Hannes með jafntefli í 2. umferð

Hannes gerði jafntefli við ungverska FIDE-meistarann Florian Hujbert (2427) í 2. umferð First Saturday-mótsins sem fram fór í dag. Hannes hefur 1,5 vinning og er í 2.-3. sæti.

Á morgun mætir hann víetnamska alþjóðlega meistaranum Huy Nguyen (2439).

10 skákmenn og þar af 3 stórmeistarar taka þátt og tefla allir við alla. Meðalstigin eru 2443 skákstig. Hannes er næststigahæstur keppenda.

• Heimasíða mótsins
• Chess-Results

Skákþáttur Morgunblaðsins: Davíð og Omar Salama leiða Kornaxmótið

Davíð Kjartansson og Omar Salama hafa verið í algerum sérflokki á Skákþingi Reykjavíkur, Kornaxmótinu; áður en lokaumferðin fór fram sl. föstudagskvöld höfðu þeir gert innbyrðis jafntefli og unnið allar aðrar skákir sínar, hlotið 7½ vinning. Þetta kemur kannski ekki á óvart en von var þó á meiri keppni frá Einari Hjalta Jenssyni, Daða Ómarssyni og Sævari Bjarnasyni. Ekki er ósennilegt að einvígi þurfi til að útkljá keppni þeirra. Næstir á eftir þeim í 3.-4. sæti voru Einar Hjalti og Mikhael Jóhann Karlsson með 6 vinninga.

Þátttaka á Skákþing Reykjavíkur er góð upphitun fyrir átökin á skákvertíðinni í vetur. Framundan er Íslandsmót skákfélaga, Reykjavíkurskákmótið í Hörpu og Skákþingi Íslands. Og ýmis önnur mót eru einnig á dagskrá t.d. Norðurlandamót grunnskólanema sem að þessu sinn fer fram á Íslandi. Þar er Akureyringurinn Mikhael Jóhann meðal keppenda en hann vann góðan sigur á Lenku Ptacnikovu i 8. umferð:

Mikhael J. Karlsson - Lenka Ptacnikova

Enskur leikur

1. c4 c5 2. g3 g6 3. Bg2 Bg7 4. Rc3 Rc6 5. Rf3 d6 6. 0-0 e5

Þessi leikur hefur átt vinsældum að fagna undanfarið. Svartur lokar miðborðinu en þarf stundum að kljást við veikleika á hvítu reitunum.

7. d3 Rge7 8. Hb1 0-0 9. a3 a5 10. Bd2 h6 11. e3 f5 12. Dc2 g5 13. Rb5 Be6 14. Bc3 f4 15. Rd2 Rf5 16. Hfe1 Dd7 17. Re4 fxe3 18. fxe3 b6

Hvítur hótaði 19. Rbxd6 með hugmyndinni 19.... Rxd6 20. Rxc5 ásamt 21. Rxe6 - ef drottningin tekur á e6 kemur 22. Bd5 með banvænni leppun.

19. b4 axb4?

Opnar taflið of mikið. Betra er 19.... g4 og staðan ætti að vera í jafnvægi.

20. axb4 Rxb4 21. Bxb4 cxb4 22. Hxb4 d5 23. cxd5 Bxd5 24. Rbc3

Hvítur er með traust frumkvæði eftir þennan leik. Annar álitlegur möguleiki var 24. Dc7.

24.... Hac8 25. Db1 Ba8 26. Ra4 Da7 27. Rxb6 Hb8 28. Rc5 Bxg2 29. Kxg2 Df7 30. Db3!

Svartur hótaði 30.... Rxe3+. Svartur þolir illa drottningaruppskiptin sem treysta yfirburði hvíts.

30.... Kh7 31. Dxf7 Hxf7 32. Rd5 Hc8?

Lenka var í miklu tímahraki, 90 30 tempóið er krefjandi. Hún gat varist betur með 32.... Hxb4 33. Rxb4 Bf8 og hvítur á ekkert betra en 34. Rba6.

