Reykjavíkurmót grunnskólasveita fer fram á mánudaginn - skráningarfrestur rennur í dag

Reykjavíkurmót grunnskólasveita í skák 2015 fer fram mánudaginn 8. febrúar og hefst kl.17.

Tefldar verða sjö umferðir með 10 mín. umhugsunartíma á skák. Allar sveitirnar keppa í einum opnum flokki, og veitt verða verðlaun fyrir þrjár efstu sveitirnar sem og þrjár efstu stúlknasveitirnar. Hver sveit skal skipuð fjórum nemendum frá hverjum skóla auk 1-4 varamanna.

Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv. Sigursveitin verður Reykjavíkurmeistari grunnskólasveita 2015 og hlýtur farandbikar til vörslu í eitt ár. Mótinu lýkur um kl. 20. Verðlaunaafhending verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Skóla-og frístundasviðs Reykjavíkur og fer keppnin fram í félagsheimili Taflfélags Reykjavíkur að Faxafeni 12.

Mikilvægt er að skólarnir sendi fylgdarmann með sínu liði, keppendum til halds og trausts.

Þátttaka tilkynnist til skrifstofu Skóla- og frístundasviðs eða á [e-mail]. Einnig er hægt að senda skráningu á [e-mail] eigi síðar en föstudaginn 5. febrúar.

Ekki verður hægt að skrá lið á mótsstað.

Þátttökurétt hafa eingöngu nemendur í grunnskólum Reykjavíkur.

Nakamura sigurvegari Gíbraltar-mótsins

Bandaríski stórmeistarinn Hikaru Nakamura (2785) sigraði á Gíbraltar-mótinu sem lauk fyrr í dag. Nakamura varð efstur ásamt Frakkanum Maxime Vachier-Lagrave (2785) með 8 vinninga í 10 skákum. Tefldu þeir til úrslita og þar hafði Kaninn betur 3-2.

Frammistaða Anand (2784) vakti mikla athygli á mótinu en hann hlaut aðeins 6,5 vinning og endaði í 41. sæti og tapar 22 skákstigum. Anand er nú dottinn niður í tólfta sætið á lifandi stigalistanum.

Feðginin Magnús Kristinsson (1776) og Veronika Steinunn (2762) tóku þátt. Magnús hlaut 4 vinninga en Veronika hlaut 2,5 vinning.

• Heimasíða mótsins
• Chess-Results

 

 

Skákkeppni vinnustaða fer fram á miðvikudagskvöld

Taflfélag Reykjavíkur býður öllum vinnustöðum að taka þátt í Skákkeppni vinnustaða 2016 sem fram fer í félagsheimili T.R., Skákhöllinni Faxafeni 12, miðvikudaginn 10. febrúar og hefst kl. 19.30. Mótið, sem er styrktarmót Taflfélags Reykjavíkur, er kjörið fyrir hinn almenna skákáhugamann þar sem vinnufélagar geta myndað lið og spreytt sig gegn skákmönnum annarra vinnustaða.

Dagsetning: Miðvikudagur 10. febrúar kl. 19.30

Staður: Taflfélag Reykjavíkur, Faxafeni 12

Keppnisfyrirkomulag

Þriggja manna lið með 1-2 varamönnum
Vinnustaður getur sent nokkur lið til keppni sem verða þá auðkennd sem A-lið, B-lið o.s.frv.
Svissneskt pörunarkerfi og flestir vinningar gilda
7-11 umferðir (bundið þátttöku)
Umhugsunartími er 10 mínútur á mann

Verðlaun

1. Eignabikar fyrir vinnustaðinn og farandbikar til vörslu í 1 ár auk verðlaunapeninga fyrir keppendur

2. Eignabikar fyrir vinnustaðinn auk verðlaunapeninga fyrir keppendur

3. Eignabikar fyrir vinnustaðinn auk verðlaunapeninga fyrir keppendur

Þátttökugjald: 15.000 kr fyrir hvert lið

Nánari upplýsingar: Ríkharður Sveinsson, stjórnarmaður í Taflfélagi Reykjavíkur. Netfang: [e-mail] gsm: 7722990.

Skráning og staðfesting þátttöku

Skráningu skal senda á netfang félagsins [e-mail] þar sem fram kemur vinnustaður, fjöldi liða og nafn tengiliðs ásamt símanúmeri.

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2016 – hlökkum til að sjá ykkur!

Hraðskákmót Reykjavíkur fer fram á sunnudaginn

Hraðskákmót Reykjavíkur verður haldið í félagsheimili Taflfélags Reykjavíkur að Faxafeni 12 sunnudaginn 7. febrúar kl. 14.

