Barna- og unglingaæfingar Víkingaklúbbsins hefjast í dag

Knattspyrnufélagið Víkingur og Víkingaklúbburinn verða með skákæfingar fyrir börn og unglinga í Víkinni Víkingsheimilinu á miðvikudögum í vetur. Fyrsta æfingin verður miðvikudaginn 17. september og síðasta æfingin fyrir jólafrí verður miðvikudaginn 10. desember, en þá verður jólamót Víkingaklúbbsins haldið.  

Stækka má mynd

Mótaáætlun Víkingaklúbbsins í haust

 

Stórsigur gegn Werder Bremen

Skákfélagið Huginn vann stórsigur, 5-1, gegn þýsku sveitinni Werder Bremen í þriðju umferð EM taflfélaga sem fram fór í dag í Bilbaó. Robin Van Kempen, Einar Hjalti Jensson, Hlíðar Þór Hreinsson og Magnús Teitsson unnu en Gawain Jones og Þröstur Þórhallsson gerðu jafntefli. Mjög góð úrslit gegn sterkri þýskri sveit. Einar Hjalti hefur farið mikinn á mótinu og hefur unnið allar sínar þrjár skákir!

Úrslit dagsins

2448	Meins, Gerlef	½	½	Jones, Gawain C B	2664
2305	Buchal, Stephan	0	1	Van Kampen, Robin	2637
2312	Asendorf, Joachim, Dr.	½	½	Thorhallsson, Throstur	2437
2269	Steffens, Olaf	0	1	Jensson, Einar Hjalti	2349
2057	Pollmann, Sascha	0	1	Hreinsson, Hlidar	2229
2033	Bart, Simon	0	1	Teitsson, Magnus	2197

Sveit Hugins er nú í þrettánda sæti með 4 stig og 12,5 vinning.

Á morgun teflir Huginn við frönsku sveitina Cercle d'Echecs de Bois Colombes sem er áþekk Huginssveitinni að styrkleika. Þá sveit skipa:

 

1	Amin, Bassem	GM	EGY	2638
2	Cornette, Matthieu	GM	FRA	2548
3	Kazakov, Mikhail	GM	UKR	2490
4	Dionisi, Thomas	FM	FRA	2392
5	Metzger, Clement		FRA	2215
6	Plane, Boris		FRA	2057

Góðar vefslóðir

• Heimasíða mótsins
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar (mótssíða - mjög óstöðug)

EM: Pistill frá 2. umferð

Vigfús Ó. Vigfússon, liðsstjóri og varamaður sveitar Skákfélagsins Hugins hefur skrifað pistil frá 2. umferð EM skákfélaga. Þar segir meðal annars:

Þá er komið að Einari Hjalta en honum tókst að koma Shirov í stöðu sem hann kunni alls ekki við. Staða Einars Hjalta varð nokkuð snemma vænleg og það mátti sjá Shirov engjast sundur og saman mest alla skákina. Hægt hefði verið að ná miklu betri myndum af honum heldur er birst hafa á netinu af þessu tilefni því hann faldi andlitið i höndum sér hvað eftir annað meðan á skákinni stóð. Eftir að Einar vinnur peðið á d6 er staða hans unnin en þak er mikil úrvinnsla eftir og mikill tími fór í að reikna út allar leidir og gæta að því að enginn trikk væru í stöðunni. Eflaust hefði Einar Hjalti teflt mun hraðar ef hann hefði verið að tefla við venjulegan íslenskan skákmann en þegar 2700 stiga maður er fastur á önglinum þá þarf að gæta að hverju skrefi. Það saxaðist á tíma Einars svo hann var í verulegu tímahraki síðustu 5-10 leikina fyrir 40 leik. Þegar hann lék með 1 sekúndu á klukkunni varð mér ekki um sel, en sem betur fer fór þá Shirov að hugsa líka svo sigrunum var landað á vandaðan hátt. Eftir að viðureignin var afstaðin bar Shirov hlutskipti sitt með æðruleysi og var hinn viðkunnanlegasti.  

Pistilinn má nálgast í heild sinni á heimasíðu Hugins.

Viðtal við Einar Hjalta - Werder Bremen á morgun

Sigur Einars Hjalta á Alexei Shirov hefur vakið verðskuldaða athygli úti í hinum stóra skákheimi enda um að ræða glæsilega skák að hálfu Einars Hjalta. Peter Doggers tók við hann viðtal á fyrir heimasíðu mótsins sem finna má hér.

Einnig má finna viðtal við Robin Van Kampen, annan liðsmann Hugins sem gerði í dag jafntefli við Alexander Grischuk, fjórða stigahæsta skákmann heims. Van Kampen er meðal annars spurður afhverju hann sé að tefla með íslenskum klúbbi en ekki hollenskum!

