Borðaröð Ólympíuliðanna

Liðsstjórar íslensku ólympíuliðanna hafa ákveðið borðaröð liðanna.  Þar er alfarið raðað eftir stigum.  Einnig hefur ritstjóri tekið saman lið hinna Norðurlandanna, að mestu byggt á umfjöllun Chessdom. Athygli vekur að í lið Noregs vantar bæði Carlsen og Hammer.  Reyndar er enginn stórmeistari í liðinu.  Svíar hafa sterkasta liðið (2557). 

Íslensku liðin eru:

Opinn flokkur:

1. GM Héðinn Steingrímsson (2560)
2. GM Hannes Hlífar Stefánsson (2515)
3. GM Henrik Danielsen (2511)
4. IM Hjörvar Steinn Grétarsson (2507)
5. GM Þröstur Þórhallsson (2426)

Meðalstig: 2523

Kvennaflokkur:

1. WGM Lenka Ptácníková (2275)
2. Hallgerður Helga Þorsteinsdóttir (1957)
3. Jóhanna Björg Jóhannsdóttir (1886)
4. Tinna Kristín Finnbogadóttir (1832)
5. Elsa María Kristínardóttir (1737)

Meðalstig: 1988

Hér fylgja með upplýsingar um hin lið Norðurlandanna í opnum flokki. Ekki er víst að borðaröð sé alltaf rétt.

Styrkleikaröð liðanna:

1. Svíþjóð (2557)
2. Danmörk (2524)
3. Ísland (2523)
4. Finnland (2500)
5. Noregur (2453)
6. Færeyjar (2363)

Danmörk:

1. GM Sune Berg Hanesen (2577)
2. GM Lars Schandorrf (2516)
3. GM Jacob Aagaard (2506)
4. GM Allan Stig Rasmussen (2496)
5. IM Jakob Vang Glud (2498)

Meðalstig: 2524

Finnland:

1. GM Tomi Nyback (2638)
2. IM Tapani Sammalvuo (2472)
3. IM Mika Karttunen (2448)
4. IM Mikael Agapov (2442)
5. FM Vilka Sipila (2435)

Meðalstig: 2500

Færeyjar:

1. IM Helgi Dam Ziska (2467)
2. IM John Arni Nielsen (2372)
3. IM John Rodgaard (2354)
4. Joan Hendrik Andreasen (2260)
5. Rogvi Egilstoft Nielsen (2203)

Meðalstig: 2363

Noregur:

1. IM Frode Elsness (2487)
2. IM Torbjorn Ringdal Hansen (2469)
3. IM Frode Urkedal (2436)
4. IM Torstein Bae (2420)
5. FM Andreas Moen (2392)

Meðalstig: 2453

Svíþjóð: 

1. GM Emanuel Berg (2573)
2. GM Hans Tikkanen (2573)
3. GM Nils Grandelius (2570)
4. GM Pontus Carlsson (2511) 

Meðalsti: 2557

Heimasíða Ólympíuskákmótsins

Dagur með enn eitt jafnteflið

Alþjóðlegi meistarinn Dagur Arngrímsson (2366) er í miklum jafnteflisgír á First Saturday-mótinu.  Í 4. umferð, sem fram fór í dag, gerði hann sitt fjórða jafntefli að þessu sinni við spænska alþjóðlega meistarann Rafael Rodriguez Lopez (2244).  Dagur er 7.-8. sæti með 2 vinning

10 skákmenn tefla í SM-flokki og er Dagur næststigalægstur keppenda.  Meðalstig í flokknum eru 2428 skákstig. 

• Heimasíða mótsins
• Chess-Results

 

Opna skoska: Bragi og Róbert unnu í 4. umferð - Bragi í 1.-6. sæti

Bragi Þorfinnsson (2465) og Róbert Lagerman (2315) unnu báðir stigalægri andstæðinga í 4. umferð opna skoska meistaramótsins sem fram fór í dag.  Hjörvar Steinn Grétarsson (2507), Nökkvi Sverrisson (1973), Emil Siguðarson (1808), Óskar Long Einarsson (1587) og Jón Trausti Harðarson (1774) gerðu allir jafntefli.   Nökkvi, Emil og Óskar Long allir við töluvert stigahærri andstæðinga.  Nökkvi við skoska FIDE-meistarann Philip Giulian (2285).  Hinir Íslendinganna töpuðu.  

Staða íslensku keppendanna:

• 1.-6. Bragi Þorfinnsson (2465) 3,5 v.
• 7.-22. Hjörvar Steinn Grétarsson (2507) 3 v.
• 23.-44. Róbert Lagerman (2315) 2,5 v.
• 45.-68. Nökkvi Sverrisson (1973) 2 v.
• 69.-93. Mikael Jóhann Karlsson (1929), Emil Sigurðarson (1808) og Óskar Long Einarsson (1587) 1,5 v.
• 94.-106. Jón Trausti Harðarson (1774) 1 v.
• 107.-110. Birkir Karl Sigurðsson (1709) 0,5 v.

