Nýkrýndir Norðurlandameistarar á Skákhátíð í Árneshreppi um næstu helgi

Skákhátíð í Árneshreppi verður haldin dagana 7. til 9. júlí þar sem áhugamönnum gefst kostur á að spreyta sig gegn sumum bestu skákmönnum Íslands. Meðal þeirra sem þegar eru skráð til leiks eru Guðmundur Kjartansson, nýbakaður Íslandsmeistari, stórmeistararnir Jóhann Hjartarson, Jón L. Árnason og Lenka Ptacnikova og landsliðskonan Guðlaug Unnur Þorsteinsdóttir. 

Hátíðin hefst með tvískákarmóti og brennu í Trékyllisvík föstudagskvöldið 7. júlí kl. 20. Í tvískák eru tveir saman í liði, og iðulega afar heitt í kolunum. 

Hápunktur hátíðarinnar verður laugardaginn 8. júlí í félagsheimilinu, minninningarmót Jóhönnu Kristjónsdóttur 2017. Jóhanna, sem lést 11. maí síðastliðinn, var meðal ötulustu liðsmanna Hróksins og hafði jafnframt sterk tengsl við Árneshrepp. Yfirskrift hátíðarinnar er sótt í kjörorð Jóhönnu: Til lífs og til gleði. 

Minningarmótið hefst klukkan 14 og verða tefldar 8 umferðir, með 10 mínútna umhugsunartíma. Verðlaun á mótinu eru í senn vegleg og óvenjuleg, m.a. listaverk sem Guðjón Kristinsson frá Dröngum og Valgeir Benediktsson í Árnesi vinna sérstaklega af þessu tilefni. Þá verða ýmsir munir úr fjarlægum löndum, vegleg gjafabréf og fleiri vinningar. 

Á laugardagskvöldið verður hátíðarkvöldverður í félagsheimilinu, þar sem ýmislegt verður til skemmtunar, og verðlaun á minningarmóti Jóhönnu afhent. 

Hátíðinni lýkur með hraðskákmóti í Kaffi Norðurfirði sunnudaginn 9. júlí kl. 12. Þar verða tefldar 5 mínútna skákir, 7 umferðir, og sigurvegarinn hlýtur nafnbótina Norðurfjarðarmeistarinn 2017. 

Hrókurinn hefur um árabil efnt til skákviðburða í Árneshreppi og þangað hafa flestir bestu skákmenn landsins og fjölmargir áhugamenn lagt leið sína á skákmót og hátíðir. 

Árneshreppur er afskekktasta og fámennasta sveitarfélag á Íslandi, en jafnframt eitt hið fegursta og stórbrotnasta. Það er Hróknum mikið gleðiefni að geta nú boðað til hátíðar undir kjörorðunum: Til lífs og til gleði. 

• Áhugasamir ættu að skrá sig sem fyrst hjá [e-mail] eða [e-mail]. 
• Mjög góð tjaldstæði eru í Trékyllisvík og Norðurfirði.  
• Gistirými er takmarkað en við reynum að hjálpast að við að koma öllum góðum gestum í hús!

Samstarf Skákskólans og Skákdeildar Breiðabliks næsta vetur

Skákskóli Íslands og Skákdeild Breiðabliks munu hafa samvinnu um daglega skákþjálfun efnilegra skákkrakka á grunnskólaaldri næsta vetur. Helgi Ólafsson skólastjóri Skákskólans hefur jafnframt verið ráðinn yfirmaður skákþjálfunarmála hjá Skákdeild Breiðabliks. Helgi er FIDE Senior Trainer og margreyndur stórmeistari í skák. 

