Skákþáttur Morgunblaðsins: Baráttan á milli Hjörvars og Héðins

Hjörvar Steinn Grétarsson vann Hannes Hlífar Stefánsson í 7. umferð sem fram fór í Háuloftum Hörpunnar í gær og skaust við það einn í efsta sætið með 5 ½ vinning af sjö mögulegum. Umferðin hófst kl. 14 þar sem fyrir séð var ónæði af djasstónleikum sem fram fóru í Hörpunni í gærkvöldi en Héðinn Steingrímsson og Guðmundur Kjartansson hófu skák sína þó á hefðbundna tímanum eða kl. 17. Skákinni lauk með sigri Héðins sem komst þar með upp við hlið Hjörvars.

Baráttan um Íslandsmeistaratitilinn ætlar því að verða á milli Hjörvars Steins Grétarssonar og Héðins Steingrímssonar. Hjörvar hefur aldrei unnið landsliðsflokkinn á Skákþingi Íslands en Héðinn Steingrímsson varð Íslandsmeistari 15 ára gamall árið 1990 og vann svo í annað sinn árið 2011.

Mikið hefur verið um óvænt úrslit og tilþrifin fjörleg. Í gær vann Sigurður Daði Sigfússon Jóhann Hjartarson í aðeins 22 leikjum og Lenka Ptacnikova lagði Henrik Danielssen.

Þeir Jóhann Hjartarson og Jón L. Árnason hafa átt fremur erfitt uppdráttar enda langt síðan þeir hafa teflt á þessum vettvangi. Mótið er liður í undirbúningi þeirra fyrir þátttöku gullaldarliðs Íslands á Evrópumóti landsliða sem fram hér á landi í nóvember nk. Jóhann vann Hannes Hlífar í vel tefldri skák í 5. umferð en tapaði í tveim næstu umferðum. Jón L. Árnason gerði stutt jafntefli í gær og hefur verið þreifa fyrir sér með byrjanir og annað og virkar hestil varkár í skákum sínum. Báðir hlotið 3 vinninga úr sjö skákum. 

Óvenjulegur biskupsleikur

Hannes Hlífar sem byrjaði mótið með krafi virðist hafa misst dampinn þegar hann tapaði maraþonskák sinni við Jóhann í 86 leikjum, rétt marði jafntefli í annarri maraþonskák í næstu umferð þegar hann tefldi við Lenku Ptacnikovu sem hefur teflt frísklega og frammistaða hennar kemur einna mest á óvart og einnig árangur Einars Hjalta Jenssonar sem er nálægt því að krækja sér í áfanga að alþjóðlegum meistaratititli. Hann vann Henrik Danielsen í 5. umferð í aðeins 24 leikjum. Óvenjulegur biskupsleikur, 9. Bf1xa6 gerði útslagið í skákinni: 

 

Einar Hjalti Jensson – Henrik Danielsen

Sikileyjarvörn

1. e4 d6 2. Rc3 c5 3. f4 Rc6 4. Rf3 a6 5. d4 cxd4 6. Rxd4 g6 7. Be3 Bg7 8. Rd5 Hb8 

Upp er komin óvenjuleg staða í Dreka-afbrigði sikileyjarvarnarinnar. Næsti leikur Einars Hjalta kom eins og þruma úr heiðskíru lofti.

9. Bxa6!!?

Það er ekki oft sem mönnum gefst kostur á því að leika biskupinum frá upphafsreitnum alveg út að endimörkum taflborðsins.

9.... e5 10. fxe5 Rxd4 11. Bxd4 bxa6 12. exd6 Dh4 13. Kf1 f6? Lokar menn svarts inni. Mun betra var 13. .... Kf8.

14. Df3 Bd7 15. h3 Kf7 16. Kg1 f5?

Eftir þetta verður stöðu svarts ekki bjargað. Hann get barist áfram með 16.... He8 þó hvítur hafi meira en nægar bætur fyrir manninn með þrjú peð og öfluga stöðu.

17. Bxg7+ Kxg7 18. Dc3+! Kh6

Eða 18.... Rf6 19. g3! Dg5 20. h4 og riddarinn á f6 fellur.

19. Dxh8 Dxe4 20. Hd1 Dxc2 21. Kh2 Hxb2 22. Hhg1 Hb8 23. Rf6 Rxf6 24. Dxf6

– og svartur gafst upp.