Skákir Braga og Hjörvars verða sýndar beint á morgun. Bragi mætir indverska stórmeistaranum Deep Sengupta (2458) en Hjörvar mætir búlgarska alþjóðlega meistaranum Ivaljo Enchev (2413). Umferðin hefst kl. 12.

116 skákmenn taka þátt í mótinu og þar af eru 9 stórmeistarar og 13 alþjóðlegir meistarar.  Hjörvar er nr. 8 í stigaröð keppenda, Bragi nr. 13 og Róbert nr. 25.

• Heimasíða mótsins
• Beinar útsendingar (umferðir hefjast kl. 12, nema 7. umferð hefst kl. 11:30)
• Úrslitaþjónusta

Grischuk heimsmeistari í hraðskák

 

Rússinn, Alexander Grischuk (2763), er heimsmeistari í hraðskák en mótinu lauk í dag í Astena í Kasakstan.  Stigahæsti skákmaður heims, Magnus Carlsen (2837), varð annar og Rússinn Sergey Karjakin (2779) varð þriðji.  

Lokastaðan:

Place	Name	Fed,	FIDE	Total
1	Grischuk, Alexander	RUS	2763	20
2	Carlsen, Magnus	NOR	2837	19,5
3	Karjakin, Sergey	RUS	2779	18,5
4	Morozevich, Alexander	RUS	2770	17,5
5	Andreikin, Dmitry	RUS	2700	17
6	Radjabov, Teimour	AZE	2788	17
7	Le, Quang Liem	VIE	2693	16,5
8	Svidler, Peter	RUS	2749	15
9	Ivanchuk, Vassily	UKR	2769	15
10	Gelfand, Boris	ISR	2738	13,5
11	Chadaev, Nikolai	RUS	2580	13,5
12	Mamedyarov, Shakhriyar	AZE	2726	13
13	Topalov, Veselin	BUL	2752	13
14	Jumabayev, Rinat	KAZ	2561	12
15	Bologan, Viktor	MDA	2732	11
16	Kotsur, Pavel	KAZ	2571	8

 

 

Heimsmeistaramótið í atskák og hraðskák

Opna skoska: Bragi, Mikael og Emil unnu - Jón Trausti með gott jafntefli

Bragi Þorfinnsson (2465), Mikael Jóhann Karlsson (1929) og Emil Sigurðarson (1808) unnu allir í 3. umferð opna skoska meistaramótsins sem fram fór í dag.   Hjörvar Steinn Grétarsson (2507), Róbert Lagerman (2315) og Jón Trausti Harðarson (1774) gerðu jafntefli.  Sá síðastnefndi gegn ungversku skákkonunni Boglarka Bea (2178), sem er FIDE-meistari kvenna.   Hinir Íslendingana töpuðu.

Staða íslensku keppendanna:

• 1.-19. Hjörvar Steinn Grétarsson (2507) og Bragi Þorfinnsson (2465) 2,5 v.
• 39.-75. Róbert Lagerman (2315), Nökkvi Sverrisson (1973) og Mikael Jóhann Karlsson (1929) 1,5 v.
• 76.-98. Emil Sigurðarson (1808) og Óskar Long Einarsson (1587) 1 v.
• 99.-106. Jón Trausti Harðarson (1774) og Birkir Karl Sigurðsson (1709) 0,5 v.

Skákir Hjörvars og Braga verða sýndar beint á morgun.  Hjörvar mætir skoska alþjóðlega meistaranum Roderick McKay (2376) en Bragi mætir Þjóðverjanum Martin Villwock (2176).  Umferðin hefst kl. 12.

116 skákmenn taka þátt í mótinu og þar af eru 9 stórmeistarar og 13 alþjóðlegir meistarar.  Hjörvar er nr. 8 í stigaröð keppenda, Bragi nr. 13 og Róbert nr. 25.

• Heimasíða mótsins
• Beinar útsendingar (umferðir hefjast kl. 12, nema 7. umferð hefst kl. 11:30)
• Úrslitaþjónusta

Búdapest: Dagur enn með jafntefli gegn stigaháum andstæðingum

Alþjóðlegi meistarinn Dagur Arngrímsson (2366) gerði sitt þriðja jafntefli í jafn mörgum umferðum í 3. umferð First Saturday-mótsins sem fram fór í dag.  Að þessu sinni gegn íranska alþjóðlega meistaranum Pouya Idani (2473).  Dagur er 5.-8. sæti.

10 skákmenn tefla í SM-flokki og er Dagur næststigalægstur keppenda.  Meðalstig í flokknum eru 2428 skákstig. 

• Heimasíða mótsins
• Chess-Results

 

Morgunblaðið: Skákað yfir Atlantshafið

Grein þessi var birt í Sunnudagsmogganum, 1. júlí 2012.  Höfundar eru Þorsteinn Þorsteinsson, Árni H. Kristjánsson og Daði Örn Jónsson.  

