Jón Þór Lemery - pistill frá Halkidiki

Jón Þór Lemery tók þátt í HM áhugamanna fyrir skemmstu. SÍ styrki hann til fararinnar og hefur Jón Þór skilað frá sér stórskemmtilegum og fróðlegum pistli um mótið.

Pistillinn hefst svo.

Í apríl síðastliðnum tók ég þátt í alþjóðlegu skákmóti áhugamanna sem nefnist, “The 2016 World Amateur Chess Championship,” sem var haldið í Halkidiki á Grikklandi. Þetta var hefðbundið níu umferða mót sem teflt var á níu dögum. Aðstaðan á mótinu var mjög skemmtileg. Það var haldið á fimm stjörnu hóteli nánast úti í sveit, alveg við ströndina. Það var mikill lúxus á hótelinu, herbergið okkar var á tveimur hæðum og í því voru tvö baðherbergi og stofa. Sundlaugagarðurinn var mjög fallegur en, eins og við má búast á alþjóðlegu skákmóti, var hann ekki mikið notaður fyrr en síðasta skákin hafði verið tefld.

Pistilinn myndskreyttan í heildi sinni má finna í PDF-viðhengi.

Að neðan má líka finna eina skák Jóns frá mótinu.

[Event "Under 1700 - World Amateur Championship"] [Site "?"] [Date "2016.04.21"] [Round "?"] [White "Hosseinali, Mehdi"] [Black "Lemery, Jon Thor"] [ECO "E81"] [WhiteElo "0"] [BlackElo "0"] [Result "1/2-1/2"] 1. d4 Nf6 2. c4 g6 3. Nc3 Bg7 4. e4 d6 5. f3 O-O 6. Be3 c5 7. dxc5 dxc5 8. Qxd8 Rxd8 9. Bxc5 Nc6 10. Rc1 Nd7 11. Ba3 Nde5 12. Nd5 e6 13. Ne7+ Nxe7 14. Bxe7 Rd7 15. Ba3 b6 16. Rd1 Rxd1+ 17. Kxd1 Ba6 18. b3 Rd8+ 19. Kc2 Bh6 20. Bc1 Bxc1 21. Kxc1 Nd3+ 22. Bxd3 Rxd3 23. Ne2 b5 24. Nf4 Rd7 25. cxb5 Bxb5 26. Rd1 Rc7+ 27. Kb2 Kg7 28. a4 Ba6 29. Rd2 Kf6 30. g3 g5 31. Ng2 Ke5 32. Ne3 h5 33. h3 f6 34. b4 Bb7 35. Kb3 f5 36. Nc4+ Kf6 37. e5+ Ke7 38. f4 gxf4 39. gxf4 Bd5 40. Rd4 h4 41. b5 Bg2 42. Rd3 Bf1 43. Rc3 Kd8 44. Nd2 Rxc3+ 45. Kxc3 Bg2 46. Kb4 Kc8 47. Kc5 Kc7 48. a5 Kd7 49. b6 a6 50. Kd4 Kc6 51. Ke3 Bd5 52. Nf3 Kb5 53. Nd4+ Kxa5 54. Nxe6 Kxb6 55. Ng7 Kc7 56. Nxf5 Be6 57. Nxh4 Bxh3 58. Nf3 Kc6 59. Ng5 Bf5 60. Kd4 Bg6 61. Ne4 a5 62. e6 a4 63. Nc3 Kd6 64. Nxa4 Kxe6 1/2-1/2

Skrár tengdar þessari bloggfærslu:

• Skákpistill Jóns Þórs

Enn tekst Carlsen ekki að vinna Giri

Heimsmeistarinn Magnus Carlsen (2855) hefur aldrei tekist að vinna Anish Giri (2785) í kappskák. Það breyttist ekki í fimmtu umferð Bilbaó-mótsins í gær þrátt fyrir að kappinn væri mjög nálægt því. Öðrum skákum umferðarinnar lauk með jafntefli.

Carlsen er efstur með 10 stig, en veitt eru 3 stig fyrir sigur og 1 stig fyrir jafntefli. Nakamura er annar með 7 stig og Giri, sem gert hefur jafntefli í öllum skákunum, er þriðji með 5 stig. Aðrir hafa 4 stig, þ.e. gert jafntefli í öllum skákunum nema tapað fyrir Carlsen.