Í 8. umferð sem hefst kl. 17 í dag eigast við Héðinn og Einar Hjalti, Henrik og Hjörvar Steinn, Jón L. og Jóhann, Hannes og Bragi, Guðmundur og Björn og Sigurður Daði og Lenka.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 21. maí 2015.

Skákþættir Morgunblaðsins

Veljið skák (3 alls): 1: Jensson, Einar Hjalti - Danielsen, Henrik 2: Jensson, Einar Hjalti - Danielsen, Henrik 3: Jensson, Einar Hjalti - Danielsen, Henrik

[Event "ch-ISL 2015"] [Site "Reykjavik ISL"] [Date "2015.05.18"] [Round "5.3"] [White "Jensson, Einar Hjalti"] [Black "Danielsen, Henrik"] [Result "1-0"] [ECO "B23"] [WhiteElo "2359"] [BlackElo "2520"] [PlyCount "47"] [EventDate "2015.05.14"] 1. e4 d6 2. Nc3 c5 3. f4 Nc6 4. Nf3 a6 5. d4 cxd4 6. Nxd4 g6 7. Be3 Bg7 8. Nd5 Rb8 9. Bxa6 e5 10. fxe5 Nxd4 11. Bxd4 bxa6 12. exd6 Qh4+ 13. Kf1 f6 14. Qf3 Bd7 15. h3 Kf7 16. Kg1 f5 17. Bxg7 Kxg7 18. Qc3+ Kh6 19. Qxh8 Qxe4 20. Rd1 Qxc2 21. Kh2 Rxb2 22. Rhg1 Rb8 23. Nf6 Nxf6 24. Qxf6 1-0

[Event "ch-ISL 2015"] [Site "Reykjavik ISL"] [Date "2015.05.18"] [Round "5.3"] [White "Jensson, Einar Hjalti"] [Black "Danielsen, Henrik"] [Result "1-0"] [ECO "B23"] [WhiteElo "2359"] [BlackElo "2520"] [PlyCount "47"] [EventDate "2015.05.14"] 1. e4 d6 2. Nc3 c5 3. f4 Nc6 4. Nf3 a6 5. d4 cxd4 6. Nxd4 g6 7. Be3 Bg7 8. Nd5 Rb8 9. Bxa6 e5 10. fxe5 Nxd4 11. Bxd4 bxa6 12. exd6 Qh4+ 13. Kf1 f6 14. Qf3 Bd7 15. h3 Kf7 16. Kg1 f5 17. Bxg7 Kxg7 18. Qc3+ Kh6 19. Qxh8 Qxe4 20. Rd1 Qxc2 21. Kh2 Rxb2 22. Rhg1 Rb8 23. Nf6 Nxf6 24. Qxf6 1-0

[Event "ch-ISL 2015"] [Site "Reykjavik ISL"] [Date "2015.05.18"] [Round "5.3"] [White "Jensson, Einar Hjalti"] [Black "Danielsen, Henrik"] [Result "1-0"] [ECO "B23"] [WhiteElo "2359"] [BlackElo "2520"] [PlyCount "47"] [EventDate "2015.05.14"] 1. e4 d6 2. Nc3 c5 3. f4 Nc6 4. Nf3 a6 5. d4 cxd4 6. Nxd4 g6 7. Be3 Bg7 8. Nd5 Rb8 9. Bxa6 e5 10. fxe5 Nxd4 11. Bxd4 bxa6 12. exd6 Qh4+ 13. Kf1 f6 14. Qf3 Bd7 15. h3 Kf7 16. Kg1 f5 17. Bxg7 Kxg7 18. Qc3+ Kh6 19. Qxh8 Qxe4 20. Rd1 Qxc2 21. Kh2 Rxb2 22. Rhg1 Rb8 23. Nf6 Nxf6 24. Qxf6 1-0

Aðalfundur SÍ fer fram á laugardaginn

Aðalfundur SÍ verður haldinn 30. maí í félagsheimili Breiðabliks (Smáranum) Dalsmára 5. Aðalfundurinn hefst kl. 10.

Vinsamlegast athugið að fundurinn fer ekki fram í Stúkunni við Kópavogsvöll heldur í félagsheimilinu sunnan-meginn við völlinn (sjá mynd).

