Ný íslensk skákstig

Ný íslensk skákstig eru komin út og miðaðst þau við 1. desember sl. Jóhann Hjartarson (2574) er stigahæsti skákmaður landsins. Bjarki Freyr Bjarnason er stigahægstur nýliða. Benedikt Briem hækkar mest allra frá september-listanum.

Topp 20

No	Name	RtgC	Diff	Cat	RtgF	Tit	Club
1	Jóhann Hjartarson	2574	0	-	2540	GM	TB
2	Héðinn Steingrímsson	2566	-8	-	2564	GM	Fjölnir
3	Hannes H Stefánsson	2562	-2	-	2570	GM	Huginn
4	Margeir Pétursson	2561	0	-	2513	GM	TR
5	Helgi Ólafsson	2543	0	SEN	2540	GM	Huginn
6	Hjörvar Grétarsson	2542	3	-	2563	GM	Huginn
7	Henrik Danielsen	2490	0	-	2481	GM	SR
8	Jón Loftur Árnason	2486	-7	-	2471	GM	TB
9	Helgi Áss Grétarsson	2476	0	-	2448	GM	Huginn
10	Stefán Kristjánsson	2443	-6	-	2459	GM	TR
11	Friðrik Ólafsson	2441	0	SEN	2373	GM	TR
12	Jón Viktor Gunnarsson	2439	-8	-	2450	IM	TR
13	Bragi Þorfinnsson	2438	18	-	2453	IM	TR
14	Guðmundur Kjartansson	2429	11	-	2468	IM	TR
15	Karl Þorsteins	2429	-8	-	2432	IM	TR
16	Þröstur Þórhallsson	2411	6	-	2414	GM	Huginn
17	Björn Þorfinnsson	2406	6	-	2404	IM	TR
18	Arnar Gunnarsson	2404	-1	-	2431	IM	TR
19	Dagur Arngrímsson	2399	-4	-	2375	IM	TB
20	Ingvar Jóhannesson	2352	1	-	2377	FM	Huginn
21	Magnús Örn Úlfarsson	2352	-17	-	2375	FM	Huginn

Heildarlistann má finna sem PDF-viðhengi.

Nýliðar

Bjarki Freyr Bjarnason (1631) er stigahæsti 15 nýliða á listanum. Í næstu sætum eru Pétur Bjarnason (1532) og Sverrir Ari Arnarsson (1487).

No	Name	RtgC	Diff	Cat	RtgF	Tit	Club
1	Bjarki Freyr Bjarnason	1631	1631	-	1731		TG
2	Pétur Bjarnason	1532	1532	SEN	1294		Sauðárkrókur
3	Sverrir Ari Arnarsson	1487	1487	-	0		Skákgengið
4	Stefán Daníel Jónsson	1376	1376	-	1477		TG
5	Finnur Kristján Finnsson	1220	1220	SEN	0		Fjölnir
6	Bárður Sigurðsson	1210	1210	-	0		Skákgengið
7	Arnar Smári Signýjarson	1182	1182	U14	1315		SA
8	Fannar Breki Karason	1171	1171	U12	1439		SA
9	Arnar Páll Rúnarsson	1087	1087	-	0		Vinaskákfélagið
10	Pall Ingi Fridgeirsson	1028	1028	U14	1050
11	Bjarki Kröyer Jóhannsson	1009	1009	U12	0		Fjölnir
12	Árni Jóhann Árnason	1000	1000	-	0		Vinaskákfélagið
13	Askur Ari Davíðsson	1000	1000	U14	0		TR
14	Elísabet Xiang  Sveinbjörnsdóttir	1000	1000	U12	1026		TR
15	Tristan Theódór Thoroddsen	1000	1000	U12	0		TR

Mestu hækkanir

Blikar raða sér í fjögur efstu sætin á hækkunarlistanum. Benedikt Briem (267) hækkar mest allra september-listanum. Í næstu sætum eru Gunnar Erik Guðmundsson (178), Ísak Orri Karllsson (143) og Stephan Briem (133)

