Bolvíkingar efstir eftir fyrri hlutann - fjögur lið með vinningsmöguleika

 

Taflfélag Bolungarvíkur leiðir eftir fyrri hluta Íslandsmóts skákfélaga sem fram fór um helgina í Rimaskóla.  Bolvíkingar sem lögðu Akureyringa í 4. umferð, 6,5-1,5, hafa 22,5 vinning.  Víkingaklúbburinn, sem vann sigur á b-sveit Bolvíkinga eru í 2. sæti með 22 vinninga, Taflfélag Reykjavíkur, sem vann 6-2 sigur á Goðum-Mátum eru í 3. sæti með 21,5 vinning og Eyjamenn sem unnu 6-2 sigur á Hellismönnum eru í fjórða sæti með 20,5 vinning.   Það má búast við æsispennandi baráttu í síðari hlutanum sem fram fer 1. og 2. mars í Hörpu, strax í kjölfar Reykjavíkurmótsins.

Staðan í fyrstu deild:

1. Taflfélag Bolungarvíkur a-sveit 22,5 v.
2. Víkingaklúbburinn 22 v.
3. Taflfélag Reykjavíkur 21,5 v.
4. Taflfélag Vestamanneyja 20,5 v.
5. Goðinn-Mátar 17 v.
6. Taflfélagið Hellir 13 v.
7. Skákfélag Akureyrar 7 v.
8. Taflfélag Bolungarvíkur 4,5 v.

Staða efstu liða í 2. deild:

1. Goðinn-Mátar b-sveit 16 v.
2. Taflfélag Reykjavíkur b-sveit 15,5 v.
3. Skákdeild Fjölnir 13 v.
4. Taflfélag Vestmannaeyja 13 v.

Staða efstu liða í 3. deild:

1. Víkingaklúbburinn 7 stig (16,5 v.)
2. Skákfélag Vinjar 6 stig (17 v.)
3. Taflfélag Akraness 6 stig (14,5 v.)

Staða efstu liða í 4. deild:

1. Briddsfjelagið 7 stig (17,5 v.)
2. Skákfélag Akureyrar 6 stig (16,5 v.)
3. Taflfélagið Hellir d-sveit 6 stig (15,5 v.)
4. UMSB (Borgarnes) 6 stig (15,5 v.)

• Chess-Results
• Myndaalblúm (GB og HÁ)
• Myndaalbúm (HJ)

Fimm lið enn í baráttunni um Íslandsmeistaratitilinn!

Að loknum þremur umferðum á Íslandsmóti skákfélaga er ljóst að fimm lið eiga enn möguleika á Íslandsmeistaratitlinum, en þrjú lið berjast í fallbaráttunni. Bolvíkingar, sem eru í efstu sæti og stefna að fimmta Íslandsmeistaratitlinum í röð, mæta Skákfélagi Akureyrar í 4. umferð, sem hefst kl. 11. Akureyringar hafa átt erfitt uppdráttar og eru í næstneðsta sæti með 5,5 vinning, en Bolar hafa rakað til sín 16 vinningum.

TR er nú í 2. sæti með 15,5 vinning. Andstæðingar þeirra í 4. umferð eru Goðinn-Mátar, sem eru í 3. sæti með 15 vinninga. TR hefur sýnt mjög góða takta á mótinu og sigrað bæði Víkingaklúbbinn og Vestmannaeyinga.

Víkingarklúbburinn er þó til alls líklegur, enda búinn að mæta tveimur efstu liðunum, en teflir við botnlið B-sveitar Bolvíkinga í fjórðu umferð.

Eyjamenn eru nú í 5. sæti með 14,5 vinning og mæta Helli í dag. Hellismenn hafa átt misjöfnu gengi að fagna og hafa 11 vinninga, og virðast líklegir til að sleppa við fall í 2. deild, þótt mikið sé eftir af þessu skemmtilega móti.

Óhætt er að segja að spennan hafi sjaldan eða aldrei verið meiri á Íslandsmóti skákfélaga!