Hefðbundinn dagskrá verður á  fundinum í samræmi við lög SÍ.

Allmargar lagabreytingattilögur liggja fyrir fundinum og má nálgast á Skák.is.

 

Björgvin vetrarhrókur Ása

Það var létt og góð stemming hjá þeim tuttugu og sex skákmönnum sem skemmtu sér á hraðskákmótinu í gær í Stangarhylnum. Þetta var síðasta mótið á þessari vetrarvertíð. Svo byrjar næsta törn fyrsta september í haust. Riddarar í Hafnarfirði taka aldrei sumarfrí, þeir tefla alla miðvikudaga frá eitt til fimm. Þangað fara þeir skákþyrstu vona ég.

Það voru þrír skákmenn sem sönnuðu það í gær að þeir eru í sér flokki í þessum hóp, eins og þeir hafa oft gert áður. Þetta voru þeir Björgvin,Guðfinnur og Jóhann Örn. 

Björgvin fékk 10 vinninga af 11 í fyrsta sæti, hann tapaði aðeins fyrir Óla Árna. Guðfinnur fékk 9 ½ vinning í öðru sæti, hann tapaði fyrir Björgvini og gerði jafntefli við Össur. Jóhann fékk 9 vinninga í þriðja sæti.hann tapaði fyrir Björgvini og Guðfinni en vann alla aðra. Næstu sex fengu 6 ½ vinning, þannig að 2 ½ vinningur eru á milli þriðja og fjórða manns, Þess vegna teljast þessir þrír vera í sérflokki.

Eftir mótslok og kaffi veislu hjá henni Hallfríði fór fram verðlaunaafhending.

Fyrst voru veitt verðlaun fyrir samanlagðan árangur vetrarins í B liði. Þar fékk Magnús V Pétursson brons, Einar S Einarsson silfur og Ásgeir Sigurðsson gull.

Þá var komið að því að verðlauna Vetrarhrókana, þá sem fengu flesta vinninga á samanlögðum skákdögum vetrarins. 

Páll G Jónsson fékk bronsið hann fékk 150 v í 250 skákum eða 60%, Guðfinnur R Kjartansson fékk silfrið með 199,5 v í 280 skákum eða 71%. Vetrarhrókur nr 1 varð svo Björgvin Víglundsson með 239 v í 270 skákum eða 89%. Björgvin fékk afhentan Vetrahrókinn sérsmíðaðan farandgrip. Guðfinnur vann hann bæði 2014 og 2013

Að sjálfsögðu fengu þrír efstu í hraðskákmótinu gull,silfur og brons.

Það má svo segja frá því að 65 skákmenn  heimsóttu okkur í vetur og tveir af þeim komu á alla viðburði vetrarins. Það voru þeir Jón Víglundsson og Guðfinnur R Kjartansson og þeir fengu klapp í verðlaun fyrir það.

Stjórnin öll,þeir Garðar, Finnur, Viðar og Jónas, sá um skákstjórnina í gær og gekk það snurðulaust fyrir sig.

Að lokum vil ég þakka öllum þeim sem tóku þátt í starfinu í vetur kærlega fyrir þátttökuna.

Sjá nánari úrslit í töflu og myndir frá ESE

 

Móðir allra skemmtikvölda fer fram á föstudagskvöld!

Lokaskemmtikvöld starfsársins hjá Taflfélagi Reykjavíkur fer fram á föstudagskvöld og hefst klukkan 20.00  Nú er mikið er undir, enda leiða saman hesta sína sigurvegarar allra skemmtikvöldanna í vetur í epískri baráttu um titilinn Skemmtikvöldakóngurinn 2015.

En það verður einnig nóg af taflmennsku fyrir alla þá skákmenn sem ekki höfðu erindi sem erfiði við að tryggja sér sæti í úrslitunum, því samhliða kóngakeppninni verður keppt í áskorendaflokki sem er öllum opinn.

Í kóngaflokknum eiga keppnisrétt eftirtaldir sigurvegarar vetrarins.

