Skákmót öðlinga hefst 25. mars

Skákmót öðlinga 40 ára og eldri hefst miðvikudaginn 25. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 24. sinn. Núverandi Skákmeistari öðlinga er alþjóðlegi meistarinn Sævar Bjarnason.

 

Dagskrá:

• 1. umferð miðvikudag 25. mars kl. 19.30

• 2. umferð miðvikudag 8. apríl kl. 19.30

• 3. umferð miðvikudag 15. apríl kl. 19.30

• 4. umferð miðvikudag 22. apríl kl. 19.30

• 5. umferð miðvikudag 29. apríl kl. 19.30

• 6. umferð miðvikudag 6. maí kl. 19.30

• 7. umferð miðvikudag 13. maí kl. 19.30

Mótinu lýkur miðvikudaginn 20. maí kl. 19:30 með hraðskákmóti og verðlaunaafhendingu. Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi. 

Skráning fer fram hér.

Hér er hægt að fylgjast með skráningu.

• Skákmót öðlinga 2014
• Skákmeistarar öðlinga
• Mótstöflur

GAMMA Reykjavík Open: Erwin L´ami bætir í forystuna - Sex íslendingar með 5,5

Óvænt tíðindi hrannast upp á GAMMA Reykjavíkurskákmótinu. Hollesnki stórmeistarinn Erwin L´ami (2605) er nú einn efstur með 7,5 vinninga, sem er vinningi meira en næstu menn.

2700 stiga mennirnir, GM Pavel Eljanov (2727), GM David Navara (2736) og GM Shakhriyar Memedyarov (2756) fengu samtals einn vinning í 8. umferð og eru svo gott sem út úr myndinni í baráttunni um efsta sætið. Pavel Eljanov stendur þó best, er með 6,5 vinninga og á enn fræðilegan möguleika. Shak er aðeins með 6 vinninga og David Navara aðeins 5,5.

Staðan

Staðan eftir 8. umferð er sem fyrr segir þannig að Erwin L´ami er efstur með 7,5 vinninga af 8 mögulegum og er með árangur upp á rúm 2900 skákstig. Hann lagði perúmanninn GM Zuniga Julio Granda (2646) í umferðinni og mætir GM Hrant Melkumyan (2676) í þeirri 9.. Sigri hann þá skák, er afar líklegt að hann sigri á mótinu – Í öllu falli verður hann í deildu 1. sæti.

Great result again for @erwinlami, beats Granda in R8 #ReykjavikOpen. One point clear with two rounds to go.

— Dick van Mersbergen (@DeRookmagier) March 16, 2015

Sjö skákmenn eru jafnir í 2. – 8. sæti með 6,5 vinninga. Þar á meðal er stórmeistarinn Jon Ludvig Hammer (2651) en hann er efstur norðurlandabúa.

#ReykjavikOpen Jon Ludvig had a poor start, but the Norwegian now looks set to score his 3rd win in a row. 6,5/8! pic.twitter.com/0bkBGpqtta

— Tarjei J. Svensen (@TarjeiJS) March 16, 2015

Sjö íslendingar eru með 5,5 vinninga:

• GM Henrik Danielsen (2514)
• GM Hjörvar Steinn Grétarsson (2554)
• GM Hannes Hlífar Stefánsson (2560)
• IM Björn Þorfinnsson (2403)
• IM Dagur Arngrímsson (2366)
• Áskell Örn Kárason (2274)
• WGM Lenka Ptácníková (2242)

 

Stöðuna má skoða nánar hér.

Áfangar

Nokkrir keppendur hafa tryggt sér áfanga að meistaratitlum - GM og IM.

IM Jack Stopa (2544) hefur tryggt sér stórmeistaraáfanga!

WGM Zhansaya Abdumalik (2379) hefur tryggt sér áfanga að alþjóðlegum meistaratitli. Vinni hún í 9. umferð fær hún einnig stórmeistaraáfanga!

FM Johan-Sebastian Christiansen (2340) hefur tryggt sér áfanga að alþjóðlegum meistaratitli. Vinni hann í 9. umferð, fær hann einnig stórmestaraáfanga!

WGM Sarasadat Khademalsharieh (2357) hefur tryggt sér áfanga að alþjóðlegum meistaratitli!

 

Þessu til viðbótar eiga einhverjir keppendur möguleika á að tryggja sér áfanga með sigri í 9. umferð. 

IM Jón Viktor Gunnarsson getur tryggt sér stórmeistaraáfanga með sigri í skák morgundagsins. Hann mætir FM Tiboro Kende Antal (2317).

#ReykjavikOpen 16 y/o Norwegian FM Johan-Sebastian Christiansen has already secured his 2nd IM norm regardless of result in R9 vs Cornette.

— Tarjei J. Svensen (@TarjeiJS) March 16, 2015

Christiansen can score his 1st GM norm if he beats GM Cornette in R9. #ReykjavikOpen

— Tarjei J. Svensen (@TarjeiJS) March 16, 2015

#ReykjavikOpen 15 y/o World #1 U16 WGM Zhansaya Abdumalik has also scored an IM norm, but she can score a GM norm if she beats Gupta in R9.

— Tarjei J. Svensen (@TarjeiJS) March 16, 2015

Úrslit dagsins

Goðsögnin Artur Jussupow (2573) lagði okkar mann, IM Jón Viktor Gunnarsson í umferðinni. Artur er afar vel þekktur skákmaður, skákþjálfari og skákritahöfundur. Hann var um tíma einn af sterkustu skákmönnum heims og var um hríð þriðji stigahæsti skákmaðurinn, á eftir Garrý Kasparov og Anatoly Karpov. Hann mætti í myndver og fór yfir skákina með Fionu-Steil Antoni.

 

Stórmeistarinn Alexandr Fier (2601) frá Brasilíu sigraði tékkann GM David Navara (2736) í umferðinni. Hann mætti í myndver og fór yfir skákina ásamt Ingvari Þór Jóhannessyni.

 

GM Nils Grandelius (2603) frá Svíþjóð sigraði GM Louis Galego (2461) og fór yfir skákina með Fionu-Steil Antoni.

 

Agnar Tómas Möller (1808) hefur átt ágætt mót og vann sterkan andstæðing í dag. Hann er einn af eigendum GAMMA – aðalstyrktaraðila Reykjavíkurskákmótsins til næstu fjögurra ára. Hann mætti í myndver og ræddi um GAMMA og skák og ýmislegt.

 

Óvænt úrslit

Okkar fólk heldur áfram að ná góðum úrslitum, ýmist sigrum eða jafntefli gegn stigahærri mönnum:

WGM Lenka Ptatcníkóvá (2242) lagði stórmeistarann Þröst Þórhallson (2428) í umferð dagsins. Lenka hefur aðeins tapað tveim skákum í mótinu, báðum fyrir stórmeisturum, og hefur fengið 3,5 vinninga úr síðustu 4 skákum. Hún er að græða 26 skákstig og er með árangur upp á 2365 skákstig. Hún mætir IM Nikita Petrov (2435) í 9. umferð.

Áskell Örn Kárason (2274) vann alþjóðameistarann Bjorn Ahlander (2380) frá Svíþjóð í 8. umferð. Hann hefur aðeins tapað 2 skákum í mótinu, einni fyrir stórmeistara og einni fyrir sterkum alþjóðameistara, og hefur fengið 3 vinninga úr síðustu 4 skákum. Áskell er með 5,5 vinninga og hefur blandað sér í hóp efstu íslendinga á mótinu. Hann er að taka inn tæp 19 stig og er með árangur upp á 2357 skákstig. Hann mætir stórmeistaranum Jean-Pierra Le Roux (2548) frá Frakklandi í 9. umferð.

Gylfi Þórhallsson (2084) vann FM Johannes Haug (2339) frá Noregi í 8. umferð. Honum hefur gengnið ágætlega í mótinu og er árangurinn á pari við skákstig. Hann mætir öðrum fidemeistara frá Noregi í 9. umferð, Lars Oskar Hauge (2380).

Agnar Tómas Möller (1806) vann Kjetil Strand (2037) frá Noregi í 8. umferð. Áður hefur verið fjallað um góðan árangur Agnars en hann er að standa sig afar vel og er að græða 35 skákstig í mótinu. Hann er með árangur upp á rúm 2000 skákstig og hans stærsti sigur var gegn WGM Sabina-Francesca Foisor (2279). Hann mætir Yuri Eijk (2062) frá Hollandi í 9. umferð.

