Nýtt fréttabréf SÍ komið út

Nýtt fréttabréf SÍ kom út í gær. Meðal efnis í Fréttabréfinu var:

• Indverjar stálu senunni á GAMMA Reykjavíkurskákmótinu
• Skákfélagið Huginn Íslandsmeistari skákfélaga
• Reykjavíkurskákmót í 50 ár - síðara bindi komið út
• Salaskóli Íslandsmeistari barnaskólasveita (1.-3. bekkur)
• Metþátttaka á Íslandsmóti stúlknasveita - nýir Íslandsmeistarar
• Landsliðsflokkur haldinn 31. maí - 11. júní
• Óskar Víkingur sigraði á Barna Blitzi
• Tvö íslensk skákmót tilnefnd sem bestu mót heims
• GAMMA Reykjavíkurskákmótið 2017 - niðurtalning
• Mót á döfinni

Hægt er að skrá sig fyrir fréttabréfinu á Skák.is (ofarlega til hægri). 

Fréttabréfið er hægt að skoða í heild sinni hér.

Eldri fréttabréf má nálgast hér.

 

Skákmót öðlinga hefst í kvöld

Skákmót öðlinga 40 ára og eldri hefst miðvikudaginn 30. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.
Skákmót öðlinga verður nú haldið í 25. sinn. Núverandi Skákmeistari öðlinga er Einar Valdimarsson.

Dagskrá:
1. umferð miðvikudag 30. mars kl. 19.30
2. umferð miðvikudag 6. apríl kl. 19.30
3. umferð miðvikudag 13. apríl kl. 19.30
4. umferð miðvikudag 20. apríl kl. 19.30
5. umferð miðvikudag 27. apríl kl. 19.30
6. umferð miðvikudag 4. maí kl. 19.30
7. umferð miðvikudag 11. maí kl. 19.30

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Láta skal skákstjóra vita um yfirsetu fyrir lok umferðarinnar á undan.

Mótinu lýkur miðvikudaginn 18. maí kl. 19:30 með hraðskákmóti og verðlaunaafhendingu. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 5.000 fyrir aðalmótið og kr. 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráningarform

Skráðir keppendur

Björgvin efstur í áskorendaflokki

Björgvin Víglundsson (2164) er efstur í áskorendaflokki Íslandsmótsins í skák eftir sigur á Davíð Kjartanssyni (2348) í kvöld. Björgvin hefur 5,5 vinning. Jóhann Ingvason (2171) er annar með 5 vinninga en hann vann Dag Ragnarsson (2243). Oliver Aron Jóhannesson (2177) er þriðji með 4,5 vinninga en hann hafði betur gegn Þorvarði F. Ólafssyni (2195).

Úrslit kvöldins má nálgast hér.

Þrír keppendur hafa 4 vinninga. Auk Dags og Davíðs hefur Gauti Páll Jónsson (1996) smellt sér í toppbaráttuna en hann vann Vigni Vatnar Stefánsson (2228) í umferð kvöldsins.

Stöðuna má nálgast hér.

Frídagur er á morgun. Sjöunda umferð fer fram á fimmtudagskvöld og þá mætast á efstu borðunum:

• Björgvin Víglundsson (5,5) - Oliver Aron Jóhannesson (4,5)
• Jóhann Ingvason (5) - Gauti Páll Jónsson (4)
• Davíð Kjartansson (4) - Dagur Ragnarsson (4)
• Þorvarður F. Ólafsson (3,5) - Halldór Pálsson (3,5)
• Lenka Ptácníková (3,5) - Loftur Baldvinsson (3,5)

Pörun sjöundu umferðar má finna í heild sinni hér.

.

Íslandsmót barnaskóla 4. – 7. bekkur 2016 fer fram í Rimaskóla dagana 9. og 10. apríl

Tefldar verða níu umferðir eftir svissneska kerfinu. Fimm á laugardegi og fjórar á sunnudegi Umhugsunartími verður 15 mínútur á skák fyrir hvern keppenda. Taflið hefst kl. 13 á laugardeginum en kl. 11 á sunnudeginum.

Hver skóli getur sent fleiri en eina sveit. Í hverri sveit eru fjórir skákmenn. Keppendur skulu vera í 4. – 7. bekk. Ef sérstaklega efnilegir skákmenn finnast í 1. – 3. bekk er þeim leyfilegt að tefla með sínum skóla en þá aðeins í a-sveit hans! Í hverri sveit mega vera allt að þrír varamenn.