Íslandmeistarar í Fischer random liðakeppni 2014 - TR (Keppandi að eigin vali úr sigurliðinu)

• Mórinn 2014 - GM Hannes Hlífar Stefánsson
• Karlöndin 2014 - GM Stefán Kristjánsson
• Úlfurinn 2014 - Guðni Stefán Pétursson
• Frikkinn 2015 - IM Jón Viktor Gunnarsson
• Gagginn 2015 - Gagnfræðaskóli Akureyrar (keppandi að eigin vali úr því merka sigurliði)
• Íslandsmeistarinn í Fischer Random 2015 - Björn Ívar Karlsson

Í flokknum verður tefla allir við alla tvöfalda umferð (12 skákir)

Í áskorendaflokki verða tefldar 12 umferðir eftir svissnesku kerfi.

Upplýsingar og dagskrá:

•     Kvöldið hefst kl. 20.00  Skráning á staðnum.
•     12 umferðir, 3 min +2 sek  umhugsunartími á skák
•     Tvö hlé gerð á taflmennskunni.  Bjórinn á 500 kr. fyrir keppendur allt           kvöldið á Billiardbarnum.
•     Verðlaunaafhending í mótslok 

•     Kóngaflokkur:
•      Bikar + 8000 króna inneign á Billiardbarnum
•      Verðlaunapeningur + 5000 króna inneign á Billiardbarnum  
•      Verðlaunapeningur + 2000 króna inneign á Billiardbarnum 

•     Áskorendaflokkur:
•     1. sæti. 3000 króna inneign á Billiardbarnum og sæti í úrslitum                   kóngakeppninnar að ári!
•     2. sæti. 2000 króna inneign á Billiardbarnum
•     3. sæti.  1000 króna inneign á Billardbarnum

 

•     Aðgangseyrir 500 kr.
•     Bjórinn á Billiardbarnum 500 kr. allt kvöldið fyrir keppendur og gesti           skemmtikvöldsins.  30% afsláttur af tímagjaldi í pool eftir mót.
•     20 ára aldurstakmark og meðferð áfengra drykkja bönnuð í húsakynnum               félagsins.

Tilvalið tækifæri til að slútta skákárinu með því að taka þátt í skemmtilegu móti og ræða viðburði vetrarins á Billanum!

Verið velkomin!

Nánar á heimasíðu TR

Meistaramót Skákskóla Íslands hefst á föstudaginn - teflt í tveimur flokkum

Meistaramót  Skákskóla Íslands fyrir starfsárið 2014/2015 hefst föstudaginn 29. maí og lýkur 31. maí. Mótið fer fram í tveim styrkleikaflokkum og verður reiknað til alþjóðlegra og íslenskra stiga í báðum flokkunum.  Tímamörk eru þó mismunandi í flokknum.

Tefldar verða sex umferðir eftir svissneska kerfinu í báðum flokkum. 

Aðalstyrktaraðili mótsins að þessu sinni er GAMMA. 

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.  

Skráning fer fram á Skák.is (guli kassinn efst). 

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku. 

 

Núverandi meistari  Skákskóla Íslands er Dagur Ragnarsson.   

Dagskrá mótsins verður með eftirfarandi hætti: 

Flokkur 1600 alþjóðleg elo – stig og ofar: 

1. umferð: Föstudagurinn 29. maí kl. 16-20
2. umferð: Föstudagurinn 29. maí kl. 20-00 

3. umferð. Laugardagur 30. maí kl. 10-14
4. umferð: Laugardagurinn 30. maí 15–19 

5. umferð: Sunnudagurinn 31. maí kl.10-14
6. umferð: Sunnudagurinn 31. maí kl.15-19 

Tímamörk í öllum umferðunum 90 30. 

Keppendur geta tekið ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.   

Flokkur undir 1600– elo-stigum og stigalausir: 

1. umferð: Föstudagurinn 29. maí kl. 18-20
2. umferð: Föstudagurinn 29. maí kl. 20-22 

3. umferð. Laugardagur 30. maí kl. 10-12
4. umferð: Laugardagurinn 30. maí 15–17 

5. umferð: Sunnudagurinn 31. maí kl. 10-12
6. umferð: Sunnudagurinn 31. maí kl. 15-17

Tímamörk í öllum umferðunum 30 30.

Keppendur geta tekið ½ vinning yfirsetu í fyrstu fjórum umferðunum en tilkynna verður um yfirsetuna fyrir umferð og áður en raðað er í þá næstu.  