Hrund Hauksdóttir (1692) vann Daniel Nordquelle (1874) í 8. umferð. Hún hefur staðið sig gríðarlega vel og er að moka inn rúmum 40 stigum. Hún byrjaði mótið frekar illa með þrem töpum í röð en hefur síðan þá farið á kostum og fengið 4 vinninga úr síðustu 5 skákum. Hún mætir Morant Damia Benet (2044) frá Spáni í 9. umferð.

Óskar Long Einarsson (1574) vann Daniel Nordquelle (1874) í 8. umferð. Árangur Óskars er mun betri en skákstig segja til um og er að græða rúm 30 skákstig. Hann hefur fengið 4 vinninga úr síðustu 5 skákum sínum. Óskar mætir James Chan (2038) frá Kanda í 9. umferð.

Óskar Víkingur Davíðsson (1454) vann Mikhail Kruglyak (1775) í 8. umferð. Óskar Víkingur er að brillera í mótinu og er að græða tæp 100 skákstig! – Hann er með árangur upp á 1731 stig, eða tæpum 300 stigum meira en núverandi stig. Hann mætir Kjetil Strand (2037) frá Noregi í 9. umferð.

Alec Elías Sigurðarson (1348) vann Elmar Fjallheim (1678) í 8. umferð. Hann hefur farið á kostum í síðustu 3 umferðum og fengið 2,5 vinninga úr þeim. Hann er að græða tæp 40 skákstig. Hann mætir John Nicholson (1808) í 9. umferð.

Joshua Davíðsson (1216) vann William Olsen (1716). Hann er ekki með alþjóðleg skákstig (fidestig) en það á eftir að breytast eftir mótið. Hann hefur náð afar góðum árangri og hefur unnið tvær síðustu skákir sínar, báðar gegn talsvert stigahærri mönnum. Hann mætir Ruddy T Sibiya (1784) í 9. umferð.

 

Stórsigrar 8. umferðar

• WGM Lenka Ptatcníkóvá (2242) vann GM Þröst Þórhallsson (2428)
• Áskell Örn Kárason (2274) vann IM Bjorn Ahlander (2380)
• Gylfi Þórhallsson (2084) vann FM Johannes Haug (2339)
• Agnar Tómas Möller (1806) vann Kjetil Strand (2037)
• Hrund Hauksdóttir (1692) vann Bjarne Undheim (1926)
• Óskar Long Einarsson (1574) vann Daniel Nordquelle (1874)
• Óskar Víkingur Davíðsson (1454) vann Mikhail Kruglyak (1775)
• Alec Elías Sigurðarson (1348) vann Elmar Fjallheim (1678)
• Joshua Davíðsson (1216) vann William Olsen (1716)

 

Hagstæð jafntefli 8. umferðar

• IM Dagur Arngrímsson (2366) gerði jafntefli við GM Hjörvar Stein Grétarsson (2554)
• Jóhann Ingvason (2135) gerði jafntefli við FM Einar Hjalta Jensson (2390)
• Bárður Örn Birkisson (1839) gerði jafntefli við Emmanuel Quillien (2202)
• Birgir Örn Steingrímsson (1669) gerði jafntefli við Alberto Prieto (2045)
• Halldór Atli Kristjánsson (1335) gerði jafnteflið við Gerd Densing (1903)
• Páll Þórsson (1634) gerði jafntefli við Ludwig Roser (1802)
• Jón Þór Lemery (1273) gerði jafnefli við Cecile Paillat (1485)

 

Óvænt úrslit 8. umferðar

GM	Hansen Eric	2566	6	½ - ½	5½	GM	Mamedyarov Shakhriyar	2756
GM	Navara David	2736	5½	0 - 1	5½	GM	Fier Alexandr	2601
GM	Pakleza Zbigniew	2498	5½	½ - ½	5½	GM	Gupta Abhijeet	2625
WGM	Abdumalik Zhansaya	2379	5	1 - 0	5	GM	Steingrimsson Hedinn *)	2530
GM	Stefansson Hannes	2560	5	½ - ½	5	IM	Esserman Marc	2426
IM	Arngrimsson Dagur	2366	5	½ - ½	5	GM	Gretarsson Hjorvar Steinn	2554
GM	Le Roux Jean-Pierre	2548	5	0 - 1	5	IM	Norowitz Yaacov	2422
GM	Gao Rui	2533	5	½ - ½	5	IM	L'ami Alina	2393
GM	Rasmussen Allan Stig	2532	5	½ - ½	5	WGM	Khademalsharieh Sarasadat	2357
FM	Christiansen Johan-Sebastian	2351	5	1 - 0	5	GM	Rombaldoni Axel	2488
GM	Colovic Aleksandar	2482	4½	0 - 1	4½	IM	Sarkar Justin	2376
FM	Bisby Daniel L	2321	4½	½ - ½	4½	GM	Kristjansson Stefan	2482
WIM	Ni Shiqun	2315	4½	½ - ½	4½	IM	Georgiadis Nico	2468
IM	Bekker-Jensen Simon	2462	4½	½ - ½	4½	IM	Cummings David H.	234
GM	Akesson Ralf	2456	4½	½ - ½	4½	FM	Antal Tibor Kende	2317
WGM	Ptacnikova Lenka	2242	4½	1 - 0	4½	GM	Thorhallsson Throstur	2428
FM	Morshedi Ali	2221	4½	1 - 0	4½	IM	Hagen Andreas Skytte	2412
IM	Ahlander Bjorn	2380	4½	0 - 1	4½		Karason Askell O	2274
	Ingvason Johann	2135	4	½ - ½	4	FM	Jensson Einar Hjalti	2390
	Tolhuizen Ludo	2123	4	½ - ½	4	FM	Gulamali Kazim	2350
FM	Haug Johannes	2339	4	0 - 1	4		Thorhallsson Gylfi	2084
	Haldorsen Benjamin	2307	4	½ - ½	4		Bucher Grant W	2087
	Kristinsson Jon	2251	4	0 - 1	4		Miller David	2066
	Birkisson Bardur Orn	1839	4	½ - ½	4		Quillien Emmanuel	2202
WGM	Foisor Sabina-Francesca	2279	3½	½ - ½	3½		Benet Morant Damia	2044
	Gyldenas Ole Jorn	1969	3½	½ - ½	3½	FM	Bjerke Richard	2180
	Van Den Bersselaar Jeroen	2083	3½	0 - 1	3½		Machado Eduardo Ribeiro	1818
	Andersen Niels Erik	1900	3½	1 - 0	3½		Bergsson Stefan	2063
	Steingrimsson Birgir Orn	1669	3½	½ - ½	3½		Prieto Alberto	2045
	Thorsteinsson Erlingur	2119	3	½ - ½	3		Arroyo Figuero Fernando	1835
	Strand Kjetil	2037	3	0 - 1	3		Moller Agnar T	1806
	Murray Michael A.	2008	3	0 - 1	3		Miszkielo Bartosz	1694
	Hauksdottir Hrund	1692	3	1 - 0	3		Undheim Bjarne	1926
	Jonsson Olafur Gisli	1899	3	0 - 1	3		Babijczuk Wojciech	1549
	Einarsson Oskar Long	1574	3	1 - 0	3		Nordquelle Daniel	1874
	Kristjansson Halldor Atli	1335	3	½ - ½	2½		Densing Gerd	1903
	Thorsson Pall	1634	2½	½ - ½	2½		Roser Ludwig	1802
	Davidsson Oskar Vikingur	1454	2½	1 - 0	2½		Kruglyak Mikhail	1775
	Palmeri Ralph P	1642	2	½ - ½	2		Kenney David	1885
	Ugland Torge	1636	2	½ - ½	2		Stuhr Finn	1823
	Sigurdarson Alec Elias	1348	2	1 - 0	2		Fjallheim Elmar	1678
	Davidsson Joshua	1216	2	1 - 0	1½		Olsen William	1716
	Lemery Jon Thor	1273	1½	½ - ½	1½		Paillat Cecile	1485

 

Pörun í 9. umferð

Pörun í 9. umferð liggur fyrir:

 Hana má skoða nánar hér.

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér.

Myndasafn

Mikið myndasafn liggur fyrir á Facebook-síðu móstins, sem er hér. Fiona-Steil Antoni á veg og vanda af myndatökunni.

