Henrik tapaði fyrir Ivan

Stórmeistarinn Henrik Danielsen (2511) tapaði fyrir hollenska skákmanninum Ivan Sokolov (2676) í áttundu umferð Politiken Cup sem fram fór í dag.  Henrik hefur 5½ vinning og er í 28.-54. sæti.

Átta skákmenn eru efstir með 6,5 vinning.  Þar á meðal eru Cheparinov (2677), Sokolov (2676), Halkias (2570) og Hector (2530). 

Henrik mætir Norðmanninum Aryan Tari (2256) í 9. og næstsíðustu umferð sem fram fer á morgun.

292 skákmenn taka þátt frá 24 löndum.  Þar á meðal eru 22 stórmeistarar.  Henrik er nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Útiskákmót á Ingólfstorgi í dag: Arnar í Vin heiðraður

Skákfélag Vinjar boðar til útiskákmóts á Ingólfstorgi, föstudaginn 3. ágúst klukkan 16, í samvinnu við Stofuna Café.

Mótið er haldið til heiðurs Arnari Valgeirssyni, fráfarandi forseta Skákfélags Vinjar, sem í heilan áratug hefur unnið að útbreiðslu skákiðkunar meðal fólks með geðraskanir. Þá hefur Arnar verið lykilmaður við útbreiðslu skákarinnar á Grænlandi, og tekið þátt í skipulagningu ótal skákviðburða.

Stofan Café, Aðalstræti 7, gefur vinninga á mótið og verður með sérstök tilboð á veitingum.

Tefldar verða 7 umferðir með 5 mínútna umhugsunartíma. Þátttaka í mótinu er ókeypis fyrir félaga í Skákfélagi Vinjar, en 500 kr. fyrir aðra.

Arnar lætur senn af störfum í Vin, athvarfi Rauða krossins, eftir hátt í 13 ára starf. Hann átti frumkvæði að því að skipulagt skákstarf hófst í athvarfinu og hafa ótal einstaklingar tekið þátt í viðburðum félagsins sl. 10 ár. Skákfélag Vinjar hefur síðustu árin sent keppnissveitir á Íslandsmót skákfélaga, og hefur á að skipa liðum í 3. og 4. deild Íslandsmótsins.

Arnar verður áfram virkur í starfi Skákfélags Vinjar, þótt hann hasli sér nú völl á nýjum vettvangi. Þeir fjölmörgu sem hafa kynnst þrotlausu starfi Arnars í þágu málstaðarins hafa nú tækifæri til að heiðra kappann.

Ýmsar myndir frá Vin (HJ)

Wang Hao sigraði á Biel-mótinu

Kínverjinn Wang Hao (2739) sigraði á ofurskákmótinu í Biel sem lauk í dag.  Kínverjinn ungi vann Anish Giri (2696) í lokaumferðinni.  Magnus Carlsen (2837), sem var efstur fyrir umferðina, þurfti að sætta sig við jafntefli við Bacrot (2713).   Nakamura (2778), sem vann Bologan (2732) varð í 3.-4. sæti ásamt Giri.

Veitt voru 3 stig fyrir sigur og 1 fyrri jafntefli

Staðan eftir átta umferðir:

• 1. Wang Hao (2739) 19 stig
• 2. Magnus Carlsen (2837) 17 stig
• 3.-4. Anish Giri (2696) og Hikaru Nakamura (2778) 16 stig
• 5. Etienne Bacrot (2713) 7 stig
• 6. Victor Bologan (2732) 4 stig (þó aðeins í 8 skákum)

Alexander Morozevich hætti eftir 2 umferðir vegna veikinda.  Hafði þá tapað báðum sínum skákum.  Bologan tók sæti hans og teflir aðeins 8 skákir á meðan aðrir keppendur tefla 10.

Myndir af heimasíðu mótsins.

• Heimasíða mótsins
• Beinar útsendingar - hefjast kl. 12
• Chessbomb

Henrik með jafntefli við Romanov - mætir Ivani Sokolov á morgun

Stórmeistarinn Henrik Danielsen (2511) gerði jafntefli við rússneska stórmeistarann Evgeny Romanov (2623) í sjöundu umferð Politiken Cup, sem fram fór í dag.  Henrik hefur 5½ vinning og er í 5.-24. sæti.

