Guðmundur með 1½ vinnings forskot

Guðmundur Gíslason (2314) er í miklu stuði í áskorendaflokki Skákþings Íslands. Í gær vann hann sína fimmtu skák í röð þegar hann lagði Tómas Björnsson (2179) að velli. Lenka Ptácníková (2242) sótti hart að Jóhanni Ingvasyni (2121) en tókst ekki að kreista fram vinning. Þau eru jöfn í 2.-3. sæti með 3½ vinning. Átta keppendur hafa 3 vinninga. Baráttan er því afar hörð um tvö efstu sætin sem gefa keppnisrétt í landsliðsflokki að ári. 

Sjötta umferð fer fram í kvöld og hefst kl. 18:30. Þá mætast meðal annars:

• Guðmundur Gíslason (5) - Lenka Ptácníková (3½)
• Jóhann Ingvason (3½) - Jón Kritinsson (3)
• Dagur Ragnarsson (3) - Bragi Halldórsson (3)
• Halldór Grétar Einarsson (3) - Tómas Björnsson (3)
• Kristján Örn Elíasson (3) Kristján Eðvarðsson (3)
• Einar Bjarki Valdimarsson (3) - Björgvin Víglundsson (2½)

Áhorfendur eru velkmnir í Stúkuna. Birnukaffi hefur flutt sig um set og þar nú með aðsetur! 

• Heimasíða SÍ
• Beinar útsendingar
• Vefútsending
• Chess-Results

Fullt út úr dyrum á páskaskákæfingu Fjölnis. Arnór og Kristján Dagur í úrslit Barnablitz

Það var aldeilis líf í tuskunum á páskaskákæfingu Fjölnis sem um leið var keppni um tvö laus sæti á úrslitakeppni Barnablitz 2017.  Barnablitzið er eftirsóknarverður hliðarviðburður á Reykjavík Open í Hörpunni og fer úrslitakeppnin fram laugardaginn 22. apríl. Páskaskákæfingin stóð undir nafni því að allir þátttakendur fengu að gjöf páskaegg og flest verðlaun voru líka páskaegg.

 

Það voru rúmlega 40 börn á aldrinum 6 – 16 ára sem sóttu æfinguna og var þeim skipt upp í þrjá hópa. Mest var undir í Barnablitz-hópnum þar sem hart var barist um tvö laus sæti í úrslitum.  Þegar upp var staðið í jafnri keppni þá reyndist Arnór Gunnlaugsson Fjölni einn efstur en í 2.–3. sæti komu jafnir í mark þeir Anton Breki Óskarsson Fjölni og Kristján Dagur Jónsson TR sem vann Anton Breka í síðustu umferð.

 

Til að skera úr um síðara sætið í úrslitakeppni Barnablitz þá þurftu þeir Anton Breki og Kristján Dagur að tefla tveggja skáka einvígi. Þar unnu þeir sitt hvora skákina með hvítu og varð þá að koma á bráðabana þar sem Kristján Dagur hafði hvítt og einni mínútu minni tíma eins og algengast er í slíkum tilfellum. Þar náði Kristján Dagur að leggja Anton Breka og tryggja sér sætið. Tveir jafnir keppendur sem lögðu mikið á sig í baráttunni og stóðu sveittir upp frá taflborðinu. Þeir Arnór og Kristján Dagur eru verðugir fulltrúar ungra skákmanna á mótinu.

Arnór vakti mikla athygli á Íslandsmóti grunnskólasveita fyrir stuttu þar sem hann í sveit Rimaskóla vann til borðaverðlauna og lagði alla sterkustu andstæðinga sína að velli. Kristán Dagur hefur verið afar virkur í barna-og unglingastarfi TR og náði frábærum árangri sl. haust á alþjóðlega skákmótinu Västerås Open í Svíþjóð þar sem hann hækkaði um 70 stig.

Skákæfingar Fjölnis halda áfram eftir páskaleyfi á miðvikudögum kl. 16.30 en vetrarstarfinu lýkur laugardaginn 29. apríl með glæsilegu Sumarskákmóti Fjölnis á Barnamenningarhátíð 2017. Mótið verður opið öllum skákáhugamönnum á grunnskólaaldri. Þar verða rúmlega 20 áhugaverðir vinningar í boði og lýst kjöri á afreksmanni-og æfingameistara Skákdeildar Fjölnis 2016 – 2017.

Páskaeggjasyrpan: Bjartur og Batel sigurvegarar móts nr.2

Páskaeggjasyrpa Nóa Síríus og Taflfélags Reykjavíkur hélt áfram um síðastliðna helgi og var skákhöllin sem fyrr full af kátum og súkkulaðiþyrstum börnum. Hafi fyrsta mótið þótt spennandi þá var þetta mót æsispennandi! Í yngri flokki urðu þrír keppendur efstir og jafnir en í eldri flokki urðu fjórir keppendur jafnir í 2.sæti.