Verðlaun í flokki 1600 elo + 

1. verðlaun: farmiði að verðmæti kr. 50 þús + uppihaldskostnaður á kr. 35 þús.
2. verðlaun: Farmiði að verðmæti kr. 40 þús. 
3. – 5. sæti Vandaðar skákbækur.

Auk þess verða veitt stigaflokkaverðlaun í mótinu:

 

1800 – 2000 elo:

Farmiði að verðmæti kr. 40 þús.

 

1600-1800 elo:

Farmiði að verðmæti kr. 40 þús. 

Mótsstig úrskurða verði keppendur jafnir að vinningum nema í keppni um 1.  sæti. Þá skal teflt um titilinn Meistari Skákskóla Íslands 2015. 

Verðlaun í flokki 1600 elo og minna  og stigalausra: 

1. verðlaun: farmiði að verðmæti kr. 40 þús:
2. – 3. verðlaun: vandaðar skákbækur að eigin vali.

Hægt að sækja um styrki til SÍ til 31. maí

Þann 31. maí rennur út umsóknarfrestur um styrki til stjórnar SÍ. Styrktarreglur sambadnsins má nálgast hér að neðan:

Styrkjareglur SÍ

Aðalmarkmið styrkveitinga stjórnar Skáksambands Íslands til einstaklinga er að styðja við bakið á þeim skákmönnum sem sýnt hafa mestar framfarir, metnað og ástundun á síðustu 12 mánuðum, og þykja því líklegastir til að ná enn lengra í nánustu framtíð. Einnig er markmiðið að verðlauna fyrir afburðaárangur og hvetja þannig til afreka.

Styrkjum frá SÍ er ekki ætlað að styrkja hinn almenna skákáhugamann til farar erlendis, heldur einungis þá sem þykja skara fram úr. Sérstök áhersla er lögð á yngri skákmenn sem eru tilbúnir til að leggja á sig þjálfun til að standa sig á þeim mótum sem styrkbeiðni liggur fyrir um. 

Við allar úthlutanir á að vera lögð áhersla á jafnrétti kynjanna og að þeim stúlkum sem skarað hafa fram úr í hverjum aldursflokki sé gert kleift að afla sér reynslu á skákmótum erlendis til jafns á við stráka. Sams konar kröfur um ástundun, árangur og framfarir eru hins vegar gerðar til stúlkna og drengja, kvenna og karla, hvað styrkjaúthlutanir varðar

Viðmið við styrkúthlutanir

1.     Allir styrkþegar SÍ (ungir, alþjóðlegir og aðrir) þurfa að uppfylla eftirfarandi þrjú skilyrði:

• Hafa teflt 50 kappskákir á síðustu 24 mánuðum fyrir árið 2010 og 60 skákir fyrir árið 2011 og síðar.
• Hafa sýnt umtalsverðar framfarir á sl. 12 mánuðum, sem sjáist m.a. á árangri á skákmótum ársins, hækkun skákstiga og reglulegri þjálfun.
• Hafa sýnt virkni í skákmótum innanlands.

2.     Ungir skákmenn (25 ára og yngri) hafa forgang þegar kemur að úthlutun ferðastyrkja. Eftirfarandi börn og unglingar njóta sérstaks forgangs:

• Undir 12 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 12-16 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 16-20 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 20-25 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)

3.     Alþjóðlegir meistarar geta fengið ferðastyrki frá SÍ óháð aldri.

4.     Þeir sem þiggja stórmeistaralaun geta ekki fengið almenna ferðastyrki frá SÍ.

5.     Aðrir skákmenn geta fengið ferðastyrki ef þeir ná árangri sem samsvarar 2350 stigum eða meira ("performance") í móti sem styrkur er sóttur um. Ákvörðun um styrkveitingu er tekin eftir mót.

Umsóknareyðublöð og skil 

Allir sem sækja um styrk til SÍ þurfa að leggja fram umsókn á þar til gerðu rafrænu eyðublaði.

Rafræna eyðublaðið

Þar á að koma fram hvers vegna tiltekið skákmót er valið og hvers vegna viðkomandi telur að hann hafi rétt á styrk frá SÍ skv. ofangreindum skilyrðum.

Í umsókninni skal lögð fram æfingaáætlun þar sem þjálfun fyrir tiltekið mót og þátttaka á skákmótum næstu 3 mánuði er skýrð.

