Opna skoska meistaramótið: Pistill Braga Þorfinnsonar

Opna skoska meistaramótið fór fram dagana, 7.-15. Júlí, í Glasgow. Þetta mun vera elsta opna mót sem haldið er í heiminum, en það mun fyrst hafa verið haldið árið 1884. Því má segja að mótið sé flaggskip skoskrar skákar. Undirritaður ákvað með skömmum fyrirvara að taka þátt í þessu sögufræga móti, og slást þar með í för með fríðu föruneyti ungra og síungra íslenskra skákmanna. Má þar nefna m.a.  Hjörvar Stein Grétarsson, afmælisbarnið Róbert Lagerman, Óskar Long, ásamt heilum her ungra pilta. Þetta var óvissuferð, eins og skákferðir eru nú gjarnan, þar sem ég vissi ekki mikið um mótið fyrirfram. Mundi eingöngu eftir því að alþjóðlegi meistarinn Guðmundur Kjartansson hafði gert miklar rósir á því á sumarið 2009, ef mig minnir rétt.

Ég hafði einnig efasemdir um viðverustað okkar meðan á mótinu stóð, en það var s.k. Euro Hostel en mótshaldarar ákváðu einhverra hluta vegna að benda mönnum á þann gistimöguleika. Upprunalega planið var að hópurinn myndi leigja íbúð, sem hefði verið mun betri kostur, en þær voru skiljanlega mjög fljótt orðnar uppbókaðar. Hostel hljómar aldrei sérstaklega traustvekjandi, og efasemdir mínar voru á rökum reistar. Það bjargaði mér að búa yfir vissri aðlögunarhæfni, enda er maður ýmsu vanur úr skákferðum í gegnum árin. Maður gengur alltaf inni í svona ferð með frasann ,,engar væntingar - engin vonbrigði" á bakvið eyrað. Maður býr sér til rútínur sem virka. Undir lok ferðarinnar var ég farin að meta að eiga val um nokkrar tegundir af marmelaði með ristaða brauðinu mínu. Morgunkaffið sem var ódrekkandi til að byrja með, fékk mann til að labba niður 7 hæðir (önnur lyftan var biluð, hin var of lengi á leiðinni) og taka kaffi-to-go upp á herbergi aftur. Undir lok ferðarinnar var kojan næstum því orðin þægileg. Á nóttunni vaknaði ég oft við mávagarg og drykkjulæti í Skotununum sem virtust kunna að gera sér glaðan dag, á hverjum einasta degi. Maður mætti ósjaldan vel hressum miðaldra mönnum á götum úti, syngjandi fullum í skotapilsunum sínum. Ég var nánast farin að tauta fyrir munni mér, eins og morkni kóngurinn í kvikmyndinni Braveheart, ,,The problem with Scotland, is that it is full of Scots!".

En víkjum þá að mótinu sjálfu. Skotarnir fá hrós fyrir skáksalinn, en hann var mjög góður, gamaldags og hátíðlegur. Hátt var til lofts og vítt til veggja. Manni leið svolítið eins og skoskum aðalsmanni úr Hálöndunum, þegar maður gekk þangað inn og kinkaði góðlátlega kolli til virðulega dyravarðarins, sem opnaði fumlaust fyrir mann hurðina. Það var ákveðin reisn yfir þessu og allt skiptir það máli, í jafn skapandi grein og skákin er. Í svona fjölmennum hópi, er erfitt að ná einhverri yfirsýn yfir taflmennsku manna, en almennt fannst mér íslensku keppendurnar vera að gera gott mót. Menn eru þó auðvitað missáttir eins og gengur og sumir vita að þeir geta gert mun betur. Það er síðan ljóst að margir þessara drengja eiga mikið inni, og eiga eftir að halda áfram moka inn stigum á næstu misserum, ef fram heldur sem horfir. Ég náði einna best að fylgjast með herbergisfélaga mínum, Nökkva Sverrissyni, og mér þótti hann tefla margar mjög flottar skákir. Það er alltaf mikilvægt að fá sem mesta keppnisreynslu á mótum sem þessum, og ég tel að flestir þessara drengja geti vel við unað.

