Gleðin og vináttan allsráðandi á Air Iceland Connect-hátíð Hróksins í Nuuk

 

Skákfélagið Hrókurinn hefur síðustu vikuna staðið fyrir Air Iceland Connect-hátíð í Nuuk, höfuðborg Grænlands. Ellefu Hróksmenn héldu til Nuuk á mánudag, eftir að Hrafn Jökulsson forseti Hróksins og Árni Gunnarsson framkvæmdastjóri AIC undirrituðu samstarfssamning að viðstöddum Guðlaugi Þór Þórðarsyni utanríkisráðherra. A

 

AIC hefur frá upphafi verið helsti bakhjarl Hróksins við að útbreiða skák, samvinnu og vináttu milli grannþjóðanna í norðri. Hrókurinn hélt fyrsta skákmótið í sögu Grænlands 2003 og hefur síðan farið um 60 sinnum með skákveislu í farangrinum.Hróksliðar heimsóttu í vikunni tvo grunnskóla í Nuuk og færðu 1. bekkingum reiðhjólahjálma að gjöf frá Hróknum, Eimskip og Kiwanis.

 

Börnin í  skólunum tveimur, Atuarfik Samuel Kleinschmidt og Kangillinnguit Atuarfiat, tóku gjöfunum fagnandi og launuðu fyrir sig með undurfögrum söng. Liðsmenn skákfélagsins í Nuuk munu á næstu dögum heimsækja aðra grunnskóla og færa 1. bekkingum hjálma. Alls fá um 240 sex ára börn í Nuuk hjálma að gjöf. 

Hrókurinn heimsótti Kofoeds Skole sem er fyrir heimilislausa og einstæðinga í Nuuk. Forstöðumaður heimilisins er Guðmundur Þorsteinsson sem ásamt eiginkonu sinni, Benedikte Abelson, hefur í áratugi unnið að auknum samskiptum Íslands og Grænalnds. Hrókurinn færði gestum athvarfsins gnótt af nýjum íþróttafötum og skóm frá Intersport, Ellingsen, HENSON  og Jóa útherja.

 

Næst lá leiðin á Pitu-heimilið sem er fyrir börn sem ekki geta dvalið hjá fjölskyldum sínum. Pitu-heimilið hefur þá sérstöðu að taka við systkinahópum og er mjög vel um börnin hugsað. Nú dvelja 16 börn á heimilinu í Nuuk og þau fengu öll gjafir, m.a. frá IKEA, Intersport, Nóa Síríus og prjónahópi Gerðubergs.

 

Á þriðjudagsmorgun heimsóttu Hróksliðar Sukuisaarfik Værested, sem er athvar sem opið er frá 8-16, og er sérstaklega ætlað að rjúfa félagslega einangrun og auka lífsgæði gesta. Hróksmenn heimsækja þetta athvarf jafnan með góðar gjafir þegar leiðin liggur til Nuuk. 

Róbert Lagermann skákmeistari og varaforseti Hróksins tefldi fjöltefli í Nuuk Center, verslunarmiðstöð höfuðborgarinnar, á miðvikudag og alls spreyttu sig um 40 gegn Róberti. Þrír náðu jafntefli, m.a. hin 14 ára Jokiba Napatoq frá Ittoqqortoormitt, afskekktasta þorpi Grænlands. 

Á miðvikudag var komið að Air Iceland Connect-meistaramótinu, sem líka var haldið í Nuuk Center, í samvinnu við skákfélag heimamanna. Kornungur grænlenskur skákmaður,  Mikael Mikiiki, sigraði með glæsibrag, hlaut 6,5 vinning af 7 mögulegum. Mikael gerði aðeins eitt jafntefli, við Róbert Lagermann, en sigraði í öllum öðrum skákum. Hann hlaut vegleg verðlaun og Hróksliðar tilkynntu í mótslok að Mikael yrði boðið til Íslands í skákþjálfun. 

Auk skákviðburða áttu Hróksmenn mjög gagnlega fundi með embættismönnum og stjórnmálamönnum, enda mikill áhugi á Grænlandi að gera skák að kennslugrein í grunnskólum landsins. 

Hátíðin í heild heppnaðist með miklum ágætum, og Hróksliðar nutu ómetanlegrar aðstoðar Péturs Ásgeirssonar sendiherra, sem er ræðismaður Íslands í Nuuk. Að auki studdi Reyukjavíkurborg hátíðina fjárhagslega, enda vinaborg Nuuk og fjölmörg fyrirtæki og einstaklingar gáfu gjafir og vinninga.  

