Gallerý skák: Vignir Vatnar lék á als oddi

KAPPTEFLIÐ UM PATAGÓNINUSTEININN III - 6 kvölda mótaröð,  þar sem 4 bestu mót hvers keppenda telja til  GP stiga og vinnings,  hefst  í Gallerý Skák í  kvöld kl. 11. október, á geðheilbrigðisdaginn. Sigurvegari fyrri móta er hinn aldni senn áttræði meistari Gunnar Kr. Gunnarsson, sem enn tefldir eins og herforingi. 

Eins og áður hefur komið fram í pistlum þessum fellst mikil geðrækt í því að tefla sér til ánægju og hugarhægðar.  Alvarleg "skákdella"  fellur á fræðimáli geðlækna undir svokallaða "áráttupersónuleikastreyturöskun"  sem og hægt er að halda niðri með því "að sjást og kljást" við  verðuga andstæðinga við manntaflið annað slagið.   Með því er hægt að komast hjá ýmsum eftirköstum eins og "skákkvíðahliðrunarstreyturöskun", sem annars getur orðið mönnum þung í skauti og gert fólki gramt í geði.  Því er skákiðkun af hinu góða ekki aðeins fyrir viðkomandi heldur líka fyrir vini þeirra og vandamenn.

Sl. fimmtudagskvöld lék hinn ungi og upprennandi skáksnillingur Vignir Vatnar Stefánsson, nýorðinn 9 ára,  á als oddi í Gallerýinu og lék gamalreynda gamlingjana grátt sem og aðra þátttakendur.  Varð hin rísandi vonarstjarna í 2 sæti með 8 vinninga af 11 mögulegum.  Sigurvegari var hinn snjalli og eitilharði reynslubolti Ingimar Halldórsson, með 8.5 v. en hann lætur sjaldan deigan síga og gefur ekkert eftir þegar hann sest að tafli á annað borð  -hvort heldur er í Riddaranum, hjá Æsum eða KR -og er jafnan erfiður við að eiga og hann því sigursæll mjög.  Það vakti athygli "að enginn má sköpum renna", þeir sem oftast eru fyrstir verða stundum að bíta í það súra epli að verða síðastir, eins og sjá má á meðf. mótstöflu.   

 

Það fer vel á því að tefla sem víðast  á Alþjóðlega geðheilbrigðisdeginum sem að þessu sinni er helgaður geðheilsu barna og unglinga.  Aðaldagskráin hefst með "skemmtigeðgöngu" frá Skólavörðuholti kl. 16.30 en síðan verður hátíð í Gamla bíó kl. 17.30 og  stóra Alþjóðlega geðheilbrigðisskákmótið hefst svo í Faxafeninu kl. 20.

Í Gallerýinu verður hins vegar sest að tafli kl. 18 og tefldar 11 umferðir með 10 mín. umhugsunartíma. Lagt í púkk fyrir kaffi og matföngum. Næg bílastæði.  

www.galleryskak.net

Alþjóðlega geðheilbrigðismótið í kvöld!

Skákmenn á öllum aldri og öllum styrkleikaflokkum hafa boðað komu sína á Alþjóðlega geðheilbrigðismótið, sem fram fer í Faxafeni 12 í kvöld og hefst klukkan 20. Mótið er öllum opið og er þátttaka ókeypis.

Stigahæsti skákmaður Íslands, Jóhann Hjartarson, verður meðal keppenda sem og kempur á borð við Jón Viktor Gunnarsson, Sigurð Daða Sigfússon, Björn Þorfinnsson, Róbert Lagarman, Elvar Guðmundsson, Benedikt Jónasson, Gunnar Frey Rúnarsson og Tómas Björnsson.

Flestar sterkustu skákkonur okkar verða líka meðal keppenda, m.a. Lenka Ptacnikova, Elsa María Kristínardóttir, Hallgerður Helga Þorsteinsdóttir, Jóhanna Björg Jóhannsdóttir, Guðlaug Þorsteinsdóttir og Ingibjörg Birgisdóttir.

Heldri skákmenn láta sig heldur ekki vanta, með Finn Kr. Finnsson og Gunnar Gunnarsson í broddi fylkingar.