Þátttökugjöld kr. 7.500.- á sveit.  Þó ekki hærri en kr. 15.000.- fyrir hvern skóla.

Veitt verða verðlaun fyrir efstu b-e sveitir ásamt verðunum fyrir efstu sveitir af landsbyggðinni.

Veitt verða borðaverðlaun fyrir bestan árangur á 1.-4. borði. 

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer í september næstkomandi í Noregi.

Skráning fer fram á Skák.is

Skráningu skal lokið í í síðasta lagi 8. apríl

Ath. Áríðandi er að sveitirnar séu skráðar fyrirfram.

Skákakademía Reykjavíkur sér um framkvæmd mótsins.

 

Mads Andersen skákmeistari Danmerkur

Mads Andersen varð í gær skákmeistari Danmerkur. Mads, sem er meðlimur í Skákfélagi Akureyrar og var meðal keppenda á GAMMA Reykjavíkurskákmótinu, hlaut 6½ vinning í 9 skákum. Mads og Sune Berg Hansen (2578) urðu efstir og jafnir en tefldu til úrslita með styttri umhugsunartíma. Þar hafði Mads betur 1½-½. Fyrsti skipti sem Mads hampar þessum titli.

Curt Hansen (2600) varð þriðji með 5½ vinning.

Heimasíða mótsins

Rögvi skákmeistari Færeyja

Það eru ekki bara Íslendingar sem tefla landsþing sitt um páska því bæði Færeyingar og Danir tefla um páska. Og þá ekki bara áskorendaflokk heldur alla flokka. Rögvi Egilstoft Nielsen (2304) vann öruggan sigur á Færeyjarmeistaramótinu en hann hlaut 7,5 vinninga í 9 skákum.

Carl Eli Nolsöe Samuelsen (2214) og Hans Kristian Simonsen (2133) urðu í 2.-3 sæti með 5,5 vinninga.

 

Fimmta mót Bikarsyrpunnar hefst á föstudaginn

Bikarsyrpa Taflfélags Reykjavíkur heldur áfram þegar fimmta mót syrpunnar fer fram helgina 1.-3. aprílog hefst fyrsta umferð föstudaginn 1. apríl kl. 17.30. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar TR (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Frítt er í mótin fyrir krakka í Taflfélagi Reykjavíkur en fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (1. apríl)
2. umferð 10.30 á laugardegi (2. apríl)
3. umferð 14.00 á laugardegi (2. apríl)
4. umferð 10.30 á sunnudegi (3. apríl)
5. umferð 14.00 á sunnudegi (3. apríl). (Lokaumferð + verðlaunaafhending).

Ein yfirseta (bye) er leyfð í umferðum 1-3 og fæst fyrir hana 1/2 vinningur. Tilkynna þarf skákstjóra um yfirsetu fyrir lok umferðarinnar á undan.

Vinsamlegast skráið þátttakendur sem fyrst, það hjálpar við undirbúning mótsins!

Skráningarform

Skráðir keppendur

Bikarsyrpan samanstendur af sex mótum í vetur. Bikarar og medalíur eru í verðlaun fyrir efstu sætin í hverju
 móti auk áskrifta á Chess.com eða Chesskid.com. Þá verða veitt sérstök verðlaun fyrir samanlagðan árangur á mótunum þar sem í boði verða 5 einkatímar hjá alþjóðlegum meistara fyrir fyrsta sætið, 3 tímar fyrir annað sætið og 2 tímar fyrir þriðja sætið.

Hlökkum til að sjá ykkur!

Næstu mót syrpunnar:

• Mót 5: 1.-3. apríl 2016
• Mót 6: 27.-29. maí 2016

Karjakin er það heillin - mætir Carlsen í heimsmeistaraeinvígi í nóvember

Sergei Karjakin (2760) vann Fabiano Caruana (2794) í lokaumferð áskorendamótsins í Moskvu í dag. Sá bandaríski (áður Ítali) lagði mikið á stöðuna Rússinn (áður Úkraínumaðurinn) hélt kúlinu allan tíma. Karjakin fórnaði svo hrók fyrir óstöðvandi sókn og vann skömmu síðar. Karjakin tefldi heilt yfir afar vel á mótinu og sýndi að sigurinn á heimsbikarmótinu í Bakú var engin tilviljun. Hvort að það dugi til sigurs gegn Magnúsi Carlsen er svo allt önnur ella.