Ef umsókn er ófullnægjandi og ekki skilað á þann hátt sem að ofan greinir, er henni sjálfkrafa vísað frá. 

Styrkir SÍ eru afgreiddir þrisvar sinnum á ári. 10. febrúar, 10. júní og 10. október. Sækja þarf um styrkina í lok mánaðarins á undan. Ætlast er til að sótt sé um styrki áður en haldið er mót en ef góðar aðstæður valda því að sótt er um eftir á er tekið tillit til þess.

Sérstök styrkjanefnd, skipuð af stjórn SÍ, fer yfir allar umsóknir og gerir tillögur til stjórnar um afgreiðslu styrkja hverju sinni. 

Að jafnaði getur enginn fengið meira en 60.000 krónur á ári í styrk frá SÍ, nema þegar hann er fulltrúi Íslands á alþjóðlegum mótum erlendis. Ef einhver þykir skara sérstaklega fram úr á sl. 12 mánuðum er þó hægt að gera undantekningu á þessari reglu og hækka árlegan styrk til viðkomandi aðila. 

Skyldur styrkþega gagnvart SÍ: 

Að loknu móti skulu styrkþegar senda stutta frásögn til styrkjanefndar og skýra skák frá mótinu sem þeir hlutu styrk til að taka þátt í. Styrkjanefnd mun síðan birta greinina í einhverjum miðli skákhreyfingarinnar.

Ef stjórn SÍ fær áreiðanlegar upplýsingar um ósæmilega og vítaverða hegðun styrkþega á skákstað (t.d. áfengisnotkun á meðan á móti stendur) og ef styrkþegi hættir á skákmóti án löglegra forfalla, mun viðkomandi vera sviptur þeim styrk sem honum var veittur. Viðkomandi mun auk þess ekki koma til greina við úthlutun styrkja SÍ næstu 12 mánuði.

Styrkir eru borgaðir út eftir að skákmóti lýkur, þegar ljóst er að skyldur styrkþega hafa verið uppfylltar. 

 

Skákþáttur Morgunblaðsins: Hannes Hlífar með vinnings forskot - teflir við Jóhann í dag

Íslandsmeistarinn frá því í fyrra GuðHannes Hlífar Stefánsson hefur náð eins vinnings forystu í landsliðsflokki á Skákþingi Íslands sem nú stendur yfir í sal Hörpunnar, Háuloftum. Hannes hefur hlotið 3 ½ vinning en næstir koma Hjörvar Steinn Grétarsson, Héðinn Steingrímsson og Henrik Danielsen með 2 ½ vinning. Baráttan hefur verið afar frískleg og jafnteflishlutfall lágt eða 33% en reglur keppninnar leyfa ekki að samið sé um jafntefli eftir innan við 30 leiki. Hjörvar Steinn Grétarsson, sem vann Jóhann Hjartarson með góðri taflmennsku í 2. umferð, gat náð efsta sætinu þegar hann tefldi við Lenku Ptacnikovu í 3. umferð en lék af sér hrók í vænlegri stöðu og tapaði. Stórmeistararnir Jóhann Hjartarson og Jón L. Árnason, sem tefldu á Íslandsþinginu síðast á tíunda áratug síðustu aldar, unnu báðir í gær og eru með 2 vinninga hvor. Æfingaleysi hefur lítillega gert vart við sig hjá þeim báðum; þannig missti Jóhann vinningsstöðu niður í tap í skák sinni við Braga Þorfinnsson í 3. umferð en eins og sakir standa eru þeir til alls líklegir á lokasprettinum. Keppendur eru 12 talsins og tefla allir við alla.

Skák Héðins og Hannesar Hlífars í 3. umferð var fyrirfram talin geta haft mikil áhrif á það hvernig baráttan um Íslandsmeistaratitilinn þróast. Á Íslandsþinginu fyrir ári vann Héðinn innbyrðis viðureign þeirra en nú snerist taflið við, Hannes tefldi af miklum krafti og vann sannfærandi sigur:

Skákþing Íslands 2015; 3. umferð:

Héðinn Steingrímsson – Hannes Hífar Stefánsson

Nimzo-indversk vörn

1. d4 Rf6 2. c4 e6 3. Rc3 Bb4 4. Dc2 O-O 5. a3 Bxc3+ 6. Dxc3 b5 7. cxb5 a6!?

