Skák.is

Færsluflokkur: Spil og leikir

10.4.2011 | 06:52

NM stúlkur – Pistill 3. umferðar

A-flokkur:
Erle A. M. Hansen, Noregi – Jóhanna 1-0
Elise Forså, Noregi – Hallgerður 0-1

Þær stöllur Jóhanna og Hallgerður tefldu við sömu andstæðinga í dag. Jóhanna tefldi með svörtu á móti Erle sem Hallgerður tefldi við um morguninn. Jóhanna missti aðeins þráðinn eftir byrjunina og fékk verri stöðu sem endaði með því að hún tapaði manni og skákinni stuttu síðar. Hallgerður tefldi með svörtu á móti Elise sem Jóhanna tefldi við í morgun. Andstæðingurinn notaði greinilega hádegið í að læra utan að langa teoríu í Caro-Kann en eftir um tuttugu leikja teoríu fór minnið að bresta og hún fór að leika ónákvæmt. Hallgerður hefur hins vegar teflt þessar stöður alloft áður og var ekki í vandræðum með að snúa andstæðinginn niður um leið og hún fór að leika ónákvæmt. Báðar íslensku stelpurnar eiga ágætis möguleika í þessum flokki. Það setur að vísu smá strik í reikninginn að þær þurfa að tefla saman í fyrramálið.

B-flokkur:Hrund – Kristine Larsen, Danmörku ½-½
Elín – Thea Nicolajsen, Danmörku 1-0

Þetta var í meira lagi skrautlegur dagur hjá Hrund. Í morgun lenti hún í því að tefla byrjun sem hún hefur aldrei séð en í dag tefldi hún hins vegar byrjun sem hún hefur oft teflt en skákin var með þeim skrautlegri sem sést hafa á mótinu. Hrund tefldi byrjunina vel og fékk unna stöðu en missti takið á stöðunni og allt í einu var andstæðingurinn orðinn skiptamun og peði yfir og Hrund með litlar bætur fyrir. Hrund til mikillar undrunar tók þá andstæðingur hennar upp á því að bjóða jafntefli sem hún þáði umsvifalaust og er því enn í góðum sénsum í þessum flokki. Magnaður endir á furðulegum degi hjá henni. Elín tefldi við hina dönsku Theu sem Hrund tefldi við í morgun. Það er skemmst frá því að segja að Elín tefldi eins og hún gerir best og vann mjög sannfærandi sigur (sjá skákina hér að neðan) með því að blokka drottningarvæng andstæðingsins og sækja kóngsmegin – virkilega vel gert hjá henni.

C-flokkur:
Freja Vangsgaard, Danmörk – Veronika 1-0
Ásta Sóley – Skotta 1-0

Veronika tefldi langa og stranga skák gegn Freju frá Danmörku. Skákin stefndi lengi vel í jafntefli en allt í einu tapaði Veronika peði og staðan því orðin heldur verri. Hún tefldi þó vörnina mjög vel og hafði á tímabili ágætis færi á að ná a.m.k. jafntefli en missti af mjög vænlegri leið og súrt tap var því miður staðreynd. Veronika er enn í mjög góðum sénsum í þessum flokki. Ásta Sóley fékk sjálfkrafa vinning þar sem önnur sænska stelpan mætti ekki í mótið vegna veikinda. Ástu er nú farið að klæja í puttana að setjast að borðinu í fyrramálið því henni finnst mun leiðinlegra að fylgjast með skákum annarra en að tefla sjálf. Í þessari umferð fengum við því enn og aftur þrjá og hálfan vinning eins og í hinum umferðunum. Nú er bara að taka á því og klára mótið með stæl í síðustu tveimur umferðunum á morgun.

(13) Nhung,Elin - Nicolajsen,Thea [B50]

1.e4 c5 2.¤f3 d6 3.¥c4 ¤f6 4.d3 g6 5.0–0 ¥g7 6.¥g5 0–0 7.¤c3 ¤c6 8.¦b1 a6 9.a4 ¥d7 10.¦e1 £c7 11.£d2 ¥g4 12.£e3 ¥xf3 13.£xf3 ¤e5 14.£e3 ¤xc4 15.dxc4 ¦fe8 16.£f3 £c6 17.b3 ¦ad8 18.¦bd1 h5 19.¤d5 ¤xd5 20.exd5 £d7 21.¦e4 f6 22.¥e3 ¢f7 Diagram 23.¦e6! ¦h8 24.¦e1 ¥f8 25.¥g5 f5 26.h3 ¦e8 27.g4 hxg4 28.hxg4 ¦c8 29.gxf5 ¦c7 30.fxg6+ ¢e8 31.£f7+ ¢d8 32.g7 ¥xg7 33.£xg7 £e8 34.¦xe7 ¦h1+ 35.¢xh1 £h5+ 36.¢g1 £g4+ 37.¢h2 £h5+ 38.¢g3 1–0