-------------------------------------

Bréfskák er tefld með þeim hætti að leikirnir eru sendir með pósti (póstkorti, bréfi, vefpósti (e-mail) eða vefþjóni (webserver). Hið hefðbundna sendingaform leikja er póstkort með mynd af taflborði þar sem reitir þess eru merktir með tölustöfum. Þetta upphaflega form bréfskákar hefur nær alveg vikið fyrir vefþjónum, sem eru allsráðandi í dag. Umhugsunartími á hefðbundnum póstkortsmótum er þrír dagar á leik, en fimm dagar á leik í vefpósts- og vefþjónsmótum.

Upphaf bréfskákar

Bréfskák var iðkuð þegar á 17. öld, en fyrstu varðveittu bréfskákirnar voru tefldar í upphafi 19. aldar. Á árunum 1824-1828 fór fram bréfskákkeppni milli skákfélaga í London og Edinborg sem Skotar unnu. Í kjölfarið færðust slíkar keppnir milli borga og bæja í vöxt. Í lok 19. aldar var algengt að skáktímarit stæðu fyrir bréfskákmótum. T.a.m. stóð danska skáktímaritið Tidskrift for Skak fyrir norrænum mótum eftir að útgáfa þess hófst 1895.

Alþjóðasamtök

Fyrsta alþjóðasambandið í bréfskák (Internationaler Fernschachbund) var stofnað í Berlín árið 1928. Það efndi til fyrstu Evrópukeppninnar árið 1935. Tveimur árum síðar var að frumkvæði alþjóðasambandsins ákveðið að efna til heimsmeistarakeppni, en ekkert varð úr framkvæmdinni vegna heimsstyrjaldarinnar síðari. Annað alþjóðasamband (International Correspondence Chess Association, ICCA) var stofnað árið 1945. Á vegum þess hófst fyrsta heimsmeistarakeppnin í bréfskák árið 1946. Árið 1951 var svo Alþjóðabréfskáksambandið (International Correspondence Chess Federation, ICCF) stofnað og starfar það enn, með 65 aðildarlöndum. ICCF hefur náið samstarf við Alþjóðaskáksambandið (FIDE). Auk heimsmeistarakeppni og Ólympíuskákmóta, sem haldin hafa verið frá árinu 1946, stendur ICCF fyrir Evrópukeppni (fyrst haldin 1955), þemamótum og fjölmörgum öðrum mótum.

Upphaf bréfskákar á Íslandi

Talið er að Þorvaldur Jónsson, læknir á Ísafirði, hafi verið fyrstur Íslendinga til að tefla bréfskák rétt fyrir aldamótin 1900. Tefldi hann við félaga í Köbenhavns Skakforening og skákmenn í Reykjavík. Árið 1935 hugðist Skákblaðið efna til keppni í bréfskák til styrktar skákiðkun í landinu og birti blaðið reglur um fyrirkomulag keppninnar. Af keppninni varð ekki, né heldur þeirri sem Nýja skákblaðið reyndi að koma á fót árið 1940 um titilinn Bréfskákmeistari Íslands. Eftir síðari heimsstyrjöldina óx bréfskákaiðkun talsvert og nokkrir skákmenn hófu þátttöku í alþjóðlegum bréfskákmótum. Árið 1972 varð Bjarni Magnússon Norðurlandameistari í bréfskák.

Tímaritið Skák hleypti fyrstu bréfskákkeppninni af stokkunum árið 1964, en hún lognaðist fljótlega út af. Skáksamband Íslands tók þessi mál upp á sína arma og skipaði sérstaka bréfskáknefnd til að skipuleggja bréfskákaiðkun í landinu. Nefndin gerðist aðili að ICCF og á vegum hennar hófst árið 1974 fyrsta Bréfskákþing Íslands. Íslendingar tóku þátt í VII Ólympíubréfskákmótinu sem hófst 1972 og 1975 hófu tveir Íslendingar þátttöku í heimsmeistarakeppni ICCF.

Félag íslenskra bréfskákmanna stofnað

Hinn 12. september 1991 var haldinn í húsakynnum Skáksambands Íslands, stofnfundur Félags íslenskra bréfskákmanna. Helstu hvatamenn að stofnun félagsins voru Jón A. Pálsson, Þórhallur B. Ólafsson og Bjarni Magnússon. Um tveir tugir manna mættu á fundinn, sem fór í alla staði vel fram undir fundarstjórn Guðmundar G. Þórarinssonar, forseta S.Í. Stofnun félagsins var samþykkt samhljóða og voru stofnfélagar 19 talsins. Fyrsta stjórn félagsins var þannig skipuð: Þórhallur B. Ólafsson formaður, Baldur Daníelsson gjaldkeri, Jón A. Pálsson, Þorleifur Ingvarsson og Eggert Ísólfsson meðstjórnendur. Félagið varð aðili að S.Í. og Alþjóða bréfskáksambandinu (ICCF). Félagið gaf út fréttablaðið Bréfskákstíðindi um nokkurra ára skeið.

