Skák.is

Færsluflokkur: Spil og leikir

7.6.2013 | 10:07

Aðalfundur TR fer fram á mánudag

Aðalfundur Taflfélags Reykjavíkur verður haldinn mánudaginn 10. júní 2013 kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Stjórn T.R.

Spil og leikir | Slóð | Facebook | Athugasemdir (0)

6.6.2013 | 22:09

Hannes með vinningsforskot á Björn - fjórar efstar á Íslandsmóti kvenna

Stórmeistarinn Hannes Hlífar Stefánsson vann kollega sinn Stefán Kristjánsson í áttundu umferð Opna Íslandsmótsins í skák sem fram fór í kvöld. Hannes hefur 7,5 vinning og hefur eins vinnings forskot á Björn Þorfinnsson sem er annar eftir sigur á Guðmundi Kjartanssyni. Alþjóðlegu meistararnir Hjörvar Steinn Grétarsson og Bragi Þorfinnsson og stórmeistarinn Héðinn Steingrímsson eru í 3.-5. sæti með 6 vinninga. Sá síðastnefndi vann Henrik Danielsen þar sem töluvert gekk á við skákborðið.

Á Íslandsmóti kvenna sem er hluti af Opna Íslandsmótinu er mikil spenna. Fjórar eru efstar og jafnar með 4,5 vinning en það eru Lenka Ptácníková, Jóhanna Björg Jóhannsdóttir, Hallgerður Helga Þorsteinsdóttir og Elsa María Kristínardóttir.

Óvænt úrslit setja sem fyrr svip sinn á mótið. Mikael Jóhann Karlsson vann FIDE-meistarann Þorstein Þorsteinsson en þar er stigamunurinn um 250 skákstig. Unga ljónið Vignir Vatnar Stefánsson heldur áfram að fara illa með íslenskar landsliðskonur og vann Tinnu Kristínu Finnbogadóttur í dag. Heimir Páll Ragnarsson vann svo bandaríska skákmanninn Peter Henner í lengstu skák kvöldsins en þar er stigamunurinn 450 skákstig.

Níunda og síðasta umferð fer fram á morgun og hefst kl. 17. Teflt er á efstu hæðinni (20. hæð) í Turninum Borgartúni (Höfðatorg). Þar eru úrvalsaðstæður fyrir gesti og gangandi sem hafa fjölmennt á skákstað.

Í umferðinni á morgun teflir Hannes við Hjörvar, Björn við Héðin og Bragi við Guðmund.

Hjá stelpunum mætast Hallgerður og Lenka á morgun, Elsa teflir við Kristján Eðvarðsson og Jóhanna Björg teflir við Sævar Bjarnason.

Spil og leikir | Slóð | Facebook | Athugasemdir (0)

6.6.2013 | 16:00

Áttunda umferð Íslandsmótsins í skák hefst kl. 17

Áttunda umferð Íslandsmótsins í skák hefst nú kl. 17. Í umferð dagsins er tveir stórmeistaraslagar. Á fyrsta borði mætir forystusauðurinn Hannes Hlífar Stefánsson, sem hefur 6½ vinning, Stefáni Kristjánssyni sem er í 2.-4. sæti ásamt Birni Þorfinnssyni og Guðmundi Kjartanssyni með 5½ vinning. Björn og Guðmundur tefla svo saman. Á þriðja borði er svo annar stórmeistaraslagur en þar mætast Henrik Danielsen og Héðinn Steingrímsson sem eru meðal sex keppenda sem eru í 5.-10. sæti með 5 vinninga.

Áhorfendur eru velkomnir á skákstað en þar eru afar góðar

Framsóknarlitirnir: Hallgerður og Dagur Andri

aðstæður fyrir keppendur og áhorfendur. Teflt er á efstu hæðinni (20. hæð) í Turninum Borgartúni (Höfðatorg).