Börn og ungmenni eru sérstaklega hvött til þátttöku, enda gefst þeim færi á að spreyta sig gegn sterkum skákmönnum á skemmtilegu móti.

Tefldar verða 7 umferðir með 7 mínútna umhugsunatíma. Vegleg bókaverðlaun frá Forlaginu og Sögum útgáfu eru veitt fyrir þrjú efstu sætin, auk þess sem verðlaun eru veitt í ýmsum flokkum.

Mótið hefst klukkan 20, og eru keppendur hvattir til að mæta tímanlega. Hægt er að skrá sig til leiks hér á Skák.is eða á Facebook-síðu mótsins, með því að smella hér.

Alþjóðlega geðheilbrigðismótið er samstarfsverkefni Skákfélags Vinjar, Taflfélags Reykjavíkur, Taflfélagsins Hellis og Skákakademíunnar.

Ingimundur og Sigurður efstir á atskákmeistaramóti SSON

Ingimundur Sigurmundsson hefur tekið forystuna ásamt Sigurði H.Jónssyni í átskákmeistaramóti SSON, ljóst að Ingimundur ætlar sér ekki að láta titilinn af höndum sí svona.

13 keppendur skráðir til leiks, þar af 3 góðir félagar sunnan úr Keflavík og fastagestir á Selfossi, þeir Siggi H. Jóns, Einar og Pálmar sem láta 100 km. akstur þrjú miðvikudagskvöld ekki stöðva sig þegar baráttan við Caissu er í boði.

Tefldar voru 4 umferðir í gærkvöldi, helst bar til tíðinda að stigahæsti skákmaðurinn, Páll Leó tapaði fyrir áðurnefndum Ingimundi, Erlingur Atli náði góðum sigri gegn Einari en aðrar skákir voru nokkuð eftir bókinni þótt hart hafi verið barist eins og gengur.

Næstkomandi miðvikudagskvöld verða tefldar umferðir 5-9

• Heimasíða SSON
• Chess-Results

Jón Viktor með örugga forystu á Tölvuteksmótsinu

Alþjóðlegi meistarinn Jón Viktor Gunnarsson (2410) vann Kjartan Maack (2132) í sjöttu umferð Tölvuteksmótinu - Haustmóts TR sem fram fór í kvöld.  Jón Viktor hefur 5,5 vinning og hefur 2 vinninga forskot á næstu menn en Sævar Bjarnason (2090) á reyndar frestaða skák til góða.

Rimskælingar raða sér í efstu sætin í b-flokki.  Dagur Ragnarsson (1916) hefur 5 vinninga og hefur 1,5 vinnings forskot á næstu menn.  Dawid Kolka (1603), Hilmir Freyr Heimisson (1711) og Sóley Lind Pálsdóttir (1358) eru efst í opnum flokki.

 

Úrslit 6. umferðar í a-flokki:

 

Bo.	Rtg	Name	Result	Name	Rtg
1	1933	Karlsson Mikael Jóhann	½ - ½	Þórhallsson Gylfi Þór	2156
2	2132	Maack Kjartan	0 - 1	Gunnarsson Jón Viktor	2410
3	2305	Jensson Einar Hjalti	0 - 1	Ómarsson Daði	2206
4	2081	Ragnarsson Jóhann H.	0 - 1	Ptácníková Lenka	2264
5	2090	Bjarnason Sævar Jóhann	Fr.	Björnsson Sverrir Örn	2154

Staðan:

 

Rk.		Name	Rtg	Club/City	Pts.
1	IM	Gunnarsson Jón Viktor	2410	TB	5,5
2	WGM	Ptácníková Lenka	2264	Hellir	3,5
3	IM	Bjarnason Sævar J.	2090	Vin	3,5
4	FM	Jensson Einar Hjalti	2305	Goðinn	3,5
5		Ómarsson Daði	2206	TR	3,5
6		Björnsson Sverrir Örn	2154	Haukar	2,5
7		Maack Kjartan	2132	TR	2
8		Ragnarsson Jóhann H.	2081	TG	2
9		Þórhallsson Gylfi Þór	2156	SA	1,5
10		Karlsson Mikael J:	1933	SA	1,5

 

B-flokkur:

Röð efstu manna:

• 1. Dagur Ragnarsson (1916) 5 v.
• 2. Jón Trausti Harðarson (1813) 3,5 v.
• 3.-4. Oliver Aron Jóhannesson (2018) 3 v. og Eiríkur Björnsson (1970) 3 v.