Sjálfur var ég ákaflega sáttur, bæði við taflmennsku mína og frammistöðu. Óheppilegt jafntefli snemma í mótinu við stigalágan andstæðing, gerði þó út um alla GM-norma sjénsa, sem sýnir býsna vel hversu ekkert má út af bregða í svona opnum mótum ef menn eru á áfangaveiðum. Eftir það ákvað ég bara að berjast til þrautar, njóta skákanna og koma mér í toppbaráttuna. Mikilvægur sigur á indverska stórmeistaranum Deep Sengupta í 5. umferð skilaði mér á efsta borð.  Þar leið mér ákaflega vel og sá enga ástæðu til að yfirgefa það borð, það sem eftir lifði af mótinu. Í 6. umferð mætti ég svo Hjörvari Steini, í pörun sem kom mér nokkuð á óvart. Ég gerði mér grein fyrir því að það myndi lítt stoða að ætla að reykja einhverja friðarpípu með honum, enda drengurinn herskár með afbrigðum. Úr varð hægfara pósa-skák með þungri undiröldu. Undir lokin varð staðan gruggugri, og báðir fengu sín færi á að taka heilan punkt. Tíminn fór að leika stærri rullu, tækifærin fóru forgörðum og jafnteflið var e.t.v. sanngjörn niðurstaða.  Í 7. umferð tókst mér síðan að leggja ungverska stórmeistarann Imre Hera að velli, í skák sem ég mun skýra hér á eftir, og var komin í býsna góð mál með 6 v. af 7 mögulegum. Átakalítil jafntefli í síðustu tveimur umferðunum, skiluðu mér síðan í 7 v. af 9, og tryggðu mér efsta sætið í mótinu ásamt fjórum öðrum skákmönnum.  Það er óhætt að fullyrða að þetta hafi verið ein mín allra besta frammistaða á ferlinum og það er frábær tilfinning að sigra á móti sem þessu. Það er einnig gott veganesti inni í framtíðina, því þetta gefur manni þá trú að enn fleiri sigrar bíði handan við hornið. Það var áhugavert að sækja skotana heim, þó að ég myndi frekar mæla með þessu tiltekna móti fyrir yngri skákmenn sem vilja ná sér í meiri reynslu og stig. Það er þó aldrei að vita nema maður snúi aftur á þetta mót í nánustu framtíð, en eitt er víst, að þá verður ekkert Euro-Hostel bókað.

Í lokin koma hér skýringar á skák minni við ungverska stórmeistarann Hera, Imre Jr. í 7. umferð.

