Opið hús hefst í SÍ kl. 18:45

Í kvöld ráðast úrslitin í heimsmeistaraeinvígi Carlsen (2853) og Karjakin (2772). Eftir tólf skákir er staðan 6-6 og ráðast því úrslitin í bráðabanaeinvígi þeirra á milli þar sem fyrst eru tefldar fjórar atskákir og síðan hraðskákir ef enn verður jafnt.

Taflmennskan hefst kl. 19 á morgun. Hús SÍ, Faxafeni 12, opnar kl. 18:45. Björn Þorfinnsson og Ingvar Þór Jóhannesson verða með skákskýringar en skákunum verður varpað uppá skjá.

Allir velkomnir - enginn aðgangseyrir - heitt kaffi á könnunni til að menn geti haldið sér vakandi langt fram á nótt - ef svo ber undir!

Fyrirkomulagið:

1. Fjórar skákir með umhugsunartímanum 25 mínútur auk 10 sekúnda á hvern leik
2. Ef jafnt tefla þeir allt að fimm 2ja skáka einvígunum með tímamörkunum 5 mínútum auk 3 sekúnda viðbótartíma á hvern leik.
3. Ef svo ólíklega vill til að öllum þessum einvígum hafi lokið með jafntefli tefla þeir Armageddon-skák. Þar hafur hvítur 5 mínútur en svartur 4 mínútur. Svörtum dugar jafntefli til sigurs.

Ný alþjóðleg skákstig

Ný alþjóðleg skákstig eru komin út og taka þau gildi á morgun 1. desember Hannes Hlífar Stefánsson (2570) er sem fyrr stigahæsti skákmaður landsins. Bjarki Freyr Bjarnason (1731) er langstigahæstur fjögurra nýliða. Vignir Vatnar Stefánsson hækkar langmest allra á stigum auk þess að vera stigahæsta ungmenni landsins.

Topp 20

Hannes Hlífar Stefánsson (2570) er sem fyrr stigahæsti skákmaður landsins. Í næstum sætum eru Héðinn Steingrímsson (2564) og Hjörvar Steinn Grétarsson (2563).

Vert er að benda sérstaklega á Guðmund Kjartansson (2468) sem er í níunda sæti. Hann hækkaði um 30 stig og krækti sér því í mánuðnum nærri helming þeirra stiga sem hann vantar uppá til að klára stórmeistaratitilinn. 

Vert er einnig að benda á Vigni Vatnar Stefánsson (2404) sem er kemur inn í 17. sæti eftir 105 skákstigahækkun!

Heildarlistann má finna sem PDF-viðhengi.

No.	Name	Tit	Stig	Gms	Diff
1	Stefansson, Hannes	GM	2570	8	0
2	Steingrimsson, Hedinn	GM	2564	0	0
3	Gretarsson, Hjorvar Steinn	GM	2563	0	0
4	Olafsson, Helgi	GM	2540	0	0
5	Hjartarson, Johann	GM	2540	9	-1
6	Petursson, Margeir	GM	2513	0	0
7	Danielsen, Henrik	GM	2481	2	4
8	Arnason, Jon L	GM	2471	0	0
9	Kjartansson, Gudmundur	IM	2468	18	30
10	Kristjansson, Stefan	GM	2459	0	0
11	Thorfinnsson, Bragi	IM	2453	0	0
12	Gunnarsson, Jon Viktor	IM	2450	0	0
13	Gretarsson, Helgi Ass	GM	2448	0	0
14	Thorsteins, Karl	IM	2432	0	0
15	Gunnarsson, Arnar	IM	2431	0	0
16	Thorhallsson, Throstur	GM	2414	9	-3
17	Stefansson, Vignir Vatnar	FM	2404	18	105
18	Thorfinnsson, Bjorn	IM	2404	0	0
19	Jensson, Einar Hjalti	IM	2386	9	13
20	Johannesson, Ingvar Thor	FM	2377	0	0

Nýliðar

Fjórir nýliðar eru á listanum. Þeirra langstigahæstur er Bjarki Freyr Bjarnason (1731). 

No.	Name	Tit	Stig	Gms	Diff
1	Bjarnason, Bjarki Freyr		1731	7	1731
2	Jonsson, Stefan Daniel		1477	6	1477
3	Bjarnason, Petur		1294	5	1294
4	Fridgeirsson, Pall Ingi		1050	5	1050

Mestu hækkanir

Vignir Vatnar Stefánsson (105) hækkar langmest allra frá nóvember-listanum. Í næstu sætum eru Knútur Finnbogason (78) og Benedikt Briem (65).