Skákþáttur Morgunblaðsins: Skákmót með styttri umhugsunartíma njóta vaxandi vinsælda

Heimsmeistaranum Magnúsi Carlsen gekk ekki vel á norska mótinu um síðustu helgi. Hann hlaut 4 vinninga af níu mögulegum, varð í 6.-9. sæti og Armeninn Levon Aronjan hljópst á brott með sigurlaunin og er allur að færast í aukana eftir nokkur mögur ár. Sá grunur læðist að manni að það henti Norðmanninum hreinlega betur að tefla skákir með styttri umhugsunartíma. Kannski er hann svona næmur á samtíð sína en staðreyndin er sú að styttri skákirnar fá æ meiri athygli. Eftirminnileg var sú kvöldstund heimsmeistaraeinvígisins í New York í fyrra þegar úrslitaskákirnar fjórar, sem Magnús og Karjakin tefldu að afloknu þunglamalegu 12 skáka einvígi sem lauk án niðurstöðu, voru sýndar á breiðtjaldi á Times Square í New York og Rauða torginu í Moskvu og fylgdist mikill mannfjöldi með.

Garrí Kasparov var í vikunni viðstaddur opnun mótaraðar í París, Grand Chess tour en þar eru mættir til leiks ýmsir kunnir kappar og enn og aftur var Magnús Carlsen mættur til leiks. Kasparov sem er einn skipuleggjanda gat þess í viðtali við frönsku pressuna að þessa dagana væri auðveldara að finna kostendur fyrir mót með styttri umhugsunartíma. Fyrirkomulagið er þannig að tíu þátttakendur tefla níu at-skákir með tímamörkum „25 10 Bronstein“, síðan er tvöföld umferð í hraðskákinni með tímamörkunum „5 3 Bronstein“. Kasparov lagði furðu mikla áherslu á að „Bronstein tímamörkin“ yrðu notuð á Reykjavik Rapid-mótinu 2004 og situr enn við sinn keip. Í því kerfi bætist ekki við tímann.

Í París eru gefin tvö stig fyrir sigur í at-skákinni og eitt stig fyrir jafntefli. Í hraðskákinni fá menn 1 stig fyrir sigur og jafntefli er eftir sem áður ½ vinningur. Þetta eru ekki slæm býtti fyrir norska heimsmeistarann sem að loknum sjö umferðum hefur náð forystunni. Staðan: 1. Carlsen 10 stig. 2. Nakamura 9 stig. 3. Mamedyarov 8 stig. 4.-5. So og Grischuk 7 stig. 6. Vachier-Lagrave 6 stig. 7. Karjakin 5 stig. 8. Topalov 4 stig 9. Bacrot 3 stig 10. Caruana 1 stig.

Það gefur auga leið að viðureignir með skertum umhugsunartíma eru misjafnar að gæðum en spennan er líka meiri.

Magnús lék afar lævísum leik í þessari stöðu í 3. umferð:

 

Magnús Carlsen – Vachier-Lagrave

30. De2!

Verst ýmsum hótunum og virðist undirbúa framrás b-peðsins.

30. ... Kh8??

Hann varð að leika 30. ... Bd6 eða 30. ... He8.

31. f4!

Vinnur mann. Svartur reyndi ....

31. ... exf3 32. Dxe5 Dh5

... en eftir

33. Rf4 Dxh2 34. Rg6+ Kh7 35. Rxf8+ Kh8 35. Rg6+ Kh7 37. Rf4!

... var frekari barátta vonlaus og Frakkinn gafst upp í 39. leik.

Hægt er að fylgjast með hraðskákunum í dag t.d. á vefsvæði Chess24., Chessbomb og ICC. Baráttan hefst kl. 16 í dag en kl. 14 á morgun, sunnudag. 

Jóhann og Guðmundur tefla á Norðurlandamótinu í skák

Norðurlandamótið í skák hefst í þrem flokkum í Växsjö í Svíþjóð á mánudaginn. Í opna flokki mótsins tefla Íslandsmeistarinn Guðmundur Kjartansson og Jóhann Hjartarson. Jóhann varð Norðurlandameistari fyrir 20 árum. Stigahæstur keppenda er Svíinn Nils Grandelius. Efsta sætið gefur keppnisrétt á heimsbikarmóti FIDE sem fram fer í Georgíu í haust. 