Bragi Þorfinnsson

[Event "119th ch-SCO 2012"] [Site "Glasgow SCO"] [Date "2012.07.13"] [Round "7.1"] [White "Thorfinnsson, Bragi"] [Black "Hera, I."] [Result "1-0"] [ECO "A13"] [WhiteElo "2465"] [BlackElo "2568"] [Annotator "Bragi.Th.skyringar.f.SI."] [PlyCount "85"] [EventDate "2012.07.07"] [EventType "swiss"] [EventRounds "9"] [EventCountry "SCO"] [Source "Mark Crowther"] [SourceDate "2012.07.17"] 1. c4 Nf6 2. g3 e6 3. Bg2 d5 4. Nf3 dxc4 {Thessi leikur kom mér á óvart, en ég átti frekar von á 5. - Be7 og að skákin myndi sigla yfir í Katalónsku vörnina.} 5. O-O {Hér er mun algengara að skáka peðið strax af, en ég vildi beina skákinni á ótroðnari slóðir.} (5. Qa4+ c6 6. Qxc4 b5 7. Qc2 Bb7 8. O-O Nbd7 9. Nc3 Be7 {er hugsanlegt framhald.}) 5... a6 $5 {Tilraun til að halda í c4 peðið. Eftir algengari leikinn, 5. - Rbd7, fellur peðið strax með 6. Da4. Skákin gæti thá farið í svipaðan farveg og í línunni hér að ofan.} 6. Qc2 $5 b5 7. a4 (7. Ne5 Nd5 8. d3 cxd3 9. Nxd3 {er annar möguleiki hér, og hvítur hefur ágætis spil fyrir peðið.}) 7... Bb7 8. b3 cxb3 9. Qxb3 b4 $1 {leikur sem ég vanmat, en hugmynd mín var alltaf sú að að fá fram c6 hjá svörtum, til að biskup hans á b7 yrði slakur. Ljóst er að svartur getur nokkuð vel við unað eftir byrjunina. Re5 í 7. leik er thví ábyggilega betra framhald. Í næstu leikjum klára báðir aðilar liðskipan sína.} 10. a5 Be7 11. Bb2 O-O 12. Rc1 c5 13. d3 Nbd7 {Oft er talað um að menn leiki alltaf vitlausum hrók, en hér leikur Hera vitlausum riddara. Hinn riddarinn ætti betur heima á d7, og thessi væri betri á c6.} 14. Nbd2 Nd5 {Svartur getur teflt thessa stöðu á ýmsa vegu, og ákveður nú að fara í thad plan að koma riddara sínum fyrir á b5, thar sem hann er mjög sterkur. Thá vill hann einnig reyna að skipta upp á hinum öfluga svartreita biskups hvíts með Bf6.} 15. e4 Nc7 16. Nc4 Nb5 17. h4 Bf6 {svartur tvingar fram e5, til að fá d5 reitinn, en á móti tapar hann tíma.} 18. e5 Be7 19. Ne3 { Á thessum tímapunkti fór ég að verða sáttari við stöðu mína og fór að gæla við að reyna að færa liðsafla minn yfir á kóngsvænginn. Ískalt mat á stöðunni, er thó thannig að hvítur hefur alls ekki nægar bætur fyrir peðið.} Ra7 { Furðulegur leikur, en thad er ekkert að honum í sjálfu sér. Eftir thennan leik er thó eins og svartur missi thrádinn í skákinni, og fer að taka rangar ákvarðanir.} 20. Qc4 $1 Bxf3 $6 {Svartur missir tholinmæðina og fer út í tvingaða atburðarás, sem færir hvítum á endanum jafna möguleika. Slíkt var alveg ástæðulaust af hálfu svarts, enda engin bráð hætta sem vofir yfir svörtu stöðunni.} (20... Nb8 {er leikur sem kæmi sterklega til greina, með hugmyndinni að koma riddaranum á c6.}) 21. Bxf3 Nd4 $2 22. Bxd4 cxd4 23. Qxd4 Nc5 24. Qxb4 Nxd3 25. Qb6 $1 {Leikur sem líklegt er að svartur hafi misst af í útreikningum sínum í 20. leik.} Rd7 26. Rd1 Bc5 $6 (26... Nxe5 {var einfaldari og betri leikur.}) 27. Qxa6 Nxf2 $2 {Aftur fer svartur í tvingaða atburðarás, sem er illa ígrunduð, og að thessu sinni færir hún hvítum betri stöðu. Rxe5 var rétti leikurinn.} 28. Kxf2 Rd2+ 29. Rxd2 Qxd2+ 30. Qe2 Bxe3+ 31. Kg2 Qc3 32. Ra2 $14 Ba7 33. a6 $1 {Hvítur minnir á a-peðið sem er orðið ansi öflugt.} g6 34. h5 Kg7 35. Qe4 Rb8 36. Qf4 {Skyndilega er hætta farin að steðja að svarta kóngnum.} Rb2+ {Hrókakaup munu ekki losa svartan úr beyglunni} 37. Rxb2 Qxb2+ 38. Kh3 gxh5 $4 {Tapleikur, rétt áður en tímamörkunum var náð. Staða svarts var orðin erfið, en med bestu taflmennsku, hefði e.t.v. verið hægt að bjarga henni.} 39. Qg5+ Kf8 40. Qd8+ Kg7 41. Qf6+ Kf8 42. Qh8+ Ke7 43. Bc6 $1 { og svartur hafði fengið nóg og gafst upp. Eftir 43.- Db8 44. Dg7! er hann í mjög ömurlegri zugzwang stöðu, thar sem hann má engan mann hreyfa.} 1-0

Meistaramót Hellis hefst 20. ágúst

Meistaramót Hellis 2012 hefst mánudaginn 20. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði.  Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning fer fram á heimasíðu Hellis.  Upplýsingar um þegar skráða keppendur má nálgast hér.