Titilhafar í bréfskák

Árið 1981 var Jón A. Pálsson útnefndur alþjóðlegur meistari (IM) í bréfskák, fyrstur Íslendinga. Íslenskir titilhafar eru:

ICCF Alþjóðlegir bréfskákmeistarar (IM)

Nafn	Útnefndur titilhafi
Jón Adólf Pálsson	1981
Bragi Kristjánsson	1984
Frank Herlufsen	1989
Hannes Ólafsson	1991
Bragi Þorbergsson	1992
Áskell Örn Kárason	1993
Jón Kristinsson	1994
Jón Árni Halldórsson	1997
Gísli S. Gunnlaugsson	1999
Haraldur Haraldsson	2007
Árni H. Kristjánsson	2012

 

ICCF Bréfskákmeistarar (SIM)

Nafn	Útnefndur titilhafi
Jón Adólf Pálsson	1999
Jón Árni Halldórsson	1999
Ákell Örn Kárason	2001

ICCF Stórmeistarar í bréfskák (GM)

Nafn	Útnefndur titilhafi
Hannes Ólafsson	1995
Bragi Þorbergsson	1998

 

Bréfskákmeistarar Íslands

Fyrsta mótið um titilinn Bréfskákmeistari Íslands hófst árið 1974, síðan þá hefur verið keppt 22 sinnum um titilinn. Eftirtaldir hafa orðið sigurvegarar:

Ár	Íslandsmeistarar í bréfskák
1974 -1976	Jón A. Pálsson og Kristján Guðmundsson
1978 -1980	Frank Herlufsen
1979 -1981	Hannes Ólafsson
1980 -1982	Árni Stefánsson
1981 -1983	Jón A. Pálsson
1982 -1984	Haukur Kristjánsson
1983 -1985	Jón Þ. Þór
1984 -1986	Ingimar Halldórsson
1985 -1987	Jón Kristinsson
1986 -1988	Jón Kristinsson
1987 -1989	Árni Stefánsson
1988 -1990	Áskell Örn Kárason
1989 -1991	Bjarni Magnússon og Jón Kristinsson
1990 -1992	Kristján Guðmundsson
1991 -1993	Kári Sólmundarson
1993 -1995	Magnús Gunnarsson og Baldur Fjölnisson
1994 -1996	Jón Kristinsson
1997 -1999	Vigfús Óðinn Vigfússon
1998 -2000	Gísli S. Gunnlaugsson og Hörður Þ. Garðarsson
2002 -2004	Jónas Jónasson
2006 -2008	Jónas Jónasson
2010 -2012	Árni H. Kristjánsson

 

Íslandsmótið í bréfskák - Árni H. Kristjánsson Íslandsmeistari

Mikil gróska er hjá íslenskum bréfskákmönnum um þessar mundur en nokkuð hefur borið á því að reyndir kappskákmenn hafi í auknum mæli snúið sér að bréfskák. Hér má nefna menn eins og Áskel Örn Kárason, Árna Kristjánsson, Daða Örn Jónsson, Halldór Grétar Einarsson, Jón Árna Halldórsson og Þorstein Þorsteinsson. Nýlega lauk Íslandsmótinu og stóð Árni H. Kristjánsson uppi sem sigurvegari og er því Íslandsmeistari í bréfskák. Mótið hófst 1. mars 2010 og voru keppendur 13 og þar af 5 erlendir. Með þessu sniði gafst keppendum tækifæri til að ná áföngum. Árni hlaut 8,5 vinninga úr 12 skákum. Í öðru til fjórða sæti með 8 vinninga, urðu Baldvin Skúlason, Sonny Colin (Svíþjóð) og Jónas Jónasson. Þessir keppendur náðu allir IM-áföngum. Með sigrinum tryggði Árni sér jafnframt IM titil, alþjóðlegan meistaratitil í bréfskák.

Evrópumót landsliða - Íslenska liðið efst í sínum riðli

 

Fremri röð frá vinstri: Kári Elíson, Jón Árni Halldórsson, Jón A. Pálsson.

Aftari röð frá vinstri: Kristján Jóhann Jónsson, Daði Örn Jónsson, Árni H. Kristjánsson, Þorsteinn Þorsteinsson, Baldvin Skúlason, Jónas Jónasson.

Níunda Evrópumót landsliða hófst 15. júlí 2011 og er skemmst frá því að segja að íslenska landsliðið hefur farið mikinn og er efst í sínum riðli á undan mörgum sterkum þjóðum en teflt er á 10 borðum. Helstu keppinautar eru Þjóðverjar og Slóvakar, sem hömpuðu Evrópumeistaratitlinum í sjöundu Evrópukeppninni. Þar á undan urðu Þjóðverjar Evrópumeistarar. Þetta eru því sterkir andstæðingar, en til viðbótar má geta þess að tæpur helmingur þjóðanna í riðlinum teflir í úrslitum áttundu Evrópukeppninnar sem hófst nú í febrúar. Þetta eru Eistar, Slóvakar, Svíar, Þjóðverjar, Króatar og Slóvenar. Tvö efstu liðin komast í úrslit og verða líkurnar á því að íslenska liðið komist þangað að teljast allgóðar. Árangur liðsins er athyglisverður, ekki síst í ljósi þess að liðið er með næstlægstu meðalstigin í riðlinum. Daði Örn Jónsson er með besta árangur liðsins en hann hefur lokið keppni og hlaut 9 vinninga í 10 skákum. Aðrir keppendur eru skemmra á veg komnir.