33. Hc4 Bf8 34. Re4 Hd8 35. Ref6+ Kh8 36. e4 Rd4 37. Rg4 Bg7 38. Hf1 Ha7 39. Hf2!

Mikhael hefur teflt þennan þátt skákarinnar af miklu öryggi. Það er erfitt að verja svört stöðuna með afar litinn tíma aflögu.

39.... Hb8 40. Rdf6 Ha3

41. Rxe5!

Hótar 42. Rg6 mát. Eftirleikurinn er auðveldur.

41.... Bxf6 42. Hxf6 He8 43. Hxh6+ Kg7 44. Hg6+ Kf8 45. Rd7+ Kf7 46. Hf6+ Kg7 47. Hxd4 Hd8 48. Hg6 Ha7 49. Hxg5

- og svartur gafst upp.

Magnús Carlsen fer hamförum í Wijk aan Zee

Menn eru í alvöru að ræða þann möguleika að Magnús Carlsen nái einhvern tímann 2900 elo-stigum sem hingað til hefur verið talið algerlega útilokað. Eftir að hafa landað hverjum sigrinum á fætur öðrum í löngum endatöflum hefur Magnús náð að slíta sig frá öðrum keppinautum fyrir lokasprettinn um helgina. Staða efstu manna eftir tíu umferðir af þrettán:

1. Carlsen 8 v. 2. - 4. Anand, Aronjan og Nakamura 6½ v. 5. Karjakin 6 v.

Hjörvar Steinn Grétarsson byrjaði vel í C-flokki, tapaði síðan þrem skákum með hvítu, vann aftur í 10. umferð og er með 50% vinningshlutfall.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 27 janúar 2013.

Skákþættir Morgunblaðsins

Veronika og Nansý Íslandsmeistarar stúlkna í skólaskák

Veronika Steinunn Magnúsdóttir og Nansý Davíðsdóttir urðu í dag Íslandsmeistarar stúlkna í skólaskák. Veronika í eldri flokki (8.-10. bekk) en Nansý í eim yngri (1.-7. bekk). Nansý vann með fullu húsi en Veronika þurfti að hafa meira fyrir hlutunum því hún kom jöfn í mark og Donika en hafði sigur í úrslitakeppni 2-0.

Donika hafði hins vegar unnið Veronika í sjálfri aðalkeppninni en tapaði hins vegar fyrir Hildi Berglindi. Aukakeppni var svo um annað sæti í yngri flokki. Þar hafði Tinna Ósk Rúnarsdóttir sigur í úrslitakeppni gegn Katrínu Kristjánsdóttur.

Gunnar Björnsson, forseti SÍ, afhendi verðlaun í mótslauk. Auk verðlaungagripa fengu allir keppendur boðsbréf á skákkennslu fyrir stelpur sem fram fer í Hörpu á meðan N1 Reykjavíkurskákmótinu. Páll Sigurðsson sá um skákstjórn.

Lokastaðan í eldri flokki:

1. Veronika Steinunn Magnúsdóttir, Hagaskóla, 3 v. af 4 (+2)
2. Donika Kolica, Hólabrekkuskóla, 3 v. (+0) 
3. Sóley Lind Pálsdóttir, Hvaleyrarskóla 2 v.
4. Hildur Berglind Jóhannsdóttir, Salaskóla, 1,5 v.
5. Ásta Sóley Júlíusdóttir, Álfhólsskóla, 0,5 v.

Lokastaðan í yngri flokki:

1. Nansý Davíðsdóttir, Rimaskóla 5 v. af 5
2. Tinna Ósk Rúnarsdóttir, Glerárskóla, Akureyri 3,5 v. (+2)
3. Katrín Kristjánsdóttir, Melaskóla 3,5 v. (+1)
4. Helga Haraldsdóttir, Melaskóla 1 v.
5. Tinna Björk Rögnvalsdóttir, Rimaskóla, 1 v.
6. Alexander Kærnested Rimaskóla, 1 v.