Davíð Ólafsson

Spil og leikir | Slóð | Facebook | Athugasemdir (0)

9.4.2011 | 18:10

Davíð, Áskell, Sævar og Tómas efstir á Skákþingi Norðlendinga

Davíð Kjartansson (2289), Áskell Örn Kárason (2250), Sævar Bjarnason (2141) og Tómas Veigar Sigurðarson (1959) eru efstir og jafnir með 4 vinninga að lokinni fimmtu umferð Skákþings Norðlendinga sem fram fór í dag. Sjötta og næstsíðasta umferð er nú í gangi en sjöunda og síðasta umferð fer fram í fyrramálið.

Úrslit 5. umferðar:

Bo.	Name	Pts.	Result	Pts.	Name
1	Karlsson Mikael Johann	3	0 - 1	3	Kjartansson David
2	Karason Askell O	3	1 - 0	3	Jonsson Sigurdur H
3	Sigurdsson Birkir Karl	3	0 - 1	3	Sigurdarson Tomas Veigar
4	Halldorsson Hjorleifur	2½	0 - 1	3	Bjarnason Saevar
5	Aegisson Sigurdur	2½	½ - ½	2½	Eiriksson Sigurdur
6	Bjorgvinsson Andri Freyr	2	0 - 1	2	Jonsson Pall Agust
7	Sigurdsson Sveinbjorn	2	1 - 0	2	Arnason Bjarni
8	Waage Geir	2	0 - 1	2	Sigurdsson Jakob Saevar
9	Thorgeirsson Jon Kristinn	2	½ - ½	1½	Jonsson Thorgeir Smari
10	Palsdottir Soley Lind	1	0 - 1	1	Jonsson Loftur H
11	Jonsson Hjortur Snaer	1	½ - ½	1	Magnusson Jon
12	Baldvinsson Fridrik Johann	0	1		bye

Staðan:

Rk.		Name	Rtg	Pts.	TB1
1	FM	Kjartansson David	2289	4	17
2		Karason Askell O	2250	4	16,5
3	IM	Bjarnason Saevar	2141	4	15,5
4		Sigurdarson Tomas Veigar	1959	4	14,5
5		Sigurdsson Birkir Karl	1481	3	14
6		Jonsson Sigurdur H	1860	3	13,5
7		Karlsson Mikael Johann	1835	3	13,5
8		Eiriksson Sigurdur	1944	3	12,5
9		Aegisson Sigurdur	1720	3	12,5
10		Jonsson Pall Agust	1895	3	12,5
11		Sigurdsson Sveinbjorn	1866	3	11
12		Sigurdsson Jakob Saevar	1801	3	10,5
13		Halldorsson Hjorleifur	1974	2,5	12,5
14		Thorgeirsson Jon Kristinn	1643	2,5	10,5
15		Jonsson Thorgeir Smari	0	2	14
16		Waage Geir	1470	2	12
17		Bjorgvinsson Andri Freyr	1310	2	11,5
18		Arnason Bjarni	1385	2	11,5
19		Jonsson Loftur H	1580	2	8,5
20		Magnusson Jon	0	1,5	12
21		Jonsson Hjortur Snaer	1390	1,5	10,5
22		Palsdottir Soley Lind	1214	1	12
23		Baldvinsson Fridrik Johann	0	1	9

Spil og leikir | Breytt s.d. kl. 18:12 | Slóð | Facebook | Athugasemdir (0)

9.4.2011 | 14:24

Héðinn tekur sæti í landsliðsflokki

Stórmeistarinn Héðinn Steingrímsson tekur þátt í landsliðsflokki sem fram fer 15.-23. apríl. Björn Þorfinnsson hefur hins vegar dregið sig út úr mótinu. Mótið verður 10 manna og fer fram á Eiðum sem er í næsta nágrenni við Egilsstaði. Til að ná stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5½ vinning. Umferðirnar hefjast kl. 14 á daginn. Keppendalistinn er sem hér segir:

