Björgvin sigraði á minningarmóti Þorsteins.

Það var mikið skákmanna val á minningarmóti Þorsteins Guðlaugssonar í Ásgarði í fyrradag. Þrjátíu og einn skákmaður tók þátt í því. Tefldar voru tíu umferðir með 10 mínútna umhugsunartíma. Björgvin Víglundsson varð efstur með 9 vinninga og varðveitir verðlauna hrókinn til næsta árs.

Sigurður Þorsteinsson sonur Þorsteins heitins heiðraði minningu föður síns með því að koma og fylgjast með mótinu  og afhenda Björgvin verðlaunin og þökkum við honum kærlega fyrir það. Bragi Halldórsson fékk silfrið með 8½ vinning. Jafnir í 3.-4. sæti urðu Þór Valtýsson og Guðfinnur R Kjartansson með 7 ½ vinning. Þór örlítið hærri á stigum og fékk bronsið.

Garðar sá um skákstjórn. 

Sjá nánari úrslit í meðfylgjandi töflu (tvíklikka til að sjá betur).

 

Íslandsmót grunnskólasveita fer fram um helgina - skráningarfrestur rennur út í dag

Íslandsmót grunnskólasveita 2015 fer fram í Rimaskóla dagana 18. og 19. apríl nk. Tefldar verða níu umferðir eftir svissneska kerfinu. Fimm á laugardegi,og fjórar á sunnudegi Umhugsunartími 20 mínútur á skák fyrir hvern keppenda. Taflið hefst kl. 13 á laugardeginum en kl. 11 á sunnudeginum.

Hver skóli getur sent fleiri en eina sveit - en hver sveit er skipuð fjórum nemendum 1.-10. bekkjar grunnskóla (auk varamanna)

Þátttökugjöld kr. 7.500.- á sveit.  Þó ekki hærri en kr. 15.000.- fyrir hvern skóla.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Danmörku í september næstkomandi.  

Skráning fer fram á Skák.is (guli kassinn efst).

Skráningu skal lokið í í síðasta lagi 16. apríl.

Hægt er að fylgjast með þegar skráðum sveitum hér.

Ath. Áríðandi er að sveitirnar séu skráðar fyrirfram.

 

Þorvarður, Einar og Guðlaug efst á öðlingamóti

Þorvarður Fannar Ólafsson (2222), Einar Valdimarsson (1945) og Guðlaug Þorsteinsdóttir (1943) eru efst og jöfn með fullt hús á Vormóti öðlinga. Þriðja umferð fór fram í gærkveldi. 

Þorvarður vann Eirík Björnsson (1959), Einar lagði Halldór Pálsson (2030) og Guðlaug hafði betur gegn Halldóri Garðarssyni (1819).

Fjórða umferð fer fram nk. miðvikudagskvöld og hefst kl. 19:30. Þá mætast meðal annars Þorvarður og Einar Valdimarsson. 

• Heimasíða TR
• Chess-Results

 

Nýtt Fréttabréf SÍ

Nýtt Fréttabréf SÍ kom út í gærkveldi. Meðal efnis er:

• Sterkasta Íslandsmótið - Jóhann og Jón L. taka þátt!
• Lenka Íslandsmeistari kvenna
• Íslandsmót grunnskóla- og barnaskólasveita tvær næstu helgar
• Yfirlit yfir íslenska titilhafa
• Mariya Muzychuk heimsmeistari kvenna
• Innrásin til Sardiníu
• EM landsliða 2015 - niðurtalning
• Mót á döfinni

Fréttabréfið má nálgast hér.

Hægt er að skrá sig fyrir Fréttabréfinu sem kemur að jafnaði út tvisvar á mánuði yfir vetrarmánuðina ofarlega á vinstri hluta Skák.is.

Eldri fréttabréf má nálgast hér.

Sterkasta Íslandsmótið - Jóhann og Jón L. taka þátt!

Íslandsmótið í skák fer fram í Háuloftum í Hörpu dagana 14.-24. maí. Mótið nú er það sterkasta sem fram hefur farið! Alls taka átta stórmeistarar þátt og hafa aldrei verið fleiri. 

Jóhann Hjartarson tekur þátt í sínu fyrsta Íslandsmóti í 18 ár en hann tók síðast þátt árið 1997 og vann þá sigur. Enn lengra er síðan Jón L. Árnason tók þátt eða 24 ár en Jón tefldi síðast árið 1991! Síðasta kappskákmót Jóns, að liðakeppnum undanskyldum, var Afmælismót Friðriks Ólafssonar árið 1995 - fyrir 20 árum síðan!

Af tólf keppendum hafa sjö hampað Íslandsmeistaratitlinum. Fulltrúi kvenfólksins er margfaldur Íslandsmeistari kvenna. 

