Skák.is

Færsluflokkur: Spil og leikir

1.4.2011 | 19:21

Erfðaskrá Bobby Fischer fundin

Bandarískur lögfræðingur í Las Vegas, Nevada, hefur sett sig í sambandi við RJF-nefndina, sem vann að frelsun hans úr fangelsi í Japan og aðstoðaði hann eftir að hann varð Íslendingur, og tjáð henni að erfðaskrá Bobby Fischer, heimsmeistara í skák, sé komin í leitirnar. Rithandarsérfræðingur geti staðfest að hún sé ósvikin.

Óskar hann eftir aðstoð hópsins til komast í samband við virtan hæstaréttarlögmann hérlendis sem myndi annast málfluting og kynna þetta mál fyrir skiptaráðanda dánarbúsins, áður en það verður um seinan, en erfðamál hins látna er nú fyrir Hæstarétti.

Spil og leikir | Slóð | Facebook | Athugasemdir (0)

1.4.2011 | 19:17

EM: Bragi vann í 10. umferð - Lenka aftur með jafntefli við stórmeistara

Bragi Þorfinnsson (2417) vann úkraínsku skákkonuna Kateryna Dolzhykova (2265) í 10. og næstsíðustu umferð EM einstaklinga sem fram fór í Aix les Bains í Frakklandi í dag. Lenka Ptácníková (2307) gerði jafntefli við aserska stórmeistaranum Rufat Bagirov (2476). Annað jafntefli Lenku í röð gegn stórmeistara. Hannes Hlífar Stefánsson (2557) tapaði hins vegar fyrir bosníska stórmeistaranum Ivan Sokolov (2643). Hannes hefur 5½ vinning og er í 120.-173. sæti en Bragi og Lenka hafa 5 vinninga og eru í 174.-230. sæti. Mótið lýkur með 11. umferð sem fram fer á morgun.

Efstir með 8 vinninga eru stórmeistararnir Vladimir Potkin (2653), Rússlandi, Radoslaw Wojtaszek (2711), Póllandi, og skákdrottningin Judit Polgar (2686), Ungverjalandi.

Í lokaumferðinni teflir Hannes við þýska doktorinn Erik Zude (2409), Bragi við franska alþjóðlega meistarann Yannick Gozzoli (2543) og Lenka við enska stórmeistarann Peter Wells (2487).

Þær skákir Íslendinga sem eru aðgengilegar á vef mótsins má finna hér að neðan. Frakkarnir slá greinilega ekki inn allar skákir mótsins heldur fyrst og fremst efri borðin. Aðallega eru það því skákir Hannesar sem eru aðgengilegar og einstaka skákir Braga og Lenku. Skráning skákanna virðist þess fyrir utan oft vera ónákvæm (t.d. Sokolov-Hannes). Mótið er ægisterkt. Alls taka 400 skákmenn þátt og þar af 164 stórmeistarar, 65 alþjóðlegir meistarar og 4 stórmeistarar kvenna. Íslendingar eiga þarna flesta fulltrúa Norðurlandaþjóða eða 3 talsins en Danir og Norðmenn eiga 2 keppendur hvor þjóð og Svíar, Finnar og Færeyingar einn hver þjóð. Hannes er nr. 117 í stigaröð keppenda, Bragi er nr. 209 og Lenka er nr. 249.

Veljið skák (19 alls):

Spil og leikir | Breytt s.d. kl. 22:36 | Slóð | Facebook | Athugasemdir (0)

1.4.2011 | 16:00

Skákþing Norðlendinga fer fram 8.-10. apríl

Skákþing Norðlendinga 2011 verður haldið í Safnaðarheimili Siglufjarðarkirkju helgina 8.-10. apríl. Það er Skákfélag Siglufjarðar sem sér um mótshaldið.
Mótið er opið öllu skákáhugafólki.
Tefldar verða 7 umferðir eftir Monradkerfi, þ.e.a.s. 4 atskákir og 3 kappskákir. Mótið verður reiknað til íslenskra skákstiga og til FIDE-skákstiga.
Skákstjóri verður Páll Sigurðsson.