Nafn	Tit.	Stig
Héðinn	GM	2554
Henrik	GM	2533
Stefán	IM	2483
Bragi	IM	2417
Þröstur	GM	2387
Ingvar	FM	2338
Guðmundur K	IM	2327
Róbert	FM	2320
Guðmundur G		2291
Jón Árni		2195
		2385

Sjá nánar á heimasíðu mótsins

Spil og leikir | Slóð | Facebook | Athugasemdir (0)

9.4.2011 | 13:41

NM stúlkur – Pisitill 2. umferðar

A-flokkur:
Hallgerður – Erle A. M. Hansen, Noregi ½-½
Jóhanna – Elise Forså, Noregi 1-0

Hallgerður var með hvítt á móti Erle frá Noregi. Sú norska tefldi mjög stíft upp á
jafntefli og eftir langa baráttu varð Hallgerður að sætta sig við það að hún næði ekki að
vinna skákina og jafntefli var samið. Það er greinilegt að stúlkurnar í A-flokki bera mikla
virðingu fyrir Hallgerði og gera allt til að drepa allt líf í skákunum á móti henni. Jóhanna
var með hvítt á móti Elise frá Noregi. Jóhanna vann örugglega í vel tefldri skák. Vel gert
hjá henni og tveir góðir sigrar komnir í hús.

B-flokkur:
Thea Nicolajsen, Danmörku – Hrund 0-1
Siff Talvad Linde, Danmörku – Elín 0-1

Hrund tefldi með svörtu á móti hinni dönsku Theu og ekki byrjaði það vel! Hrund var
aðeins annars hugar þegar skákin hófst og þegar andstæðingurinn lék d4 í fyrsta leik tók
hún óvart um riddarann á b8 og þá var ekkert annað að gera en að leika Rc6 í fyrsta leik.
Þetta er frekar sjaldséð byrjun sem Hrund hafði aldrei séð áður! Hún sýndi samt mikla
seiglu og eftir að hafa komist í heldur betra endatafl, vann hún örugglega. Elín tefldi með
svörtu á móti Siff frá Danmörku. Elín tefldi mjög vel og fékk fínustu stöðu. Sú danska
var orðin mjög hrædd og bauð jafntefli sem Elín hafnaði réttilega. Elín missti svo í
framhaldinu af mannsfórn sem hefði gert út um skákina en tapaði í staðinn peði og
skákinni í framhaldinu. Eins og Elín er að tefla, þá er alveg klárt að hún á eftir að vinna
sig upp í þessum flokki.

C-flokkur:
Veronika – Sara Hadi Mirza, Svíþjóð 1-0
Hanna Jacobsen, Færeyjum – Ásta Sóley 1-0

Veronika tefldi fína skák á móti Söru frá Svíþjóð
(sjá skák að neðan). Eitthvað var liðstjórinn að
stríða henni á því í gær að hafa ekki fundið nógu
fallegt mát þannig að hún vandaði sig því mjög
vel við það að máta andstæðinginn fallega í dag!
Ásta Sóley (mynd) tefldi við Hönnu frá Færeyjum og fékk
fína stöðu í dag en lék slysalega af sér drottningu
og tapaði því. Hún á klárlega mikið inni og er
engu lakari en hinar stelpurnar í þessu flokki.
Hún mun sitja yfir í þriðju umferð því önnur
sænska stelpan í flokknum veiktist rétt fyrir mót
og því stendur á stöku. Ásta verður því komin
með einn vinning þegar hún teflir aftur í
fyrramálið.

