Fjölmennt og mjög spennandi Miðgarðsmót í skák

Miðgarðsmótið í skák á milli grunnskólanna í Grafarvogi fór fram í 11. sinn í íþróttahúsi Rimaskóla á skólatíma á föstudegi. Allir skólarnir í Grafarvogi sendu 1–5 skáksveitir til leiks. Tólf skáksveitir og  um 80 krakkar að tafli. Teflt var í tveimur riðlum, allir við alla og loks úrslitaumferð um sæti. Nemendur Rimaskóla héldu uppteknum hætti og kepptu A og B sveitir skólans úrslita viðureignina. Í fyrsta sinn á Miðgarðsmóti  var það B sveit sem stóð uppi sem sigurvegari eftir að haf lagt A sveitina að velli í hreinni úrslitaumferð 3,5–2,5. Báðar þessar Rimaskólasveitir unnu sína riðla örugglega og úrslitaviðureignin var spennandi viðureign tveggja frábærra liða.

Baráttan um bronsið var ekki síður spennandi en þar voru það sveitir Kelduskóla og Foldaskóla sem mættust og lyktaði viðureign þeirra með jafntefli 3-3. Ákveðið var að sveitirnar tefldu að nýju og aftur varð þá jafnt á með liðunum. Kelduskóli vann loks bronsið á hlutkesti. Eins og áður sagði voru Rimaskólasveitirnar áberandi í baráttunni en skólinn sendi 5 sveitir til leiks. Skólinn vann eignarbikar fyrir sigur B sveitarinnar og varðveitir farandbikarinn enn eitt árið. Þrjár efstu sveitirnar hlutu verðlaunapeninga, gull silfur og brons og fimm efstu sveitirnar hlutu að launum pítsaveislu frá Domino´s. Sigursveit Rimaskóla er skipuð sex drengjum úr 5. bekk sem hafa æft vel saman í þrjú ár. Sveitin vann Íslandsmeistaratitil barnaskólasveita í 1. – 4. bekk örugglega í fyrra.

Það er Miðgarður þjónustumiðstöð Grafarvogs í samstarfi við Skákdeild Fjölnis sem heldur mótið. Allir skólarnir eru með skákkennslu í skólastarfinu og krakkarnir í sjö eftsu skáksveitunum eru eða hafa öll verið að æfa með Skákdeild Fjölnis á vikulegum skákæfingum deildarinnar á miðvikudögum í Rimaskóla frá kl. 17:00 -18:30.

Lokastaðan eftir úrslitaumferð: 

1. Rimaskóli B 29 + 3,5    vinninga
2. Rimaskóli A 28,5 + 2,5
3. Kelduskóli 20 + 3
4. Foldaskóli 20 + 3
5. Rimaskóli E 17,5 + 3,5
6. Rimaskóli C 18,5 + 2,5
7. Rimaskóli D 16 + 6
8. Hamraskóli / International school 11,5 + 0
9. Vættaskóli A 6
10. Húsaskóli 5
11. Vættaskóli C 4,5
12. Vættaskóli B 3            

 

Undankeppni fyrir laust sæti á NM stúlkna fer fram á laugardaginn

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Sjóðheitir Indverjar á GAMMA Reykjavíkurskákmótinu

Það er óhætt að segja að Indverjar séu að gera frábæra hluti á Reykjavíkurskákmótinu sem nú er í gangi í Hörpu. Stórmeistarinn Abhijeet Gupta (2634) er efstur með 7 vinninga en hann vann Armenann Sergei Movsesian (2653) í dag í uppgjöri efstu manna. Stigahæsti keppandi mótsins, Aserinn Shakhriyar Mamedyarov (2747), er í 2.-3. sæti með 6,5 vinning ásamt Svíanum Nils Grandelius (2646). 

Indverska skákdrottningin Tania Sachdev (2370) heldur áfram að gera frábæra hluti og gerði í dag jafntefli við enska stórmeistarann Gawain Jones (2645). Tania hefur 6 vinninga og er í skiptu fjórða sæti. 

 

Henrik Danielsen, Björn Þorfinnsson, Hannes Hlífar Stefánsson og Guðmundur Kjartansson eru efstir Íslendinga með 5,5 vinning.

Níunda og næstsíðusta umferð fer fram á morgun og hefst kl. 15. Þá teflir Gupta við Grandelius og Mamedyarov við ungverska stórmeistarann Richard Rapport (2720).

