Mikael Jóhann og Jón Kristinn skólaskákmeistarar Akureyrar

Skólaskákmót Akureyrar í eldri flokki var háð 5. apríl. Keppendur voru 11 og tefldu 7 umferðir.  Mikael Jóhann Karlsson, Brekkuskóla, vann enn eina ferðina og nú með fullu húsi, 7 vinningum. Í 2-3. sæti urðu þeir Hersteinn Bjarki Heiðarsson og Logi Rúnar Jónsson, báðir úr Glerárskóla með 5 vinninga, en eftir stigaútreikning var Hersteinn sjónarmun á undan. Birkir Freyr Hauksson, Glerárskóla, varð svo fjórði með 4,5 vinning og þeir Andri Freyr Björgvinsson, Brekkuskóla, og Bjarki Kjartansson, Lundarskóla fengu 4 vinninga.

Jón Kristinn Þorgeirsson, Lundarskóla, varð skólaskákmeistari Akureyrar þriðja árið í röð, þegar keppni í yngri flokki fór fram 4. apríl. Jón og Aðalsteinn Leifsson, Brekkuskóla, voru báðir með fullt hús vinninga þegar þeir mættust í síðustu umferð í mótinu, en þá hafði Jón betur. Oliver Ísak Ólason hafnaði svo í þriðja sæti.

Báðir urðu þeir skólaskákmeistarar Akureyrar þriðja árið í röð.

Nánari upplýsingar á heimasíðu SA

 

 

Skákþing Norðlendinga hefst í kvöld

Skákþing Norðlendinga 2011 verður haldið í Safnaðarheimili Siglufjarðarkirkju helgina 8.-10. apríl. Það er Skákfélag Siglufjarðar sem sér um mótshaldið.
Mótið er opið öllu skákáhugafólki.
Tefldar verða 7 umferðir eftir Monradkerfi, þ.e.a.s. 4 atskákir og 3 kappskákir. Mótið verður reiknað til íslenskra skákstiga og til FIDE-skákstiga.
Skákstjóri verður Páll Sigurðsson.

Dagskrá
Föstudagur 8. apríl kl. 20.00: 1.-4. umferð. Atskák, 25 mín/mann.
Laugardagur 9. apríl kl. 10.30: 5. umferð. Kappskák, 90 mín + 30 sek/leik.
Laugardagur 9. apríl kl. 16.30: 6. umferð. Kappskák, 90 mín + 30 sek/leik.
Sunnudagur 10. apríl kl. 10.30: 7. umferð. Kappskák, 90 mín + 30 sek/leik.

Verðlaun  (í boði Fjallabyggðar, Sparisjóðs Siglufjarðar og Ramma)
A.
1. sæti. 30.000 krónur (lögheimili á Norðurlandi)
2. sæti. 20.000 krónur
3. sæti. 10.000 krónur
B.
1. sæti. 30.000 krónur (lögheimili utan Norðurlands)
2. sæti. 20.000 krónur
3. sæti. 10.000 krónur

Peningaverðlaunum verður skipt á milli manna verði þeir jafnir að vinningum í
báðum flokkum.

Aukaverðlaun C.
Efstur skákmanna undir 1800 íslenskum skákstigum (lögheimili á Norðurlandi).
Efstur heimamanna (í Skákfélagi Siglufjarðar).
Efstur stigalausra (lögheimili á Norðurlandi).
Eingöngu verður hægt að vinna til einna aukaverðlauna.

Hraðskákmót Norðlendinga 2010 verður svo haldið sunnudaginn 10. apríl á sama
stað og hefst það eigi fyrr en kl. 15.00. Ekkert þátttökugjald er í það mót.

Skráning og þátttökugjald
Skráning á mótið er hafin. Póstur þar að lútandi sendist á [e-mail]. 

Skráningu verður lokað á hádegi 8. apríl. Þátttökugjald er 2500 krónur fyrir 17 ára og eldri, en 1000 krónur fyrir 16 ára og yngri.
Breytingar á framantöldum upplýsingum vera kynntar á Siglfirðingur.is, ef með þarf.