Peðsfórnin í 6. leik er vel þekkt en svartur fygir henni yfirleitt eftir með því að leika 7. ... c6. Leikurinn virtist ekki koma Héðni mikið á óvart því hann svaraði að bragði.

8. f3 Rd5 9. Dd2 f5 10. e3 f4 11. e4?

Óákvæmur leikur. Eftir 11. exf4! Rxf4 12. Df2 er hæpið að svartur hafi nægar bætur fyrir peðið.

11. ... Re3! 12. Df2 Rxf1 13. Dxf1 d5 14. e5 axb5 15. b4 

15. ... c5! 16. dxc5 Rc6 17. Bb2 Hf5 18. Re2 Rxe5 19. Rxf4 Rc4 20. Rd3 e5!

Hótar 21. ... e4. Þungu fallstykki hvíts standa nú öll uppi í borði.

21. g4 Hf8

21. ... e4!? var freistandi en þessi leikur er öruggari þar sem hvítur getur varist með 22. gxf5 exd3 23. O-O-O! o.s.frv.

22. Bxe5 Rxe5 23. Rxe5 Dg5 24. Rd3 Bxg4 25. f4 Dh6

Góður reitur fyrir drottninguna sem hefur auga með f4-peðinu en 25. ... Hfe8+ 26. Kd2 Df5! vinnur strax því 27. He1 er svarað með 27. ... He4! o.s.frv.

26. Kd2 Bf5 27. h4 d4 28. Df3 Had8 29. Hhf1?

Meira viðnám veitti 29. Hae1.

29. ... Hfe8!

Og hvítur á enga vörn við hótuninni 30. ... He3.

30. Df2 He3 31. Rc1 De6 32. Hg1 He8 33. Df1 De4 34. Ha2 Hc3 35. Re2 Dd3 36. Dd3+

- og gafst upp um leið.

Fimmta umferð hefst kl. 17 í Hörpu í dag og þá teflir Jóhann Hjartarson við Hannes Hlífar, Hjörvar Steinn við Braga Þorfinnsson, Héðinn við Sigurð Daða, Einar Hjalti við Henrik Danielsen, Jón L. við Guðmund Kjartansson og Lenka við Björn Þorfinnsson.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 18. maí 2015.

Skákþættir Morgunblaðsins

[Event "Islandsmot 2015 - Landslidsflokkur"] [Site "HARPA"] [Date "2015.05.16"] [Round "3.3"] [White "Steingrimsson, Hedinn"] [Black "Stefansson, Hannes"] [Result "0-1"] [ECO "E32"] [WhiteElo "2532"] [BlackElo "2590"] [PlyCount "71"] [EventDate "2015.??.??"] [TimeControl "6000+1430"] [WhiteClock "0:08:42"] [BlackClock "0:05:28"] 1. d4 Nf6 2. c4 e6 3. Nc3 Bb4 4. Qc2 O-O 5. a3 Bxc3+ 6. Qxc3 b5 7. cxb5 a6 8. f3 Nd5 9. Qd2 f5 10. e3 f4 11. e4 Ne3 12. Qf2 Nxf1 13. Qxf1 d5 14. e5 axb5 15. b4 c5 16. dxc5 Nc6 17. Bb2 Rf5 18. Ne2 Nxe5 19. Nxf4 Nc4 20. Nd3 e5 21. g4 Rf8 22. Bxe5 Nxe5 23. Nxe5 Qg5 24. Nd3 Bxg4 25. f4 Qh6 26. Kd2 Bf5 27. h4 d4 28. Qf3 Rad8 29. Rhf1 Rfe8 30. Qf2 Re3 31. Nc1 Qe6 32. Rg1 Re8 33. Qf1 Qe4 34. Ra2 Rc3 35. Ne2 Qd3+ 36. Ke1 0-1

Firmakeppni SA: Efling öflugust

Þegar júróvísjonaðdáendur sátu sem fastast við skjáinn á fimmtudagskvöldið til að fylgjast með hvort Ísland kæmist í úrslit öttu skákmeistarar kappi hver við annan í Íþróttahöllinni. Þar fór fram lokaumferðin í Firmakeppninni. 12 fyrirtæki höfðu unnið sér inn þátttökurétt í mótinu í sex undanrásum. Mótið var jafnt og sterkt. Enginn keppandi hlaut fullt hús og allir komust á blað.

