Hollenskur sigur á Reykjavik Open Pub Quiz

Reykjavik Open Pub Quiz fór fram á Hótel Plaza í gær. Vel var mætt en 25 tveggja manna lið voru skráð til keppni. Meðal keppenda voru bæði stórmeistarar og skákáhugamenn, Íslendingar og útlendingar. Kvissid fór nú fram í áttunda skipti en það fór fyrst fram árið 2009. 

Ingvar Þór Jóhannesson samdi spurningarnar með hjálp Björns Ívars Karlssonar. Voru þær í léttari kantinum í byrjun en þyngdust þegar á leið. Þegar farið var yfir rétt svör kom í ljós að sigurvegararnir voru Hollendingarnir Lennart Ootes og Arne Hall með 25 spurningar réttar af 30 mögulegum. Nokkur lið komu í humátt eftir með yfir 20 stig og þar á meðal lið sem Aðalsteinn Thorarensen fór fyrir.  

Spurningarnar verða birtar á skak.is á næstu dögum.

Úrslit í Barna Blitz fara fram á morgun

Úrslitin í Reykjavík Open Barna Blitz verða tefld á morgun, sunnudaginn 13. mars klukkan 11:00, í höfuðstöðvum GAMMA að Garðastræti 37. Sýningarsalur GAMMA, sem er aðalstyrktaraðili Reykjavíkurskákmótsins, er vel til fallinn undir skákmót. Fyrir um ári síðan tefldi Mamedyarov fjöltefli þar sem heppnaðist vel.

Úrslitin eru tefld með útsláttarfyrirkomulagi og dregið í hverja umferð. Í hverri umferð þarf að vinna tvær skákir.

Í úrslitunum eru:

Óskar Víkingur Davíðsson Huginn

Stefán Orri Davíðsson Huginn

Sindri Snær Kristófersson Huginn

Róbert Luu Taflfélagi Reykjavíkur

Alexander Oliver Mai Taflfélagi Reykjavíkur

Stephan Briem Skákdeild Breiðabliks

Joshua Davíðsson Skákdeild Fjölnis

Sæmundur Árnason Skákdeild Fjölnis

Áhorfendur velkomnir!

Sjötta umferð GAMMA Reykjavíkurskákmótsins hefst kl. 12 í dag

Dagurinn verður tekinn snemma á GAMMA Reykajvíkurskákmótinu en sjötta umferð hefst í dag kl. 12 í Hörpu. Stórmeistarinn Helgi Ólafsson verður með skákskýringar sem hefsjast kl. 14. 

Í Hörpu í dag má einnig nálgast síðara bindi Helga Ólafssonar um sögu Reykjavíkurskákmótins í 50 ár en hægt verður að nálgast bókina á milli 11:30 og 16:00.

Það eru margar athyglisverðar viðureignir í dag. Á efstu borðunum þremur mætast:

• Sergei Movsesian (2653) - Richard Rapport (2720)
• Abhijeet Gupta (2634) - Ivan Chaparinov (2684)
• Shakhriyar Mamedyarov (2747) - Gawain Jones (2645)

Allir hafa þeir hafa 4,5 vinninga nema Aserinn brosmildi sem hefur 4 vinninga. 24 kákmenn hafa 4 vinninga og er Bragi Þorfinnsson (2419) þar eini fulltrúi landsans.

Bragi teflir við ítalska stórmeistarann Sabino Brunello (2567). Meðal annarra viðureign má nefna að Hjörvar Steinn Grétarsson (2572) og Björn Þorfinnsson (2410) tefla saman.

Skákáhugamenn eru hvattir til að fjölmenna í Hörpu í dag! Ókeypis aðgangur!

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Skákir mótsins - PGN

Blitz í Hörpu í kvöld

Á laugardagskvöldið fer fram hraðskákmót í Hörpu. Mótið hefst stundvíslega klukkan 20:00. Tefldar verða níu umferðir með 3 02 (3 mínútur + 2 sekúndur í viðbótartíma).

Skráning á mótið er á upplýsingaborði Reykjavíkurmótsins í Hörpu á laugardaginn frá 11:30 – 15:00. Ekki er hægt að skrá sig til þátttöku eftir 15:00 og verða engar undantekningar gerðar.

Þátttökugjald er 1500 kr. og greiðist við skráningu. 18ára aldurstakmark.

