Úrslitaeinvígi Íslandsmótsins í atskák fer fram eftir viku á RÚV

Arnar E. Gunnarsson (2441) og Davíð Kjartansson (2348) tefla til úrslita um Íslandsmeistaratitilinn í atskák laugardaginn 25. maí. Teflt verður í beinni útsendingu í RÚV og hefst útsendingin kl. 14.

Einvígið verður nánar kynnt þegar nær dregur.

 

Karjakin sigurvegari ofurmótsins í Sandnesi

Rússinn Sergei Karjakin (2767) kom sá og sigraði á ofurmótinu í Sandnesi sem lauk í gær. Karjakin samdi jafntefli við Topalov (2793) með mjög vænlega stöðu á borðinu til að gulltryggja sigurinn. Hetja heimamanna, Magnus Carlsen (2868), sem gerði jafntefli við Aronian (2813) í lokaumferðinni, varð í 2.-3. sæti ásamt Nakamura (2775) sem vann Hammer (2608). Wang Hao (2743) setti heldur betur svip sinn á lokaumferðunum tveimur þegar hann kappanna sem mætast í heimsmeistaraeinvígi í nóvember þ.e. Carlsen í þeirri næstsíðustu og Anand (2783) í þeirri síðustu.

Úrslit 9. umferðar:

ARONIAN Levon	½ -½	CARLSEN Magnus
WANG Hao	1-0	ANAND Viswanathan
HAMMER Jon Ludvig	0-1	NAKAMURA Hikaru
RADJABOV Teimour	½ -½	SVIDLER Peter
KARJAKIN Sergey	½ -½	TOPALOV Veselin

 
Lokastaðan:

• 1. Karjakin (2767) 6 v.
• 2.-3. Carlsen (2868) og Nakamura (2775) 5,5 v.
• 4.-6. Svidler (2769), Aronian (2813) og Anand (2783) 5 v.
• 7. Wang Hao (2743) 4,5 v.
• 8. Topalov (2793) 4 v.
• 9.  Radjabov (2745) 3 v.
• 10. Hammer (2608) 1,5 v.

• Heimasíða mótsins
• Beinar útsendingar (hefjast kl. 13 - nema lokaumferðin hefst kl. 10)

Þjóðhátíðardagur Norðmanna brást - Carlsen og Hammer töpuðu

Þjóðhátíðardagur Norðmanna fór ekki vel fyrir norsku skákmennina. Magnus Carlsen (2868) tapaði fyrir Wang Hao (2743) og Jon Ludvig Hammer (2608) lék niður vænlegri stöðu niður í tap gegn heimsmeistaranum Anand (2783). Það mildaði þó tjón Norðmannanna að forystusauðurinn Karjakin (2767) tapaði fyrir Svidler (2769). Karjakin er enn efstur þrátt fyrir tapið, hefur 5,5 vinning en Carlsen og Anand hafa hálfum vinningi minna.

Lokaumferðin fer fram á morgun og hefst fyrr en venjulega eða kl. 10. Þá mætast Aronian-Carlsen, Topalov-Karjakin og Wang Hao-Anand.

Úrslit 8. umferðar:

CARLSEN Magnus	0-1	WANG Hao
TOPALOV Veselin	½ -½	ARONIAN Levon
ANAND Viswanathan	1-0	HAMMER Jon Ludvig
NAKAMURA Hikaru	1-0	RADJABOV Teimour
SVIDLER Peter	1-0	KARJAKIN Sergey

 
Staðan:

• 1. Karjakin (2767) 5,5 v.
• 2.-3. Carlsen (2868) og Anand (2783) 5 v.
• 4.-6. Svidler (2769), Nakamura (2775) og Aronian (2813) 4,5 v.
• 7.-8. Wang Hao (2743) og Topalov (2793) 3,5 v.
• 9.  og Radjabov (2745) 2,5 v.
• 10. Hammer (2608) 1,5 v.

• Heimasíða mótsins
• Beinar útsendingar (hefjast kl. 13 - nema lokaumferðin hefst kl. 10)

Norðurlandamótið í skák fer fram í Køge Kyst í Danmörku 14.-20. október

Norðurlandamótið í skák fer fram í Køge Kyst í Danmörku 14.-20. október nk. Nánar má lesa um mótið í meðfylgjandi viðhengi (PDF). Öllum er frjáls þátttaka.

Sá íslenski skákmaður sem verður næstefstur á Opna Íslandsmótinu, sem fram fer 31. maí - 8. júní, fær boð á mótið fyrir Íslands hönd en sjálfur Íslandsmeistarinn fær keppnisrétt á EM einstaklinga að ári.

Sjá nánar í PDF-viðhengi og hér.

 

Skrár tengdar þessari bloggfærslu:

• Norðurlandamótið í skák 2013

Meistaramót Skákskóla Íslands fer fram helgina 24.-26. maí

Meistaramót Skákskóla Íslands fyrir starfsárið 2012/2013 hefst föstudaginn 24. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Mikhael Jóhann Karlsson

 Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánaða frá lokum mótsins.