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

 

 

8. umferð Gamma Reykjavík Open hefst kl. 15

8. umferð Reykjavíkurskákmótsins hefst kl. 15. Það verður fullt um að vera eins og venjulega og spennustigið í mótinu gæti varla verið hærra.

Skákskýringar

Stórmeistarinn Jóhann Hjartarson mætir á skákstað og skýrir ganga mála fyrir gestum. Hann mætir um kl. 17.

Bóksala

Sigurbjörn Björnsson mætir með bóksöluna kl. 17

Pörun

Margar spennandi viðureignir eru í boði í 8. umferð:

Hægt að skoða pörunina nánar hér.

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér.

7. umferð:

 Myndasafn

Mikið myndasafn liggur fyrir á Facebook-síðu móstins, sem er hér. Komnar inn myndir frá knattspyrnumótinu í gær. Fiona-Steil Antoni á veg og vanda af myndatökunni.

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Úrslit í Reykjavík Open Barna Blitz

Úrslit í Reykjavík Open Barna Blitz fóru fram í Hörpu á laugardaginn. Áttu ungir skákmann á barnaskólaaldri höfðu unnið sér inn rétt í úrslitunum sem voru tefld með útsláttarfyrirkomulagi.

8-manna úrslit.

• Vignir Vatnar Stefánsson - Halldór Atli Kristjánsson 2-0
• Nansý Davíðsdóttir - Róbert Luu 2-0
• Óskar Víkingur Davíðsson - Stefán Orri Davíðsson 2-0
• Misha Kravvhuk - Alexander Mai 2-1

Undanúrslit

• Vignir Vatnar Stefánsson - Óskar Víkingur Davíðsson 2-0
• Misha Kravchuk - Nansý Davíðsdóttir 2-0

Bronzið

• Óskar Víkingur Davíðsson - Nansý Davíðsdóttir 2-0

Úrslit

• Vignir Vatnar Stefánsson - Misha Kravchuk 2-0

Glæsilegur sigur hjá Vigni Vatnar sem vann allar skákir sínar örugglega. Árangur Óskars er einnig afar góður en hann á eftir þrjú ár í mótinu og hefur einnig staðið sig mjög vel í sjálfu Reykjavik Open.

Gamma Reykjavík Open: Erwin L´ami efstur eftir umferð óvæntra úrslita - Henrik Danielsen efstur íslendinga

Það er víst óhætt að fullyrða að enginn sá fyrir hvernig úrslit 7. umferðar áttu eftir að þróast á Gamma Reykjavík Open sem haldið er í Hörpu nú um mundir. Mikill fjöldi áhorfenda hefur mætt á skákstað og fylgst með veislunni um helgina. Telja verður líkegt að enn eigi eftir að bætast í fjöldann, því hreinlega allt getur gerst í lokaumferðunum!

Fyrir umferðina voru þrír stórmeistarar efstir og jafnir með 5,5 vinninga af sex mögulegum. Þeir voru:

• GM Shakhriyar Mamedyarov (2756)
• GM Alexandr Fier (2601)
• GM Erwin L´ami (2605)

Í umferð dagsins mættust t.d. Mamedyarov og Erwin L´ami – Alexandr Fier og Pavel Eljanov (2727) í átökum um efstu sæti mótsins.

Shakhriyar Mamedyarov (2756) (Shak) mátti teljast afar sigurstranglegur eftir viðureign 6. umferðar við David Navara (2736), næst stigahæsta mann mótsins, en þeir skildu jafnir eftir þá rimmu og Shak var þar með hálfum vinningi á undan David. Það sem bætti enn á sigurlíkur Shak var að David Navara ákvað að sitja hjá í 7. umferð! og halda sig þannig til hlés í baráttunni um efsta sætið.

Heimsmeistarinn Magnús Calsen mætti í myndver í 6. umferð og sagði við það tækifæri að hann teldi líklegast að Shak sigraði á mótinu – hann væri einfaldlega mun betri en næstu menn.

Magnus Carlsen's reaction to the question "Are you religious? Do you believe in God?" #ReykjavikOpen pic.twitter.com/PGDNYWl8Kh

— Olimpiu G. Urcan (@OlimpiuUrcan) March 15, 2015

Í dag gerðist nokkuð óvænt. Öllum að óvörum tapaði Shak Mamedyarov (2756) nokkuð örugglega fyrir Erwin L´ami (2605) og það eftir aðeins 21 leik!

Shocking! @erwinlami beats tournament leader Mamedyarov in only 21 moves! #ReykjavikOpen https://t.co/qL5yZ9lWh9 pic.twitter.com/UOce2LPWU3

— Tarjei J. Svensen (@TarjeiJS) March 15, 2015

Erwin L´ami (2605) er því efstur á mótinu, hálfum vinningi á undan næstu mönnum og vinningi á undan Shak og David Navara.

Á 2. borði tókst Pavel Eljanov (2727) að leggja Alexandr Fier (2601) að velli og er í 2.-5. sæti með 6 vinninga.

Staða efstu manna er því þannig:

1. Erwin L´ami (2605)                 6,5 af sjö
2. Pavel Eljanov (2727) 6
3. Daniel Naroditsky (2633) 6
4. Eric Hansen (2566) 6
5. Ziniga Julio Granda (2646) 6

Hægt er að sjá stöðuna nánar hér.

GM Henrik Danielsen (2514) er efstur íslendinga með 5,5 vinninga. Næstir koma: IM Jón Viktor Gunnarsson, GM Hannes Hlífar Stefánsson, GM Héðinn Steingrímsson, GM Hjörvar Steinn Grétarsson og IM Dagur Arngrímsson, allir með 5 vinninga.

Top 11 games all decisive in the #ReykjavikOpen, with only 2 draws in the top 22!!? https://t.co/14P1vsxNBj #c24live pic.twitter.com/t5JyGfAoaV

— chess24.com (@chess24com) March 15, 2015

Erwin L´ami (2605), sem er reglulegur gestur á Reykjavíkurskákmótinu, mætti í myndver til Ingvars Þórs Jóhannessonar og útskýrði hvað hafði gerst í viðureign hans og Shak:

 

Okkar menn áttu erfiðan dag. Hannes Hlífar Stefánsson (2560) tefldi á 3. borði við Ziniga Julio Granda (2646). Upp kom afar áhugaverð staða þar sem Hannes (hvítur) fórnaði manni snemma tafls.

Fórnin er fræg fyrir þær sakir að skáktölvan Dimmblá lagði þáverandi heimsmeistara Garrý Kasparov með sömu fórn, en eftir viðureignina sakaði Kasparov teymi skáktölvunar um að hafa óhreint mjöl í pokahorninu, óhugsandi væri að tölvur (þess tíma) væru færar um jafn afdrifaríka og óljósa ákvörðun eins og að fórna manni í slíkri stöðu.

Því miður gekk okkar manni ekki jafn vel og Dimmblá, því hann missteig sig í sókninni og varð að gefast upp eftir aðeins 18 leiki.

Hinn mjög svo litríki perúmaður, GM Ziniga Julio Granda (2646), mætti í myndver til Fionu-Steil Antoni og lýsti skákinni

 

Bandaríski stórmeistarinn Daniel Naroditsky (2633) tefldi afar skemmtilega skák í umferðinni við GM Gao Rui (2533). Upp kom Najdorf afbrigði Sikileyjarvarnar, (6..Rbd7) sem fljótlega breyttist í myljandi kóngssókn hvíts (Daniels). Þeir sem hafa gaman að flækjum ættu ekki að missa af eftirfarandi myndbandi þar sem Daniel útskýrir skákina ásamt Ingvari Þór:

Úrslit úr Barna Blitz

 

Gjöf frá FIDE

Hr. Yuri Garret er fulltrúi Anti-Cheating Committee Alþjóðaskáksambandsins og er hann mættur hingað til lands til að hafa eftirlit með að allt sé skv. reglum á GAMMA Reykjavíkurskákmótinu. Hann mætti með forláta leitartæki, sem leitar að raftækjum í fatnaði fólks, og færði Skáksambandi Íslands og Reykjavíkurskákmótinu að gjöf. Reykjavíkurskákmótið er fyrsta mótið sem fær slíkt tæki að gjöf frá nefndinni.

