Ný íslensk skákstig

Ný íslensk skákstig komu út 1. mars sl. Jóhann Hjartarson er sem fyrr stigahæsti íslenski skákmaðurinn á íslenskum skákstigum. Ellefu nýliðar eru á listanum. Stigahæstur þeirra er Gabríel Freyr Björnsson (1242). Róbert Luu hækkar mest allra frá desember-listanum eða um 152 skákstig.

Topp 20

Jóhann Hjartarson (2607) er stigahæstur allra. Í næstum sætum eru Margeir Pétursson (2591) og Hannes Hlífar Stefánsson (2585).

No.	Name	RtgC	Diff
1	Jóhann Hjartarson	2607	0
2	Margeir Pétursson	2591	0
3	Hannes H Stefánsson	2585	0
4	Helgi Ólafsson	2551	0
5	Héðinn Steingrímsson	2542	0
6	Hjörvar Grétarsson	2539	0
7	Jón Loftur Árnason	2513	0
8	Henrik Danielsen	2510	0
9	Helgi Áss Grétarsson	2489	0
10	Stefán Kristjánsson	2471	-11
11	Friðrik Ólafsson	2459	0
12	Karl Þorsteins	2451	-6
13	Jón Viktor Gunnarsson	2439	8
14	Guðmundur Kjartansson	2436	0
15	Þröstur Þórhallsson	2428	-6
16	Bragi Þorfinnsson	2421	0
17	Dagur Arngrímsson	2396	-4
18	Arnar Gunnarsson	2381	0
19	Björn Þorfinnsson	2381	-11
20	Magnús Örn Úlfarsson	2360	0

Nýliðar:

Ellefu nýliðar eru á listanum nú. Stigahæstur þeirra eru Gabríel Freyr Björnsson (1242) en í næstum eru Daníel Ernir Njarðarson (1131) og Guðmundur Hólmgeirsson (1065).

 

No.	Name	RtgC	Diff	Cat
1	Gabriel Freyr Bjornsson	1242	1242	U12
2	Daníel Ernir  Njarðarson	1131	1131	U14
3	Guðmundur Hólmgeirsson	1065	1065	SEN
4	Atli Mar Baldursson	1038	1038	U14
5	Alexander Ragnarsson	1000	1000	U16
6	Alexander Sigurðarson	1000	1000	U14
7	Axel Ingi Árnason	1000	1000	U12
8	Axel Örn Heimisson	1000	1000	U12
9	Kristján Dagur Jónsson	1000	1000	U10
10	Nikulas Ymir Valgeirsson	1000	1000	U14
11	Sigurður Gunnar Jónsson	1000	1000	U12

Mestu hækkanir

Róbert Luu hækkar mest frá desember-listanum eða um 152 stig. Í næstu sætum eru Bárður Örn Birkisson (116) og Arnór Ólafsson (110).

 

No.	Name	RtgC	Diff	Cat
1	Róbert Luu	1336	152	U10
2	Bárður Örn Birkisson	1801	116	U16
3	Arnór Ólafsson	1110	110	U14
4	Hlynur Snær Viðarsson	1193	103	U18
5	Mikael Jóhann Karlsson	2184	101	U20
6	Agnar Tómas Möller	1729	99	-
7	Halldór Atli Kristjánsson	1276	97	U12
8	Sindri Snær Kristófersson	1120	97	U12
9	Gauti Páll Jónsson	1870	94	U16
10	Sigurbjörn Ásmundsson	1257	82	-

Reiknuð mót

• Skákþing Reykjavíkur
• Bikarsyrpa TR #3
• Janúarmót Hugins (austur-, vestur og úrslit)
• Nóa Síríus mótið - Gestamót Hugins og Breiðabliks
• Skákþing Akureyrar - Norðurorkumótið
• Skákþing Garðabæjar - a- og b-flokkar
• Vetrarmót öðlinga.

Íslensk skákstig

Undanrásir fyrir Barna Blitz halda áfram á morgun

Sjöunda árið í röð stendur Skákakademía Reykjavíkur í samvinnu við taflfélög borgarinnar fyrir Reykjavik Open Barna-Blitz.

