Meistaramót Vinaskákfélagsins hefst í kvöld

Meistaramót Vinaskákfélagsins í atskák verður haldið 23 febrúar, 9 mars og 16 mars. Ákveðið er að hafa skákmótið á 3 stöðum ef húsrúm leyfir. Þetta verður árlegt skákmót. 

• 23. febrúar verður það haldið í Vin Hverfisgötu 47.
• 9. mars verður það í Hlutverkasetrið Borgartúni 1.
• 16. mars verður það annaðhvort í Vin eða í Skáksambandinu / Skákskólanum í Faxafeni. Keppendum verður tilkynnt um það síðar. 

Skákmótið verður 8 umferðir. 3 skákir á kvöldi, nema síðasta kvöldið þá verða tefldar 2 skákir og verðlaunaafhending að þeim loknum.

Þetta verður opið skákmót fyrir alla.

Tímamörkin eru  15 mín. + 10 sek. uppbótartími á leik.

Mótið er reiknað til atskákstiga. Mótið hefst kl. 19:30. 

Verðlaun:

1. sætið eignarbikar + gullpeningur. Einnig verðum við með farandbikar en þetta skákmót verður síðan árlegt.
2. sætið silfurpeningur.
3. sætið bronzepeningur.
4. Einnig ætlar einn félagi í Vinaskákfélaginu að gefa andlitsteikningar af frægum skákmönnum. 

Veitingar: Kaffi og kökur verða á skákstað. 

Þátttökugjald á mótið er að félagsmenn greiði 500 kr., en 2.000 kr. fyrir aðra.

Ath. að Hollvinir Vinaskákfélagsins fá frítt á skákmótið.

Þið getið skráð ykkur á mótið á gula kassanum efst á síðunni á skak.is.

HM kvenna: Og þá eru eftir fjórar

Fjórðu umferð (átta manna úrslitum) Heimsmeistaramóts kvenna lauk í dag íTeheran í Íran. Stærstu tíðindi umferðarinnar verða að teljast að stigahæsti keppandi mótsins og næststigahæsta skákkona heimsJuWenjun (2583) er fallin úr leik eftir tap gegnlöndu sinniTanZhongyi (2502). Íslenskur skákheimur heldur með indversku skákdrottningunni Hariku Dronavalli (2539) en hún verður meðal þátttakenda á GAMMA Reykjavíkurskákmótinu. Það yrði ekki amalegt að hafa heimsmeistara kvenna meðal keppenda þar!

Úrslit 4. umferðar urðu sem hér segir:

• Tan Zhongyi (2502) - Ju Wenjun (2583) 1½-½
• Harika Dronavalli (2539) - Nana Dzagnidze (2525) 2½-1½
• Anna Muzychuk (2558) - Antoaneta Stefanova (2512)1½-½
• Ni Shiqun (2399) - Alexandra Kosteniuk (2549) ½-1½

Fimmta umferð (undanúrslit) hefst á morgun. Taflmennskan hefst kl. 11:30. Þá mætast Zhongyi-Dronavalli og Kosteniuk-Muzychuk. 

Nánar á Chess24.

• Heimasíða mótsins
• Beinar útsendinar

Moskva: Guðmundur vann í 2. umferð

Önnur umferð Aeroflot Open fór fram í Moskvu í dag. Guðmundur Kjartansson (2464) vann rússneska alþjóðla meistarann Ruslan Yandarbiev (2311) í b-flokki. Sigurður Daði Sigfússon (2226) gerði jafntefli en Dagur Ragnarsson (2276) tapaði. Gummi og Dagur hafa 1 vinning en Daði hefur hálfan vinning. Helgi Ólafsson (2540), sem teflir í a-flokki, tapaði fyrir Sanan Sjugirov (2673).

Þriðja umferð fer fram á morgun og hefst kl. 12:30. Helgi teflir þá við rússneska alþjóðlega meistarann Alexey Sarana (2468). 

