskar 1 vinning. 

Færeyski alþjóðlegi meistarinn Helgi Dam Ziska (2450) er efstur með 6 vinninga en Haub er annar með 5,5 vinning.   Áttunda og næstsíðasta umferð fer fram í fyrramálið og hefst kl. 8.  Allar skákir mótsins eru sýndar beint!

66 skákmenn taka þátt og þar af eru 6 stórmeistarar.  Hannes og Henrik eru nr. 3 og 4 í stigaröð keppenda.   Mótið er 9 umferðir en er aðeins teflt á 5 dögum.  Tefldar eru 2 skákir alla daga nema fyrsta daginn.  Skákirnar hefjast kl. 8 og 13 á íslenskum tíma.

• Heimasíða mótsins
• Chess-Results
• Beinar útsendingar (borð 1-15)
  

 

Dagur Ragnarsson og Jón Kristinn efstir á Landsmótinu í skólaskák

Landsmótið í skólaskák er í fullum gangi í Stórutjarnaskóla sem fram fer í Þingeyjarsveit um helgina undir öruggri stjórn Landsmótsstjórans Ingibjargar Eddu Birgisdóttur og Allsherjar-Goðans Hermanns Aðalsteinssonar.  

Dagur Ragnarsson er efstur með 6,5 vinning í eldri flokki en nafni hans Kjartansson með 6 vinninga.   Oliver Aron Jóhannesson er þriðji með 5,5 vinning.

Jón Kristinn Þorgeirsson er efstur í yngri flokki með fullt hús eftir átta umferðir.  Hilmir Freyr Heimisson er er annar með 6,5 vinning og Vignir Vatnar Stefánsson er þriðji með 6 vinning.  Jón Kristinn á eftir mæta þeim báðum.

Níunda og síðasta umferðin í dag fer fram að loknum bikarúrslitaleik Chelsea og Liverpool.  Mótið klárast með tveimur umferðum á morgun.

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Bragi og Ingvar í beinni frá Bretlandi

Bragi Þorfinnsson (2421) og Ingvar Þór Jóhannesson (2331) eru að tafli um helgina í bresku deildakeppninni.   Bragi teflir við enska stórmeistarann Dawid Howell (2614) en Ingvar við írska stórmeistarann Alexander Baburin (2535).  

• Breska deildakeppnin
• Beinar útsendingar

Hannes í 3.-6. sæti í Köben

Stórmeistarinn Hannes Hlífar Stefánsson (2516) er í 3.-6. sæti með 4,5 vinning að loknum 6 umferðum á Copenhagen Chess Challange. Hannes gerði jafntefli við danska alþjóðlega meistarann Nicolai Vesterbaek Pedersen (2465) í 5. umferð og sænska alþjóðlega meistarann Daniel Semcesen (2461) í þeirri sjöttu.  

Henrik Danielsen (2498) er í 7.-21. sæti með 4 vinninga.  Í fimmtu umferð vann hann Dara Akdag (2264) en gerði jafntefli við danska FIDE-meistarann Igor Teplyi (2388) í þeirri stjöttu. 

Kjartan Maack (2133) hefur 3 vinninga en Atli Jóhann Leósson (1715) og Óskar Long Einarsson (1591) hafa 1 vinning.

Sænski stórmeistarinn Stellan Brynell (2489) og færeyski alþjóðlegi meistarinn Helgi Dam Ziska (2450) eru efstir með 5 vinninga.  

Í sjöundu umferð, sem hófst kl. 13,  teflir Hannes við Thorstein Michael Haub (2476) og Henrik teflir við Danann Bo Jacobsen (2337).  Skákir hinna Íslendinga eru einnig sýndar beint!

66 skákmenn taka þátt og þar af eru 6 stórmeistarar.  Hannes og Henrik eru nr. 3 og 4 í stigaröð keppenda.   Mótið er 9 umferðir en er aðeins teflt á 5 dögum.  Tefldar eru 2 skákir alla daga nema fyrsta daginn.  Skákirnar hefjast kl. 8 og 13 á íslenskum tíma.

• Heimasíða mótsins
• Chess-Results
• Beinar útsendingar (borð 1-15)
  

 

Verkís mótið í skák á miðvikudaginn kemur! 5500 stiga stigahámark

Í ár á einvígi aldarinnar 40 ára afmæli. Af því tilefni hefur Skákdeild Fjölnis, í samstarfi við Íslandsmeistarann í skák og Fjölnismanninn Héðin Steingrímsson, sett á laggirnar fyrirtækja- og félagamót í skák.

Mótið fer fram miðvikudaginn 9. maí næstkomandi í Ráðhúsi Reykjavíkur á milli kl. 16 og 19. Búast má við mörgum sterkum skákmönnum, en engu að síður er mótið skipulagt fyrst og fremst með hinn almenna skákáhugamann í huga.

Um er að ræða sveitakeppni, þrír skákmenn í hverju liði og tveir varamenn. Til að fá sem jafnasta og mest spennandi keppni er styrkleiki hvers liðs takmarkaður við 5.500 stig. Til að hvetja skákmenn sem ekki hafa mikið látið að sér kveða í opinberri keppni eru stigalausir reiknaðir með aðeins 1.000 stig.

Verðmæti vinninga er áætlað ekki undir 750 þús. kr. Þátttökugjald er 50 þús. kr. á lið.

Mótið er haldið bæði til að efla áhuga á skák og fá þá sem hingað til hafa ekki látið til sín taka opinberlega að skákborðinu. Einnig er um að ræða fjáröflunarviðburð fyrir Skákdeild Fjölnis sem og til að styrkja vélbúnaðarkaup Íslandsmeistarans í skák og Fjölnismannsins Héðins Steingrímssonar. Fjölnir er mjög framanlega í barna- og unglingaskák og er með auk Íslandsmeistarans nýbakaðan bronsverðlaunahafa Heimsmeistaramóts áhugamanna auk fjölmargra Norðurlanda- og Íslandsmeistara, segir í fréttatilkynningu.

Verkfræðistofan Verkís er aðalstyrktaraðili mótsins, en hún fagnar 80 ára afmæli í ár.

Skráning er hafin á [e-mail]

Mogginn birtir fréttatilkynningu um mótið, sem lesa má í vefútgáfunni:

http://www.mbl.is/frettir/innlent/2012/05/03/skakmot_i_tilefni_afmaelis_einvigis_aldarinnar/

Útvarpsviðtal sem að tekið var í beinni á fimmtudagsmorgun þar sem að hugmyndafræði mótsins er útskýrð:

http://vefutvarp.visir.is/upptokur?itemid=11099

Vefsíða mótsins með nánari upplýsingar m.a. um verðlaun:

http://www.firmakeppnin.blog.is/blog/firmakeppnin/

Fésbókarsíða mótsins:

http://www.facebook.com/profile.php?id=100003387882089