Á morgun teflir Huginn við þýska klúbbinn Werder Bremen. Eins og í öllum alvöru þýskum lið er einn doktor í liðinu. Hugsinsmenn eru heldur sterkari á pappírnum.

Eftirtaldir skipa lið Werder Bremen:

Bo.	Player	T	Fed	FRtg
1	Meins, Gerlef	IM	GER	2448
2	Buchal, Stephan	FM	GER	2305
3	Asendorf, Joachim, Dr.	FM	GER	2312
4	Steffens, Olaf	FM	GER	2269
5	Krallmann, Matthias	FM	GER	2259
6	Pollmann, Sascha		GER	2057
7	Bart, Simon		GER	2033

 

Sumarmót Fischerseturs haldið í annað sinn

 

Laugardagskvöldið síðasta fór fram sumarmót Fischerseturs í annað sinn, að hausti reyndar, sem hafði þó ekki teljanleg áhrif á taflmennsku þeirra 30 keppenda sem tóku þátt. Tefld var hraðskák með sjö mínútna umhugsunartíma og voru keppendur Norðurlandamóts barnaskóla sem fram fór þessa helgi á Hótel Selfossi fjölmennir. 

 

Hart var barist eins og gefur að skilja og góðir tilburðir í anda Fischers svifu á stundum yfir borðum.  Það fór svo að sigur hafði hinn danski, Jacob Brorsen, hann sigraði landsliðskonuna Lenku Ptacnikova í hreinni úrlitaskák af nokkru öryggi, Lenka varð síðan önnur og Jón Trausti Harðarson þriðji.  Jacob fær því nafn sitt letrað á farandbikar nokkurn fyrir neðan nafn Helga Ólafssonar stórmeistara sem vann mótið í fyrra.

Myndaalbúm (MM)

Einar Hjalti vann Alexei Shirov!

 

Einar Hjalti Jensson (2349), Skákfélaginu Hugin, gerði sér lítið fyrir og sigraði lettneska ofurstórmeistarann Alexei Shirov (2701) rétt í þessu á EM landsliða. Glæsileg skák að hálfu Einars Hjalta! Hugin tapaði viðureigninni 2-4 en Jones (2664) og Van Kampen (2637) gerðu jafntefli við Karjakin (2777) og Grischuk (2789) en aðrar skákir töpuðust.

 

Nánar verður sagt frá gangi mála á EM í kvöld. Skákin Einars og Shirov fylgir með sem viðhengi.

Góðar vefslóðir

• Heimasíða mótsins
• Chess24 (mjög góðar beinar útsendingar)
• Úrslitaþjónusta
• Beinar útsendingar (mótssíða - mjög óstöðug)

[Event "30th ECC Open 2014"] [Site "Bilbao ESP"] [Date "2014.09.15"] [Round "2"] [White "Jensson, Einar Hjalti"] [Black "Shirov, Alexei"] [Result "*"] [ECO "B30"] [PlyCount "93"] [EventDate "2014.??.??"] [WhiteClock "0:00:54"] [BlackClock "0:03:57"] 1. e4 c5 2. Nf3 d6 3. Bb5+ Nc6 4. Nc3 e5 5. d3 Nf6 6. h3 Be7 7. O-O O-O 8. Bc4 Be6 9. Bg5 Nd7 10. Bxe7 Qxe7 11. Nd5 Bxd5 12. Bxd5 Nb6 13. c3 Nxd5 14. exd5 Nb8 15. Qb3 b6 16. Rae1 Nd7 17. Nd2 f5 18. f4 Qf6 19. Qa4 Rf7 20. Nc4 Rd8 21. Qc6 exf4 22. Re6 Qg5 23. Nxd6 Rff8 24. Nc4 Qg3 25. Rf3 Qh4 26. d6 Nf6 27. Re7 Rc8 28. Qb7 Rb8 29. Qxa7 b5 30. Ne5 Ra8 31. Qb7 Rxa2 32. Rxg7+ Kh8 33. Rf1 Qh5 34. Qe7 Raa8 35. Rf7 Rxf7 36. Nxf7+ Kg8 37. Qxf6 Qxf7 38. Qg5+ Qg6 39. Qe7 Re8 40. Qc7 Re2 41. Qc8+ Kg7 42. Qb7+ Kh6 43. Qf3 Rd2 44. d7 Qg5 45. Qd5 f3 46. Qxf3 b4 47. h4 *

Huginn teflir við ofursveit

 

 

Önnur umferð EM taflfélag hefst núna kl. 13. Huginn mætir þar rússnesku ofursveitinni Malakhite, sem er þriðja stigahæsta sveit mótsins. Á efstu borðunum tefla Karjakin, Grischuk, Leko og Shirov! Hægt er að fylgjast með viðureign Hugins á Chessbomb og hér má sjá beinar slóðir á skákirnar að skák Leko og Þrastar undanskyldri en hún birtist ekki.