Skákskýringar Jóns L. Árnasonar hefjast kl. 17.

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN

Gupta og Movsesian efstir á GAMMA Reykjavíkurskákmótinu - Hjörvar, Stefán og Bragi efstir Íslendinga

Stórmeistarinn Abhijeet Gupta (2634), Indlandi, og Sergei Movsesian (2653), Armeníu, eru efstir og jafnir á GAMMA Reykjavíkurskákmótinu að lokinni sjöundu umferð. Þeir hafa 6 vinninga. Stórmeistararnir Hjörvar Steinn Grétarsson (2572) og Stefán Kristjánsson (2478) og alþjóðlegi meistarinn Bragi Þorfinnsson (2419) eru efstir íslensku keppendanna með 5 vinninga.

Stefán var afar nærri því að leggja armenska stórmeistarann Hrant Melkumyan (2653) en smá ónákvæmni í endatafli kom í veg fyrir sigur. Bragi Þorfinnsson var einnig afar nærri því að ná fram hefndum fyrir Björn bróður sinn gegn Hjörvari Steini ) en stórmeistarinn reyndist seigur í vörninni og hélt jöfnu.

Indverska skákdrottningin Tania Sachdev (2370) heldur áfram að ná frábærum úrslitum og gerði í dag jafntefli við rússneska ofurstórmeistarann Dmitry Andreikin (2732). 

Áttunda umferð fer fram á morgun og hefst kl. 15. Þá er margar athyglisverða viðureignir. Toppmennirnir Gupta og Movsesian mætast innbyrðis. Stigahæsti keppandinn, Aserinn Shakhriyear Mamedyarov (2734) teflir við goðsögnina Alexander Beliavsky (2630). Bragi fær afar ögrandi verkefni en hann teflir við Andreikin. 

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN

Óskar Víkingur sigurvegari Reykjavík Barna Blitz

Einn allra skemmtilegasti hliðarviðburður Reykjavíkurskákmótsins ár hvert er hraðskákmót ungmenna, sem gengur undir nafninu Barna Blitz. Þar tefldu átta ungmenni, 13 ára og yngri, um sigurinn eftir útsláttarfyrirkomulagi.Áður höfðu verið haldnar fjórar undankeppnir þar sem keppt var um keppnisrétt átta manna úrslitum. 

Óskar Víkingur Davíðsson, nýkrýndur Norðurlandameistari í flokki 11 ára og yngri, fór mjög mikinn í dag vann allar sínar viðureignir 2-0. Hann vann Stephan Briem í úrslitum.

Alexander Oliver fékk bronsið eftir að hafa lagt Sindra Snæ Kristófersson í viðureign um þriðja sætið.

Allir keppendur voru leystir út með verðlaunum. Allir fengu bíómiða og síðari bindi Helga Ólafssonar um sögu Reykjavíkurskákmótsins. Efstu menn fengu einkatíma hjá Hjörvari Steini Grétarssyni í verðlaun.

Úrslit urðu sem hér segir:

Átta manna úrslit

• Óskar Víkingur Davíðsson - Sæmundur Árnason 2-0
• Sindri Snær Kristófersson - Stefán Orri Davíðsson 2-0
• Alexander Oliver Mai - Joshua Davíðsson 2-1
• Stephan Briem - Róbert Luu 2-1

Undanúrslit

• Óskar Víkingur Davíðsson - Sindri Snær Kristófersson 2-0
• Stephan Briem - Alexander Oliver Mai 2-0

Úrslit

• Óskar Víkingur Davíðsson - Stephan Briem 2-0

Sjöunda umferð GAMMA Reykjavíkurskákmótsin hefst kl. 15 í Hörpu í dag

Sjöunda umferð GAMMA Reykjavíkurskákmótsins fer fram í dag í Hörpu og hefst kl. 15. Skákskýringar Helga Ólafssonar hefjast kl. 17. Átökin um efstu sætin eru heldur betur farin að skýrast. Armeninn viðkunnanlegi, Sergei Movsesian (2653), er einn efstur á mótinu með 5½ vinning. Átta skákmenn hafa 5 vinninga og þar á meðal er indverska skákdrottningin Tania Sachdev (2370) sem hefur verið að vinna hvern stórmeistarann á fætur öðrum. 