• Chess-Results
• Myndaablúm (PS og HÁ)

First Saturday: Hannes vann í fyrstu umferð

First Saturday-mót hófst í Búdapest í gær. Stórmeistarinn Hannes Hlífar Stefásson (2496) teflir þar í GM-flokki. Í fystu umferð, sem for í gær, vann hann ungverska stórmeistarann og stigahæsta keppenda mótsins Laszlo Gonda (2536). Í dag teflir hann við ungverska FIDE-meistarann Florian Hujbert (2427).

10 skákmenn og þar af 3 stórmeistarar taka þátt og tefla allir við alla. Meðalstigin eru 2443 skákstig. Hannes er næststigahæstur keppenda.

• Heimasíða mótsins
• Chess-Results

Skákakademían sigurvegari Skákkeppni vinnustaða

Skákkeppni vinnustaða fór  fram í gærkvöldi, 1. febrúar, annað árið í röð. Í fyrra komu sex sveitir til leiks og nú ári síðar tóku sjö sveitir þátt. Það ríkti góð stemning meðal þátttakenda, en keppnisandinn var ekki langt undan!

Þrjár af þeim sveitum sem voru með í fyrra mættu einnig að þessu sinni, en það var Skákakademían, Actavis og Verzlunarskólinn. Til viðbótar bættust nú við Myllan, Strætó, Utanríkisráðuneytið og Landsbankinn.

Tefldar voru 7 umferðir, allir við alla, með 10. mín. umhugsunartíma. Hver sveit tefldi fram þremur keppendum.

Athygli vakti að sveit Landsbankans var í "vinnustaðabúning" þ.e. peysu merkta Landsbankanum. Var þetta vel til fundið og var haft á orði að þar með hafi Landsbankamenn gefið tóninn fyrir keppnina á næsta ári!

En nú að framvindu og úrslitum keppninnar. Eftir 4 umferðir hafði Landsbankinn forustuna með með 12 vinninga á meðan Skákakademían hafði "misst" einn vinning niður í fyrstu umferð gegn Myllunni, þegar Þorvarður F. Ólafsson lagði Hjörvar Stein Grétarsson.

Skákakademían vann síðan allar viðureignir sínar með fullu húsi. Keppnin um annað og þriðja sætið var, þegar hér var komið sögu, á milli Landsbankans, Actavis og Myllunnar.

Í síðustu umferð mættust svo Skákakademían og Actavis sem og Landsbankinn og Myllan. Skákakademían vann Actavis 3-0 og á meðan vann Landsbankinn Mylluna 3-0.

Leikar fóru því svo að Skákakademían sigraði keppnina í annað sinn með 20 vinninga af 21. Í öðru sæti varð Landsbankinn með 16 vinninga og jöfn í 3.-4. sæti urðu Myllan og Actavis. Eftir fyrsta stigaútreikning voru liðin aftur jöfn og þá skáru innbyrðis úrslit um verðlaunasæti. Það var því Myllan sem lenti í 3. sæti þar sem þeir höfðu unnið 21/2 - ½ gegn Actavis í 2. umferð.

Í sigurliði Skákakademíunnar voru:

1.     Hjörvar Steinn Grétarsson 6 v. af 7.

2.     Björn Ívar Karlsson 7 v.

3.     Stefán Bergsson 7 v.

 

Í silfurliði Landsbankans voru:

1.     Bergsteinn Einarsson 5 v.

2.     Gunnar Björnsson 5 v.

3.     Ólafur Kjartansson 6 v.

 

Í bronsliði Myllunnar voru:

1.     Þorvarður F. Ólafsson 5,5 v.

2.     Einar Valdimarsson 4 v.

3.     John Ontiveros 4 v.

 

4. sæti Actavis 13, 5 v. 
5. sæti Utanríkisráðuneytið 9,5 v. 
6. sæti Verzlunarskólinn 7v.
7. sæti Strætó 4,5 v.

Veittir voru eignabikarar fyrir vinnustaðina sem lentu í 1.-3. sæti auk þess sem Skákakedemían sem sigurvegari fékk farandbikar til vörslu í eitt ár. Keppendur þriggja efstu liðanna fengu medalíur.