Aeroflot er ægisterkt mót. Í a-flokki tefla 96 skákmenn og þar af 73 (!!) stórmeistarar.  Helgi er nr. 70 í röð keppenda. Í b-flokki, sem er almennt hugsaður fyrir skákmenn á stigabilinu 2200-2550 skákstig, tefla 118 skákmenn og þar af 18 stórmeistarar. Guðmundur er nr. 27 í röð keppenda, Dagur nr. 99 og Daði nr. 105. 

• Heimasíða mótsins
• Chess-Results
• Beinar útsendingar

Akureyri: Barist til síðasta manns

Nú er að hefjast keppni til úrslita um það hver þeirra þremenninga, Andra Freys Björgvinssonar, Tómasar Veigars Sigurðarsonar eða Jóns Kristins Þorgeirssonar, stendur uppi sem sigurvegari í Skákþingi Akureyrar og um leið skákmeistari Akureyrar 2017. Um titilinn verður teflt með þessum hætti:

• Miðvikudag kl. 16.30  Tómas-Andri
• Fimmtudag kl. 16.30   Jón Kristinn-Tómas
• Laugardag kl. 13.15   Andri-Jón Kristinn

Þeir munu tefla kappskákir - sömu tímamörk og á aðalmótinu. Ef tveir eða þrír verða enn jafnir munu þeir tefla atskákir á sunnudag með umhugsunartímanum 15-10. Ef enginn er enn búinn að tryggja sér sigurinn eftir þetta verður farið í hraðskákir 4-2. Í báðum tilvikum einföld umferð ef þeir eru þrír, en tvöföld ef þeir eru tveir. Í lokið - ef annað gengur ekki - verður tefld ein gjörningaskák þar sem annar hefur fimm mínútur og hinn fjórar og þá nægir þeim tímanaumari jafntefli.

En sumsé -  við byrjum í dag, miðvikudag kl. 16.30!

Dagur vann í fyrstu umferð í Moskvu

Opna skákmótið Aeroflot Open hófst í gær í Moskvu. Fjórir íslenskir skákmenn taka þátt. Helgi Ólafsson (2540) teflir í a-flokki. Guðmundur Kjartansson (2464), Dagur Ragnarsson (2276) og Sigurður Daði Sigfússon (2226) taka þátt í b-flokki.

Dagur var eini sigurvegari gærdagsins en Kínverjann Mu Ke (2431). Helgi sem er að tefla á sínu fyrstu alþjóðlega móti, sem er ekki liðakeppni, síðan 2014 tapaði fyrir stórmeistaranum Eduardo Iturrizaga (2652).

Önnur umferð hefst kl. 12:30 og verður Helgi í beinni. Hann teflir við rússneska stórmeistarann Sanan Sjugirov (2673).

Aeroflot er ægisterkt mót. Í a-flokki tefla 96 skákmenn og þar af 73 (!!) stórmeistarar.  Helgi er nr. 70 í röð keppenda. Í b-flokki, sem er almennt hugsaður fyrir skákmenn á stigabilinu 2200-2550 skákstig,  tefla 118 skákmenn og þar af 18 stórmeistarar. Guðmundur er nr. 27 í röð keppenda, Dagur nr. 99 og Daði nr. 105. 

• Heimasíða mótsins
• Chess-Results
• Beinar útsendingar

 

Barna- og unglingameistaramót Reykjavíkur verður haldið á sunnudaginn

Barna- og unglingameistaramót Reykjavíkur, sem jafnframt er Stúlknameistaramót Reykjavíkur, fer fram sunnudaginn 26. febrúar í félagsheimili T.R. að Faxafeni 12. Taflið hefst kl.13 og stendur til ca. kl. 17. Tefldar verða 7 umferðir eftir svissnesku kerfi með umhugsunartímanum 10 mínútur á skák, auk þess sem 5 sekúndur bætast við eftir hvern leik (10+5).

Mótið verður reiknað til alþjóðlegra atskákstiga.

Mótið er opið öllum börnum og unglingum, óháð taflfélagi eða búsetu, sem eru fædd árið 2001 eða síðar. Teflt verður í tveimur flokkum: opnum flokki og stúlknaflokki.