23 skákmenn hafa 4½ vinning og þar á meðal eru stórmeistararnir Hjörvar Steinn Grétarsson (2572), Stefán Kristjánsson (2478), Henrik Danielsen (2478) og alþjóðlegi meistarinn Bragi Þorfinnsson (2419)

Forystusauðurinn Movsesian mætir Búlgaranum Ivan Cheparinov (2684) og indverska skákdrottningin Tania teflir við rússneska ofurstórmeistarann Dmity Andreikin (2732) sem er næststigahæstur keppenda.

Umferðin er í gær var afar glæsileg og lofa mótshaldarar ekki síður æskilegri umferð í dag.

Á skákstað er svo hægt að nálgast seinni bók Helga Ólafssonar um sögu Reykjavíkurskákmótsins´i 50 ár.

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN

Úrslit í Barna Blitzi hefjast kl. 11 í dag í höfuðstöðvum GAMMA

Úrslitin í Reykjavík Open Barna Blitz verða tefld í dag, sunnudaginn 13. mars klukkan 11:00, í höfuðstöðvum GAMMA að Garðastræti 37. Sýningarsalur GAMMA, sem er aðalstyrktaraðili Reykjavíkurskákmótsins, er vel til fallinn undir skákmót. Fyrir um ári síðan tefldi Mamedyarov fjöltefli þar sem heppnaðist vel.

Úrslitin eru tefld með útsláttarfyrirkomulagi og dregið í hverja umferð. Í hverri umferð þarf að vinna tvær skákir.

Í úrslitunum eru:

Óskar Víkingur Davíðsson Huginn

Stefán Orri Davíðsson Huginn

Sindri Snær Kristófersson Huginn

Róbert Luu Taflfélagi Reykjavíkur

Alexander Oliver Mai Taflfélagi Reykjavíkur

Stephan Briem Skákdeild Breiðabliks

Joshua Davíðsson Skákdeild Fjölnis

Sæmundur Árnason Skákdeild Fjölnis

Áhorfendur velkomnir!

Annað mót Páskaeggjasyrpunnar fer fram í dag

Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt í mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Annað mót syrpunnar fer fram næstkomandi sunnudag og hefst venju samkvæmt kl. 14.  Skráningarform má finna hér að neðan og hafi viðkomandi bara skráð sig í mót 1 er lítið mál að skrá sig aftur og velja viðeigandi mót.  Í fyrsta mótinu sigraði Bárður Örn Birkisson í eldri flokki en í þeim yngri sigraði Gunnar Erik Guðmundsson.  Heildarúrslit má sjá hér.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Skákþáttur Morgunblaðsins: Huginn og TR berjast um Íslandsmeistaratitil skákfélaga

Sveitir Hugins og Taflfélags Reykjavíkur munu berjast um Íslandsmeistaratitilinn í seinni hluta Íslandsmóts skákfélaga í Rimaskóla um helgina. Fyrir sjöttu umferð mótsins sem hófst á fimmtudagskvöldi hafði Huginn ½ vinnings forskot á TR en úrslit keppninnar gætu ráðist í dag þegar sveitirnar mætast í næstsíðustu umferð. Efstu þrjár sveitir Íslandsmótsins öðlast keppnisrétt í Evrópukeppni taflfélaga sem fram fer í Novi Sad í Serbíu næsta haust.

Staðan fyrir lokaumferðirnar fjórar var þessi:

1. Huginn 32 v. ( af 40 ) 2. Taflfélag Reykjavíkur 31 ½ v. 3. Skákfélag Akureyrar 23 v. 4. Fjölnir 21 v. 5. Víkingaklúbburinn 20 ½ v. 6. Huginn b-sveit 18 ½ v. 7. Taflfélag Bolungarvíkur 16 v. 8. – 10. Skákdeild KR, Skákfélag Akureyrar b-sveit og Taflfélag Reykjavíkur b-sveit 12 ½ v. 

Hou Yifan komst yfir í heimsmeistaraeinvíginu

Kínverska skákdrottningin Hou Yifan sem talin er fremsta skákkona heims í dag vann aðra skákina í einvígi sínu við heimsmeistara kvenna Maríu Muzychuk og eftir tvær fyrstu skákirnar er staðan 1 ½: ½ þeirri kínversku í vil. Einvígið fer fram í Lviv í Úkraínu. Í skákinni á fimmtudaginn kom upp opna afbrigði spænska leiksins og lengi framan af var staðan í járnum. 