Tíu skákir eru sýndar beint frá hverri umferð. Eftirtaldar skákir eru sýndar beint í dag:

SM Stefán Kristjánsson (5½) - SM Hannes Hlífar Stefánsson (6½)
AM Björn Þorfinnsson (5½) - AM Guðmundur Kjartansson (5½)
SM Henrik Danielsen (5) - SM Héðinn Steingrímsson (5)
AM Hjörvar Steinn Grétarsson (5) - Stefán Bergsson (5)
AM Bragi Þorfinnsson (5) - FM Guðmundur Gíslason (5)
FM Sigurbjörn Björnsson (4½) - Jón Þór Bergþórsson (4½)
FM Þorsteinn Þorsteinsson (4½) - Mikael Jóhann Karlsson (4½)
Kristján Eðvarðsson (4½) - Sigurður Páll Steindórsson (4½)
Michael Grove (4) - Oliver Aron Jóhannesson (4½)
Gylfi Þórhallsson (4) - Jón Trausti Harðarson (4)

Helstu viðureignir í baráttunni um Íslandsmeistaratitil kvenna eru:

Jóhanna Björg Jóhannsdóttir (4) - Aleksi Olander (2093)
KSM Lenka Ptácníková (3½) - Loftur Baldvinsson (1706)
Sigríður Björg Helgadóttir (3½)- Hallgerður Helga Þorsteinsdóttir (3½)
Vignir Vatnar Stefánsson (1678) - Tinna Kristín Finnbogadóttir (3½)
Atli Jóhann Leósson (1746) - Elsa María Kristínardóttir (3½)
Hrund Hauksdóttir (3) - Þór Hjaltalín (1373)

Spil og leikir | Breytt s.d. kl. 14:46 | Slóð | Facebook | Athugasemdir (1)

6.6.2013 | 14:43

Skákir sjöundu umferðar

Þórir Benediktsson hefur slegið inn skákir sjötundu umferðar Opna Íslandsmótsins í skák. Þær fylgja með sem viðhengi.

Skákir mótsins er einnig hægt að nálgast á vefsíðu mótsins.

Veljið skák (32 alls):

Spil og leikir | Breytt s.d. kl. 14:45 | Slóð | Facebook | Athugasemdir (0)

6.6.2013 | 11:32

Ef Íslandsmótið væri aðeins sjö umferðir?

Sjö umferðum af tíu er nú lokið á Íslandsmótinu í skák og lokaátökin að hefjast. Við höldum áfram hinni daglegu úttekt á stöðu mála en ef mótið væri aðeins sjö umferðir væru Hannes Hlífar Stefánsson og Jóhanna Björg Jóhannsdóttir Íslandsmeistarar í skák. Hannes fengi jafnframt verðlaun fyrir bestan árangur miðað við skákstig ásamt Lofti Baldvinssyni.

Staða efstu manna á Íslandsmótinu:

1. SM Hannes Hlífar Stefánsson (2507) 6½ v.
2.-4. AM Björn Þorfinnsson (2377), SM Stefán Kristjánsson (2494) og AM Guðmundur Kjartansson (2446) 5½ v.
5.-10. SM Henrik Danielsen (2500), AM Hjörvar Steinn Grétarsson (2516), FM Guðmundur Gíslason (2321), SM Héðinn Steingrímsson (2558), AM Bragi Þorfinnsson (2478) og Stefán Bergsson (2157) 5 v.

Sjá nánar stöðuna á Chess-Results.

Ef þetta yrði niðurstaðan hefði Hannes tryggt sér sinn tólfta Íslandsmeistaratitil. Björn, Stefán og Guðmundur myndu skipta á milli 2.-4. verðlaunum en kapparnir í 5.-8. sæti myndu skipta á milli sín fimmtu verðlaunum og þar yrði heldur lítið til skiptanna á hvern og einn.

Íslandsmót kvenna

Þar hefur það borið til tíðinda að Lenka hefur misst efsta sætið eftir tvö töp í röð og Jóhanna Björg Jóhannsdóttir er nú efst.

Staða efstu kvenna

1. Jóhanna Björg Jóhannsdóttir (1890) 4 v.
2.-6. KSM Lenka Ptácníková (2255), Elsa María Kristínardóttir (1785), Hallgerður Helga Þorsteinsdóttir (1985), Tinna Kristín Finnbogadóttir (1922) og Sigríður Björg Helgadóttir (1760) 3½ v.

