Caruana og Gelfand hlutskarpastir í Baku

Boris Gelfand og Fabiano Caruana enduðu jafnir í efsta sæti Grand Prix mótsins í Baku. Báðir gerðu þeir jafntefli í lokaumferðinni.

Næstu keppinautar náðu ekki að vinna sínar skákir og í raun var Alexander Grischuk sá eini sem vann skák í lokaumferðinni en hafði ekki tök á að ná þeim félögum.

Úrslit eru hér

Mótstaflan.

Dagur endaði í þriðja sæti

Milljónaskákmótinu lauk með glæsibrag í nótt með hinum svokallaða "Millionaire Monday". Keppendur sem unnu sér rétt í 4-manna úrslitum bæði í opnum flokki og ýmsum stigaflokkum kepptu þá til úrslita.

Dagur átti möguleika á að vinna fyrstu verðlaun sem voru heilir 40.000 dolllarar. Dagur missteig sig hinsvegar í undanúrslitum gegn Ronald Burnett og keppti um 3. sætið.  Þar mætti hann David Kharatossian og jarðaði Armenanann og tryggði sér verðlaunafé upp á 10.000 dollara. Glæsilegur árangur hjá Degi

Í aðalmótinu tryggði Wesley So sér sigur eftir harða baráttu en í úrslitarimmunni tefldi hann gegn Ray Rboson sem hafði lukkudísirnar á sínum snærum seinni part móts. Sigurinn tryggði Wesley hvorki fleiri né færri en 100.000 Bandaríkjadali og sæti á topp 10 listanum í heiminum.

Mótið heppnaðist að mestu leiti vel ef frá er skilin slök upplýsingagjöf til alþjóðlegra aðdáenda lengst af móts. Vonandi verður þetta mót endurtekið og þá er hægt að bæta þessa einföldu hluti.

Flestir íslensku keppendanna stóðu sig með sóma og Hermann Aðalsteinsson fékk m.a. verðlaun í sínum flokki þó þau hafi aðeisn dugað upp í þátttökugjald mótsins. Björn Þorfinsson og Ólafur Kjartansson þurftu aðeins örlitla aðstoð frá heilladísum og þá hefðu þeir einnig átt möguleika á að tefla upp á há verðlaun.

Aron sigurvegari á Bikarsyrpu #2

Aron Þór Mai úr T.R. sigraði á öðru móti Bikarsyrpunnar í gærkvöld. Hann bar þá sigurorð af Guðmundi Agnari Bragasyni í baráttuskák og endaði með 4.5 vinning af 5 mögulegum. Jafn honum að vinningum varð Mikhailo Kravchuk T.R. en þeir gerðu einmitt innbyrðis jafntefli. Mikhailo vann fyrsta mótið í syrpunni en varð að gera sér annað sætið að góðu á stigum að þessu sinni.

Alec Elías Sigurðarson úr Hugin og Jón Þór Lemery úr T.R. komu svo hnífjafnir í mark í þriðja til fjórða sæti með fjóra vinninga. Þrefaldur stigaútreikningur dugði ekki til að gera upp á milli þeirra, og því hljóta þeir báðir bronsið!

 Þriðja mótið fer fram eftir áramótin en Taflfélaginu ber að hrósa fyrir þetta frábæra framtak.

Caruana og Gelfand efstir fyrir lokaumferð

Eftir tvö töp í síðustu þrem umferðunum, þar sem hann tapaði m.a. gegn Alexander Grischuk (2797) í 9. umferð, tókst Fabiano Caruana að rétta úr kútnum þegar hann mætti Kúbverjanum Leinier Dominguez (2751), sem sjálfur hafði tapað síðustu tveim skákum sínum.

Boris Gelfand (2748) hefur elt Fabiano eins og skuggi allt mótið og sá enga ástæðu til að breyta því í gær. Boris, sem er frá Ísrael, hefur ýmsa fjöruna gengið og sjóinn sopið eins og landskunnur bílasali komst svo faglega að orði. Hann mætti heimamanninum Teimour Radjabov (2726) í dag og vann léttilega í 28 leikjum.

Fabiano og Boris deila nú efsta sætinu, báðir með 6 vinninga af 10. Fabiano verður að teljast afar líklegur til að vinna mótið, enda mætir hann Evgeny Tomashevsky (2701) í lokaumferðinni á meðan Boris þarf að gíma við hinn grjótharða Peter Svidler (2732).

Evgeny Tomashevsky (2701) vann sína fyrstu skák í mótnu þegar hann mætti Caruana-bananum Dmitry Andreikin (2722). Tomashevsky sótti hart þegar Dmitry var í miklu tímahraki og tókst að vinna þrú peð áður en 40 leikjum var náð. Dmitry var nóg boðið og gafst upp í 41. leik.

Alexander Grischuk er greinilega í banastuði eftir sigurinn gegn Fabiano í 9. umferð og straujaði fyrrv. FIDE heimsmeistaran Rustam Kasimdzhanov (2706), sem sá sig nauðbeygðan til að gefast upp eftir 33 leiki.

