Minningarmót Birnu Norðdahl á Reykhólum 20. ágúst: Keppendur hvattir til að skrá sig sem fyrst

Áhugasamir keppendur á Minningarmóti Birnu Norðdahl skákmeistara ættu að skrá sig sem fyrst. Mótið fer fram í íþróttahúsinu í hinu fallega og vinalega þorpi á Reykhólum við Breiðafjörð og verður vel tekið á móti öllum, enda Reykhólamenn þekktir fyrir gestrisni. 

Mótið hefst laugardaginn 20. ágúst kl. 14 og verða tefldar 8 umferðir með 10 mínútna umhugsunartíma. Kvenfélagskonur munu bjóða upp á ljúffengar veitingar að íslenskum sið í kaffihléi og um kvöldið verður hátíðarkvöldverður í íþróttahúsinu.  

Kvennalandslið Íslands mun nota tækifærið og fara í 2ja daga æfingabúðir á Reykhólum til að undirbúa sig fyrir Ólympíumótið í Bakú sem hefst í byrjun næsta mánaðar, enda var Birna einmitt frumkvöðull þess að fyrst var send út kvennasveit til Buenos Aires 1978. 

Þá hafa margir fleiri sterkir skákmenn boðað komu sína, með goðsögnina Friðrik Ólafsson í broddi fylkingar, ásamt nýbökuðum Íslandsmeistara Jóhanni Hjartarsyni og fyrsta heimsmeistara Íslands í skák, Jóni L. Árnasyni.

Vonast er til að fleiri félagar Jóhanns úr Ólympíuliðinu í Bakú mæti. Líka má nefna kempurnar Björn Þorfinnsson, Rúnar Sigurpálsson og Björn Ívar Karlsson. Mótið er öllum opið og þátttaka ókeypis. Hrafn Jökulsson svarar fyrirspurnum í [e-mail] og síma 695 0205. 

Hótel Bjarkalundur í Reykhólasveit er með sérstök tilboð fyrir þá sem vilja gista nóttina eftir mótið, og eru gestir eindregið hvattir til að taka sér tíma til að njóta einstæðrar náttúrufegurðar og gestrisni heimamanna. Hægt er að panta á [e-mail] og í boði er eftirfarandi fyrir skákmenn: 

• Eins manns herbergi með sameiginlegu baði, með morgunmat, kr. 9.000. 

• Tveggja manna herbergi með sameiginlegu baði, með morgunmat, kr. 13.000  / 15.000. 

• Eins manns herbergi með sér baði, með morgunmat, kr. 15.000. 

• Tveggja manna herbergi með sér baði, með morgunmat, kr. 20.000. 

Þá er einnig hægt að fá gistingu á hinu vistlega og nýstandsetta gistiheimili á Reykhólum, þar sem 2ja manna herbergi kostar kr. 11.000. Nánari upplýsingar í [e-mail]. 

Ennfremur eru í boði mjög skemmtileg og vel búin tjaldstæði á landnámsjörðinni Miðjanesi, nánari upplýsingar: [e-mail].

Fjölmargir aðilar í héraði aðstoða við undirbúning mótsins og prímus mótor í héraði er hinn kunni sagnfræðingur og skákvinur Hlynur Þór Magnússon á Reykhólum.

Nánari upplýsingar hjá Hrafni Jökulssyni í [e-mail]

Oliver Aron: Pistill frá Pardubice

Ég fór ásamt Jóni Trausta, Degi Ragnarssyni og Veroniku á Pardubice open þann 20. júlí. Við millilentum í Amsterdam og tókum svo lest frá Prag til Pardubice, bara frekar þægilegt ferðalag. Við gistum í háskólaíbúð sem að var ódýrasti kosturinn og það fór bara vel um okkur eftir að við höfðum keypt nokkrar viftur.

