EM: Guðmundur vann - Dagur tapaði

Guðmundur Kjartansson (2446) vann Krótatann Drazen Curic (2258) í 10. og næstsíðustu umferð EM einstaklinga sem fram fór í dag. Dagur Arngrímsson (2390) tapaði hins vegar fyrir pólska alþjóðlega meistarann Kamil Dragun (2520). Báðir hafa þeir 4,5 vinning og eru í 165.-202. sæti

Í lokaumferðinni sem fram fer á morgun teflir Dagur við pólska stórmeistarann Bartlomiej Macieja (2600) en Guðmundur við Króatann Marian Kantorik (2363).

Úkraínski stórmeistarinn Alexander Moiseenko (2698) er efstur með 8 vinninga. Næstir eru Evgeny Alekseev (2700), Rússlandi, og Constantin Lupulesco (2634), Rúmeníu, með 7,5 vinning. 

286 skákmenn taka þátt í mótinu og þar af eru 143 stórmeistarar og þar af eru 12 með 2700 skákstig eða meira. Guðmundur er nr. 170 í stigaröð keppenda og Dagur er nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Vatnsdalshólaskákkeppni: Æsir og SA 60+

Um helgina fór fram hin árlega keppni í skák á milli heldri skákmanna af höfuðborgarsvæðinu og heldri skákmanna frá SA á Akureyri.

Liðin mættust í veiðihúsinu í Vatnsdal. Þetta var í fjórða sinn sem við hittumst í Vatnsdalnum það eru allir mjög ánægðir með aðstöðuna þar.

Karl Steingrímsson og hans ágæta frú sáu um að fóðra okkur á veislumat og kaffi og kruðeríi í sólarhring á mjög viðráðanlegu verði, þau hafa séð um þann þátt í fjögur ár og kunnum við þeim bestu þakkir fyrir.

Æsir sáu um framkvæmd og stjórn mótsins í ár  og tóku litla rútu á leigu fyrir alla keppendur að sunnan og tóku tvo SA menn með sér þá Þór Valtýsson og Jón Þ. Þór.

Við fengum ágætan og þrautreyndan strætóbílstjóra til þess að keyra okkur eins og á síðasta ári Hann heitir Halldór Gíslason og er gamalreyndur skákmaður þótt hann hafi lítið teflt undanfarin ár.

Halldór leisti Finn af í keppninni mikið til, svo að hann gæti séð um að skrá úrslit inn í töfluna.

Mótstjórnin var í höndum þeirra Þorsteins Guðlaugsonar Garðars Guðmundssonar og Finns Kr.

Það var teflt á sex borðum í A-riðli og fimm í B-riðli, en í B-riðli voru tefldar tvær skákir í fyrstu umferð til þess að keppnin fylgdist að í báðum riðlum.

Í A-riðli fengu SA-menn 18.5 vinninga en Æsir 17.5 en í B-riðli skildu liði jöfn 15 vinningar gegn 15.

 

 

Í A-riðli fékk Sæbjörn Larsen flesta vinninga af sunnan mönnum með 4.5 vinning hann tapaði bara einni skák og gerði eitt jafntefli.

Elsti þátttakandinn í þessu móti var Björn Víkingur Þórðarson hann fór taplaus í gegnum A-riðilinn með 4 vinninga,það var vaxlega gert.

Jón Þ Þór var sigur sælastur af norðan mönnum með 4.5 vinninga, hann vann þrjár skákir og gerði þrjú jafntefli. Var taplaus eins og Björn.

 

 

Í B-riðli fékk Þorsteinn Guðlaugsson flesta vinninga eða 4.5 hann vann þrjár skákir og gerði þrjú jafntefli, var taplaus.

Hreinn Hrafnsson stóð sig best af norðan mönnum í B-riðli fékk 5 vinninga og var taplaus.

Eftir veislukvöldverð og örfá bjóra var svo startað hraðskákmóti þar sem þátttaka var frjáls. Tuttugu og einn tóku þátt í því, tefldar voru ellefu umferðir með 7 mínútna umhugsunartíma.

Jón Þ Þór fékk flesta vinninga eða 10 af 11. Þór Valtýsson varð í öðru sæti með 9 vinninga.Jóhann Örn í þriðja með 8 vinninga.

 

 

Eftir morgunverð á sunnudag settust liðin svo gengt hvert öðru, ellefu í hvoru liði  og tefldu hraðskák. Eftir allar þær rimmur voru liðin með jafnmarga vinninga 60.5/60.5

 

 

Af sunnan mönnum var Jóhann Örn harðastur hann leyfð aðeins eitt jafntefli við Jón Þ Þór, Jóhann fékk 10.5 vinning af 11 það var vel að verki staðið. Guðfinnur R Kjartansson fékk 8.5 og Sæbjörn Larsen 8 vinninga,

Mjög góð frammistaða hjá þeim öllum.