Ef þetta yrði niðurstaðan fengi Jóhanna Íslandsmeistaratitilinn en þær í 2.-6. sæti myndu skipta á milli sín verðlaununum fyrir og 2. og 3. sæti.

Aukaverðlaun

Og þá er það samantekt á aukaverðlaununum. Þau eru veitt í tveimur flokkum fyrir bestan árangur í samanburði við eigin skákstig. Fyrir skákmenn með meira en 2000 skákstig og fyrir skákmenn með minna en 2000 skákstig. Ein verðlaun eru í hvorum flokki upp á 40.000 kr. Reiknað er út frá alþjóðlegum skákstigum en innlendum stigum ef menn hafa ekki alþjóðleg skákstig.

Hannes Hlífar Stefánsson og Loftur Baldvinsson leiða nú í sitthvorum flokknum.

Staða efstu manna:

Yfir 2000 skákstigum

Hannes Hlífar Stefánsson 171 (2678-2507)
Oliver Aron Jóhannesson 139 (2145-2006)
Björn Þorfinnsson 34 (2411-2377)

Undir 2000 skákstigum

Loftur Baldvinsson 313 (2019-1706)
Þór Hjaltalín 268 (1641-1373)
Hilmir Freyr Heimisson 249 (1925-1676)
Felix Steinþórsson 248 (1691-1443)
Dagur Andri Friðgeirsson 227 (2009-1789)

Upplýsingar um verðlaun má finna hér.

Spil og leikir | Breytt s.d. kl. 12:17 | Slóð | Facebook | Athugasemdir (0)

6.6.2013 | 09:29

Ægir Páll nýr formaður TV

Í gærkvöldi fór fram aðalfundur Taflfélags Vestmannaeyja. lagðir voru fram reikningar félagsins, þar sem kom fram að Íslandsmót skákfélaga nemur 63% af útgjöldum félagsins síðustu ár og húsnæðiskostnaður 26%.

Á fundinum var kjörinn nýr formaður félagsins, Ægir Páll Friðbertsson, en Karl Gauti Hjaltason fráfarandi formaður baðst undan endurkjöri. Ægir Páll hefur um nokkurt skeið starfað með stjórn félagsins. Karl Gauti hefur gegnt formannsembættinu í nákvæmlega 6 ár eða frá 5. júní 2007 og hefur enginn formaður í tíð félagsins gegnt embættinu lengur samfellt allt frá árinu 1957.

Í formannstíð Karls Gauta hafa unnist fjölmargir titlar í barna- og unglingaflokkum og deildameistaratitill 2 deildar á Íslandsmóti Skákfélaga 2009 og tvisvar sinnum 2 sæti og einu sinni 3 sæti á Íslandsmóti skákfélaga, þó aldrei hafi tekist að hampa titlinum sjálfum.

Meðal helstu verðlauna í barna- og unglingaflokkum á þessum sex árum eru ; Íslandsmeistarar Barnaskólasveita 2008, Íslandsmeistari barna 2008, Íslandsmeistari pilta 2008, Silfur á Norðurlandamóti barnaskólasveita 2009, Íslandsmeistari í skólaskák, yngri 2010 og Meistaratitill skákskólans 2013.

Í nýrri stjórn félagsins eru auk Ægis Páls, þeir Sverrir Unnarsson, Karl Gauti Hjaltason, Stefán Gíslason, Kristófer Gautason og Sigurjón Þorkelsson. Í varastjórn voru kosnir þeir Nökkvi Sverrisson og Þórarinn I Ólafsson.

Heimasíða TV

Spil og leikir | Breytt s.d. kl. 10:02 | Slóð | Facebook | Athugasemdir (0)

5.6.2013 | 22:39

Hannes með vinningsforskot á Íslandsmótinu - Jóhanna Björg efst á Íslandsmóti kvenna

Stórmeistarinn Hannes Hlífar Stefánsson hefur vinningsforskot á Opna Íslandsmótinu í skák eftir sigur á alþjóðlega meistaranum Birni Þorfinnssyni í sjöundu umferð sem fram fór í kvöld. Hannes hefur 6,5 vinning. Hannes hefur vinningsforskot á næstu menn sem eru Björn, stórmeistarinn Stefán Kristjánsson og alþjóðlegi meistarinn Guðmundur Kjartansson sem vann Sigurbjörn Björnsson.