Nánar á Chess-Results

C-flokkur:

Röð efstu manna:

• 1.-3.  Dawid Kolka (1603), Hilmir Freyr Heimisson (1711) og Sóley Lind Pálsdóttir (1358) 4,5 v.

Sjá nánar á Chess-Results.

• Heimasíða TR
• Chess-Results
• Myndaalbúm (GB)
• Myndaalbúm (TR-síða)

Æskan og ellin

Skákmótið "Æskan og Ellin verður haldið í níunda sinn  laugardaginn 27.  október nk. í Strandbergi, safnaðarheimili Hafnarfjarðarkirkju.

Það er  RIDDARINN, skákklúbbur eldri borgara á höfuðborgarsvæðinu, sem stendur fyrir mótinu með góðfúslegum stuðningi  dyggra stuðningsaðila.

Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri. Á síðasta ári var 80 ára aldursmunur milli yngsta og elsta keppandans.

Vegleg peningaverðlaun í öllum flokkum.  
Aðalverðlaun :  25.000;  15.000;  10.000,
Aldursflokkaverðlaun og vinningahappdrætti

Þátttaka á Strandbergsmótum er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Strandbergmótið hefst kl. 13 laugardaginn 27. október í Hásölum Strandbergs  og stendur til um kl. 17. Tefldar verða 9 umferðir með 7 mínútna umhugsunartíma á skákina.  

Mótinu lýkur síðan  með veglegu kaffisamsæti  og verðlaunaafhendingu. Einar S. Einarsson er formaður mótsnefndar og Páll Sigurðsson, skákstjóri .

SKRÁNING :Ekkert þátttökugjald.
Æskilegt er að skrá sig fyrirfram eða mæta tímanlega á mótsstað .
Sérstök skráningarsíða á netinu verður sett upp þegar nær dregur.

Sjötta umferð Tölvuteksmótsins fer fram í kvöld

Sjötta umferð Tölvuteksmótsins hefst kl. 19:30 í kvöld.  Sem fyrr verða allar skákir a-flokks sýndar beint.  Forystusauðurinn, Jón Viktor Gunnarsson, mætir Kjartani Maack.  Einar Hjalti Jensson og Sævar Bjarnason sem eru í 2.-3. sæti mæta Daða Ómarssyni og Sverri Erni Björnssyni.

• Heimasíða TR
• Bein útsending frá sjöttu umferð

Guðfinnur efstur í Ásgarði

Það má segja að Austfirðingar og Riddarar hafi sett svip sinn á skákdaginn í Ásgarði í gær.  Það komu þrír Austfirðingar í heimsókn og tefldu með Ásum.  Það voru þeir Viðar Jónsson, Hákon Sófusson og Albert Geirsson og er þakkað kærlega fyrir heimsóknina.  Riddarar voru í tveimur efstu sætunum.  Guðfinnur R Kjartansson varð efstur með 9 vinninga af 10 mögulegum og Sigurður Kristjánsson í öðru sæti með 8,5 vinning.  Þriðja sætinu náði svo Valdimar Ásmundsson  með 7 vinninga.

Á svona venjulegum skákdögum er ýmislegt óhefðbundið sem ekki gæti gengið ef um mót væri að ræða. Finnur Kr. Finnsson tefldi t.d átta skákir þó hann sé ekki skráður á blað, fyrstu þrjár skákirnar tefldi hann fyrir Hákon vegna þess að Hákon var ekki mættur og svo tefldi hann síðustu fimm skákirnar fyrir Birgir Sigurðsson sem er að ná sér á strik eftir erfið veikindi og treysti sér ekki til að tefla nema helminginn

Finnur tefldi átta skákir og fékk 4½ vinning og miðað við fyrri afrek hans telst þetta nokkuð sæmilegt.

