Skákþáttur Morgunblaðsins: Huginn leiðir eftir fyrrihluta Íslandsmótsins

Eftir fyrri hluta Íslandsmóts skákfélaga sem fram fór í Rimaskóla um síðustu helgi er viðbúið að baráttan um Íslandsmeistaratitilinn verði hörð og muni standa á milli þriggja efstu liða, Hugins, Taflfélags Reykjavíkur og Taflfélags Vestmannaeyja. Tíu lið eru í efstu deild og staðan er þessi: 1. Skákfélagið Huginn 28½ v. 2. Taflfélag Reykjavíkur 28 v. 3. Taflfélag Vestmannaeyja v 27½ v. 4. Skákdeild Fjölnis 23 v. 5. Taflfélag Bolungarvíkur 21½ v. 6. Huginn (b-sveit) 18½ v. 7. Skákfélag Akureyrar 18 v. 8. Víkingaklúbburinn 12½ v. 9. Skákfélag Reykjanesbæjar 12 v. 10. Skákfélag Íslands 11 v.

Sveitir Taflfélag Reykjavíkur standa vel að vígi á öllum neðri deildunum, Í 2. deild er b-sveitin félagsins efst, í 3. deild er leiðir c-sveitin og í 4. deild er d-sveit TR í efsta sæti.

Efstu liðin í 1. deild eru búin að mætast innbyrðis í 1. deildinni þannig að úrslitin snúast um það hversu mörgum vinningum þau sanka að sér á lokasprettinum. Skákfélagið Huginn, sem tapaði fyrir Taflfélagi Vestmannaeyja í 3. umferð, nýtur þess að vera með b-lið í keppninni og góðan mannskap. Þegar a- og b-liðið mættust í 1. umferð voru meðalstig b-liðsmanna 1.854 elo-stig en hækkuðu svo snarlega í næstu umferð upp í 2.218 elo-stig. Hinn ungi og efnilegi Hilmir Freyr Heimisson vann raunar þrautreyndan Kristján Eðvarðsson á 6. borði en önnur úrslit voru eftir bókinni og niðurstaðan 7:1, A-liðinu í vil. Ungu skákmennirnir stóðu sig almennt vel á Íslandsmótinu og af eldri skákmönnum er það helst að segja að gömul kæti greip menn þegar Margeir Pétursson gekk í salinn til að tefla tvær skákir fyrir sitt gamla félag, Taflfélag Reykjavíkur, seiglaðist í erfðri vörn á móti „Shirov-bananum" Einar Hjalta og vann að lokum. Jóhann Hjartarson, tefldi vel gegn Kanadamanninum Eric Hansen og gaman var að sjá búlgarska stórmeistarann Ivan Cheparinov að tafli fyrir Hugin í Rimaskólanum. Alltaf dáist maður að þrautseigjunni og þeirri tryggð við heimahagana sem ríkir innan Skákfélags Akureyrar. Gylfi Þórhallsson hefur verið með í nánast hverri umferð frá fyrstu keppninni haustið 1974 og félagar hans og máttarstólpar í liðinu missa vart úr skák þessi misserin. Norðanmenn hafa líka innan sinna vébanda einn efnilegasta skákmann landsins sem hækkaði um tæplega 70 elo stig þessa helgi og vann kunnan skákmeistara í 5. umferð:

Árni Ármann Árnason (Bolungarvík) - Jón Kristinn Þorgeirsson (Akureyri )

Drottningarbragð

1. d4 Rf6 2. Rf3 e6 3. c4 d5 4. cxd5 exd5 5. Bg5 c6 6. Dc2 Be7 7. e3 Re4 8. Bxe7 dxe7 9. Bd3 f5 10. Rc3 0-0 11. 0-0 Be6 12. Re5 Rd7 13. f4 Hf6 14. Ra4 Rxe5 15. fxe5 Hg6 16. Hab1

Af hverju ekki 16. b4 strax, t.d. 16. ...Dxb4 17. Bxe4 dxe4 18. Rc5 sem hótar m.a. 19. Hab1.

16. ... Dg5 17. De2 h5 18. b4 h4 19. Bxe4

Opnar fyrir biskupinn á e6 en svartur hótaði 19.... Rg3.

19.... fxe4 20. Hf4 Bh3 21. Hf2 Bg4 22. Dd2 Bf3 23. Kh1?

Betra var sennilega 23. Rc3. Nú hristir Jón Kristinn fram úr erminni magnaða fléttu.