Sigurvegari yngri flokks í fyrsta mótinu, Einar Tryggvi Petersen, hélt uppteknum hætti til að byrja með og vann hvern andstæðing sinn á fætur öðrum. Í sjöttu og næstsíðustu umferð kom þó loks að því að hann tapaði skák er Anna Katarina Thoroddsen lagði Einar Tryggva með svörtu mönnunum. Einar Tryggvi lét það ekki slá sig út af laginu heldur vann í síðustu umferð og lauk því tafli með 6 vinninga í skákunum 7. Sama árangri náði Anna Katarina sem vann sex skákir en tapaði einni. Bjartur Þórisson tefldi einnig mjög vel og vann fyrstu fjórar skákir sínar. Í 5.umferð tapaði hann fyrir Einari Tryggva en sú tapskák herti hann einungis því Bjartur vann síðustu tvær skákirnar og nældi sér því einnig í 6 vinninga. Eftir stigaútreikning varð ljóst að Bjartur hafði orðið hlutskarpastur, Einar Tryggvi hreppti 2.sætið og Anna Katarina það þriðja. Þeir Ólafur Fannar Pétursson og Daníel Davíðsson komu næstir með 5 vinninga í 4.-5.sæti. Anna Katarina varð því efst stúlkna, en næstar henni voru Soffía Berndsen og Bergþóra Helga Gunnarsdóttir með 4 vinninga.

Í eldri flokki varð Batel Goitom Haile í 1.sæti með 6 vinninga. Batel vann fyrstu sex skákir sínar en tapaði í síðustu umferð fyrir Frey Grímssyni. Það kom þó ekki að sök fyrir Batel því hennar helsti keppinautur í mótinu, Gunnar Erik Guðmundsson, tapaði einnig í síðustu umferð, en með sigri hefði hann náð Batel að vinningum. Gunnar Erik vann fimm skákir og tryggði sér 2.sætið í mótinu eftir stigaútreikning. Freyr Grímsson nældi sér einnig í 5 vinninga og bronsverðlaun. Þeir Árni Ólafsson og Gabríel Sær Bjarnþórsson luku jafnframt tafli með 5 vinninga en urðu eilítið lægri á stigum. Batel varð hlutskörpust stúlkna en næstar henni voru Ragna María Sverrisdóttir og Iðunn Helgadóttir með 4 vinninga.

Happdrættið var á sínum stað og sá sem hreppti páskaegg númer 6 að þessu sinni var Ingvar Wu Skarphéðinsson. Ingvar stóð sig jafnframt vel í mótinu og fékk 4 vinninga í 6.sæti eldri flokks.

Keppnin um bestan samanlagðan árangur er æsispennandi. Í yngri flokki er Einar Tryggvi efstur með 13 vinninga, Bjartur er næstur með 11,5 vinning og Anna Katarina er þriðja með 11 vinninga. Í eldri flokki er Batel efst með 12 vinninga, Gunnar Erik er í 2.sæti með 10 vinninga og Árni Ólafsson er þriðji með 9,5 vinning.

Þriðja og síðasta mót Páskaeggjasyrpunnar fer fram næstkomandi sunnudag og hefst það klukkan 13. Skráningarformið má nálgast hér fyrir neðan eða í gula kassanum á skak.is.

Taflfélag Reykjavíkur þakkar öllum þeim börnum sem lögðu leið sína í Faxafenið og gerðu Páskaeggjasyrpuna að þeirri skákveislu sem raunin varð. Sjáumst næsta sunnudag! 

Nánari upplýsingar um mótin: Chess-results

Skráning í síðasta mót Páskaeggjasyrpunnar: Skráningarform

Nánar á heimasíðu TR.

Kristján Davíð og Kristján Ingi sýslumeistarar Þingeyjarsýslu í skólaskák 2017

Kristján Davíð Björnsson úr Stórutjarnaskóla og Kristján Ingi Smárason úr Borgarhólsskóla urðu sýslumeistarar í skólaskák í dag, en sýslumótið fór fram á Laugum. 

Kristján Davíð vann alla sína andstæðinga í eldri flokki og endaði með 4 vinninga í 1. sæti. Snorri Már Vagnsson varð í 2. sæti með 3 vinninga og Ari Ingólfsson varð í 3. sæti með 2 vinninga. Tefldar voru skákir með 15 mín umhugsunartíma á mann í eldri flokki. 

Lokastaðan í eldri flokki.