EU/TC9/sf1		9th European Team Championship - Semifinal 1												TD Glaser, Karel (IA)
Nr.	Team	ELO	1	2	3	4	5	6	7	8	9	10	11	Score	%	+/-	Team results	FG	RG	Place
1	Iceland	2331		3.5	3	3.5	2	4	4.5	5.5	3.5	2.5	4.5	36.5	62	15	7	58	22	1
2	Slovakia	2447	2.5		4	4	3	4.5	2	4	2	4	4.5	34.5	61	13	8	56	24	2
3	Germany	2491	4	3		4	2.5	3	2.5	3	2.5	3	4	31.5	57	8	3	55	25	3
4	Norway	2308	2.5	2	2		2.5	2.5	4	3.5	3	2	4.5	28.5	45	-5	3	62	18	4
5	Slovenia	2448	1	3	2.5	2.5		4	2.5	2.5	1.5	4	4	27.5	56	6	3	49	31	5
6	Sweden	2401	1	2.5	3	3.5	2		2	3.5	2	4.5	3	27	45	-5	2	59	21	6
7	Turkey	2390	2.5	1	1.5	4	2.5	2		4.5	2	2.5	3	25.5	49	-1	3	52	28	7
8	Denmark	2361	2.5	2	3	2.5	1.5	3.5	2.5		1.5	3.5	3	25.5	40	-12	0	63	17	8
9	Croatia	2420	1.5	1	0.5	4	1.5	3	3	3.5		3	3	24	53	3	1	45	35	9
10	Bulgaria	2300	1.5	2	2	4	2	2.5	1.5	3.5	2		2.5	23.5	42	-8	1	55	25	10
11	Estonia	2420	2.5	1.5	2	1.5	2	3	2	4	1	2.5		22	37	-14	1	58	22	11

Bréfskák og skákforrit

Ýmsir sakna tíma biðskákanna, því rannsóknir á þeim voru mjög lærdómsríkar. Sterkari skákmenn höfðu oft aðstoðarmenn sem hjálpuðu til við byrjanaundirbúning og biðskákir og þeir sátu stundum heilu næturnar yfir stöðunum meðan skákmaðurinn sjálfur hvíldist. Líkja má bréfskákum við rannsóknir á biðstöðum þar sem tölvur og gagnagrunnar hafa leyst aðstoðarmennina af hólmi. Aðalmunurinn er þó sá, að í bréfskákinni þarf að rannsaka stöðuna eftir hvern leik andstæðingsins. Bréfskákin er því prýðilegur vettvangur til að þjálfa sig í skákrannsóknum. Þar gefst góður tími til að kafa ofan í byrjunarafbrigði, ná betri tökum á tölvutækninni og endurbæta vinnubrögð við rannsóknir. Sú reynsla nýtist öllum skákmönnum sem vilja bæta sig.

Einhverjir ímynda sér kannski að bréfskák felist í því að setja uppáhaldsskákforritið sitt í gang og senda síðan andstæðingnum þann leik sem það stingur upp á. Málið er hins vegar mun flóknara. Það er t.d. vel þekkt að skákforrit eru ekki með góðan skilning á ákveðnum stöðutegundum og aðrar stöður eru einfaldlega það djúpar að skákforrit geta ekki komið með tæmandi greiningu á þeim. Einnig er hálfgerður byrjendabragur á taflmennskunni hjá þeim í sumum endatöflum. Afleiðingin er sú, að þeir sem treysta eingöngu á skákforritin í bréfskákinni ná sjaldnast langt.

Eftirfarandi staða er sláandi dæmi um þetta.

[FEN "8/5p1k/4qQpp/1pp1P3/8/5P1P/1P4PK/8 w - - 0 37"] *

Staðan kom upp í landskeppni milli Íslands og Spánar. Þorsteinn Þorsteinnson stýrði svörtu mönnunum og bauð hér upp á drottingaruppskipti. Spánverjinn lék 37.Dxe6? sem leiðir til tapaðs peðsendatafls eins og Þorsteinn sýndi fram á. Þrátt fyrir það er þetta sá leikur sem fimm sterkustu skákforritin vildu leika og það er væntanlega skýringin á afleik Spánverjans.
Hvað er það sem ræður úrslitum þegar allir bréfskákmenn eru vopnaðir öflugum skákforritum? Það er augljóslega eitthvað annað en skákforritin sjálf því flestir eru að nota sömu forrit. Sumir hafa öflugri tölvur en aðrir, en reynslan sýnir að slíkt skiptir minna máli en ætla mætti. Skák er sem betur fer það flókin, að þrátt fyrir stöðugt vaxandi styrkleika skákforrita er það skákmaðurinn sjálfur sem enn ræður mestu um þann árangur sem hann nær. Þótt vissulega reyni á ýmsa aðra þætti en í kappskák, þá skipta innsæi, hugmyndaauðgi og almennur skákskilningur gríðarlega miklu máli. Síðan gildir það sama í bréfskák og kappskák, að menn uppskera eins og þeir sá! Góð skipulagning og dugnaður verður seint ofmetin.
Þegar litið er yfir skákir íslenska liðsins í Evrópukeppninni má finna fjölmörg dæmi sem sýna að góður árangur liðsins felst m.a. í því að láta skákforritin ekki teyma sig áfram hugsunarlaust.