Nánar hér; http://www.reykjavikopen.com/side-events-calendar/

GAMMA Reykjavík Open: Fimm efstir eftir 5. umferð - Bragi efstur Íslendinga

Það var nóg um að vera í umferð dagsins á GAMMA Reykjavíkurskákmótinu í Hörpu. Okkar fólki hefur oft gengið betur, en okkar efstu menn áttu allir slæman dag. 

Stórmeistararnir Gawain Jones (2645) frá Englandi og Abhijeet Gupta (2634) frá Indlandi voru efstir fyrir umferðina og tókust á um forystuna. Gawain, sem er þekktur fyrir kraftmikla taflmennsku og fjörugar leikfléttur, sat á friðarstóli og gerðu þeir félagar átakalítið jafntefli. Stórmeistarinn Hjörvar Steinn Grétarsson (2572) var efstur Íslendinga fyrir umferðina og mætti hinum ungverska GM Richard Rapport (2720) á þriðja borði. Sá ungverski, sem er talsvert stigahærri, reyndist okkar manni of stór biti og fór svo að lokum að hann hafði sigur. 

Talsvert var af fjörugum skákum og óvæntum úrslitum, en nefna má að svissneski alþjóðlegi meistarinn Alexandre Vuilleumier (2366) lagði hinn unga og efnilega Aryan Tari (2553) og Agnar Tómas Möller (1882) hafði betur gegn Thomas Lochte (2067). Óvænt úrslit eru þrædd nánar hér á eftir.

Fimm stórmeistarar eru efstir og jafnir eftir umferðina og alþjóðlegi meistarinn Bragi Þorfinnsson (2419) er efstur Íslendinga í 6. - 29. sæti með 4 vinninga. Hann mætir ítalska stórmeistaranum Sabino Brunello (2567) í 6. umferð, sem hefst kl. 12 á morgun.

 

Efstu menn

1	GM	Cheparinov Ivan	BUL	2684	4,5
2	GM	Jones Gawain C B	ENG	2645	4,5
	GM	Gupta Abhijeet	IND	2634	4,5
4	GM	Movsesian Sergei	ARM	2653	4,5
5	GM	Rapport Richard	HUN	2720	4,5

 

Úrslit

Nánar á Chess-Results

 

Staðan eftir 5. umferð

Sæti		Nafn	Þjóð	Stig	Vinn
1	GM	Cheparinov Ivan	BUL	2684	4,5
2	GM	Jones Gawain C B	ENG	2645	4,5
	GM	Gupta Abhijeet	IND	2634	4,5
4	GM	Movsesian Sergei	ARM	2653	4,5
5	GM	Rapport Richard	HUN	2720	4,5
6	GM	Mamedyarov Shakhriyar	AZE	2747	4
7	GM	Melkumyan Hrant	ARM	2653	4
8	GM	Shabalov Alexander	USA	2520	4
9	GM	Sargissian Gabriel	ARM	2702	4
10	IM	Paehtz Elisabeth	GER	2474	4
11	GM	Rambaldi Francesco	ITA	2541	4
12	IM	Tan Justin	AUS	2441	4
13	GM	Andreikin Dmitry	RUS	2732	4
14	GM	Agdestein Simen	NOR	2610	4
15	GM	Ramirez Alejandro	USA	2564	4
16	IM	Petrov Nikita	RUS	2464	4
17	GM	Marin Mihail	ROU	2597	4
	GM	Grigoriants Sergey	RUS	2587	4
19	IM	Thorfinnsson Bragi	ISL	2419	4
20	FM	Antal Tibor Kende	HUN	2406	4

Nánar á Chess-Results

 

Viðtöl

IM Tania Sachdev (2370) mætti í myndver og fór yfir sigurskák sína gegn Hannesi Hlífari (2600).

 

Skákir dagsins

Stórmeistarinn góðkunni, Mihail Marin (2597) tefldi fjöruga skák í 5. umferð gegn fidemeistaranum Erik Hedman (2349)

 

Fidemeistarinn Povilas Lassinskas (2229) veit að þeir sem gefa vinna aldrei skákir. Hann gekk þó heldur langt í eftirfarandi skák gegn alþjóðlega meistaranum Marc Esserman (2458)

 

Óvænt úrslit

• Sebastian Finsterwalder (2095) 1-0 WGM Petra Papp (2325)
• Agnar T Möller (1882) 1-0 Thomas Lochte (2067)
• Haraldur Baldursson (1947) 0-1 Helgi Pétur Gunnarsson (1737)
• IM Alexandre Vuilleumier (2366) 1-0 IM Aryan Tari (2553)
• IM Tania Sachdev (2370) 1-0 GM Hannes Hlífar Stefánsson (2600)