No.	Name	Tit	Stig	Gms	Diff
1	Stefansson, Vignir Vatnar	FM	2404	18	105
2	Finnbogason, Knutur		1586	4	78
3	Briem, Benedikt		1264	6	65
4	Lemery, Jon Thor		1721	6	62
5	Thorgeirsson, Jon Kristinn		2176	3	52
6	Birkisson, Bardur Orn		2175	3	49
7	Kristofersson, Sindri Snaer		1219	6	47
8	Vignisson, Ingvar Egill		1621	6	42
9	Alexandersson, Orn		1199	6	40
10	Ragnarsson, Dagur	FM	2276	11	32
11	Sigurdsson, Pall		1986	7	31
12	Kjartansson, Gudmundur	IM	2468	18	30
13	Heimisson, Hilmir Freyr		2143	1	30
14	Sigurdarson, Alec Elias		1463	7	30
15	Gudmundsson, Gunnar Erik		1196	4	29
16	Omarsson, Adam		1042	4	27
17	Birkisdottir, Freyja		1232	5	23
18	Haile, Batel Goitom		1275	5	22
19	Davidsson, Stefan Orri		1374	6	20
20	Kristinardottir, Elsa Maria		1829	2	17

 

Stigahæstu ungmenni landsins

Vignir Vatnar Stefánsson (2404) er langstigahæsti ungmenni landsins (20 ára og yngri). Í næstu sætum eru Dagur Ragnarsson (2276) og Oliver Aron Jóhannesson (2224).

No.	Name	Tit	Stig	Gms	B-day	Diff
1	Stefansson, Vignir Vatnar	FM	2404	18	2003	105
2	Ragnarsson, Dagur	FM	2276	11	1997	32
3	Johannesson, Oliver	FM	2224	9	1998	-11
4	Thorgeirsson, Jon Kristinn		2176	3	1999	52
5	Birkisson, Bardur Orn		2175	3	2000	49
6	Hardarson, Jon Trausti		2157	0	1997	0
7	Heimisson, Hilmir Freyr		2143	1	2001	30
8	Thorhallsson, Simon		2085	0	1999	0
9	Jonsson, Gauti Pall		2036	12	1999	0
10	Birkisson, Bjorn Holm		1979	3	2000	-30

Reiknuð mót

• Skákþing Garðabæjar
• Framsýnarmótið (1.-4. umferð atskák - 5.-7. umferð kappskák)
• Skákþing Skagafjarðar
• Atskákmót Akureyrar
• Unglingameistaramót Íslands (1.-3. umferð atskák - 4.-6. umferð kappskák)
• Bikarsyrpa TR #2
• Hraðkvöld Hugins (hraðskák)
• Hraðskákmót Hugins
• Unglingameistaramót Hugins (atskák)
• Þrjú Elítumót Hugins (hraðskák)
• Íslandsmót unglingasveita (atskák)

Heimslistinn

Magnus Carlsen (2840) er stigahæsti skákmaður heims. Hann er þó nú aðeins 17 stigum hærri en næsti maður Fabiano Caruana (2803). Vladmir Kramnik (2809) er þriðji. Áskorandinn Sergey Karjakin (2785) er í 6.-7. sæti stigalistans með 2785 skákstig. 

Topp 100 má nálgast hér.

Skrár tengdar þessari bloggfærslu:

• Alþjóðleg skákstig, 1. ´desember 2016

TM-mót Skákfélags Reykjanesbæjar fer fram 10.-11. desember

Skákfélag Reykjanesbæjar í samstarfi við Tryggingamiðstöðina TM bjóða unglingum og börnum fæddum 2000 og síðar á glæsilegt sex umferða kappskákmót með svissnesku kerfi. Tímamörk eru 30 mínútur + 30 sekúndur á hvern leik. Einungis börn sem ekki hafa náð 1600 alþjóðlegum skákstigum geta tekið þátt í mótinu. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga. Það er skylda að skrifa niður leikina. 