 

 

Skákir dagsins

• Karjakin (2777) - Jones (2664)
• Van Kampen (2637) - Grischuk (2789)
• Leko (2734) - Þröstur (2437) (birtist ekki)
• Einar Hjalti (2349) - Shirov (2701)
• Malakhov (2696) - Hlíðar (2269)
• Magnús (2197) - Lysyj (2684)

Góðar vefslóðir

• Heimasíða mótsins
• Chess24 (mjög góðar beinar útsendingar)
• Úrslitaþjónusta
• Beinar útsendingar (mótssíða - mjög óstöðug)

Haustnámskeið Skákskóla Íslands byrja í vikunni

Haustnámskeið Skákskóla Íslands 

hefjast vikuna 15. - 21. september

10 vikna námskeið

Úrvalsflokkar

Úrvalsflokkar eru ætlaðir nemendum sem hafa 1400 ELO-stig eða meira. Foreldrar eða forráðamenn taflfélaga geta sótt um og eru hvattir til að sækja um þjálfun og kennslu fyrir börn og unglinga. Helgi Ólafsson, Davíð Ólafsson, Hjörvar Steinn Grétarsson eru meðal þeirra sem hafa séð um þessa kennslu. Þessir nemendur hafa fengið og fá einkaþjálfun hjá reyndum stórmeisturum. Skákskólinn sér um þjálfun þeirra sem tefla fyrir Íslands á hönd á alþjóðlegum mótum t.d. heimsmeistaramóti unglinga sem fram fer í Durban í Afríku í september og Evrópumóti ungmenna í  Batumi í Georgíu sem hefst í október nk.     

Framhaldsflokkar

Þessir flokkar eru ætlaðir krökkum sem þegar hafa öðlast nokkra reynslu í keppnum eða jafnvel t.d. með skólaliðum og vilja auka við styrk sinn. Nýjasti stórmeistari Íslendinga Hjörvar Steinn Grétarsson og Björn Ívar Karlsson sem báðir eru þrautreyndir skákkennarar munu sjá um kennslu fyrir þennan hóp. 

Námskeiðin verða tvisvar á viku. Á laugardögum kl. 14:00-15:30  og á þriðjudögum kl. 15:30-17:00. Verð kr. 22.000.

Skákkennsla í Kópavogi

Skákskóli Íslands hefur frá haust ársins 2010 staði fyrir skákkennslu í Stúkunni á Kópavogsvelli. Skákskólinn tengist því verkefni sem Skákdeild Breiðabliks með Halldór Grétar Einarsson og Birkir Karl Sigurðsson hafa umsjón með en Helgi Ólafsson stórmeistari og skólastjóri Skákskólans mun áfram sjá um skákkennslukennslu á laugardögum fyrir þá ungu skákmenn sem þegar hafa öðlast nokkra reynslu í opinberum mótum og hafa e.t.v. ELO-stig þó það sé ekki endilega skilyrði. Foreldrar og áhugasamir aðilar geta haft samband á skrifstofu skólans og sótt sérstaklega um að fá að taka þátt í þessum tímum.

Stúlknanámskeið 7 - 12 ára

Landsliðskonurnar Hallgerður Helga Þorsteinsdóttir og Tinna Kristín Finnbogadóttur munu sjá um skáknámskeið fyrir stúlkur á aldrinum 7 - 12 ára. Námskeiðin hefjast sunnudaginn 20. september. Foreldrar stúlkna á þessum aldri eru hvattar til að mæta í fyrsta tíma sunnudaginn 20. september sem jafnframt er  kynningarfundur.  

Námskeiðin eru kl. 11 á sunnudögum. Verð kr. 14.000.

Upplýsingar um önnur námskeið á vegum skólans verða kynnt síðar.

Skráning á námskeiðin fer fram á www.skak.is. 

Nánari upplýsingar má einnig fá á skrifstofu skólans í síma 568 9141 eða í gegnum netföngin [e-mail] (skrifstofa SÍ) eða [e-mail] (Skólastjóri).