Á meðan mótinu stóð var kaffi og meðlæti í boði Taflfélags Reykjavíkur.

Taflfélag Reykjavíkur þakkar vinnustöðunum og skákmönnum þeirra fyrir þátttökuna og skemmtilega keppni og vonar að áhugi vinnustaða fyrir þessu skákmóti eigi eftir að vaxa enn frekar.

Skákstjóri var Sigurlaug Regína Friðþjófsdóttir.

Ljósmyndir tóku Áslaug Kristinsdóttir og Sigurlaug Regína Friðþjófsdóttir.

Rimaskóli yfirburðarsigurvegari á Íslandsmóti grunnskólasveita í stúlknaflokki

Stúlknasveit Rimaskóla sýndi algera yfirburði á Íslandsmóti grunnskólasveita sem haldið var í dag en sveitin sigraði með fullu húsi vinninga 32 vinningum af 32 mögulegum. Salaskóli endaði í 2 sæti og Rimaskóli B í 3 sæti. 

Alls tóku 9 sveitir þátt og tefldu allar innbyrðis. 

Lið Rimaskóla skipuðu: Ásdís Birna Þórarinsdóttir, Tinna Sif Aðlsteinsdóttir, Svandís Rós Ríkharðsdóttir og Nansý Davíðsdóttir.

• Myndaalbúm mótsins
• Chess-Results

 

 

Stefán og Þröstur efstir á Fastus-mótinu

Stórmeistararnir Þröstur Þórhallsson, sem vann Sigurð Daða Sigfússon og Stefán Kristjánsson, sem vann Sigurbjörn Björnsson, eru efstir og jafnir með 4,5 vinninga á FASTUS-mótinu, að lokinni 5. umferð sem tefld var í gærkvöld. Þröstur og Stefán hafa vinnings forskot á næstu menn sem eru Karl Þorsteins, Sigurbjörn Björnsson, Sigurður Daði Sigfússon, Jón Viktor Gunnarsson og Andri Áss Grétarsson.

Öll úrslit 5. umferðar má finna hér.

Stöðu mótsins má finna hér.

Búið er að raða í sjöttu og næstsíðustu umferð sem fram fer á fimmtudagskvöld nk. Þá mætast meðal annars: Þröstur - Stefán, Karl - Andri og Sigurbjörn - Jón Viktor og Sigurður Daði - Þorsteinn.

Röðun í 6. umferð má finna hér.

Mótið fer fram í húsakynnum Skákskóla Íslands, Faxafeni 12.

• Heimasíða Goðans-Máta
• Chess-Results

Ný alþjóðleg skákstig

Ný alþjóðleg skákstig eru komin út, dagsett 1. febrúar. Jóhann Hjartarson er sem fyrr stigahæstur allra Íslendinga. Fimm nýliðar eru á listanum, þeirra stigahæstir eru Bjarnsteinn Þórsson og Hilmar Þorsteinsson. Mikael Jóhann Karlsson hækkaði mest frá janúar-listanum. Magnus Carlsen sló eigið stigamet og hefur nú 2872 skákstig.

Stigahæstu skákmenn landsins (topp 20)

 

Nr.	Nafn	Tit	Stig	Sk.	Br.
1	Hjartarson, Johann	GM	2592	0	0
2	Steingrimsson, Hedinn	GM	2558	6	-2
3	Olafsson, Helgi	GM	2547	0	0
4	Petursson, Margeir	GM	2532	0	0
5	Gretarsson, Hjorvar Steinn	IM	2509	22	-7
6	Danielsen, Henrik	GM	2507	0	0
7	Arnason, Jon L	GM	2498	0	0
8	Stefansson, Hannes	GM	2496	9	-16
9	Kristjansson, Stefan	GM	2486	0	0
10	Thorfinnsson, Bragi	IM	2484	0	0
11	Gretarsson, Helgi Ass	GM	2464	0	0
12	Thorsteins, Karl	IM	2464	0	0
13	Thorhallsson, Throstur	GM	2441	0	0
14	Gunnarsson, Arnar	IM	2440	0	0
15	Kjartansson, Gudmundur	IM	2430	19	22
16	Olafsson, Fridrik	GM	2416	0	0
17	Gunnarsson, Jon Viktor	IM	2413	0	0
19	Bjornsson, Sigurbjorn	FM	2391	0	0
19	Thorfinnsson, Bjorn	IM	2386	0	0
20	Ulfarsson, Magnus Orn	FM	2386	0	0

Stigalistinn fylgir með sem PDF-viðhengi.