[FEN "r3rbk1/1pqn1p2/p2p1np1/P2P2Bp/2N1p3/5P2/1PPQ2PP/2KR1B1R b - - 0 18"] *

 

Hér hafði Daði Örn Jónsson svart gegn slóvenskum andstæðingi. Staðan, sem kom upp úr Najdorf-afbrigðinu, hefur sést níu sinnum áður í bréfskákum og svartur lék ávallt 18... Hac8, sem er jafnframt sá leikur sem skákforritin kjósa. Gallinn er, að átta af þessum skákum lauk með jafntefli. Í stað þess að feta þá jafnteflisbraut lék Daði 18... h4!?, leik sem ekkert skákforrit stingur upp á. Framhaldið sýndi þó að svartur fær góð mótfæri vegna veikingar c1-h6 skálínunnar eftir að hvítur tekur peðið.

Skák Daða með finna skýrða í meðfylgjandi PDF-viðhengi.

Veljið skák (2 alls): 1: García Gil, José Luis - Þorsteinsson, Þorsteinn 2: Horvat, Milan - Jónsson, Dadi Örn

[Event "ESP-ISL 2010"] [Site "ICCF"] [Date "2010.11.20"] [Round "-"] [White "García Gil, José Luis"] [Black "Þorsteinsson, Þorsteinn"] [Result "0-1"] [WhiteElo "2285"] [Board "7"] [WhiteTeam "Spain"] [BlackTeam "Iceland"] 1.d4 d6 2.e4 Nf6 3.Nc3 e5 4.Nf3 Nbd7 5.Bc4 Be7 6.O-O O-O 7.Re1 c6 8.a4 a5 9.h3 Nb6 10.Ba2 Nfd7 11.dxe5 dxe5 12.Be3 h6 13.Nh2 Bg5 14.Qd2 Bxe3 15.Qxe3 Qe7 16.Red1 Kh7 17.Nf3 Nc5 18.Ne1 Nbxa4 19.Nxa4 Nxa4 20.Nd3 Ra6 21.Bb3 Nb6 22.Nc5 Ra8 23.Qc3 a4 24.Nxa4 Nxa4 25.Rxa4 Rxa4 26.Bxa4 Rd8 27.Rxd8 Qxd8 28.Qxe5 Be6 29.Kh2 Qd2 30.Kg3 Qb4 31.Bb3 Bxb3 32.cxb3 Qxb3+ 33.Kh2 b5 34.f3 g6 35.Qf6 c5 36.e5 Qe6 37.Qxe6 fxe6 38.Kg3 g5 39.Kf2 Kg6 40.g4 Kf7 41.Ke2 Ke7 42.Ke3 b4 43.f4 Ke8 44.fxg5 hxg5 45.Kd3 Kd7 46.b3 Kc7 47.Ke3 Kc6 48.Ke4 Kb5 0-1

[Event "9th European Team Championship - Semifinal 1"] [Site "ICCF"] [Date "2011.07.15"] [Round "?"] [White "Horvat, Milan"] [Black "Jónsson, Dadi Örn"] [Result "0-1"] [BlackElo "0"] [WhiteElo "2384"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Be3 e5 7. Nb3 Be6 8. f3 h5 9. Nd5 Bxd5 10. exd5 g6 11. Qd2 Nbd7 12. Na5 Qc7 13. a4 Bg7 14. Nc4 O-O 15. a5 e4 16. O-O-O Rfe8 17. Bf4 Bf8 18. Bg5 h4 19. Bxh4 Rac8 20. Kb1 e3 21. Qe2 Qc5 22. Bxf6 Nxf6 23. Nb6 Rcd8 24. Qe1 Nd7 25. Na4 Qc7 26. Be2 b5 27. Nb6 Nxb6 28. axb6 Qxb6 29. h4 b4 30. h5 b3 31. c4 gxh5 32. Rxh5 Bg7 33. Rg5 Re5 34. Rg4 Kf8 35. Rd3 Rh5 36. Re4 a5 37. f4 Rh2 38. Bf3 a4 39. Rdxe3 Qb8 40. Qg1 Rh6 41. Re1 Bf6 42. Qe3 a3 43. bxa3 Qa8 44. Qc1 Qa5 45. R4e3 Rb8 46. Rd3 Qc5 47. g4 Rh2 48. Re2 Rxe2 49. Bxe2 Re8 50. g5 Bg7 51. f5 Rxe2 52. f6 Kg8 53. Rxb3 Bf8 54. Rb2 Re4 55. Rc2 Rg4 56. Ka2 Qc8 57. Kb3 Qf5 58. Qe3 Rxg5 59. Rf2 Qg6 60. Rf3 Bh6 61. Qd3 Kf8 62. a4 Rg1 63. Qxg6 fxg6 64. a5 Bd2 65. a6 Ra1 66. Rd3 Bf4 67. c5 dxc5 68. d6 Rxa6 69. d7 Bc7 0-1