Air Iceland Connect-verkefni Hróksins var þriðja verkefni félagsins á Grænlandi á árinu. Í febrúar var haldin Polar Pelagic-skákhátíð í Kulusuk og Tasiilaq og um páskana lá leiðin að vanda til Ittoqqortoormitt, en þangað hafa Hróksliðar farið alla páska síðustu 11 árin. 

Hrókurinn mun á næstu mánuðum heimsækja marga staði á Grænlandi, m.a. Kangerlussuaq, Ilulisat, Nanortaliq, Narsaq og Qaqortoq. Hróksliðar þakka af öllu hjarta þeim sem styðja starfið á Grænlandi og hlakka til að halda áfram að þróa skáklíf á Grænlandi, og vináttu og samvinnu milli þjóðanna.

Myndaalbum (HJ)

Guðmundur gerði jafntefli við Savchenko

Guðmundur Kjartansson (2463) gerði jafntefli við rússneska stórmeistarann Boris Savchenko (2634) í fjórðu umferð EM einstaklinga sem fram fór í gær í Minsk í Hvíta-Rússlandi. Guðmundur hefur 2,5 vinning. Frídagur er í dag vegna lokaumferðar minningarmóts Sveinbjarnar á Akureyri. 

Fjórir skákmenn eru efstir og jafnir með 4,5 vinninga. Það eru Ivan Cheparinov (2688), Hrank Melkumyan (2613), Yuriy Kuzubov (2637) og Daniel Fridman (2605).

Sjá má umfjöllun um mótið á Chessbase.

Mótið er gríðarlega sterkt. Þátt taka 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur er aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).

Ingvar efstur á minningarmóti Sveinbjörns

Þegar fimm umferðum af átta er lokið á minningarmótinu um Sveinbjörn Sigurðsson, hefur stigahæsti keppandinn tekið forystuna. Á hæla hans fylgir altmeister Ólafur Kristjánsson og tefla þeir saman í 6. umferð, sem hefst á morgun kl. 11. Röð efstur manna er sumsé þessi:

1. Ingvar Þór Jóhannesson     4,5
2. Ólafur Kristjánsson        4
3. Tómas Veigar Sigurðarson   3,5
4. Gunnar Björnsson           3,5
5. Stefán Bergsson            3,5

Í sjöttu umferð lýstur saman þeim Ingvar og Ólafi; Stefáni og Tómasi og Gunnari og Jóni Kristni. Stöðuna og öll úrslit má annars sjá á Chess-results.

Heimasíða SA

Skákþáttur Morgunblaðsins: Titilhafar á þriðjudegi

Nú eru meir en 20 ár liðin síðan taflmennska á netinu hófst fyrir alvöru og vinsælasti þjónninn í þá daga var Internet chess club, ICC. Menn tóku oft góðar rispur á þessum vettvangi en fyrir 15 árum eða svo hætti greinarhöfundur að tefla þarna svo heitið gæti og lágu til þess ástæður sem ekki er þörf á að rekja hér. Ágætur tölvumaður og vefhönnuður, Ingvar Þ. Jóhannesson, kom mér aftur á sporið og setti upp aðgang á Chess.com. Þessi vefur slær flestu við sem gerist á netinu; þarna má finna ágætar æfingar fyrir börn, byrjendur og lengra komna, alls kyns vídeó og sagnfræðilegar upprifjanir. Áskrifendur eru kringum 18 milljón talsins og á degi hverjum eru tefldar yfir tvær milljónir skáka. Þeir sem hafa rangt við eiga ekki sjö dagana sæla á Chess.com; „vélarnar“ hafa það hlutverk að þefa þá uppi sem nota hugbúnað til að bæta árangur sinn. Og meiri háttvísi er ríkjandi; menn semja yfirleitt jafntefli í dauðum jafnteflisstöðum en því var ekki alltaf að heilsa á ICC. Vinsælustu tímamörkin eru 3 0 og „bullett“, 1 0, þ.e. mínúta á alla skák án viðbótartíma, er að sögn þeirra sem þekkja, stórkostleg rússíbanareið. Þar er Hikaru Nakamura kóngurinn en hann hefur skrifað bók um efnið sem vel gæti heitið: klækjabrögð götustráks á skáksviðinu.

Chess.com virðist laða til sín alla bestu skákmenn heims og heldur reglulega hraðskákmót. Eitt þeirra nefnist „Titled tuesday“ eða Titilhafar á þriðjudegi. Tímamörkin er 3 2 sem þýðir að tvær sekúndur bætast við eftir hvern leik. Þessi tímamörk eru notuð á heimsmeistaramótunum í hraðskák. Þau krefjast gífulegrar einbeitni, minnsta truflun í nærumhvefinu getur kostað, síminn hringir, eða: „...ertu til í að fara út með ruslið“ – nei elskan, ég er að tefla við heimsmeistarann“.