Teflt er á mánudögum, þriðjudögum og miðvikudögum.

Aðalverðlaun:

1. 30.000
2. 20.000
3. 10.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 20. ágúst, kl. 19:30
• 2. umferð, þriðjudaginn, 21. ágúst, kl. 19:30
• 3. umferð, miðvikudaginn, 22. ágúst, kl. 19:30
• 4. umferð, mánudaginn, 27. ágúst, kl. 19:30
• 5. umferð, þriðjudaginn, 28. ágúst, kl. 19:30
• 6. umferð, miðvikudaginn, 29. ágúst, kl. 19:30
• 7. umferð, mánudagur, 3. september, kl. 19:30

Heimasíða Hellis

 

Henrik tapaði í síðustu umferð - Cheparinov, Sokolov og Hector efstir og jafnir

Stórmeistarinn Henrik Danielsen (2511) tapaði fyrir hinum danskættaða 15 ára þýska skákmanni Rasmus Svane (2367) í 10. og síðustu umferð Politiken Cup, sem fram fór í dag.  Með sigrinum í dag náði Svane sér í áfanga að alþjóðlegum meistaratitli.

Stórmeistararnir Ivan Cheparinov (2677), Búlgaríu, Ivan Sokolov (2676), Hollandi, og Jonny Hector (2530), Svíþjóð, urðu efstir og jafnir með 8 vinninga.  Cheparinov vann mótið á stigum og hlýtur að launum 20.000 danskar krónur.

Henrik hlaut 6,5 vinning og endaði í 36.-54. sæti.  Frammistaða Henriks samsvaraði 2439 skákstigum og lækkar hann um 2 stig fyrir hana.

292 skákmenn tóku þátt í mótinu frá 24 löndum.  Þar á meðal voru 22 stórmeistarar.  Henrik var nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Lenka vann í fimmtu umferð í Olomouc

Lenka Ptácníková (2281) vann tékkneska FIDE-meistarann Jan Bartos (2211) í fimmtu umferð IM-flokks skákhátíðinnar í Olomouc í Tékklandi sem tefld var í dag.  Lenka, sem byrjaði ekki á vel á mótinu, hefur 2 vinninga og er í 7.-8. sæti.

Lenka teflir í lokuðum IM-flokki á mótinu.  Tíu skákmenn taka þátt og eru meðalstigin 2269 skákstig.  Lenka nr. 4 í stigaröð keppenda. 

• Heimasíða mótsins
• Beinar útsendingar (Flestar umferðir hefjast kl. 14)
• Chess-Results

Dagur með jafntefli við stórmeistara í 2. umferð í Búdapest

Alþjóðlegi meistarinn Dagur Arngrímsson (2375) gerði jafntefli við ungverska stórmeistarann Dr. Andras Flumbort (2508) í 2. umferð GM-flokks First Saturday-mótsins sem fram fór í dag.  Dagur hefur gert jafntefli í tveimur fyrstu umferðunum.

Á morgun teflir hann ungverska FIDE-meistarann Bagi Mate (2328).

10 skákmenn taka þátt SM-flokki og eru meðalstigin 2430.  Dagur er númer átta í stigaröð keppenda.

• Heimasíða mótsins
• Chess-Results

Skákþáttur Morgunblaðsins: Hjörvar Steinn að klára lokaáfangann í Pardubice

Íslensku skákkmennirnir sem tefla fyrir Íslands hönd á Ólympíumótinu í Tyrklandi í undirbúa sig af kappi fyrir ólympíumótið. Hjörvar Steinn Grétarsson er nú að tefla á sínu þriðja móti í sumar, nú á vinsælum áfangastað íslenskra skákmanna, í Pardubice í Tékklandi. Eftir sigur á Bandaríkjamanninum og stórmeistaranum Robert Hess í 6. umferð bendir allt til þess að Hjörvar muni standa undir væntingum manna og landa lokaáfanganum að stórmeistaratitli. Fyrri áfanginn kom á Evrópumóti landsliða sl. haust og gildir tvöfalt samkvæmt sérstökum reglum. Þegar tvær umferðir eru eftir er Hjörvar með 5 ½ v. af sjö og er í 2.-10. sæti af 259 keppendum. Árangur hans mælist uppá 2657 stig. Hannes Hlífar Stefánsson er með 4 ½ v.