Heimasíða Skákskóla Íslands

Call

Send SMS

Add to Skype

You'll need Skype CreditFree via Skype

Álfhólsskóli fékk silfrið - Nansý og Róbert með borðaverðlaun - Norðmenn unnu

Norðurlandamóti barnaskólasveita lauk á Selfossi í dag. Skáksveit Álfhólsskóla endaði í öðru sæti eftir 2-2 jafntefli gegn Norðmönnunum í magnaðri lokaviðureign. Rimaskóli vann finnsku sveitina 4-0 og endaði í fjórða sæti. Nansý Davíðsdóttir stóð sig best fyrsta borðs manna og Róbert Luu fékk einnig borðaverðlaun fyrir árangur sinn á þriðja borði.

Viðureign Álfhólsskóla og Norðmanna var afar spennandi. Það var ljóst að sigur þyrfti að vinnast 3-1 til að Norðurlandameistaratitilinn kæmi í hús. Guðmundur Agnar vann magnað sigur á öðru borði eftir að hafa "fórnað" manni og Róbert sýndi mikinn stöðu- og skákskilning með sigri sínum á þriðja borði. Þegar á reyndi hefði einn vinningur þurft að nást til viðbótar gegn Norðmönnum og litlu mátti muna. Engu að síður frábær árangur hjá Álfhólsskóla sem náði medalínu þriðja árið í röð á þessu móti!

Lokastaðan

1. Noregur 15,5 v.
2. Álfhólsskóli 13,5 v.
3. Danmörk 12,5
4. Rimaskóli 10 v.
5. Svíþjóð 8,5
6. Finnland 0 v.

Aðstæður á Hótel Selfossi voru mjög góðar og mikil ánægja hinna erlendu keppenda með góðar aðstæður. Það er ljóst að Hótel Selfoss er frábær skákstaður og líklegt að framhald verði á frekara mótahaldi þar í haust á vegum SÍ.

Í gær tók hópurinn þátt á í skákmóti á Fischer-setrinu í umsjón Skákfélags Selfoss og nágrennis og hluti hópsins fór Gullna hringinn. 

Skákstjórn önnuðust Steinþór Baldursson, Gunnar Björnsson og Stefán Steingrímur Bergsson. 

• Heimasíða mótsins
• Chess-Results
• Myndaalbúm (GB og SSB)

EM: Öruggur sigur Hugins á írskri sveit - ofursveit á morgun

EM taflfélaga hófst í dag í Bilbaó á Spáni. Ein íslensk sveit tekur þátt en það er sveit frá Skákfélaginu Hugin. Öruggur sigur vannst á írskri sveit í dag, 5,5-0,5. Andstæðingarnir verða ekki að verra taginu á morgun eða ofursveit frá Rússlandi sem hefur meðal annars Grischuk og Karjakin innanborðs. Vigfús Ó. Vigfússon, liðsstjóri og varamaður Hugins-sveitarinnar hefur sent Skák.is smá pistil. Í hann vantar íslenska stafi. Beðist er velvirðingar á því.

Vid tefldum I dag vid Irskan klubb Adare Chess Club sem er nr. 47 i styrkleikarodinni en vid nr. 21 svo I fyrstu umferd vorum vid a bordi 21. Their eru med althjodlegan meistara a fyrsta bordi en hinir I kringum 2000 stigin. Okkur syndis fyrir umferina ad their vaeru dalitid fyrir tefla upp a gambita og trikk. Thad kom lika a daginn ad upp komu spennandi stodur a flestum bordum. Throstur fordadist allt slikt og silgdi skakinni yfir I thaegilega stodu vann ped og endtaflid vann hann orugglega. Thad var oneitanlega gott ad hafa einn oruggan vinning a bordinu mest allan timann. Hinar skakirnar ssnerust svo okkur I vil thegar leid a vidureignirnar nema hja Hlidari sem tefldi lensgstu skakina og reyndi mikid ad kreista vinning ur jafnteflisstodu med ped yfir i hroksendatafli en an arangurs svo nidurstadan vard godur sigur 5,5v gegn 0,5v.

A morgun bidur okkar strembin vidureign vid 3 stigahaestu sveitina Malakhite. Thar eru engir aukvisar eda Karjakin, Grischuk, Leko, Shirov, Malahkov, Motylev, Lysyj og Bologan. Thvi er oneitanleg ekki ad neita ad nokkur eftirvaenting er I okkar monnum ad maeta thessari sveit og munumm vid gera okkar besta. Lidid verdur obreytt a morgun.

Adstaedur a keppnisstad eru agaetar nema ad thvi leti ad ekki er haegt ad fa neit ad borda a sjalfum keppnisstadnum en nog er ad drekka. Adstada fyrrir keppendur til ad studera er svo I naesta husi.

Umferð morgundagsins byrjar kl. 13. Myndir eru væntanlegar.

• Heimasíða mótsins
• Úrslitaþjónusta
• Beinar útsendingar