Keppendalistinn er sem hér segir:

1. GM Hannes Hlífar Stefánsson (2590)
2. GM Jóhann Hjartarson (2566)
3. GM Hjörvar Steinn Grétarsson (2560)
4. GM Héðinn Steingrímsson (2532)
5. GM Henrik Danielsen (2520)
6. GM Jón L. Árnason (2499)
7. GM Stefán Kristjánsson (2489)
8. IM Guðmundur Kjartansson (2471)
9. IM Bragi Þorfinnsson (2416)
10. GM Þröstur Þórhallsson (2415)
11. FM Sigurður Daði Sigfússon (2319)
12. WGM Lenka Ptácníková (2270)

Ítarlega verður fjallað um mótið þegar nær dregur.

Heimasíða mótsins.

Guðmundur með tvö góð jafntefli í gær

Alþjóðlegi meistarinn Guðmundur Kjartansson (2471) gerði tvö góð jafntefli við sterka stórmeistara í gær á alþjóðlegu sterku móti í Þýskalandi. Í þeirri fyrri við Andrey Vovk (2651) og þeirri síðari við Rússann Evgeny Romanov (2609). Guðmundur hefur 1 vinning eftir fyrstu þrjár umferðirnar en hefur teflt við þrjá stigahæstu keppendur mótsins. Á því töluvert veikari dagskrá eftir.

Í dag teflir hann við þýska FIDE-meistarann Rovel Fogel (2402).

Tíu keppendur tefla á mótinu og tefla allir við alla. Meðalstig mótsins er 2492 og er Guðmundur nr. 6 í stigaröð keppenda.

• Heimasíða mótsins
• Chess-Results

Skákstjórar í brennidepli - tap dæmt fyrir skrifa leiki fyrirfram

Dómgæsla á skákmótum hefur verið í brennidepli síðustu daga. Skák.is hefur bæði greint frá Wesley So-málinu á bandaríska meistaramótinu og svo varð georískur stórmeistari uppvís af svindli í Dubai nýlega með því að nota sér skákforrit í snjallsíma til hjálpar.

Þriðja dæmið um nýlega dómgæslu átti sér stað á Aeroflot Open þegar tap var dæmt á keppenda fyrir að skrifa niður leikinn á skorblaðið áður en hann lék en slíkt er bannað.

Grípum í umfjöllun rússneska stórmeistarans Dmitry Kryakvin um atvikið á bloggsíðu hans en frásögn var þýdd á Chess24.

In the eighth round of the side event there was a scandal with a very curious pretext. It took place in the encounter between a legend of Moscow chess, IM Pavel Dvalishvili (2439) and his Azerbaijan colleague IM Orkhan Abdulov (2337).

The game was very tense from the opening moves – with two rounds to go the players had +2 and the encounter would mean the winner had chances of taking one of the main prizes worth a few thousand euro, while the loser would be fighting over crumbs in a foreign currency. Later Dvalishvili would claim that from the very first moves the Azerbaijan player acted arrogantly and provocatively. Abdulov countered by saying that Pavel did everything he could to interrupt his thought processes, writing his move down on the scoresheet in advance and sliding it across to try and gauge the reaction of his opponent. Dvalishvili, meanwhile, took his visually impaired certificate out of his pocket and claimed that he’d had nothing of the sort in mind.

The essence of the confrontation was as follows. Abdulov’s position became absolutely lost (moreover, there was a still a long way until the time control – Black hadn’t made it out of the opening), but at the same time the Azerbaijan master appealed to the arbiter on a number of occasions, since Dvalishvili was writing down his move on the scoresheet before he made it. And after another such episode he demanded that his opponent be forfeited. The arbiters rushed to the scene, the game was stopped and the players were taken out into the corridor – what happened there could only be guessed at from some exclamations. Soon the Chief Arbiter Geurt Gijssen also arrived, and they translated from Russian to English to explain the problem that had arisen. And Gijssen, in full accordance with the rules, gave Dvalishvili a zero. It turns out that if a player, despite a warning from the arbiter, continues to write down his moves before he makes them on the board then he can face a tough punishment. Apparently the third time it happens. But did you know about that rule?

I’ll be honest. I felt really sorry for Pasha, although in the bigger picture he’s only got himself to blame for not correcting his behaviour after the first warning. In the end Abdulov won the last game and came 4th, while Dvalishvili only managed to make it into the last “aero-bonuses”. 

Þessi regla um að ekki mætti skrifa leikin fyrirfram var sett fyrir um áratug síðan. Dæmi voru um að vissir skákmenn misnotuðu þetta frelsi t.a.m. geta leikið hratt í tímahraki og jafnvel til þess að sýna "hjálpurum" leikinn til að fá þeirra álit. Því miður er það oft svo að svörtu sauðirnir skemma fyrir hinum.

Sé frásögnin hér að ofan er ritstjóri sammála úrskurði skákstjóra um að dæma tap. Að brjóta af sér þrisvar sinnum í sömu skák er ekki ásættanlegt.