Nánari upplýsingar
Upplýsingar um gistimöguleika og veitingastaði er að finna á:
http://www.fjallabyggd.is/is/ferdafolk/gisti-og-matsolustadir

Upplýsingar um skráða keppendur er að finna á:
https://spreadsheets.google.com/ccc?key=0AvWtZEc5_GLZdFlTYTlGT2F1eXBSai0tQmI5Vy01Wnc&hl=en#gid=0. 

Sigurður Ægisson, formaður Skákfélags Siglufjarðar, veitir allar frekari
upplýsingar um mótið í síma 4671263 og 8990278.
Fyrirspurnir í tölvupósti sendist á  [e-mail].

Chess-Results

Áskorendaflokkur Skákþings Íslands

Stjórn Skáksambands Íslands hefur ákveðið að keppni í áskorendaflokki 2011 fari fram dagana 15.  - 24. apríl  n.k. . Mótið mun fara fram í Faxafeni 12, Reykjavík.   Efstu tvö sætin gefa föst sæti í Landsliðsflokki 2012.

Dagskrá:

• Föstudagur, 15. apríl, kl. 18.00, 1. umferð
• Laugardagur, 16. apríl, kl. 14.00, 2. umferð
• Sunnudagur, Frídagur
• Mánudagur, 18. apríl, kl. 18.00, 3. umferð
• Þriðjudagur, 19. apríl, kl. 18.00, 4. umferð
• Miðvikudagur, 20. apríl, kl. 18.00, 5. umferð
• Fimmtudagur, 21. apríl, Frídagur
• Föstudagur, 22. apríl, kl. 11.00, 6. umferð
• Föstudagur, 22. apríl, kl. 17.00, 7. umferð
• Laugardagur, 23. apríl, kl. 14.00, 8. umferð
• Sunnudagur, 24. apríl, kl. 14.00, 9. umferð

Umhugsunartími:

90 mín. + 30 sek. til að ljúka.

Verðlaun:  

• 1. 40.000.-
• 2. 25.000.-
• 3. 15.000.-

Aukaverðlaun:

• U-2000 stigum           8.000.-
• U-1600 stigum           8.000.-
• U-16 ára                    8.000.-
• Kvennaverðlaun         8.000.-
• Fl. stigalausra            8.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri            3.000.-
• 17 ára og yngri           2.000.-

Skráning:

Skráning fer fram á Skák.is

Elsa María sigraði örugglega á fimmtudagsmóti

Elsa María Kristínardóttir sigraði af nokkru öryggi á fimmtudagsmóti í gær. Helst fékk hún samkeppni framan af frá Tjörva Schiöth en eftir tap Tjörva í síðustu umferð í miklum tímahraksbarningi við Vigni Vatnar (sem átti 2 sekúndur eftir þegar Tjörvi féll) og sigur Elsu Maríu, varð hún 1½ fyrir ofan Tjörva sem hélt þó öðru sætinu þrátt fyrir tapið.

Úrslit í gærkvöldi urðu annars sem hér segir:

• 1   Elsa María Kristínardóttir                6.5 
•  2-3  Tjörvi Schiöth                                 5       
•          Vignir Vatnar Stefánsson             5       
•  4   Birkir Karl Sigurðsson                      4.5    
•  5-6  Jón Úlfljótsson                               4       
•         Sigurjón Haraldsson                       4     
•  7   Finnur Kr. Finnsson                          3.5   
• 8-11  Hilmir Freyr Heimisson                3    
•          Jakob Alexander Petersen           3      
•         Gauti Páll Jónsson                          3     
•         Arnar Ingi Njarðarson                    3      
•  12   Þormar Leví Magnússon               2    
•  13   Jóhannes Kári Sólmundarson     1.5 
•  14   Pétur Jóhannesson                        1      

Páskaeggjamót Hellis

Páskaeggjamót Hellis verður haldið mánudaginn 11. apríl 2011, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri.

