Hjörvar teflir í Wijk aan Zee

Alþjóðlegi meistarinn Hjörvar Steinn Grétarsson (2516) verður meðal keppenda í c-flokki Tata Steel-mótsinu sem fram fer í Sjávarvík (Wijk aan Zee) í Hollandi.

Hjörvar er fyrsti Íslendingurinn sem teflir í einum þremur aðalflokkum þessarar virtu skáhátíðar í 17 ár en Helgi Áss Grétarsson tefldi í b-flokki árið 1996.

Friðrik Ólafsson er eini Íslendingurinn sem hefur unnið þetta fornfræga mót, sem hóf göngu sína árið 1938 í Beverwijk en flutti svo til Sjávarvíkur árið 1968. Friðrik vann mótin 1959 og 1976.

Keppendalistinn í c-flokki:

FM	Admiraal, Miguoël	NED
IM	Bitensky, Igor	ISR
GM	Brunello, Sabino	ITA
IM	Burg, Twan	NED
IM	Gretarsson, Hjörvar Steinn	ISL
IM	Klein, David	NED
GM	Mekhitarian, Krikor	BRA
GM	Peralta, Fernando	ARG
GM	Romanishin, Oleg	UKR
GM	Saleh, Salem	UAE
WIM	Schut, Lisa	NED
GM	Swinkels, Robin	NED
IM	van der Werf, Mark	NED
	Winner, Groningen Open 2012

Tata Steel-mótið

KORNAX mótið 2013 - Skákþing Reykjavíkur hefst 6. janúar

KORNAX mótið 2013 - Skákþing Reykjavíkur hefst sunnudaginn 6. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Dagskrá:

• 1. umferð sunnudag 6. janúar kl. 14
• 2. umferð miðvikudag 9. janúar kl. 19.30
• 3. umferð föstudag 11. janúar kl. 19.30
• 4. umferð sunnudag 13. janúar kl. 14
• 5. umferð miðvikudag 16. janúar kl. 19.30
• 6. umferð föstudag 18. janúar kl. 19.30
• 7. umferð sunnudag 20. janúar kl. 14
• 8. umferð miðvikudag 23. janúar kl. 19.30
• 9. umferð föstudag 25. janúar kl. 19.30

 

Verðlaun:

• 1. sæti kr. 100.000
• 2. sæti kr. 50.000
• 3. sæti kr. 25.000

• Besti árangur undir 2000 skákstigum kr. 10.000 (íslensk stig gilda)
• Besti árangur undir 1800 skákstigum kr. 10.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

 

Teflt er um titilinn "Skákmeistari Reykjavíkur 2013" og hlýtur sá keppandi titilinn og farandbikar til varðveislu í eitt ár, sem verður efstur þeirra sem eiga lögheimili í Reykjavík, eða eru félagsmenn í reykvísku taflfélagi. Núverandi Skákmeistari Reykjavíkur er Björn Þorfinnsson.

Verði fleiri en einn keppandi jafnir að vinningum í þremur efstu sætunum, verður verðlaunum skipt, en stigaútreikningur látinn skera úr um verðlaunasæti.  Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur.  Hægt er að fylgjast með skráningu hér.

Vinsamlegast komið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Atskákmót Skákklúbbs Icelandair - sveitakeppni fer fram 29.-30. desember á Reykjavík Natura

Skráningu lýkur aðfaranótt fimmtudagsins 20. desember.

• Skráning fer fram hér.
• Hægt er að fylgjast með skráningum hér.
• Reglum hefur verið breytt varðandi varamenn - það má hafa allt að fimm varamenn í hverju liði. Senda skal upplýsingar um 4. og 5. varamanns til Óskars Long ([e-mail]).

Nú þegar hafa margir af sterkustu skákmönnum landsins skráð sig og þar af tveir stórmeistarar, fjórir alþjóðlegir meistarar og níu FIDE meistarar og enn er von á fleiri meisturum.

Meðal keppenda eru einnig sumar af okkar sterkustu skákkonum og einnig mörg efnilegustu ungmenni landsins.

Skákáhugamenn eru hvattir til að koma sér í lið og taka þátt í skemmtilegum skákviðburði.

***

Ný verðlaun fyrir veikari liðin.

Ef það verða fleiri en fimm lið undir 8.000 stigum mun efsta liðið af þessum liðum fá 4x gjafabréf fyrir tvo á VOX.

Veikari skákmenn eru hvattir til að taka þátt í þessari skákgleði og heyja baráttu við okkar sterkustu skákmenn enda er það ekki á hverjum degi sem gefst tækifæri að tefla við meistarana.

 ***

• Nánari upplýsingar um mótið má sjá hér.
• Á Facebook er hægt að skiptast á skoðunum og auglýsa sig eða eftir liðsmönnum  
• Einnig er hægt að auglýsa sig á skákhorninu

Óskar Long, formaður Skákklúbbs Icelandair.