Dagskrá
Föstudagur 8. apríl kl. 20.00: 1.-4. umferð. Atskák, 25 mín/mann.
Laugardagur 9. apríl kl. 10.30: 5. umferð. Kappskák, 90 mín + 30 sek/leik.
Laugardagur 9. apríl kl. 16.30: 6. umferð. Kappskák, 90 mín + 30 sek/leik.
Sunnudagur 10. apríl kl. 10.30: 7. umferð. Kappskák, 90 mín + 30 sek/leik.

Verðlaun (í boði Fjallabyggðar, Sparisjóðs Siglufjarðar og Ramma)
A.
1. sæti. 30.000 krónur (lögheimili á Norðurlandi)
2. sæti. 20.000 krónur
3. sæti. 10.000 krónur
B.
1. sæti. 30.000 krónur (lögheimili utan Norðurlands)
2. sæti. 20.000 krónur
3. sæti. 10.000 krónur

Peningaverðlaunum verður skipt á milli manna verði þeir jafnir að vinningum í
báðum flokkum.

Aukaverðlaun C.
Efstur skákmanna undir 1800 íslenskum skákstigum (lögheimili á Norðurlandi).
Efstur heimamanna (í Skákfélagi Siglufjarðar).
Efstur stigalausra (lögheimili á Norðurlandi).
Eingöngu verður hægt að vinna til einna aukaverðlauna.

Hraðskákmót Norðlendinga 2010 verður svo haldið sunnudaginn 10. apríl á sama
stað og hefst það eigi fyrr en kl. 15.00. Ekkert þátttökugjald er í það mót.

Skráning og þátttökugjald
Skráning á mótið er hafin. Póstur þar að lútandi sendist á sae@sae.is.

Skráningu verður lokað á hádegi 8. apríl. Þátttökugjald er 2500 krónur fyrir 17 ára og eldri, en 1000 krónur fyrir 16 ára og yngri.
Breytingar á framantöldum upplýsingum vera kynntar á Siglfirðingur.is, ef með þarf.

Nánari upplýsingar
Upplýsingar um gistimöguleika og veitingastaði er að finna á:
http://www.fjallabyggd.is/is/ferdafolk/gisti-og-matsolustadir

Upplýsingar um skráða keppendur er að finna á:
https://spreadsheets.google.com/ccc?key=0AvWtZEc5_GLZdFlTYTlGT2F1eXBSai0tQmI5Vy01Wnc&hl=en#gid=0.

Sigurður Ægisson, formaður Skákfélags Siglufjarðar, veitir allar frekari
upplýsingar um mótið í síma 4671263 og 8990278.
Fyrirspurnir í tölvupósti sendist á sae@sae.is.

Spil og leikir | Breytt 17.3.2011 kl. 17:43 | Slóð | Facebook | Athugasemdir (1)

1.4.2011 | 11:21

Nye islandske sjakk nettsted - Ný íslensk skáksíða -

Ný íslensk skáksíða, í umsjón Jóhann H. Ragnarssonar hefur hafið göngu sína. Hún verður með aðeins öðru sniði en Skák.is en engu að síður verða fréttir í forgrunni. Hana má nálgast á slóðinni, http://www.yourchessnews.com/skakfrettir/, og verður auk þess í tenglasafninu hér á vinstri hlið síðunnar. Hún er þó aðeins á íslensku.

-----------------------------

Nye islandske sjakk nettsted, forvaltet av Johann H. Ragnarsson har begynt sin pilegrimsreise. Hun vil ha bare ett format enn Skák.is men fortsatt være nyheter i forgrunnen. Den kan hentes på nettsiden, http://www.yourchessnews.com/skakfrettir/, og vil også i tenglasafninu her på venstre side av siden. Det er bare i islandsk.

Spil og leikir | Breytt s.d. kl. 11:24 | Slóð | Facebook | Athugasemdir (0)

1.4.2011 | 10:00

Scandinavian sjakkspillere vises direkte - Norrænir skákmenn sýndir beint

Allmargir Norrænir skákmenn verða í beinni útsendingu frá 10. umferð EM einstaklinga. Augu Íslendinga mun að sjálfsögðu beinast að viðureign Hannesar Hlífars Stefánssonar við bosníska Íslandsvininn Ivan Sokolov (2643). Eftirfarandi viðureignir Norræna keppenda verða sýndar beint.