2. einvígisskák:

Spænskur leikur

Hou Yifan – María Muzychuk

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Rxe4 6. d4 b5 7. Bb3 d5 8. dxe5 Be6 9. Be3

Vinsælast er 9. Rbd2 og 9. De2 kemur einnig til greina.

Be7 10. c3 O-O 11. Rbd2 Dd7 12. Bc2 Rxd2 13. Dxd2 Bg4 14. Bf4 Bxf3 15. gxf3 Had8 16. Hfd1 De6 17. De3 Hd7 18. Bg3 g6 19. a4 Rd8 20. axb5 axb5 21. f4 f6 22. exf6 Dxf6 23. De2 c6 24. Dg4 Hb7 25. f5 Bd6 26. Ha6!

Vegna möguleikans – Hxd5 síðar meir reynist þessi leikur erfiður viðfangs. Svartur á þó að geta haldið jafnvægi.

Hg7 27. fxg6 Bc5??

Afleitur leikur. Eftir 27. ... Bxg3 28. Dxg3 De6 er staðan í jafnvægi.

28. Kg2 hxg6

29. Hxd5! Bxf2 30. Bb3! Re6 31. Hd6 Bc5 32. Dxe6+

- og svartur gafst upp. 

Magnús Carlsen ver titilinn í New York

Í áskorendakeppninni sem hefst í Moskvu 10. mars öðlast sigurvegarinn rétt til að skora á heimsmeistarann Magnús Carlsen. Átta skákmenn hefja leikinn og tefla tvöfalda umferð. Nú liggur fyrir að heimsmeistaraeinvígið mun fara fram í New York dagana 11.-30. nóvember nk. Fyrirtækið Agon, sem var framkvæmdaraðili heimsmeistaramótsins í hraðskák og atskák í Berlín sl. haust, mun annast einvígishaldið. Tefldar verða 12 skákir. 

 

Átta krakkar í úrslitum „barna-blitz“

Alþjóðlega Reykjavíkurskákmótið hefst í Hörpu á þriðjudag og eru um 250 keppendur skráðir til leiks. Reykjavíkurskákmótið hefur undanfarin ár fengið á sig æ meira svipmót skákhátíðar og meðal vinsælla keppnisgreina til hliðar við aðalmótið er hraðskákkeppnin „barnablitz“ en þar er keppt eftir tímafyrirkomulaginu 4 2. Undankeppnir hafa víða farið fram síðustu daga en þeir átta krakkar sem munu tefla til úrslita í höfuðstöðvum aðalstyrktaraðila Reykjavíkurskákmótsins, GAMMA, eru Alexander Oliver Mai, Joshua Davíðsson, Óskar Víkingur Davíðsson, Robert Luu, Sindri Briem, Sindri Snær Kristófersson, Stephan Briem og Sæmundur Árnason.

Grein þessi birtist í Morgunblaðinu 5.mars 2016

Skákþættir Morgunblaðsins

GAMMA Reykjavíkurmótið: Stórmeistarinn Sergei Movsesian einn efstur

Það dró heldur betur til tíðinda í 6. umferð GAMMA Reykjavíkurskákmótsins sem fram fór í dag í Hörpu. Fyrir umferðina voru fimm stórmeistarar efstir og jafnir og mættust fjórir þeirra í innbyrðis viðureignum og sá fimmti, Englendingurinn Gawain Jones (2645) tefldi við stigahæsta mótsins, Shak Mammedyarov (2747). 

Armenski stórmeistarinn Sergei Movsesian (2653) mætti GM Richard Rapport (2720) á 1. borði og hafði greinilega ekki í hyggju að fara samningaleiðina. Movsesian fórnaði snemma manni fyrir stórsókn og vann glæsilegan sigur nokkrum leikjum síðar. 

Aðrir sem voru efstir ásamt Movsesian gerðu jafntefli og er hann því einn efstur með 5,5 vinninga af 6 mögulegum. Mótið er afar jafnt og til marks um það þá munar aðeins vinningi á 1. og 32. sæti! Enn eru fjórar umferðir ótefldar og verður vart annað séð en að allt geti gerst á lokasprettinum. 

