Henrik með 1,5 vinning í 2 skákum í dag

Henrik Danielsen (2500) hlaut 1,5 vinning í 2 umferðum í á móti kenndu við H.C. Andersen sem fram fer í Óðinsvéum. Henrik hefur nú 4 vinninga og er í 3.-8. sæti. Í fyrri umferð dagsins gerði hann jafntefli við rússneska stórmeistarann Vladimir Epishin (2603) en í þeirri síðari vann hann danska FIDE-meistarann Mads Hansen (2306).

Í fyrri skák dagsins á morgun teflir hann við norska alþjóðlega meistarann Torsten Bae (2442).

Tefldar eru tvær umferðir á dag og hefjast þær kl. 7 og 13. 55 skákmenn taka þátt og þar af fimm stórmeistarar. Henrik er nr. 5 í stigaröð keppenda.

• Heimasíða mótsins
• Beinar útsendingar

Birkir Karl að tafli í Macao

Birkir Karl Sigurðsson er búsettur í Kína. Nýlega tefldi hann á móti í Macao og gekk afar vel og hefur skrifað smá pistil um þátttöku sína.

Vildi láta þig vita að ég var svo heppinn að fá að keppa á skákmóti í Macao nú um helgina. Sá sem bauð mér var Jose Silveirinha (http://ratings.fide.com/card.phtml?event=15400026 ) . Þetta var bráðskemmtilegt mót í ótrúlegu umhverfi . En eins og kunnugt er, er Macao talið eitt merkilegasta svæði veraldar með 12 UNESCO svæði. Macao sem hefur aðeins um 600 þúsund íbúa. Það er stutt vel við skákstarfið í Macao og ríkið borgar allar leigur og allan búnað. 15 manns tóku þátt. Er ánægður að hafa unnið allar skákirnar nema eina en úrslitaskákin reyndist vera við Jose sem var mjög spennandi þar sem hann reyndi þrátefli í lok skákarinnar en ég teygði mig aðeins of langt til vinnings. Næsta mót í Macao er 1 júní og ég get ekki beðið eftir því að taka þátt. Allir tefldu við alla ég var í öðru sæti með 13v af 14, tímamörkin voru 5 min + 3 sek á leik .

Elsa María sigraði á Hraðkvöldi Hellis

Elsa María Kristínardóttir sigraði á hraðkvöldi Hellis sem fram fór 6. maí sl. Elsa María fékk 6,5v í sjö skákum var það bara Jón Úlfljótsson sem náði jafntefli. Annar varð Sverrir Sigurðarson með 5,5v en hann tapaði fyrir Elsu og gerði jafntefli við Pétur en vann flesta aðra. Þriðji varð svo Gunnar Nikulásson með 5v. Elsa María dró svo Vigfús í annað skiptið í röð og fengu þau bæði gjafabréf á Saffran.

Næsta skákkvöld í Hellisheimilinu verður næstkomandi mánudag 13. maí kl. 20 og þá verður hraðkvöld. 

Röð  Nafn                             Vinningar 
 1   Elsa María Kristínardóttir,         6.5
 2   Sverrir Sigurðarson,                5.5
 3   Gunnar Nikulásson,                  5
4-5  Vigfús Ó. Vigfússon,                4
     Björgvin Kristbergsson,             4
 6   Jón Úlfljótsson,                    3.5
 7   Pétur Jóhannesson,                  2.5
 8-9  Óskar Víkingur Davíðsson,           2
      Stefán Orri Davíðsson,              2

Vormót Skákakademíu Kópavogs og Skákskóla Íslands fer fram í dag

Vormót Skákakademíu Kópavogs og Skákskóla Íslands fer fram næsta föstudag í Stúkunni á Kópavogsvelli og hefst kl 14.30. Tefldar verða sjö umferðir og er tímafyrirkomulagið 5 3 Bronstein. Með mótinu lýkur vorönn en undanfarin misseri hefur Helgi Ólafsson skólastjóri Skákskólans annast æfingar í Stúkunni fyrir unga skákmenn í Kópavogi.

Mótið fer fram allt í einum flokki en veitt verða glæsileg verðlaun fyrir efstu sætin meðal þeirra sem eru skákstig og fyrir þá sem stigalaus eru. Mótið er opið öllum þeim sem sótt hafa æfingar í Stúkunni eða hafa teflt fyrir grunnskóla Kópavogs í hinum ýmsu flokkakeppnum á þessu ári. 