Magnusdottir,Veronika Steinunn - Mirza,Sara Hadi [C50]1.e4 e5 2.¤f3 ¤c6 3.d4 exd4 4.¥c4 h6 5.¤xd4 ¥c5 6.¥e3 £f6 7.c3 ¤ge7 8.0–0 0–0 9.¦e1 ¥b6 10.£f3 £g6 11.¤b5 ¤e5 12.£e2 £xe4 13.¤d2 £g6 14.¥xb6 axb6 15.£xe5 ¤f5 16.¤xc7 ¦a5 17.¤d5 ¦c5 18.¥d3 d6 19.£e4 ¥e6 20.¤f4 £f6 21.¤xe6 fxe6 22.£xe6+ £xe6 23.¦xe6 ¦d5 24.¥c4 ¦c5 25.¦e8+ ¦xc4 26.¦xf8+ ¢xf8 27.¤xc4 b5 28.¤e3 ¤e7 29.¦d1 ¤c8 30.¢f1 g6 31.¢e2 ¢e7 32.f4 ¢e6 33.g4 ¢f6 34.h4 b6 35.¦d5 b4 36.cxb4 ¢e6 37.¦b5 ¢f6 38.¢f3 ¢e6 39.f5+ gxf5 40.¤xf5 ¢f6 41.¤xh6 ¢e6 42.g5 d5 43.g6 ¢f6 44.h5 d4 45.¦d5 ¤e7 46.¦xd4 ¢g7 47.¦d7 ¢xh6 48.¦xe7 b5 49.a4! Diagram
49...bxa4 50.¢g4! a3 51.¦h7# 1–0

Í þriðju umferð sem nú er nýhafin eru eftirfarandi skákir:

Erle A. M. Hansen, Noregi – Jóhanna Björg

Elise Forså, Noregi – Hallgerður

Hrund – Sara Traber Olsen, Færeyjum

Elín – Thea Nicolajsen, Danmörku

Freja Vansgaard, Danmörku – Veronika

Ásta Sóley situr yfir.

Davíð Ólafsson

Spil og leikir | Slóð | Facebook | Athugasemdir (0)

9.4.2011 | 09:26

Aðalfundur Norræna skáksambandsins fer fram í dag

Aðalfundur Norræna Skáksambandins fer fram í dag í höfuðstövðum SÍ. Þetta er sennilega í um 15-20 sem fundurinn er haldinn hérlendis. Hingað er til mættir til leiks fulltrúar allra sambandanna. Í gær var óformlegur fundinn og slegið upp hraðskákmóti í húsnæði Skákakdemíu Reyjavíkur, President Cup. Gunnar Björnsson sigraði þar mðe 5½ vinning í 6 skákum eftir að hafa unnið norska kollegan Jöran Aulin-Jansson (2232) í hreinni úrslitaskák í lokaumferðinn. Gunnar fékk að launum bikarinn "President Cup".

Spil og leikir | Slóð | Facebook | Athugasemdir (0)

9.4.2011 | 09:12

Skákþing Norðlendinga: Sjö skákmenn efstir eftir atskákirnar

Skákþing Norðlendinga hófst í gær í Siglurfirði. 23 skákmenn taka þátt sem verður að teljast góð þátttöka. Í fyrstu umferðunum, sem tefldar voru í gærkvöldi, voru tefldar atsákir. Sjö skákmenn eru jafnir og efstir með 3 vinninga og ljóst að það má búast við harðri baráttu í dag en fimmta umferð hefst kl. 10:30. Tvær skákir eru tefldar í dag en mótinu lýkur á morgun.

Mótstaflan:

Rk.	Name	Rtg	1.Rd	2.Rd	3.Rd	4.Rd	5.Rd	Pts.
1	Kjartansson David	2289	10s1	12w1	2s½	3w½	7s	3
2	Bjarnason Saevar	2141	22s1	7w1	1w½	5s½	9s	3
3	Karason Askell O	2250	13w1	11s1	5w½	1s½	6w	3
4	Sigurdsson Birkir Karl	1481	9s½	19w1	6w1	8s½	5w	3
5	Sigurdarson Tomas Veigar	1959	15s1	18w1	3s½	2w½	4s	3
6	Jonsson Sigurdur H	1860	20s1	8w1	4s0	12w1	3s	3
7	Karlsson Mikael Johann	1835	23w1	2s0	16w1	11s1	1w	3
8	Eiriksson Sigurdur	1944	21w1	6s0	13w1	4w½	10s	2,5
9	Halldorsson Hjorleifur	1974	4w½	14s0	21w1	18s1	2w	2,5
10	Aegisson Sigurdur	1720	1w0	21s1	19w1	14s½	8w	2,5
11	Jonsson Pall Agust	1895	17s1	3w0	15s1	7w0	16s	2
12	Sigurdsson Sveinbjorn	1866	16w1	1s0	20w1	6s0	17w	2
13	Thorgeirsson Jon Kristinn	1643	3s0	17w1	8s0	20w1	18w	2
14	Sigurdsson Jakob Saevar	1801	19s0	9w1	18s½	10w½	15s	2
15	Waage Geir	1470	5w0	23s1	11w0	19s1	14w	2
16	Bjorgvinsson Andri Freyr	1310	12s0	22w1	7s0	23w1	11w	2
17	Arnason Bjarni	1385	11w0	13s0	-1	22w1	12s	2
18	Jonsson Thorgeir Smari	0	-1	5s0	14w½	9w0	13s	1,5
19	Magnusson Jon	0	14w1	4s0	10s0	15w0	21s	1
20	Palsdottir Soley Lind	1214	6w0	-1	12s0	13s0	22w	1
21	Jonsson Hjortur Snaer	1390	8s0	10w0	9s0	-1	19w	1
22	Jonsson Loftur H	1580	2w0	16s0	23w1	17s0	20s	1
23	Baldvinsson Fridrik Johann	0	7s0	15w0	22s0	16s0	0w	0