Yuri Garret mætti í myndver og ræddi um mikilvægi eftirlits með rafmagnstækjum á nútíma skákmótum, en nú til dags eru til kynstrin öll af allskyns rafmagnstækum sem hægt er að hafa samskipti með eða láta einfaldlega reikna skákir af mikilli nákvæmni.

Viðtalið hefst eftir klukkutíma og sjö mínútur (01:07:00)

 

Gunnar Björnsson, forseti S.Í. tekur við tækinu

Gunnar grunaði Yuri um græsku og ákvað að leita af sér allan grun.

Nú mega menn vara sig - Gunnar er búinn að læra á tækið

 

Óvænt úrslit

Okkar fólk er að standa sig með prýði. Lítum á nokkra af sigurvegurum dagsins:

Akureyringurinn Haraldur Haraldsson (1948) lagði FM Dale R. Haessel (2174) í umferð dagsins. Hann hefur aðeins tapað tveim skákum, báðum fyrir töluvert stigahærri mönnum, stórmeistara og fidemeistara, og er að vinna sér inn 15 skákstig. Haraldur mætir hinum efnilega Óliver Jóhannessyni (2212) í 8. umferð.

Bárður Örn Birkisson (1839) lagði Gonzalez Alfonso Gonzalez (2122) í 7. umferð. Sá síðarnefndi hefur teflt þrjár skákir við íslendinga það sem af er móti og tapað þeim öllum! – Í 3. Umferð fyrir Páli G Jónssyni (1833), í 5. umferð fyrir Hilmi Frey Heimissyni og í 7. umferð fyrir Bárði. Kannski er hann bara með ofnæmi fyrir oddatölum – hver veit. Bárður Örn er að standa sig afar vel, hefur aðeins tapað tveim skákum fyrir mun stigahærri mönnum og er að vinna 42 stig!

Hilmir Freyr Heimisson (1861) er að brillera það sem af er móti. Hann lagði Erling Þorsteinsson (2119) í 7. umferð og hefur unnið tvo fide-meistara og vin okkar Gonzalez Alfonso Gonzalez fyrr í mótinu. Hann er að bæta við sig litlum 95 skákstigum! Hilmir mætir Þorvarði Fannari Ólafssyni (2230) og ljóst má vera að hinn síðarnefndi má vanda sig.

Birgir Örn Steingrímsson (1669) vann Gerd Densing (1903) í 7. umferð. Hann hefur fram til þessa ekki verið með alþjóðleg skákstig (Fide-stig) en ljóst er að það kemur til með að breytast eftir mótið. Birgir hefur aðeins tapað tveim skákum, fyrstu tveim reyndar, en eftir það hefur hann verið á góðri siglingu, gert þrjú jafntefli og unnið tvo álitlega sigra. Birgir mætir Alberto Prieto (2045) í næstu umferð.

Friðgeir K Hólm (1700) vann David Kenney (1885) í 7. umferð. Friðgeir hefur unnið þrjá góða sigra í mótinu – m.a. gegn Michael A Murray (2008) í 2. Umferð. Hann er að bæta við sig tæpum 25 stigum og má vel við una. Hann mætir dananum Kris Klausen (1937) í 8. umferð og kemur vafalítið til með að berjast til síðasta manns.

Nansý Davíðsdóttir (1641) vann Lars Johansen (1855) í 7. umferð. Hún hefur staðið sig afar vel það sem af er móti og sigurinn í dag var hennar stærsti til þessa. Nansý er að bæta við sig 33 skákstigum. Hún mætir Per Kr Vigdal (1985) frá Noregi í 8. umferð.

Óskar Long Einarsson (1574) vann Finn Stuhr (1823) í 7. umferð. Óskar hefur unnið tvær síðustu skákir sínar og er að vinna sér inn 15 skákstig. Hann mætir Daniel Nordquelle (1874) frá Noregi í næstu umferð.

Halldór Atli Kristjánsson (1335) vann Birki Karl Sigurðsson (1767) í 7. umferð. Halldór er með þrjá vinninga, þar af hefur hann fengið 2,5 úr síðustu þrem skákum sínum! Halldór er að bæta við sig tæpum 60 skákstigum. Hann mætir Gerd Densing (1903) frá Þýskalandi í 8. umferð.

Hinn ungi og mjög svo efnilegi Róbert Luu (1362) vann góðan sigur í 7. umferð gegn Karl-Johan Rist (1677) frá Noregi. Róbert er að vinna sér inn 22 skákstig í mótinu. Hann mætir Dag Andersen (1843) í 8. umferð.

Joshua Davíðsson (1216) vann ítalann Frederico D´aste (1499) í 7. umferð. Joshua er að standa sig með prýði og er til alls líklegur í 8. umferð þegar hann mætir William Olsen (1716) frá Noregi.

 

Það eru fleiri en bara sigurvegarar dagsins að ná eftirtektarverðum árangri í mótinu. Kíkjum á nokkra:

Jón Kristinn Þorgeirsson (2177) gerði jafntefli við IM Braga Þorfinnson (2429) í dag. Það er varla hægt að segja að það komi á óvart, enda vita þeir sem til þekkja hversu ótrúlega góður Jón er orðinn. Það sem af er móti hefur Jón aðeins tapað tveim skákum, báðum fyrir stigaháum alþjóðameisturum, en hann hefur líka gert jafntefli við tvo slíka og einn stórmeistara. Jón er að vinna 60 skákstig og er til alls líklegur gegn hinum unga IM Aryan Tari (2509) frá Noregi, sem hann mætir í 8. umferð.

Hrund Hauksdóttir (1692) gerði jafntefli við WFM Qiyu Zhou (2182) í 7. umferð. Eftir erfiða byrjun hefur hún aldeilis hrokkið í gang og hefur nú náð góðum árangri í síðustu fjórum skákum sínum. Hún er að vinna 25 skákstig. Hrund mætir Bjarne Undheim (1926) frá Noregi í næstu umferð og kemur vafalítið til með að gera góða hluti.

Hinn ungi of efnilegi Óskar Víkingur Davíðsson (1454) gerði jafntefli við þjóðverjann Ludwig Roser (1802) í umferð dagsins. Nafn Óskars hefur reglulega komið upp í yfirliti yfir óvænt úrslit, enda náð afar hagstæðum úrslitum. Óskar er að vinna rúm 60 skákstig! Hann mætir Mikhail Kruglyak (0) í 8. umferð.

Símon Þórhallson (2009) átti erfiða viðureign í dag sem gekk ekki nógu vel. Símon hefur hins vegar farið á kostum það sem af er móti og er að græða tæp 75 skákstig! Hann hefur m.a. lagt tvo 2300 stiga skákmenn í mótinu. Hann mætir alþjóðameistaranum Petter Haugli (2247) í næstu umferð og verður honum erfiður ljár í þúfu.

Agnar Tómas Möller (1806) átti einnig erfiða viðureign í 7. umferð gegn Pruneda Arturo Gonzalez (2131). Agnar hefur hins vegar átt góð úrslit í umferðunum á undan. Þar bar hæst sigur gegn WGM Sabinu-Fransescu Foisor (2279) og jafntefli gegn Erhard Rueger (2133). Agnar Tómas er að vinna tæp 20 skákstig og má vel við una. Hann mætir Kjetil Strand (2037) frá Noregi í 8. umferð.

Hægt væri að fjalla um mun fleiri en fram koma í ofangreindri upptalningu, af nógu er að taka. Þetta verður þó að duga í bili, en hægt er að rannsaka stöðu okkar manna betur hér.