Frídagur er í dag en seinni hálfleikur. hefst á morgun.

Nánar má lesa um gang mála í gær á Chess.com.

• Heimasíða mótsins
• Beinar útsendingar (hefjast kl. 14)

Johan Salomon skákmeistari Noregs

Skáþingi Noregs lauk í gær í Tromsø. Hinn 18 ára Johan Salomon hafði sigur á mótinu. Hann fékk 6½ vinning í 9 skákum og kom jafn og mark og Kjetil A. Lie (2516) en hafði titilinn eftir stigaútreikning. Afar litlu munaði og hefðu úrslit á fjórða borði orðið önnur hefði Kjetil orðið Noregsmeistari. Johan Sebastian-Christiansen (2387) hlaut bronsið.

Í Noregi tefla 22 skákmenn í efsta flokki (Klasse Elite) og tefldar eru 9 umferðir. Lengi vel höfðu Norðmenn aukakeppni um titilinn en hafa aflagt það kerfi. Láta stigaútreikning duga. 

Viðtal við Johan

Í næstefsta flokki (Klasse mester) hafði Jøran Aulin-Jansson (2185) yfirburðarsigur. Jøran var forseti norska skáksambandsins í átta ár en lét af embætti í fyrra. Þrátt fyrir að vera aðeins 54 ára hefur Jøran teflt á Skákþingi Noregs í meira en 40 ára samfleytt! Hann á þó ekki metið.

Einn Besti árangur Jørans en árið 1987 varð hann í 1.-2. sæti í efsta flokki en tapaði einvígi um titilinn fyrir Jonathan Tisdall. Hann á að eigin sögn metið yfir flest töp í röð í efsta flokki en hann tapaði 10 skákum í röð árin 2006 og 2007 og er ekki viss um að hann þiggi sæti í efsta flokki að ári. Hann er þó viss um að mæta til leiks eins og venjulega!

Viðtal við Jøran

Heimasíða mótsins

MVL öruggur sigurvegari Dortmund-mótsins

Franski stórmeistarinn Maxime Vachier-Lagrave (2798) vann öruggan sigur á Dortmund-mótinu sem lauk í dag. Sá franski hlaut 5½ vinning í 7 skákum og varð 1½ vinningi fyrir ofan næstu menn sem voru Kramnik (2812), Caruana (2810) og Dominguez (2713). M

MVL hefur verið á mikilli siglingu undanfarið og er nú í öðru sæti heimslistans í skák.

 

 

Frakkinn ungi er mikill knattspyrnuáhugamaður og gerði grín að ritstjóra Skák.is þegar leikur Íslands og Frakklands í stöðunni 4-0 á EM.

 

 

 

• Heimasíða mótsins
• Beinar útsendingar (Chess24) - hefjast kl. 13:15

Carlsen á sigurbraut - Wesley So lagður að velli í gær

Heimsmeistarinn Magnus Carlsen (2855) heldur áfram sigurgöngu sinni á Bilbaó-ofurmótinu. Í gær vann Wesley So (2770). Þriðja sigurskákin í röð. Öðrum skákum lauk með jafntefli. Reyndar er það þannig að öllum öðrum en skákum Carlsens hefur lokið með jafntefli! Carlsen hefur 9 stig, en veitt er 3 stig fyrir sigur en 1 stig fyrir jafntefli. Nakamura er annar með 6 stig og Giri (2785) er þriðji með 4 stig. Fimmta umferð hefst kl. 14 og þá teflir heimsmeistarinn við Giri.  

Lesa má lesa um gang mála í gær á Chess.com.

• Heimasíða mótsins
• Beinar útsendingar (hefjast kl. 14)

Skákþáttur Morgunblaðsins: Þjóðverjar sigruðu á HM skáksveita 50 ára og eldri

Þjóðverjar unnu nauman sigur á heimsmeistaramóti skáksveita skipaðra keppendum 50 ára og eldri – þeir fengu 16 stig, jafnmörg Armenum, en aðrir þættir sem teknir eru inn þegar sveitir verða jafnar voru Þjóðverjum hagstæðari. Fyrsta borðs maður þeirra, Uwe Bönsch, náði frábærum árangri og hlaut 7½ vinning úr níu skákum. Bronsverðlaun hlutu Englendingar, en þeir höfðu innanborðs hina þekktu stórmeistara John Nunn og Jonathan Speelman.