 

Nýliðar

Fimm nýliðar eru listanum. Stigahæstir þeirra eru Bjarnsteinn Þórsson og Hilmar Þorsteinsson.

Nr.	Nafn	Tit	Stig	Sk.	Br.
1	Thorsson, Bjarnsteinn		1816	0	1816
2	Thorsteinsson, Hilmar		1816	11	1816
3	Einarsson, Sveinn Gauti		1563	0	1563
4	Ragnarsson, Heimir Pall		1354	13	1354
5	Hrafnsson, Hilmir		1331	11	1331

 
Mestu hækkanir

 

Nr.	Nafn	Tit	Stig	Sk.	Br.
1	Karlsson, Mikael Johann		1990	9	30
2	Stefansson, Vignir Vatnar		1652	6	25
3	Kjartansson, Gudmundur	IM	2430	19	22
4	Kjartansson, David	FM	2342	9	19
5	Palsdottir, Soley Lind		1393	4	19
6	Valtysson, Thor		2040	9	17
7	Einarsson, Oskar Long		1613	7	17
8	Steinthorsson, Felix		1449	6	15
9	Magnusdottir, Veronika Steinunn		1557	5	12
10	Helgadottir, Sigridur Bjorg		1765	8	11
11	Kolka, Dawid		1646	6	11

Mikael Jóhann Karlsson hækkar mest frá janúar-listanum eða um heil 30 stig. Í næstum sætum eru Vignir Vatnar Stefánsson og Guðmundur og Davíð Kjartanssynir. Guðmundur hækkar um heil 22 stig sem er eftirtektarvert fyrir svo stigaháan skákmann. Á Gíbraltar-mótinu sem lauk í hækkaði hann svo um 11 stig til viðbótar og er því með 2441 skákstig í augnablikinu.

Stigahæstu ungmenni landsins (1993 og síðar)

 

Nr.	Nafn	Stig	Sk.	B-day	Br.
1	Gretarsson, Hjorvar Steinn	2509	22	1993	-7
2	Magnusson, Patrekur Maron	2003	0	1993	0
3	Karlsson, Mikael Johann	1990	9	1995	30
4	Sverrisson, Nokkvi	1990	0	1994	0
5	Johannesson, Oliver	1988	8	1998	-10
6	Ragnarsson, Dagur	1961	8	1997	7
7	Johannsson, Orn Leo	1953	8	1994	-3
8	Johannsdottir, Johanna Bjorg	1872	0	1993	0
9	Hardarson, Jon Trausti	1853	8	1997	10
10	Sigurdarson, Emil	1844	0	1996	0

 
Stigahæstu skákkonur landsins

 

Nr.	Nafn	Tit	Stig	Sk.	Br.
1	Ptacnikova, Lenka	WGM	2269	9	-12
2	Thorsteinsdottir, Gudlaug	WF	2041	0	0
3	Gretarsdottir, Lilja	WIM	1984	0	0
4	Thorsteinsdottir, Hallgerdur		1960	0	0
5	Johannsdottir, Johanna Bjorg		1872	0	0
6	Finnbogadottir, Tinna Kristin		1871	0	0
7	Birgisdottir, Ingibjorg		1783	0	0
8	Helgadottir, Sigridur Bjorg		1765	8	11
9	Kristinardottir, Elsa Maria		1747	0	0
10	Fridthjofsdottir, Sigurl. Regina		1716	6	2