No	Name	RtgC	Diff	Cat	RtgF	Tit	Club
1	Benedikt Briem	1267	267	U10	1264		Breiðablik
2	Gunnar Erik Guðmundsson	1178	178	U10	1196		Breiðablik
3	Ísak Orri Karlsson	1249	143	U12	1296		Breiðablik
4	Stephan Briem	1599	133	U14	1736		Breiðablik
5	Vignir Vatnar Stefánsson	2168	129	U14	2404	FM	TR
6	Ólafur Evert Úlfsson	1668	108	-	1694		Hrókar alls fagnaðar
7	Batel Goitom Haile	1178	105	U10	1275		TR
8	Jón Þór  Lemery	1601	90	U16	1721		TR
9	Ingvar Egill Vignisson	1574	89	-	1621		Vinaskákfélagið
10	Baldur Teodor Petersson	1779	79	U16	2074		TG
11	Jón Trausti Harðarson	2109	74	U20	2157		Fjölnir
12	Þorsteinn Magnússon	1325	72	U16	1395		TR
13	Freyja Birkisdóttir	1159	69	U10	1232		TR
14	Bárður Örn Birkisson	2057	66	U16	2175		TR
15	Hákon Garðarsson	1064	64	U14	1118		Fjölnir
16	Heimir Páll Ragnarsson	1574	60	U16	1695		Huginn
17	Knútur Finnbogason	1633	58	SEN	1586		Siglufjörður
18	Aron Þór Mai	1802	55	U16	1893		TR
19	Birkir Ísak Jóhannsson	1479	55	U14	1540		Breiðablik
20	Halldór Kristjánsson	1266	50	-	1560		Vinaskákfélagið

Reiknuð mót

• Bikarsyrpa stúlkna
• Bikarsyrpur TR 1 og 2
• Framsýnarmótið
• Haustmót SA (a- og b-flokkar)
• Haustmót TR (a-, b-, og c-flokkar)
• Íslandsmót skákfélaga (1.-4. deild)
• Meistaramót Hugins (suður)
• Skákþing Garðabæjar
• Skákþing Skagafjarðar
• Unglingameistaramót Íslands

Skrár tengdar þessari bloggfærslu:

• Íslensk skákstig, 1. desember 2016

Skákþáttur Morgunblaðsins: Magnús Carlsen jafnaði metin

 

Þungu fargi er létt af Magnúsi Carlsen og norsku þjóðinni. Eftir meira en 6½ klst. baráttu og 75 leiki gafst Rússinn Sergei Karjakin upp í 10. einvígisskákinni og fyrsti sigur Magnúsar í einvíginu var í höfn. Staðan er nú 5:5 og aðeins tvær skákir eftir þannig að talsverðar líkur standa til þess að úrslit einvígisins ráðist í styttri skákum. Ellefta skákin er á dagskrá í dag og hefst kl. 19 að íslenskum tíma. Og taugaspennan tekur sinn toll; í viðtali við norska blaðamenn strax eftir tíundu skákina kvaðst Magnús lítið hafa getað sofið, en hann var nálægt því að tapa þeirri níundu, sem lauk með jafntefli eftir 74 leiki upp úr miðnætti á fimmtudaginn. Það mun ekkert skorta á dramatík á lokasprettinum, en verði jafnt að loknum 12. skákinni á mánudaginn ráðast úrslitin á þriðjudaginn, fyrst með fjórum atskákum með tímamörkunum 25 10, verði enn jafnt verða tefldar tvær hraðskákir, 5 3, og ef allt um þrýtur fást úrslit með bráðabanaskák. Sá sem dregur hvítt þá verður að vinna en fær meiri tíma, 5 3 á móti 4 3.

Að skákir skuli hafa verið leiddar til lykta í löngum og ströngum endatöflum kemur ekki á óvart; ferill norska heimsmeistarans hin síðari ár hefur gengið út á það að vinna slíkar stöður. Ýmsum gagnrýnendum einvígisins finnst þó baráttan litlaus: „Bobby Fischer, við fyrirgefum þér allt. Komdu aftur,“ stóð skrifað í breska stórblaðinu The Guardian:

New York 2016; 10. einvígisskák:

Magnús Carlsen – Sergei Karjakin

Spænskur leikur

1. e4 e5 2. Rf3 Rc6 3. Bb5 Rf6 4. d3 Bc5 5. c3 0-0 6. Bg5 h6 7. Bh4 Be7 8. 0-0 d6 9. Rbd2 Rh5 10. Bxe7 Dxe7 11. Rc4 Rf4 12. Re3 Df6 13. g3 Rh3+ 14. Kh1 Re7 15. Bc4 c6 16. Bb3 Rg6 17. De2 a5 18. a4 Be6 19. Bxe6 fxe6 20. Rd2

„Skákvélarnar“ ráku upp „stór augu“. Hér gat Karjakin þvingað fram jafntefli með 20. ... Rxf2+ 21. Kg1 Rh4+! 22. Kg1 ( 22. gxh4 Dg6+ og svartur vinnur) Rh3+ o.s.frv. Hægt er að halda taflinu gangandi með því að taka á sig lakari stöðu, 21. Kg1 Rh3+ 22. Kg2?! Rhf4+ 23. gxf4 Rxf4+ 24. Hxf4 exf4 25. Rc2. 