Íslensku sveitina skipuðu Jóhann Hjartarson, sem fékk fjóra vinninga af átta mögulegum á 1. borði, greinarhöfundur hlaut fimm vinninga af átta á 2. borði, Margeir Pétursson hlaut sex vinninga af átta og hlaut silfurverðlaun 3. borðsmanna, 4. borðsmaðurinn Jón L. Árnason hlaut fimm vinninga af átta mögulegum og Friðrik Ólafsson hlaut þrjá vinninga af fjórum mögulegum.

Fyrir fram var Íslandi raðað í efsta sæti styrkleikalistans en alls tóku 57 lið þátt í 50+ flokknum. Þess vegna er 7. sæti vonbrigði. Þó gerðist það einn góðan veðurdag í Dresden að okkur leið öllum eins og sigurvegurum og var það vegna íslenska knattspyrnulandsliðsins sem snerti einhvern streng út yfir alla Evrópu og víðar sem náði langt út fyrir knattspyrnuna.

Skák Jóhanns við Vaganjan í viðureign Íslands og Armeníu er kannski lýsandi fyrir lánleysi liðsins en var þó einn af hápunktum mótsins og gat Jóhann verið stoltur af taflmennsku sinni þrátt fyrir tapið:

Dresden 2016 HM 50+; 6. umferð:

Jóhann Hjartarson( Ísland) – Rafael Vaganjan (Armenía)

Frönsk vörn

1. e4

Gefur kost á franskri vörn, uppáhaldsbyrjun Vaganjans.

1. ... e6 2. d4 d5 3. e5 c5 4. c3 Rc6 5. Rf3 Db6 6. Be2 Rh6 7. Bxh6! gxh6

Jóhann vissi að b2-peðið er „eitrað“; eftir 7. ... Dxb2 kemur 8. Be3! Dxa1 9. Dc2! og svarta drottningin er í vanda.

8. Dd2 Bg7 9. O-O O-O 10. Ra3 cxd4 11. cxd4 Bd7 12. Rc2 f6 13. exf6 Hxf6 14. b4 a6 15.a4 Hxf3!?

Skiptamunsfórn sem sést hefur áður. Vandinn er sá að það er auðveldara að tefla svörtu stöðuna. Og Vaganjan tefldi mjög hratt!

16. Bxf3 Rxd4 17. Rxd4 Dxd4 18. Dxd4 Bxd4 19. Ha2 Hc8 20. Hb1 Kf7 21. g3 Ke7 22. Kg2 Kd6 23. Bg4 h5!? 24. Bxh5 e5 25. b5 a5 26. Hd1 Bc3 27. Bf3 Be6 28. Hc2 b6

Hvítur er skiptamun yfir en peðastaða svarts er sterk og einnig kóngsstaðan. Samt eru vinningsmöguleikarnir allir hvíts megin.

29. Be4! d4 30. f4 exf4! 31. gxf4 Kc5!

Kóngurinn heldur í tvísýnt ferðalag. Dæmigert fyrir Vaganjan.

32. He2 Kb4 33. Bc2 Bc4 34. He7 Ka3 35. Hd7 Be2 36. Hb1 Ka2 37. Bxh7 Hf8 38. Kg3 He8

 

 

 

39. Hg1

Jóhann taldi að hann hefði leikið skákinni niður með þessum leik rétt fyrir tímamörkin. En tapleikurinn kemur síðar þó að 39. h4! eða 39. Kf2 hefði verið betra.

39. ... Kb3 40. Hb1+ Kxa4 41. Bc2+

41. h4! var best.

41. ... Ka3 42. f5?

Og nú var best að leika 42. Hd6 og enn á hvítur sigurmöguleika.

42. ...Ka2 43. Hg1 Kb2! 44. Ba4 d3 45. Kf2 He5

Skyndilega er svartur kominn með unnið tafl.

46. Hg5 Bd2 47. Hg3 Hxf5+ 48. Kg2 Hg5 49. Hxg5 Bxg5 50. Kf2 Ka3 51. Hd4 Be7 52. Hc4 Bb4 53. Bc2 dxc2

– og Jóhann gafst upp.

Rússar unnu flokk keppenda 65 ára og eldri, en í sveit þeirra voru kunnir kappar á borð við Balasjov, Vasjúkov og Svesnikov. Næsta heimsmeistaramót öldunga fer fram í strandbænum Eretríu í Grikklandi undir lok apríl á næsta ári.