• Chess-Results
• Myndaalblúm (GB og HÁ)
• Myndaalbúm (HJ)
• Myndaalbúm II (HJ)

Bolvíkingar efstir á Íslandsmóti skákfélaga

Bolvíkingar leiða á Íslandsmóti skákfélaga að lokinni 3. umferð sem fram fór í kvöld.  Bolvíkingar unnu Eyjamenn með minnsta mun, 4,5-3,5 þar sem gerð voru 7 jafntefli.  Jóhann Hjartarson var sá eini sem vann sína skák.  Bolvíkingar hafa 16 vinninga.  Taflfélag Reykjavíkur er í öðru sæti með 15,5 eftir 6,5-1,5 á Skákfélagi Akureyrar.   Goðinn/Mátar og Víkingaklúbburinn eru í 3.-4. sæti með 15 vinninga.  Goðar unnu b-sveit Bolungarvíkur, 5,5-2,5 en Víkingaklúbburinn valtaði yfir Helli 7,5-0,5.

Fjórða og síðasta umferð fyrri hlutans fer fram á morgun og hefst kl. 11.   Þá mætast GM-TR, TB-SA, Hellir-TV og TB-b-Víkingaklúbburinn.

Staðan í fyrstu deild:

1. Taflfélag Bolungarvíkur a-sveit 16 v.
2. Taflfélag Reykjavíkur 15,5 v.
3. Goðinn-Mátar 15 v. (6 stig)
4. Víkingaklúbburinn 15 v. (3 stig)
5. Taflfélag Vestamanneyja 14,5 v
6. Taflfélagið Hellir 11 v.
7. Skákfélag Akureyrar 5,5 v.
8. Taflfélag Bolungarvíkur 3,5 v.

Staða efstu liða í 2. deild:

1. Taflfélag Reykjavíkur b-sveit 11,5 v.
2. Goðinn-Mátar b-sveit 11 v.
3. Skákdeild Hauka 10,5 v.

Staða efstu liða í 3. deild:

1. Taflfélag Akraness 6 stig (13 v.)
2. Víkingaklúbburinn 5 stig (12 v.)
3. Skákfélag Vinjar 4 stig (12,5 v.)

Staða efstu liða í 4. deild:

1. UMSB (Borgarnes) 6 stig (14 v.)
2. Briddsfjelagið 5 stig (13 v.)
3. Taflfélagið Hellir d-sveit 5 stig (12,5)

 

• Chess-Results
• Myndaalblúm (GB og HÁ)
• Myndaalbúm (HJ)

Bolar efstir á Íslandsmótinu -- TR-ingar unnu Eyjamenn

Íslandsmeistarar Taflfélag Bolungarvíkur eru efstir á Íslandsmóti skákfélaga eftir 4-4 jafntefli við Víkingaklúbbinn í 2. umferð Íslandsmóts skákfélaga sem fram fór í dag.   Bolvíkingar hafa 11,5 vinning.  Eyjamenn eru í 2. sæti með 11 vinninga þrátt fyrir tap, 3,5-4,5 gegn Taflfélag Reykjavíkur.  Hellismenn eru í þriðja sæti með 10,5 vinning eftir stórsigur 7,5-0,5 á b-sveit Bolvíkinga.  Goðinn/Mátar eru svo í 4.-5. sæti með 9,5 vinning eftir sigur á Akureyringum með minnsta mun.

Þriðja umferð hefst nú kl. 17.  Þá mætast meðal annars Eyjamenn og Bolvíkingar.

Staðan í fyrstu deild:

• 1.       Bolungarvík 11,5 v.
• 2.       TV 11 v.
• 3.       Hellir 10,5 v.
• 4.       Goðinn/Mátar 9,5 v.
• 5.       TR 9 v.
• 6.       Víkingaklúbburinn 7,5 v.
• 7.       SA 4 v.
• 8.       TB-b 1 v.

Staða efstu  liða í 2. deild:

• 1.       TR-b 7,5 v.
• 2.       Goðinn/Mátar 7 v.
• 3.       Fjölnir 6,5 v.

Staðan efstu liða í 3. deild:

• 1.       Skákfélag Íslands 4 stig (7 v.)
• 2.       Víkingaklúbburinn b-sveit  3 stig (7 v.)
• 3.       KR 3 stig (6,5 v.)

Staða efstu liða í 4. deild:

• 1.       Briddsfjelagið 4 stig (10 v.)
• 2.       Víkingaklúbburinn-c 4 stig (9,5 v.)
• 3.       Hellir-d 3 stig (9 v.)