 

Stórsigrar 7. umferðar

• Haraldur Haraldsson (1948) vann FM Dale R. Haessel (2174)
• Bárður Örn Birkisson (1839) vann Gonzales Alfonso Gonzales (2122)
• Hilmir Freyr Heimisson (1861) vann Erling Þorsteinsson (2119)
• Birgir Örn Steingrímsson (1669) vann Gerd Densing (1903)
• Friðgeir K Hólm (1700) vann David Kenney (1885)
• Nansý Davíðsdóttir (1641) vann Lars Johansen (1855)
• Óskar Long Einarsson (1574) vann Finn Stuhr (1823)
• Halldór Atli Kristjánsson (1335) vann Birki Karl Sigurðsson (1767)
• Robert Luu (1362) vann Karl-Johan Rist (1677)
• Joshua Davíðsson (1216) vann Frederico D´aste (1499)

Hagstæð jafntefli 7. umferðar

• Jón Kristinn Þorgeirsson (2177) gerði jafntefli við IM Braga Þorfinnson (2429)
• Vignir Bjarnason (1895) gerði jafntefli við Jón Árna Halldórsson (2150)
• Hrund Hauksdóttir (1692) gerði jafntefli við WIM Qiyu Zhou (2182)
• Hörður Aron Hauksson (1853) gerði jafntefli við Jens Wichelt (2132)
• Óskar Víkingur Davíðsson (1454) gerði jafntefli við Ludwig Roser (1802)
• Páll Þórsson (1634) gerði jafntefli við Brand Hojgaard (1787)

 

Óvænt úrslit 7. umferðar

1. GM Erwin L´ami (2605) 1-0 GM Shakhriyar Memedyarov (2756)
2. GM Hannes Hlífar Stefánsson 0-1 GM Julio Granda Zuniga (2646)
3. IM Marc Esserman (2426) ½ ½ GM Nils Grandelius (2603)
4. IM Yaacov Norowitz (2422) ½ ½ GM Artur Jussupow (2573)
5. WGM Sarasadat Khademalsharieh (2357) 1-0 GM Sabino Brunello
6. IM Aryan Tari (2509) 0-1 FM Johan-Sebastian Christiansen (2351)
7. FM Thai Dai Van Nguyen (2338) 1-0 IM Guðmundur Kjartansson
8. GM Alexandar Colovic (2482) ½ ½ Daniel L Bisby (2321)
9. GM Stefán Kristjánsson (2482) ½ ½ WIM Shiqun Ni (2315)
10. IM Bragi Þorfinnsson (2429) ½ ½ Jón Kristinn Þorgeirsson (2177)
11. Dagur Ragnarsson (2347) 0-1 Johan Sigeman (2123)
12. Grant W Bucher (2087) ½ ½ FM Johannes Haug (2339)
13. FM Jonas Rosne (2324) ½ ½ Eivind X Djurhuus (2077)
14. David Miller (2066) ½ ½ Benjamin Haldorsen (2307)
15. WGM Zeinab Mamedjarova (2303) 0-1 Gunnar Stray (2065)
16. Matthew Lunn (2034) ½ ½ Roland Loos (2337)
17. FM Stig Tjomsland (2300) ½ ½ Aguilar Enrique Cabello (2015)
18. NM Hans M Niemann (2275) ½ ½ Lars-Henrik Bech Hansen (1994)
19. Joerg Mehringer (1955) 1-0 Thomas Schou-Moldt (2211)
20. Max Arnold (2189) ½ ½ Pawel Babijczuk (1950)
21. FM Richard Bjerke (2180) ½ ½ Jon Olav Fivelstad (1929)
22. FM Dale R. Haessel (2174) 0-1 Haraldur Haraldsson (1948)
23. Vignir Bjarnason (1895) ½ ½ Jón Árni Halldórsson (2150)
24. Bárður Örn Birkisson (1839) 1-0 Gonzalez Alfonso Gonzales (2122)
25. Hilmir Freyr Heimisson (1861) 1-0 Erlingur Þorsteinsson (2119)
26. WFM Qiyu Zhou (2182) ½ ½ Hrund Hauksdóttir (1692)
27. Hörður Aron Hauksson (1853) ½ ½ Jens Weichelt (2132)
28. Ragnar Edvardsen (2001) ½ ½ Oystein Edvardsen (1662)
29. Eduardo Ribeiro Machado (1818) 1-0 Bart Stam (1972)
30. Tommy Hansen (1807) 1-0 Peter Korning (1944)
31. Gerd Densing (1903) 0-1 Birgir Örn Steingrímsson (1669)
32. Eric De Winter (1776) 1-0 Gunnar Freyr Rúnarsson (2049)
33. David Kenney (1885) 0-1 Friðgeir K Hólm (1700)
34. Jack Van Zyl-Rudd (1648) ½ ½ Sigurður Ingason (1880)
35. Nansý Davíðsdóttir (1641) 1-0 Lars Johansen (1855)
36. Finn Stuhr (1823) 0-1 Óskar Long Einarsson (1574)
37. John Nicholson (1808) 0-1 Leif Reinert Fjallheim (1525)
38. Ludwig Roser (1802) ½ ½ Óskar Víkingur Davíðsson (1454)
39. Páll Þórsson (1634) ½ ½ Brandur Hojgaard (1787)
40. Birkir Karl Sigurðsson (1767) 0-1 Halldór Atli Kristjánsson (1335)
41. Robert Luu (1362) 1-0 Karl-Johan Rist (1677)
42. William Olsen (1716) ½ ½ Adrian Starosciak (1304)
43. Federico D´aste (1499) 0-1 Joshua Davíðsson (1216)

 

Pörun 8. umferðar

Pörun 8. umferðar liggur nú fyrir og er þannig:

Hægt er að skoða hana nánar hér.

 

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér.

6. umferð:

 

Pub Quiz spurningar

Spuringarnar úr Pub-Quiz á Gamma Reykjavík Open 2015 eru komnar á netið:

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Reykjavíkurskákmót í 50 ár

Skáksamband Íslands hefur gefið út bókina Reykjavíkurskákmót í 50 ár – fyrra bindi, 1964-1990. Höfundur er Helgi Ólafsson stórmeistari.

Reykjavíkurskákmótið er mikilvægasta skákmót okkar Íslendinga. Það er jafnframt elsti alþjóðlegi viðburðurinn sem ber nafn höfuðborgarinnar og er enn haldinn reglulega. Saga Reykjavíkurmótsins í 50 ár segir sögu skáklistarinnar á Íslandi, þar sem mótið hefur myndað þungamiðju skáklífs í hálfa öld. Mótið hefur veitt íslenskum skákmönnum tækifæri til þess að etja kappi við erlenda skákmeistara á heimavelli og þjóðinni ánægju af því að geta fylgst með skák á heimsmælikvarða í návígi. Sagan er einnig aldarspegill, þar sem Helgi hefur ekki aðeins næmt auga fyrir því sem gerist á skákborðinu heldur einnig utan þess.

Helgi er að góðu kunnur fyrir umfjöllun sína um skák í dagblöð og tímarit. Sjálfur stóð hann í eldlínunni um 30 ára skeið, er hafsjór fróðleiks um Reykjavíkurskákmótið og einkar lagið að miðla þessu efni af áhuga og ástríðu.

Gefum Helga orðið:

„Um hvert hinna 28 Reykjavíkurskákmóta mætti – og hefði þurft – að skrifa bók. Meginmarkmiðið hér er að veita yfirlit og koma helstu úrslitum fyrir á einum stað auk þess sem mikilvægar skákir, minnisstæð brot og atriði eru tekin fyrir.“

„Ég hef alltaf verið mikill unnandi þessara móta og vona að það komi fram í verkinu.“

Verkið verður gefið út í tveimur bindum. Hið fyrra segir sögu mótanna frá 1964 til 1990 og kemur út í mars 2015. Hið síðara fjallar um mótin 1992 til 2014 og kemur út að ári.

Hægt er að kaupa bókina í Hörpu þar sem Reykjavíkurskákmótið fer fram. Einnig er hægt að skrá sig fyrir henni hér á Skák.is (guli kassinn efst).

Skákþáttur Morgunblaðsins: Metfjöldi á Reykjavíkurskákmóti

Tæplega 300 skákmenn eru skráðir til leiks á Reykjavíkurskákmótinu sem verður sett í Hörpu í dag. Það er mesti fjöldi sem um getur í sögu mótsins sem fyrst var haldið í Lídó í vetrarbyrjun árið 1964. Á 50 ára afmælismótinu í fyrra voru keppendur 254 talsins. Mótið í ár er að þessu sinni tileinkað Friðriki Ólafssyni, fyrsta stórmeistara Íslendinga, sem varð 80 ára fyrr á þessu ári. Hann var meðal keppenda á fyrsta mótinu 1964.

Keppnisfyrirkomulagið er með hefðbundnu sniði, tefldar verða tíu umferðir en keppendur geta óskað eftir ½ vinnings yfirsetu í einni af sjö fyrstu umferðunum. Tímamörk gera ráð fyrir því að eftir hvern leik bætist 30 sekúndur við tímann, þ.e. 90 mínútur + 30 sekúndur á fyrstu 40 leikina og eftir það 30 mínútur + 30 sekúndur til loka skákar. Meðal nýmæla er að nú má ekki bjóða jafntefli fyrr en báðir keppendur hafa lokið 30 leikjum. Þetta ákvæði er í takt við þróun alþjóðlegra skákviðburða og kemur í veg fyrir stutt jafntefli án baráttu.