Jólapakkamót Hellis fer fram í Ráðhúsinu á laugardag

Jólapakkaskákmót Hellis verður haldið laugardaginn 22. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 15. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1997-1999, flokki fæddra 2000-2001, flokki fæddra 2002-2003 og flokki fæddra 2004 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  Skráning á mótið fer fram á heimasíðu Hellis.

Guðmundur á ferð og flugi um Suður-Ameríku

Alþjóðlegi meistarinn Guðmundur Kjartansson (2404) hefur verið á ferð og flugi síðustu mánuði í Suður-Ameríku þar sem hann hefur teflt á ýmsum alþjóðlegu mótum. Dagana 12.-16. desember sl. tók hann þátt í alþjóðlegu skákmóti í Bogota í Kólumbíu. Guðmundur hlaut 6,5 vinning í 9 umferðum og endaði í 15.-27. sæti af 386 keppendum.

Guðmundur vann meðal annars kúbverska stórmeistarann Pedraza Aramis Alvarez (2513). Frammistaða hans samsvaraði 2283 skákstigum en Guðmundur hækkaði engu að síður um eitt stig fyrir hana.

• Heimasíða mótsins
• Chess-Results

Henrik vann glæstan sigur í Vin

Henrik Danielsen stórmeistari kom, sá og sigraði á Jólaskákmóti Vinjar í dag. Henrik hlaut 5,5 vinning af 6 mögulegum, og tapaði ekki skák þótt hann lenti iðulega í kröppum sjó gegn sterkum andstæðingum. Henrik hampaði því hinum glæsilega bikar með áletruninni ,,Jólasveinninn 2012".

Gunnar Björnsson, hinn harðsnúni forseti Skáksambandsins, hreppti silfrið með 5 vinningum og bronsið hlaut Gunnar Freyr Rúnarsson formaður Víkingaklúbbsins með 4,5 vinning. Næst komu Davíð Kjartansson, sigurvegarinn á jólamóti Vinjar 2011, Ingi Tandri Traustason, Sigríður Björg Helgadóttir og Elsa María Kristínardóttir með 4 vinninga.

Hilmir Freyr Heimisson fékk verðlaun fyrir bestan árangur ungmenna og Ásgeir Sigurðsson fyrir bestan árangur eldri borgara. Þá voru Vinjar-mennirnir Haukur Halldórsson og Hjálmar Sigurvaldason heiðraðir fyrir vasklega framgöngu og góða ástundun.

Sögur útgáfa gáfu veglega vinninga og þannig hreppti Henrik Danielsen hina stjörnum prýddu stórbók dr. Gunna ,,Stuð vors lands" sem fjallar um sögu dægurtónlistar á Íslandi. Aðrir vinningshafar fengu t.d. ,,Svörtu bókina", ,,Zlatan" og ,,Una", en síðastnefnda bókin er spennusaga eftir skákmanninn Óttar M. Norðfjörð.

Heiðursgestur jólaskákmótsins var Björgvin G. Sigurðsson alþingismaður, sem er félagi í Vinafélaginu og hollvinur skákhreyfingarinnar. Hann sagði m.a. í setningarávarpi sínu, að þótt almenningi virtist oft að störf þingmanna snerust einatt um karp, þá væri sumt sem allir gætu sammælst um. Björgvin bar mikið lof á það starf sem unnið er í Vin, athvarfi Rauða krossins fyrir fólk með geðraskanir, og bar viðstadda fyrir góðar kveðjur frá Austurvelli.

Að vanda var boðið upp á ljúffengar veitingar í leikhléi. Æfingar eru í Vin alla mánudaga kl. 13 og þar eru ávallt allir velkomnir í anda einkunnarorða skákhreyfingarinnar: Við erum ein fjölskylda.

Myndaalbúm (HJ)

Atskákmót Skákklúbbs Icelandair - sveitakeppni fer fram 29.-30. desember á Reykjavík Natura

Skráningu lýkur aðfaranótt fimmtudagsins 20. desember.

• Skráning fer fram hér.
• Hægt er að fylgjast með skráningum hér.

Nú þegar hafa margir af sterkustu skákmönnum landsins skráð sig og þar af tveir stórmeistarar, fjórir alþjóðlegir meistarar og níu FIDE meistarar og enn er von á fleiri meisturum.

Meðal keppenda eru einnig sumar af okkar sterkustu skákkonum og einnig mörg efnilegustu ungmenni landsins.

Skákáhugamenn eru hvattir til að koma sér í lið og taka þátt í skemmtilegum skákviðburði.

***

Ný verðlaun fyrir veikari liðin.