Hannes vann góðan sigur á Birni og hefur nú unnið þá bræður, Björn og Braga, í tveimur síðustu umferðum. Stefán gerði jafntefli við Hjörvar Stein Grétarsson.

Hjörvar er í 5.-10. sæti með 5 vinninga ásamt alþjóðlega meistaranum Braga Þorfinnssyni, stórmeisturunum Henrik Danielsen og Héðni Steingrímsson, FIDE-meistaranum Guðmundi Gíslasyni og hinum titillausa Stefáni Bergssyni.

Jóhanna Björg Jóhannsdóttir er efst með 4 vinninga á Íslandsmóti kvenna sem er hluti af mótinu. Fimm skákonur eru jafnar með 3,5 vinning en það eru Lenka Ptácníková, Elsa María Kristínardóttir, Hallgerður Helga Þorsteinsdóttir, Tinna Kristín Finnbogadóttir og Sigríður Björg Helgadóttir. Spennan á Íslandsmóti kvenna er því mjög mikil.

Sem fyrr var tölvuert um óvænt úrslit. Má þar helst nefna Oliver Aron Jóhannesson, 15 ára, heldur áfram að gera frábæra hluti og vann Lenku í umferð kvöldsins. Annar ungur og efnilegur skákmaður Símon Þórhallsson, frá Akureyri, vann Bjarnstein Þórsson þrátt fyrir mikinn stigamun.

Áttunda umferð fer fram á morgun og hefst kl. 17. Teflt er á efstu hæðinni (20. hæð) í Turninum Borgartúni (Höfðatorg). Mjög góð aðstaða er á skákstað fyrir áhorfendur sem hafa verið duglegri að sækja Íslandsmót en í mörg herrans ár og ljóst að fyrirkomulag mótsins hefur fjallað í góðan jarðveg.

Í umferðinni á morgun mætast stórmeistararnir Stefán og Hannes en Björn teflir við Guðmund. Á þriðja borði er svo annar stórmeistaraslagur en þar mætast Henrik og Héðinn.

Veljið skák (69 alls):

Spil og leikir | Breytt s.d. kl. 23:25 | Slóð | Facebook | Athugasemdir (0)

5.6.2013 | 16:30

Sjöunda umferð Íslandsmótsins í skák að hefjast

Sjöunda umferð Íslandsmótsins í skák hefst nú kl. 17. Viðureign forystusauðanna Hannesar Hlífars Stefánssonar og Björns Þorfinnssonar ber auðvitað hæst en þeir leiða á mótinu með 5,5 vinning. Á öðru borði mætast svo Stefán Kristjánsson, sem er þriðji með 5 vinninga, og Hjörvar Steinn Grétarsson, sem er einn fimm skákmanna sem hafa 4,5 vinning.

Áhorfendur eru velkomnir á skákstað en þar eru afar góðar aðstæður

fyrir keppendur og áhorfendur. Teflt er á efstu hæðinni (20. hæð) í Turninum Borgartúni (Höfðatorg). Vert er að minna á Birnukaffi, sem hefur heldur betið slegið í gegn, þar sem boðið er meðal annars upp á ljúffengur vöfflur með rjóma og súkkulaði.

Tíu skákir eru sýndar beint frá hverri umferð. Eftirtaldar skákir eru sýndar beint í dag:

SM Hannes Hlífar Stefánsson (5½) - AM Björn Þorfinnsson (5½)
SM Stefán Kristjánsson (5) - AM Hjörvar Steinn Grétarsson (4½)
FM Guðmundur Gíslason (4½) - SM Henrik Danielsen (4½)
AM Guðmundur Kjartansson (4½) - FM Sigurbjörn Björnsson (4½)
SM Héðinn Steingrímsson (4) - Gylfi Þórhallsson (4)
Þór Valtýsson (4) - AM Bragi Þorfinnsson (4)
Jón Þór Bergþórsson (4) - FM Þorsteinn Þorsteinsson (4)
Stefán Bergsson (4) - Sverrir Sigurðsson (4)
Sigurður Páll Steindórsson (3½) - Hilmir Freyr Heimisson (4)
Oliver Aron Jóhannesson (3½) - KSM Lenka Ptácníková (3½)

Spil og leikir | Breytt s.d. kl. 20:13 | Slóð | Facebook | Athugasemdir (0)

5.6.2013 | 13:00

Ef Íslandsmótið væri aðeins sex umferðir?