1. Kristján Davíð Björnsson     4 af 4
2. Snorri Már Vagnsson           3
3. Ari Ingólfsson                       2
4. Stefán Bogi Aðalsteinsson  1
5. Heiðrún Harpa Helgadóttir   0

 

Kristján Ingi Smárason vann sigur í yngri flokki með 4 vinninga af 5 mögulegum. Eyþór Rúnarsson varð í 2. sæti með 3,5 vinninga og bróðir hans Ívar Rúnarsson, varð í 3. sæti með 3 vinninga. Tefldar voru 5 umferðir í yngri flokki eftir monrad-kerfi og var umhugsunartíminn 10 mín á skák.

Lokastaðan í yngri flokki:

1. Kristján Ingi Smárason             4  af 5
2. Eyþór Rúnarsson                     3,5
3. Ívar Rúnarsson                         3
4. Pétur Friðrik Jónsson               3
5. Halldór Björke Helgason          3
6. Magnús Máni Sigurgeirsson    2,5
7. Ingþór Tryggvi Ketilsson          2,5
8. Marge Alavere                         2,5
9. Björn Rúnar Jónsson               1

Þrír efstu í báðum flokkum unnu sér keppnisrétt á Kjördæmismótinu í skólaskák sem fer væntanlega fram síðasta vetrardag, 19. apríl á Laugum.

Nánar á heimasíðu Hugins.

Bragi Hólmar sigraði á Skólaskákmóti Hvammstanga

Skólaskákmót Hvammstanga fór fram föstudaginn 22. mars. Um þrjátíu keppendur tóku þátt. Sá sem vann flestar skákirnar og þar með mótið sjálft var Bragi Hólmar Guðmundsson nemandi í öðrum bekk. Í verðlaun fékk Bragi skáksett.

Grunnskólinn á Hvammstanga tekur þátt í verkefni Skáksambandsins Skák eflir skóla - kennari verður skákkennari og er Þorbjörn Gíslason fulltrúi skólans. Þorbjörn hefur kennt nemendum á yngra stigi skák í allan vetur og hyggst gefa enn frekar í næsta vetur.

Á heimasíðu skólans má sjá myndir af skákmótinu:https://grunnskoli.hunathing.is/is/moya/gallery/index/index/skakmot-mars-2017/skakmot-mars-2017 

Róbert sigraði á páskamóti Vinaskákfélagsins

Páskaskákmót Vinaskákfélagsins var haldið mánudaginn 3. apríl, 2017 í Vin að Hverfisgötu 47. Tíu skákmenn mættu og tefldar voru 6 umferðir með 7 mínútur á skák. Mótið var einnig reiknað til hraðskákstiga.

Í hléi var boðið upp á frábærar veitingar, vöfflur með sultu og rjóma. Einnig var á boðstólum marsípan terta að ógleymdu kaffinu.

Góð verðlaun var í boði. Páskaegg frá Góu fyrir 1., 2. og 3 verðlaun. Einnig voru dregnir út tveir aukavinningar og hlutu hnossið Björgvin Kristbergsson og Héðinn Briem.

Róbert Lagerman forseti Vinaskákfélagsins sigraði mótið með fullu húsi eða 6 vinninga. Stefán Bergsson var annar með 5 vinninga og Loftur Baldvinsson þriðji með 4 vinninga.

Úrslit er hægt að sjá á Chess-Results.

Nánar á heimasíðu Vinaskákfélagsins.

Guðmundur efstur í áskorendaflokki

Guðmundur Gíslason (2314) byrjar afar vel í áskorendaflokki Íslandsmótsins í skák. Eftir fjórar umferðir er hann einn efstur með fullt hús. Í gær vann hann sigurvegara síðasta árs, Jóhann Ingvason (2121), í langri og strangri skák. Jóhann er í 2.-4. sæti með 3 vinninga ásamt Lenku Ptácníková (2242) og Tómasi Björnssyni (2179). Fimm skákmenn hafa 2½ vinning svo framundan er hörð barátta um efstu sætin tvö sem gefa keppnisrétt í landsliðsflokki sem fram fer í maí nk. í Hafnarfirði. 

Fimmta umferð fer fram í kvöld og hefst kl. 18:30. Þá mætast meðal annars:

• Guðmundur Gíslason (4) - Tómas Björnsson (3)
• Lenka Ptácníková (3) - Jóhann Ingvason (3)
• Jón Kristinsson (2½) - Dagur Ragnarsson (2½)
• Bragi Halldórsson (2½) - Halldór Grétar Einarsson (2½)

 

• Heimasíða SÍ
• Beinar útsendingar
• Vefútsending
• Chess-Results

Hraðskákmót öðlinga fer fram miðvikudaginn 12. apríl

Hraðskákmót öðlinga fer fram miðvikudaginn 12. apríl í félagsheimili TR að Faxafeni 12. Mótið hefst kl. 19.30 og er opið fyrir alla 40 ára (á árinu) og eldri. Tefldar verða 7 umferðir með umhugsunartímanum 4 mín + 2 sek á leik (umferðum kann að vera fjölgað í níu ef næg þátttaka verður).  Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk fyrir skemmstu.