Skrár tengdar þessari bloggfærslu:

• Skák Daða gegn Horvat - skýrð

Grischuk efstur í hálfleik á HM í hraðskák

Rússinn, Alexander Grischuk (2763) er efstur að loknum fyrri degi Heimsmeistaramótsins í hraðskák sem fram fór í Astana í Kasakstan fyrr í dag.  Í 2.-4. sæti eru landar hans Dmitry Andreikin (2700) og Sergey Karjakin (2779) og Úkraínumaðurinn Vassily Ivanchuk (2769).  Stigahæsti skákmaður heims, Magnus Carlsen (2837), er aðeins í fimmta sæti, tveimur vinningum á eftir efsta manni, en enn eru heilar 15 umferðir til stefnu þar sem tefld er tvöföld umferð.

Staðan í hálfleik:

 

Place	Title	Name	Fed.	FIDE	Total
1	GM	Grischuk, Alexander	RUS	2763	10,5
2	GM	Andreikin, Dmitry	RUS	2700	9,5
3	GM	Ivanchuk, Vassily	UKR	2769	9,5
4	GM	Karjakin, Sergey	RUS	2779	9,5
5	GM	Carlsen, Magnus	NOR	2837	8,5
6	GM	Radjabov, Teimour	AZE	2788	8,0
7	GM	Morozevich, Alexander	RUS	2770	8,0
8	GM	Chadaev, Nikolai	RUS	2580	8,0
9	GM	Svidler, Peter	RUS	2749	7,5
10	GM	Le, Quang Liem	VIE	2693	7,0
11	GM	Jumabayev, Rinat	KAZ	2561	7,0
12	GM	Gelfand, Boris	ISR	2738	7,0
13	GM	Mamedyarov, Shakhriyar	AZE	2726	5,5
14	GM	Topalov, Veselin	BUL	2752	5,5
15	GM	Bologan, Viktor	MDA	2732	5,0
16	GM	Kotsur, Pavel	KAZ	2571	4,0

Taflmennskan hefst kl. 9 í fyrramálið og er meðal annars hægt að fylgjast með henni á Chessbomb og á heimasíðu mótsins.

Heimsmeistaramótið í atskák og hraðskák

Opna skoska: Hjörvar vann í 2. umferð - Nökkvi með jafntefli gegn landsliðsmanni

Alþjóðlegi meistarinn, Hjörvar Steinn Grétarsson (2507), vann skoska FIDE-meistarann Philip Giulian (2285) í 2. umferð opna skoska meistaramótsins sem fram fór í dag.  Bragi Þorfinnsson (2465), Nökkvi Sverrisson (1973), Róbert Lagerman (2315) og Mikael Jóhann Karlsson (1929) gerðu allir jafntefli.  Hinir íslensku skákmennirnir töpuðu.  

Nökkvi gerði jafntefli við skoska FIDE-meistarann Alan Tate (2346), sem tefldi á fyrsta borði fyrir Skota á EM landsliða í Porto Carras sl. haust.   Aðrir gerðu jafntefli við stigalægri andstæðinga.

Hjörvar hefur 2 vinninga, Bragi og Nökkvi hafa 1,5 vinning, Róbert og Óskar hafa 1 vinning, Mikael Jóhann og Birkir Karl hafa 0,5 vinning en Emil og Jón Trausti eru enn ekki komnir á blað.

Skákir Hjörvars, Nökkva og Braga verða sýndar beint á morgun.  Hjörvar mætir Svíanum Michael De Verdier (2352), Nökkvi mætir enn einum landsliðsmanninum að þessu sinni Jacob Aagaard (2506), sem teflir með Dönum á næsta Ólympíuskakmóti.  Bragi mætir stigalágum andstæðingi (1955).  Umferðin hefst kl. 12.

116 skákmenn taka þátt í mótinu og þar af eru 9 stórmeistarar og 13 alþjóðlegir meistarar.  Hjörvar er nr. 8 í stigaröð keppenda, Bragi nr. 13 og Róbert nr. 25.

• Heimasíða mótsins
• Beinar útsendingar (umferðir hefjast kl. 12, nema 7. umferð hefst kl. 11:30)
• Úrslitaþjónusta

Skákþáttur Morgunblaðsins: Winter, Capablanca og San Sebastian 1911

Enginn sem hefur áhuga á sagnfræði skáklistarinnar getur skautað fram hjá Edward nokkrum Winter sem fyrir meira en 25 árum kvaddi sér hljóðs með ótrúlega smásmugulegum rannsóknum á viðburðum skáksögunnar og birti í tímariti sem hann gaf út, Chess Notes.

Winter lét sig ekki muna um að tæta í sig ýmsar staðhæfingar þekktra höfunda en ýmsum fannst sá ljóður á ráði hans að hann sást á aldrei á vettvangi. Þó skrifaði hann um samtímaviðburði af yfirgripsmikilli þekkingu. Enginn virtist hafa séð hann og sumir efuðust um tilvist hans, aðrir sáu fyrir sér ævafornan rykfallinn grúskara sem sæti yfir skjölum og skriftum uppá hanabjálka einhversstaðar í Mið-Evrópu.