20. ... d5 21. Dh5 Rg5 22. h4 Rf3 23. Rxf3 Dxf3 24. Dxf3 Hxf3 25. Kg2 Hf7 26. Hfe1 h5 27. Rf1 Kf8 28. Rd2 Ke7 29. He2 Kd6 30. Rf3 Haf8 31. Rg5 He7 32. Hae1 Hfe8 33. Rf3 Rh8 34. d4 exd4 35. Rxd4 g6 36. He3 Rf7 37. e5+ Kd7 38. Hf3 Rh6 39. Hf6 Hg7 40. b4 axb4 41. cxb4 Rg8 42. Hf3 Rh6 43. a5 Rf5 44. Rb3 Kc7 45. Rc5 Kb8 46. Hb1 Ka7 47. Hd3 Hc7 48. Ha3 Rd4 49. Hd1 Rf5 50. Kh3 Rh6 51. f3 Hf7 52. Hd4 Rf5 53. Hd2 Hh7 54. Hb3 Hee7 55. Hdd3 Hh8 56. Hb1 Hhh7?

Karjakin beið átekta og aðhafðist ekkert en klukkan rak á eftir og nú þvælast svörtu hrókarnir hvor fyrir öðrum. 

57. b5!

Spilar út síðasta trompinu. Skyndilega er Magnús kominn með frábæra vinningsmöguleika.

57. ... cxb5 58. Hxb5 d4 59. Hb6 Hc7 60. Rxe6 Hc3 61. Rf4 Hhc7 62. Rd5?

Aftur segir þreytan til sín. Hvíta staðan er léttunnin eftir 62. Hxg6 Hxd3 63. Rxd3 Hc3 64. Hf6 Re3 65. Rf4 Hc1 66. g4! o.s.frv.

62. ... Hxd3 63. Rxc7 Kb8 64. Rb5 Kc8! 65. Hxg6 Hxf3 66. Kg2 Hb3 67. Rd6+ Rxd6 68. Hxd6 He3?

Nú er staðan vonlaus, 68. .. Kc7! var eini möguleikinn, 69. Hxd4 Hb5 70. He4 Kd7! með jafnteflismöguleikum.

69. e6 Kc7 70. Hxd4 Hxe6 71. Hd5 Hh6 72. Kf3 Kb8 73. Kf4 Ka7 74. Kg5 Hh8 75. Kf6

- og Karjakin gafst upp.

Grein þessi birtist í Morgunblaðinu 26. nóvember 2016

Skákþættir Morgunblaðsins

[Event "Carlsen - Karjakin World Championship"] [Site "0:08:33-0:04:33"] [Date "2016.11.24"] [EventDate "2016.11.11"] [Round "10"] [Result "1-0"] [White "Magnus Carlsen"] [Black "Sergey Karjakin"] [ECO "C65"] [WhiteElo "?"] [BlackElo "?"] [PlyCount "149"] 1.e4 e5 2.Nf3 Nc6 3.Bb5 Nf6 4.d3 Bc5 5.c3 O-O 6.Bg5 h6 7.Bh4 Be7 8.O-O d6 9.Nbd2 Nh5 10.Bxe7 Qxe7 11.Nc4 Nf4 12.Ne3 Qf6 13.g3 Nh3+ 14.Kh1 Ne7 15.Bc4 c6 16.Bb3 Ng6 17.Qe2 a5 18.a4 Be6 19.Bxe6 fxe6 20.Nd2 d5 21.Qh5 Ng5 22.h4 Nf3 23.Nxf3 Qxf3+ 24.Qxf3 Rxf3 25.Kg2 Rf7 26.Rfe1 h5 27.Nf1 Kf8 28.Nd2 Ke7 29.Re2 Kd6 30.Nf3 Raf8 31.Ng5 Re7 32.Rae1 Rfe8 33.Nf3 Nh8 34.d4 exd4 35.Nxd4 g6 36.Re3 Nf7 37.e5+ Kd7 38.Rf3 Nh6 39.Rf6 Rg7 40.b4 axb4 41.cxb4 Ng8 42.Rf3 Nh6 43.a5 Nf5 44.Nb3 Kc7 45.Nc5 Kb8 46.Rb1 Ka7 47.Rd3 Rc7 48.Ra3 Nd4 49.Rd1 Nf5 50.Kh3 Nh6 51.f3 Rf7 52.Rd4 Nf5 53.Rd2 Rh7 54.Rb3 Ree7 55.Rdd3 Rh8 56.Rb1 Rhh7 57.b5 cxb5 58.Rxb5 d4 59.Rb6 Rc7 60.Nxe6 Rc3 61.Nf4 Rhc7 62.Nd5 Rxd3 63.Nxc7 Kb8 64.Nb5 Kc8 65.Rxg6 Rxf3 66.Kg2 Rb3 67.Nd6+ Nxd6 68.Rxd6 Re3 69.e6 Kc7 70.Rxd4 Rxe6 71.Rd5 Rh6 72.Kf3 Kb8 73.Kf4 Ka7 74.Kg5 Rh8 75.Kf6 1-0

