Henrik með jafntelfi í 2. umferð í Skanderborg

Stórmeistarinn Henrik Danielsen (2529) gerði jafntefli við búlgarska stórmeistarann Vladimir Petkov (2513) í 2. umferð alþjóðlega mótsins í Skanderborg sem fram fór í morgun.  Henrik hefur 1,5 vinning og erí 2.-4. sæti.  Í dag kl. 14 hófst 3. umferð en þá teflir Henrik við Danann Jackie Anderson (2348).

Pólski stórmeistarinn Kamil Miton (2629) er einn efstur með 2 vinninga.

Alls taka 10 skákmenn þátt í mótinu og tefla allir við alla.   Þrír stórmeistarar eru á mótinu og er Henrik þriðji stigahæstur.  Stigahæstur er pólski stórmeistarinn og félagsmaður í Taflfélagi Vestmannaeyja, Kamil Miton (2629).

• Heimasíða mótsins
• Skákirnar í beinni

Baldur Teodor í þriðja sæti á unglingamóti í Svíþjóð

Hinn íslenskættaði, Baldur Teodor Petersson endaði í þriðja sæti í sínum aldursflokki (fæddra 2001) á sænska meistaramótinu sem fram fór í Malmö nýlega.

Þess má geta að Baldur þessi er systursonur, Páls Sigurðssonar, sem fer mikinn í c-flokki Haustmósins.

Heimasíða mótsins

Henrik í beinni frá Skanderborg

Í dag hófst alþjóðlegt mót í Skanderborg í Danmörku.   Meðal keppenda er stórmeistarinn Henrik Danielsen (2529).  Í fyrstu umferð, sem nú er í gangi og er sýnd beint, teflir Henrik við danska FIDE-meistarann Igor Teplyi (2408).

Alls taka 10 skákmenn þátt í mótinu og tefla allir við alla.   Þrír stórmeistarar eru á mótinu og er Henrik þriðji stigahæstur.  Stigahæstur er pólski stórmeistarinn og félagsmaður í Taflfélagi Vestmannaeyja, Kamil Miton (2629).

• Heimasíða mótsins
• Skákirnar í beinni

Hraðskákmót á Garðatorgi á morgun

Taflfélagið Mátar stendur fyrir opnu hraðskákmóti á Garðatorgi á morgun, laugardaginn 16. október. Taflmennskan hefst klukkan 13.00 og stendur í 2-3 klukkustundir meðfram hátíð nokkurri sem blásið er til í tilefni opnunar fataverslunar Rauða krossins í Garðabæ. Eins og alkunna er hafa Mátar haft afdrep í húsnæði Rauða krossins frá stofnun félagsins og þakka fyrir sig með því að standa fyrir áðurnefndu móti.

Boðið verður upp á fjölbreytta og áhugaverða dagskrá á morgun, þar sem margt gleður augu og eyru. Nefna má listaverkauppboð, tónlistaratriði, tískusýningu og margt fleira. Allt er gert í þágu góðs málefnis.  Komið og takið þátt, njótið listar til góðs og sjáið Máta máta föt eða aðra Máta.

 

Kramnik sigurvegari í Bilbao

Báðum skákum sjöttu og síðustu umferð Alslemmumótsins í Bilbao lauk með jafntefli.    Kramnik sigraði því á mótinu, Anand varð annar, Carlsen þriðji en Shirov rekur lestina.   Anand er stigahæsti skákmaður heims eftir mótið.   

Fjórir skákmenn tóku þátt í mótinu og voru veitt eru 3 stig fyrir sigur og 1 stig fyrir jafntefli.  Tefld var tvöföld umferð. 

Staðan eftir 5. umferð:

1. Kramnik 10 stig (4 v.)
2. Anand 8 stig (3½ v.)
3. Carlsen 6 stig (2½ v.)
4. Shirov 4 stig (2 v.)

Heimasíða mótsins

Magnús Sigurjónsson sigraði á fimmtudagsmóti

Enn áttust tuttugu skákmenn viðá fimmtudagsmóti í TR. Vestfirðingurinn Magnús Sigurjónsson kom, sá og sigraði og var eini taplausi keppandinn en þau Örn Leó og Elsa María fylgdu honum fast eftir allt mótið. Viðureignir Magnúsar við þau tvö voru úrslitaskákirnar í mótinu og þar hafði Magnús betur. Úrslit í gærkvöldi urðu annars sem hér segir:

1   Magnús Sigurjónsson              6.5   

2   Örn Leó Jóhannsson               6     

3   Elsa María Kristínardóttir       5    

4-5  Birkir Karl Sigurðsson          4.5   

     Eiríkur Örn Brynjarsson         4.5   

6-8  Stefán Már Pétursson            4      

     Jóhannes Lúðvíksson             4    

     Csaba Daday                     4     

9-12  Jón Úlfljótsson                3.5  

      Gunnar Finnsson                3.5    

      Guðmundur K. Lee               3.5    

      Páll Snædal Andrason           3.5  

13-16 Hörður Aron Hauksson           3     

      Atli Jóhann Leósson            3    

      Kristján Þór Sverrisson        3     

      Vignir Vatnar Stefánsson       3     

 17   Björgvin Kristbergsson         2.5    

 18   Skúli Jóhannsson               2      

 19   Finnur Kr. Finnsson            1      

 20   Eysteinn Högnason              0     

 

 

Einar Kristinn efstur á Hraðskákmóti

Í kvöld fór fram hraðskákmót hjá Taflfélagi Vestmannaeyja og mættu 11 manns.  Einar Kristinn sigraði með 10 vinninga og tapaði aðeins fyrir Sverri.  Í 2-3 sæti urðu þeir Daði Steinn og Kjartan jafnir með 9 vinninga, en Daði Steinn vann innbyrðis skák þeirra.

  úrslit.
  1. Einar Kristinn Einarsson  10 vinn.
 2-3. Daði Steinn Jónsson       9 vinn.
 2-3. Kjartan Guðmundsson    9 vinn.
  4. Sverrir Unnarsson             8 vinn.
  5. Nökkvi Sverrisson             7 vinn.
  6. Karl Gauti Hjaltason          6 vinn.
  7. Róbert Aron Eysteinsson  5 vinn.
  8. Þórarinn I. Ólafsson          4,5 vinn.
  9. Sigurður A. Magnússon     4 vinn.
 10. Davíð Már Jóhannesson   2 vinn.
 11. Jörgen Freyr Ólafsson     1,5 vinn.

  Haustmótið byrjar næstu daga og er enn unnt að skrá sig til þátttöku.

Áskell og Mikael efstir á opnu húsi

Önnur umferð mótaraðarinnar Opins hús hjá Skákfélagi Akureyrar fór fram í gærkvöldi. Líkt og í þeirri fyrstu náði Áskell sér í 11 vinninga, en í þetta skiptið jafnaði hinn efnilegi Mikael Jóhann árangur Áskels. Sigurður Eiríksson kom næstur með 9 vinninga.

Staðan í mótaröðinni er þá þannig að Áskell er efstur með 22 vinninga, Mikael Jóhann er annar með 19½ vinning og Sigurður Eiríksson er í þriðja sæti með 17½ vinning. 

Úrslit í gærkvöldi:

Áskell Örn                                                     11 vinningar
Mikael Jóhann                                               11
Sigurður Eiríksson                                         9
Tómas Veigar                                                8½
Haki Jóhannesson                                          6
Smári Ólafsson                                              5½
Ari Friðfinnsson                                            4
Bragi Pálmason                                              1

Kramnik efstur fyrir lokaumferðina í Bilbao - Carlsen vann loks

Kramnik (2780) og Anand (2800) gerðu jafntefli í fimmtu og næstsíðustu umferð Grand Slam Final Masters Bilbao sem fram fór í dag.   Carlsen (2826) vann sína fyrstu skák er hann lagði Shirov (2749).  Kramnik er efstur fyrir lokaumferðina með 9 stig, Anand er annar með 7 stig og sá eini sem getur náð Kramnik að stigum en þá þarf hann að vinna Carlsen í lokaumferðinni og treysta á að Kramnik vinni ekki Shirov.

Fjórir skákmenn taka þátt í mótinu og veitt eru 3 stig fyrir sigur og 1 stig fyrir jafntefli.  Tefld er tvöföld umferð.  Skákirnar hefjast kl. 14:30.

Staðan eftir 5. umferð:

1. Kramnik 9 stig (3½ v.)
2. Anand 7 stig (3 v.)
3. Carlsen 5 stig (2 v.)
4. Shirov 3 stig (1½ v.)

Heimasíða mótsins

SA-pistill um Íslandsmót skákfélaga

Áskell Örn Kárason, formaður Skákfélags Akureyrar, hefur skrifað pistil um gengi félagsins á heimasíðu þess.

Heimasíða SA