Þessir tveir eru ekki einu íslensku þátttakendurnir á mótinu. Hinn ágæti skákþjálfari úr Kópavogi, Smári Rafn Teitsson, fór með sveit Álfhólsskóla á skákhátíðina og nemendur hans þeir Dawid Kolka, Felix Steinþórsson og Róbert Léo Jónsson hafa allir staðið sig vel í neðri flokkunum og ýmsum hliðarviðburðum. Með þessum hætti æfa piltarnir sig fyrir Norðurlandamót grunnskóla sem fram fer í haust.

Skáklegt rothögg

Á árlegu skákhátíðinni í Biel í Sviss tókst mótshöldurum á síðustu stundu að fá stigahæsta skákmann heims, Norðmanninn Magnús Carlsen, til að taka þátt í mótinu. Þarna er teflt í fjölmörgum flokkum en athyglin beinist að efsta flokknum þar sem sex skákmenn tefla tvöfalda umferð. Það dró til tíðinda þegar í þriðju umferð þegar Alexander Morozevich hætti keppni vegna veikinda. Menn tóku því samt með fyrirvara; Moro hafði tapað tveim fyrstu skákum sínum og átti að mætta Magnúsi Carlsen í þeirri þriðju. Victor Bolgan tók sæti hans en hann fær ekki að tefla skákirnar í fyrstu umferðunum upp á nýtt. Morozevich fékk á sig það sem kalla má „skáklegt rothögg" þegar hann mætti Bacrot í 2. umferð. Það var engu er líkara en að þessi fremsti skákmaður Frakka hafi sent „Moro" út úr hringum með óvenjulega kröftugum leik:

Etienne Bacrot - Alexander Morozevich

Slavensk vörn

1. d4 d5 2. c4 e6 3. Rc3 c6 4. e4 dxe4 5. Rxe4 Bb4+ 6. Bd2 Dxd4 7. Bxb4 Dxe4+ 8. Be2 Ra6 9. Bd6 Dxg2

Þessi leið er þekkt í fræðunum og þykir afar varasöm. En Morozevich hikar ekki við að synda á móti straumnum.

10. Dd2 e5 11. Bxe5 Bf5 12. Bf3 Dg6 13. O-O-O Rc5 14. De3 Bb1 15. Hd2 Bxa2 16. Bd6+ Re6 17. Be4 Dh6 18. f4 Rf6 19. Rf3 Bxc4 20. He1 O-O-O 21. Bxc6!

Snjall leikur sem tryggir jafntefli. Svartur átti ekki um annað að velja en að leika 21. .. bxc6 og eftir 22. Dxa7 Hxd6 23. Da8+ Kc7 24. Da7+ er ekki meira en jafntefli að hafa.

21. ... Ba6?

Jaðrar við fífldirfsku en sennilega hefur „Moro" misst af næsta leik Bacrot.

22. Rg5! Rxg5

23. Bd7+!!

Það er mikill slagkraftur í þessum leik. Svartur á þrjá kosti, 23. ... Hxd7 leiðir til máts eftir 24. Dc5+ Kd8 25. Be7+ Ke8 26. Dc8+ eða 23. .. Rxd7 24. Dc3+ og mátar. Þriðji valkosturinn dugar heldur ekki.

23. ... Kxd7 24. De7+ Kc6 25. Dc7+

- og Morozevich gafst upp því að mát blasir við: 25. ... Kb5 26. Dc5+ Ka4 27. Db4 mát.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. júlí 2012.