Tefldar verða 11 umferðir með tímamörkunum 3+2 (3 mínútur auk 2 sekúndna viðbótartíma eftir hvern leik).

Mótið verður reiknað til hraðskákstiga.

Þátttökugjald er kr 500 fyrir 18 ára og eldri en frítt fyrir 17 ára og yngri. Skráning fer fram á skákstað.

Þrenn verðlaun í boði.

Eftir Hraðskákmótið fer fram verðlaunaafhending fyrir Skákþing Reykjavíkur.

Núverandi hraðskákmeistari er Dagur Ragnarsson.

Örn Leó efstur á hraðkvöldi

Örn Leó Jóhannsson hefur verið óstöðvandi á skákkvöldum Hugins eftir áramót og sigrað á þeim öllum. Það varð engin breyting á síðasta hraðkvöldi sem fram fór í gær 1. febrúar. Örn Leó fékk að vísu ekki fullt hús því Jón Olav Fivelstad sá fyrir því með jafntefli þeirra á milli snemma kvölds. Aðrir máttu láta í minni pokann og fékk Örn Leó 7,5 vinning í átta skákum að þessu sinni.

Næstir komu Bárður Örn Birkisson og Vigfús Ó. Vigfússon með 6v en Bárður var hálfu stigi hærri og hlaut því annað sætið og Vigfús það þriðja. Örn Leó hélt sig við Saffran en Hjálmar Sigurvaldason sem var dreginn í happdrættinu valdi pizzu frá Dominos.

Vigfús sá um skákstjórn en vegna annríkis skákstjóra við taflmennskuna sá Hörður Jónasson að mestu um skráningu úrslita. Næsta skákkvöld verður atkvöld mánudaginn 29. febrúar. Það er alveg óvíst hvenær gefst tækifæri til að tefla aftur á hlaupársdegi eftir það á þessum skákkvöldum.

Lokastaðan á hraðkvöldinu:

1. Örn Leó Jóhannsson, 7,5v/8
2. Bárður Örn Birkisson, 6v (17 stig)
3. Vigfús Ó. Vigfússon, 6v /16,5 stig)
4. Jon Olav Fivelstad, 5,5v
5. Gunnar Nikulásson, 4,5v
6. Hjálmar Sigurvaldason, 3v
7. Hörður Jónasson, 1,5v
8. Sigurður Freyr Jónatansson, 1v
9. Björgvin Kristbergsson, 1v

 

Björgvin efstur í Ásgarði í gær

Æsir þeir börðust í  Ásgarði, félagsheimili F E B í gær eins og  þeir gera alla þriðjudaga frá kl. 13.00 til 17.00. Það var mikið skákmannaval sem mættu í gær og hart barist í öllum umferðum. Björgvin Víglundsson varð einn efstur með 9 vinninga af 10. Björgvin er nýbúinn að taka þátt í Skákþingi Reykjavíkur með góðum árangri og er í fantaformi.

Það voru aðeins tveir sem héldu jöfnu við hann í gær, það voru þeir Þór Valtýsson og Össur Kristinsson. Jafnir í öðru til þriðja sæti urðu þeir Jóhann Örn Sigurjónsson og Páll G Jónsson báðir með 7 vinninga.

Karl Steingrímsson skákvinur okkar frá S A er í bænum og tefldi með okkur í gær og þökkum við honum kærlega fyrir komuna.

Það mættu þrjátíuogtveir til leiks í gær. 

Sjá nánari úrslit í töflu og myndum frá ESE.

 

Reykjavíkurmót grunnskólasveita fer fram á mánudaginn

Reykjavíkurmót grunnskólasveita í skák 2015 fer fram mánudaginn 8. febrúar og hefst kl.17.

Tefldar verða sjö umferðir með 10 mín. umhugsunartíma á skák. Allar sveitirnar keppa í einum opnum flokki, og veitt verða verðlaun fyrir þrjár efstu sveitirnar sem og þrjár efstu stúlknasveitirnar. Hver sveit skal skipuð fjórum nemendum frá hverjum skóla auk 1-4 varamanna.

Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv. Sigursveitin verður Reykjavíkurmeistari grunnskólasveita 2015 og hlýtur farandbikar til vörslu í eitt ár. Mótinu lýkur um kl. 20. Verðlaunaafhending verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Skóla-og frístundasviðs Reykjavíkur og fer keppnin fram í félagsheimili Taflfélags Reykjavíkur að Faxafeni 12.

Mikilvægt er að skólarnir sendi fylgdarmann með sínu liði, keppendum til halds og trausts.