 

B:

Dagskrá:

1. umferð: Föstudagurinn 24. maí kl. 18  

2. umferð: Föstudagurinn 24. maí kl. 19

3. umferð. Föstudagurinn 24. maí kl. 20.

4. umferð: Laugardagurinn 25.maí kl. 10-14  

5. umferð: Laugardagurinn 25. maí kl. 15 - 19

6. umferð: Sunnudagurinn 26.maí kl. 10.-14.

7. umferð: Sunnudagurinn 26. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 568 9141, netfangið [e-mail] eða [e-mail].

Mótsnefnd áskilur rétt til að gera breytingar á fyrirfram boðaðri dagskrá.

EM: Guðmundur vann í lokaumferðinni - Dagur tapaði

Guðmundur Kjartansson (2446) vann Króatann Marian Kantorik (2363) í 11. og síðustu umferð EM einstaklinga sem fram fór í Legnacia í Póllandi í dag. Dagur Arngrímsson (2390) tapaði hins vegar fyrir pólska stórmeistaranum Bartlomiej Macieja (2600).

Guðmundur hlaut 5,5 vinning og endaði í 126.-166. sæti (147. sæti á stigum) en Dagur hlaut 4,5 vinning og endaði í 200.-224. sæti (201. á stigum).

Frammistaða Guðmundar samsvaraði 2495 skákstigum en Dags 2437 skákstigum. Guðmundur hækkar um 7 stig en Dagur um 6 stig.

Tíu skákmenn urðu efstir og jafnir með 8 vinninga. Evrópumeistari varð úkraínski stórmeistarinn Alexander Moiseenko (2698) þrátt fyrir tap í síðustu umferð.

286 skákmenn tóku þátt í mótinu og þar af voru 143 stórmeistarar og þar af voru 12 með 2700 skákstig eða meira. Guðmundur var nr. 170 í stigaröð keppenda og Dagur var nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Fimmtíu keppendur skráðir til leiks á Opna Íslandsmótið í skák

Rúmum hálfum mánuði fyrir Opna Íslandsmótið í skák, sem hefst 31. maí, eru nú þegar 50 keppendur skráðir til leiks á mótið.  Meðal þegar skráðra keppenda eru stórmeistararnir Hannes Hlífar Stefánsson (2507) og Stefán Kristjánsson (2494) og alþjóðlegu meistararnir Guðmundur Kjartansson (2446), Björn Þorfinnsson, Sævar Bjarnason (2130) og Nicolai Getz (2355) frá Noregi og Lenka Ptácníková (2255) stórmeistari kvenna.

Tefldar eru 10 umferðir eftir svissneska kerfinu. Þátttökugjöld eru kr. 10.000 fyrir fullorðna en kr. 5.000 fyrir 16 ára og yngri.

Minnt er á að hver keppandi getur tekið eina yfirsetu í umferðum 1-6. Gert er ráð fyrir að keppendur verði hið minnsta um 70-80 talsins.

Aðstæður í Turninum, Borgartúni, eru einstakar en teflt er á 20. hæðinni þar sem finna má útsyni yfir alla Reykjavík.

Skráning fer fram hér á Skák.is

• Heimasíða mótsins
• Keppendalisti á Chess-Results

Karjakin með hálfs vinnings forskot á Carlsen - báðir unnu í dag

Sergei Karjakin (2767) vann í dag góðan sigur á Nakamura (2775) í sjöundu umferð ofurmótsins í Sandnesi í Noregi. Magnus Carlsen (2868) vann sína þriðju skák í röð í dag er hann vann landa sinn Jon Ludvig Hammer (2608). Karjakin hefur hálfs vinnings forskot á Carlsen þegar aðeins tvær umferðir eru eftir.

Frídagur er á morgun 

Úrslit 7. umferðar:

WANG Hao	½ -½	ARONIAN Levon
HAMMER Jon Ludvig	0-1	CARLSEN Magnus
SVIDLER Peter	½ -½	TOPALOV Veselin
RADJABOV Teimour	0-1	ANAND Viswanathan
KARJAKIN Sergey	1-0	NAKAMURA Hikaru

Staðan:

• 1. Karjakin (2767) 5,5 v.
• 2. Carlsen (2868) 5 v.
• 3.-4. Anand (2783) og Aronian (2813) 4 v.
• 5.-6. Nakamura (2775) og Svidler (2769) 3,5 v.
• 7. Topalov (2793) 3 v.
• 8.-9. Wang Hao (2743) og Radjabov (2745) 2,5 v.
• 10. Hammer (2608) 1,5 v.

• Heimasíða mótsins
• Beinar útsendingar (hefjast kl. 13)

EM: Guðmundur vann - Dagur tapaði

Guðmundur Kjartansson (2446) vann Krótatann Drazen Curic (2258) í 10. og næstsíðustu umferð EM einstaklinga sem fram fór í dag. Dagur Arngrímsson (2390) tapaði hins vegar fyrir pólska alþjóðlega meistarann Kamil Dragun (2520). Báðir hafa þeir 4,5 vinning og eru í 165.-202. sæti

Í lokaumferðinni sem fram fer á morgun teflir Dagur við pólska stórmeistarann Bartlomiej Macieja (2600) en Guðmundur við Króatann Marian Kantorik (2363).