En þegar öllu er á botninn hvolft dásamar maður enn og aftur þennan frábæra samruna tölvutækni og skáklistar. Fyrr í þessum mánuði, nánar tiltekið rétt eftir kl. 8 þriðjudagkvöldið 2. maí, hafði ég byrjað vel á „Titled tuesday“ og beið spakur eftir næsta mótherja:

Helgi Ólafsson – Magnús Carlsen

Drottningarbragð

1. Rf3 d5 2. d4 Rf6 3. c4 e6 4. Rc3 a6 5. cxd5 exd5 6. Bf4 Bd6 7. Bg3 Bf5 8. e3 O-O 9. Hc1 He8 10. Be2 c6 11. O-O Bxg3 12. hxg3 Rbd7 13. b4 De7 14. a3 b5 15. Rd2 a5 16. g4 axb4 17. axb4 Bg6 18. g5 Re4 

Áður en lengra er haldið vill greinarhöfundur taka það strax fram að afsakanir fyrir tapi eru hér ekki teknar gildar, ástæðan fyrir tapi er yfirleitt vitlaus ákvörðun einhvern tíma í skákinni. „Vélarnar“ gera ekki mikinn greinarmun á með hvorum riddaranum tekið er á e4. Mistökin koma síðar. En nánari athugun á stöðunni leiðir í ljós að eftir 19. Rdxe4 dxe4 20. d5! á svartur við ramman reip að draga.

19. Rcxe4 dxe4 20. Hxc6 Dxg5 21. Hc7 Bf5 22. Db3?

Afleikur. Hvíta staðan er aðeins betri eftir 22. g3. Í framhaldinu gefur Magnús engin færi.

22....Bh3 23. g3 h5 24. Hfc1 h4 25. Kh2 Be6 26. Dc2 hxg3+ 27. fxg3 Rf6 28. Rf1 Ha2 29. Dd1 Dh5+!

- og hvítur gafst upp.

Eftir tveggja klukkustunda mótshald vann Magnús Carlsen með yfirburðum, hlaut 9 ½ vinning af tíu mögulegum. Nakamura varð í 2.-3. sæti með 8 vinninga. Greinarhöfundur hlaut 5 ½ vinning, jafnmarga og hinn íslenski þátttakandinn „Eldur 16“ – Jóhann Hjartarson.

Myndaexti: Íslandsmeistari í annað sinn Rósa Guðbjartsdóttir, formaður bæjarráðs Hafnarfjarðar, afhenti hinum nýbakaða Íslandsmeistara Guðmundi Kjartanssyni hinn glæsilega verðlaunagrip gefinn af VISA við verðlaunaafhendingu um síðustu helgi. Var myndin tekin við það tækifæri. — Morgunblaðið/SÍ

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 27. maí

Skákþættir Morgunblaðsins

Þrír með fullt hús á Sveinbjarnarmótinu

Nú er lokið tveimur fyrstu umferðunum á minningarmótinu um Sveinbjörn Sigurðsson hér á Akureyri. Keppendur eru 20 og mótið þokkalega sterkt. Þrír keppendur hafa unnið báðar fyrstu skákir sínar; Tómas Veigar Sigurðarson, Gunnar Björnsson og Þór Valtýsson. Á eftir þeim koma svo FIDE-meistararnir Ingvar Þór Jóhannesson og Áskell Örn Kárason með 1,5 vinning.

Í þriðju umferð, sem hefst kl. 11 eigast m.a. við þeir Gunnar Björnsson og Tómas Veigar, nafnarnir Þór Valtýsson og Ingvar Þór og Áskell og Ásgeir Sigurðsson. Þá mætast stálin stinn þar á næsta borði þar á eftir, þar sem þeir Haraldur Haraldsson og Ólafur Kristjánsson brýna kutana. 

Annars er staðan í mótinu og pörun í næstu umferð aðgengileg á Chess-results

Heimasíða SA.

Guðmundur tapaði gegn Beliavsky

Guðmundur Kjartansson (2463) tapaði í gær fyrir slóvenska stórmeistaranum Alexander Belivsky (2589) í 4. umferð EM einstakling í hörkuskák. Guðmundur hefur 2 vinninga. Í dag teflir Gummi við rússneska stórmeistarann Boris Savchenko (2634).  Umferðin hefst kl. 12:45 og verður skák Gumm í beinni.

Útsendingu má nálgast hér.

Úkraínski stórmeistarinn Yuriy Kuzubov (2637) er efstur með fullt hús. Sjá má umfjöllun um mótið á heimasíðu ECU.

Mótið er gríðarlega sterkt. Þátt taka 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur er aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).