Teflt verður í Ásbrú sem áður var svæði varnarliðsins í mjög skemmtilegu húsnæði sem heitir Virkjun í dag. Þar er afskaplega góð aðstaða til þess að tefla og einnig góð aðstaða fyrir foreldra. Hægt er að fara í Billiard á milli umferða eða þegar maður hefur lokið skákinni sinni og er að bíða eftir einhverjum. Mjög flottur billiard salur í sama húsnæði sem við höfum aðgang að og mun ekki trufla aðra keppendur þó einhverjir taki smávegis Pool. 

Verðlaunin eru stórglæsileg peningaverðlaun 64.000 kr. sem deilast á efstu 8 sætin. 

• 1.sæti 15.000 kr.
• 2.sæti 10.000 kr.
• 3.sæti  9.000 kr.
• 4.sæti  8.000 kr.
• 5.sæti  7.000 kr.
• 6.sæti  6.000 kr.
• 7.sæti  5.000 kr.
• 8.sæti  4.000 kr.

Tefld verður laugardaginn 10. desember og sunnudaginn 11. desember. 

Laugardaginn:

• 1.umferð kl: 10:00
• 2.umferð kl: 13:00
• 3.umferð kl: 16:00

Sunnudaginn:

• 4.umferð kl: 10:00
• 5.umferð kl: 13:00
• 6.umferð kl: 16:00

Engar yfirsetur leyfðar. Þátttökugjald í mótið er 1.500 kr.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Jólaskákmót Vinaskákfélagsins fer fram á mánudaginn

Jólaskákmót Vinaskákfélagsins verður haldið mánudaginn 5. desember kl: 13, í Vin að Hverfisgötu 47. Ennfremur er þetta líka afmælisskákmót Hauks Halldórssonar sem verður 50 ára þann 7 desember.Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

Opið hús í SÍ á morgun - fylgst með heimsmeistaraeinvíginu!

Á morgun ráðast úrslitin í heimsmeistaraeinvígi Carlsen (2853) og Karjakin (2772). Eftir tólf skákir eru staðan 6-6 og ráðast því úrslitin í bráðabanaeinvígi þeirra á milli þar sem fyrst eru tefldar atskákir og síðan hraðskákir ef enn verður jafnt.

Taflmennskan hefst kl. 19 á morgun. Húsið opnar í SÍ kl. 18:45. Björn Þorfinnsson og Ingvar Þór Jóhannesson verða með skákskýringar en skákunum verður varpað uppá skjá.

Allir velkomnir - enginn aðgangseyrir - heitt kaffi á könnunni til að menn geti haldið sér vakandi langt fram á nótt - ef svo ber undir!

Fyrirkomulagið:

1. Fjórar skákir með umhugsunartímanum 25 mínútur auk 10 sekúnda á hvern leik
2. Ef jafnt tefla þeir allt að fimm 2ja skáka einvígunum með tímamörkunum 5 mínútum auk 3 sekúnda viðbótartíma á hvern leik.
3. Ef svo ólíklega vill til að öllum þessum einvígum hafi lokið með jafntefli tefla þeir Armageddon-skák. Þar hafur hvítur 5 mínútur en svartur 4 mínútur. Svörtum dugar jafntefli til sigurs.

 

 

 

Hraðskákmót Garðabæjar fer fram 5. desember

Hraðskákmót Garðabæjar og verðlaunaafhending fyrir Skákþing Garðabæjar fer fram  5. desember kl. 20.00. Skráning fer fram á Skák.is (guli kassinn efst)

Fyrstu verðlaun 15 þús. kr. Aðalverðlaunum er skipt eftir Hort-kerfinu.

Aukaverðlaun: Efsti TG-ingur 5.000 (óskipt eftir stigum)

Besti árangur miðað við eigin stig ) 5.000 kr. (performance - eigin stig - stigalausir reiknast með 1500 stig)

Tímamörk 3 mínútur + 2 sek á leik.

Þátttökugjöld 2.000 kr. Frítt fyrir félagsmenn Taflfélags Garðabæjar og þátttakendur í Skákþingi Garðabæjar 2016.

Ef þátttaka utanfélagsmanna verður góð verður aðalverðlaunum fjölgað. (Yfir 20 manns greiða þátttökugjöld)

Mótsstaður
Garðatorg 1. 2 hæð. (Gamla Betrunarhúsið) Inngangur hægra megin við verslunina Víði inn á Garðatorgi.