Af norðan mönnum Var Sigurður Eiríksson grimmastur hann fékk 9 vinninga tapaði bara fyrir Jóhanni og Kristjáni Guðmundssyni f.v skipstjóra. Karl Steingrímsson kom svo næstur með 8.5 vinning. Jón Þ Þór kom svo næstur með 8 vinninga.

Þessi keppni var ákaflega skemmtileg og tókst vel í alla staði.

Við skákfélagar í Ásum þökkum Akureyringum kærlega fyrir drengilega og skemmtilega keppni.

Finnur Kr Finnsson

Myndaalbúm (ESE)

Valdimar efstur í Ásgarði í dag

Þótt sumir hafi kannski verið örlítið þreyttir eftir alla skákbardaga helgarinnar þá mættu tuttugu og átta skákmenn til leiks í dag. Valdimar taldist vera efstur með átta vinninga.Guðfinnur R Kjartansson var einnig með átta vinninga og virtist óþreyttur eftir góða frammistöðu í Vatnsdal um helgina. Síðan komu þrír með sjö vinninga, þeir Haraldur Axel, Össur Kristinsson og Friðgeir Hólm.

Nánari úrslit:

Carlsen vann Radjabov - aðeins hálfum vinningi á eftir Karjakin

Magnus Carlsen (2868) vann sína aðra skák í röð þegar hann vann Radjabov (2745) í sjöttu umferð ofurmótsins í Sandnesi í Noregi. Magnus hefur nú 4 vinninga og er aðeins hálfum vinningi á eftir Karjakin (2767) sem gerði jafntefli við Anand (2783). Aronian (2813), sem  vann Hammer (2608),  er í 3.-4. sæti ásamt Nakamura (2775).

Úrslit 6. umferðar:

CARLSEN Magnus	1-0	RADJABOV Teimour
TOPALOV Veselin	½ -½	WANG Hao
ANAND Viswanathan	½ -½	KARJAKIN Sergey
ARONIAN Levon	1-0	HAMMER Jon Ludvig
NAKAMURA Hikaru	½ -½	SVIDLER Peter

 
Röð efstu manna:

• 1. Karjakin (2767) 4,5 v.
• 2. Carlsen (2868) 4 v.
• 3.-4. Nakamura (2775) og Aronian (2813) 3,5 v.
• 5.-6. Anand (2783) og Svidler (2769) 3 v.
• 7.-8. Topalov (2793) og Radjabov (2745) 2,5 v.
• 9.Wang Hao (2743) 2 v.
• 10. Hammer (2608) 1,5 v.

• Heimasíða mótsins
• Beinar útsendingar (hefjast kl. 13)

EM: Dagur vann - Guðmundur tapaði

Dagur Arngrímsson (2390) vann sína aðra skák í röð er hann lagði Rússann Alexandr Predke (2494) í níundu umferð EM einstaklinga sem fram fór í dag. Guðmundur Kjartansson (2446) tapaði hins vegar fyrir rússneska FIDE-meistaranum Vladimir Minko (2268).

Dagur hefur 4,5 vinning og er í 126.-167. sæti en Guðmundur hefur 3,5 vinning og er í 204.-231. sæti.

Í tíundu og næstsíðustu umferð, sem fram fer á morgun, teflir Dagur við pólska alþjóðlega meistarann Kamil Dragun (2520) en Guðmundur mætir Króatanum Drazen Curic (2258).

Úkraínski stórmeistarinn Alexander Moiseenko (2698) er efstur með 7,5 vinning. Næstir eru Evgeny Alekseev (2700), Rússlandi, og Constantin Lupulesco (2634), Rúmeníu, með 7 vinninga. 

286 skákmenn taka þátt í mótinu og þar af eru 143 stórmeistarar og þar af eru 12 með 2700 skákstig eða meira. Guðmundur er nr. 170 í stigaröð keppenda og Dagur er nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Kamsky og Krush bandarískir meistarar

Bandaríska meistaramótinu í skák lauk í gær. Gata Kamsky (2741) varð meistari í opnum flokki eftir bráðabanaskák við Alejandro Rimirez (2551) en þeir komu jafnir í mark með 6½ vinning í 9 skákum. Irina Krush (2470) varð hins vegar Bandríkjameistari kvenna án bráðabana en hún kom hálfum vinningi á undan Önnu Zatonskih (2466) í mark.

Heimasíða mótsins

Vignir Vatnar bestur á hraðkvöldi

Vignir Vatnar Stefánsson sigraði örugglega á hraðkvöldi Hellis sem fram fór í gærkvöldi 13. maí. Vignir Vatnar fékk 6,5 vinning í 7 skákum og var búinn að tryggja sér sigur fyrir síðustu umferð, þannig að jafntefli í lokaumferðinni við Jón Úlfljótsson í skák með skrautlegum endi réð ekki úrslitum.

Annar varð Arnaldur Loftsson með 5,5 vinning og þriðji Vigfús Ó. Vigfússon með 5 vinning. Vignir Vatnar dró svo Jóhannes Þór Árnason í happdrættinu og báðir fengu þeir úttektarmiða á Saffran.