Þess má geta að atvik þar sem skákmaður skrifaði leikina niður fyrirfram kom upp á Reykjavíkurskákmótinu 2012 (Stelios Halkias og Gawain Jones). Um það var fjallað ítarlega í New In Chess (2012#3).

Hannes Hlífar efstur með fullt hús á Wow air Vormóti TR

Stórmeistarinn Hannes Hlífar Stefánsson (2560) er efstur með fullt hús að lokinni þriðju umferð Wow air Vormóts TR sem fram fór í gærkveldi. Hannes vann þá Davíð Kjartansson (2364). Sigurður Daði Sigfússon (2319) sem hafði sigur gegn Erni Leó Jóhannssyni (2107) er annar með 2,5 vinning. 

Staða efstu manna:

• 1. Hannes Hlífar Stefánsson (2560) 3 v.
• 2. Sigurður Daði Sigfússon (2319) 2,5 v.
• 3.-5. Davíð Kjartansson (2364), Ingvar Þór Jóhannesson (2368) og Einar Hjalti Jensson (2390) 2 v.

Stöðuna í heild sinni má nálgast á Chess-Results. 

B-flokkur:

Halldór Pálsson (2021) og Sverrir Örn Björnsson (2097) er efstir með 2,5 vinning. Vignir Vatnar Stefánsson (1909) og Bárður Örn Birkisson (1839) koma svo næstir með 2 vinninga.

Stöðuna má nálgast á Chess-Results.

• Heimasíða TR
• Chess-Results

 

Skákmeistari Georgíu uppvís að svindli

Svindlatvik kom upp í Dubai Open fyrir skemmstu. Skákmeistari Georgíu tveggja síðustu ára,Gaioz Nigalidze, var uppvís að svindli. Hann stundaði klósettferðir stíft og varð andstæðingur hans, armenski stórmeistarinn, Tigran Petrosian, var við það að hann fór ávallt á sama salernið jafnvel þótt önnur væru laus og tilkynnir skákstjóra sem kannar málið.

Í ljós kom þar sími Nigalidze falinn vafinn inn í salernispappír. Nigalidze neitaði að eiga símann en í ljós kom að síminn var innskráður á hans nafn og einnig að staðan í skák hans var í tölvureikningi. 

Á heimasíðu mótsins segir svo frá:

International Arbiter (IA) Mahdi Abdul Rahim, the tournament’s chief arbiter, said Petrosian had earlier informed tournament officials of his suspicion that Nigalidze was getting help from a chess computer through a portable electronic device during the game, as the Armenian noticed the Georgian was oddly frequenting the toilet after each move during a crucial part of the game.

When the officials initially checked Nigalidze, they did not find any device with him. Tournament Director and Chief Arbiter suspected he is using the same cubicle . When they checked the cubicle in question, they found a mobile phone and a headset hidden behind the pan and covered with toilet paper. When confronted, Nigalidze denied he owned the device, but officials opened the smart phone and found it was logged into a social networking site under Nigalidze’s account. They also found his game being analyzed in one of the chess applications.

Nigalidze var vísað úr mótinu með skömm og getur átt á von á löngu banni frá skákmótinu frá FIDE fyrir utan allan mannorðsmissi.

Afleiðingin að þessu gæti verið að allt eftirlit með skákmönnum verði mjög hert á komandi misserum. 

Nánar á Chess24.

Fjórða mótið í Bikarsyrpu T.R. hefst föstudaginn 1. maí

Bikarsyrpa Taflfélags Reykjavíkur er nýjung í mótahaldi á Íslandi. Syrpan samanstendur af nokkrum kappskákmótum og er ætluð börnum á grunnskólaaldri (fædd 1999 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Fjórða mótið í syrpunni hefst föstudaginn 1. maí og stendur til sunnudagsins 3. maí. Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar Taflfélagsins (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (1. maí)
2. umferð 10.30 á laugardegi (2. maí)
3. umferð 14.00 á laugardegi (2. maí)
4. umferð 10.30 á sunnudegi (3. maí)
5. umferð 14.00 á sunnudegi  (3. maí). (Lokaumferð + verðlaunaafhending).

Sigurvegari fyrsta móts Bikarsyrpunnar var TR-ingurinn Mykhaylo Kravchuk, TR-ingurinn Aron Þór Mai sigraði á öðru mótinu og á því þriðja sigraði Fjölnisdrengurinn Jóhann Arnar Finnsson.

Skráning fer fram hér.
Vinsamlegast skráið þátttakendur sem fyrst, það hjálpar við undirbúning mótsins!  Skráðir keppendur.

Bikarsyrpan samanstendur af fjórum mótum í vetur. Bikarar og medalíur eru í verðlaun fyrir efstu sætin í hverju móti, en auk þess verða veitt sérstök verðlaun fyrir samanlagðan árangur á mótunum.

Hlökkum til að sjá ykkur!

• Bikarsyrpa #1
• Bikarsyrpa #2
• Bikarsyrpa #3