Smellið á hlekkinn til að sjá þá sem þegar eru skráðir.
https://docs.google.com/…/1QQzBVdemWeyMr-dz6DIfHUANzo…/edit…

Kennari verður skákkennari: Heimsókn til Vestmannaeyja

Verkefni Skáksambandsins og mennta- og menningarmálaráðuneytisins, Skák eflir skóla - kennari verður skákkennari hefur gengið vel í Grunnskólanum í Vestmannaeyjum. Sæfinna Ásbjörnsdóttir kennari í fjórða bekk tekur þátt í verkefninu fyrir hönd Grunnskólans. Sæfinna kennir öllum þremur bekkjareiningum í fjórða árgangi skák einu sinni í viku. Á föstudaginn var heimsótti Stefán Bergsson verkefnisstjóri skólann og kenndi þrjár kennslustundir með Sæfinnu. Lagðar voru línur í kennslunni næstu tvo mánuði. Stefnt er að næstu heimsókn verkefnisstjóra í janúar eða febrúar. Í þeirri heimsókn mun Taflfélag Vestmannaeyja efna til helgarnámskeiðs fyrir börn og unglinga og eru bundnar vonir við að mikla þátttöku nemenda í fjórða árgangi sem hafa fengið góða kennslu hjá Sæfinnu í grunnatriðunum.

Á myndinni má sjá Sæfinnu og nokkra af nemendum hennar.

Litlaust jafntefli í lokaskákinni - teflt til þrautar annað kvöld

Það er óhætt að segja að lokaskák heimsmeistaraeinvígis þeirra Carlsen (2853) og Karjakin (2772) hafi valdið miklum vonbrigðum. Samið var jafntefli eftir 30 leiki og aðeins 35 mínútna taflmennsku. Langlitlausasta skákin hingað til og ljóst að heimsmeistarinn var sáttur við stutt jafntefli með hvítu mönnunum. Sá norski virðist hafa metið stöðuna þannig að hann hafi meiri möguleika að vinna Karjakin í fjórum atskákum en í einni kappskák. 

Það jákvæða við þessa afar leiðinlegu skák er hins vegar það að við fáum örugglega frábæra skemmtun á miðvikudaskvöldið!

Ekki tekur því að eyða púðri í það að fara yfir skákina. Það var ljóst frá upphafi hvert stefndi. Heimsmeistarinn ætlaði sér ekki að taka neina áhættu. Svokallaðar Sofíu-reglur gilda og því ekki möguleiki fyrir þá að semja jafntefli fyrr en eftir 30 leiki sem þeir svo gerðu en þá var ekkert eftir í stöðunni.

Það er því ljóst að einvíginu lýkur á morgun, miðvikudag, á 26 ára afmælisdegi Carlsen, þegar teflt verður til þrautar með styttri umhugsunartíma. Fyrirkomulagið er sem hér segir:

1. Fjórir skákir með umhugsunartímanum 25 mínútur auk 10 sekúnda á hvern leik
2. Ef jafnt tefla þeir allt að fimm 2ja skáka einvígunum með tímamörkunum 5 mínútum auk 3 sekúnda viðbótartíma á hvern leik.
3. Ef svo ólíklega vill til að öllum þessum einvígum hafi lokið með jafntefli tefla þeir Armageddon-skák. Þar hafur hvítur 5 mínútur en svartur 4 mínútur. Svörtum dugar jafntefli til sigurs.

Alls geta þeir því teflt 15 skákir á morgun. 

Nánari fréttir af atburðarrás gærdagsins má finna á Chess.com og Chess24

Það voru ekki bara brúnegg rædd á Twitter  í gær því skákáhugamenn voru langt frá því sáttir við taflmennsku gærdagsins.

Expections Vs reality of #carlsenkarjakin today pic.twitter.com/LVNwcdSDfG

— Kimiyachess (@Kimiyasajjadi) November 28, 2016

If the 12th game of the World Ch. were a restaurant dish, I would send it back to the chef #CarlsenKarjakin

— Nigel Short (@nigelshortchess) November 28, 2016

Such a pity to see this symmetrical positions at highest level! When helping Kramnik with the Berlin I didn't know we were killing the game! pic.twitter.com/Deo9mWibpO

— Miguel Illescas (@illescasmiguel) November 28, 2016

#CarlsenKarjakin even if you have your favorite, still is better to see tiebreaks! More fun! More entertaining!

— Paco Vallejo (@Chessidharta) November 28, 2016

#CarlsenKarjakin Good to know that they have a day to rest after this epic encounter.