Þá geta þátttakendur ekki komið með síma á skákstað eða önnur slík tæki en vegna svindlmála og almennrar tortryggni á keppnisstað hefur alþjóðaskáksambandið FIDE nýlega samþykkt strangar reglur sem leggja blátt bann við notkun slíkra tækja. Taflmennskan hefst kl. 15 flesta keppnisdagana nema næsta fimmtudag þegar tefldar verða tvær umferðir. Sú fyrri hefst kl. 10 um morguninn og seinni skák þess dags hefst kl. 17. 

Öflugir keppendur – pollrólegur Perúmaður

Stigahæsti keppandinn á Reykjavíkurskákmótinu er Aserinn Shakriyar Mamedyarov sem er með 2.756 elo-stig og er sem stendur nr. 13 á heimslistanum. Næststigahæsti keppandinn er Tékkinn David Navara sem er með 2736 elo og er í 22. sæti á heimslistanunm. Þriðji stigahæsti keppandinn er svo Úkraínumaðurinn Pavel Eljanov sem er með 2.727 elo-stig og er í 27. sæti á heimslistanum. Fjölmargir aðrir þekktir skákmenn og -konur eru meðal þátttakenda. Má þar nefna Artur Jusupov sem nú teflir fyrir Þjóverja og tefldi síðast hér á landi árið 1990 en hann var þá í liði Sovétríkjanna sem tók þátt í Stórveldaslag VISA ásamt úrvalsliðum Norðurlanda, Bandaríkjanna og Englands. 

Granda Zuniga, sterkasti skákmaður Perú um áratuga skeið, teflir í fyrsta sinn hér á landi en á ólympíumótinu í Bled í Slóveníu árið 2002 vakti hann mikla athygli sérlegs aðstoðarmanns íslenska liðsins, Gunnars Eyjólfssonar leikara, fyrir einhverja mögnuðustu hugarró sem hann hafði orðið vitni að hjá skákmanni.

Meðal annarra keppenda má nefna Armenann Sergei Movsesian. Þekktasta skákkonan í keppendahópnum er indverska skákdrottningin Tania Sadchev.

Hannes Hlífar Stefánsson og Hjörvar Steinn Grétarsson eru stigahæstir íslensku stórmeistaranna en einnig eru í hópi keppenda Héðinn Steingrímsson, Henrik Danielssen, Stefán Kristjánsson og Þröstur Þórhallsson. Aðrir öflugir skákmenn eru bræðurnir Björn og Bragi Þorfinnssynir, Jón Viktor Gunnarsson, Guðmundur Kjartansson og Dagur Arngrímsson. Þá mun athyglin einnig beinast að yngstu þátttakendunum en einn þeirra, nýbakaður Norðurlandameistari ungmenna, Dagur Ragnarsson, hækkaði milli mánaða um tæplega 300 elo-stig á síðasta stigalista FIDE. 

Heimsmeistarinn vill komast í fótbolta

Magnús Carlsen, heimsmeistari í skák, er væntanlegur til landsins á föstudaginn og dvelur hér fram á mánudag. Hann kemur hingað til að fylgjast með föður sínum Henrik Carlsen sem tekur þátt í mótinu annað árið í röð og einnig vini sínum og hjálparhellu til margra ára, Jon Ludvig Hammer. Á bloggsíðu sinni minnist Magnús þess að hann hafi teflt á Reykjavíkurmótunum 2004 og aftur 2006. Frægð hans náði nýjum hæðum í Noregi þegar hann tefldi nokkrar skákir með styttri umhugsunartíma við Garrí Kasparov og Anatolí Karpov á Reykjavik rapid-mótinu sem fram fór í kjölfar Reykjavíkurmótsins í mars 2004. 

Ekkert liggur fyrir um dagskrá heimsmeistarans en hann verður hér í einkaerindum. Hann hefur þó óskað eftir því að komast í fótbolta enda ágætur í þeirri grein og eftir að hann varð heimsmeistari haustið 2013 var hann fenginn til að taka fyrsta sparkið í heimaleik Real Madrid, sem er uppáhaldslið hans í spænska boltanum. 

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 7. mars 2015.

Skákþættir Morgunblaðsins

7. umferð Reykjavíkurskákmótsins hefst kl. 15

Reykjavíkurskákmótið er í fullum gangi og 7. umferð hefst kl. 15. Margt verður á boðstólnum í dag, skákskýringar, magnaðar viðureignir, barna-blitz og kannski kemur heimsmeistarinn aftur!

Barna-Blitz

Átta ungir skákmenn hafa unnið sér inn sæti í úrslitunum og mæta á sviðið í Hörpu á sunnudaginn klukkan 12:00.

Teflt verður með útsláttarfyrirkomulagi og dregið í hverja umferð.

Tefldar verða tvær skákir í hverri umferð og svo armageddon skák.

Keppendur:

• Vignir Vatnar Stefánsson TR
• Alexander Mai TR
• Mykhaylo Kravchuk TR
• Róbert Luu TR
• Nansý Davíðsdóttir Fjölnir
• Óskar Víkingur Davíðsson Huginn
• Stefán Orri Davíðsson Huginn
• Halldór Atli Kristjánsson Huginn

Heimsmeistarinn

Heimsmeistarinn í skák, GM Magnús Carlsen, heimsækir mögulega skákstað og kemur kannski í útsendingu ef vel liggur á kappanum. Kemur í ljós!

Skákskýringar

Stórmeistarinn og fv. heimsmeistari ungmenna, GM Jón Loftur Árnason, mætir kl. 17 eða þar um bil og greinir helstu álitamál í skákum dagsins fyrir áhorfendum á skákstað.

Spennandi viðureignir

Af nógu er að taka þegar kemur að spennandi viðureignum í 7. umferð.

Á 1. borði mætast stórmeistararnir Erwin L´ami (2605) og Shakhriyar Mamedyarov (2756). Shak ætlar sér vafalaust sigur og forystu í mótinu - lognmolla kemur ekki til greina!

Á 2. borði mætast GM Alexandr Fier frá Brasilíu og Pavel Eljanov (2727). Eljanov mætir vafalaust fullur ákveðni til leiks, enda þurft að sætta sig við jafntefli gegn stigalægri mönnum í síðustu tveim umferðum.

Á 3. borði er svo okkar maður - GM Hannes Hlífar Stefánsson, sem þrisvar hefur unnið þetta sögufræga mót. Hann hefur hvítt á stórmeistarann Zuniga Julio E Granada (2646) frá Perú, og getur mögulega blandað sér í hóp efstu manna, takist honum að leggja þann perúíska að velli.

Á 5. borði er baráttujaxlinn IM Jón Viktor Gunnarsson (2443) en hann hefur hvítt á GM Eric Hansen (2566) frá Kanada. Jón Viktor hefur staðið sig gríðar vel í mótinu og kemur til með að taka þann kanadíska föstum tökum.

Margar fleiri viðureignir eru í boði og hægt er að rannsaka þær nánar hér.

 

Útsendingar

FM Ingvar Þór Jóhannesson og WIM Fiona Steil-Antoni verða sem fyrr í myndveri og skýra okkur frá gangi mála af mikilli snilld. Útsendingin verður hér.

Mörgum skákum er varpað beint á internetið og er hægt að skoða þær hér.

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér.

Myndasafn

Fiona Steil-Antoni hefur tekið mikið magn ljósmynda sem aðgengilegar eru á Facebook-síðu mótsins hér.

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Páskaeggjasyrpa Nóa Síríus hefst í dag

Nú styttist í eina af skemmtilegustu mótasyrpum ársins!  Páskaeggjasyrpa Nóa Síríus og Taflfélags Reykjavíkur sló rækilega í gegn í fyrra þegar vel á annað hundrað krakkar tóku þátt í þremur mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mtin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg DGT Easy skákklukka handa einum heppnum þátttakanda.

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 15. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 22. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 29. mars kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy skákklukka handa heppnum skákkrakka á hverju páskaeggjamóti!

Skráning fer fram hér og lista yfir skráða keppendur má sjá hér.

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2015!