Við mættum á staðinn tveimur dögum fyrir mót. Ég og Dagur tefldum í A-flokk en Veronika og Jón í B-flokki. Mótið gekk ágætlega hjá mér og hækkaði ég um 23 stig. Það sem stóð uppúr mótinu hjá mér var sigur á Tékkneska stórmeistaranum Vlastimil Jansa sem ásamt Vlastimil Hort skrifaði bókina Besti Leikurinn. Ég ætla að skýra þá skák hérna að neðan.

Svartur á leik

22...g6!

Sjá nánar skákina skýrða að neðan.

Veljið skák (2 alls): 1: Jansa, Vlastimil - Johannesson, Oliver 2: Jansa, Vlastimil - Johannesson, Oliver

[Event "Pardubice"] [Site "?"] [Date "2016.07.24"] [Round "?"] [White "Jansa, Vlastimil"] [Black "Johannesson, Oliver"] [Result "0-1"] [ECO "B47"] [PlyCount "56"] [SourceDate "2016.08.06"] 1. e4 c5 2. Nf3 e6 3. d4 cxd4 4. Nxd4 Nc6 {Paulsen afbrigðið} 5. Nc3 Qc7 6. g3 a6 7. Bg2 Nf6 8. O-O h5 {Ég hafði undirbúið þennan leik fyrir skákina en hann hefur orðið vinsæll nýlega} 9. Nxc6 dxc6 10. Qe2 {Þetta er frekar bitlaus leikur sem leyfir svörtum að fá þægilegt tafl.} (10. e5 {Þetta er áhugaverður leikur sem að einhverjir hafa prófað en þetta er líka fínt á svart}) 10... e5 11. h3 Be7 12. Be3 Be6 13. f4 {Ég var ánægður að sjá þennan leik því að hann mun klárlega gefa mér mikið spil} exf4 14. gxf4 h4 { Nú kemur í ljós hversu veikur g3 reiturinn er og tilvalinn áfangastaður fyrir riddara} 15. f5 Bd7 16. Bf4 Qb6+ 17. Kh1 Nh5 18. Bh2 Ng3+ 19. Bxg3 hxg3 20. Qd3 Qc7 21. e5 {Hvítur hefur haldið að þessi leikur myndi bjarga honum en svartur tekur auðvitað ekki peðið} O-O-O 22. Rae1 g6 $1 {Hérna er svartur kominn með unnið tafl og ekkert sem að hvítur getur gert til að bjarga sér} 23. fxg6 Bxh3 24. Bxh3+ Rxh3+ 25. Kg2 Rh2+ 26. Kxg3 Rxd3+ 27. cxd3 Rh8 28. gxf7 Qd7 0-1

[Event "Pardubice"] [Site "?"] [Date "2016.07.24"] [Round "?"] [White "Jansa, Vlastimil"] [Black "Johannesson, Oliver"] [Result "0-1"] [ECO "B47"] [PlyCount "56"] [SourceDate "2016.08.06"] 1. e4 c5 2. Nf3 e6 3. d4 cxd4 4. Nxd4 Nc6 {Paulsen afbrigðið} 5. Nc3 Qc7 6. g3 a6 7. Bg2 Nf6 8. O-O h5 {Ég hafði undirbúið þennan leik fyrir skákina en hann hefur orðið vinsæll nýlega} 9. Nxc6 dxc6 10. Qe2 {Þetta er frekar bitlaus leikur sem leyfir svörtum að fá þægilegt tafl.} (10. e5 {Þetta er áhugaverður leikur sem að einhverjir hafa prófað en þetta er líka fínt á svart}) 10... e5 11. h3 Be7 12. Be3 Be6 13. f4 {Ég var ánægður að sjá þennan leik því að hann mun klárlega gefa mà r mikið spil} exf4 14. gxf4 h4 { Nú kemur í ljós hversu veikur g3 reiturinn er og tilvalinn áfangastaður fyrir riddara} 15. f5 Bd7 16. Bf4 Qb6+ 17. Kh1 Nh5 18. Bh2 Ng3+ 19. Bxg3 hxg3 20. Qd3 Qc7 21. e5 {Hvítur hefur haldið að þessi leikur myndi bjarga honum en svartur tekur auðvitað ekki peðið} O-O-O 22. Rae1 g6 $1 {Hérna er svartur kominn með unnið tafl og ekkert sem að hvítur getur gert til að bjarga sér} 23. fxg6 Bxh3 24. Bxh3+ Rxh3+ 25. Kg2 Rh2+ 26. Kxg3 Rxd3+ 27. cxd3 Rh8 28. gxf7 Qd7 0-1