23.... Dxg2+! 24. Hxg2 h3!

Eftir þennan óvænta „millileik" sá Árni síma sæng uppreidda. Hann getur þó varist með 25. Kg1 sem má svara með 25.... Bxg2! 26. De1 Hf8 með áframhaldandi sókn, t.d. 27. Hb2 Hf5 o.s.frv.

25. De1? Hxg2 26. Rc5 Hg6 mát.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 11. október 2014

Skákþættir Morgunblaðsins

Oliver og Símon byrja vel á EM ungmenna

Fyrsta umferð EM ungmenna fór fram í dag í Batumi í Georgíu. Oliver Aron Jóhannesson (2192) og Símon Þórhallsson (1796) byrja vel. Oliver Aron vann en Símon gerði jafntefli við andstæðing sem var 400 stigum hærri. Dagur Ragnarsson (2154) og Gauti Páll Jónsson (1739) töpuðu. Oliver verður á beinni á morgun en þá teflir hann við stigahæsta keppendann í sínum flokki.

Úrslit fyrstu umferðar (hægt að stækka með því klikka á mynd)

Röðun annarrar umferðar:

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Dagur og Oliver eru þrautreyndir á slíkum mótum en Símon og Gauti eru að há frumraun sína.

Dagur er nr. 42 í stigaröð 62 keppenda. 

Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar

EM ungmenna hefst í dag

EM ungmenna hefst í dag í Batumi í Georgíu. 989 skákmenn frá 43 löndum taka þátt. Fulltrúar Íslands eru fjórir að þessu sinni. 

Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Dagur og Oliver eru þrautreyndir á slíkum mótum en Símon og Gauti er að há frumraun sína.

Dagur er nr. 42 í stigaröð 62 keppenda. 

Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

Röðun fyrstu umferðar:

Enginn þeirra verður í beinni útsendingu í fyrstu umferð en umferðin átti að hefjast nú kl. 11.

• Heimasíða mótsins
• Chess-Results
• Beinar útsendingar

Hraðskákmót TR fer fram í dag

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 19. október kl. 14:00. Tefldar verða 2x7 umferðir eftir Swiss kerfi og er umhugsunartími 5 mínútur á skák. Mótið er vel jafnan sótt, en yfir fjörutíu þátttakendur voru með í fyrra.

Þátttökugjald kr 500 fyrir 16 ára og eldri, en frítt fyrir 15 ára og yngri. Verðlaun fyrir þrjú efstu sætin.

Að loknu hraðskákmótinu fer fram verðlaunaafhending fyrir Haustmót Taflfélags Reykjavíkur.

Núverandi Hraðskákmeistari TR er Daði Ómarsson.

Lenka vann í lokaumferðinni - Henrik tapaði

Lokaumferð Xtracon-mótsins í Köge fór fram í dag. Henrik Danielsen (2490) tapaði fyrir brasilíska stórmeistarann Alexandr Fier (2589). Henrik hlaut 5½ vinning og endaði í 9.-16. sæti. Fier þessi og tékkneski stórmeistarinn Peter Prohaszka sigruðu á mótinu en þeir hlutu 7 vinninga. Frammistaða Henriks samsvaraði 2527 stigum og hækkar hann um 10 stig fyrir hana.

Opni flokkurinn

Lenka Ptácníková (2265) vann rússnesku skákkonuna Ilena Krasenkova (2067) í lokaumferðinni. Lenka hlaut 5 vinninga og endaði í 4.-5. sæti. Rússneska skákkonan Karina Ambartsumova (2278) sigraði á mótinu en hún hlaut 7 vinninga. Frammistaða Lenku samsvaraði 2234 skákstigum og lækkar hún um 6 stig fyrir hana.

Kvennamótið

Beinar útsendingar (báðir flokkar)

 

Davíð sigurvegari Haustmóts TR - Þorvarður skákmeistari TR

Lokaumferð Haustmóts Taflfélags Reykjavíkur fór fram í gærkveldi. Davíð Kjartansson (2331) gerði jafntefli við Kjartan Maack (2131) og varð öruggur sigurvegari mótsins hlaut vinningi meira en Þorsteinn Þorsteinsson og Þorvarður F. Ólafsson sem urðu í 2.-3. sæti. Þorvarður varð skákmeistari TR sem efsti félagsmaður.