Skýrsla nefndar um landsliðsmál

Nefnd undir forystu Jóns Þorvaldssonar hefur skilað af sér skýrslu til stjórnar SÍ varðandi landsliðsmál. Nefndin var skipuð í kjölfar ólympíuskákmótsins í Istanbul. Hennar hlutverk var að fara yfir atvik sem áttu sér stað í aðdraganda Ólympíuskákmótsins, skoða breytingarnar sem fylgdu í kjölfarið og velta því upp hvernig helst mætti reyna að fyrirbyggja að slíkt endurtæki sig.

Skýrslan fylgir með sem PDF-viðhengi.

Auk Jóns voru í nefndinni þau Kristján Guðmundsson, Andrea Margrét Gunnarsdóttir, Steinþór Baldursson, Þorsteinn Stefánsson og Þorsteinn Þorsteinsson.

Samantekt um efni skýrslunnar

Helstu breytingatillögur nefndar um landsliðsmál:

-        Lagt til að landsliðseinvaldur, skipaður af stjórn SÍ, hafi fullt umboð til að velja í liðið hverju sinni. Þetta kallar á breytingar á 15. grein skáklaga.

-        Landsliðseinvaldur skili inn vali sínu til stjórnar SÍ áður en hann birtir það og fái staðfestingu stjórnar SÍ að þar sé farið að settum markmiðum og lögum sambandsins.

-        Um áramót sé tilkynnt forval þeirra 10-12 skákmanna sem kost eiga á því að vera í liðinu næsta ár.

-        Yfirumsjón og skipulagning á þjálfun landsliðsins verður í höndum landsliðseinvalds.

-        Störf landsliðseinvalds séu metin af landsliðsnefnd eftir þátttöku í hverju stórmóti fyrir sig, m.a. á grundvelli árangurs landsliðsins og umsagnar landsliðsmanna um störf hans.

-        Meirihluti landsliðsnefndarinnar, þ.m.t. formaður, sé ekki í stjórn SÍ. Landsliðsnefnd sé mögulega valin á aðalfundi SÍ en ekki af stjórn SÍ. 

-        Hlutverk landsliðsnefndar verði í aðalatriðum þríþætt:

o   að taka út störf landsliðseinvaldsins

o   að skipa aðstoðarmann með skákþekkingu sem vinnur með liðinu og fer út með því. Þessi einstaklingur hafi það hlutverk að tryggja góða liðsheild og efla einbeitingu að settum markmiðum. Aðstoðarmaður skal aðstoða landsliðseinvald og tryggja upplýsingaflæði til liðsins, bæði fyrir brottför og á mótsstað.

o   ef upp kemur mjög flókinn ágreiningur sem landsliðseinvaldur / landsliðsþjálfari og aðstoðarmaður / liðsstjóri telja sig ekki geta leyst ber þeim að vísa erindinu til landsliðsnefndar. Telji landsliðsnefnd sér ókleift að leysa málið, ber henni að senda það til forseta SÍ, sem kallar saman stjórn til að taka á vandanum.

-        Að auki er þeim tilmælum beint til stjórnar SÍ að skerpt verði á keppnis- og agareglum þannig að keppendur þurfi ekki að velkjast í vafa um hvaða reglum og verklagi þeim beri að hlíta fyrir mót og meðan á móti stendur.

Skrár tengdar þessari bloggfærslu:

• Skýrsla um landsliðsmál

Guðmundur með jafntefli við Fridman í dag

Guðmundur Kjartansson (2446) gerði í dag jafntefli við þýska stórmeistarann og einn Evrópumeistara Þjóðverja Daniel Fridman (2648). Fimmta umferð fór fram í dag. Dagur Arngrímsson (2390) tapaði fyrir tékkneska stórmeistaranum Martin Petr (2523). 

Í gær í 4. umferð gerðu þeir báðir jafntefli. Guðmundur við georgíska stórmeistarann Merab Gagunashvili (2592) en Dagur við ítalska alþjóðlega meistarann Danyyil Dvirnyy (2541). 

Guðmundur hefur 2,5 vinning en Dagur hefur 2 vinninga.