Bestum árangri náði sjúkraþjálfunin Efling en Jón Kristinn Þorgeirsson tefldi fyrir það fyrirtæki. Tapaði hann aðeins einni skák en lagði aðra andstæðinga.

Öllum fyrirtækjum sem tóku þátt í firmakeppninni er hér með þakkað fyrir stuðninginn og Eflingu er óskað til hamingju með sigurinn.

Staða efstu átta fyrirtækjanna var sem hér segir:

1. Efling, sjúkraþjálfun (Jón Kristinn Þorgeirsson)
2. Rarik (Áskell Örn Kárason)

3.-4.Litla saumastofan (Sigurður Arnarson) og Krua Siam (Haraldur Haraldsson)

5.-6. Kraftbílar (Þór Valtýsson) og SBA (Sveinbjörn Sigurðsson)

7. Kaffibrennslan (Kristinn P. Magnússon)
8. Landsbankinn (Smári Ólafsson)
9. -12. Rafeyri, Securitas, Olís og Tengir.

 

Vorhraðskákmót Ása fer fram á morgun

Æsir, skákfélag eldri borgara í Reykjavík halda sitt vorhraðskákmót á morgun þriðjudag kl 13.00 í Stangarhyl 4. Allir skákmenn, karlar 60+ og konur 50+ velkomnir. Tefldar verða níu umferðir með sjö mín. umhugsunartíma. 

Þá verða afhent verðlaun fyrir samanlagðan árangur á öllum skákdögum vetrarins.

Í tilefni dagsins höfum við kaffi hlé  og fáum okkur kaffi og með því hjá henni Hallfríði kaffikonunni okkar.

Héðinn Steingrímsson Íslandsmeistari í skák eftir sannfærandi sigur á Hjörvari

Héðinn Steingrímsson er Íslandsmeistari í skák 2015 eftir sannfærandi sigur á Hjörvari Steini Grétarssyni í lokaumferð Íslandsmótsins í skák sem fram fer í Hörpu í dag. Héðinn hlaut 9,5 í 11 skákum sem er frábært skor í svo sterku móti. Frammistaða hans samsvaraði 2763 skákstigum og hækkar hann um 29 skákstig fyrir hana. Héðinn vann sjö síðustu skákirnar!

Ingvar Þór Jóhannesson skýrir skákina á ensku á heimasíðu mótsins.

Þetta er þriðji Íslandsmeistaratitill Héðins. Hann vann fyrst mótið árið 1990, sem þá fór fram í Höfn í Hornafirði, þá aðeins 15 ára. Það er met sem enn stendur og verður seint slegið. Hann endurtók leikinn árið 2011 á Eiðum. 

Hjörvar Steinn hlaut 8 vinninga og varð annar. Mjög góður árangur hjá Hjörvari einnig. Átta vinningar hafa oft dugað til vinnings á Íslandsmótinu en svo varð ekki í ár. 

Hannes Hlífar Stefánsson og Jón L. Árnason urðu jafnir í 3.-4. sæti með 6,5 vinning. Það er þegar ljóst þótt enn sé tveimur skákum ólokið í umferðinni. Mjög góður árangur hjá Jóni sem var að tefla á sínu fyrsta Íslandsmóti í 24 ár! Hannes, sem er sigursælastur allra í sögu Íslandsmótanna með 12 titla, hefði örugglega vilja gera betur. Hann var þó sá eini sem vann Héðin.

Einar Hjalti Jensson varð fimmti með 6 vinninga. Afar góður árangur hjá honum sem tryggði sér þar með sinn lokaáfanga að alþjóðlegum meistaratitli.

Lokahóf mótsins fer fram í Smurstöðinni í Hörpu og verður milli 19-21 í kvöld. Þangað eru allir 18 og eldri velkomnir til að fagna nýjum Íslandsmeistara og til að hitta aðra skákáhugamenn og gera sér góðan dag. Tilboðsverð á barnum fyrir þá sem það kjósa. 

Ítarleg umfjöllun um Íslandsmótið verður í kvöldfréttum Ríkissjónvarpsins.

• Heimasíða mótsins
• Chess-Results
• Beinar útsendingar (tölvuskýringar)
• ChessBomb
• Myndaalbúm (GB)