Lokastaðan í a-flokki

Chess-Results

 

B-flokkur

Spænski skiptineminn Damia Benet Morant (2058) sigraði í flokknum en hann hlaut 7 vinninga. Í 2.-3. sæti með 6,5 vinning urðu Björn Hólm Birkisson (1655) og Christopher Vogel (2011).

Damia fær keppnisrétt í a-flokki að ári - verði hann enn á landinu!

Chess-Results

C-flokkur

Bárður Örn Birkisson (1636) sigraði í flokknun en hann fékk 8 vinninga. Felix Steinþórsson (1549) varð annar með 7 vinninga en þessir tveir voru í nokkrum sérflokki. Jóhann Arnar Finnsson (1399) varð þriðji með 5,5 vinning.

Bárður Örn fær keppnisrétt í b-flokki að ári.

Chess-Results

D-flokkur

Ólafur Evert Úlfsson (1430) hafði mikla yfirburði í d-flokki og vann allar skákir sínar níu að tölu. Arnþór Hreinsson (1295) varð annar með 7 vinninga. Aron Þór Mai (1274) og Alex Cambrey Orrason (1580) urðu í 3.-4. sæti með 6 vinninga.

Ólafur Evert fær keppnisrétt í c-flokki að ári.

Röð efstu manna

Chess-Results 

Á morgun, sunnudag, fer fram Hraðskákmót TR. Að því loknu fer fram verðlaunaafhending beggja móta.

Heimasíða TR

Róbert sigraði á fyrsta móti Hróksins og Stofununnar

Róbert Lagerman sýndi afhverju hann er kallaður skákljónið, þegar hann sigraði á sterku og afar skemmtilegu hraðskákmóti, sem Stofan Café og Hrókurinn stóðu fyrir á fimmtudagskvöld. Kaffihúsataflmennska var í hávegum höfð, enda tilmæli skákstjóra að mjög æskilegt væri að fórna liði í hverri einustu skák.

Skákmenn úr öllum áttum mættu til leiks á fyrsta hraðskákmótið sem Stofan Café og Hrókurinn standa fyrir. Ritstjórn Hróksins mætti með næstum fullmannað lið, og sérstakt ánægjuefni að Kári Elísson var meðal keppenda.

,,Sálarlausi peðamorðingi!" heyrðist muldrað yfir þessari skák Kára Elíssonar og Hrafns Jökulssonar. Jafntefli varð niðurstaða eftir darraðardans.

Einstaklega góður andi sveif yfir vötnum, og var liði fórnað í stórum stíl í mörgum skákum. Markmið Hróksins og Stofunnar tókst sannarlega: Að bjóða til alvöru kaffihúsaskákmóts.

Skákljónið lék ekki bara listir sínar á skákborðinu, Róbert var líka skákstjóri (enda með alþjóðleg dómararéttindi) og eggjaði menn til að tefla af dirfsku: Munið hvar við erum - það er skylda að fórna!

Það hefur hinsvegar aldrei þurft að brýna Róbert til að tefla djarft, og hann landaði sigri á mótinu, fékk 6,5 vinning af 8.

Ómissandi gleðigjafar á öllum betri skákmótum: Ingvar Þór og Jón Gunnar taka saman höndum.

Róbert fékk í sigurlaun gjafabréf frá Stofunni og auk þess kaffikort sem tryggir honum 10 bolla af besta kaffinu í bænum. Gunnar Björnsson hreppti silfrið, sjónarmun á undan Ólafi B. Þórssyni, en báðir fengu þeir 5,5 vinning. Forseti Skáksambandsins fékk gjafabréf og kaffikort í verðlaun.

Þá var efnt til happdrættis meðal keppenda og þar datt Ingvar Þór Jóhannesson í lukkupottinn. Ingvar Þór, sem var stigahæsti keppandi mótsins, hafði verið mjög örlátur við andstæðinga sína á mótinu og var því vel að happdrættisvinningnum kominn.

Í stuttu máli sagt: Dúndrandi skemmtilegt kvöld á Stofunni.