Lenka Ptacnikova teflir á Norðurlandamóti kvenna og þá teflir Áskell Örn Kárason í öldungaflokki mótsins.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 24. júní 2017

Skákþættir Morgunblaðsins

Ný alþjóðleg skákstig

Ný alþjóðleg skákstig komu út 1. júlí sl. Ákaflega litlar breytingar er á listanum nú meðal Íslendinga enda tefldu aðeins fimm íslenskir skákmenn reiknaða skák í síðasta mánuði. Héðinn Steingrímsson (2576) er stigahæsti skákmaðurinn landsins.

Topp 20

Héðinn Steingrímsson (2576) er stigahæsti skákmaður landsins. Í næstu sætum er Hjörvar Steinn Grétarsson (2567) og Jóhann Hjartarson (2541) sem á inni svo hækkun fyrir frammistöðuna á Norðurlandamótinu.

No.	Name	Tit	JUL17	Gms	Diff
1	Steingrimsson, Hedinn	GM	2576	0	0
2	Gretarsson, Hjorvar Steinn	GM	2567	0	0
3	Hjartarson, Johann	GM	2541	0	0
4	Stefansson, Hannes	GM	2530	8	-18
5	Petursson, Margeir	GM	2516	0	0
6	Olafsson, Helgi	GM	2512	0	0
7	Danielsen, Henrik	GM	2495	0	0
8	Thorfinnsson, Bragi	IM	2461	0	0
9	Gunnarsson, Jon Viktor	IM	2460	0	0
10	Kjartansson, Gudmundur	IM	2459	11	-5
11	Arnason, Jon L	GM	2458	0	0
12	Gretarsson, Helgi Ass	GM	2448	0	0
13	Kristjansson, Stefan	GM	2447	0	0
14	Thorsteins, Karl	IM	2432	0	0
15	Gunnarsson, Arnar	IM	2428	0	0
16	Thorhallsson, Throstur	GM	2420	0	0
17	Thorfinnsson, Bjorn	IM	2398	0	0
18	Kjartansson, David	FM	2386	0	0
19	Arngrimsson, Dagur	IM	2376	0	0
20	Ulfarsson, Magnus Orn	FM	2375	0	0

 

Nýliðinn og hækkunarkónginn

Það var aðeins einn nýliði á listanum nú en þar er á ferðinni Þórir Björn Hrafnkelsson (1709). Aðeins einn Íslendingur hækkaði á stigum en var á ferðinni Birkir Karl Sigurðsson (+12).

No.	Name	Tit	JUL17	Gms	Diff
1	Hrafnkelsson, Thorir Bjorn		1709	6	1709
2	Sigurdsson, Birkir Karl		1901	12	12

 

Stigahæstu skákmenn heims

Magnus Carlsen (2822) er stigahæsti skákmaður heims. Í næstu sætum eru Vladimir Kramnik (2812) og Wesley So (2810)

Heimslistann má finna hér.

Magnus Carlsen öruggur sigurvegari í Leuven

At- og hraðskákmótinu í Leuven í Belgíu lauk í gær. Magnus Carlsen (2850) sýndi heldur hver væri pabbinn í hraðskákinni þar sem hann fékk 14½ vinning í 18 skákum. Anish Giri (2760) og MVL (2789) komu næstir með 10 vinninga.

Carlsen náði þar með fleiri stigum en Wesley So (2781) sem hafði verið langbestur í atskákinni. Carlsen hlaut 25,5 stig, So 22,5 sitg og MVL þriðji með 22 stig.

Nánar um gang gærdagsins má lesa um á Chess.com.

Myndir: Maria Emelianova (af Chess.com).

• Heimasíða Grand Chess Tour
• Beinar útsendingar

Jóhann og Lenka Norðurlandameistarar í skák

Jóhann Hjartarson (2541) og Lenka Ptácníková (2207) urðu rétt í þessu Norðurlandameistarar í skák. Jóhann í opnum flokki og Lenka norðurlandameistari kvenna. 