Skákþættir Morgunblaðsins

[Event "Biel Chess Festival"] [Site "Biel SUI"] [Date "2012.07.24"] [EventDate "2012.07.23"] [Round "2"] [Result "1-0"] [White "Etienne Bacrot"] [Black "Alexander Morozevich"] [ECO "D31"] [WhiteElo "2713"] [BlackElo "2770"] [PlyCount "49"] 1. d4 d5 2. c4 e6 3. Nc3 c6 4. e4 dxe4 5. Nxe4 Bb4+ 6. Bd2 Qxd4 7. Bxb4 Qxe4+ 8. Be2 Na6 9. Bd6 Qxg2 10. Qd2 e5 11. Bxe5 Bf5 12. Bf3 Qg6 13. O-O-O Nc5 14. Qe3 Bb1 15. Rd2 Bxa2 16. Bd6+ Ne6 17. Be4 Qh6 18. f4 Nf6 19. Nf3 Bxc4 20. Re1 O-O-O 21. Bxc6 Ba6 22. Ng5 Nxg5 23. Bd7+ Kxd7 24. Qe7+ Kc6 25. Qc7+ 1-0

Magnús Örn sigraði á skemmtilegu og fjölmennu útiskákmóti

FIDE-meistarinn Magnús Örn Úlfarsson sigraði á fjölmennu og sterku útiskákmóti sem haldið var á Ingólfstorgi sl. föstudag.  Mótið var haldið til heiðurs Arnari Valgeirssyni, sem lætur brátt af störfum í Vin. 

Yfir 40 skákmenn tóku þátt í mótinu og létu smá úða sem var rétt í mótsbyrjun engin áhrif á sig hafa.  Meðal keppenda voru meðal annars nýjustu félagsmenn Skákfélags Vinjar Róbert Lagerman og Sævar Bjarnason og belgískur ferðamaður, sem var hér í heimsókn, ásamt sænskri kærustu sinni.

Í upphafi mótsins hélt Stefán Bergsson, framkvæmdastjóri Skákakademíu Reykjavíkur, ræðu þar sem hann þakkaði Arnari innilega fyrir allt hans innlegg en Arnar hefur byggt upp Skákfélag Vinjar frá grunni.  Arnari var afhendur blómvöndur.  Arnar þakkaði kærlega fyrir sig og þakkaði Hróknum sérstaklega fyrir alla veitta aðstoð í gegnum í tíðina.  

Að því loknu var gengið til tafls.  Smá tíma tók að hefja mótið enda var þátttaka mun meiri en gert var ráð fyrir.  Lúxusvandamál sem var ljúft að leysa!  Hart var barist.  Að lokum komu þrír keppendur jafnir í mark; Magnús Örn Úlfarsson, Sigurður Daði Sigfússon og skákstjórinn, Gunnar Björnsson, með 6 vinninga.  Þurfti þá að grípa til stigaútreiknings þar sem Magnús hafði sigur, Daði varð annar og Gunnar þriðji.  Magnús hlaut að verðlaunum bikar og 10.000 kr. inneign í Café Stofan við Ingólfstorg, sem studdi við mótshaldið með því að gefa verðlaun.

Skemmtilegt mót, enda gaman að tefla úti í góðu veðri!

• Myndaalbúm (Hrafn Jökulsson) 
• Chess-Results

Lokastaða mótsins:

 