Sæti	Nafn	Skákstig	Vinningar
1	Róbert Lagerman	2305	6,5
2-3	Gunnar Björnsson	2070	5,5
2-3	Ólafur B. Þórsson	2200	5,5
4-6	Stefán Þór Sigurjónsson	2145	5
4-6	Hörður Aron Hauksson	1800	5
4-6	Stefán Arnalds	2000	5
7-8	Kári Elíson	2006	4,5
7-8	Hrafn Jökulsson	1800	4,5
9-10	Einar Valdimarsson	1880	4
9-10	Ingvar Þór Jóhannesson	2375	4
11-13	Gísli Hrafnkellsson	1700	3
11-13	Jón Gunnar Jónsson	1700	3
11-13	Arnór Hreinsson	1560	3
14	Sindri Guðjónsson	1895	2,5
15	Sigurður E. Kristjánsson	1825	2
16	Hjálmar Sigurvaldason	1500	1

 

Hraðskákmót TR fer fram á morgun

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 19. október kl. 14:00. Tefldar verða 2x7 umferðir eftir Swiss kerfi og er umhugsunartími 5 mínútur á skák. Mótið er vel jafnan sótt, en yfir fjörutíu þátttakendur voru með í fyrra.

Þátttökugjald kr 500 fyrir 16 ára og eldri, en frítt fyrir 15 ára og yngri. Verðlaun fyrir þrjú efstu sætin.

Að loknu hraðskákmótinu fer fram verðlaunaafhending fyrir Haustmót Taflfélags Reykjavíkur.

Núverandi Hraðskákmeistari TR er Daði Ómarsson.

Henrik og Lenka með jafntefli í gær

Áttunda og næstsíðasta Xtracon-mótsins í Köge fór fram í gær. Henrik Danielsen (2490) gerði jafntefli við pólska stórmeistarann Michal Krasenkow (2631). Henrik hefur 5½ vinning og er í 4.-9. sæti - hálfum vinningi á eftir efstu mönnum.

Opni flokkurinn

Lenka Ptácníková (2265) gerði jafntefli við dönsku skákkonuna Esmat Susanne Guindy (2062). Hún hefur 4 vinninga og er í 5.-6. sæti.

Kvennamótið

Lokaumferðin hefst kl. 11 í dag. Henrik teflir þá við brasilíska stórmeistarann Alexandr Fier (2589) en Lenka við rússnesku skákkonuna Ilena Krasenkova (2067).

Beinar útsendingar (báðir flokkar)

 

Skákþing Garðabæjar hefst á mánudaginn

Skákþing Garðabæjar hefst mánudaginn 20. október 2014.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Skráning:

Skáningarsíða mótsins eða skilaboð til Skákstjóra. 

Þegar skráðir

Umferðatafla:

• 1. umf. Mánudag   20. okt.  kl. 19.30. (B flokkur kl. 18:00)
• 2. umf. Mánudag 27. okt.  kl. 19.30  (B flokkur kl. 18:00)
• 3. umf. Mánudag 3. nóv. kl. 19.30  (B flokkur kl. 18:00)
• 4. umf. Mánudag 10. nóv. kl. 19.30  (B flokkur kl. 18:00)
• 5. umf. Mánudag 17. nóv. kl. 19.30  (B flokkur kl. 18:00)
• 6. umf. Mánudag 24. nóv. kl. 19.30  (B flokkur kl. 18:00)
• 7. umf. Mánudag 1. des.  kl. 19.30  (B flokkur kl. 18:00)

Verðlaunaafhending og Hraðskákmót Garðabæjar 8. Desember kl 19:30.

Keppnisfyrirkomulag er svissneskt kerfi. Skákstjóri er Páll Sigurðsson. Sími 860 3120. 

Tímamörk eru 90 mínútur og 30 sek sem bætist við hvern leik. Mótið er opið öllum og geta því stigalágir valið milli flokka.

B flokkur bara fyrir skákmenn með 1499 stig eða minna. Umhugsunartími þar er 45 mín auk 30 sek. á leik. 

Leyfilegt er í mótinu í umferðum 1-5 að taka hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir. 

Verðlaun auk verðlaunagripa:

Heildarverðlaun 70 prósent af aðgangseyri. (Hort system). Amk. 3 verðlaun í hvorum flokki.

Mótið er um leið Skákþing Taflfélags Garðabæjar.

Sæmdartitilinn Skákmeistari Garðabæjar geta aðeins fengið félagsmenn Taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn: Fullorðnir 3000 kr. Skákmenn fæddir 1997 og síðar frítt.

Utanfélagsmenn: Fullorðnir 4000 kr. Skákmenn fæddir 1997 og síðar 2000 kr. 

Skákmeistari Garðabæjar 2013 er Bjarnsteinn Þórsson.

Call

Send SMS

Add to Skype

You'll need Skype CreditFree via Skype