Reykjavíkurskákmótið: Þrír efstir með 5,5 - Hannes Hlífar og Jón Viktor efstir íslendinga

Það er ekki að sökum að spyrja þegar skák, Reykjavík, Íslensku veðurfari, Magnúsi Carlsen og Hörpunni er hrært saman – Afraksturinn er frábær.

Fyrir umferð dagsins var Shakhriyar Memedyarov (2756) einn efstur með fullt hús og virtist líklegur til að stinga af með sigurinn. Svo fór ekki, en hann fékk mun verra tafl gegn tékkanum David Navara (2736) og má teljast heppinn að hafa haldið jöfnu. Heimsmeistarinn Magnús Carlsen skýrði skákina í myndveri ásamt Fionu Steil-Antoni og var nokkuð viss um svartan sigur í viðureigninni.

Hér taldi Magnús að einfaldast væri að leika a4 og mynda frípeð á a-línunni – eftirleikurinn yrði tæknileg úrvinnsla, svo góða taldi hann stöðu svarts. En David Navara hafði aðrar hugmyndir. Hann lék hér 23.. Rg4? Og Re3? í framhaldinu.

 

 

Riddarinn á e3 er friðhelgur vegna 25. fxR Dxe+ og Hc1 í framhaldi. Hugmynd Navara virtist ganga út á að hvítur svari Re3 (síðasta leik) með Rf3, þá á svartur drottningarfórn, Dxe4!. Taki hvítur drottninguna á e4, kemur Hc1 með máti.

En lífið er ekki svona auðvelt – Shak lék einfaldlega Dd3 og stöðuyfirburðir svarts eru eð engu orðnir – fljótlega var samið jafntefli.

 

Magnús mætti í myndver

Líkt og kom fram að ofan þá mætti heimsmeistarinn í myndver og ræddi um Ísland, skák, pabba sinn sem teflir bara einu sinni á ári – Í Reykjavíkurskákmótinu! Og fór yfir skákirnar og allskonar.

 

Staðan

Eftir sex umferðir eru þrír skákmenn efstir og jafnir með 5,5 vinninga. Þeir eru:

• GM Alexandr Fier (2601) frá Brasilíu
• GM Shakhriyar Memedyarov (2756) frá Aserbæjan
• Og GM Erwin L´ami (2605) frá Hollandi

 

Íslendingar eiga tvo fulltrúa í 4.-12. sæti:

GM Hannes Hlífar Stefánsson (2560) en hann lagði alþjóðameistarann Razvan Preotu (2447) í dag. Hannes hefur hvítt á stórmeistarann Zuniga Julio E Granda (2646) á morgun og getur blandað sér í hóp efstu manna með góðum úrslitum.

 Hinn er að sjálfsögðu alþjóðameistarinn Jón Viktor Gunnarsson (2443) sem hefur átt gríðarlega gott mót og gerði baráttujafntefli í dag við ofurstórmeistarann Hrant Melkumyan (2676). Jón Viktor verður með hvítt gegn stórmeistaranum Eric Hansen (2566) frá Kanada á morgun og getur farið langt með að tryggja sér stórmeistaraáfanga með hagstæðum úrslitum, skilji greinarhöfundur reglurnar rétt.

Stöðuna má skoða nánar hér.

 

Skáksýring

Það er orðninn fastur liður að renna yfir skákir Jóns í þessum pistlum og á því er engin breyting:

Jón Viktor Gunnarsson (2443) heldur áfram góðu gengi á mótinu. Í umferð dagsins var hann með svart gegn stórmeistaranum Hrant Melkumyan (2676) frá Armeníu. Jón Viktor svaraði 1. d4 byrjun Hrants með grjótgarðsafbrigði hollensku varnarinnar. Í útsendingunni kom fram að Jón Viktor hefur líklega aldrei teflt þetta afbrigði áður, enda virtist byrjunin koma hr. Hrant nokkuð á óvart.

1. d4 e6 2. g3 f5 3. Bg2 Rf6 4. c4 d5

Grjótgarðurinn

5. Rh3 c6 6. 0-0 Bd6 7. Bf4 0-0 8. Bxd6 Dxd6 9. Rd2 Rbd7 10. e3 b6 11. Rf4 Re4 12. Rxe4 fxe4 13. Hc1 Bb7 14. Hc3 Rf6 15. h4 dxc4 16. Dc2 e5 17. dxe5 Dxe5 18. Hxc4 Ba6

Förum hratt yfir sögu. Hvítur teflir fast og leysir upp miðborð svarts með tvöfaldri skiptamunsfórn! – Þegar þarna var komið við sögu var þrefaldi heimsmeistarinn, hr. Magnús Carlsen í myndverinu með Fionu Steil-Antoni og leyst hreint út sagt ekki vel á svörtu stöðuna.

19. Hxe4 Rxe4 20. Bxe4 Bxf1 21. Bxh7+ Kf7

Hvítur hefur fórnað tvennum skiptamunum, en staða svarts er við það að falla saman. Hér taldi Magnús Carlsen að staðan væri töpuð fyrir svartan, óhugsandi væri að hann næði að virkja hrókana sína og hvítur ætti auðvelt með að vinna eitthvað af peðum svarts og skiptamun til baka.

22. Kxf1 Df6 23. Bf5 Hfd8 24. Be6+ Ke7 25. Dxc6 Hd1+ 26. Kg2 Had8 27. h5 H1d6

Hvítur hefur saumað að svörtu stöðunni og fátt virðist koma í veg fyrir hvítan sigur. Magnús Carlsen sagði hér að hvítur ætti allt of marga góða leiki í stöðunni – Hann nefndi t.d. 28. Db7+ Ke8 29. Dxa7 sem dæmi um einfalt plan og afskrifaði svartan endanlega.

En þá gerðist eitthvað. Hvítur hugsaði sig um í smá tíma og lék 28. Rg6+?? – Þessu var umsvifalaust svarað með 28.. Kxe6! og svartur er allt í einu með tvo hróka gegn riddara, einum riddara! Vitni sem stóð yfir borðinu þegar Hrant áttaði sig á hvað hann hafði gert lýsti atvikinu sem svo: „Hann varð bara stjarfur, setti hendurnar um andlitið og var þannig í svona 5 mín áður en hann skrifaði leikinn hans Jóns“

Það sem er merkilegast, ef svo má að orði komast, er að Hrant (hvítur) átti 15 mínútur eftir á klukkunni en Jón Viktor rúma eina mínútu – Líklega hefur Hrant fallið í þá gildru að ætla að pressa á svartan, leika hratt og flækja taflið í þeirri von að svartur myndi leika af sér. Hann kolféll á eigin bragði.

Staðan var vitanlega gjörunnin á svart eftir þetta, en Jón Viktor átti eftir að leika 11 leiki þar til 40 leikjum var náð, en þá bætast við 30 mínútur. Hann gaf annann hrókinn fyrir riddarann og hélt sér fast þar til viðbótartíminn bættist við.

28. Rg6+?? Kxe6 29. Dc4 Kd7 30. Da4+ Hc6 31. Da7+ Hc7 32. Da3 Dc6+ 33. Kh2 Dc5 34. Da4+ Kc8 35. Da8+ Kd7 36. Df3 Dg5 37. Rf4 Hf8 38. De2 Hxf4 39. exf4 Dd5 40. Dg4+ Kd8

Staðan virðist vera unnin, en það er miklu meira en að segja það þegar maður situr við borðið. Eitt feilspor og hvítur nær annað hvort þráskák þar sem svarti kóngurinn á lítið skjól, eða peð hvíts á kóngsvængnum rúlla af stað upp borðið – Hér þarf að vanda sig.

41. f5 Hf7 42. Dg5+ Kd7 43. G4 De5+ 44. Kg2 Dxb2 45. De3 Df6 46. Kh3 Dd6 47. Db3 He7 48. Da4+ Dc6 49. Db3 b5 50. Kg3 Dc4

Svartur virðist vera að ná tökum á stöðunni – Nú þarf bara að virkja hrókinn og tjaldið fellur. Það er hins vegar ekki eins auðvelt og það sýnist. Til viðbótar var tíminn af skornum skammti.

51. Df3 De4 52. Da3 Ke8 54. Kh3 Dd5 55. Kh4 De5 56. Kh3 Dd5 57. Kh4 De5 ½ ½

Tíminn var á þrotum og því var þráleikið – jafntefli staðreynd. Gríðarleg baráttuskák hjá okkar manni sem hefði auðveldlega getað tapast hefði ekki verið fyrir afleik hvíts. Hvítur spennti bogann hátt og varð bráðræði sínu að bráð. Úrslitin eru Jóni afar hagstæð og hann á góða möguleika á að ná sínum 3. Stórmeistaraáfanga á mótinu.