Afrek Jóhanns er frábært ekki síst í ljósi þess að Jóhann er ekki atvinnumaður í skák. Hann og sænski stórmeistarinn Nils Grandelius (2657) komu jafnir í mark með 7,5 vinninga í 9 skákum. Þá var gripið til stigaútreiknings þar sem vinningar andstæðinga þeirra eru lagðir saman og þar hafði Jóhann mikla yfirburði. 

Jóhann fær keppnisrétt á Heimsbikarmótinu í skák sem fram fer í Tiblisi í Georgíu í september nk. 

Jóhann var Norðurlandameistari árið 1997 síðast en það var eiginlega endapunkturinn á atvinnumannaferli hans því í kjölfarið hóf hann störf hjá Íslenskri erfðagreiningu. Síðan 2015 hefur Jóhann tekið þátt í mótum öðru hverju og varð meðal annars Íslandsmeistari í skák árið 2016. 

Lenka Ptácníková (2207) hlaut 6 vinninga af 7 mögulegum á Norðurlandamóti kvenna sem fram fór samhliða. Hún vann Önnu Cramling (1912) í dag. Lenka fékk vinningi meira en hin danska Ellen Kakulidis (1914) sem varð önnur.

Áskell Örn Kárason (2271) varð annar í flokki skákmanna 50 ár og eldri. 

Jóhann og Lenka efst fyrir lokaumferð Norðurlandamótsins í skák

 

Jóhann Hjartarson (2541) er einn efstur fyrir níundu og síðustu Norðurlandamótsins í skák sem hófst kl. 9 í morgun. Jóhann vann í gær sænska FIDE-meistarann Martin Lokander (2329). Jóhann hefur 7 vinninga - hálfum vinningi meira en sænski stórmeistarinn Nils Grandelius (2655). 

Í umferð dagsins teflir Jóhann við sænska alþjóðlega meistarann Jonathan Westerberg (2469). Sigur tryggir honum Norðurlandameistaratitilinn og keppnisrétt á Heimsbikarmótinu í skák í Tiblisi í Georgíu í haust. Jafntefli gæti mögulega einnig dugað til sigurs en stigaútreikningur sker úr verði með jafnir. 

Lenka Ptácníková (2207) er efst á Norðurlandamóti kvenna með 5 vinninga eftir 6 umferðir. 

Áskell Örn Kárason (2271) er þriðji í flokki 50 ára og eldri með 5 vinninga eftir 7 umferðir. 

Lokaumferðin í öllum flokkum hófst kl. 9 í morgun. 

 

• Heimasíða mótsins
• Úrslitaþjónusta
• Beinar útsendingar
• Beinar útsendingar (Chess24)
•  

Skakhátíð á Ströndum fer fram næstu helgi

Skákhátíð í Árneshreppi verður haldin dagana 7. til 9. júlí þar sem áhugamönnum gefst kostur á að spreyta sig gegn sumum bestu skákmönnum Íslands. Meðal þeirra sem þegar eru skráð til leiks eru Guðmundur Kjartansson, nýbakaður Íslandsmeistari, stórmeistararnir Jóhann Hjartarson, Jón L. Árnason og Lenka Ptacnikova og landsliðskonan Guðlaug Unnur Þorsteinsdóttir. 

Hátíðin hefst með tvískákarmóti og brennu í Trékyllisvík föstudagskvöldið 7. júlí kl. 20. Í tvískák eru tveir saman í liði, og iðulega afar heitt í kolunum. 

Hápunktur hátíðarinnar verður laugardaginn 8. júlí í félagsheimilinu, minninningarmót Jóhönnu Kristjónsdóttur 2017. Jóhanna, sem lést 11. maí síðastliðinn, var meðal ötulustu liðsmanna Hróksins og hafði jafnframt sterk tengsl við Árneshrepp. Yfirskrift hátíðarinnar er sótt í kjörorð Jóhönnu: Til lífs og til gleði. 