Þátttaka tilkynnist til skrifstofu Skóla- og frístundasviðs eða á [e-mail]. Einnig er hægt að senda skráningu á [e-mail] eigi síðar en föstudaginn 5. febrúar.

Ekki verður hægt að skrá lið á mótsstað.

Þátttökurétt hafa eingöngu nemendur í grunnskólum Reykjavíkur.

Hraðskákmót Reykjavíkur fer fram á sunnudaginn

Hraðskákmót Reykjavíkur verður haldið í félagsheimili Taflfélags Reykjavíkur að Faxafeni 12 sunnudaginn 7. febrúar kl. 14.

Tefldar verða 11 umferðir með tímamörkunum 3+2 (3 mínútur auk 2 sekúndna viðbótartíma eftir hvern leik).

Mótið verður reiknað til hraðskákstiga.

Þátttökugjald er kr 500 fyrir 18 ára og eldri en frítt fyrir 17 ára og yngri. Skráning fer fram á skákstað.

Þrenn verðlaun í boði.

Eftir Hraðskákmótið fer fram verðlaunaafhending fyrir Skákþing Reykjavíkur.

Núverandi hraðskákmeistari er Dagur Ragnarsson.

Hraðkvöld hjá Hugin í kvöld

Hraðkvöld Hugins verður mánudaginn 1. febrúar nk.  og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hugins í Álfabakka 14a í Mjóddinni. Í vetur verða svo hraðkvöldin fyrsta og síðasta mánudag í hverjum mánuði að því undanskildu þegar mánudag ber upp á stórhátíð eða aðrir viðburðir eru til staðar..

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jón Viktor skákmeistari Reykjavíkur í sjöunda sinn

Í sjöunda sinn tryggði alþjóðlegi meistarinn Jón Viktor Gunnarsson (2455) sér titilinn Skákmeistari Reykjavíkur þegar staðið var upp frá borðum að lokinni níundu og síðustu umferð Skákþings Reykjavíkur sem fram fór í dag.  Í lokaumferðinni sigraði Jón Viktor kollega sinn Björn Þorfinnsson (2418) en fyrir umferðina voru þeir efstir ásamt stórmeistaranum Stefáni Kristjánssyni (2471) og alþjóðlega meistaranum Guðmundi Kjartanssyni (2456).  Sigur Stefáns á Guðmundi í dag tryggði honum annað sætið með 7,5 vinning, jafnmarga vinninga og Jón Viktor sem hreppir fyrsta sætið eftir stigaútreikning.  Fide-meistarinn Guðmundur Gíslason (2307) varð þriðji með 7 vinninga en hann lagði kollega sinn Dag Ragnarsson (2219).

Feykilega jöfnu og spennandi Skákþingi er nú  lokið og er Jón Viktor sannarlega vel að sigrinum kominn en hann var í forystu frá fyrstu mínútu.  Þetta er þriðja árið í röð sem hann hampar titilinum og jafnar hann nú met stórmeistarans Þrastar Þórhallssonar sem einnig hefur orðið Reykjavíkurmeistari sjö sinnum.  Svo skemmtilega vill til að nákvæmlega 50 ár eru síðan skákmaður vann titilinn þrjú ár í röð en það var Jón Kristinsson (2240) sem var einmitt á meðal þátttakenda á Skákþinginu í ár og hlaut 5,5 vinning.

Af nægu er að taka að loknu fjörugu móti.  Næstir efstu mönnum komu Dagur, Björn og Björgvin Víglundsson (2203) allir með 6,5 vinning en Björgvin heldur áfram góðu gengi eftir að hann tók nýverið fram taflmennina úr hillunni góðu og tapaði ekki skák.  Dagur átti líka góðu gengi að fagna, tekur inn góða stigahækkun og sýnir svo ekki verður um villst að hann á heima með þeim bestu.  Að þessu sinni var aðeins einn Dagur á meðal þátttakenda svo erfitt er að tala um ákveðinn Dagamun.

Á meðal þeirra sem hlutu 6 vinninga var hinn alræmdi IM-bani Vignir Vatnar Stefánsson (2071) sem klífur nú stigalistann eins og bandbráluð klifurmús eftir nokkuð rólega tíma að undanförnu.  Sigrar hans tveir á alþjóðlegum meisturum í mótinu munu sjálfsagt seint gleymast en Vignir Vatnar þakkaði fyrir sig í dag með jafntefli við Örn Leó Jóhannsson (2157) og stigahækkun upp á lítil 86 Elo-stig.  Hinn röggsami keppnismaður og talsmaður Kókómjólkurinnar, Gauti Páll Jónsson (1921), blés sömuleiðis í herlúðra og sýndi það og sannaði að gríðarlega öruggur sigur hans í C-flokki Haustmótsins var allt annað en tilviljun.  Líkt og Vignir hlaut Gauti 6 vinninga og slaufaði móti með góðum sigri á hinum margreynda Jóhanni H. Ragnarssyni (2008) og fær fyrir vikið í skóinn 75 Elo-stig sem valda því að 2000-stigamúrinn er farinn að hrynja jafnt og þétt.  Auk þess hlýtur Gauti Páll stigaverðlaun keppenda með minna en 2000 Elo-stig en þau verðlaun getur hann aldrei unnið aftur og því er tímasetningin hjá kauða afar góð.