Jólapakkamót Hugins fer fram 18. desember

Jólapakkaskákmót Hugins verður haldið sunnudaginn 18. desember nk. í Álfhólsskóla (Hjallaskóli Álfhólsvegi 120). Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 19. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.

Keppt verður í allt að 6 flokkum:

• Flokki fæddra 2001-2003
• Flokki fæddra 2004-2005
• Flokki fæddra 2006-2007
• Flokki fæddra 2008-2009
• Flokki fæddra 2010 síðar
• Peðaskák fyrir þau yngstu

Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.

Jólaskákmót Vinaskákfélagsins fer fram á mánudaginn

Jólaskákmót Vinaskákfélagsins verður haldið mánudaginn 5. desember kl: 13, í Vin að Hverfisgötu 47. Ennfremur er þetta líka afmælisskákmót Hauks Halldórssonar sem verður 50 ára þann 7 desember.Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

Vignir Vatnar atskákmeistari Reykjavíkur

Vignir Vatnar Stefánsson sigraði örugglega á Atskákmóti Reykjavíkur sem fram fór síðast liðið þriðjudagskvöld. Vignir Vatnar var búinn að tryggja sér sigurinn fyrir síðustu umferð en lét ekki þar staðar numið heldur sigraði Örn Leó Jóhannsson í lokaumferðinni og vann þar með mótið með fullu húsi vinninga sex samtals í jafn mörgum skákum. Þrátt fyrir vaska frammistöðu á skákmótum síðustu mánuði þá koma sigurinn nokkuð á óvart því meðal keppenda var ríkjandi atskákmeistari Reykjavíkur Guðmundur Kjartansson alþjóðlegur meistari, nýkominn frá Færeyjum,  þar sem hann sigraði á alþjóðlegu skákmóti í Rúnavík. Vignir Vatnar var einnig þátttakandi í skákmótinu í Rúnavík og stóð sig sömuleiðis vel og fór yfir 2400 skákstig með frammistöðunni þar. Að þessu sinni var það hins vegar Vignir Vatnar sem sigraði á mótinu.

Næstir jafnir með 4,5 vinninga komu Guðmundur Kjartansson og Dagur Ragnarsson. Guðmundur hærri að stigum í öðru sæti og Dagur í því þriðja. Þeir tveir voru einnig í efstu sætum í fyrra ásamt Hörvari Steini Grétarssyni og þá þurfti lokakeppni til að úrskurða um titilinn eins og reyndar oft hefur þurft í þessu móti.

Vigfús Ó. Vigfússon varð efstur Huginsmanna í mótinu og því atskákmeistari Hugins.

Lokastaðan í Chess-results.

Myndin um Magnus - 5 stjörnur af 5 mögulegum!

Í dag hófust í Háskólabíó sýningar á myndinni Magnus sem fjallar um heimsmeistarann í skák. Þar er honum fylgt því frá því hann er krakki og fram til þess er að varð heimsmeistari í skák fyrir þremur árum síðan. 

Ritstjóri sá myndina í gær og telur óhætt að mæla með henni. Hún er mjög einlæg. Þar lýsir t.d. Magnus einelti sem hann varð í skóla og einnig þeim erfiðleikum sem hann gengur í gegnum við mótlæti. Það var t.a.m. magnað að sjá hvernig og fjölskyldan tókst á við mótlætið í upphafi einvígisins við Anand. 

Lýsingar af áskorendamótinu í London 2012 og heimsmeistaraeinvíginu í Chennai 2013 eru mjög góðar. Það góðar að ég varð spenntur þrátt fyrir að muna einstök úrslit.

Það er nauðsynlegt fyrir alla skákáhugamenn að sjá myndina. Fyrir aðra er einnig nauðsynlegt að sjá myndina - og kynnast þessum einstaka persónuleika - sem er mikli dýpri en margir halda. 

Myndin er í senn einlæg, fyndin og spennandi. 

5 stjörnur af 5 mögulegum!

Upplýsingar um sýningartíma o.þ.h. má finna á vef Háskólabíós.  

 

 

Þriðja mót Bikarsyrpunnar ásamt Bikarmóti stúlkna hefst í dag

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað þriðja árið í röð. Mót syrpunnar í vetur verða fimm talsins og hefur umferðum hvers móts verið fjölgað í sjö.

Þriðja mót Bikarsyrpunnar hefst föstudaginn 2. desember og stendur til sunnudagsins 4. desember. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Við endurtökum leikinn og höldum að auki meðfram Bikarsyrpunni Bikarmót stúlkna sem mæltist vel fyrir á síðastliðnu móti. Með því gefst stelpum sem vilja prófa form Bikarsyrpunnar aukið tækifæri á að spreyta sig áður en þær taka þátt í sjálfri Bikarsyrpunni. Tefldar verða fimm umferðir í stúlknamótinu, ein á föstudag og tvær hvorn daginn laugardag og sunnudag, en að öðru leyti verður fyrirkomulag hið sama og í Bikarsyrpunni. Nánari dagskrá má sjá hér að neðan.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2001 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Dagskrá Bikarsyrpu III:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 3. desember kl. 16.00 (lau)
5. umferð: 4. desember kl. 10.00 (sun)
6. umferð: 4. desember kl. 13.00 (sun)
7. umferð: 4. desember kl. 16.00 (sun)

Dagskrá Bikarmóts stúlkna:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 4. desember kl. 10.00 (sun)
5. umferð: 4. desember kl. 13.00 (sun)

Verðlaunaafhending fer fram strax að lokinni síðustu umferð hvors móts fyrir sig.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu (í stúlknamótinu er ein yfirseta leyfð í umferðum 1-3). Tilkynna þarf skákstjóra um yfirsetu fyrir lok umferðarinnar á undan.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari hvors móts hlýtur að launum bikar. Verðlaunapeningur eru veittur fyrir 2.sæti og 3.sæti. Sérstök verðlaun verða veitt næsta vor fyrir samanlagðan árangur í mótunum fimm, þar á meðal er veglegur farandbikar. Þá verða veitt sérstök verðlaun fyrir samanlagðan árangur fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1.sæti gefur 5 einkatíma, 2.sæti gefur 3 einkatíma og 3.sæti gefur 2 einkatíma.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Magnus Carlsen heimsmeistari í skák!

Norðmaðurinn Magnus Carlsen er heimsmeistari í skák. Það er var ljóst eftir spennandi og afar skemmtilegan lokapunkt einvígisins sem fram fær í gærkveldi. Mikil tilhlökkun var hjá íslenskum skákmönnum sem fjölmenntu í opið hús í Skáksambandi Íslands. Þar voru þeir Björn Þorfinnsson og Ingvar Þór Jóhannesson með skákskýringar sem heldur betur slógu í gegn. Nánar má lesa um opna húsið í frétt Mbl.is. RÚV kom á staðinn og var með innskot í fréttatímanum sem sjá má hér. 

Tefldu þeir fjórar atskákir. Fyrstu skákinni lauk með fremur litlausu jafntefli. Önnur skákin var hins vegar æsispennandi og saumaði Carlsen jafnt og þétt Karjakin sem varðist afar fimlega með hrók á móti tveimur biskupum. Áskorandinn náði svo upp lygilegri pattgildru sem byggir á því þema og hornpeð og biskup sem er ekki samlita hornreitnum uppí borði dugar ekki til vinnings. .

78...h5!! 79. gxh5 (79. g5 fxg5 80. hxg5 h4 og hvítur kemst ekkert áleiðis). 79...f5!! 80. Bxf5 Hxe7+! 81. Kxe7 Kg8 82. Bd3 Kh8 83. Kf8 g5!! 84. hxg6.

Ótrúleg lokastaða

Staðan var 1-1 og ljóst að fjórar skákir yrðu tefldar. RÚV tók stöðuna í hálfleik í 10-fréttum og viðtal við Björn Þorfinnsson sýnt (byrjar 09:25).

Carlsen sýndi á sér klærnar í þriðju skákinni og vann góðan sigur með svörtu mönnunum. Þar sýndi hann á sér sýnar allar bestu hliðar. Eftir að hafa verið í sókn á kóngsvængnum setti hann áskorandann í aukin vandræði með 22...a5! sem byggir á því að að veikja stöðu hvíts á svörtu reitunum.

Nokkru síðar sýndi heimsmeistarinn enn á ný á sínar bestu hliðar. 

30...e4! Fórnar peði fyrir rýmra tafl og kemst inn í herbúðir hvíts eftir 31. dxe4 Bxc3 32. Hxc3 De5.

 

Karjakin lék af sér ef þunga pressu í 38. leik þegar hann lék 38. Hxc7? 38. Hb1! heldur stöðu hvíts lifandi þótt hans bíði erfið vörn. Eftir 38...Ha1! gafst Karjakin upp. Staðan orðin 2-1 og ljóst að Carlsen þyrfti aðeins jafntefli í næstu skák til að tryggja sér titilinn.

Carlsen hafði hvítt og lék 1. e4. Áskorandinn svaraði með Sikileyjarvörn og var það í fyrsta og eina skipti í einvíginu sem sú ágæta byrjun var tefld. Carlsen tefldi óhefðbundinn fjórða leik 5. f3 og var það greinilega eitthvað sem hann hafði undirbúið fyrir einvígið. Heimsmeistarinn fékk mun rýmra tafl og náði frumkvæðinu. Skákin lauk með einkar glæsilegri fórn sem hann hafði greinilega séð allmörgum leikjum fyrr því annars hefði hann ekki gefið kost á sóknarfærum svarts.

50. Dh6+!! Þvílíkur endir á heimsmeistaraeinvíginu. Drottningu leikið oní tvo menn og svartur óverjandi mát í næsta leik.

Nánar um gang gærdagsins má lesa á Chess.com, Chess24 og Matt & Patt.

Skákin vakti athygli bæði í Moskvu og New York!

@chess24com Red Square right now! #CarlsenKarjakin pic.twitter.com/Jxt2CuAaxy

— Mikhail O. (@iMishutka) November 30, 2016

@fionchetta Times Square right now! #CarlsenKarjakin pic.twitter.com/NktuF0Ghtl

— Dan (@AntonSquaredMe) November 30, 2016

Björgun Karjakin í annarri skákinni vakti aðdáun.

This is one of the most unexpected saves I have seen in my life. No time . No Position. Unbelievable. UNBELIEVABLE!!! . #CarlsenKarjakin

— Paco Vallejo (@Chessidharta) November 30, 2016

If you ask me Karjakin has just become World Chess Defense Champion. #CarlsenKarjakin

— Anish Giri (@anishgiri) November 30, 2016

Í þriðju skákinni var það sennilega peðsfórnin á e4 sem réði úrslitum.

It's simply impossible to go to sleep when you see moves like 30...e4! https://t.co/YzlP4nBlaM #CarlsenKarjakin pic.twitter.com/vAGj7Tceqj

— Olimpiu G. Urcan (@OlimpiuUrcan) November 30, 2016

Ironically Karjakin's 38.Rxc7?? was his second move beyond the 5th rank. You can't win the title playing like this #CarlsenKarjakin

— Grzegorz Gajewski (@GajuChess) November 30, 2016

A very strong performance from Carlsen in game 3, he took the initiative and played brilliantly. Now Sergey should rely on Najdorf!

— Yan Nepomniachtchi (@lachesisq) November 30, 2016

Hvort að Karjakin ætlaði að beita Najdorf vitum við ekki þar sem Carlsen lék 5. f3! Drottningarfórn Carlsen ærði skákheim á Twitter!

What a finish!!! 🎉🎉 Congratulations, birthday boy!! 🏆 #CarlsenKarjakin #worldchess2016 ✨ @MagnusCarlsen pic.twitter.com/ReHIQqeDhw

— Anna Rudolf (@Anna_Chess) November 30, 2016

Qh6, the guy couldn't prevent himself... Congrats @MagnusCarlsen!

— MVL (@Vachier_Lagrave) November 30, 2016

OH LA LA - Qh6!!!! - Beautiful way to finish the match! a move for #history - Congrats to Carlsen,my #respect to Karjakin #CarlsenKarjakin

— Paco Vallejo (@Chessidharta) November 30, 2016

Congratulations to Magnus! His lack of preparation angered the goddess Caissa, but not enough to drive her into the drab Karjakin's arms.

— Garry Kasparov (@Kasparov63) December 1, 2016

50.Qh6+ is the way to wrap up the best possible birthday gift. https://t.co/FBXx8Jg2nd #CarlsenKarjakin pic.twitter.com/G0mwGeotDW

— Olimpiu G. Urcan (@OlimpiuUrcan) November 30, 2016

Rimaskóli sigursæll á Jólaskákmóti TR og SFS

Um nýliðna helgi leiddu Taflfélag Reykjavíkur og Skóla- og frístundasvið Reykjavíkurborgar saman riddara sína og blésu til hins árlega Jólaskákmóts grunnskóla borgarinnar. Hátt í 150 börn settust að tafli í 33 skáksveitum og sköpuðu börnin einstakt andrúmsloft í félagsheimili TR sem einkenndist af skemmtilegri blöndu leikgleði og keppnishörku.

Yngri flokkur reið á vaðið á sunnudagsmorgni klukkan 10:30 er Suður-riðill 1.-7.bekkjar var tefldur. Þar fór fremst í flokki sigursveit Ölduselsskóla frá því í fyrra en skáksveitin sú er bæði reynslumikil og römm að afli. Einungis ein stúlknasveit var mætt til leiks og var það hin efnilega sveit Háteigsskóla, en stúlkurnar í sveitinni hafa verið einkar duglegar að sækja skákæfingar hjá Taflfélagi Reykjavíkur undanfarin misseri. Svo fór að Ölduselsskóli vann öruggan sigur í Suður-riðli og hlaut sveitin 21 vinning af 24 mögulegum. Baráttan um 2.sætið var hnífjöfn allt fram í síðustu umferð. Að lokum hreppti Breiðholtsskóli 2.sætið með 14,5 vinning, aðeins hálfum vinning meira en Háteigsskóli sem endaði í 3.sæti. Það voru því Ölduselsskóli og Breiðholtsskóli sem tryggðu sér þátttökurétt í úrslitakeppni mótsins. Stúlknasveit Háteigsskóla fékk 10,5 vinning í 6.sæti og komst áfram í úrslitakeppni stúlknasveita.

Norður-riðill yngri flokks hófst klukkan 14 sama dag. Hvorki fleiri né færri en 19 skáksveitir voru mættar til leiks og því var þröngt á þingi í félagsheimili TR þennan seinni part sunnudags. Svo mikill var atgangurinn þegar foreldrar og liðsstjórar streymdu að með keppendur að um tíma leit bílastæðið út eins og færeyskur harmonikusamanstoyti. En betur fór en á horfðist og komust allir bílar klakklaust í bílastæði og keppendur á keppnisstað. Skákrisinn úr Grafarvogi, Rimaskóli, þótti sigurstranglegur í þessum riðli en Ingunnarskóli kaus þó að gefa ekkert eftir í toppbaráttunni og fylgdi Rimaskóla eftir sem skugginn allt mótið. Að lokum munaði aðeins einum vinning á skólunum tveimur. Rimaskóli vann riðilinn og Ingunnarskóli lenti í 2.sæti, og öðluðust skólarnir tveir því keppnisrétt í úrslitakeppninni. B-sveit Rimaskóla hreppti loks 3.sætið. Rimaskóli lét ekki þar við sitja því stúlknasveit skólans varð hlutskörpust í stúlknaflokki og hlaut sveitin 11 vinninga. Stúlknasveit Landakotsskóla kom í humátt á eftir með 10,5 vinning. Í 3.sæti varð sveit Árbæjarskóla með 9,5 vinning. Þar sem aðeins ein stúlknasveit var í fyrri riðli mótsins þá komust þrjár efstu stúlknasveitir Norður-riðils áfram í úrslitakeppnina.

Úrslitakeppni yngri flokks var stórskemmtileg. Ölduselsskóli gaf ekkert eftir og vann allar sínar viðureignir utan eina sem var jafntefli gegn Rimaskóla í síðustu umferð. Ölduselsskóli vann sannfærandi sigur með 18 vinninga í 24 skákum. Rimaskóli og Ingunnarskóli háðu mikla baráttu um 2.sætið, líkt og í riðlakeppninni deginum áður, og náði sú barátta hámarki í 4.umferð er Ingunnarskóli lagði Rimaskóla 2,5-1,5. Rimaskóli spýtti þá í lófana og tryggði sér 2.sætið með jafntefli gegn sigursveit Ölduselsskóla. Rimaskóli fékk 14,5 vinning og Ingunnarskóli hlaut 13 vinninga í 3.sæti. Breiðholtsskóli rak lestina með 2,5 vinning en getur engu að síður borið höfuðið hátt því sveitin kom öllum á óvart með því að tryggja sér sæti í úrslitum í sínu fyrsta móti.

Úrslitakeppni stúlknaflokks hjá 1.-7.bekk var æsispennandi og réðust úrslit ekki fyrr en í síðustu skák síðustu umferðar. Rimaskóli og Háteigsskóli glímdu um efsta sætið og virtist Rimaskóli hafa pálmann í höndunum eftir sigur á helsta keppinaut sínum í 4.umferð, 3-1. Háteigsskóli lét þó ekki deigan síga og vann síðustu tvær viðureignir sínar 4-0. Rimaskóli lenti þá í klóm hinnar efnilegu skáksveitar Landakotsskóla. Í stöðunni 2-1 fyrir Rimaskóla fór af stað ævintýralega atburðarás á 1.borði þar sem Rimaskóli þurfti jafntefli til að tryggja sér sigur í mótinu. Eftir mikinn barning þar sem skákin skipti um eiganda í nokkur skipti -og fjölmargir áhorfendur tóku ítrekuð andköf- þá þráléku stúlkurnar og Rimaskóli hrósaði sigri í mótinu. Rimaskólastúlkur fengu 19,5 vinning í efsta sæti og Háteigsskóli hlaut 19 vinninga í 2.sæti. Landakotsstúlkur enduðu í 3.sæti og Árbæjarskóli í 4.sæti.

Eldri flokkur (1.-8.bekkur) tefldi á sama tíma og úrslitakeppni yngri flokks fór fram. Þátttaka í eldri flokki var afar döpur að þessu sinni en aðeins 6 skáksveitir tefldu. Fyrir vikið þurftu mótshaldarar að fækka fyrirhuguðum umferðum úr sex í fimm. Laugalækjarskóli mætti með mjög sterka skáksveit líkt og árið á undan er skólinn vann með fullu húsi. Laugalækjarskóli endurtók leikinn og vann allar 20 skákir sínar. Rimaskóli hreppti 2.sætið með 14 vinninga. Stúlknasveit Hagaskóla –eina stúlknasveit eldri flokks- gerði sér svo lítið fyrir og fékk 8 vinninga sem dugði í 3.sætið.

Sé litið til mótsins í heild þá sést að Rimaskóli stendur öðrum skólum Reykjavíkur framar í skólaskák. Skólinn hreppti alls fimm verðlaun; 2 gull, 2 silfur og 1 brons. Aukinheldur sendi skólinn 5 skáksveitir í mótið, flestar allra skóla.

Nánari upplýsingar um úrslit og lokastöðu má nálgast á chess-results.

Taflfélag Reykjavíkur vill koma á framfæri þökkum til Skóla- og frístundasviðs fyrir ánægjulegt samstarf sem enn eitt árið skapar vettvang fyrir börn í grunnskólum Reykjavíkur til þess að koma saman og eiga góða taflstund saman.

Myndskreytta frásögn frá mótinu má finna á heimasíðu TR.

Góð frammistaða Henriks á HM öldunga

Í gær lauk heimsmeistaramóti öldunga í Marianzske Lazne í Tékklandi. Henrik Danielsen (2477) var meðal keppenda í flokki 50 ára og eldri og stóð sig vel. Henrik hlaut 8 vinninga í 11 skákum og varð í 4.-9. sæti. Tók fjórða sætið eftir stigaútreikning. Heimsmeistari í flokki Henriks varð georgíski stórmeistarinn Giorgi Bagaturov (2410).

Ýmsar gamlar hetjur voru meðal keppenda á HM. Anatoly Vaisser (2505) varð heimsmeistari í flokki 65 ára og eldri. Georgíska skákkonan og fyrrverandi heimsmeistari kvenna Nona Gaprindashvili (2311) varð heimsmeistari kvenna í flokki 65 ára og eldri.

• Heimasíða mótsins
• Chess-Results