Lokaumferðin fer fram í dag og hefst á tíma sem hentar hörðum morgunhönum eða 08:00 að íslenskum tíma!!

Fylgjast má með á Chess24 og ChessBomb

Lenka með sigur

Henrik gerði stutt jafntefli við Íslandsvininn Rozentalis í fjórðu umferð á opnu móti í Köge í Danmörku. Henrik hefur þrjá vinninga að loknum þessum fjórum umferðum.

Opni flokkurinn

Lenka teflir í lokuðum kvennaflokki og er fjórði stigahæsti keppandinn. Lenka vann sinn þriðja sigur í röð í dag með snaggaralegum sigri í Grand Prix árásinni.

Kvennamótið

Bæði eru þau í öðru sæti í sínum mótum og standa vel að vígi.

[Event "Koge 2014"] [Site "?"] [Date "2014.10.13"] [Round "?"] [White "Ptacnikova, Lenka"] [Black "Baliuniene, Margarita"] [Result "1-0"] [ECO "B23"] [Annotator "Johannesson,Ingvar"] [PlyCount "43"] [SourceDate "2014.10.13"] 1. e4 c5 2. Nc3 d6 3. f4 Nc6 4. Nf3 g6 5. Bb5 Bd7 6. Bc4 e6 7. O-O Bg7 8. d3 Nge7 9. f5 gxf5 10. Ng5 Ne5 11. Qh5 N7g6 12. exf5 exf5 13. Bd5 Qb6 14. Kh1 O-O-O 15. a4 a5 16. Ra3 Qc7 17. Rb3 Bc6 18. Bxc6 Qxc6 19. Rxf5 Rde8 20. Qh3 Ng4 21. Qxg4 Re1+ 22. Rf1+ 1-0

Dagur teflir um 10.000 dollara í nótt

Dagur Arngrímsson tapaði einvígi sínu við Ronald Burnett eftir að hafa haft mjög vænlega stöðu.

Dagur mun tefla upp á 3. sætið en þar eru í boði 10.000 dollarar. Tapi Dagur þarf hann þó ekki að örvænta þar sem 4. verðlaun eru 5.000 dollarar.

Í aðalmótinu mætast Wesley So og Ray Robson í úrslitum en sá síðarnefndi hefur heldur betur haft heppnina með sér og "grísað sig máttlausan" eins og þeir reyndari í bransanum myndu segja.

Úrslitin og keppni um sæti hefjast klukkan 12:00 á miðnætti sýnist okkur.

Herlegheitin eru bent á Chess24 eða á heimasíðu mótsins hér.

Davíð eykur forskotið á Haustmótinu

Davíð Kjartansson jók forskot sitt á toppi A-flokks í dag með sigri á alþjóðlega meistaranum Sævari Bjarnasyni. Á sama tíma varð Oliver að láta sér lynda jafntefli gegn Þorsteini Þorsteinssyni. Davíð hefur nú 5,5 vinning þegar tvær umferðir eru eftir, en Oliver er sem fyrr í 2.sæti heilum vinningi á eftir Davíð. Þorsteinn Þorsteinsson er jafn Oliver að vinningum með 4,5 vinning.

Í B-flokki er spennan mikil. Björn Hólm Birkisson gerði jafntefli í dag við Halldór Garðarsson í spennandi skák þar sem Björn Hólm sýndi hve úrræðagóður hann er við skákborðið er hann bjargaði nánast töpuðu tafli í jafntefli. Á sama tíma unnu Christopher Vogel og Damia Benet Morant sínar skákir. Björn Hólm, Damia og Christopher eru því efstir og jafnir með 5 vinninga. Í næstu umferð mætast svo Christopher og Björn Hólm.

Í C-flokki bar það helst til tíðinda að Bárður Örn Birkisson varð að láta sér lynda jafntefli í skák sinni við Hjálmar H. Sigurvaldason. Er það fyrsta skákin sem Bárður Örn vinnur ekki í mótinu. Bárður er sem fyrr efstur með 6,5 vinning en Felix Steinþórsson kemur næstur með 5,5 vinning. Þeir Bárður og Felix munu mætast í síðustu umferð mótsins í skák sem gæti ráðið úrslitum í C-flokki.

Ólafur Evert Úlfsson heldur áfram sigurgöngu sinni í D-flokki en hann lagði Kristófer Halldór Kjartansson í dag. Ólafur Evert hefur fullt hús en heilum vinning á eftir honum kemur Arnþór Hreinsson með 6 vinninga. Í þriðja sæti er Aron Þór Mai sem hefur teflt vel og stefnir allt í að hann hækki verulega á skákstigum eftir mótið.

Skákir 7.umferðar eru aðgengilegar hér.

Næsta umferð Haustmótsins og sú næstsíðasta fer fram á miðvikudagskvöldið og verða klukkur settar í gang klukkan 19:30.

Dagur í beinni í Vegas

Dagur Arngrímsson teflir á "Millionare Monday" sem fer fram í þessum töluðu orðum í Las Vegas. 