Verðlaun verða veitt fyrir þrjú efstu sætin í mótinu. Nafnbótina Unglingameistari Reykjavíkur 2017 hlýtur sá keppandi sem verður hlutskarpastur þeirra sem hafa lögheimili í Reykjavík eða eru meðlimir í reykvísku taflfélagi. Einnig verða veitt verðlaun fyrir þrjár efstu stúlkurnar. Nafnbótina Stúlknameistari Reykjavíkur 2017 hlýtur sú stúlka sem verður hlutskörpust þeirra stúlkna sem hafa lögheimili í Reykjavík eða eru meðlimir í reykvísku taflfélagi.

Til viðbótar verða veitt verðlaun fyrir efsta sætið í árgöngum 2001-2002, 2003-2004, 2005-2006, 2007-2008 sem og 2009 og yngri í báðum flokkum (opna flokknum og stúlknaflokknum).

Núverandi Reykjavíkurmeistarar eru Bárður Örn Birkisson og Esther Lind.

Skákmótið hefst kl. 13 og er aðgangur ókeypis. Skráning í mótið fer fram rafrænt og má nálgast skráningarformið hér. Einnig má finna skráningarformið í gula kassanum á skak.is. Upplýsingar um þegar skráða keppendur má nálgast hér.

Skákmót öðlinga hefst í kvöld

Skákmót öðlinga 40 ára og eldri hefst miðvikudaginn 22. febrúar kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina  auk 30 sekúndna viðbótartími á hvern leik. Núverandi Skákmeistari öðlinga er Stefán Arnalds.

Mótið verður jafnframt Íslandsmót 50 ára og eldri þar sem efsti keppandinn í hópi þeirra sem fæddir eru 1967 og fyrr hlýtur Íslandsmeistaratitilinn. Sigurvegari mótsins hlýtur titilinn Skákmeistari öðlinga. Verði keppendur jafnir að vinningum mun stigaútreikningur (tiebreaks) skera úr um lokaröð og þar með verðlaun.

Athugið að lokaumferð mótsins fer fram föstudaginn 31. mars.

Dagskrá:
1. umferð miðvikudag 22. febrúar kl. 19.30
2. umferð miðvikudag 1. mars kl. 19.30
3. umferð miðvikudag 8. mars kl. 19.30
4. umferð miðvikudag 15. mars kl. 19.30
5. umferð miðvikudag 22. mars kl. 19.30
6. umferð miðvikudag 29. mars kl. 19.30
7. umferð föstudag 31. mars kl. 19.30

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Láta skal skákstjóra vita um yfirsetu fyrir lok umferðarinnar á undan.

Hraðskákmót öðlinga fer fram miðvikudaginn 12. apríl kl. 19:30 og að því loknu fer þar fram verðlaunaafhending fyrir bæði mót. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Tímamörk
90 mín + 30 sek viðbót eftir hvern leik

Verðlaun
1. sæti kr. 40.000
2. sæti kr. 20.000
3. sæti kr. 10.000

Þátttökugjald (greiðist með reiðufé við upphaf móts)

kr. 5.000 – Innifalið er frítt kaffi allt mótið ásamt rjómavöfflum og öðru góðgæti á lokakvöldi

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

Íslandsmót barnaskólasveita 4.-7. bekkur

Íslandsmót barnaskólasveita (4.-7. bekkkur) fer fram  laugardaginn 11. mars í Grindavík.

Teflt verður í Grunnskólanum að Ásabraut 2.

Mótið hefst klukkan 12:00 en liðsstjórar þurfa að staðfesta mætingu sinna sveita fyrir 11:40.

Tefldar verða sjö til níu umferðir (eftir fjölda sveita) með 10 mínútna umhugsunartíma og tveimur viðbótarsekúndum á hvern leik. Mótinu lýkur um seinni partinn.