Í sjöttu umferð, sem fram fer á morgun, teflir Guðmundur við ítalska stórmeistarann Sabino Brunello (2580) en Dagur við Rúmenann Bogdal-Daniel Deac (2183). Skák Guðmundar verður sýnd beint.

Stórmeistararnir David Shengelia (2546), Austurríki, og Alexander Moiseenko (2698) eru efstir með 4,5 vinning.

286 skákmenn taka þátt í mótinu og þar af eru 143 stórmeistarar og þar af eru 12 með 2700 skákstig eða meira. Guðmundur er nr. 170 í stigaröð keppenda og Dagur er nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Karjakin efstur í Noregi

Ofurskákmótið í Stafangri í Noregi hófst í gær og hafa verið tefldar tvær umferðir. Karjakin er efstur með fullt hús en Aronian kemur annar með 1,5 vinning. Carlsen hefur gert jafntefli í báðum sínum skákum og þar með talið gegn Anand í dag.

Úrslit 2. umferðar:

CARLSEN Magnus	½ – ½	ANAND Viswanathan
TOPALOV Veselin	½ – ½	RADJABOV Teimour
ARONIAN Levon	1 – 0	NAKAMURA Hikaru
WANG Hao	1 – 0	SVIDLER Peter
HAMMER Jon Ludvig	0 – 1	KARJAKIN Sergey

 

• Heimasíða mótsins
• Beinar útsendingar (hefjast kl. 13)

Henrik að tefla í Óðinsvéum

Henrik Danielsen (2500) situr að tafli þessa dagana í Óðinsvéum á móti kenndu við H.C. Andersen. Eftir 3 umferðir hefur Henrik 2,5 vinning. Daginn fyrir mót hélt hann fyrirlestur í Ejby (sem er klúbburinn sem sér um mótið) og á eftir var fjöltefli. Þetta lukkaðist allt vel og áheyrendur og þátttakendur voru mjög ánægðir. Á meðfylgjandi mynd má sjá Henrik leika einn taflmanninn!

Í fyrstu umferðunum vann Henrik töluvert stigalægri andstæðinga (1936 og 2169) en í þriðju umferð gerði hann jafntefli við þýska alþjóðlega meistarann Jonathan Carlstedt (2373). Í 4. umferð, sem fram fer í fyrramálið, teflir hann við rússneska stórmeistarann Vladimir Epishin (2603).

Tefldar eru tvær umferðir á dag og hefjast þær kl. 7 og 13. 55 skákmenn taka þátt og þar af fimm stórmeistarar. Henrik er nr. 5 í stigaröð keppenda.

• Heimasíða mótsins
• Beinar útsendingar

Tæplega 60 krakkar mættu á skemmtilegt sumarskákmót Fjölnis

Sumarskákmót Fjölnis 2013 varð það fjölmennasta frá upphafi. Þrátt fyrir blíðviðri úti fyrir þá streymdu áhugasamir skákkrakkar í sal Rimaskóla til skráningar á þetta glæsilega skákmót. Veglegir bikarar, tuttugu verðlaun, pítsuveisla í skákhléi og allir þátttakendur leiddir út með snakkpoka að gjöf í lok móts gerði mótið svo áhugavert og skemmtilegt.

Meðal þátttakenda voru Íslandsmeistarar úr sveitum Rimaskóla og Álfhólsskóla, Vignir Vatnar nýkominn úr frægðarför á heimsmeistaramót áhugamanna, ungstirnin frá Ölduselsskóla og hinir áhugasömu skákstrákar frá Kelduskóla sem hafa tekið stórstígum framförum í vetur. Lengsta leið á mótið lagði á sig Almar Máni frá grunnskólanum á Hellu og stóð hann sig mjög vel.

Tuttugu efstu menn mótsins komu frá átta grunnskólum. Þrátt fyrir allan fjöldann og mikla breidd þá urðu sigurvegarar mótsins nákvæmlega þeir sömu og á sumarskákmótinu í fyrra. Oliver Aron Jóhannesson Rimaskóla varð sigurvegari með 6,5 vinninga af 7 mögulegum.  Vignir Vatnar Stefánsson Hörðuvallaskóla vann yngri flokkinn og lenti það að auki í 2. sæti með 6 vinninga og Nansý Davíðsdóttir Rimaskóla varð langefst í stúlknaflokki með 5,5 vinninga. Guðmundur Agnar Bragason í Álfhólsskóla átti mjög gott mót og endaði í 3. sæti með 6 vinninga eftir að hafa unnið Jóhann Arnar í Rimaskóla í lokaumferðinni í mjög spennandi skák. Jóhann Arnar tefldi líka mjög vel og var ósigraður fyrir lokaumferðina eftir jafntefli við Vigni Vatnar og Nansý.

