Jón Hákon skólameistari Hafnarfjarðar í yngri flokki

Jón Hákon Richter, Öldutúnsskóla, sigraði á Skólaskákmóti Hafnarfjarðar, sem fram fór í Öldutúnsskóla í morgun.  Annar varð Jón Otti Antonsson, einnig úr Öldutúnsskóla. 

Þeir unnu sér inn rétt til að fara á Kjördæmismót í skólaskák sem haldið verður í Garðabergi í Garðabæ laugardaginn 4. apríl. kl. 13.

 

 

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Benedikt Þorri Sigurjónsson skákmeistari Goðans 2009

Benedikt Þorri Sigurjónsson varð í gærkvöld skákmeistari Goðans 2009. Benedikt Þorri fékk 5,5 vinninga af 7 mögulegum.  Hann tryggði sér sigurinn með því að vinna Ármann Olgirsson í loka umferðinni. Á sama tíma tapaði Smári Sigurðsson fyrir Pétri Gíslasyni, en Smári hafði hálfan vinning í forskot fyrir loka umferðina.

Úrslit kvöldsins:

Smári Sigurðsson          -         Pétur Gíslason                      0 - 1
Ármann Olgeirsson       -         Benedikt Þorri Sigurjónson   0 - 1
Rúnar Ísleifsson           -         Baldvin Þ Jóhannesson         1 - 0
Benedikt Þ Jóhannsson -        Ketill Tryggvason                   0 - 1
Snorri Hallgrímsson       -         Hermann Aðalsteinsson        0 - 1
Sigurbjörn Ásmundsson -       Sæþór Örn Þórðarson            0 - 1

Skák Sighvatar Karlssonar og Ævars Ákasonar var frestað vegna veikinda Ævars. Óvíst er hvenær hún verður tefld. Þess vegna var ekki hægt að fá fram endanleg úrslit í kvöld, en þó er ljóst að enginn getur náð Benedikt Þorra að vinningum. Amk. 3 aðrir keppendur enda mótið með 5 vinninga.

Sigur Benedikts Þorra á mótinu var frekar óvæntur því hann hafði ekki teflt í mörg ár, þegar mótið hófst, en hann var með 2000 forstig, fyrir mótið.

Guðmundur tapaði í 11. umferð

FIDE-meistarinn Guðmundur Kjartansson (2365) tapaði fyrir ungverska alþjóðlega meistaranum Miklos Galyas (2456) í 11. og síðustu umferð First Saturdays-mótsins sem fram fór í Búdapest í dag.  Guðmundur hlaut 2 vinninga og varð neðstur.

Árangur hans samsvarar 2221 skákstigi og lækkar hann um 26 skákstig fyrir frammistöðu sína. 

Ungverski alþjóðlegi meistarinn Gyula Pap (2468) varð efstur með 7 vinninga og náði áfanga að stórmeistaratitli.  

Guðmundur tefldi í SM-flokki og var stigalægstur keppenda.  Meðalstigin voru 2452 skákstig.

First Saturday-mótið

Tomashevsky Evrópumeistari í skák

Rússneski stórmeistarinn Evgeny Tomashevsky (2664) varð í dag Evrópumeistari í skák.  Í dag fór fram úrslitakeppni með útsláttarfyrirkomulagi þar sem þeir ellefu skákmenn sem fengu 8 vinninga tefldu til úrslita.   Tomashevsky vann landa sinn Ernesto Inarkiev (2656) í úrslitaeinvígi 1,5-0,5.  Georgíumaðurinn Baadur Jobava (2669) varð þriðji.

Sjá nánar gang úrslitakeppninnar hér.  

• Heimasíða mótsins
• Chess-Results

Guðmundur tapaði í tíundu umferð

FIDE-meistarinn Guðmundur Kjartansson (2365) tapaði fyrir finnska alþjóðlega meistaranum Mikael Agopov (2433) í tíundu og næstsíðustu umferð First Saturdays-mótsins, sem fram fór í gær.  Guðmundur hefur 2 vinninga og er neðstur. 

Ungverski alþjóðlegi meistarinn Gyula Pap (2468) er efstur með 6,5 vinning. 

Guðmundur teflir í SM-flokki og er stigalægstur keppenda.  Meðalstigin eru 2448 og til að ná áfanga að alþjóðlegum meistaratitli þarf Guðmundur 5 vinninga í 10 skákum.  

First Saturday-mótið

Davíð hraðskákmeistari Hellis

Davíð Ólafsson sigraði á hraðskákmóti Hellis sem haldið var í gær 16. mars.  Davíð er þar með búinn að taka þrjá stæstu titla félagsins á tæpum fjórum mánuðum. Davíð fékk 11v í 14 skákum og varð hálfum vinningi fyrir ofan Braga Halldórsson sem útnefndi sig á staðnum vara hraðskákmeistara Hellis. Þriðji hálfum vinningi á eftir Braga varð svo Sverrir Þorgeirsson. Mótið var afar jafnt og spennandi og réðust úrslitin ekki fyrir en í lokin þegar Bragi og Sverrir skyldu jafnir meðan Davíð vann Patrek Maron með minnsta mun.