Fjölmargir af skákmönnum ungu kynslóðarinnar stóðu sig afar vel og má þar nefna Hjört Kristjánsson (1352) sem hlaut 4,5 vinning og hækkar um 140 Elo-stig, mest allra í mótinu.  Hjörtur kemur úr Skákdeild Breiðabliks eins og svo margir efnilegir skákmenn í dag en liðsfélagi hans, Stephan Briem (1360), stóð sig einnig vel og hlaut 4 vinninga og hækkun upp á tæplega 70 stig.  Þá var árangur Mykhaylo Kravchuk (1504) ekki síðri en hann hlaut sömuleiðis 4 vinninga og fékk fyrir það ríflega 90 stig að launum.  Allir eru þessir efnilegu piltar fæddir árið 2003 en áberandi er hversu sterkur sá árgangur er.  Liðsfélagi Mykhaylo hjá TR, Róbert Luu (1502), lét engan velkjast í vafa um að þar fer einn efnilegasti skákmaður þjóðarinnar.  Róbert var á meðal þeirra sem hlutu 4 vinninga og komu 70 stig í hús á þeim bænum.  Að lokum má nefna Aron Þór Mai (1714) sem hefur sannarlega verið að springa út undanfarin misseri en hann nældi í 5 vinninga og fyrir þann árangur verða honum send 70 kvikindi frá Elo-stigasmiðjunni.

Eins og alltaf er erfitt að hafa mál tæmandi að loknu svo stóru og glæslilegu móti.  Eitt er þó víst að fyrirkomulag Skákþingsins hefur sannað sig enn og aftur.  Án slíkra opinna móta væri mun erfiðara fyrir unga skákmenn á uppleið að bæta sig og ná sér í mikilvæga reynslu gegn sér sterkari skákmönnum. Fyrirkomulagið býður aukinheldur upp á ákveðna spennu því óvænt úrslit setja ávallt svip sinn á slík mót en þau auka líka á skemmtanagildið, þó að það sé minna skemmtilegt fyrir þann stigaháa sem verður fyrir því að tapa gegn hinum minni spámanni.  Margir sterkir skákmenn kjósa almennt að taka ekki þátt í opnum mótum og liggja þar ýmsar ástæður að baki en þrátt fyrir það eru margir öflugir skákmenn ávallt tilbúnir að leggja stigin sín að veði sem er dýrmætt fyrir hinn almenna skákmann og þá sérstaklega fyrir hina fyrrnefndu yngri kynslóð.

Taflfélag Reykjavíkur óskar Jóni Viktori og öðrum verðlaunahöfum til hamingju og þakkar öllum fyrir þátttökuna.  Hér að neðan er farið yfir röð efstu keppenda ásamt verðlaunahöfum.  Sjáumst að ári!

1.-2. sæti Jón Viktor Gunnarsson 7,5v (52,5 stig) – Skákmeistari Reykjavíkur 2016

1.-2. sæti Stefán Kristjánsson 7,5v (50,5 stig)

3. sæti Guðmundur Gíslason 7v

4.-6. sæti Dagur Ragnarsson, Björn Þorfinnsson, Björgvin Víglundsson 6,5v

Stigaverðlaun

U2000 Gauti Páll Jónsson 6v, U1800 Aron Þór Mai 5v, U1600 Jóhann Arnar Finnsson 4,5v, U1400 Hjörtur Kristjánsson 4,5v, U1200 Sindri Snær Kristófersson 3,5v, án stiga Tryggvi K. Þrastarson 3v.

Mestu stigahækkanir

Hjörtur Kristjánsson (140), Mykhaylo Kravchuk (92), Vignir Vatnar Stefánsson (86), Gauti Páll Jónsson (75), Róbert Luu (71), Aron Þór Mai (70), Jóhann Arnar Finnsson (66), Stephan Briem (66).

Mestu stigalækkanir

Látum þær liggja á milli hluta – stigin koma aftur :o)

Nánar á heimasíðu TR.

• Heimasíða TR
• Chess-Results