Spil og leikir | Slóð | Facebook | Athugasemdir (0)

9.4.2011 | 08:42

NM stúlkur – Pistill 1. umferðar

Í heildina gekk fyrsta umferðin ágætlega hjá okkar stúlkum. Liðstjórinn hefði þó þ

egið fleiri vinninga í hús en þrír og hálfur af sex með svart í fimm skákum er þó ekkert til að kvarta yfir. Í A-flokki tefldi Hallgerður (mynd) með svörtu við Helene B Søndegaard frá Danmörku. Sú danska fékk reyndar heldur betra úr byrjuninni en reyndi lítið til að vinna og hélt sér mjög fast. Hallgerður gekk á lagið og bætti stöðu sína smátt og smátt og innbyrti að lokum fínan vinning. Jóhanna tefldi við Amalie Lindestrøm frá Danmörku. (sjá skákina hér að neðan). Jóhanna hafði tögl og haldir allan tíman og kláraði loks skákina á fallegan hátt: 1.e4 c5 2.d4 cxd4 3.c3 dxc3 4.¤xc3 ¤c6 5.¤f3 e6 6.¥c4 a6 7.0–0 ¤ge7 8.£e2 ¤g6 9.¦d1 ¥e7 10.¥e3 0–0 11.¦ac1 b5 12.¥b3 ¥b7 13.£d2 d6 14.¥f4 ¤xf4 15.£xf4 ¦c8 16.¦d2 ¤a5 17.¥c2 ¤c4 18.¦e2 ¤xb2 19.¥b1 ¤c4 20.¥d3

20...¤e5! 21.¤xe5 dxe5 22.£e3 ¥g5 0–1

Í B-flokki tefldi Elín með svörtu við Maud Rødsmoen frá Noregi. Elín fékk ágæta stöðu úr byrjuninni en skorti sjálfstraust í framhaldinu og tapaði í framhaldinu. Elín er nú með það á hreinu að hún þarf ekkert að óttast þessar stelpur í sínum flokki og mun tefla af meiri ákveðni í komandi skákum. Hrund var sú eina af íslensku stelpunum sem hafði hvítt. Hún tefldi við Louise Segerfelt frá Svíþjóð. Hrund tefldi skákina vel að mestu leyti en lék reyndar einu sinni af sér en sú sænska missti sem betur fer af því! Hrund pressaði allan tíman og var sú sænska mjög fegin að sleppa með jafntefli. Vel tefld skák hjá báðum fyrir utan þennan eina afleik sem þær misstu báðar af. Í C-flokki tefldi Ásta Sóley með svörtu við Hanne B. Kyrkjebø frá Noregi. Það var talsvert stress hjá Ástu sem er að tefla á sínu fyrsta móti erlendis og fékk hún erfiða stöðu fljótlega og sá aldrei til sólar í skákinni og tapaði að lokum. Ásta er staðráðin í að gera betur í dag nú þegar hún hefur jafnað sig á mesta stressinu. Veronika er líka að tefla á sínu fyrsta móti erlendis og var einnig nokkuð stressuð sem kom fram í því að hún tefldi mun hraðar en venjulega. Hún tefldi með svörtu við Andreu Keitum frá Danmörku fína skák þar sem sú danska pressaði nokkuð í byrjun en Veronika vann peð og stóð nokkuð betur þegar sú danska lék skyndilega af sér hrók og úrslitin voru ráðin. Í heildina má þó segja að dagurinn hafi gengið nokkuð vel þrátt fyrir nokkuð stress hjá yngstu keppendunum. Markmið númer eitt næstu daga er að laga skorið hjá okkur á móti Noregi (töpuðum 0-2) en reyna að halda sama skori á móti dönum (unnum 3-0)! Af svefnmálum er það að frétta að íslensku tröllin fengu að halda stærstu rúmunum í Lille Norge og sváfu eins og englar í nótt! Kveðja frá Danmörku, Davíð Ólafsson