Topalov efstur á Sinquefield Cup

Búlgarski stórmeistarinn Veselin Topalov (2761) er efstur með 3½ vinning að loknum fimm umferðum á Sinquefield Cup sem nú er í gangi í St. Louis í Bandaríkjunum. Í gær vann hann Ding Liren (2755).

Levon Aronian (2792), Wesley So (2771) og Vishy Anand (2770) eru í 2.-4. sæti með 3 vinninga.

Frídagur er í dag en mótinu verður framhaldi á morgun. Umferðir hefjast kl. 18. Skemmtilegar beinar útsendingar eru frá mótinu.

Mótstaflan

• Heimasíða mótsins
• Beinar útsendingar

Lenka með fullt hús eftir þrjár umferðir

Þriðja umferð Íslandsmóts kvenna fór fram í gærkveldi. Allar skákirnar unnust á hvítt. Lenka Ptácníková (2136), sem vann Hallgerði Helgu Þorsteindóttur (2014), er efst með fullt hús. Guðlaug Þorsteinóttir (20151), sem hafði sigur gegn Hrund Hauksdóttur (1789) er önnur með 2 vinninga og á auk þess frestaða skák við Veroniku Steinunni Magnúsdóttur (1786) til góða.

Hallgerður lenti snemma í vandræðum gegn Lenku sem sýndi enga miskunn. Eftir 14 leiki var staðan þessi.

Hvítur á leik

15.Rd5! exd5 16.He1 Re5 17.Hxe5 Be6 18.Bxg6! fxg6 19.Dxg6+ Kd7 20.Hdxd5+! Bxd5 21.Hxe7+ Kxe7 22.Dg7+ Kd6 23.De5+ Kc5 24.Dxc7+ Bc6 25.Re5 Hac8 26.Rd3+ Kc4 27.b3+ 1-0

Glæsilega teflt hjá Lenku.

Guðlaug hafði hvítt Hrund. Hrund lék illa af sér í 9. leik.

Hvítur á leik

 

10. Bxh7+! Hvítur verður sælu peði yfir. Guðlaug nýtti sér það til sigurs í 44 leikjum.

Veronika Steinunn Magnúsdóttir (1786) fékk yfirburðartafl eftir byrjunina gegn Tinnu Kristínu Finnbogadóttur (1931). Eftir sautján leik kom þessi staða upp.

Hvítur á leik

17. Dg4! 

Hótar 18. Dxc8+ og 19. He8# og við því á svartur fá góð svör. Tinna reyndi 17...Bd6 en eftir 18. c5 er maður fyrir borð. Veronika vann skákina í 53 leikjum.

Fjórða umferð fer fram á fimmtudagskvöldið. Þá mætast:

Lenka - Guðlaug

Hallgerður - Tinna

Hrund - Veronika

Fyrr um fimmtudaginn munu Guðlaug og Veronika tefla frestað skák úr fyrstu umferð.

 

• Heimasíða mótsins
• Chess-Results

Skákgengið mætir Vinaskákfélaginu

Í dag var dregið í fyrstu umferð Hraðskákkeppni taflfélaga. Tólf lið taka þátt og því fara fjögur lið beint í 2. umferð (8 liða úrslit).

ATH. smávægilegar breytingar voru gerðar á lokadagsetningu 1. umferðar, miðað er við að henni sé lokið eigi síðar en 18. ágúst nk.

Pörun 1. umferðar

• Vinaskákfélagið – Skákgengið
• Kvennalandsliðið – Huginn b
• Breiðablik – TG
• Fjölnir – SA

TR a, TR unglingalið, Huginn a og SSON fara beint í 2. umferð.