— Simon Williams (@ginger_gm) November 28, 2016

Yes, today's game was boring, but as compensation we'll likely see one of the most dramatic finishes to a WC match ever. #CarlsenKarjakin

— Tarjei J. Svensen (@TarjeiJS) November 28, 2016

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Championship"] [Site "1:38:33-1:28:33"] [Date "2016.11.28"] [EventDate "2016.11.11"] [Round "12"] [Result "1/2-1/2"] [White "Magnus Carlsen"] [Black "Sergey Karjakin"] [ECO "C67"] [WhiteElo "?"] [BlackElo "?"] [PlyCount "60"] 1.e4 e5 2.Nf3 Nc6 3.Bb5 Nf6 4.O-O Nxe4 5.Re1 Nd6 6.Nxe5 Be7 7.Bf1 Nxe5 8.Rxe5 O-O 9.d4 Bf6 10.Re1 Re8 11.Bf4 Rxe1 12.Qxe1 Ne8 13.c3 d5 14.Bd3 g6 15.Na3 c6 16.Nc2 Ng7 17.Qd2 Bf5 18.Bxf5 Nxf5 19.Ne3 Nxe3 20.Qxe3 Qe7 21.Qxe7 Bxe7 22.Re1 Bf8 23.Kf1 f6 24.g4 Kf7 25.h3 Re8 26.Rxe8 Kxe8 27.Ke2 Kd7 28.Kd3 Ke6 29.a4 a6 30.f3 Be7 1/2-1/2

Þriðja mót Bikarsyrpunnar ásamt Bikarmóti stúlkna fer fram helgina 2.-4. desember

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað þriðja árið í röð. Mót syrpunnar í vetur verða fimm talsins og hefur umferðum hvers móts verið fjölgað í sjö.

Þriðja mót Bikarsyrpunnar hefst föstudaginn 2. desember og stendur til sunnudagsins 4. desember. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Við endurtökum leikinn og höldum að auki meðfram Bikarsyrpunni Bikarmót stúlkna sem mæltist vel fyrir á síðastliðnu móti. Með því gefst stelpum sem vilja prófa form Bikarsyrpunnar aukið tækifæri á að spreyta sig áður en þær taka þátt í sjálfri Bikarsyrpunni. Tefldar verða fimm umferðir í stúlknamótinu, ein á föstudag og tvær hvorn daginn laugardag og sunnudag, en að öðru leyti verður fyrirkomulag hið sama og í Bikarsyrpunni. Nánari dagskrá má sjá hér að neðan.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2001 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Dagskrá Bikarsyrpu III:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 3. desember kl. 16.00 (lau)
5. umferð: 4. desember kl. 10.00 (sun)
6. umferð: 4. desember kl. 13.00 (sun)
7. umferð: 4. desember kl. 16.00 (sun)

Dagskrá Bikarmóts stúlkna:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 4. desember kl. 10.00 (sun)
5. umferð: 4. desember kl. 13.00 (sun)

Verðlaunaafhending fer fram strax að lokinni síðustu umferð hvors móts fyrir sig.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu (í stúlknamótinu er ein yfirseta leyfð í umferðum 1-3). Tilkynna þarf skákstjóra um yfirsetu fyrir lok umferðarinnar á undan.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari hvors móts hlýtur að launum bikar. Verðlaunapeningur eru veittur fyrir 2.sæti og 3.sæti. Sérstök verðlaun verða veitt næsta vor fyrir samanlagðan árangur í mótunum fimm, þar á meðal er veglegur farandbikar. Þá verða veitt sérstök verðlaun fyrir samanlagðan árangur fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1.sæti gefur 5 einkatíma, 2.sæti gefur 3 einkatíma og 3.sæti gefur 2 einkatíma.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Atskákmót Reykjavíkur fer fram í kvöld

Atskákmót Reykjavíkur sem jafnframt er atskákmót Hugins, suðursvæði hefur verið frestað til þriðjudagsins 29. nóvember nk. Mótið átti upphaflega að fara fram á mánudagskvöldið en lokaskák heimsmeistaraeinvígis Carlsen og Karjakin er á mánudagskvöldið svo ekki var um annað að ræða en að færa mótið. Mótið fer fram í félagsheimili Hugins, Álfabakka 14a í Mjódd . Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani. 

Núverandi atskákmeistari Reykjavíkur er Guðmundur Kjartansson og atskákmeistari Hugins er Hjörvar Steinn Grétarsson.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500