Ef það verða fleiri en fimm lið undir 8.000 stigum mun efsta liðið af þessum liðum fá 4x gjafabréf fyrir tvo á VOX.

Veikari skákmenn eru hvattir til að taka þátt í þessari skákgleði og heyja baráttu við okkar sterkustu skákmenn enda er það ekki á hverjum degi sem gefst tækifæri að tefla við meistarana.

 ***

• Nánari upplýsingar um mótið má sjá hér.
• Á Facebook er hægt að skiptast á skoðunum og auglýsa sig eða eftir liðsmönnum  
• Einnig er hægt að auglýsa sig á skákhorninu

Óskar Long, formaður Skákklúbbs Icelandair.

Jólaskák í Vin í dag!

Jólaskákmót verður haldið í Vin, athvarfi Rauða krossins Hverfisgötu 47, klukkan 13 í dag, mánudag. Tefldar verða sex umferðir með 7 mínútna umhugsunartíma og boðið upp á ljúffengar veitingar.

Blómlegt skáklíf er í Vin, sem er athvarf fyrir fólk með geðraskanir. Þar eru vikulegar skákæfingar og einu sinni í mánuði eru haldin hraðskákmót, sem njóta mikilla vinsælda hjá skákáhugamönnum úr öllum áttum.

Á Jólaskákmótinu í dag verða veitt ýmis verðlaun, m.a. fyrir bestan árangur eldri borgara, kvenna og barna á grunnskólaaldri, auk þess sem nokkrir félagsmenn úr Skákfélagi Vinjar verða heiðraðir.

Allir eru velkomnir í Vin og eru keppendur hvattir til að mæta tímanlega. Þátttaka er ókeypis. Að mótinu standa Skákfélag Vinjar og Skákakademían.

Bragi verðskuldaður Íslandsmeistari, Stefán sigraði á ,,stórmeistaramótinu" en Oliver Aron var ein aðalstjarnan

Bragi Þorfinnsson er sannarlega verðskuldaður Íslandsmeistari í hraðskák 2012, en hann varð efstur á Friðriksmótinu í Landsbankanum, ásamt Hjörvari Steini Grétarssyni og Jóni Viktori Gunnarssyni. Bragi sigraði 4 stórmeistara af 5 sem hann mætti: Jóhann Hjartarson, Stefán Kristjánsson, Henrik Danielsen og Hannes H. Stefánsson.

Hjörvar Steinn tefldi við 4 stórmeistara og hlaut 3 vinninga gegn þeim. Hann sigraði Þröst Þórhallsson og Stefán Kristjánsson, en gerði jafntefli við Hannes Hlífar og Jóhann.

Jón Viktor mætti 3 stórmeisturum og hlaut 2 vinninga. Hann sigraði Helga Áss og Jón L. Árnason, en tapaði fyrir Jóhanni Hjartarsyni.

Árangur Braga á mótinu jafngildir 2538 stigum, Hjörvar tefldi upp á 2505 og Jón Viktor 2422.

Áhugavert er að skoða ,,stórmeistarakeppnina" innan mótsins en hvorki fleiri né færri en 8 stórmeistarar voru mættir til leiks, og heyrir til tíðinda að enginn þeirra náði einu af efstu sætunum þremur.

Stefán Kristjánsson sigraði í stórmeistarakeppninni, hlaut 3,5 vinning af 5. Hann sigraði Helga Ólafsson, Jón L. og Hannes Hlífar, gerði jafntefli við Henrik Danielsen en tapaði fyrir Jóhanni. Stefán tapaði auk þess fyrir Braga og og Hjörvari.

Hannes Hlífar tefldi við 4 kollega sína. Hann sigraði Helga og Þröst, gerði jafntefli við Henrik en tapaði fyrir Stefáni. Hannes tapaði líka fyrir Braga, sem fyrr sagði.

Henrik Danielsen tefldi við 3 aðra stórmeistara og gerði jafnmörg jafntefli, gegn Jóhanni, Stefáni og Hannesi. Hann tapaði fyrir Braga og Einari Hjalta Jenssyni.

Jóhann Hjartarson hlaut sömuleiðis 1,5 vinning af 3 gegn öðrum stórmeisturum. Hann tapaði fyrir Helga, sigraði Stefán og gerði jafntefli við Henrik. Þá mátti hann einnig lúta í gras fyrir nýja Íslandsmeistaranum.

Helgi Ólafsson tapaði fyrir Stefáni og Hannesi, en sigraði Jóhann Hjartarson. Þriðja tapskák Helga á mótinu var gegn Birni Þorfinnssyni.

Jón L. tefldi aðeins við tvo kollega, sigraði Þröst en tapaði fyrir Stefáni. Þá tapaði hinn gamalreyndi stórmeistari einnig fyrir Stefáni Bergssyni og Jóni Viktori.