Hrant Melkumyan (2676) ½ ½ Jón Viktor Gunnarsson (2443

 

Óvænt úrslit

Af nógu er að taka í flokknum óvænt úrslit líkt og venjulega.

Stórsigrar dagsins:

• Kristján Eðvarðsson (2176) vann IM Victor C Shen (2401)
• Símon Þórhallsson (2009) vann FM Stig Tjomsland (2300)
• Loftur Baldvinsson (1945) vann NM Hans M Niemann (2275)
• Hörður Jónasson (1562) vann David Kenney (1885)
• Óskar Víkingur Davíðsson (1454) vann William Olsen (1716)

 

Árangur Kristjáns Eðvarðssonar vekur athygli en hann er nú búinn að vinna þrjár skákir í röð og er að vinna 40 skákstig! Kristján mætir stórmeistara á morgun, GM Pouya Idani (2496) sem er sá þriðji sem hann mætir í mótinu.

Símon Þórhallsson (2009) er að fara á kostum og hefur einnig unnið þrjár skákir í röð. Í 6. umferð lagði hann FM Stig Tjomsland (2300) frá Noregi og er að moka inn heilum 77 skákstigum. Símon hefur svart á IM Alina L´ami (2393) á morgun og ætlar sér vafalaust stóra hluti.

Loftur Baldvinsson (1945) hefur líka unnið þrjár í röð og er að græða 35 stig. Hann lagði NM Hans M Niemann (2275) í dag og hefur svart á FM Lars Oskar Hauge (2380) á morgun – nú er að vanda sig!

Hörður Jónasson (1562) hefur fengið 2,5 úr síðustu 3 og er að græða tæp 15 stig. Hann mætir Jens Erik Kofoed Hald (2069) á morgun og heldur vonandi áfram góðu gengi!

Óskar Víkingur hefur átt gott mót og er 45 stig í plús! Hann mætir Ludwig Roser (1802) á morgun og heldur pottþétt áfram að tefla vel.

 

Óvænt úrslit 6. umferðar

2. GM Rui Gao (2533) ½ ½ GM Pavel Eljanov (2727)
3. GM Hrant Melkumyan (2676) ½ ½ IM Jón Viktor Gunnarsson (2443)
4. Zbigniew Pakleza (2498) ½ ½ GM Sergei Movsesian (2665)
5. IM Dagur Arngrímsson (2366) ½ ½ GM Héðinn Steingrímsson (2530)
6. GM Hjörvar Steinn Grétarsson (2554) ½ ½ IM Justin Sarkar (2376)
7. GM Sabino Brunello (2540) ½ ½ IM Alina L´ami (2393)
8. GM Sahaj Grover (2519) ½ ½ WGM Sarasadat Khademalsharieh (2357)
9. IM Vladimir Hamitevici (2450) 0-1 FM Tibor Kende Antal (2317)
10. WGM Nino Maisuradze (2302) 1-0 IM Bragi Þorfinnsson (2429)
11. Kristján Eðvarðsson (2176) 1-0 IM Victor C Shen (2401)
12. WGM Lenka Ptacníkóvá (2242) ½ ½ GM Ralf Akesson (2456)
13. Ansgar Barthel (2230) 1-0 FM Einar Hjalti Jensson (2390)
14. Örn Leó Jóhannsson (2107) ½ ½ Dagur Ragnarsson (2347)
15. Roland Loos (2337) 0-1 Tor Gulbrandsen (2095)
16. Stefán Bergsson (2063) ½ ½ Philipp Hitzler (2315)
17. Benjamin Haldorsen (2307) ½ ½ Alberto Prieto (2045)
18. Símon Þórhallsson (2009) 1-0 FM Stig Tjomsland (2300)
19. Loftur Baldvinsson (1945) 1-0 NM Hans M Niemann (2275)
20. Yuri Eijk (2062) ½ ½ IM Marin Daniel Pulvett (2434)
21. IM Vladimir Poley (2269) 0-1 Tom Skovgaard (2042)
22. Jón Kristinsson (2251) ½ ½ Matthew Lunn (2034)
23. Haraldur Haraldsson (1948) ½ ½ FM Richard Bjerke (2180)
24. Jón Trausti Harðarson (2170) ½ ½ Joerg Mehringer (1955)
25. Agnar T Möller (1806) ½ ½ Erhard Rueger (2133)
26. Jens Weichelt (2132) 0-1 Ben Simpson (1843)
27. Dagur Kjartansson (1756) ½ ½ Ludo Tolhuizen (2123)
28. Gregory Lux (2065) ½ ½ Bartosz Miszkielo (1694)
29. Dag Andersen (1843) ½ ½ WFM Qiyu Zhou (2182)
30. Stanislav Gschwendtner (2009) ½ ½ Tommy Hansen (1807)
31. Per Kr Vigdal (1985) 0-1 Tobias Lang Nielsen (1761)
32. Hrund Hauksdóttir (1692) ½ ½ Ole Jorn Gyldenas (1969)
33. Hans K. Gaarder (1701) 1-0 Kris Klausen (1937)
34. August Klofsrud (1571) ½ ½ Martin Sandberg (1889)
35. Hörður Jónasson (1562) 1-0 David Kenney (1885)
36. Sigurður Ingason (1880) 0-1 Wojciech Babijczuk (1549)
37. Birgir Örn Steingrímsson (1669) ½ ½ Dawid Kolka (1875)
38. Halldór Atli Kristjánsson (1335) ½ ½ Ludwig Roser (1802)
39. Óskar Víkingur Davíðsson (1454) 1-0 William Olsen (1716)
40. Susan E Chadwick (1370) 1-0 Elmar Fjallheim (1678)
41. Karl-Johan Rist (1677) ½ ½ Jon Thor Lemery (1273)
42. Alec Elías Sigurðarson (1348) ½ ½ Nikulás Valgeirsson (1000)

 

Pörun í 7. Umferð

Pörun í 7. Umferð liggur fyrir:

Pörunina má skoða nánar hér.

 

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

 

 

[Event "Reykjavik Open 2015"] [Site "?"] [Date "2015.03.14"] [Round "6"] [White "Melkumyan , Hrant"] [Black "Gunnarsson, Jon Viktor"] [Result "1/2-1/2"] [ECO "A90"] [WhiteElo "2676"] [BlackElo "2443"] [Annotator "Sigurdarson,Tomas Veigar"] [PlyCount "114"] [SourceDate "2015.03.14"] 1. d4 e6 2. g3 f5 3. Bg2 Nf6 4. c4 d5 5. Nh3 c6 6. O-O Bd6 7. Bf4 O-O 8. Bxd6 Qxd6 9. Nd2 Nbd7 10. e3 b6 11. Nf4 Ne4 12. Nxe4 fxe4 13. Rc1 Bb7 14. Rc3 Nf6 15. h4 dxc4 16. Qc2 e5 17. dxe5 Qxe5 18. Rxc4 Ba6 19. Rxe4 Nxe4 20. Bxe4 Bxf1 21. Bxh7+ Kf7 22. Kxf1 Qf6 23. Bf5 Rfd8 24. Be6+ Ke7 25. Qxc6 Rd1+ 26. Kg2 Rad8 27. h5 R1d6 28. Ng6+ Kxe6 29. Qc4+ Kd7 30. Qa4+ Rc6 31. Qxa7+ Rc7 32. Qa3 Qc6+ 33. Kh2 Qc5 34. Qa4+ Kc8 35. Qa8+ Kd7 36. Qf3 Qg5 37. Nf4 Rf8 38. Qe2 Rxf4 39. exf4 Qd5 40. Qg4+ Kd8 41. f5 Rf7 42. Qg5+ Kd7 43. g4 Qe5+ 44. Kg2 Qxb2 45. Qe3 Qf6 46. Kh3 Qd6 47. Qb3 Re7 48. Qa4+ Qc6 49. Qb3 b5 50. Kg3 Qc4 51. Qf3 Qe4 52. Qa3 Ke8 53. Qa6 Qe5+ 54. Kh3 Qd5 55. Kh4 Qe5 56. Kh3 Qd5 57. Kh4 Qe5 1/2-1/2