Alþjóðlegi meistarinn Bragi Þorfinnsson (2419) var efstur Íslendinga fyrir umferðina og mætti hann hinum ítalska Sabino Brunello (2567) í umferð dagsins. Bragi hélt jöfnu í afar spennandi skák sem þar sem tugir annarra keppenda og áhorfenda fylgdust með lokamínútunum. Bragi er því enn í hópi hefstu Íslendinga, en þrír Íslenskir stórmeistarar hafa náð honum að vinningum eftir umferð dagsins.

Einar Valdimarsson, sem mátaði sænska stórmeistarann Nils Grandelius í fyrstu umferð, heldur áfram að gera frábæra hluti og gerði í dag jafntefli við norska alþjóðlega meistarann Kristian Stuvik Holm.

Efstir Íslendinga - Allir með 4,5 vinninga

1. GM Hjörvar Steinn Grétarsson (2572

2. GM Stefán Kristjánsson (2478)

3. GM Henrik Danielsen (2488)

4. IM Bragi Þorfinnsson (2419)

Sjöunda umferð fer fram á morgun og hefst kl. 15.  Movsesian teflir við búlgarska stórmeistarann Ivan Cheparinov. Íslensku stórmeistararnir Henrik Danielsen og Stefán Kristjánsson fá mjög ögrandi verkefni. Henrik mætir ungverska ofurstórmeistaranum Richard Rapport en Stefán mætir armenska stórmeistaranum Hran Melkumyan.  Hjörvar, sem vann Björn Þorfinnsson í dag, mætir Braga bróður Björns. 

 

Úrslit

Úrslit nánar á Chess-Results.

 

Staðan

Sæti		Nafn	Þjóð	Stig	Vinn
1	GM	Movsesian Sergei	ARM	2653	5,5
2	GM	Cheparinov Ivan	BUL	2684	5
3	GM	Jones Gawain C B	ENG	2645	5
4	GM	Gupta Abhijeet	IND	2634	5
5	GM	Shabalov Alexander	USA	2520	5
6	GM	Beliavsky Alexander G	SLO	2630	5
	IM	Tania Sachdev	IND	2370	5
8	IM	Petrov Nikita	RUS	2464	5
9	GM	Bromberger Stefan	GER	2532	5
10	GM	Rapport Richard	HUN	2720	4,5
11	GM	Mamedyarov Shakhriyar	AZE	2747	4,5
12	GM	Rambaldi Francesco	ITA	2541	4,5
13	GM	Andreikin Dmitry	RUS	2732	4,5
14	GM	Sargissian Gabriel	ARM	2702	4,5
15	IM	Tan Justin	AUS	2441	4,5
16	GM	Gretarsson Hjorvar Steinn	ISL	2572	4,5
17	GM	Grigoriants Sergey	RUS	2587	4,5
18	IM	Esserman Marc	USA	2458	4,5
19	IM	Lampert Jonas	GER	2472	4,5
20	GM	Kristjansson Stefan	ISL	2478	4,5
21	GM	Marin Mihail	ROU	2597	4,5
22	GM	Melkumyan Hrant	ARM	2653	4,5
23	GM	Danielsen Henrik	ISL	2488	4,5
24	GM	Brunello Sabino	ITA	2567	4,5
25	IM	Thorfinnsson Bragi	ISL	2419	4,5
26	FM	Antal Tibor Kende	HUN	2406	4,5
27	IM	Andersen Mads	DEN	2479	4,5
28	IM	Ly Moulthun	AUS	2500	4,5
29	IM	Sarkar Justin	USA	2426	4,5
30	GM	Dvirnyy Danyyil	ITA	2572	4,5
31	GM	Grandelius Nils	SWE	2646	4,5
32	IM	Koop Thorben	GER	2416	4,5

 

Viðtöl

Hjörvar Steinn Grétarsson mætti í myndver og útskýrði fjöruga skák sína gegn Birni Þorfinnssyni.

Skoða má viðtöl og eldri útsendingar hér.

 

Skákir dagsins

 

Armenski stórmeistarinn Sergei Movsesian (2653) mætti GM Richard Rapport (2720) á fyrsta borði í 6. umferð. Fyrir umferðina voru þeir tveir og þrír til viðbótar efstir og jafnir, og var því mál málanna að hrista af sér samkeppnina. Sergei lét snemma til skarar skríða og fórnaði manni fyrir mikla sókn.

 

Bandaríski stórmeistarinn Alexander Shabalov (2520) stýrði svarta liðinu gegn hinum norska IM Johan-Sebastian Christiansen (2401). Skákin er fjörug og lokastaðan stórkostleg.