Undanrásir fara fram hjá taflfélögum borgarinnar. Undanrásir hjá Víkingaklúbbnum og Fjölni eru þegar búnar. Þar komust áfram ungmennalandsliðsmennirnir Óskar Víkingur Davíðsson, Misha Kravchuk, Róbert Luu og Nansý Davíðsdóttir. 

Tvær undanrásir eru eftir:

Taflfélag Reykjavíkur

7. mars klukkan 14:00 að Faxafeni 12.

Skákfélagið Huginn

9. mars klukkan 17:15 að Álfabakka 14a, 3. hæð.

Tveir skákmenn úr hverri undanrás komast áfram í úrslitin.

Úrslitin verða tefld á sviðinu í Hörpu laugardaginn 15. mars klukkan 12:00. Teflt verður með útsláttarfyrirkomulagi með tímamörkunum 4 02.

 

Hannes og Guðmundur unnu í dag

Bæði Hannes Hlífar Stefánsson (2573) og Guðmundur Kjartansson (2484) unnu báðir sínar skákir í níundu umferð EM einstaklinga sem fram fór í Jerúsalem í dag. Hannes vann ungverska stórmeistarann Viktor Erdos (2615) en Ungverjinn féll á tíma með erfiða stöðu. Guðmundur vann serbnesku skákkonuna Maria Manakova (2318) sem er stórmeistari kvenna.

Hannes er með 6 vinninga og lyfti sér upp í fimmtánda sæti með sigrinum. 23 efstu sætin gefa keppnisrétt á heimsbikarmótinu í Aserbaídsjan í haust. Gummi hefur 5 vinninga og er í 114. sæti. 

Í tíundu og næstsíðustu umferð, sem fram fer á morgun, teflir Hannes við ísraelska stórmeistarann Ilia Smirin (2650) en Gummi við áðurnefndan Erdos.

Vakin er athygli á því að umferðin á morgun hefst mun fyrr en venjulega eða kl. 9. Í Jerúsalem taka menn hvíldardaginn heilagan og þarf skákunum að ljúka áður en sólin sest annað kvöld. Frídagur er svo á laugardag en mótinu lýkur á sunnudag.

Kurubov (2687), Navara (2735) og Najer (2634) eru efstir og jafnir með 7 vinninga.

Alls taka 250 skákmenn frá 33 löndum þátt í mótinu. Þar af eru 113 stórmeistarar. Hannes er nr. 84 í stigaröð keppenda en Guðmundur er nr. 116. Alls er tefldar 11 umferðir.

• Heimasíða mótsins
• Beinar útsendingar (hefjast almennt kl. 13)
• Chess-Results

Róbert og Nansý unnu sér þátttökurétt á BarnaBlitz

Skákdeild Fjölnis stóð fyrir undankeppni í BarnaBlitz á vikulegri skákæfingu á miðvikudegi. Þrátt fyrir að það gengi á með roki og slydduveðri þá þyrptust Fjölniskrakkar og efnilegir skákmenn úr öðrum hverfum og félögum til þátttöku um tvö laus sæti á BarnaBlitz. BarnaBlitz er einn af aukaviðburðum á Reykjavik Open 2015 í Hörpunni og eru það átta krakkar sem tefla þar til úrslita og glæsilegra verðlauna.

Tefldar voru sex umferðir með sjö mínútna umhugsun. Rúmlega 30 skákkrakkar mættu til leiks og keppnin var jöfn og spennandi. Þegar fjórum umferðum var lokið voru þau Robert Luu og Nansý Davíðsdóttir jöfn að vinningum með fullt hús og tefldu því saman í 5. umferð. Þegar leið á skákina var Nansý komin í tímahrak með örlítið lakari stöðu. Þetta nýtti Róbert sér í þaula og vann skákina örugglega.

Í lokaumferðinni kórónaði Robert glæsilega frammistöðu með því að sigra Sindra Snæ og klára mótið með fullu húsi. Systkinin Nansý og Joshua urðu í 2. – 3. sæti mótsins með 5 vinninga og í aukaskák um þátttökurétt á BarnaBlitz sigraði Nansý bróður sinn. Á Fjölnisæfingum er alltaf teflt um fjölda vinninga og einnig dregið í happadrætti.