Veitt verða verðlaun fyrir þrjár efstu sveitir, bestu b-e sveitir og bestu landsbyggðarsveitina. Landsbyggðarsveit skilgreinist sem sveit sem er ekki af höfuðborgarsvæðinu. Sveitir frá Suðurnesjum og Suðurlandi eru landsbyggðarsveitir.

Tvö efstu sætin gefa keppnisrétt á Norðurlandamóti barnaskólasveita sem fer fram á Íslandi í haust.

Liðsmenn sveita skulu vera í 4.-7. bekk en í a-sveit hvers skóla er þó heimilt að notast við yngri nemendur. Hverri sveit skal fylgja liðsstjóri.

Þátttökugjald er 7.500 kr. á sveit en hámark 15.000 kr. á skóla. Gjald verður innheimt með reikningi að móti loknu.

Veitingasala verður á staðnum.

Mótshaldarar eru Skákakademía Reykjavíkur og Skáknefnd UMFG.

Ef spurningar vakna má hringja í Stefán 863-7562 eða Siguringa 691-3007.

Skráning sveita á Skák.is (guli kassinn efst)

Skráningarfrestur er út fimmtudaginn 9. mars. 

Meistaramót Vinaskákfélagsins hefst á fimmtudaginn

Meistaramót Vinaskákfélagsins í atskák verður haldið 23 febrúar, 9 mars og 16 mars. Ákveðið er að hafa skákmótið á 3 stöðum ef húsrúm leyfir. Þetta verður árlegt skákmót. 

• 23. febrúar verður það haldið í Vin Hverfisgötu 47.
• 9. mars verður það í Hlutverkasetrið Borgartúni 1.
• 16. mars verður það annaðhvort í Vin eða í Skáksambandinu / Skákskólanum í Faxafeni. Keppendum verður tilkynnt um það síðar. 

Skákmótið verður 8 umferðir. 3 skákir á kvöldi, nema síðasta kvöldið þá verða tefldar 2 skákir og verðlaunaafhending að þeim loknum.

Þetta verður opið skákmót fyrir alla.

Tímamörkin eru  15 mín. + 10 sek. uppbótartími á leik.

Mótið er reiknað til atskákstiga. Mótið hefst kl. 19:30. 

Verðlaun:

1. sætið eignarbikar + gullpeningur. Einnig verðum við með farandbikar en þetta skákmót verður síðan árlegt.
2. sætið silfurpeningur.
3. sætið bronzepeningur.
4. Einnig ætlar einn félagi í Vinaskákfélaginu að gefa andlitsteikningar af frægum skákmönnum. 

Veitingar: Kaffi og kökur verða á skákstað. 

Þátttökugjald á mótið er að félagsmenn greiði 500 kr., en 2.000 kr. fyrir aðra.

Ath. að Hollvinir Vinaskákfélagsins fá frítt á skákmótið.

Þið getið skráð ykkur á mótið á gula kassanum efst á síðunni á skak.is.

Beinar útsendinga - námskeið í kvöld!

Allt of fáir í skákhreyfingunni hafa nægilega þekkingu til að hafa beinar útsendingar frá skákmótum og beinar útsendingar frá íslenskum skákmótum eru frekar undantekningar en regla. SÍ ætlar að reyna að bæta úr því og býður upp á námskeið fyrir þá sem vilja læra þessi fræði. Björn Ívar Karlsson og Omar Salama okkar helstu sérfræðingar í beinum útsendingum verða með námskeið fyrir áhugasama þriðjudaginn 21. febrúar kl. 19:30 í SÍ.

Þeir sem hafa áhuga eru hvattir til að mæta. Félög eru hvött til að senda fulltrúa en SÍ er tilbúið að lána búnað til félaga hafi þau beinar útsendingar frá einstaka mótum.

Einnig leitar SÍ að fleiri sérfræðingum til að aðstoða við einstaka mót, eins og t.d. Íslandsmót skákfélaga, svo þarna gæti falist smá "atvinnutækifæri" fyrir áhugasama.

Skráning fer fram í netfangið [e-mail]. Ekkert námskeiðgjald og meira að segja frítt kaffi innifalið!