Nánari úrslit:

• 1    Guðfinnur R Kjartansson            9
• 2    Sigurður Kristjánsson                8.5
• 3    Valdimar Ásmundsson            7
• 4-7    Jón Víglundson                6
•     Viðar Jónsson                    6
•             Gísli Árnason                    6
•     Ásgeir Sigurðsson                6
• 8-10    Þorsteinn Guðlaugsson            5.5
•     Haraldur Axel                    5.5
•     Birgir Sigurðsson                5.5
• 11-18    Hákon Sófusson                5
•     Einar S Einarsson                5
•     Magnús V Pétursson                5
•     Birgir Ólafsson                5
•     Albert Geirsson                5
•     Viðar Arthúrson                5
•     Baldur Garðarsson                5
•     Gísli Sigurhansson                5
• 19-20    Jón Bjarnason                    4.5
•     Jónas Ástráðsson                4.5
• 21-22    Friðrik Sófusson                4
•     Óli Árni                    4
• 23    Egill Sigurðsson                3
• 24-25    Eiður Á Gunnarsson                2.5
•     Hrafnkell Guðjónsson                2.5    

Pistill Nökkva: Opna skoska meistaramótið

Opna skoska meistaramótið ætti ekki að þurfa að kynna fyrir hinum almenna skákáhugamanni. Mótið var fyrst haldið árið 1884 og hefur verið haldið næstum hvert einasta ár síðan þá og er það því elsta árlega skákmót veraldar. Þrátt fyrir það hafa Íslendingar ekki verið nógu duglegir að sækja þetta sögufræga mót.

Pörunin fyrstu 3 umferðirnar var með öðru sniði en hið vinsæla Monrad-kerfi en það átti að auka áfangasénsa manna í mótinu. Það virkaði þannig að keppendum var skipt í tvennt, sem sagt við miðju og þar kepptu menn innbyrðis. Þannig að í staðinn fyrir að fá einn af sterkustu mönnum mótsins fékk ég heimamanninn Daniel Thomas(1793). Ég varð snemma var við það að hann stóð ekki undir stigunum sínum en hann lék skelfilega af sér í byrjuninni sem gerði mér kleift að hirða frumkvæðið og eftir 26 leiki gafst hann upp.

Í annarri umferð fékk ég skoska landsliðsmannin Alan Tate(2346) og mér að óvörum bauð hann mér snemma jafntefli sem ég eðlilega tók enda 400 stigum lægri og staðan í jafnvægi.

Á þessum tímapunkti var ég mjög sáttur og gerði ráð fyrir að fá viðráðalegan andstæðing í þriðju umferð. Jacob Aagard (2506) hét sá maður og ætla ég að skýra þá tapskák hér á eftir.

Í fjórðu umferð gerði ég stutt jafntefli við Phillip M Giulian(2285).

Eftir pörun fimmtu umferðar gerði ég mér vonir um sigur en andstæðingurinn minn var Martin Mitchell (2217). Þrátt fyrir að vera með svart fékk ég snemma betra og var með unnið á tímabili en tefldi endataflið illa og þurfti að lokum að „sætta" mig við óþarfa tap.

Næsta skák var sú verst teflda að minni hálfu allt mótið en sem betur fer var andstæðingur minn, Eoin Campbell( 1868) ekki upp á sitt besta og lék af sér kalli í ellefta leik. Þrátt fyrir að vera kalli yfir tókst mér að lenda í stórfelldum vandræðum en hafði að lokum sigur.

Þrátt fyrir sigur gegn Boglarka Bea (2141) í sjöundu umferð get ég ekki verið sáttur við taflmennsku mína því að á þessum tímapunkti mótsins varð ég var við það að ég var í vandræðum með að klára unnar skákir, en heppnin var mér í hag og lék hún sig ofan í mátfléttu.

Áttunda umferð var enn eitt stutta jafnteflið, gegn Iain Swan(2259).

Í níundu umferð var þreytan farin að segja til sín, enda mörg stutt jafntefli samin. Þrátt fyrir að vera með töluðvert betri stöðu samdi ég jafntefli við Paul S Cooksey (2298) en ég var missti af góðu framhaldi.