 
Stigahæstu skákmenn heims

1	Carlsen, Magnus	g	NOR	2872	13	1990
2	Kramnik, Vladimir	g	RUS	2810	0	1975
3	Aronian, Levon	g	ARM	2809	13	1982
4	Radjabov, Teimour	g	AZE	2793	0	1987
5	Karjakin, Sergey	g	RUS	2786	13	1990
6	Anand, Viswanathan	g	IND	2780	13	1969
7	Topalov, Veselin	g	BUL	2771	0	1975
8	Nakamura, Hikaru	g	USA	2767	13	1987
9	Mamedyarov, Shakhriyar	g	AZE	2766	0	1985
10	Grischuk, Alexander	g	RUS	2764	0	1983

Skrár tengdar þessari bloggfærslu:

• Alþjóðleg skákstig, 1. febrúar 2013

Haraldur með 2ja vinninga forskot á Skákþingi Akureyrar - skákstjórinn hraut

Það var heimilislegt andrúmsloft í félagsheimili Skákfélagsins í gærkvöldi þegar lokaskákir 6. umferðar Skákþingsins voru telfdar. Meðan hraðskákmenn börðust í mótaröðinni í suðursal, fóru tvær skákir 6. umferðar SÞA fram í norðursal. Vel er hljóðeinangrað milli skáksalanna þannig að hraðskákmenn urðu lítt varir við hrotur skákstjórans í nyrðra. Þeir sem þar voru luku sínum skákum möglunarlaust enda linnti hrotunum brátt og skákstjórinn reis upp við dogg. Þar með lauk sjöttu umferð sem hér segir:

• Sigurður-Andri        1-0
• Rúnar-Hreinn         0-1
• Símon-Jón Kristinn 0-1
• Jakob-Haraldur      0-1
• Karl-Hjörleifur        1/2

Með þessum úrslitum jók Haraldur forystu sína í heila tvo vinninga. Hann hefur nú 5,5 að loknum sex umferðum. Næstir honum koma fráfarandi meistari Hjörleifur H og magister Sigurður A með 3,5 vinning hvor. Aðrir koma svo í hnapp þar á eftir.

Næst verður telft á Skákþinginu á sunnudag og þá verða allir vakandi.

• Heimasíða SA 
• Chess-Results

Skákkeppni vinnustaða fer fram í kvöld

Taflfélag Reykjavíkur býður öllum vinnustöðum að taka þátt í Skákkeppni vinnustaða 2013 sem fram fer í félagsheimili T.R, Skákhöllinni Faxafeni 12, föstudaginn 1. febrúar 2013 og hefst kl. 19.30

Upplýsingar og keppnisfyrirkomulag:

Dagsetning: Föstudagur 1. febrúar kl. 19.30

Staður: Taflfélag Reykjavíkur, Faxafeni 12 (Skeifunni)

Sveitakeppni: Þetta er liðakeppni/sveitakeppni og tefla 3 í hverju liði. Vinnustaðirnir geta sent fleira ein eitt lið til keppni. Liðin verða þá auðkennd sem A-lið, B-lið o.s.frv. Hvert lið getur haft 1-2 varamenn.

Umferðir: Fjöldi umferða fer eftir þátttöku (7-11 umferðir). Umhugsunartími er 10 mínútur á mann.

Keppnisfyrirkomulag: svissneskt kerfi og flestir vinningar gilda.

Verðlaun:

1. verðlaun: Eignabikar fyrir vinnustaðinn og farandbikar til vörslu í 1 ár auk verðlaunapeninga (medalíur) fyrir keppendur

2. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

3. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

Þátttökugjald er kr. 15.000 á hverja sveit.

Upplýsingar veitir Ríkharður Sveinsson, stjórnarmaður í Taflfélagi Reykjavíkur. Netfang: [e-mail] gsm: 772 2990.

Skráning og staðfesting þátttöku: skráning fer fram á heimasíðu Taflfélags Reykjavíkur, www.taflfelag.is  á sérstöku skráningarformi eða með því að senda skráningu á [e-mail]

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2013 - hlökkum til að sjá ykkur!