Congrats @SergeyKaryakin! You played better than in Baku but still not enough for @MagnusCarlsen :)

— Pavel Eljanov (@Eljanov) March 28, 2016

 

@SergeyKaryakin 👍💪

— Magnus Carlsen (@MagnusCarlsen) March 28, 2016

 

Lokastaðan (tvíklikka til að stækka töflu)

 

 

 

 

 

 

 

 

 

 

• Heimasíða mótsins
• Chess 24 (beinar útsendingar)

Hvort verður það Karjakin eða Caruana sem teflir HM-einvígi við Carlsen?

Það verður annaðhvort Karjakin (2760) eða Caruana (2794) sem mætir Magnúsi Carlsen í heimsmeistaraeinvígi í nóvember í New York. Það er ljóst eftir eftir dramatíska og spennandi umferð í gær. Þeir mætast í lokaumferðinni í dag. Sigur dugar fyrir báða en málið flækist því jafntefli gæti dugað báðum í dag - fer eftir úrslitum í skák Anands og Svidlers!

Þrettánda umferðin

Nakamura (2790) vann Topalov (2780) í gær en öðrum skákum lauk með jafntefli. Ekki þó neinum venjulegum skákum því jafnteflin voru eftir langar og strangar skákir. Mesta dramatíkin var í skák Caruana og Svidlers (2757). Þar hafði Caruana hrók og biskup gegn hróki Svidlers. Svidler urðu á mistök í vörninni sem gaf Bandaríkjamanninum tækifæri á að vinna. Caruana, sem hafði að sjálft marglært vinningsleiðina í gegnum tíðina, mundi hana ekki og lét tækifærið úr rennum renna. Eljanov tísti við það tilefni.

Conclusion from today's endgame Caruana-Svidler: u shouldn't waste the time to learn it as it's unlikely to perform at the end anyway :)

— Pavel Eljanov (@Eljanov) March 27, 2016

 

Lokaumferðin

Staðan fyrir lokaumferðina er sú að Karjakin og Caruana hafa 7 vinning og Anand er þriðji með 6,5 vinning. 

Áður við veltum fyrir okkur umferð dagsins er rétt að fara yfir reglur um hvað gerist ef skákmenn eru eftir og jafnir. Þar skiptir máli:

1. Innbyrðis úrslit
2. Flestar vinningsskákir

Ef við skoðum Karjakin og Caruna kemur í ljós að Karjakin hefur unnið 3 skákir en Caruana 2 skákir. Þeir gerðu jafntefli í fyrri skákinni og því dugir Rússanum jafntefli en....

......vinni Anand Svidler breytist hins vegar jafnan! Anand nær með því þeim að vinningum geri forystumennirnir jafntefli.

Caruana vann Anand 1,5-0,5 á meðan Karjakin og Anand gerðu 1-1 og vinnur þar með mótið á innbyrðis úrslitum á milli þeirra þriggja Þótt að Anand geti náð þeim að vinningum getur hann aldrei unnið mótið á stigum.

Staða Karjakin er óneitanlega betri en Caruana. Hann stjórnar hvítu mönnunum auk þess sem Svidler hefur hvítt gegn Anand. Caruana þarf væntanlega að vinna með svörtu til að komast í heimsmeistaraeinvígið gegn Magnúsi.

Veislan í dag hefst kl. 12.

Staðan (tvíklikka til að stækka töflu)

 

 

 

 

 

 

 

 

 

• Heimasíða mótsins
• Chess 24 (beinar útsendingar)

Skákmót öðlinga hefst á miðvikudaginn

Skákmót öðlinga 40 ára og eldri hefst miðvikudaginn 30. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.
Skákmót öðlinga verður nú haldið í 25. sinn. Núverandi Skákmeistari öðlinga er Einar Valdimarsson.

Dagskrá:
1. umferð miðvikudag 30. mars kl. 19.30
2. umferð miðvikudag 6. apríl kl. 19.30
3. umferð miðvikudag 13. apríl kl. 19.30
4. umferð miðvikudag 20. apríl kl. 19.30
5. umferð miðvikudag 27. apríl kl. 19.30
6. umferð miðvikudag 4. maí kl. 19.30
7. umferð miðvikudag 11. maí kl. 19.30

Mótinu lýkur miðvikudaginn 18. maí kl. 19:30 með hraðskákmóti og verðlaunaafhendingu. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 5.000 fyrir aðalmótið og kr. 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráningarform

Skráðir keppendur