Í næstu sætum á eftir Roberti, Nansý og Joshua komu þeir Hákon Garðarsson, Sindri Snær Kristófersson, Einar Bjarki Arason, Halldór Atli Kristjánsson, Sæmundur Árnason, Jón Hreiðar Rúnarsson, Kristján Dagur Jónsson, Ísak Orri Karlsson og Ívar Björnsson. Þátttakendum var boðið upp á skúffuköku í skákhléi kláraðist hún fljótt og vel. Skákstjóri var Helgi Árnason formaður skákdeildar Fjölnis og naut hann aðstoðar fjölda foreldra sem fylgdust með mótinu.

Rúnar hraðskákmeistari Akureyrar

Hraðskákmót Akureyrar var haldið síðastliðinn sunnudag, 1.mars.

Að þessu sinni voru þrettán vaskir keppendur mættir og tefldu einfalda umferð, 12 skákir. Rúnar Sigurpálsson kom, sá og sigraði, fékk 11,5 vinning. Var þetta þriðja árið í röð sem Rúnar vinnur þetta mót. Ungir menn röðuðu sér í næstu sæti. Jón Kristinn fékk 9,5. Andri 8 og Símon var hálfum vinning á eftir honum með 7,5 vinninga.

Að lokum minnum við á næstu umferð TM-Mótaraðarinnar sem fer fram á fimmtudagskvöld klukkan 20.00

Úrslit voru þessi:

1. Rúnar Sigurpálsson     11,5/12

2. Jón Kristinn            9,5

3. Andri Freyr              8

4. Símon Þórhallsson       7,5

5. Ólafur Kristjánsson     6,5

6. Haraldur Haraldsson      6

   Smári Ólafsson           6

8. Sigurður Arnarson       5,5

9. Haki Jóhannesson         5

10. Þór Valtýsson          4,5

11. Karl Egill              4

12. Sigurður Eiríksson     3,5

13. Hreinn Hrafnsson       0,5

Tvö töp í dag í Jerúsalem

Bæði Hannes Hlífar Stefánsson (2573) og Guðmundur Kjartansson (2484) töpuðu sínum skákum í áttundu umferð EM einstklinga sem fram fór í dag. Hannes fyrir rússneska stórmeistaranum Denis Khismatullin (2653)en Gummi fyrir moldavíska stórmeistaranum Viorel Iordachescu (2590).

Hannes hefur 5 vinninga og er í 32. sæti en 23 efstu sætin gefa rétt til að tefla á heimsbikarmótinu í Aserbaídsjan í haust. Gummi hefur 4 vinninga og er í 141. sæti.

Rússneski stórmeistarinn með langa nafnið, Ian Nepomniachtchi (2714), er efstur með 6,5 vinning.

Í níundu umferð, sem fram fer á morgun, teflir Hannes við ungverska stórmeistarann Viktor Erdos (2615) en Gummi við serbensku skákkonuna Maria Manakova (2318).

Alls taka 250 skákmenn frá 33 löndum þátt í mótinu. Þar af eru 113 stórmeistarar. Hannes er nr. 84 í stigaröð keppenda en Guðmundur er nr. 116. Alls er tefldar 11 umferðir.

• Heimasíða mótsins
• Beinar útsendingar (hefjast almennt kl. 13)
• Chess-Results

Bragi efstur hjá Ásum í gær

Skákklúbburinn í Stangarhyl er alltaf að verða sterkari og öflugri með hverri viku sem líður. Nýir og sterkir skákmenn að bætast í hópinn. Bragi Halldórsson varð efstur í gær með 8½  vinning. Friðgeir Hólm  og Björgvin Víglundsson voru jafnir í öðru til þriðja sæti með 7½ vinning. Friðgeir var hærri á stigum. Stefán Þormar var svo einn í fjórða sæti með 7 vinninga.

Það er nú svo komið að það er erfiðleikum bundið fyrir okkur minni spá menn að komast upp fyrir miðju  og allt gott um það að segja, því að það er alltaf skemmtilegast að tefla við ofjarla sína.

Þrjátíu og einn tefldu í gær.