Spil og leikir | Slóð | Facebook | Athugasemdir (1)

8.4.2011 | 19:53

NM stúlkna - Úrslit fyrstu umferðar

Fyrsta umferð NM-stúlkna er rétt nýhafin. Pörun íslensku keppendanna er eftirfarandi:

A-flokkur:
Helene B. Söndegaard, Danmörk - Hallgerður Helga Þorsteinsdóttir 0-1
Amalie Lindeström, Danmörk - Jóhanna Björg Jóhannsdóttir 0-1

B-flokkur:
Maud Rödsmoen, Noregur - Elín Nhung 1-0
Hrund Hauksdóttir - Louise Segerfeld, Svíþjóð 0.5-0.5

C-flokkur:
Hanna B. Kyrkjebö, Noregi - Ásta Sóley Júlíusdóttir 1-0
Andrea Keitum, Danmörk - Veronika Steinunn Magnúsdóttir 0-1

Pistill á morgun.

Davíð Ólafsson

Spil og leikir | Slóð | Facebook | Athugasemdir (0)

8.4.2011 | 16:14

NM stúlkna - Pörun fyrstu umferðar

Fyrsta umferð NM-stúlkna er rétt nýhafin. Pörun íslensku keppendanna er eftirfarandi:

A-flokkur:
Helene B. Söndegaard, Danmörk - Hallgerður Helga Þorsteinsdóttir
Amalie Lindeström, Danmörk - Jóhanna Björg Jóhannsdóttir

B-flokkur:
Maud Rödsmoen, Noregur - Elín Nhung
Hrund Hauksdóttir - Louise Segerfeld, Svíþjóð

C-flokkur:
Hanna B. Kyrkjebö, Noregi - Ásta Sóley Júlíusdóttir
Andrea Keitum, Danmörk - Veronika Steinunn Magnúsdóttir

Annars er allt fínt að frétta af íslenska hópnum. Við komum hingað um kvöldmat í gær og dveljum í góðu yfirlæti í litlum sumarbúðum sem nefnast Lille Norge. Við og færeyingarnir vorum einu þjóðirnar sem gistu á staðnum í nótt. Við karlarnir tveir (undirritaður og Magnús faðir Veroniku) gerðum okkur því lítið fyrir og stálum einsmannsherbergjum svíanna sem tryggði góðan nætursvefn í nótt. Það verður svo látið reyna á það í kvöld hvort við höldum herbergjunum því hinn kosturinn eru þessar frábæru kojur í barnastærð sem eiga frekar illa við okkur þar sem við erum nú ekki minnstu mennirnir á svæðinu.

Fyrripart dags nýttum við í að fara í sund og göngutúr í bænum í rokinu í dag. Stelpurnar nýttu að sjálfsögðu tækifærið og lituðust um í fáeinum tískubúðum. Úrslit umferðarinnar ættu að vera klár á milli 8 og 9 í kvöld að íslenskum tíma.

Spil og leikir | Slóð | Facebook | Athugasemdir (0)

8.4.2011 | 09:00

NM stúlkna hefst í dag

Norðurlandamót stúlkna hefst í dag í Jetsmark í Danörku. Ísland á þar 6 fulltrúa í 3 flokkum. Í a-flokki (1991-94) tefla Hallgerður Helga Þorsteinsdóttir (2010) og Jóhanna Björg Jóhannsdóttir (1868), Í b-flokki (1995-97) tefla Hrund Hauksdóttir (1497) og Elín Nhung (1310) og c-flokki (1998-) tefla Veronika Steinunn Magnúsdóttir (1389) og Ásta Sóley Júlíusdóttir (1400).

Fararstjóri stelpnanna er Davíð Ólafsson, landsliðsþjálfari kvenna.

Heimasíða mótsins

Spil og leikir | Breytt s.d. kl. 07:31 | Slóð | Facebook | Athugasemdir (0)

« Fyrri síða | Næsta síða »