Dagur teflir í u/2499 stiga flokki og hefur þegar tryggt sér að lágmarki 5.000$.

Teflt er skv. útsláttarfyrirkomulagi, en fyrst eru tefldar tvær 25 mínútna skákir. Dugi það ekki til eru tefldar tvær 15 mínútna skákir og svo tvær hraðskákir til þrautarvara. 

Dagur mætir Ronald Burnett (2357) í fyrri lotunni og sigurvegarinn mætir svo sigurvegara úr hinu einvíginu í úrslitum um efsta sætið.

Svo virðist sem Dagur hafi unnið fyrri skák sína - Þó með fyrirvara um að úrslitin séu rétt skráð. 

 

Teflt er um stórar fjárhæðir:

2350-2499

1. sæti – $40,000
2. sæti – $20,000
3. sæti – $10,000
4. sæti – $5,000 

• Bein útsending á Chess24

Dagur í 4-manna úrslit í kvöld

Dagur Arngrímsson gerði sér lítið fyrir og komst í 4-manna úrslit á Milljónamótinu í Las Vegas í sínum flokki. Dagur stóð sig vel í opnum flokki og var á meðal 7 keppenda í stigaflokknum 2350-2499 sem fengu 4 vinninga. Einn keppandi varð ofar og fór beint í lokaúrslitin en þessir sjö þurftu að keppa innbyrðis um þrjú laus sæti í lokaúrslitunum.

Samkvæmt upplýsingum frá Hermanni Aðalsteinssyni vann Dagur tvær af þremur 15-míntúna skákum og vann svo tvær hraðskákir og tryggði sig áfram. Þeta milljónamót hefur gert margt gott en upplýsingaflæði er ekki eitt af þeim. Nánast er vonlaust að fylgjast með öðrum flokkum en efsta flokknum sem sýndur er í beinni útsendingu. Mjög stór mínús í kladdann að geta hvorki notað heimasíðuna, twitter né chess-results til að miðla upplýsingum til fólks sem vill fylgjast með.

Dagur er því öruggur með að fá allavega 5.000 dollara í verðlaun en hann er með stigahærri mönnum í þessum úrslitum og miðað við undankeppnina er hann til alls líklegur og gæti komið heim með 40.000 dollara ef allt gengur að óskum!

Beinar útsendingar af skákunum virðast ekki í boði en bein útsending þar sem skákir í efsta flokki eru skýrðar má nálgast á millionairechess.com og chess24.com. Vonandi verður eitthvað hægt að fylgjast með en fókusinn virðist nánast eingöngu á opna flokkinn.

 

Viðbót (bætum hér við lýsingu Björns Þorfinnssonar á gærdeginum):

"Ótrúlegur Dagur í gær! Með því að ná jafntefli með epískri baráttu gegn GM Matamoros þá komst Dagur Arngrímsson í sjö manna bráðabanakeppni um þátttökurétt í Million Dollar Monday (í flokki 2350-2499). Dregið var í tvo hópa (4 manna og 3 manna) og teflt lítið mót, allir við alla. Efstu menn í hvorum hópi tryggðu sér þáttökurétt en annað sæti myndi þýða annan bráðabana gegn þeim sem lenti í öðru sæti í hinum hópnum. Andstæðingur Dags í fyrstu umferð áttaði sig ekki á því að hann hefði komist í úrslit og mætti ekki til leiks (sem í sjálfu sér er rosalegt). Næsta skák var hrikalega spennandi og var gegn IM Mandizha frá Zimbabwe. Það hallaði á Dag til að byrja með en hann sneri svo skákinni sér í hag í lokin og vann frábæran sigur. Í síðustu skákinni dugði Degi jafntefli gegn bandarískum IM og var á góðri leið með að sigla því í hús þegar katastrófa átti sér stað og hann lék af sér skákinni í einum leik. Hrikalegt að sjá og það fór um okkur alla Íslendinganna. Það þýddi aðeins eitt, meiri taugaspennu. Þá var bara að bíta í skjaldarrendur og fara í gegnum annan bráðabana. Andstæðingurinn var strembinn, bandarískt barn með 2380 af kínverskum ættum. Minni menn hefðu bugast eftir afleikinn í síðustu skák en Dagur mætti þvílíkt ákveðinn til leiks og gjörsamlega jarðaði piltinn 2-0 í hraðskákinni. Million Dollar Monday it is! Úrslitin byrja kl.18 á íslenskum tíma, fylgist með!"

Dagur í úrslitakeppni í Vegas!

Dagur Arngrímsson er búinn að eiga gott mót á Milljónamótinu og búinn að gera jafntefli við fjóra stórmeistara. Þessi árangur hefur skilað honum í úrslitakeppni um sæti á "Millionaire Monday" þar sem keppt er um 1. verðlaun í hans stigaflokki sem eru hvorki meira né minna en 40.000 dollarar!

Við óskum Degi góðs gengis.

 Uppfært: Alls eru 7 keppendur sem eru að tefla um 3 laus sæti í 4-manna úrslitunum á mánudeginum.

Bein útsending