Garðar Guðmundsson formaður okkar tefldi ekki í gær en sat við stjórnvölinn. 

Sjá nánari úrslit í töflu og myndir frá ESE

 

Undanrásir fyrir Barna-Blitz

Sjöunda árið í röð stendur Skákakademía Reykjavíkur í samvinnu við taflfélög borgarinnar fyrir Reykjavik Open Barna-Blitz.

Undanrásir fara fram hjá taflfélögum borgarinnar. Undanrásir hjá Víkingaklúbbnum eru þegar búnar og komust þar áfram ungmennalandsliðsmennirnir Óskar Víkingur Davíðsson Huginn og Misha Kravchuk Taflfélagi Reykjavíkur. Um það mót má lesa hér.

Þrjár undanrásir eru eftir:

Skákdeild Fjölnis

4. mars klukkan 17:00 í Rimaskóla.

Taflfélag Reykjavíkur

7. mars klukkan 14:00 að Faxafeni 12.

Skákfélagið Huginn

9. mars klukkan 17:15 að Álfabakka 14a, 3. hæð.

Tveir skákmenn úr hverri undanrás komast áfram í úrslitin.

Úrslitin verða tefld á sviðinu í Hörpu laugardaginn 15. mars klukkan 12:00. Teflt verður með útsláttarfyrirkomulagi með tímamörkunum 4 02.

 

Hannes með jafntefli við Vitiugov - er í tíunda sæti

Stórmeistarinn Hannes Hlífar Stefánsson (2573) gerði jafntefli við rússneska ofurstórmeistarann Nikita Vitiugov (2735) í sjöundu umferð EM einstaklinga sem fram fór í Jerúsalem í dag. Hannes hefur 5 vinninga og er í tíunda sæti en 23 efstu sætin gefa keppnisrétt á Heimsbikarmótinu í skák sem fer í Bakú í Aserbaídsjan í haust. 

Guðmundur Kjartansson (2484) vann heimamanninn David Gorodetzky (2210) og er í 104. sæti með 4 vinninga.

Í áttundu umferð, sem fram fer á morgun, teflir Hannes við rússneska stórmeistarann Denis Khismatullin (2653) en Gummi teflir við moldavíska stórmeistarann Viorel Iordachescu (2659)

Alls taka 250 skákmenn frá 33 löndum þátt í mótinu. Þar af eru 113 stórmeistarar. Hannes er nr. 84 í stigaröð keppenda en Guðmundur er nr. 116. Alls er tefldar 11 umferðir.

• Heimasíða mótsins
• Beinar útsendingar (hefjast almennt kl. 13)
• Chess-Results

Fyrirlestur Arturs Jussupow á sunnudag

Skáksamband Íslands og Skákskóli Íslands standa fyrir fyrirlestri frá Artur Jussupow sunnudagskvöldið 8. mars.

Jussupow sem var um árabil einn sterkasti skákmaður heims mun tefla á Reykjavíkurskákmótinu í ár. Í þrígang komst hann í undanúrslit áskorendaeinvígjanna og var fastur gestur á sterkustu skákmótum hvers ár. Jussupow naut á sínum ferli þjálfunar Mark Dvoretsky sem er talinn einn besti þjálfari sögunnar og höfundur þekktra bóka. Saman stóðu þeir að stofnun skákskóla þar sem m.a. Svidler og Movsesian námu.

Jussupow er höfundur bókaflokkanna "Build up your chess" og "Boost up your chess" sem hafa verið fáanlegir hjá Sigurbirni Björnssyni skákbókasala síðustu árin og eru talsvert notaðir hér á landi við þjálfun og kennslu.

Fyrirlestur Jussupow hefst klukkan 20:00 á sal Skákskólans að Faxafeni 12.

Fyrirlesturinn er ekki opinn en þjálfarar með FIDE-réttindi eru sérstaklega boðnir velkomnir en auk þeirra hafa rétt til mætingu tveir frá hverju skákfélagi. Æskilegt er að þeir sem hafi ekki FIDE-réttindi skrái sig í gegnum stjórnir sinna félaga.

Skráning á [e-mail] fyrir föstudagshádegi.