• Lennart Fransson (2144) ½ - ½ Þór Már Valtýsson (1946) 
• Frank Diaz (2060) ½ - ½ Alec Elías Sigurðarson (1365)
• Arnar Heiðarsson (1333) ½ - ½ Sigurður Daníelsson (1763)
• Gerd Meier (1851) ½ - ½ Jóhann Arnar Finnsson (1664)
• Óskar Víkingur Davíðsson (1628) ½ - ½ Björn Hólm Birkisson (1929)
• Ragnar Edvardsen (1954) ½ - ½ Alexander Oliver Mai (1558)
• Alexander Probst (2006) ½ - ½ Walter Driscoll (1810)
• Jóhann Ingvason (2171) ½ - ½ Lars-Henrik Bech Hansen (1970)
• FM Halldór Grétar Einarsson (2245) ½ - ½ Tom O´Gorman (2067)
• FM James P Jackson (2347) ½ - ½ Kjell Hakon Lien (2083)
• FM Marina Brunello (2363) ½ - ½ Mike Hoogland (2087)
• Henrik Oie Lobersli (2134) ½ - ½ IM Christian Braun (2386)
• FM Sebastian Mihajlov (2387) ½ - ½ Frederik Aunan Lindsoe (2112)
• GM Nils Grandelius (2646) FM Konstantin Kavutskiy (2369)
• Thomas Riccardi (2135) ½ - ½ IM Houska Jovanka (2387)
• Thomas Schou-Moldt (2186) ½ - ½ Haraldur Haraldsson (1988)
• GM Danyyil Dvirnyy (2572) ½ - ½ WGM Tatev Abrahamyan (2324) 

 

Pörun 6. umferðar

 

Nánar á Chess-Results

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Skákir mótsins - PGN

Reykjavíkurskákmótið í 50 ár - seinna bindi fáanlegt í dag í Hörpu

Með Sögu Reykjavíkurmótsins í 50 ár, seinna bindi, lýkur Helgi Ólafsson hálfrar aldar yfirreið yfir helsta skákmót Íslendinga frá upphafi.

Á þessum tíma hefur mótið breyst frá því að vera lokuð keppni fárra útvalinna meistara, árið 1964, í opið og fjölmennt skákmót, sannkallaða skákhátíð sem skreytt er alls kyns hliðarviðburðum. Hátíð sem stöðugt laðar breiðara og fjölmennara róf skákmanna að skákborðinu, allt frá erlendum ofurstórmeisturum til óreyndra íslenskra ungmenna.

Helgi Ólafsson, fæddur í Reykjavík 15. ágúst 1956, er þriðji stórmeistari Íslands í skák. Hann er margfaldur Íslandsmeistari í kappskák, at- og hraðskák og að góðu kunnur fyrir umfjöllun sína um skák í dagblöð og tímarit. Sjálfur stóð Helgi í eldlínunni um 30 ára skeið, er hafsjór fróðleiks um Reykjavíkurskákmótið og einkar lagið að miðla þessu efni af áhuga og ástríðu. Á 50 ára afmælismótinu tók Helgi aftur þátt eftir áralangt hlé. Þar sýndi hann enn styrk sinn og lauk keppni efstur Íslendinga meðal allra efstu manna.

Gefum Helga orðið:

"Í tveim bindum um 50 ára sögu Reykjavíkurskákmótanna hafa verið teknar til meðferðar yfir 200 skákir en í því síðara, sem hér liggur fyrir, er hægt að finna yfirlit yfir þær allar. Ég hef leitast við að spinna í kringum þessar skákir frásagnir af baráttunni um efstu sætin í hverju móti."

"Það er auðvitað magnað að þeir skákmenn sem taldir eru fremstir í dag hafa allir verið með á Reykjavíkurskákmóti: heimsmeistarinn Magnús Carlsen og Fabiano Caruana hafa báðir tvisvar verið með. Fremsta skákkona heims, Hou Yifan, var með árið 2012 og einnig má nefna bestu kínversku skákmennina, Wei Yi og Liren Ding. Bandaríski stórmeistarinn Hikaru Nakamura tefldi hér 16 ára gamall árið 2004, Hollendingurinn Anish Giri tefldi hér árið 2013, einnig Filippseyingurinn Wesley So og Úkraínumaðurinn Pavel Eljanov." 