 

Félagarnir GM Hjörvar Steinn Grétarsson og IM Björn Þorfinnsson mættust í 6. umferð. Hjörvar þekkir vin sinn vel og hafði undirbúið nokkuð óvenjulega byrjun fyrir skákina. Hér er ekkert gefið eftir. Skoða má skýringar Hjörvars í viðtalinu hér að ofan.

 

Stórmeistarinn Stefán Kristjánsson (2478) tefldi fjöruga skák gegn FM Konstantin Kavutskiy (2369) í 6. umferð. 

 

Óvænt úrslit

 

• GM Simen Agdestein (2610) 0-1 IM Nikita Petrov (2464)
• GM Alejandro Ramirez (2564) 0-1 IM Tania Sachdev (2370)
• Dr. Thomas Bopp (2166) 1-0 FM Sebastian Mihajlov (2387)
• Haraldur Haraldsson (1988) 1-0 FM Michael Daugherty (2169)
• Niels Erik Andersen (1947) 0-1 Hörður Garðarsson (1731)
• Svavar Viktorsson (1701) 1-0 Andri Freyr Björgvinsson (1937)
• Sigurður Eiríksson (1933) 0-1 Þór Hjaltalín (1580)
• Andreas Knoepfle (1905) 0-1 Alice O´Gorman (1620)
• Alexandir Oliver Mai (1558) 1-0 Ólafur Gísli Jónsson (1904)

 

 

• GM Hrant Melkumyan (2653)½ - ½ IM Mads Andersen (2479)
• IM Guðmundur Kjartansson (2446) ½ - ½ FM Dale R. Haessel (2212)
• Einar Valdimarsson (2029) ½ - ½  IM Kristian Stuvik Holm (2414)
• IM Jovanka Houska (2387) ½ - ½ Henrik Oie Lobersli (2134)
• John A Kvamme (2155) ) ½ - ½  FM Marina Brunello (2363)
• AIM Joerg Mehringer (2000) ½ - ½ Óskar Haraldsson (1765)
• Heimir Páll Ragnarsson ½ - ½ (1527) Fenja Edel (1721)
• Richard Koes (1840) ½ - ½  Arnar Heiðarsson (1333)
• Karl Egill Steingrímsson (1693) ½ - ½ Ingrid Jodre Kvamme (1473)
• Hörður Jónasson (1536) ½ - ½ Þorsteinn Magnússon (1314)

 

 

Stigabreytingar

Áhugavert er að skoða stigabreytingar keppenda, nú þegar 6. umferðum af 10 er lokið. Íslendingar eru heilt yfir að standa sig afar vel og eru í talsverðu meirihluta þeirra sem hafa bætt við sig stigum. Unga kynslóðin er þar afar áberandi, en þar er einnig að finna nokkra eldri og heldri menn sem eru að standa sig vel. Listarnir miðast við +10 stig og meira.