Bestu kveðjur og þakkir fyrir stuðninginn

Nökkvi Sverrisson

[Event "Scottish Chess Championships 2012"] [Site "?"] [Date "2012.07.09"] [Round "3.7"] [White "GM Aagaard, Jacob DEN 2506"] [Black "Sverrisson, Nokkvi ISL 1973 "] [Result "1-0"] [ECO "B77"] [Annotator "Doe,John"] [PlyCount "61"] [EventDate "2012.??.??"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 g6 {Drekinn varð tharna fyrir valinu} 6. Be3 Bg7 7. f3 O-O 8. Qd2 Nc6 9. Bc4 Bd7 10. h4 {Bindur hvítan við soltis variantinn en kemur í leiðinni í veg fyrir afbrigði eins og kínverska drekann} h5 11. O-O-O Rc8 12. Bb3 Ne5 13. Bg5 Rc5 14. Kb1 a5 {Ekki algengasti leikurinn en hefur verið að ná góðum úrslitum fyrir svart} 15. a4 Qc8 16. g4 $6 hxg4 {Hér er ég búinn að jafna taflið og gott um betur} (16... Rxc3 17. Qxc3 Qxc3 18. bxc3 hxg4 19. Bxf6 Bxf6 20. f4 Nc6 $13) 17. h5 Nxh5 18. Bh6 Nxf3 $1 { Góður leikur en röng hugmynd} 19. Nxf3 gxf3 $2 (19... Bxc3 $1 20. bxc3 gxf3 21. Qd4 Re5 22. Rdg1 Kh7 $15) 20. Nd5 Rxd5 21. Bxd5 Bh3 (21... Bg4 $2 {Hefði ekki hjálpað} 22. Rdg1 f2 23. Qxf2 Bxh6 24. Qh4 Bf3 25. Rxg6+ $3 Bg7 26. Rxg7+ Kxg7 27. Rg1+ $18) 22. Rdg1 Kh7 23. Bxg7 Kxg7 24. Qg5 $6 Rh8 $6 {Hér hefði verið betra að leika 24... f2!} (24... f2 $1 25. Bxf7 f1=Q+ 26. Rxf1 Rxf7 27. Rxf7+ Kxf7 $17 {Staða svarts er samkvæmt tölvum unnin hér en thað er mikið eftir af skákinni}) 25. Qxe7 Qd7 $4 {Ég rek ég síðasta naglann í eigin kistu} (25... Rf8 26. Qxd6 Bg2 27. Qe5+ Nf6 28. Rh4 Qe8 $16) 26. Rxg6+ $18 Kxg6 27. Rg1+ Kh7 28. Qg5 Bg2 29. Qxh5+ Kg7 30. Qxf3 Kf8 31. Qxg2 {Thað vantaði aðeins heslumuninn til að ég næði frábærum úrslitum í skák thar sem ég missti af tveimur sterkum leikjum sem hefðu gert róðurinn virkilega erfiðan fyrir hvítan} 1-0

Atskákmeistaramót SSON hefst í kvöld

Atskákmeistaramótið hefst á miðvikudaginn 10.október.  Teflt verður i Selinu að vanda og verið dregið um töfluröð kl 19:30 og 1. umferð heftst strax þar á eftir.

Tefldar verða 15-20 mínútna skákir, allt eftir fjölda keppenda.

Gengið er útfrá því að mótið klárist á þremur miðvikudagskvöldum og að allir tefli við alla.

Keppnisgjald er 1000 kr. Gestir úr öðrum félögum greiða ekkert keppnisgjald og fá að auki fríar veitingar.

Núverandi atskákmeistari SSON er Ingimundur Sigurmundsson.

Pistill um Íslandsmót skákfélaga

Ritstjóri hefur gert hefðbundin pistil um Íslandsmót skákfélaga á síðu sinni tileinkaða Íslandsmóti skákfélaga.  Það er mat ritstjóra að Bolvíkingar séu líklegastir til sigurs.

Pistlaskrif um Íslandsmót skákfélaga