Í áttundu umferð, sem fram fer á morgun, teflir Henrik við Íslandsvininn góða, Ivan Sokolov (2676).  Umferðin hefst kl. 11.  Skákin verður sýnd beint á vefsíðu mótsins.

Efstir með 6 vinninga eru stórmeistararnir Ivan Cheparinov (2677), Búlgaríu, Jonny Hector (2530) Svíþjóð, Robert Markus (2599), Serbíu, og Stelios Halkias (2570), Grikklandi.

292 skákmenn taka þátt frá 24 löndum.  Þar á meðal eru 22 stórmeistarar.  Henrik er nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Dagur vann enn einn stórmeistarann í Arad

Alþjóðlegi meistarinn Dagur Arngrímsson (2366) vann rúmenska stórmeistarann Ioan-Christian Chririla (2504) í 9. og síðustu umferð alþjóðlega mótsins í Arad í Rúmeníu í dag.  Dagur hlaut 7 vinninga og endaði í 2.-7. sæti (3. sæti á stigum).  

Mjög góð frammistaða hjá Degi en árangurinn samsvaraði 2533 skákstigum og hækkar hann um 23 stig fyrir hana.  Dagur tefldi við 5 stórmeistara og fékk 4 vinninga í þeim skákum.  Dagur er nú kominn með 2398 skákstig samkvæmt stigalista afreksmanna.

Ungverski stórmeistarinn Imre Balog (2542) sigraði á mótinu en hann hlaut 7½ vinning.

183 skákmenn tóku þátt í mótinu frá 9 löndum.  Þar á meðal voru 11 stórmeistarar og 11 alþjóðlegir meistarar.  Dagur var nr. 22 í stigaröð keppenda.

• Heimasíða mótsins
• Beinar útsendingar (15 efstu borðin) - flestar umferðir hefjast kl. 13:30.
• Chess-Results

Útiskákmót á Ingólfstorgi á föstudag: Arnar í Vin heiðraður

Skákfélag Vinjar boðar til útiskákmóts á Ingólfstorgi, föstudaginn 3. ágúst klukkan 16, í samvinnu við Stofuna Café.

Mótið er haldið til heiðurs Arnari Valgeirssyni, fráfarandi forseta Skákfélags Vinjar, sem í heilan áratug hefur unnið að útbreiðslu skákiðkunar meðal fólks með geðraskanir. Þá hefur Arnar verið lykilmaður við útbreiðslu skákarinnar á Grænlandi, og tekið þátt í skipulagningu ótal skákviðburða.

Stofan Café, Aðalstræti 7, gefur vinninga á mótið og verður með sérstök tilboð á veitingum.

Tefldar verða 7 umferðir með 5 mínútna umhugsunartíma. Þátttaka í mótinu er ókeypis fyrir félaga í Skákfélagi Vinjar, en 500 kr. fyrir aðra.

Arnar lætur senn af störfum í Vin, athvarfi Rauða krossins, eftir hátt í 13 ára starf. Hann átti frumkvæði að því að skipulagt skákstarf hófst í athvarfinu og hafa ótal einstaklingar tekið þátt í viðburðum félagsins sl. 10 ár. Skákfélag Vinjar hefur síðustu árin sent keppnissveitir á Íslandsmót skákfélaga, og hefur á að skipa liðum í 3. og 4. deild Íslandsmótsins.

Arnar verður áfram virkur í starfi Skákfélags Vinjar, þótt hann hasli sér nú völl á nýjum vettvangi. Þeir fjölmörgu sem hafa kynnst þrotlausu starfi Arnars í þágu málstaðarins hafa nú tækifæri til að heiðra kappann.

Ýmsar myndir frá Vin

Selfyssingar lögðu Hauka

Viðureign SSON og Hauka í forkeppni hraðskákkeppni skákfélaga fór fram í Fischersetrinu á Selfossi í gær kvöldi. Þótt húsnæðið eigi nokkuð í land með að verða tilbúið var ákveðið að tefla þar enda um að ræða framtíðarfélagsheimili SSON.

Inga Tandra andlegum leiðtoga Hauka hafðið tekist að leyna liðsuppstillingu sinni fram á síðustu stundu, svo langt gekk hann í leynimakkinu að liðið renndi í hlað á bifreið með skyggðum rúðum.

Selfyssingar voru sáttir fyrirfram, höfðu náð að stilla upp nokkuð sterkri sveit með ljónið Pál í broddi fylkingar auk skákmeistara Suðurlands og annarra hraðskákgarpa.