Ókeypis er fyrir félagsmenn í Helli en fyrir aðra er þátttökugjald kr. 500. Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 1995 - 1997) og yngri flokki (fæddir 1998 og síðar). Að auki verða tvö páskaegg dregin út og efsta stúlkan í mótinu fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangurinn er milli Subway og Fröken Júlíu og salur félagsins er á þriðju hæð hússins.

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Kristján og Þorsteinn efstir á öðlingamóti

Kristján Guðmundsson (2275) og Þorsteinn Þorsteinsson (2220) eru efstir og jafnir með fullt hús að lokinni 3. umferð Skákmóts öðlinga sem fram fór í kvöld.  Kristján vann núverandi öðlingameistara, Braga Halldórsson (2194) en Þorsteinn lagði Jóhann H. Ragnarsson (2089).  Fjórir skákmenn hafa 2½ vinning.  Einni skák var frestað og fer fram á mánudagskvöld. 

Úrslit 3. umferðar:

Bo.	Name	Pts.	Result	Pts.	Name
1	Gudmundsson Kristjan	2	1 - 0	2	Halldorsson Bragi
2	Ragnarsson Johann	2	0 - 1	2	Thorsteinsson Thorsteinn
3	Thorvaldsson Jon	2	½ - ½	2	Thorsteinsson Bjorn
4	Gunnarsson Gunnar K	1½	1 - 0	2	Palsson Halldor
5	Bjornsson Eirikur K	1½		1½	Hjartarson Bjarni
6	Jonsson Pall Agust	1½	1 - 0	1½	Jonsson Sigurdur H
7	Loftsson Hrafn	1	½ - ½	1	Sigurdsson Pall
8	Olsen Agnar	1	0 - 1	1	Thorhallsson Gylfi
9	Valtysson Thor	1	1 - 0	1	Isolfsson Eggert
10	Jonsson Olafur Gisli	1	0 - 1	1	Kristinsdottir Aslaug
11	Baldursson Haraldur	1	0 - 1	1	Fridthjofsdottir Sigurl  Regin
12	Gunnarsson Sigurdur Jon	1	0 - 1	1	Ragnarsson Hermann
13	Eliasson Kristjan Orn	1	1 - 0	1	Hreinsson Kristjan
14	Jonsson Pall G	1	0 - 1	1	Gardarsson Halldor
15	Solmundarson Kari	½	0 - 1	½	Bjornsson Yngvi
16	Jonsson Loftur H	½	1 - 0	½	Ingvarsson Kjartan
17	Gudmundsson Sveinbjorn G	½	1 - 0	0	Thrainsson Birgir Rafn
18	Kristbergsson Bjorgvin	0	0 - 1	0	Eliasson Jon Steinn
19	Schmidhauser Ulrich	0	½ - ½	0	Hermannsson Ragnar
20	Johannesson Petur	0	½ - ½	0	Adalsteinsson Birgir

Staðan:

Rk.	Name	Rtg	Pts.
1	Gudmundsson Kristjan	2275	3
2	Thorsteinsson Thorsteinn	2220	3
3	Thorsteinsson Bjorn	2213	2,5
4	Gunnarsson Gunnar K	2221	2,5
5	Jonsson Pall Agust	1895	2,5
6	Thorvaldsson Jon	2045	2,5
7	Halldorsson Bragi	2194	2
	Ragnarsson Johann	2089	2
9	Valtysson Thor	2043	2
10	Palsson Halldor	1966	2
11	Ragnarsson Hermann	1985	2
12	Kristinsdottir Aslaug	2033	2
13	Thorhallsson Gylfi	2200	2
14	Fridthjofsdottir Sigurl  Regin	1808	2
15	Eliasson Kristjan Orn	1947	2
16	Gardarsson Halldor	1945	2
17	Jonsson Sigurdur H	1860	1,5
18	Sigurdsson Pall	1929	1,5
19	Hjartarson Bjarni	2078	1,5
20	Jonsson Loftur H	1581	1,5
21	Bjornsson Eirikur K	2059	1,5
22	Bjornsson Yngvi	0	1,5
23	Loftsson Hrafn	2220	1,5
24	Gudmundsson Sveinbjorn G	1650	1,5
25	Olsen Agnar	1850	1
26	Baldursson Haraldur	2020	1
	Jonsson Olafur Gisli	1842	1
28	Isolfsson Eggert	1830	1
	Gunnarsson Sigurdur Jon	1825	1
	Hreinsson Kristjan	1792	1
31	Jonsson Pall G	1735	1
32	Eliasson Jon Steinn	1465	1
33	Solmundarson Kari	1855	0,5
34	Ingvarsson Kjartan	1720	0,5
35	Hermannsson Ragnar	0	0,5
36	Schmidhauser Ulrich	1395	0,5
	Adalsteinsson Birgir	1360	0,5
	Johannesson Petur	1085	0,5
39	Thrainsson Birgir Rafn	1704	0
40	Kristbergsson Bjorgvin	1125	0