Rank		Name	Rtg	Pts	BH.
1	FM	Magnús Örn Úlfarsson	2388	6	34½
2	FM	Sigurður Daði Sigfússon	2341	6	33
3		Gunnar Björnsson	2110	6	31
4		Stefán Bergsson	2175	5	30
5		Jón Árni Jónsson	2071	5	29½
6		Jorge Fonseca	1997	5	29½
7		Kjartan Guðmundsson	1976	5	29
8		Arnljótur Sigurðsson	1460	5	26½
9	FM	Róbert Lagerman	2307	4½	32
10		Óskar Long Einarsson	1594	4½	27
11		Jón Trausti Harðarson	1813	4	29½
12		Oliver Aron Jóhannesson	2047	4	29
13		Hrannar Jónsson	2071	4	26
14	IM	Sævar Jóhann Bjarnason	2090	4	25½
15		Gísli Hrafnkelsson	1639	4	25
16		Örn Stefánsson	1771	4	23
17		Gunnar Nikulásson	1556	4	21½
18		Ingi Tandri Traustason	1843	3½	26
19		Vignir Vatnar Stefánsson	1590	3½	26
20		Gauti Páll Jónsson	1481	3½	25½
21		Stefán Már Pétursson	1447	3½	20½
22		Donika Kolica	1246	3½	20½
23		Aron Ingi Óskarsson	1862	3	27
24		Kristmundur Þór Ólafsson	0	3	24
25		Kristján Stefánsson	1685	3	24
26		Kristófer Jóel Jóhannesson	1436	3	23
27		Veronika Steinunn Magnúsdóttir	1549	3	23
28		Oddgeir Ottesen	1835	3	22½
29		Jón Úlfljotsson	1818	3	22
30		Jóhann Helgi Sigurðsson	2041	3	21½
31		Guðmundur G Guðmundsson	1594	3	21
32		Róbert Leó Jónsson	1203	3	21
33		William Gilman	0	3	19
34		Bjarni Guðmundsson	0	2½	19½
35		Haukur Halldórsson	1540	2½	16½
36		Finnur Kristján Finnsson	0	2	23½
37		Páll Þórhallsson	2017	2	22
38		Arnar Valgeirsson	0	2	20½
39		Guðmundur V Guðmundsson	0	2	20½
40		Gunnar Guðmundsson	0	2	17
41		Pétur Jóhannesson	1000	1	17½

 

Dagur með jafntefli í fyrstu umferð í Búdapest

Alþjóðlegi meistarinn Dagur Arngrímsson (2375) lætur ekki deigan síga og rétt eftir að mótinu lauk í Arad í Rúmeníu, þar sem hann stóð sig frábærlega, er hann mættur til leiks til Búdapest þar sem hann tekur þátt í First Saturday-móti.  Í fyrstu umferð, sem fram fór í dag, gerði hann jafntefli við indónesíska alþjóðlega meistarann Tirta Chandra Purnama (2384).

10 skákmenn taka þátt SM-flokki og eru meðalstigin 2430.  Dagur er númer átta í stigaröð keppenda.

• Heimasíða mótsins
• Chess-Results

Henrik vann í næstsíðustu umferð

Stórmeistarinn Henrik Danielsen (2511) vann Norðmanninn Aryan Tari (2256) í 9. og næstsíðustu umferð Politiken Cup sem fram fór í dag.   Henrik hefur 6½ vinning og er í 14.-29. sæti.

Stórmeistararnir Ivan Cheparinov (2677), Búlgaríu, og Jonny Hector (2530), Svíþjóð, eru efstir með 7½ vinning.

Henrik mætir Þjóðverjanum Rasmus Svane (2367) í 10. og síðustu umferð sem fram fer í fyrrmálið, hefst kl. 8.

292 skákmenn taka þátt frá 24 löndum.  Þar á meðal eru 22 stórmeistarar.  Henrik er nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Gawain breskur meistari í skák

Íslandsvinurinn Gawain Jones (2655) varð í dag breskur meistari í skák.  Jones varð efstur ásamt stórmeistaranum Stephen Gordon (2539) en þeir hlutu 9 vinninga í 11 skákum en sjálfu mótinu lauk í gær.  Þeir tefldu úrslitaeinvígi með atskákfyrirkomulagi í dag og þar hafði Gawain betur.  Dawid Howell (2620) varð þriðji með 8,5 vinning en þessir þrír höfðu yfirburði.

Alls tóku 65 skákmenn þátt í efsta flokki mótsins.  Þar á meðal voru 7 stórmeistarar.   Mótið nú var það 99. í sögunni og aldrei áður hefur breska meistaramótið farið fram jafn norðanlega í Englandi en mótið er jafnframt meistaramót Englands.

Þess má reyndar geta að Íslandsmótið í skák 2013 sem markar 100 afmæli mótsins verður einnig það 99. í sögunni en ætti auðvitað með réttu að vera það 101.  Íslandsmótið féll hins vegar niður tvisvar sinnum. 

Heimasíða Breska meistaramótsins