  Stigabreytingar - Allir

Stigabreytingar eftir 6. umferð - Allir
		Nafn	Typ	Þjóð	Stig	Vinn.	Rp	rtg+/-
1		Mai Alexander Oliver	U12	ISL	1558	3	1935	97,6
2		Hjaltalin Thor		ISL	1580	3	1947	96
3		O`Gorman Alice	U14	IRL	1620	3	1963	91,6
4		Sigurdarson Alec Elias	U16	ISL	1365	2,5	1708	80,8
5		Viktorsson Svavar		ISL	1701	3	2021	72,4
6		Lien Kjell Hakon	U16	NOR	2083	4	2293	54,4
7		O`Gorman Tom	U12	IRL	2067	4	2264	51,6
8		Gunnarsson Helgi Petur		ISL	1737	2,5	1949	46,8
9		Ragnarsson Heimir Pall	U14	ISL	1527	2	1714	42,8
10		Enersen Eirik S.	U14	NOR	1689	2,5	1856	41,2
11		Valdimarsson Einar		ISL	2029	4	2358	40,6
12		Mai Aron Thor	U14	ISL	1784	2	1946	40
13		Kleinert Juergen		GER	1906	3,5	2170	38
14		Finsterwalder Sebastian		GER	2095	3,5	2325	35,4
15		Johannsson Birkir Isak	U12	ISL	1303	1,5	1474	33,6
16		Lindsoe Fredrik Aunan		NOR	2112	4	2301	30,4
17		Davidsson Oskar Vikingur	U10	ISL	1628	1,5	1768	29,6
18		Ruonala Robert		SWE	2048	4	2246	28,6
19		Kakulidis Ellen	U18	DEN	1843	2,5	2053	27,6
20		Davidsson Joshua	U10	ISL	1411	2	1546	25,6
21		Skulason Johann		SWE	1747	2,5	1877	24,8
22		Heidarsson Arnar	U12	ISL	1333	2	1493	24
23		Hoogland Mike		NED	2087	3,5	2314	22,8
24		Modder Frank		GER	1904	2,5	2129	22,8
25		Valtysson Thor	S60	ISL	1946	3	2098	22,6
26		Haraldsson Haraldur	S60	ISL	1988	3,5	2131	21,8
27		Hansen Lars-Henrik Bech		DEN	1970	3,5	2113	21,8
28	FM	Haessel Dale R.		CAN	2212	4	2348	20,6
29		Moller Agnar T		ISL	1882	3	2044	19,2
30		Baumgartner Christopher		USA	1821	2,5	1978	18,8
31	FM	Kazarian Anna-Maja	U14	NED	2248	4	2297	17,6
32		Thorhallsson Simon	U16	ISL	2092	3	2139	17,6
33		Lemery Jon Thor	U14	ISL	1495	2	1596	17,2
34	IM	Tania Sachdev		IND	2370	5	2580	16,6
35		Bottema Martin		NED	2091	3,5	2206	16,2
36		Rowan Daniel		ENG	1801	2	1926	15,8
37	WFM	Santeramo Alessia	U16	ITA	2095	3	2131	15,6
38		Tan Teck Woon		SIN	1488	1,5	1642	15,4
39		Gardarsson Hordur		ISL	1731	3	1818	13,6
40		Sigurvaldason Hjalmar		ISL	1426	2	1629	13,4
41		Ingebretsen Jens E	U10	NOR	1755	1,5	1821	13,2
42		Riccardi Thomas		USA	2135	3	2224	13
43		Christensen Janus		DEN	2136	3,5	2209	12,4
44	GM	Movsesian Sergei		ARM	2653	5,5	3223	12,2
45		Bak Christopher		ENG	1969	3,5	2017	12
46	IM	Esserman Marc		USA	2458	4,5	2589	11,7
47		Cohen Lawrence S		USA	1930	2	2038	11,6
48	GM	Shabalov Alexander		USA	2520	5	2662	11,4
49	FM	Gislason Gudmundur		ISL	2338	3,5	2370	10,4
50		Birkisson Bardur Orn	U14	ISL	2017	2,5	2076	10,4
51		Johannsson Orn Leo	U20	ISL	2194	3,5	2243	10

 

  Stigabreytingar - Íslendingar

Mestu stigahækkanir Íslendinga - 6. umferð
	Nafn	Stig	Vinn	Rp	stig +/-
1	Mai Alexander Oliver	1558	3	1935	97,6
2	Hjaltalin Thor	1580	3	1947	96
3	Sigurdarson Alec Elias	1365	2,5	1708	80,8
4	Viktorsson Svavar	1701	3	2021	72,4
5	Gunnarsson Helgi Petur	1737	2,5	1949	46,8
6	Ragnarsson Heimir Pall	1527	2	1714	42,8
7	Valdimarsson Einar	2029	4	2358	40,6
8	Mai Aron Thor	1784	2	1946	40
9	Johannsson Birkir Isak	1303	1,5	1474	33,6
10	Davidsson Oskar Vikingur	1628	1,5	1768	29,6
11	Davidsson Joshua	1411	2	1546	25,6
12	Heidarsson Arnar	1333	2	1493	24
13	Valtysson Thor	1946	3	2098	22,6
14	Haraldsson Haraldur	1988	3,5	2131	21,8
15	Moller Agnar T	1882	3	2044	19,2
16	Thorhallsson Simon	2092	3	2139	17,6
17	Lemery Jon Thor	1495	2	1596	17,2
18	Gardarsson Hordur	1731	3	1818	13,6
19	Sigurvaldason Hjalmar	1426	2	1629	13,4
20	Gislason Gudmundur	2338	3,5	2370	10,4
21	Birkisson Bardur Orn	2017	2,5	2076	10,4
22	Johannsson Orn Leo	2194	3,5	2243	10

 

Pörun 7. umferðar

 

Nánar á Chess-Results.

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN