Mjóddarmót Hellis fer fram á föstudag

Mjóddarmót Hellis fer fram föstudaginn 6. júní í göngugötunni í Mjódd.  Mótið hefst kl. 16 og er mótið öllum opið. Góð verðlaun í boði.  Síðasta ár sigraði Happdrætti Háskóla Íslands en fyrir það tefldi Arnar E. Gunnarsson sem hefur sigrað fjórum sinnum á síðustu fimm ár á mótinu.  Tefldar verða sjö umferðir með sjö mínútna umhugsunartíma.  Skráning fer í tölvupósti í netfangið [e-mail].  Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Tölvupóstur: [e-mail]
• Sími: 866 0116

Omar og Andri efstir á hraðkvöldi

Omar Salama og Andri Áss Grétarsson fengu báðir 6 vinninga í sjö skákum á hraðkvöldi Hellis sem haldið var 2. júní sl. Til þess að fá úrslit milli þeirra þurfti skákstjóri að reikna stig þrisvar sinnum og þá first var Omar úrskurðaður sigurvegari. Næstu tveir voru líka jafnir með 5inninga en það voru Vigfús Ó. Vigfússon og Þorvarður Fannar Ólafsson. Næsta hrað- eða atkvöld hjá Helli verður í lok ágúst.

 

 

Lokastaðan á hraðkvöldinu:

• 1.  Omar Salama                    6v/7 (23,5; 26,5; 30)
• 2.  Andri Áss Grétarsson         6v  (23,5: 26,5; 28,5)
• 3.  Vigfús Ó. Vigfússon            5v
• 4.  Þorvarður Fannar Ólafsson 5v
• 5.  Birkir Karl Sigurðsson        4v
• 6.  Örn Stefánsson                 3,5v
• 7.  Ólafur Gauti Ólafsson        3,5v
• 8.  Björgvin Kristbergsson      3v
• 9.  Gunnar Nikulásson            3v
• 10. Árni Gunnar Andrason      2v
• 11. Pétur Jóhannesson           1v
• 12. Arnar Valgeirsson            1v

Mót til heiðurs Guðfríði Lilju

Mánudaginn 9. júní, klukkan 13:00 halda Skákfélag Vinjar og Hrókurinn stórmót til heiðurs Guðfríði Lilju Grétarsdóttur sem nýlega hefur látið af störfum sem forseti Skáksambands Íslands. 

Mótið verður haldið í Vin, Hverfisgötu 47 og tefldar verða fimm umferðir eftir Monrad kerfi þar sem umhugsunartími er 7 mínútur.

Þeir heiðursfeðgar, Bragi Kristjónsson og Ari Gísli Bragason í Bókinni ehf, hafa tekið saman vinninga, sem eru bækur um - eða eftir - Guðfríði, Lilju, Björn, Óttar og Felix, en þeir Björn Þorfinnsson og Óttar Felix buðu sig einmitt fram til forseta fyrir síðasta aðalfund Skáksambandsins. Bragi deilir út vinningum af alkunnri snilld.

Veglegir happadrættisvinningar verða einnig, m.a. skákborð áritað af sjálfum Garry Kasparov, þar sem eðalskákkallar fylgja með. 

Skákstjórar eru þeir Robert Lagerman og Hrannar Jónsson. 

Að móti loknu verður boðið upp á kaffihlaðborð  a la Vin, sem aldrei hefur brugðist. 

Vin er athvarf Rauða kross Íslands fyrir fólk með geðraskanir og er að Hverfisgötu 47 í Reykjavík. Hrókurinn hefur staðið fyrir æfingum á mánudögum í u.þ.b. fimm ár og Skákfélag Vinjar er aðili að Skáksambandi Íslands. Síminn i Vin er 561-2612

Henrik efstur með 3½ vinning

Stórmeistarinn Henrik Danielsen (2510) sigraði belgíska FIDE-meistarann Jan Rooze (2316) í fjórðu umferð minningarmótsins um Emanuel Lasker sem fram fór í Barlinek í Póllandi í dag.  Henrik er nú efstur með 3½ vinning.

Í fimmtu umferð, sem fram fer á morgun, teflir Henrik við hvít-rússneska alþjóðlega meistarann Nikolai Alivadin (2384).

Alls teflir 21 skákmaður í mótinu, og þar af fjórir stórmeistarar.  

• Heimasíða mótsins
• Skákirnar í beinni - byrjar kl. 14

Henrik og Stefán með í Djúpavík

Henrik Danielsen stórmeistari verður með á minningarmótinu um Pál Gunnarsson Djúpavík, en hann hefur farið mikinn í íslensku skáklífi síðustu árin. Henrik er danskrar ættar, en gerðist íslenskur ríkisborgari 2004, svo hann gæti af fullum krafti tekið þátt í "íslenska skákævintýrinu", einsog hann orðaði það.

Henrik leiddi verkefni Þróunarsamvinnustofnunar, Hróksins og Skáksambands Íslands í Namibíu, sem heppnaðist framúrskarandi vel, og hefur margoft verið í sveitum Hróksins að boða fagnaðarerindi skákarinnar á Grænlandi.

Henrik hefur áður teflt í Árneshreppi, á sterku móti sem Hrókurinn hélt 2005.

Fleiri stórmeistarar hafa boðað komu sína á minningarmót Páls Gunnarssonar 20. og 21. júní, svo fylgist með!

Skákmeistarinn Stefán Kristjánsson hefur einnig boðað komu sína á mótið. Stefán er með 2485 Elo-stig og skortir aðeins 15 stig til að verða útnefndur stórmeistari í skák. Hann tefldi með Hróknum á Íslandsmóti skákfélaga og varð í þrígang Íslandsmeistari með félaginu.

Stefán tefldi, einsog Páll heitinn, á fyrsta alþjóðamótinu í sögu Grænlands, sem fram fór í Qaqortog á Suður-Grænlandi. Þrátt fyrir ungan aldur (Stefán er fæddur 1982) er hann þrautreyndur landsliðsmaður og meðal allra sterkustu skákmanna Íslands.

Áhugasamir skákmenn á öllum aldri eru hvattir til að skrá sig sem fyrst, svo gisting finnist fyrir alla!

Skráningu annast og upplýsingar veita:

Sigrún Baldvinsdóttir [e-mail] sími 6987307

Róbert Harðarson [e-mail]

Hrafn Jökulsson [e-mail]

Minningarmót um Pál Gunnarsson

Fjölmargir hafa þegar skráð sig til leiks á stórmóti Hróksins í Djúpavík á Ströndum, sem helgað er minningu Páls Gunnarssonar, og fer fram helgina 20.-22. júní. Mótið er öllum opið og eru vegleg verðlaun í mörgum flokkum.

            Tefldar verða 9 umferðir, þrjár föstudagskvöldið 20. júní og sex laugardaginn 21. júní. Umhugsunartími er 20 mínútur fyrir hverja skák. Sunnudaginn 22. júní fer svo fram hraðskákmót í Trékyllisvík.

            Meðal skákmeistara sem þegar hafa skráð sig til leiks eru Björn Þorfinnsson, Róbert Harðarson, Elvar Guðmundsson, Einar K. Einarsson og Guðfríður Lilja Grétarsdóttir.

            Þá mun vinir og félagar Páls Gunnarssonar úr Hróknum fjölmenna og segir Sigrún Baldvinsdóttir dagskrárstjóri hátíðarinnar að menn hafi boðað komu sína siglandi, fljúgandi, ríðandi og akandi.

            1. verðlaun á minningarmótinu eru 100 þúsund krónur, 2. verðlaun 50 þúsund, 3. verðlaun 30 þúsund, 4. verðlaun 20 þúsund og 5. verðlaun 15 þúsund.

            Þá eru veitt verðlaun fyrir besta frammistöðu Strandamanna, stigalausra skákmanna og skákmanna með minna en 2200 stig. Í hverjum flokki eru 1. verðlaun 15 þúsund, 2. verðlaun 10 þúsund og ný bók í 3. verðlaun.

            Ennfremur eru veitt 15 þúsund króna verðlaun fyrir bestan árangur kvenna, heldri borgara og grunnskólabarna, auk bókavinninga. Fleiri eiga von á glaðningi, en meðal verðlaunagripa verða handunnin listaverk af Ströndum.

            Þá verða vegleg verðlaun á hraðskákmótinu, sem haldið verður í kjölfar atskákmótsins.

            Skákmenn á öllum aldri eru hvattir til að skrá sig sem fyrst til þátttöku hjá Róbert Harðarsyni ([e-mail]) eða hjá Sigrúnu Baldvinsdóttur í ([e-mail], sími 698-7307) og mun hún m.a. hjálpa fólki við að finna gistingu og veita upplýsingar um hátíðina að öðru leyti.

Gistingu er hægt að fá í Hótel Djúpavík og víðar í Árneshreppi, auk þess sem tjaldstæði er í Trékyllisvík og Norðurfirði. Gestir í Árneshreppi, sem er afskekktasta sveit á Íslandi, eiga í vændum að kynnast stórbrotinni náttúru og sögu við ysta haf.

Páll Gunnarsson (1961-2006) tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hróksins og tók virkan þátt í skáklandnáminu á Grænlandi. Með mótinu vilja vinir hans, félagar og fjölskylda heiðra minningu þessa góða drengs.

Hannes Hlífar stigahæstur

Ný skákstig komu út í dag.  Hannes Hlífar Stefánsson er stigahæstur íslenskra skákmanna, hefur 2645 skákstig, en næstir eru Jóhann Hjartarson (2635) og Margeir Pétursson (2600).  Fjórar nýliðar eru á listanum.   Stigahæstur þeirra er Ragnvaldur Örn Jónsson (1575).   Gísli Hrafnkellsson hækkar mest allra á listanum eða um heil 200 skákstig.  Næstir eru Ármann Olgeirsson (110) og Árni Þorvaldsson (90).  Gylfi Þórhallsson var virkastur allra á tímabilinu með 25 skákir.

20 stigahæstu skákmenn Íslands:

	*************Nafn*************	Ísl.stig	Fj.Skáka
1	Hannes H Stefánsson	2645	976
2	Jóhann Hjartarson	2635	737
3	Margeir Pétursson	2600	669
4	Helgi Ólafsson	2540	803
5	Jón Loftur Árnason	2525	599
6	Friðrik Ólafsson	2510	147
7	Héðinn Steingrímsson	2505	293
8	Helgi Áss Grétarsson	2500	585
9	Henrik Danielsen	2500	100
10	Karl Þorsteins	2495	558
11	Jón Viktor Gunnarsson	2470	942
12	Stefán Kristjánsson	2465	694
13	Þröstur Þórhallsson	2460	1080
14	Guðmundur Sigurjónsson	2445	251
15	Bragi Þorfinnsson	2435	805
16	Björn Þorfinnsson	2430	887
17	Arnar Gunnarsson	2405	809
18	Magnús Örn Úlfarsson	2390	502
19	Björgvin Jónsson	2360	659
20	Sigurður Daði Sigfússon	2360	901

 

Nýliðar:

1	Rögnvaldur Örn Jónsson	1575
2	Arnar Jónsson	1555
3	Hermann Aðalsteinsson	1375
4	Sigurbjörn Ásmundsson	1305

 

Mestu hækkanir:

	Nafn	Breyting
1	Gísli Hrafnkelsson	200
2	Ármann Olgeirsson	110
3	Árni Þorvaldsson	90
4	Atli Freyr Kristjánsson	80
5	Sveinn Arnarsson	75
6	Ólafur Freyr Ólafsson	75
7	Sigurður Ómar Scheving	75
8	Jóhann Hjörtur Ragnarsson	70
9	Guðlaug U Þorsteinsdóttir	70
10	Gestur Vagn Baldursson	65
11	Elsa María Þorfinnsdóttir	65
12	John Ontiveros	65
13	Hrannar Jónsson	65

 

Flestar skákir:

	Nafn	Skákir
1	Gylfi Þór Þórhallsson	25
2	Vigfús Óðinn Vigfússon	24
3	Björn Þorfinnsson	23
4	Sigurbjörn Björnsson	23
5	Hjörvar Grétarsson	22
6	Henrik Danielsen	22
7	Ingi Tandri Traustason	20
8	Jóhann Hjörtur Ragnarsson	19
9	Helgi Brynjarsson	19
10	Sverrir Þorgeirsson	19
11	Sævar Jóhann Bjarnason	19
12	Sigurður Eiríksson	19
13	Jón Árni Halldórsson	19

 

Skákstigin

Níu manns á hraðskákmóti í Vin, til heiðurs Sveini Jóhannssyni, næstum níu!

Rífandi mæting var á skákæfingu hjá Skáfélagi Vinjar í dag, mánudag, klukkan 13. Róbert Harðarson frá Hróknum kom og hélt utan um æfinguna sem breyttist í hraðskákmót. Ekki höfðu þó allir sem komu tíma til að vera svo lengi en þrátt fyrir það tóku níu manns þátt.

Sveinsmótið, til heiðurs yngsta þátttakandanum, Sveini Jóhannssyni, sem er alveg að verða níu ára, núna í júní... tókst auðvitað glimrandi vel. 

Létt var yfir fólki þó að leikar æstust inn á milli. Borið var í keppnisfólkið kaffi og meðlæti meðan á móti stóð, enda átta umferðir og ekkert slakað á.

Það kom þó ekki mikið á óvart að Róbert skákstjóri yrði efstur á palli með 7,5 vinninga. Næstir voru þeir Guðmundur Valdimar Guðmundsson með 7 og Friðrik Friðriksson með 5. Aðrir í humátt á eftir.

Litið var á mótið sem upphitun fyrir stórmót nk. mánudag, þegar Guðfríður Lilja Grétarsdóttir, fyrrum forseti Skáksambandsins verður heiðruð. Verður það mót auglýst betur síðar en þau sem geta ættu að taka mánudaginn 9. júní frá, en mótið hefst kl. 13:00.

Vin er að Hverfisgötu 47 í Reykjavík og er athvarf rekið af Rauða krossinum. Æfingar eru á mánudögum kl. 13 og síminn þar er 561-2612.

Henrik vann í þriðju umferð

Stórmeistarinn Henrik Danielsen (2510) sigraði Pólverjann Pawel Komalczyk (2075) í þriðju umferð minningarmótsins um Emanuel Lasker sem fram fór í Barlinek í Póllandi í dag.  Henrik hefur 2½ vinning og er í 1.-4. sæti. 

Í fjórðu umferð, sem fram fer á morgun, teflir Henrik við  belgíska FIDE-meistarann Jan Rooze (2316).  

Alls teflir 21 skákmaður í mótinu, og þar af fjórir stórmeistarar.  

• Heimasíða mótsins
• Skákirnar í beinni - byrjar kl. 14

Morozevich sigurvegari Bosna-mótsins

Rússneski stórmeistarinn Alexander Morozevich (2774) vann öruggan sigur á Bosna-mótinu sem lauk í Sarajevo-mótinu sem lauk í dag.  Morozevich hlaut 7½ vinning í 10 skákum, vann 5 skákir og gerði 5 jafntefli og var 1½ vinning fyrir ofan næsta mann.

Lokastaðan:

• 1. Morozevich (2774) 7½ v. af 10
• 2. Dominguez (2695) 6 v.
• 3. Movsesian (2695) 5 v.
• 4. Timofeev (2664) 4½ v.
• 5. Predojevic (2651) 4 v.
• 6. Sokolov (2690) 3 v.

Heimasíða mótsins