8. Peter Heine Nielsen (2670) - Ian Nepomniachtchi (2729)
41. Pawel Jaracz (2565) - Tomi Nyback (2656)
43. Ivan Sokolov (2643) - Hannes Hlífar Stefánsson (2557)

Útsendingin hefst kl. 13:15 og má nálgast í gegnum vefsíðu mótsins eða á Chessbomb.

-------------------------------------

Flere nordiske sjakkspillere vil bli overført direkte fra den 10. runde Europamesterskapet,. Islands øyne vil naturlig nok fokusere på sjakk Hannes Hlífar Stefansson av den bosniske Ivan Sokolov (2643). Følgende sjakk nordiske konkurrenter vil bli vist direkte.

     * 8. Peter Heine Nielsen (2670) - Ian Nepomniachtchi (2729)
     * 41. Pawel Jaracz (2565) - Tomi Nyback (2656)
     * 43. Ivan Sokolov (2643) - Hannes Hlífar Stefansson (2557)

Transmission starter kl. 15:15 (Norsk tid) og kan nås via turneringen nettsiden eller Chessbomb.

Spil og leikir | Breytt s.d. kl. 11:13 | Slóð | Facebook | Athugasemdir (0)

1.4.2011 | 07:58

Skák.is í Norrænni útrás

Skák.is er komin í útrás. Náðst hefur samkomulag við hin norrænu samböndin að Skák.is verði aðalskáksíða Norðurlandanna. Frá og með morgundeginum verða því fréttir ekki lengur skrifaður á íslensku á Skák.is heldur á norsku Til að byrja með verða þó fréttir skrifaðar bæði á íslensku og norsku.

Fyrir þá sem hafa ekki gott vald á norsku er rétt að benda á þýðingarforritið Google Translate.

--------------------------------

Skák.is er i en utvidelse. Det er oppnådd enighet med de nordiske Skák.is forbindelser å være den viktigste sjakk siden landet. Fra og med i morgen nyhetene vil ikke lenger være skrevet i islandsk på Skák.is men på norsk. Til å begynne med, men nyheter er skrevet på islandsk og norsk.

Spil og leikir | Slóð | Facebook | Athugasemdir (1)

1.4.2011 | 07:58

Firmakeppni - Byr (Þór Már Valtýsson) efstur í B – riðli.

B- riðill firmakeppninnar var tefldur í gærkvöldi. Sex skákmenn mættu til leiks og tefldu tvöfalda umferð, allir við alla.

Fjölmörg fyrirtæki taka þátt í keppninni og er því dregið úr hópi skráðra fyrirtækja í upphafi hvers riðils. Þau fyrirtæki sem enn hafa ekki tekið þátt eru áfram í pottinum þar til öll hafa verið dregin út. Efstu 3-5 fyrirtæki í hverjum riðli halda svo áfram í úrslitakeppni þar sem teflt verður um titilinn. Tekið skal fram að fyrirtæki detta út í riðlakeppninni en ekki skákmenn.

Úrslit kvöldsins urðu á þá leið að Þór Már Valtýsson sem tefldi fyrir hönd Byrs var efstur með 8 vinninga af 10 mögulegum. Ásbyrgi (Tómas Veigar) er í öðru sæti með 7 vinninga og FVSA (Jón Kristinn) er í þriðja sæti með 6,5 vinninga. Öðrum úrslitum er lýst hér að neðan.

Næst á dagskrá hjá félaginu er 15 mínútna mót, n.k. sunnudag kl. 13.

Úrslit B - riðils.

Byr (Þór Már Valtýsson)                                           8
Ásbyrgi (Tómas Veigar Sigurðarson)                        7
FVSA (Jón Kristinn Þorgeirsson)                             6,5
Bautinn (Smári Ólafsson)                                          6
Olís (Atli Benediktsson)                                           2,5
Car-X (Haukur H. Jónsson)                                      0

Spil og leikir | Slóð | Facebook | Athugasemdir (0)

1.4.2011 | 07:00

Skákþing Íslands - áskorendaflokkur

Stjórn Skáksambands Íslands hefur ákveðið að keppni í áskorendaflokki 2011 fari fram dagana 15. - 24. apríl n.k. . Mótið mun fara fram í Faxafeni 12, Reykjavík. Efstu tvö sætin gefa föst sæti í Landsliðsflokki 2012.