Þröstur mátti sætta sig við tap í þeim tveimur skákum sem hann tefldi við aðra stórmeistara, gegn Jóni L. og Hannesi. Þröstur tapaði líka fyrir Hjörvari Steini og Magnúsi Erni Úlfarssyni.

Helgi Áss Grétarsson var eini stórmeistarinn sem ekki tefldi við neinn af kollegum sínum. Hann tapaði  fjórum skákum, gegn þeim Þorsteini Þorsteinssyni, Birni Þorfinnssyni, Jóni Viktori og Oliver Aron Jóhannessyni.

Sá síðastnefndi var svo sannarlega ein aðalstjarna mótsins. Þessi 14 ára Rimaskólapiltur lét sér ekki nægja að leggja stórmeistara að velli, hann sigraði líka FIDE-meistarana Róbert Lagerman, Guðmund Gíslason og Tómas Björnsson. Árangur Olivers Arons jafngildir 2342 skákstigum!

Hér er hægt að rýna betur í úrslitin og frammistöðu einstakra manna á þessu bráðskemmtilega og vel heppnaða móti.

Myndaalbúm (HJ)

Stórmeistararnir áttu ekki roð í alþjóðlegu meistarana - Bragi Þorfinnsson Íslandsmeistari í hraðskák

 

 

Átta stórmeistarar voru með á Friðriksmóti Landsbankans - Íslandsmótinu í hraðskák, sem fram fór í dag í útibúi bankans á Austurstræti. Þeir áttu hins vegar ekki roð við alþjóðlegu meisturunum en þrír slíkir urðu efstir og jafnir þeir; Bragi Þorfinnsson (2484), Hjörvar Steinn Grétarsson (2516) og Jón Viktor Gunnarsson (2413). Eftir stigaútreikning var Bragi úrskurðaður sigurvegari og varð því Íslandsmeistari í hraðskák í fyrsta sinn.

 

 

Áttatíu skákmenn tóku þátt í þessu afar vel skipaða og fjölmenna móti. Oliver Aron Jóhannesson (1998) vakti mikla athygli fyrir frábæra frammistöðu en hann lagði meðal annars stórmeistarann Helga Áss Grétarsson (2464) að velli. Oliver var einnig hæstur að vinningum þeirra sem hafa minna en 2200 og 2000 skákstig en þar sem hver keppandi má bara fá ein aukaverðlaun varð hann að láta duga unglingaverðlaunin. Stigaverðlaunin hlutu Dagur Ragnarsson, í flokki skákmanna undir 2200 skákstigum, og Jorge Fonsesca, í flokki skákmanna undir 2000 skákstigum. Lenka Ptácníková hlaut kvennaverðlaun og Gunnar Nikulásson var útdreginn í happdrætti mótsins og fékk vinning upp á 10.000 kr.

Í verðlaunaafhendingunni klöppuðu svo áhorfendur sérstaklega fyrir Friðriki Ólafssyni þegar ljóst var að hann hefði tryggt sigur heldri borgara á skákkonum í Tekklandi.

 

Gunnar Björnsson og Ólafur S. Ásgrímsson voru skákstjórar. Þorsteinn Þorsteinsson, útibússtjóri í útibúinu afhendi svo verðlaunahöfunum sigurlaunin en hann lék jafnframt fyrsta leik mótsins í skák Jóhanns Hjartarson og Mikaels Jóhanns Karlssonar.

 

 

Hrafn Jökulsson á heiðurinn á glæsilegu myndaalbúm mótsins.

Röð efstu manna:

• 1. AM Bragi Þorfinnsson (2484) 8,5 v.
• 2. AM Hjörvar Steinn Grétarsson (2516) 8,5 v.
• 3. AM Jón Viktor Gunnarsson (2413) 8,5 v.
• 4.-8. SM Jóhann Hjartarson (2592), AM Björn Þorfinnsson (2386), SM Hannes Hlífar Stefánsson (2512), SM Helgi Ólafsson (2547) og AM Arnar Gunnarsson (2440) 8 v.
• 9.-12. SM Henrik Danielsen (2507), SM Stefán Kristjánsson (2486), SM Jón L. Árnason (2498) og FM Einar Hjalti Jensson (2284) 7,5 v.

Heildarúrslit má finna á Chess-Results.

Aukaverðlaun hlutu:

• Kvennaverðlaun: Lenka Ptácníková 6,5 v.
• Unglingaverðlaun: Oliver Aron Jóhannesson 7 v.
• Undir 2200: Dagur Ragnarsson 6 v.
• Undir 2000: Jorge Fonsesca 6 v.
• Útdreginn heppinn keppandi: Gunnar Nikulásson

Tenglar:

• Úrslitin á Chess-Results
• Myndaalbúm (HJ)
• Frétt Stöðvar 2
• Frétt RÚV (26:40)