Sex umferðum er nú lokið á Íslandsmótinu í skák. Skoðum stöðuna á mótinu og hvernig baráttan um verðlaunasætin stendur. Byrjum á sjálfu Íslandsmótinu.

Staða efstu manna:

1.-2. SM Hannes Hlífar Stefánsson (2507) og AM Björn Þorfinnsson (2377) 5,5 v.
3. SM Stefán Kristjánsson (2494) 5 v.
4.-8. SM Henrik Danielsen (2500), AM Hjörvar Steinn Grétarsson (2516), FM Sigurbjörn Björnsson (2397), Guðmundur Gíslason (2321) og AM Guðmundur Kjartansson (2446) 4,5 v.

Sjá nánar stöðuna á Chess-Results.

Yrði þetta niðurstaðan myndu Hannes og Björn tefla einvígi um Íslandsmeistaratitilinn, Stefán taka bronsið en kapparnir í 4.-8. sæti skipta á milli verðlaunum fyrir 4. og 5. sæti.

Íslandsmót kvenna

Þar er staða efstu kvenna sem hér segir:

1. KSM Lenka Ptácníková (2255) 3,5 v.
2.-5 Hrund Hauksdóttir (1680), Jóhanna Björg Jóhannsdóttir (1890), Tinna Kristín Finnbogadóttir (1922) og Hallgerður Helga Þorsteinsdóttir (1985) 3 v.

Hvað myndi þetta þýða ef þetta væri lokastaðan? Jú þetta myndi þýða að Lenka fengi Íslandsmeistaratitilinn án aukakeppni þær í 2.-5. sæti skipta á milli sín verðlaununum fyrir og 2. og 3. sæti.

Aukaverðlaun

Björn Þorfinnsson og Loftur Baldvinsson leiða nú í sitthvorum flokknum.

Staða efstu manna:

Yfir 2000 skákstigum

Björn Þorfinnsson 151 (2528-2377)
Hannes Hlífar Stefánsson 129 (2636-2507)
Oliver Aron Jóhannesson 59 (2065-2006)

Undir 2000 skákstigum

Loftur Baldvinsson 369 (2075-1706)
Felix Steinþórsson 290 (1733-1443)
Hilmir Freyr Heimisson 265 (1941-1676)
Björgvin Kristbergsson 239 (1411-1172)
Gauti Páll Jónsson 236 (1782-1546)

Upplýsingar um verðlaun má finna hér.

Spil og leikir | Breytt s.d. kl. 13:42 | Slóð | Facebook | Athugasemdir (0)

5.6.2013 | 09:09

Hemmi Gunn látinn

Hinn mikli skákvinur Hemmi Gunn lést í gær. Skákmenn minnast Hemma með hlýhug enda alltaf boðinn og búinn að sinna skáklistinni og var ómissandi hluti af skákviðburðum eins og Íslandsmótinu í atskák í sjónvarpinu í gegnum tíðina. Hemmi var beðinn um að sjá um Íslandsmót í atskák sem fram fór í skemmstu en gat það ekki þar sem hann var staddur á Tælandi þar sem hann lést svo í gær.

Skákhreyfingin vottar aðstandendum hans innilegar samúðaróskir.

Ekki er hægt að minnast Hemma án þess að láta fylgja með skákatriði með honum og því alveg óstjórnlega fyndnu. Meðfylgjandi skets um skák úr þætti Simma og Jóa (í þessu tilfelli Valtýs og Jóa) frá 30. júlí 2011 þar sem Hemmi fór algjörlega á kostum.

Hljóðupptaka úr þætti Simma og Jóa

Spil og leikir | Breytt s.d. kl. 09:13 | Slóð | Facebook | Athugasemdir (0)

« Fyrri síða | Næsta síða »