Við upphaf mótsins fór fram verðlaunaafhending fyrir Meistaramót Hellis.  Nokkrar myndir af verðlaunaafhendingunni má finna í myndaalbúmi.

Lokastaðan á hraðskákmeistaramóti Hellis:

• 1.   Davíð Ólafsson                      11v/14
• 2.   Bragi Halldórsson                  10,5v
• 3.   Sverrir Þorgeirsson                10v
• 4.   Helgi Brynjarsson                   9v
• 5.   Halldór Pálsson                      9v
• 6.   Andri Áss Grétarsson             8,5v
• 7.   Elsa María Kristínardóttir        8,5v
• 8.   Patrekur Maron Magnússon   8v
• 9.   Vigfús Ó. Vigfússon                8v
• 10. Ingi Tandri Traustason           7,5v
• 11. Dagur Kjartansson                 7v
• 12. Gunnar Nikulásson                 7v
• 13. Birgir Rafn Þráinsson              6,5v
• 14. Páll Andrason                         6v
• 15. Björgvin Kristbergsson           6v
• 16. Birkir Karl Sigurðsson             5,5v
• 17. Brynjar Steingrímsson            5v
• 18. Tjörvi Schöth                          4v
• 19. Pétur Jóhannesson                3v

Ellefu skákmenn efstir og jafnir á EM

Ellefu skákmenn urðu efstir og jafnir á EM einstaklinga sem lauk í dag í Budva í Svartfjallalandi.  Þeirra á meðal er Ivan Sokolov (2657) sem er efstur á stigum og Finninn Tomi Nyback (2644).  Þessir ellefu skákmenn þurfa væntanlega að há aukakeppni á morgun um titilinn en ritstjóra er ekki kunnugt um fyrirkomulagið.

Röð efstu manna:

 

Rk.	Name	FED	Rtg	Pts.	Rp	rtg+/-
1	Sokolov Ivan	NED	2657	8	2763	14,7
2	Inarkiev Ernesto	RUS	2656	8	2778	17
3	Naiditsch Arkadij	GER	2693	8	2767	10,3
4	Tomashevsky Evgeny	RUS	2664	8	2724	8
5	Navara David	CZE	2638	8	2747	15,6
6	Malakhov Vladimir	RUS	2692	8	2749	8
7	Grachev Boris	RUS	2655	8	2726	10,3
8	Jobava Baadur	GEO	2669	8	2765	13,4
9	Kobalia Mikhail	RUS	2634	8	2748	16,2
10	Guseinov Gadir	AZE	2661	8	2718	7,7
11	Nyback Tomi	FIN	2644	8	2716	10,2

 

• Heimasíða mótsins
• Chess-Results

Kramnik efstur á Amber-mótinu

Rússinn Vladimir Kramnik (2759) er efstur með 5,5 vinning að lokinni fjórðu umferð Amber-mótsins, sem fram fór í dag í Nice í Frakklandi. Armeninn Aronian (2750) og Rússinn Morozevich (2771) koma næstir með 5 vinninga.  Kramnik er efstur í blindskákarhlutanum en Radjabov (2761), Kamsky (2725), Aronian og Morozevich eru efstir og jafnir í atskákinni.

Á Amber-mótinu tefla flestir sterkustu skákmenn heims.   Þeir tefla tvær skákir á dag, atskákir, og þar af aðra þeirra blindandi.

Úrslit 4. umferðar:

14.30	Blind	Carlsen-Leko	½ - ½
		Kamsky-Ivanchuk	½ - ½
		Anand-Aronian	½ - ½
16.00	Blind	Morozevich-Topalov	1 - 0
		Kramnik-Wang Yue	1 - 0
		Radjabov-Karjakin	1 - 0
17.45	Rapid	Leko-Carlsen	½ - ½
		Ivanchuk-Kamsky	½ - ½
		Aronian-Anand	½ - ½
19.15	Rapid	Topalov-Morozevich	1 - 0
		Wang Yue-Kramnik	0 - 1
		Karjakin-Radjabov	0 - 1

Staða efstu manna:

Blindskákin:

• 1. Kramnik 3,5 v.
• 2. Carlsen 3 v.
• 3.-6. Leko, Morozevich, Aronian og Topalov 2,5 v.

Atskákin:

• 1.-4. Radjabov, Kamsky, Aronian og Morozevich 2,5 v.

Heildarkeppnin:

• 1. Kramnik 5,5 v.
• 2.-3.Morozevich og Aronian 5 v.
• 4.-6. Radjabov, Carlsen og Topalov 4,5 v.
• 7.-8. Leko og Anand 4 v.

Heimasíða mótsins

Guðmundur tapaði í níundu umferð

FIDE-meistarinn Guðmundur Kjartansson (2365) tapaði fyrir ungverska alþjóðlega meistaranum Gyula Pap (2468) í níundu umferð First Saturdays-mótsins sem fram fór í gær.  Guðmundur hefur 2 vinninga, í átta skákum, og rekur lestina.

Pap (2468) er efstur með 6,5 vinning. 

Guðmundur teflir í SM-flokki og er stigalægstur keppenda.  Meðalstigin eru 2448 og til að ná áfanga að alþjóðlegum meistaratitli þarf Guðmundur 5 vinninga í 10 skákum.  

First Saturday-mótið