Dagskrá:

Föstudagur, 15. apríl, kl. 18.00, 1. umferð
Laugardagur, 16. apríl, kl. 14.00, 2. umferð
Sunnudagur, Frídagur
Mánudagur, 18. apríl, kl. 18.00, 3. umferð
Þriðjudagur, 19. apríl, kl. 18.00, 4. umferð
Miðvikudagur, 20. apríl, kl. 18.00, 5. umferð
Fimmtudagur, 21. apríl, Frídagur
Föstudagur, 22. apríl, kl. 11.00, 6. umferð
Föstudagur, 22. apríl, kl. 17.00, 7. umferð
Laugardagur, 23. apríl, kl. 14.00, 8. umferð
Sunnudagur, 24. apríl, kl. 14.00, 9. umferð

Umhugsunartími:

90 mín. + 30 sek. til að ljúka.

Verðlaun:

1. 40.000.-
2. 25.000.-
3. 15.000.-

Aukaverðlaun:

U-2000 stigum 8.000.-
U-1600 stigum 8.000.-
U-16 ára 8.000.-
Kvennaverðlaun 8.000.-
Fl. stigalausra 8.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna. Reiknuð verða stig séu fleiri en einn í efsta sæti. Stigaverðlaunin miðast við íslensk skákstig.

Þátttökugjöld:

18 ára og eldri 3.000.-
17 ára og yngri 2.000.-

Skráning:

Skráning fer fram á Skák.is. Upplýsingar um skráða keppendur má nálgast hér.

Spil og leikir | Breytt s.d. kl. 08:00 | Slóð | Facebook | Athugasemdir (0)

1.4.2011 | 07:00

Reykjavíkurmót grunnskólasveita fer fram á mánudag

Reykjavíkurmót grunnskólanna í skák 2011 fer fram mánudaginn 4. apríl n.k. og hefst kl.17. Tefldar verða 7 umferðir með 10 mín. umhugsunartíma á skák. Allar sveitirnar keppa í einum opnum flokki, og veitt verða verðlaun fyrir þrjár efstu sveitirnar sem og þrjár efstu stúlknasveitirnar. Hver sveit skal skipuð fjórum nemendum frá hverjum skóla auk 1-4 varamanna. Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv. Sigursveitin verður Reykjavíkurmeistari grunnskólasveita 2011 og hlýtur farandbikar til vörslu í eitt ár. Mótið hefst, sem áður segir, kl.17 og lýkur um kl.20. Verðlaunaafhending verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Íþrótta- og tómstundasviðs Reykjavíkur og fer keppnin fram í félagsheimili T.R., Faxafeni 12, Reykjavík.

Mikilvægt er að skólarnir sendi fylgdarmann með sínu liði, keppendum til halds og trausts. Þátttaka tilkynnist til skrifstofu Íþrótta- og tómstundasviðs eða á netfang: soffiap@itr.is einnig er hægt að senda skráningu á taflfelag@taflfelag.is eigi síðar en kl 14 mánudaginn 4. apríl. Skráning í síma 411-5000. Þátttökurétt hafa eingöngu nemendur í grunnskólum Reykjavíkur.

Spil og leikir | Breytt 22.3.2011 kl. 19:41 | Slóð | Facebook | Athugasemdir (0)

31.3.2011 | 23:47

Jón Úlfljótsson sigraði á spennandi fimmtudagsmóti

Fyrir síðustu umferð á fimmtudagsmótinu í TR í gærkvöldi voru einir fimm í þéttum hóp og áttu næstum allir möguleika á sigri. Að lokum stóð Jón Úlfljótsson uppi sem sigurvegari með jafn marga vinninga og Stefán Þór Sigurjónsson en hálfu stigi meira! Þau Elsa María, Sigurjón og Vignir Vatnar voru í næstu sætum en öll höfðu þau verið við toppinn allan seinni hluta mótsins.