 

• Chess-Results
• Myndaalblúm (GB og HÁ)
• Myndaalbúm (HJ)

Önnur umferð Íslandsmóts skákfélaga: Hvað gera Víkingar gegn Bolum?

Önnur umferð Íslandsmóts skákfélaga hefst klukkan 11 í Rimaskóla. Í efstu deild verða fjórar mjög spennandi viðureignir, en alls er keppt í fjórum deildum á Íslandsmótinu.

Íslandsmeistarar Bolvíkinga mæta Víkingaklúbbnum, og er ljóst að Víkingarnir verða að vinna sigur, ætli þeir sér að vera með í keppninni um titilinn. Víkingarnir töpuðu fyrir harðsnúnu liði Taflfélags Reykjavíkur í fyrstu umferð í gærkvöldi, þar sem Friðrik Ólafsson tryggði TR sigurinn.

Ekki verður síður spennandi að fylgjast með viðureign Eyjamanna og TR. Taflfélag Vestmannaeyja burstaði Skákfélag Akureyrar í fyrstu umferð, og virðist á fljúgandi siglingu, en TR-ingar hafa sýnt hvað í þeim býr.

Goðinn-Mátar teflir fram sínu gríðarsterka liði gegn Skákfélagi Akureyrar, og má búast við að Akureyringar bíti í skjaldarrendur eftir skellinn gegn Eyjamönnum í gærkvöldi.

Þá verður án efa hart barist í viðureign Hellis og B-sveitar Bolungavíkur, enda lykilviðureign í neðri hlutadeildarinnar.

• Chess-Results
• Myndaalblúm (GB og HÁ)
• Myndaalbúm (HJ)

Bolar og Eyjamenn efstir á Íslandsmótinu -- TR vann Víkingaklúbbinn

Íslandsmeistarar, Taflfélag Bolvíkingvíkur, og Taflfélag Vestmannaeyja eru efstir með 7,5 vinninga að lokinni fyrstu umferð Íslandsmóts skákfélaga sem fram fór í kvöld í Rimaskóla.  Bolvíkingar unnu eigin b-sveit 7,5-0,5 en Eyjamenn lögðu Akureyringa með sama mun.  Eftirtektarverðustu úrslit kvöldsins var hins vegar sigur Taflfélags Reykjavíkur á Víkingaklúbbnum, 4,5-,3,5.  Goðinn/Mátar unnu svo Hellismenn 5-3.

Úrslit kvöldins 

• Hellir - Goðinn/Mátar 5-3
• Bolungarvík-b - Bolungarvík-a 0,5-7,5
• Víkingaklúbburinn - Taflfélag Reykjavíkur 3,5-4,5
• Taflfélag Vestmannaeyja - Skákfélag Akureyrar 7,5-0,5

Nokkur eftirtektarverð einstaklingsúrslit:

• Hjörvar Steinn Grétarsson (Helli) - Gawain Jones (GM) 0,5-0,5
• Guðmundur Daðason (TB-b) - Jón Viktor Gunnarsson (TB-a) 0,5-0,5
• Friðrik Ólafsson (TR) - Magnús Örn Úlfarsson  (Vík) 1-0
• Rúnar Sigurpálsson (SA) - Helgi Ólafsson (TV) 0,5-0,5

Keppninni verður svo framhaldið á morgun með tveimur umferðum, sú fyrri hefst kl. 11.  Þá mætast meðal annars:  TR-TV og Bolungarvík-Víkingaklúbburinn.

Staða efstu liða í 2. deild:

• 1.-2. TV-b og GM-b 4 v.
• 3.-4. TR-b og Fjölnir 3,5 v.

Staða efstu liða í 3. deild:

• 1. Akranes 2 stig (6 v.)
• 2. TR-c 2 stig (5 v.)
• 3. SAST 2 stig (4,5 v.)

Staða efstu liða í 4. deild:

• 1.-2. Briddsfjelagið og TR-d 2 stig (6 v.)
• 3.-4. Hellir-unglingasveit og SA-c 2 stig (5,5 v.)

• Chess-Results
• Myndaalblúm (GB og HÁ)
• Myndaalbúm (HJ)

Íslandsmót skákfélaga hófst í kvöld í Rimaskóla

Íslandsmót skákfélaga hófst í kvöld í Rimaskóla.  Mótið er það sterkasta í sögu keppninnar.   Meðal keppenda í keppninni í ár eru Friðrik Ólafsson og Margeir Pétursson en alls tefla um 30 stórmeistarar í keppninni.   