EM einstaklinga: Guðmundur vann í gær - mætir Beliavsky í dag

Guðmundur Kjartansson (2463) vann í gær hvít-rússneska skákmeistarann Oleg Deblik (1725) í 3. umferð EM einstaklinga. Teflt er í Minsk í Hvíta-Rússlandi. Í dag teflir Gummi við goðsögnina og Íslandsvininn. Alexander Beliavsky (2589) sem teflir undir fána Slóveníu. Umferðin kl. 12:45. Skákin verður í beinni.

Útsendingu má nálgast hér.

Níu skákmenn eru efstir og jafnir á mótinu. Sjá má umfjöllun um mótið á heimasíðu ECU.

Mótið er gríðarlega sterkt. Þátt taka 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur er aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).

Meistaramót Truxva í hraðskák fer fram 5. júní

Truxvi, ungliðahreyfing Taflfélags Reykjavíkur, heldur meistaramót sitt í hraðskák næstkomandi mánudag og hefst taflið stundvíslega klukkan 19:30. Tefldar verða 11 umferðir með umhugsunartímanum 4+2 og verður mótið reiknað til alþjóðlegra hraðskákstiga.

Mótið er opið öllu því vaska skákfólki sem mætt hefur á afreksæfingar Daða Ómarssonar síðastliðinn vetur ásamt því sem öllum TR-ingum, ungum sem öldnum, sem einhvern tímann hafa rofið 2000 stiga múrinn er boðið að tefla með. Aðgangseyrir er enginn.

Skráning fer fram á rafrænu skráningarformi sem finna má í gula kassanum á skak.is.

Skráðir keppendur.

EM einstaklinga: Guðmundur vann hvít-rússneskan skákmeistara

Guðmundur Kjartansson (2463) vann hvít-rússneska skákmeistarann Valiantsin Yezhel (2156) í 2. umferð EM einstaklinga sem fram fór í gær í Minsk í Hvíta-Rússlandi. Guðmundur hefur 1 vinning eftir 2 umferðir. 

Þriðja umferð fer fram í dag og teflir Gummi við stigalágan heimamann, Oleg Deblik (1725), að nafni. Sá er sýnd veiði en ekki gefin enda vann hann sterkan FIDE-meistara (2323) í gær. 

Sjá umfjöllun um mótið má finna á Chessbase.

Mótið er gríðarlega sterkt. Þátt taka 397 skákmenn frá 38 löndum og þar af er 171 stórmeistari. Það segir ýmislegt um styrkleika mótsins að Guðmundur er aðeins nr. 220 í stigaröð keppenda. 

• Heimasíða mótsins
• Chess-Results
• Beinar útsendingar (útsendingar hefjast kl. 12:45).

Minningarmót um Sveínbjörn hefst á morgun

Föstudaginn 2. júní hefst marglofað MINNINGARMÓT UM SVEINBJÖRN SIGURÐSSON. Um það má þetta segja:

Fyrirkomulag: 8 umferðir eftir svissnesku kerfi, umhugsunartími á skák 45 mínútur +15 sekúndur fyrir hvern leik.  Reiknað til alþjóðlegra atskákstiga

Dagskrá: 

 

• 1. umferð, föstudag 2. júní kl. 18.00
• 2. umferð, föstudag 2. júní kl. 20:30
• 3. umferð, laugardag 3. júní kl. 11:00
• 4. umferð, laugardag 3. júní kl. 13:30
• 5. umferð, laugardag 3. júní kl. 18:00
• 6. umferð, sunnudag 4. júní kl. 11:00
• 7. umferð, sunnudag 4. júní kl. 13:30
• 8. umferð, sunnudag 4. júní kl. 18:00

 

Þátttökugjald: 3000 kr. fyrir 16 ára og eldri, 1000 fyrir þá yngri.

Verðlaun (að lágmarki):

 

• 1. verðlaun kr. 40.000
• 2. verðlaun kr. 30.000
• 3. verðlaun kr. 20.000
• stigaverðlaun 1800-1999 stig (og stigalausir) 15.000
• stigaverðlaun 1799 stig eða minna 15.000

 

Hver keppandi getur aðeins unnið til einnra verðlauna. Miðað verður við 1)alþjóðleg atskákstig, ef þau verða ekki fyrir hendi verður miðað við 2)alþjóðleg kappskákstig og að lokum við 3)íslensk kappskákstig ef hin stigin eru ekki fyrir hendi. Aðeins þeir sem ekki finnast á eftirtöldum stigalistum teljast stigalausir. 

Skráning inn á skak.is, eða með beinu sambandi við formann félagsins. 

Teflt verður í þróttahöllinni á Akureyri.