Loks kom fram þekktur skákmaður sem taldi sig hafa spjallað við Edward Winter á götuhorni í Sviss. Þetta reyndist tiltölulega ungur maður, ekki mjög mannblendinn en haldinn miklum sagnfræðiáhuga. Árið 1990 barst frá Winter mikið rit um José Raúl Capablanca og jók það mjög við orðspor hans. Winter greindi ítarlega frá skákviðburði sem víða var minnst sl. haust þegar öld var liðin frá stórmótinu í San Sebastian á Spáni. Heimildum ber saman um það að keppendur á mótinu, sem voru allir sterkustu skákmenn heims að Lasker undanskildum, hafi tekið þátttöku Capablanca með fyrirvara.

Þar voru einkum nefndir til sögunnar Nimzowitsch og Bernstein sem vísuðu til þess að Capablanca hefði aldrei unnið alþjóðlegt mót. Vestanhafs lék hinsvegar mikill ljómi um nafn Capablanca sem hafði gersigrað öflugasta Bandaríkjamanninn og síðar höfund „gambítsins" Frank Marshall í einvígi. Emanuel Lasker heimsmeistari sat hljóður úti í horni en trúði nokkrum vinum sínum fyrir því að þessi rúmlega tvítugi Kúbumaður myndi vinna mótið. Og það kom á daginn, „Capa", sem þá var búsettur í New York, var í ekki ósvipaðri stöðu og Paul Morphy áður en hann lagði í ferðalag til „gamla heimsins" upp úr miðri 19. öld. „Capa" hlaut 9 ½ v. af 14 mögulegum en í 2. - 3. sæti urðu Rubinstein og Vidmar.

Eftir sigurinn skoraði Capablanca heimsmeistarann Lasker á hólm en gat ekki sætt sig við öll þau 17 skilyrði sem Lasker setti upp. Þeir mættust hinsvegar í Havana á Kúbu tíu árum síðar og Capablanca vann auðveldan sigur. Þó Lasker héldi heimsmeistaratitlinum í 27 ár er hann furðu vanmetinn heimsmeistari; á löngum tíma tefldu Lasker og Capablanca í fjölmörgum mótum og einu sinni varð Capablanca fyrir ofan hann. „Capa" hóf mótið í San Sebastian með því að leggja Bernstein að velli. Svo kom röðin að höfundi bókarinnar „My System".

Aron Nimzowitsch - José Raúl Capablanca

Frönsk vörn

1. e4 e6 2. d3 d5 3. Rd2 c5 4. Rgf3 Rc6 5. Be2 Bd6 6. O-O Dc7 7. He1 Rge7

Kóngsindversku leiðinni gegn franskri vörn er oft mætt með þessum hætti.

8. c3 O-O 9. a3 f5 10. Bf1 Bd7 11. exd5 exd5 12. b4 Hae8 13. Bb2 b6 14. d4 c4 15. Rxc4?!

Hæpið en það er athyglisvert hversu auðveldlega Capablanca hrekur fórnina.

15. ... dxc4 16. Bxc4+ Kh8 17. Rg5 Bxh2+ 18. Kh1 Bf4! 19. Rf7+ Hxf7 20. Bxf7 Hf8 21. Bh5 Rg8! 22. c4 Dd8!

Stundum er haft á orði að erfiðustu leikirnir séu „upp í borð".

23. Df3 Dh4+ 24. Dh3 Dxf2 25. He2 Dg3 26. Dxg3 Bxg3 27. c5 Rce7 28. Bf3 Bb5 29. Hc2 Rf6

Skorðar peðin.

30. a4 Bd3 31. Hcc1 Re4 32. b5 Hf6 33. Bxe4

33. ... Bf2!

- og hvítur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 1. júlí 2012.

Skákþættir Morgunblaðsins

[Event "Saint Sebastien"] [Site "It"] [Date "1911.??.??"] [EventDate "?"] [Round "?"] [Result "0-1"] [White "Aron Nimzowitsch"] [Black "Jose Raul Capablanca"] [ECO "C00"] [WhiteElo "?"] [BlackElo "?"] [PlyCount "66"] 1. e4 e6 2. d3 d5 3. Nd2 c5 4. Ngf3 Nc6 5. Be2 Bd6 6. O-O Qc7 7. Re1 Nge7 8. c3 O-O 9. a3 f5 10. Bf1 Bd7 11. exd5 exd5 12. b4 Rae8 13. Bb2 b6 14. d4 c4 15. Nxc4 dxc4 16. Bxc4+ Kh8 17. Ng5 Bxh2+ 18. Kh1 Bf4 19. Nf7+ Rxf7 20. Bxf7 Rf8 21. Bh5 Ng8 22. c4 Qd8 23. Qf3 Qh4+ 24. Qh3 Qxf2 25. Re2 Qg3 26. Qxg3 Bxg3 27. c5 Nce7 28. Bf3 Bb5 29. Rc2 Nf6 30. a4 Bd3 31. Rcc1 Ne4 32. b5 Rf6 33. Bxe4 Bf2 0-1