Viðureignir kvöldsins í fyrstu deild eru:

• Hellir - Goðinn/Mátar
• Bolungarvík-b - Bolungarvík-a
• Víkingaklúbburinn - Taflfélag Reykjavíkur
• Taflfélag Vestmannaeyja - Skákfélag Akureyrar

Keppninni verður svo framhaldið á morgun með tveimur umferðum, sú fyrri hefst kl. 11.

• Chess-Results
• Myndaalblúm (GB)

 

 

 

Sterkasta Íslandsmót skákfélaga sögunnar hefst um helgina

Um 400 skákmenn að tafli um helgina á öllum aldri og öllum styrkleika

Um 30 stórmeistarar taka þátt í Íslandsmóti skákfélaga en fyrri hlutinn fer fram um helgina í Rimaskóla.  Nánast allir sterkustu skákmenn landsins taka þátt og þar á meðal Friðrik Ólafsson og hin svokallaða „fjórmenningaklíka"; Jóhann Hjartarson, Helgi Ólafsson, Jón L. Árnason og Margeir Pétursson.  Þetta er í fyrsta skipti um langt árabil sem það gerist.  Íslandsmótið nú er hið sterkasta í sögu mótsins en aldrei áður hafa jafn margir stórmeistarar verið skráðir til leiks.

Búist er við að baráttan standi helst á milli Taflfélags Bolungarvíkur, Íslandsmeistara síðustu fjögurra ára, Taflfélags Vestmannaeyja og Víkingaklúbbsins.  Auk þess eru Skákfélagið Goðinn/Mátar og Taflfélag Reykjavíkur talin geta blandað sér í baráttuna.

Íslandsmót skákfélaga er einstæður skákviðburður.  Um 400 skákmenn tefla og eru af öllum styrkleika.  Allt frá ofurstórmeisturum niður í sex ára byrjendur en teflt er í fjórum deildum.  Rímar vel við hugtakið; Skák er fyrir alla!

Umferðirnar eru sem hér segir (helsta viðureign hverrar umferðar í sviga):

• 1. umferð: Föstudagurinn, 5. október, kl. 20-01 (Víkingaklúbburinn - Taflfélag Reykjavíkur)
• 2. umferð: Laugardaginn, 6. október, kl. 11-16 (Taflfélag Bolungarvíkur - Víkingaklúbburinn)
• 3. umferð: Laugardaginn, 6. október, kl. 17-22 (Taflfélag Vestmannaeyja - Taflfélag Bolungarvíkur)
• 4. umferð: Sunnudaginn, 7. október, kl. 11-16 (Goðinn/Mátar - Taflfélag Reykjavíkur)

 

Chess-Results

 

Bolvíkingum spáð sigri

Ritstjóri hefur gert hina hefðbundu spá um Íslandsmót skákfélaga og er Bolvíkingum spáð sigri fimmta árið í röð.

Spá ritstjóra.

 

Topalov, Gelfand og Mamedyarov sigurvegar Grand Prix-mótsins í London

Topalov (2752), Gelfand (2738) og Mamedyarov (2729) urðu efstir og jafnir á FIDE Grand Prix-mótinu sem lauk í London í gær.   Það vekur athygli að Giri (2730) sem og stigahæsti keppandi mótsins Nakamura (2783) hafi orðið að sæta sig við að vera neðstir.

Lokastaðan:

Rank	Name	Rtg	FED	Pts	SB
1	Topalov Veselin	2752	BUL	7	36.25
2	Gelfand Boris	2738	ISR	7	35.75
3	Mamedyarov Shakhriyar	2729	AZE	7	34.75
4	Grischuk Alexander	2754	RUS	6½	36.75
5	Leko Peter	2737	HUN	6	32.50
6	Wang Hao	2742	CHN	5½	28.75
7	Adams Michael	2722	ENG	5	26.75
8	Ivanchuk Vassily	2769	UKR	5	26.00
9	Kasimdzhanov Rustam	2684	UZB	4½	24.25
10	Dominguez Perez Leinier	2725	CUB	4½	23.75
11	Giri Anish	2730	NED	4	22.00
12	Nakamura Hikaru	2783	USA	4	20.50

 

Heimasíða mótsins