Aðrir með 5 vinninga urðu þeir Felix Steinþórsson og Dawid Kolka úr Álfhólsskóla sem töpuðu aðeins fyrir Oliver Aroni og Vigni Vatnari, Óskar Víkingur og Brynjar Haraldsson Ölduselsskóla, Kelduskólastrákarnir Hilmir Hrafnsson og Andri Gylfason og loks Joshua Davíðsson Rimaskóla.

Stefán Bergsson var skákstjóri og Helgi Árnason mótstjóri. Rótarýklúbbur Grafarvogs gaf verðlaunagripina og var það forseti klúbbsins Kjartan Eggertsson skólastjóri Hörpunnar sem afhenti verðlaunin og ávarpaði skákkrakkana. Fjöldi foreldra fylgdist með og aðstoðaði á mótsstað. Sumarskákmót Fjölnis var lokahnykkurinn á fjölbreyttu og árangursríku starfsári skákdeildarinnar. Formaður deildarinnar tilkynnti í lok mótsins að Jóhann Arnar Finnsson væri valin afreksmeistari vetrarins og Mikael Maron Torfason, kornungur Rimaskólastrákur, æfingameistari. Báðir hafa þeir mætt á nær allar skákæfingar Fjölnis í vetur og tekið miklum framförum.

Lokastaðan á Chess-Results.

Myndaablúm (HÁ)

Róbert sigurvegari hraðskákmóts öðlinga

Róbert Lagerman sigraði á Hraðskákmóti öðlinga sem fra fór í gær. Róbert hlaut 6 vinninga. Í 2.-3. sæti urðu Gunnar Freyr Rúnarsson og Jon Olav Fivelstad.

25 skákmenn tóku þátt og í lok mótsins fór fram verðlaunaafhending fyrir hraðskákmótið sem og sjálft öðlingamótið.

Place Name                          Feder Rtg Loc Score M-Buch. Buch. Progr.

 

  1   Róbert Lagerman,                            6        21.5  30.5   23.0

 2-3  Gunnar Freyr Rúnarsson,                     5.5      21.0  28.5   21.0

      Jon Olav Fivelstad,                         5.5      20.5  29.5   26.0

 4-6  Jóhann H. Ragnarsson,                       5        20.5  27.5   18.0

      Þorvarður Fannar Ólafsson,                  5        20.0  29.0   18.0

      Einar Valdimarsson,                         5        18.0  24.5   16.0

 7-8  Sigurður Daði Sigfússon,                    4.5      20.5  28.5   16.5

      Ríkharður Sveinsson,                        4.5      18.0  25.0   21.0

9-12  Eiríkur K. Björnsson,                       4        22.5  29.5   22.0

      Þór Már Valtýsson,                          4        21.5  28.5   17.5

      Friðgeir Hólm,                              4        17.5  25.5   15.0

      Vigfús Ó. Vigfússon,                        4        17.0  24.5   17.0

13-14 Gunnar M. Nikulásson,                       3.5      17.0  24.0   14.0

      John Ontiveros,                             3.5      13.0  18.5   13.0

15-20 Sigurlaug R.Friðþjófsdóttir,                3        21.5  29.5   18.0

      Halldór Pálsson,                            3        19.0  27.5   11.0

      Erlingur Jensson,                           3        19.0  25.5   13.0

      Sigurður Freyr Jónatansson,                 3        17.0  23.0   11.0

      Ragnar Árnason,                             3        12.5  18.5   11.0

      Árni Thoroddsen,                            3        10.0  14.5    9.0

21-23 Hörður Jónasson,                            2        17.0  23.5    6.0

      Eggert Ísólfsson,                           2        17.0  23.0   11.0

      Helgi Hauksson,                             2        14.5  20.0    7.0

24-25 Pétur Jóhannesson,                          1.5      16.5  21.5    4.0

      Björgvin Kristbergsson,                     1.5      14.5  20.0    5.0