Grein þessi birtist í Morgunblaðinu 9. júlí 2016

Skákþættir Morgunblaðsins

[Event "Iceland-Armenia"] [Site "Radebeul"] [Date "2016.06.30"] [Round "?"] [White "Hjartarson, Johann"] [Black "Vaganian, Rafael A"] [Result "0-1"] [ECO "C02"] [WhiteElo "2547"] [BlackElo "2577"] [PlyCount "106"] [EventDate "2016.??.??"] 1. e4 e6 2. d4 d5 3. e5 c5 4. c3 Nc6 5. Nf3 Qb6 6. Be2 Nh6 7. Bxh6 gxh6 8. Qd2 Bg7 9. O-O O-O 10. Na3 cxd4 11. cxd4 Bd7 12. Nc2 f6 13. exf6 Rxf6 14. b4 a6 15. a4 Rxf3 16. Bxf3 Nxd4 17. Nxd4 Qxd4 18. Qxd4 Bxd4 19. Ra2 Rc8 20. Rb1 Kf7 21. g3 Ke7 22. Kg2 Kd6 23. Bg4 h5 24. Bxh5 e5 25. b5 a5 26. Rd1 Bc3 27. Bf3 Be6 28. Rc2 b6 29. Be4 d4 30. f4 exf4 31. gxf4 Kc5 32. Re2 Kb4 33. Bc2 Bc4 34. Re7 Ka3 35. Rd7 Be2 36. Rb1 Ka2 37. Bxh7 Rf8 38. Kg3 Re8 39. Rg1 Kb3 40. Rb1+ Kxa4 41. Bc2+ Ka3 42. f5 Ka2 43. Rg1 Kb2 44. Ba4 d3 45. Kf2 Re5 46. Rg5 Bd2 47. Rg3 Rxf5+ 48. Kg2 Rg5 49. Rxg5 Bxg5 50. Kf2 Ka3 51. Rd4 Be7 52. Rc4 Bb4 53. Bc2 dxc2 0-1

MVL með vinningsforskot í Dortmund - kominn í annað sæti heimslistans

Franski skákmaðurinn Maxime Vachier-Lagrave (2798) heldur áfram að gera góða hluti á Dortmundar-mótinu sem nú er í gangi. Í fimmtu umferð, sem fram fór í gær, vann Evgeny Najer (2687). MVL hefur 4 vinninga og hefur vinningsforskot á næstu menn sem eru Ponomarov (2706) og Dominguez (2713). Kramnik (2812) og Caruana (2810) gerðu jafntefli í gær og eru í 2.-6. sæti með 2½ vinning.

Með frammistöðu sinni í Dortmund hefur Frakkinn náð öðru sæti á heimslistanum. Kominn upp fyrir Kramnik og Caruana.

Nánar má lesa um gang mála á Chess.com.

Sjötta umferð byrjar kl. 13:15 í dag.   

• Heimasíða mótsins
• Beinar útsendingar (Chess24) - hefjast kl. 13:15

Heimsmeistarinn vann áskorandann - kominn á toppinn í Bilbaó

Heimsmeistarinn Magnus Carlsen (2755) lét ekki tapið fyrir Hikaru Nakamura (2787) í Bilbaó sitja lengi í sér og hefur unnið tvær skákir í röð. Í gær vann áskorandann Sergey Karjakin (2773). Hrein úrslit í öllum skákum heimsmeistarans á mótinu. Í Bilbaó eru veitt 3 stig fyrir sigur og 1 fyrir jafntefli og er Norðmaðurinn kominn á toppinn en öðrum skákum í gær lauk með jafntefli. Nakamura er annar með 5 stig. 

Sex skákmenn taka þátt og tefla tvöfalda umferð. Í fjórðu umferð teflir Carlsen við Wesley So (2770), Nakamura við Anish Giri (2785) og Karjakin (2773) við Wei Yi (2696).

Lesa má lesa um gang mála í gær á Chess.com.