• Heimasíða TR
• Chess-Results

Öll pláss að fyllast í skákbúðirnar í Vatnaskógi

Mjög góð viðbrögð hafa verið við skráningu í skákbúðirnar í Vatnaskógi í Hvalfirði sem Skákdeild Fjölnis og Skákakademía Reykjavíkur standa fyrir um næstu helgi. Helgi Ólafsson stórmeistari og skólastjóri Skákskóla Íslands fer fyrir liði kennara og leiðbeinenda og Sælgætisgerðin Nói – Síríus hefur af miklum rausnarskap gefið á annan tug páskaeggja í verðlaun og fullt af nammi til að gæða sér á á kvöldvökunni í Birkiskála á laugardagskvöldið. Það verður því algjörlega óheimilt og algjör óþarfi að hafa með sér mat eða sælgæti í skákbúðirnar. Þátttakendur í skákbúðunum eru hins vegar hvattir til að hafa með sér borðspil til notkunar á kvölddagskrá og  að kynna sér vel þann búnaðarlista sem mælt er með að hafa meðferðis skv. auglýsingu. Hægt er að skrá sig á biðlista í skákbúðirnar á morgun fimmtudag á skrifstofu Skáksambands Íslands Faxafeni 12 í síma 568 9141.

Úrklippusafn MP Reykjavíkurmótsins

Tekið hefur verið saman úrklippusafn úr íslenskum prentmiðlun (Morgunblaðinu, Fréttablaðinu og Viðskiptablaðinu) um MP Reykjavíkurskákmótið.   Það má nálgast hér. 

Á heimasíðu mótsins hefur Halldór Grétar Einarsson, vefstjóri síðunnar, saman bæði innlendum og erlendum fréttum um mótið.  

Vigfús sigraði á hraðkvöldi

Vigfús Ó. Vigfússon sigraði með 6v í sjö skákum á hraðkvöldi Hellis sem fram fór 4. apríl sl. Vigfús tapaði ekki skák en gerði jafntefli við Jón Úlfljótsson og Sæbjörn Guðfinnsson í spennandi skákum þar sem mikið gekk á og hann náði jafntefli nánast fallinn á tíma í annarri skákinni og hinni náði hann að knýja fram jafntefli þótt hann væri fallinn. Í öðru sæti varð Jón Úlfljótsson með 5,5v en hann tapaði einnig ekki skák en gerði þrjú jafntefli. Næst komu svo Sæbjörn, Elsa María og Jóhanna Björg með 4,5v.

Lokastaðan á hraðkvöldinu:

1.   Vigfús Ó. Vigfússon                 6v/7

2.   Jón Úlfljótsson                         5,5v

3.   Sæbjörn Guðfinnsson              4,5v

4.   Elsa María Kristínardóttir         4,5v

5.   Jóhanna Björg Jóhannsdóttir  4,5v

6.   Björgvin Kristbergsson            4v

7.   Birkir Karl Sigurðsson               3,5v

8.   Hjálmar Sigurvaldason             3,5v

9.   Dawid Kolka                             3v

10. Daday Casaba                         3v

11. Gunnar Nikulásson                   3v

12. Arnar Valgeirsson                     2,5v

13. Pétur Jóhannesson                  1,5v