Þátttökugjald er kr. 1.000 og er í því innifalið ilmandi nýtt kaffi. Greiða skal með reiðufé við upphaf móts.

Mótið verður reiknað til alþjóðlegra (Fide) hraðskákstiga.

Núverandi Hraðskákmeistari öðlinga er Róbert Lagerman.

Skákmenn 40+ eru hvattir til að fjölmenna!

Skráning fer fram hér að neðan.

Skráningarform

Skráðir keppendur

Tvær undankeppnir Reykjavik Open Barna Blitz fara fram í dag

Eins og frá árinu 2009 stendur Skákakademía Reykjavíkur í samstarfi við taflfélög borgarinnar fyrir Reykjavík Open Barna-Blitz sem er hraðskákmót fyrir krakka í sjöunda bekk og yngri, það er fædd 2004 og síðar.

Taflfélag Reykjavíkur, Huginn, Skákdeild Fjölnis og Víkingaklúbburinn eru öll með undanrásir þar sem tvö sæti eru í boði í úrslitunum sem tefld verða sunnudaginn 23. apríl.

Huginn: Mánudaginn 3. apríl í Mjóddinni (úrslit). Baltasar Máni Wedholm og Ísak Orri Karlsson unnu sér keppnisrétt í úrslitum. 

Víkingaklúbburinn: Miðvikudaginn 5. apríl í Víkinni, 17:15. 

Skákdeild Fjölnis: Miðvikudaginn 5. apríl í Rimaskóla, hefst 16:30.

Taflfélag Reykjavíkur: Laugardaginn 8. apríl í Taflfélagi Reykjavíkur að Faxafeni 12, hefst 14:00.

 

Úrslit á páskamóti Víkingaklúbbsins 2017

Páskaeggjamót Víkingaklúbbsins fór fram miðvikudaginn 29. mars, en 51 keppandi tók þátt. Tefldar voru 5. umferðir með 5. mínútna umhugsunartíma á mótinu.  Efstir og jafnir urðu þeir Gunnar Erik Guðmundsson og Vignir Vatnar Stefánsson með 5 vinninga af fimm mögulegum. Þeir náðu ekki að mætast í mótinu, en eftir stigaútreikning reyndist Gunnar Erik vera örlítið hærri á stigum.

+Gunnar Erik er mjög efnilegur skákmaður, en hann er fæddur árið 2007. Í þriðja sæti á stigum varð svo hin bráðefnilega Soffía Berndsen með fjóra vinninga. Soffía er fædd árið 2008 og varð jafnframt efst stúlkna á mótinu. 

Skákstjóri á mótinu var Stefán Bergsson.  Allir krakkarnir fengu svo páskaegg að loknu móti, en stærstu eggin hlutu þó sigurvegararnir.

Úrslit:

1. Gunnar Erik Guðmundsson 5
2 Vignir Vatnar Stefánsson 5
3 Soffía Berndsen 4.0
4 Ísak Orri Karlsson 4.0
5 Anna Katarína Thoroddsen 4.0
6 Gabríel Sær Bjarnþórsson 4.0
7 Iðunn Helgadóttir 4.0
8 Magnús Hjaltason 4.0
9 Benedikt Þórisson 4.0
10 Tristan Theodór Thoroddsen 4.0

Sjá nánari úrslit á Chessresults hér: 

Aukaverðlaun

Stúlkur:

1. Sofía Berndsen
2. Anna Katarína Thoroddsen
3. Iðunn Helgadóttir

Besti Víkingurinn

1. Einar Dagur Brynjarsson
2. Jökull Ómarsson
3. Sigurður Rúnar Gunnarsson

Besti Víkingurinn (stúlkur)

1. Bergþór Helga Gunnarsdóttir
2. Aslaug Margrét  Alfreðsdóttir
3. Ása

Aldursflokkaverðlaun:

2003:  Vignir Vatnar Stefánsson
2005:  Ísak Orri Karlsson
2006:  Gabríel Sær Bjarnþórsson
2007:  Gunnar Erik Guðmundsson
2008:  Sofía Berndsen
2009:  Bjartur Þórisson

Nánar á heimasíðu Víkingaklúbbsins.