Fyrstu umferð á að vera lokið eigi síðar en 18. ágúst nk.

Heimasíða mótsins

Davíð og Bárður Örn sigurvegarar Stórmóts Árbæjarsafns og TR

Skákmenn á öllum aldri fjölmenntu á Stórmót Árbæjarsafns og Taflfélags Reykjavíkur í blíðskaparveðri í dag. Þetta skemmtilega mót hefur löngum sannað sig sem nokkurs konar upphaf skákvertíðarinnar.

Menn mættu misæfðir til leiks, einkum voru ungu mennirnir sprækir, sumir þeirra nýkomnir frá Ólympíumótinu í Slóvakíu eða öðrum skákmótum á meginlandinu.

Röðuðu þeir sér og í efstu sætin, með þeirri undantekningu að Davíð Kjartansson deildi efsta sætinu með Bárði Erni Birkissyni. Davíð virtist annars stefna í átt að öruggum sigri, en þá lenti hann í klónum á tvíburabræðrunum; hann tapaði fyrir Bárði og gerði jafntefli við Björn bróður hans.

Þeir Davíð og Bárður hlutu 5,5 vinning. Í næstu sæti röðuðu sér -allir með 5 vinninga- nokkrir af efnilegustu skákmönnum landsins; Björn Hólm Birkisson, Oliver Aron Jóhannesson og Vignir Vatnar Stefánsson.

Allir voru glaðir með mótið, enda aðbúnaður með besta móti og teflt í fallegu umhverfi í Árbæjarsafni. Úrslit og lokastöðu má finna á chess-results.

Helgi vann á Hauganesi

Baccalá Bar-mótinu, einu magnaðasta hraðskákmóti sumarsins lauk á Hauganesi við Eyjafjörð sl. laugardag. Mótið var haldið í boði Baccalá Bar og Ektafisks á Hauganesi þar sem athafnamaðurinn Elvar Reykjalín ræður ríkjum. Frumkvöðull að mótshaldinu var hinsvegar dr. Ingimar Jónsson, fyrrverandi forseti Skáksambands Íslands m.m., en hann er búsettur á Litla-Árskógssandi, skammt frá Hauganesi.

30 keppendur tóku þátt í mótinu og tefldu 11 umferðir, sjö mínútna skákir. Meðal þátttakenda voru tveir stórmeistara, tveir alþjóðlegir meistarar og tveir FIDE-meistarar. Keppni á mótinu var afar jöfn og lengi vel voru norðanmenn fjölmennir í forystusveitinni, en þeim fækkaði nokkuð undir lokin. Fyrir síðustu umferð stóð baráttan um gullið milli þeirra Helga Ólafssonar og Rúnars Sigurpálssonar og þegar þeim síðarnefnda mistókst að vinna sína skák var ljóst að stórmeistarinn stóð einn uppi sem siguvegari.

Lokaröð keppenda var þessi:

1. Helgi Ólafsson              9
2. Rúnar Sigurpálsson         8½
3. Björn Þorfinnsson          8½
4. Guðmundur Kjartansson      8
5. Þröstur Þórhallsson        7
6. Haraldur Haraldsson        7
7. Áskell Örn Kárason         6½
8. Jón Kristinn Þorgeirsson   6½
9. Sigurður Arnarson          6½
10. Elsa María Kristínardóttir 6½
11. Símon Þórhallsson          6
12. Stefán Bergsson            6
13. Þormar Jónsson             6
14. Guðfinnur Kjartansson      6
15. Loftur Baldvinsson         5½
16. Sigurður Eiríksson         5½
17. Kristján Stefánsson        5½
18. Guðmundur Freyr Hansson    5½
19. Ingimar Jónsson            5
20. Sveinbjörn Sigurðsson      5
21. Stefán Arnalds             5
22. Gauti Páll Jónsson         5
23. Smári Ólafsson             5
24. Karl Steingrímsson         5
25. Jón Arnljótsson            5
26. Ástþór Björnsson           4
27. Ulker Gasanova             3
28. Pétur Axel Pétursson       1½
29. Hilmir Vilhjálmsson        1
30. Ottó Andrés Jónsson         ½