Minningarmótið hefst klukkan 14 og verða tefldar 8 umferðir, með 10 mínútna umhugsunartíma. Verðlaun á mótinu eru í senn vegleg og óvenjuleg, m.a. listaverk sem Guðjón Kristinsson frá Dröngum og Valgeir Benediktsson í Árnesi vinna sérstaklega af þessu tilefni. Þá verða ýmsir munir úr fjarlægum löndum, vegleg gjafabréf og fleiri vinningar. 

Á laugardagskvöldið verður hátíðarkvöldverður í félagsheimilinu, þar sem ýmislegt verður til skemmtunar, og verðlaun á minningarmóti Jóhönnu afhent. 

Hátíðinni lýkur með hraðskákmóti í Kaffi Norðurfirði sunnudaginn 9. júlí kl. 12. Þar verða tefldar 5 mínútna skákir, 7 umferðir, og sigurvegarinn hlýtur nafnbótina Norðurfjarðarmeistarinn 2017. 

Hrókurinn hefur um árabil efnt til skákviðburða í Árneshreppi og þangað hafa flestir bestu skákmenn landsins og fjölmargir áhugamenn lagt leið sína á skákmót og hátíðir. 

Árneshreppur er afskekktasta og fámennasta sveitarfélag á Íslandi, en jafnframt eitt hið fegursta og stórbrotnasta. Það er Hróknum mikið gleðiefni að geta nú boðað til hátíðar undir kjörorðunum: Til lífs og til gleði. 

• Áhugasamir ættu að skrá sig sem fyrst hjá [e-mail] eða [e-mail]. 
• Mjög góð tjaldstæði eru í Trékyllisvík og Norðurfirði.  
• Gistirými er takmarkað en við reynum að hjálpast að við að koma öllum góðum gestum í hús!

Jóhann vann í gær - er efstur ásamt Nils Grandelius

 

 

 

Jóhann Hjartarson (2541) vann danska stórmeistarann Allan Stig Rasmussen (2540) í sjöundu umferð Norðurlandamótsins í skák sem fram fór í gær í Vaxjö í Svíþjóð. Hann er efstur með 6 vinninga ásamt Nils Grandelius (2655) þegar aðeins tveimur umferðum er ólokið. Í áttundu og næstsíðustu umferð, sem fram fer í dag, teflir Jóhann við sænska FIDE-meistarnn Martin Lokander (2329).

Guðmundur Kjartansson (2464) gerði í gær jafntefl við sænska FIDE-meistarann Felix Tuomainen (2294). Guðmundur  hefur 4 vinninga. 

Lenka Ptáncíková (2207) vann í gær og er í 3.-4. sæti á Norðurlandamóti kvenna með 3 vinninga eftir 4 umferðir. Í dag eru tefldar tvær umferðir hjá Lenku.

Áskell Örn Kárason (2271) gerði jafntefli í gær í skrautlegri skák í flokki skákmanna 50 ára og eldri. Áskell er í 2.-6. sæti með 4 vinninga eftir 6 umferðir

Næst síðasta umferð fer fram í opnum flokki og í flokki 50 ára og eldri í dag. Tvær umferðir eru tefldar á NM kvenna. Lokaumferð allra flokka fer fram á morgun.

 

G. Sverrir Þór skrifar reglulega um gang mála á heimasíðu sænska skáksambandsins. 

• Heimasíða mótsins
• Úrslitaþjónusta
• Beinar útsendingar
• Beinar útsendingar (Chess24)

 

Mjóddarmót Hugins fer fram í dag

Mjóddarmótið fer fram laugardaginn 1. júlí í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Subway í Mjódd en fyrir þá tefldi Dagur Ragnarsson.  Tefldar verða sjö umferðir með umhugsunartímanum 5 mínútur + 2 sekúndur á hvern leik.  Skráning fer fram í síma 866-0116 og hér á Skák.is (guli kassinn efst). Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 20.000
• 2. 15.000
• 3. 10.000

Upplýsingar um þegar skráða keppendur má finna hér.