Úkraínski stórmeistarinn Alexander Moiseenko (2698) er efstur með 8 vinninga. Næstir eru Evgeny Alekseev (2700), Rússlandi, og Constantin Lupulesco (2634), Rúmeníu, með 7,5 vinning. 

286 skákmenn taka þátt í mótinu og þar af eru 143 stórmeistarar og þar af eru 12 með 2700 skákstig eða meira. Guðmundur er nr. 170 í stigaröð keppenda og Dagur er nr. 200.

• Heimasíða mótsins
• Chess-Results
• Beinar útsendingar (hefjast kl. 13)

Vatnsdalshólaskákkeppni: Æsir og SA 60+

Um helgina fór fram hin árlega keppni í skák á milli heldri skákmanna af höfuðborgarsvæðinu og heldri skákmanna frá SA á Akureyri.

Liðin mættust í veiðihúsinu í Vatnsdal. Þetta var í fjórða sinn sem við hittumst í Vatnsdalnum það eru allir mjög ánægðir með aðstöðuna þar.

Karl Steingrímsson og hans ágæta frú sáu um að fóðra okkur á veislumat og kaffi og kruðeríi í sólarhring á mjög viðráðanlegu verði, þau hafa séð um þann þátt í fjögur ár og kunnum við þeim bestu þakkir fyrir.

Æsir sáu um framkvæmd og stjórn mótsins í ár  og tóku litla rútu á leigu fyrir alla keppendur að sunnan og tóku tvo SA menn með sér þá Þór Valtýsson og Jón Þ. Þór.

Við fengum ágætan og þrautreyndan strætóbílstjóra til þess að keyra okkur eins og á síðasta ári Hann heitir Halldór Gíslason og er gamalreyndur skákmaður þótt hann hafi lítið teflt undanfarin ár.

Halldór leisti Finn af í keppninni mikið til, svo að hann gæti séð um að skrá úrslit inn í töfluna.

Mótstjórnin var í höndum þeirra Þorsteins Guðlaugsonar Garðars Guðmundssonar og Finns Kr.

Það var teflt á sex borðum í A-riðli og fimm í B-riðli, en í B-riðli voru tefldar tvær skákir í fyrstu umferð til þess að keppnin fylgdist að í báðum riðlum.

Í A-riðli fengu SA-menn 18.5 vinninga en Æsir 17.5 en í B-riðli skildu liði jöfn 15 vinningar gegn 15.

 

 

Í A-riðli fékk Sæbjörn Larsen flesta vinninga af sunnan mönnum með 4.5 vinning hann tapaði bara einni skák og gerði eitt jafntefli.

Elsti þátttakandinn í þessu móti var Björn Víkingur Þórðarson hann fór taplaus í gegnum A-riðilinn með 4 vinninga,það var vaxlega gert.

Jón Þ Þór var sigur sælastur af norðan mönnum með 4.5 vinninga, hann vann þrjár skákir og gerði þrjú jafntefli. Var taplaus eins og Björn.

 

 

Í B-riðli fékk Þorsteinn Guðlaugsson flesta vinninga eða 4.5 hann vann þrjár skákir og gerði þrjú jafntefli, var taplaus.

Hreinn Hrafnsson stóð sig best af norðan mönnum í B-riðli fékk 5 vinninga og var taplaus.

Eftir veislukvöldverð og örfá bjóra var svo startað hraðskákmóti þar sem þátttaka var frjáls. Tuttugu og einn tóku þátt í því, tefldar voru ellefu umferðir með 7 mínútna umhugsunartíma.

Jón Þ Þór fékk flesta vinninga eða 10 af 11. Þór Valtýsson varð í öðru sæti með 9 vinninga.Jóhann Örn í þriðja með 8 vinninga.

 

 

Eftir morgunverð á sunnudag settust liðin svo gengt hvert öðru, ellefu í hvoru liði  og tefldu hraðskák. Eftir allar þær rimmur voru liðin með jafnmarga vinninga 60.5/60.5

 

 

Af sunnan mönnum var Jóhann Örn harðastur hann leyfð aðeins eitt jafntefli við Jón Þ Þór, Jóhann fékk 10.5 vinning af 11 það var vel að verki staðið. Guðfinnur R Kjartansson fékk 8.5 og Sæbjörn Larsen 8 vinninga,

Mjög góð frammistaða hjá þeim öllum.

Af norðan mönnum Var Sigurður Eiríksson grimmastur hann fékk 9 vinninga tapaði bara fyrir Jóhanni og Kristjáni Guðmundssyni f.v skipstjóra. Karl Steingrímsson kom svo næstur með 8.5 vinning. Jón Þ Þór kom svo næstur með 8 vinninga.

Þessi keppni var ákaflega skemmtileg og tókst vel í alla staði.

Við skákfélagar í Ásum þökkum Akureyringum kærlega fyrir drengilega og skemmtilega keppni.

Finnur Kr Finnsson

Myndaalbúm (ESE)