Skákstjóri var Áskell Örn Kárason. Verðlaun á mótinu voru vegleg; auk 100.000 kr. í verðlaunafé, fengu efstu menn gjafabréf fyrir tvo í hvalaskoðun (með mb. Níelsi frá Hauganesi) og kippu af eðalbjórnum Kalda sem bruggaður er í næsta nágrenni við skákstaðinn. Sigurvegarinn fékk svo stærðarinnar hákarlsbeitu frá Ektafiski, auk forláta hálsmens.  Keppendur sneru því heim sáttir og sælir og munu mótshaldarar hafa einsett sér að endurtaka leikinn að ári. Í einu orði sagt, frábært mót!

 

Halldór Atli sigurvegari Bikarsyrpu Breiðabliks - Batel sigurvegari 12 ára og yngri

Mikil spenna ríkti í Stúkunni alla helgina og náði hún hámarki þegar að tvær seinustu umferðirnar fóru fram í gær. Þegar að allt kom til alls stóð baráttan á milli Blikana Halldórs Atla og Stephans Briem en þeir gerðu jafntefli innbyrðis í þriðju umferð. Báðir unnu þeir í fjórðu umferð nokkuð örugglega. Í seinustu umferð varð einn afleikur hjá Stephani þess valdandi að Halldór stóð uppi sem sigurvegari. 

Í flokki 12 ára og yngri sigraði hin unga og efnilega Batel, en hún var aðeins hálfu stigi frá því að hrifsa bronsið í sjálfu mótinu af Svölu Þorsteinsdóttur. Batel endaði mótið með 3,5 vinning og tefldi við stigamenn í öllum skákum. Að mínu mati er Batel sigurvegari þessa móts, ég er handviss um það að Batel er rétt að byrja, hún verður komin í landsliðið eftir nokkur ár með þessu áframhaldi. 

Skákdeild Breiðabliks þakkar öllum sem mættur kærlega fyrir og vonast til að sjá sem flesta á æfingum Skákdeildarinnar í vetur. Það er gott að tefla í Kópavogi!

Heildarmótið: 

1. Halldór Atli Kristjánsson 4,5/5
2. Stephan Briem 4/5
3. Svava Þorsteinsdóttir 3,5/5 14,5 stig
4. Batel Goitom 3,5/5  14 stig
5. Daníel Ernir Njarðarson 3,5/5 13,5 stig 

12 ára og yngri: 

1. Batel Goitom 3,5/5
2. Örn Alexandersson 3/5
3. Gabríel Sær Bjarnþórsson 3/5

Sjá nánar á Chess-Results.

Birkir Karl Sigurðsson.

Hraðskákmót við útitaflið á morgun

Skákakademía Reykjavíkur stendur fyrir hraðskákmóti við útitaflið á morgun. Taflið hefst klukkan 12:00 og tefldar verða fimm umferðir hraðskák. 

Hannes og Bragi enduðu á jafntefli

ZDMI-mótinu lauk í Dresden í gær. Landsliðsmennirnir Hannes Hlífar Stefánsson (2577) og Bragi Þorfinnsson (2433) luku báðir mótinu með jafntefli. Hannes hlaut 6 vinninga og endaði í 5.-10. sæti (8. sæti á stigum) og Bragi hlaut 5,5 vinninga og endaði í 11.-19. sæti (14. sæti á stigum).

Sigurvegari mótsins varð rússneski stórmeistarinn Anton Demchenko (2611) en hlaut 7,5 vinning.

90 skákmenn tefldu í efsta flokk mótsins. Þar af voru 11 stórmeistarar.

 

• Heimasíða mótsins
• Úrslitaþjónusta
• Beinar útsendingar (hefjast kl. 12)