Það verður ekki hraðkvöld á annan í hvítasunnu þannig að næsta hraðkvöld verður 27. maí nk. 

Lokastaðan á hraðkvöldinu:

 Röð  Nafn                        Vinningar  M-Buch. Buch. Progr.

  1   Vignir Vatnar Stefánsson,       6.5      20.0  27.5   27.5
  2   Arnaldur Loftsson,              5.5      20.5  30.0   21.5
  3   Vigfús Ó. Vigfússon,            5        18.0  25.0   21.0
 4-8  Elsa María Kristínardóttir,     4        22.0  30.5   18.0
      Sverrir Sigurðsson,             4        19.0  27.5   18.0
      Jón Úlfljótsson,                4        19.0  27.5   16.0
      Björgvin Kristbergsson,         4        17.0  22.5   16.0
      Jóhannes Guðmundsson,           4        15.0  21.0   12.0
  9   Gunnar Nikulásson,              3.5      18.0  25.0   11.5
10-12 Bjarki Arnaldarson,             2.5      17.5  23.0   10.0
      Jóhannes Þór Árnason,           2.5      16.0  23.0    8.5
      Árni Júlísson,                  2.5      15.5  21.5    9.0
 13   Stefán Orri Davíðsson,          1        15.5  22.5    7.0

Carlsen vann Karjakin

Magnus Carlsen (2868) vann Sergei Karjakin (2767) í fimmtu umferð ofurmótsins í Sandnesi í Noregi sem fram fór í dag. Þar með galopnaðist mótið en Karjakin hafði unnið allar sínar skákir fram að þessu og leiddi með 1,5 vinning. Nú hefur hann "aðeins" vinnings forskot á Carlsen og Nakamura (2775). Þetta var dagur Norðmanna því Jon Ludvig Hammer (2608) lagði Wang Hao (2743) en öðrum skákum lauk með jafntefli.

Úrslit 5. umferðar:

NAKAMURA Hikaru	½ -½	TOPALOV Veselin
HAMMER Jon Ludvig	1-0	WANG Hao
SVIDLER Peter	½ -½	ANAND Viswanathan
RADJABOV Teimour	½ -½	ARONIAN Levon
KARJAKIN Sergey	0-1	CARLSEN Magnus

 

 Röð efstu manna:

• 1. Karjakin (2767) 4 v.
• 2.-3. Carlsen (2868) og Nakamura (2775) 3 v.
• 4.-7. Aronian (2813), Anand (2783), Svidler (2769) og Radjabov (2745) 2,5 v.
• 8. Topalov (2793) 2 v.
• 9.-10 Wang Hao (2743) og Hammer (2608) 1,5 v.

• Heimasíða mótsins
• Beinar útsendingar (hefjast kl. 13)

EM: Dagur vann - Guðmundur tapaði

Dagur Arngrímsson (2390) vann Tyrkjann Aydin Duman (2265) í 8. umferð EM einstaklinga sem fram fór í dag. Guðmundur Kjartansson (2446) tapaði hins vegar fyrir ísraelska stórmeistaranum Michael Roiz (2617). Báðir hafa þeir 3,5 vinning og eru í 169.-205. sæti.

Á morgun mæta þeir báðir Rússum. Dagur mætir Alexandr Predke (2494) en Guðmundur Vladimir Minko (2268).

Úkraínski stórmeistarinn Alexander Moiseenko (2698) er efstur með 7 vinninga og rúmenski stórmeistarinn Constantin Lupulesco (2634) er annar með 6,5 vinning. 

286 skákmenn taka þátt í mótinu og þar af eru 143 stórmeistarar og þar af eru 12 með 2700 skákstig eða meira. Guðmundur er nr. 170 í stigaröð keppenda og Dagur er nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Mót í Vin kl. 13!

Skákfélag Vinjar býður til meistaramóts í hraðskák, mánudaginn 13. maí klukkan 13. Tefldar verða 6 umferðir með 7 mínútna umhugsunartíma. Mótið er öllum opið en efsti liðsmaður Skákfélags Vinjar fær sæmdartitilinn Hraðskákmeistari Vinjar 2013. Mótið er haldið í Vin, Hverfisgötu 47.

Mikill kraftur er í Skákfélagi Vinjar og njóta mánudagsæfinar félagsins mikilla vinsælda. Síðastliðinn þriðjudag hófst meistaramót félagsins í atskák, og hafa verið tefldar 3 umferðir af 9.

Meistaramótið í hraðskák 2013 markar jafnframt upphafið að sumarstarfi skákfélagsins, en í júní eru 10 ár liðin síðan skipulagt skákstarf hófst í athvarfinu. Skákfélag Vinjar tefldi í vetur fram tveimur sveitum á Íslandsmóti skákfélaga og vann A-sveitin sér keppnisrétt í 2. deild næsta vetur.

Allir eru velkomnir á meistaramótið á mánudag, og að vanda verður boðið upp á gómsætar veitingar í leikhléi.