Útgáfan sætir miklum tíðindum, það er ekki á hverjum degi sem skákbók er gefin út á íslensku, hvað þá þegar um vandað stórvirki er að ræða eins og hér er raunin – nokkuð sem enginn skákáhugamaður ætti að láta fram hjá sér fara.

Hægt er að nálgast bókina í Hörpu í dag á milli kl. 15 og 19 og svo um helgina á meðan umferðum stendur. Hægt er greiða fyrir hana á skákstað eða í netbanka. Verð kr. 4.900 kr. 

Reykjavik Open Pub Kviss fer fram í Center Hótel Plaza í kvöld - hver fetar í fótspor heimsmeistarans?

Reykjavik Open Pub Kviss fer fram í kvöld á Hótel Plaza (fyrstu hæð) klukkan kl. 21:30. Hvert lið stendur saman af tveimur aðilum. Skráning er á staðnum og eru þátttakendur beðnir um að mæta tímanlega.

Ekkert mál er fyrir staka aðila að mæta á staðinn og fá þar félaga. 

30 spurningar um hvaðeina er varðar skák. Sigurvegarar 2015 voru Magnus Carlsen og Jon Ludvig Hammer.

Tilboð á köldum á krana fyrir þá sem það vilja!

Hér má sjá spurningarnar frá í fyrra: http://www.reykjavikopen.com/pub-quiz/.

Skák- og skákáhugamenn eru hvattir til að fjölmenna!

Stóra spurningin er: Hver fetar í fótspor heimsmeistarans?

Gupta og Jones efstir á Reykjavíkurskákmótinu - Hjörvar og Stefán efstir Íslendinga

Stórmeistararnir Abhijeet Gupta (2634), Indlandi, og Gawain Jones (2645) eru efstir með fullt hús á GAMMA Reykjavíkurskákmótinu að lokinni fjórðu umferð sem fram fór í gærkveldi. Sautjan skákmenn koma næstír með 3½ vinning. Þar á meðal eru Hjörvar Steinn Grétarsson (2572) og Stefán Kristjánsson (2478). 

Leikar fara nú heldur betur að æsast á mótinu. Fimmta umferð hefst kl. 15 í dag og hefjast skákskýringar í umsjón Helga Áss Grétarsson kl. 17.

Um kl. 21:30 hefst Reykjavik Open Pub Quiz kl. 21:30 í kvöld í Center Hótel Plaza

Margar athyglisverðar eru í kvöld og má þar nefna:

• GA Gayain Jones (2645) - GM Abhijeet Gupta (2634)
• GM Sabino Brunello (2567) - GM Shakhriyar Mamedyarov (2747)
• GM Richard Rapport (2720) - Hjörvar Steinn Grétasson (2572)
• GM Stefán Kristjánsson (2478) - Sergei Movsiesen (2653)
• IM Tania Sadchev (2370) - Hannes Hlífar Stefánsson (2600)

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn - 1.umf
• Myndasafn - 2. og 3. umf
• Skákir mótsins - PGN

 

Undankeppni fyrir NM stúlkna 19. mars

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Fjórða umferð GAMMA Reykjavíkurskákmótsins hefst kl. 17

Fjórða umferð GAMMA Reykjavíkurskákmótsins hefst kl. 17 í Hörpu. Leikar eru heldar betur farnar að æsast og hafa óvænt úrslit, sett mikinn svip á mótið. Stórmeistararnir Henrik Danielsen og Hjörvar Steinn Grétarsson er meðal þeirra sem hafa fullt hús. Björn Þorfinnsson heldur áfram að tefla við armenska landsliðsmenn!

Skákskýringar í umsjón Þrastar Þórhallssonar hefjast svo kl. 19. Helstu viðureignir dagsins eru:

• Henrik Danielsen (2488) - Gawain Jones (2645)
• Guðmundur Kjartansson (2446) - Richard Rapport (2720)
• Sergei Movsesian (2653) - Björn Þorfinnsson (2410)
• Hannes Hlífar Stefánsson (2600) - Lars Oskar Hauge (2393)

Áhorfendur eru hvattir til að fjölmenna á skákstað. Ókeypis aðgangur að veislunni!

 

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn - 1.umf
• Myndasafn - 2. og 3. umf
• Skákir mótsins - PGN