Selfyssingar fóru nokkuð vel af stað og unnu fyrstu umferð 4-2, þá aðra 3,5-2,5 og þá þriðju aftur 4-2.  Þá fjórðu og fimmtu unnu Haukar með minnsta mun en SSON leiddi í hálfleik með 20,5-15,5.

Haukar unnu síðan 7. umferð 4-2, Selfyssingar þá næstu með sama mun, níunda og tíunda umferð enduðu jafnar en Sunnlendingar unnu þær tvær síðustu og þar með viðureignina.

Lokastaðan SSON 39 - Haukar 33.

Bestur heimamanna var Páll Leó með 9 vinninga, 
Ingimundur og Magnús M 7 vinningar.
Björgvin 6
Úlfhéðinn 5,5
Ingvar Örn 4,5

Bestur gestanna var Heimir Ásgeirsson með 9,5 vinninga, 
Ingi Tandri 7 vinningar
Einar 6 
Oddgeir og Gunnar 4,5
Snorri 1,5

Selfyssingar mæta Hellismönnum í 1. umferð.

Nánar á heimasíðu SSON.

Heimasíða mótsins

Víkingar lögðu Eyjamenn

Viðureign Víkingaklúbbsins og Vestmannaeyja í forkeppni Hraðskáksmóts taflfélaga fór fram í húsnæði Skáksambands Íslands miðvikudagskvöldið 1. ágúst.  Víkingaklúbburinn hafði á endanum betur í hörku viðureign og sigruðu með 48.5 gegn 23.5 vinningum Vestmannaeyja.  Staðan í hálfleik var 26.5-9.5. 

Besti árangur Víkingaklúbbsins:  

Davíð Kjartansson 10.5 vinningar af 12 (87.5%)
Björn Thorfinnsson 10.0 v. af 12 (83.3%) 
Magnús Örn Úlfarsson 9.v af 12 (75%)  
Ólafur B. Þórsson 8.5 v. af  12 (70.8%) 
Gunnar Freyr Rúnarsson 7.5 v af 9 (83.3)
Þorvarður Fannar Ólafssson 3.v af 12 
Sigurður Ingason  0.v af 3
Haraldur Baldursson 0.v af 1
Jón Úlfljótsson tefldi ekki að þessu sinni

Besti árangur Vestmannaeyinga:

Þorsteinn Þorsteinsson 6.5 vinninga af 12 (54.2%/)
Björn Ívar Karlsson 5,5 v. af 12 (45.8%)
Kristján Guðmundsson 5.0 v. af 12 (41.7%)
Ingvar Þór Jóhannesson 4.5 af 12 (37.5%)
Bjarni Hjartason 2 v
Kjartan Guðmundsson 0.v

Víkingar mæta Reyknesingum í 1. umferð.

Nánar á heimasíðu Víkingaklúbbsins

Heimasíða mótsins

Henrik vann í sjöttu umferð - er í 3.-21. sæti

Stórmeistarinn Henrik Danielsen (2511) vann danska FIDE-meistarann Tom Petri Petersen (2360) í 6. umferð Politiken Cup sem fram fór í dag.  Henrik hefur 5 vinninga og er í 3.-21. sæti

Efstir með 5,5 vinning eru stórmeistararnir Jonny Hector (2530) Svíþjóð og Ivan Cheparinov (2677), Búlgaríu. 

Í 7. umferð, sem fram fer á morgun, teflir Henrik við rússneska stórmeistarann Evgeny Romanov (2623).  Umferðin hefst kl. 11.  Skákin verður sýnd beint á vefsíðu mótsins.

292 skákmenn taka þátt frá 24 löndum.  Þar á meðal eru 22 stórmeistarar.  Henrik er nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Lenka með jafntefli í fyrstu umferð í Olomouc

Lenka Ptácníková (2281) gerði jafntefli við rússnesku skákkonuna Natalia Chernyshova (2080) í fyrstu umferð alþjóðlegs móts í Olomouc í Tékklandi í dag.

Lenka teflir í lokuðum AM-flokki á mótinu.  Tíu skákmenn taka þátt og eru meðalstigin 2269.  Lenka nr. 4 í stigaröð keppenda. 

• Heimasíða mótsins
• Beinar útsendingar (hefjast flestar kl. 14)
• Chess-Results