• Heimasíða mótsins
• Beinar útsendingar (hefjast kl. 14)

Skáktilboð á tónlistarviðburð á morgun í Hörpu - skákmenn hvattir til að fjölmenna

Vakin er athygli á tónlistarviðburði, sem Skáksamband Íslands stendur fyrir í Norðurljósasal Hörpu, laugardaginn 16. júlí nk., en þar kemur fram píanistinn SoRyang Yoo, sem borin er og barnsfædd í Seoul í S-Kóreu. Henni var á unga aldri spáð miklum frama í tónlistinni og hafði þegar 11 ára að aldri unnið til fjölda tónlistarverðlauna í heimalandi sínu. 16 ára gömul yfirgaf hún heimabæ sinn og hélt til Evrópu til að afla sér frekari menntunar í tónlistinni.

Hún útskrifaðist frá Folkvang-Tónlistarháskólanum í Essen með prófgráðu sem konsert píanisti, innritaðist að því loknu í Tón-og sviðslistaskólann í Vínarborg og lauk þaðan prófi sem Master of Arts.  Síðan þá hefur SoRyang haldið tónleika víða um lönd, aðallega í Evrópu. Hún er vel þekkt fyrir túlkun sína á Mozart og heldur reglulega tónleika, þar sem verk hans eru flutt, í Mirabell-höllinni í Salzburg, Mozart-húsinu og í St. Péturskirkjunni í Vínarborg.  

Líklega er SoRyang kunnust fyrir að hafa flutt músíkina úr tónlistarsölunum út á „opin svæði“ borganna og þannig gefið almenningi kost að á njóta klassískra verka hinna miklu meistara. Hún hefur  haldið tónleika á ýmsum sögufrægum stöðum, m.a í Vínarborg og ýmsum öðrum borgum í Evrópu. Þetta hefur borið hróður SoRyang víða, langt út fyrir hið nýja heimaland hennar, Austurríki. 

Þeim sem hafa hug á að vita meira um SoRuyang er hægt að benda á vefsíðu hennar eða þá "gúgla" SoRyang Yoo, SoRyang pianiste, eða eitthvað í þá veru. Þar er að finna mikinn fróðleik um feril hennar auk fjölda hljóðdæma frá tónleikum hennar.

Tildrög þessara tónleika eru í stuttu máli þau að Friðrik Ólafsson, stórmeistari, kynntist SoRyang á skákhátíð í Dresden sem hann hefur sótt undanfarin ár, en það er sambýlismaður SoRyang, Dr. Rainer Maas, sem staðið hefur fyrir skákhátíðinni í samvinnu við borgaryfirvöld í Dresden og skákhreyfinguna þar í borg. Þess má geta að Dr.Maas, sem rekur öflug fyrirtæki í byggingariðnaðinum í Dresden og víðar, er einlægur aðdáandi skáklistarinnar og hefur látið gott af sér leiða í hennar þágu. Er nú Dresden talin sú borg í Þýskalandi þar sem skáklífið stendur með hvað mestum blóma og eru þó margar um hituna.

Til þess að gera langa sögu stutta þá hafði Dr. Maas samband við Friðrik fyrir nokkru og tjáði honum áhuga þeirra SoRyang á því að koma til Íslands í sumar og ferðast hér um. Hann gat þess í leiðinni að SoRyang gæti vel hugsað sér að halda hér einn konsert eða svo. Brást Skáksamband Íslands vel við óskinni og tók að sér skipulagningu tónleikanna.

Meiri upplýsingar um tónleikana er að finna á vefsíðu Hörpu.

Kaupa miða með 20% afslætti

Carlsen vann Wei Yi í Bilbaó - heimsmeistarinn og áskorandinn tefla saman í dag

Heimsmeistarinn Magnus Carlsen (2855) lét tapið gegn Hikaru Nakamura (2787) ekki sitja í sér lengi og vann kínverska undradrenginn Wei Yi (2696) í annarri umferð Bilbaó-mótsins í gær. Öðrum skákum lauk með jafntefli - þar á meðal hörkuskák Anish Giri (2785) og Sergey Karjakin (2773). Í dag mætast Karjakin og Carlsen og verður fróðlegt að fylgjast með þeirri skák - en þeir mætast einmitt í heimsmeistaraeinvígi í nóvember  í New York.

Nakamura (2787) er efstur með 4 stig en veitt er 3 stig fyrir sigur og 1 fyrir jafntefli. Carlsen er annar með 3 stig.

Lesa má lesa um gang mála í gær á Chess.com.

• Heimasíða mótsins
• Beinar útsendingar (hefjast kl. 14)